رواية الشيهانة الفصل السابع والأربعون 47 - بقلم Shaqraa

السلام عليكم

الشيهانة
الجزء الثالث والاربعون

جرني يمه وابتسم..نبات هنا والصبح من وكت نطلع..
حبيبي مو تكول العمال يجون بالخمسة ونص لعد شوكت
نطلع..
ااخ اخ ماشبعت منج شلون بية..
ولا انا حبيبي بس لازم ارجع ماعدنا غير حل..
زين اخذج للبيت والصبح اوديج..
يابيت؟بيتكم لا لا..الله يخليك حبيبي اخذني
لبيت اهلي فدوات..حجيت بتوسل..

يلا يلا امشي ع السريع نسبح حتى مانتاخر ..
لا بلة..رفعت حاجبي بخجل..
اي شعبالج جا اتمنى تسبحيني بس ماكدر هناك
زحمة..
بقيت اباوعله برفعة حاجب واضحك..
شالني واخذني للحمام..
همزين بي صابونة..

حبيبي بسرعة لان دنيا ليل والطريق
يخوف..
حضني وعيونه بعيوني..تخافين وانت وياي؟
تؤ..اخاف عليك واريدك يمي..وانا احجي اخذ شفتي..
وانا بشغف صرت اناغي شفافه ..

بعدها كعدت وهو يذب عليه ماي لان نعست
يمشي ايده بشعري ويتغزل بوكاحة..
الى ان تنشطت بالماي وطلعت قبله كتله
استعجل..
انتظرته ع ماخلص وطلعنا ..الدنيا هدوء وساعة
١٢ الا ثلث..
رجعلي الكشن ليورا وانتجيت..حاجاني بضحكة..
نامي من نوصل اكعدج..

شينومني اصلا خجلانة شلون رح ادخل..
ليش الخجل؟
مادري خاف يبين عليه سابحة..
بلة باوعيلي..
درت وجهي عليه..باوع ورجع يسوق
وضحك بصوت عالي..
شبيييك..
ماجايبة حمرة؟
لا عبالي مخلية بس عايفتهم كلهم ماجبت شي..
شفتج مختومة هههههه..

عزاا عييب..
منين عيب رجلج انا وهم صارلنا شكد
مبتعدين عن بعض..يعني
بديهي يصير هذا الشي محد اله حق يعترض..
مو اعتراض بس انا استحي يعني..
اموت ع التستحي انا بس بحضني ماتستحي..
ههههههه..

دك فونه كلي جيبي الي جاي يشحن ..
شفته بابا المتصل..
هذا بابا!
اي فتحي خط ..
فتحت وسمعت بابا سلم ..ها بابا حيادر الله يساعدك..
يساعد بختك هلا بالغالي..
اكلك بابا ابقو وباجر تعالو..الدنيا ليل شيجيبكم
بعد..
لا لا واصلين احنا ماضل شي ..
ها دربالكم على روحكم الله يحفظكم..
يحفظك الله ويديمك..

سديت الخط وباوعتله..شبيك هههه تباوع
بحقد..
كله منج لو باقين..شوفي ابوج خطية باله يمي
يدري بية رجال محروم من مرته..
يحس مو مثل الحجية الله يحفظها واكفتلي
سچينة خاصرة..
لا تحجي ع ماما خزرته بضحكة..
لا عمي احبها غير جابتلي شيهانة معدلة..

وصلنا للبيت..نزلنا سوا وهو انتظر يفتحولي
الباب حتى يروح..
شوية وبابا فتح الباب..انا مندكة كون بابا مايشوفني
استحي..
زين دخلت بسرعة وخليته وي حيادر يقنعه
يبات يمنا..
اول مادخلت ماما جانت بالمطبخ..
استحيت اباوعلها..حجيت وانا مدنكة..هلوو ماما..

هلا ماما بالي يمكم تاخرتو..
اي بعد صارت ..انا نعسانة تصبحين ع خير..
اجمعين..حجت واحس وراها حجي بس متكدر
لان دنيا ليل..
ركضت دخلت للغرفة..
فعلا نعسانة كلللش ولو ماالتهيت وي حيادر بالسيارة
جان نمت..

بس بدلت ولبست شورت وبدي واريد انام..
اندك الباب مالت الغرفة..
جنت بعدني ماقافلته..تفضل منو..
انفتح الباب وفات حيادر..باوعلي بتركيز..
سد الباب وراه قفله..
وتقرب يمي عاقد حواجبه..بهذا لبسج وتكولين
تفضل؟
شنوو رح تبات يمي حجيت بفرح..
جاوبيني بالاول!عادي بهيج لبس تكولين
لاي واحد تفضل؟

لا حبيبي مو ادري بس ماما الي كاعدة كلهم
نايمين وادري بابا مايدك الباب عليه بالليل..
يعني محد يشوفج من اهلج هيج؟
لا محد وترى هم اهلي يعني مو شي حرام..
ماكتلج حرام..بس خجل وحياء..ماتشوفينها زحمة
يشوفوج اخوانج بهيج لبس؟
صح اخوانج وحلال يشوفونج بلبس بيت..
بس من يتكشف الجسم كلش مو حلو لا بحقج
ولا بحقهم..
اي اكيد اصلا انا استحي اطلع هيج..خصوصا بهذا
النقش المسوي انت..
جا لو داخلة امج توة مو انا شسوين؟
بينا الحجي يغمى عليه..

ههههه دتعاي خل ننام كلش نعسان..
مو كتلك بات يمي ماقبلت..
بعد استحيت من ابوج ..دخلني ووكف ع الباب
يكلي اذا تريد تطلع ادفعني من الباب لان مااوخر
واخليك تطلع بنص الليل..
فديت باباتي يحس بيه..
ابتسم وغمزلي..
يبوو لا تفهمني غلط نعسااانة..
هههه ديلا تعاي..

صدك بسرعة بس تمددنا نمنا ..
يوم ثاني ساعة ستة كعد حيادر وكعدني..
شيهانة شوفيلي الطريق حبيبة اريدن اروح..
فتحت عيوني بنعسة..حبيبي خليك..
ماكدر وراي شغل والعمال كفلت بيهم ابن عمي
ماكدر اروحلهم ماعدي وكت..
يلا بس شوفيلي الدرب اغسل واطلع وردي
نامي..
كعدت وانا اتثاوب..لاا تريك وروح..

هناك اكل هسه بس كومي ..
اي يلا ..كمت اريد البس دشداشة فوك ملابسي..
باوعلي وهو يلبس بملابسه..لبسي بسرعة لا اسوي
سواية..اخلي فيحاء تخابرلنا المكافحة..
هههه اعرفك تستحي ماتشوفني ماخذة راحتي..
ديلا لا تطيح نگطة الحيا عندي وتبتلين..
لا لا يلااا..

حجيت وانا افتح الباب..البيت هدوء محد
بالصالة..
طلع وراي وراح للحمام..كتله اسبح كال ولي
منا تريد تفضحيني ..
اروح اسبح بحمام السوك ومااسبح هنا..
عفته بالحمام وكعدت بالصالة وانا ميتة ضحك عليه..
طلع بابا من غرفته ..شافني كاعدة كتله
انتظر حيادر مستعجل بس يغسل ويروح..
كال امج محضرة ريوك خلي يتريك ويروح..

شوية وطلع ورجع لغرفتي عدل نفسه وانطاني
قبلة طويلة اصبر بيها نفسي..
وطلع بس بابا لزمه ع الريوك اكل كم لكمة وراح..
طلعت وراه للباب ورا ماراح رجعت ..
دخلت للمطبخ شربت ماي واريد ارجع انام..
حاجوني ماما وبابا اتريك..كتلهم نعسانة كلش..
احجي وانا مدنكة..
رجعت للغرفة وبس تمددت نمت..

كعدت الظهر ساعة بالوحدة..صدك شبعانة
نوم..
اخذتلي ملابس ورحت سبحت..
بطلعتي من الحمام لكيت ماما جاية من المطبخ..
صباح الخير زين كعدتي بقي بالي يمج
اجيت اجي اكعدج..
لا مابيه شي بس جنت نعسانة..حجيت وانا
امشي ..اريد اوصل للغرفة بس حتى اخلي
حمرة وخافي عيوب اخفي بي اثار حيادر..

لبست بدي مقبط اخاف يبين شي وورا اذني
خليت كومة كريم..شفتي خليت حمرة سحرية
كلش هواي..
وطلعت يمهم بالصالة هاجر وماما ويمهم يسر
يلعب..
هاجر تباوعلي فرحانة وتسولف وياي ..
بس ماما ملتهية تسولف وي يسر وتلعبه..
وانا احاول اتهرب شكد مااكدر..

لحد ورا الغدا ماكدرت تنفرد بيه لان دخلت
لغرفتي..
ورا المغرب خابرني حيادر ويسب بيه ..
ويكلي ظهري شمسوية
بي..
رحت الظهر للعمال وكعدت يمهم وذبيت دشداشتي
خاف تتلف انوب انشهرت..
وابن عمي تلاحكلي ولبست همزين بسرعة شافني..
ذن اظافرج قصريهن ماتلومين غير روحج اذا اذيتج
وانا اضحك وهو يكلي يصير خير انا الج..

اندك الباب صحت منو..اجاني صوت ماما ..
هي دخلت وهو مستمر يحجي..شوفي فد متحلف
اردلج زلوغج الزلغتي بيها ظهري بس بطريقتي..
ومستمر يحجي عناد بيه لان سمع ماما
يمي..
هي شافتني وجهي فالت كالت اذا خلصتي تعاي يمي
بالمطبخ ساعديني..
هزيت راسي الها وهو مستمر يحجي..

ورا ماطلعت حجيت ويا باعصاب..ليييش
هيج خليتني وجهي يفلت..
هههههههه شبيج قابل حاجي كدامها..
عزا غير احس جسمي برد من الفشلة والارتباك..
مدري افكر بحجيك مدري استحي منها..
ههههههههه دروحي طلعي شوف شتكلج وتعاي
عاتبيني..
اذا ماكلتلج شبيج توة جنج وحدة ...
عزااا انتحر انتحر ولا هالفشلة ..
روحي وسولفيلي مو تنسيين ..
هههه اوك ..

سديت الخط وهدأت نفسي وسويت
روحي طبيعية وخليت حمرة وطلعت..
لكيتها بالمطبخ مخلية يسر يمها جاي يلعب
وهي تحضر كباب للعشا..
ها شنو كباب شوي لو كلي؟
لا نفرشه بالصينية ونشوي بس طلعي فلفل بارد وحار
وطماطة حتى نشوي ويا..
رحت اخذت من الثلاجة ووكفت اكصص..
يسر راد خيارة انطيته وراد يدخل جوا..
راحت هي شالته وكعدت ع الميز تحاجي..

خطية حبيبي يريد امه يريد يروح جوا...
اي ادري بي كلساع يكمز ..خطية ابوه توة
راجع تعبان من الشغل..
كتلهم جيبو خلو يمي..
بس هذا فلفل يمكن لاكف على عمام امه..
انا حجت هيج حسيت القصفة اجتلي موجهة واستقرت
بكصتي..
ضحكت وهي هم ضحكت..

شلونه بيتج عجبج؟؟
اي حلوو عندي كم صورة هسه اشوفج ..
تصميمه مرتب وفرهـ ..
اي كال محمد من راح ..هم بعد هذا شغلهم اكيد
يسوون افضل شي..
ايي هو كال ليش متجون انت وبابا تشوفو..
اي حاجه ابوج كله كم يوم ونروح نشوفه..
بعد ماترهم هسه ماكامل..

خو مااخذج لاهله البارحة؟
لا طبعا مااروح هناك..
يعني بقيتو بس ببيتج؟
ها ايي..حجيت بتلعثم..
اي دربالكم بعد هسه ماترهم التصرفات الطايشة..
لا يصير حمل وانت ماعايشة ويا بنفس
البيت وزحمة ..خصوصا عيالج يتصيدون بهيج
مواقف..
سكتت ماحجيت شي اصلا نسينا سالفة الحمل
من شوقنا ماندري شوكت رحنا شوكت خلص الوقت..

بالليل من خابرته وجاي نسولف..كتله احنا نسينا
شغلة الحمل..
كال لا واذا صار شكو بيها..مابقى شي ويكمل
البيت وتجين..
وحتى لو تاخر عادي انت مرتي وحلالي ومحد اله
شي عدنا وماخلاني احجي حجاية بعد..
بس انا صدك بديت افكر بهالموضوع اذا صار
والبيت ماكامل شلون..شكد عيب واشوفها صعبة..
تالي كلت من يكول يصير شبيه افكاري مستعجلة..

البوم رحنا اختارينا الوان صبغ وهم راد
اروح ويا وجان ضايج وروحه بخشمه..
سالته شبيك يكلي تعبان وبس ..ورادني
اروح ويا بس رفضت..
وشكد حاول يقنعني ماقبلت..عاط
بية ورزلني وتعاركنا ورجعني
وراح..
جانت الدنيا مغرب..دخلت لكيت ماما ومحمد يتناقشون
بسبصوت عالي وشوي محتدة الامور بينهم..

بابا جان مو بالبيت وحسن يمهم ويحاول يهدأ الامور..
سالتهم باستغراب شصاير..جاوبني حسن..
ماما تريده يخطب وهو مايقبل..
اندارت علي ماما وحجت بعصبية..انت هم تطلعين تدرين
بي وساكتة؟؟
بسنو ادري ماما؟
حجه محمد وهو يكتهم عصبيته..حاجيها بلة شنو
تعرفين ؟ضام شي عنها قابل؟

لا ماما ماكو شي غير التعرفي انت..بس صدك
محمد انت وضعك غريب وحقها هي انت ابنها
الكبير من حقها تفرح بيك وتشوف اطفالك..
جر نفس قوي وذب حسرة..الخلاصة انا لا رايد
طفل ولا رايد مرة..

اذا تحبيني صدك وتردين مصلحتي..موضوع الزواج
لا تفتحي وياي الا انا افتحه..
ماريد يعلى صوتي وياج لو يطلع مني تصرف
يقهرج..بس نفسيتي كلش وصاير مااتحمل شي
عوفيني من تهدأ روحي واما اكلج..
باس ماما من راسها وايدها وكلها انا صاعد انام..
حجت بقهر وصوت ناصي..الله يرضى عنك ماما ويهديك..

صعد فوك وحسن راح لغرفته ..هاجر جانت
بالمطبخ تسوي عشا..
هي باوعت ع باب المطبخ وحاجتني ..
شعجب مارحتي لبيتج؟
ها لا مارحنا بعد ..اجاوبها واحاجي روحي شمدريها
بيه..

دخلت جوا بدلت ورحت يم هاجر للمطبخ..
اول مادخلت حاجتني بضحكة..
ها خية شعدج راجعة مارحتي لبيتج تعشيتي وي رجلج..
بعد خفنا نتاخر والدنيا ليل شيرجعنا..
اي ابقي باتي يمه مسكين ..
لا العمال يجون من الفجر..
خية هو اليوم يبات بي ..قبل شوية جنت احاجي امي..
كالت عاركته بيبيتي الظهر وخذاله علاكة هدوم وراح
لبيته..

ليش؟بس ماكال كدامي ماحجه..
ووين ينام هناك صبغ والريحة تخنك..
بعد ماتعرفينه من يقفل محاجي ابوي ..وحتى خالي رايح وراه بس
ماقابل كايله بيتي هنا اريحلي..
استغفرالله زين ليش تعارك وياها شصاير ..

لان كايللها انا اجيبلج الدوا بطريقي من اجي وهي
تكله انطي بهادر فلوس هو يجيبلي..
وهو الصبح موصي عمي بهادر يجب الدوا ..وهو مجاوبه
من هسه تبريت منهم بعدك ماطلعت ودوا لامك ماتجيب..
هي تكله انت نسيتنا بعد مو بحالنا
وبهادر يكلها وصاني اجيبلج دوا ..
مزيد النار حطب ومخلي
بيبيتي تكب..
عاد كايللها اروح اجيبه واجي وهي تكله ماريد منك
انطي بهادر يجيبلي..

هو رايح جايب الدوا وجاي وهم
بيبيتي شامرته بالكاع وكايلة اله كلشي ماريد
منك ..
عدي ضنا غيرك يشيلني ويشيل كبرتي
وانت ضل تاليتك تموت وحيد لا ضنا ولا ااخو..
خطية مقهور وماخذ هدومه وطالع..
يعني هسه يبات هناك؟
اي رايح ويا خالي يبات يمه لان ماقبل يرجع ويا
خالي الجبير..

انقهرت من حجت هاجر وندمت لان مارحت
ويا..
وادري بي ماحجالي لان مايريدني انقهر
وانا منا عندي ردة فعل من اهله..
شي متوقع ماراح يحجي ..وانا زيدتها
عليه ومارحت ويا..
رحت للغرفة خابرته ماجاوب..عفت الفون كلت
تالي اتصل..
ورجعت اتصلت بوقت الي نحجي بيه يوميه بالليل
ماجاوبني..
انقهرت وعفت الفون كلت حتى من يدك مااحاجي..

غفيت وانا مقهورة ..وكعدت الصبح اول شي
باوعت للفون ..لكيته مخابر بالخمسة الفجر..
حتى مامكلف نفسه وداز مسج.بس بالي يمه
شلون نام البارحة..
بس مراح اراسله خلي..

بقيت للعصر كاعدة ع نار بين مقهورة وبالي يمه..
شوية ودك الفون..كمزت اخذته..لكيته يتصل..
تاخرت يلا جاوبت..
فتحت خط وسكتت..
تنهد وحجه بهدوء..الو..
هلاو..
ويساعدج شلونج..
الله يساعدك..حجيتها وانا فشلانة..
شني جا انت مغتاضة لو انا المغتاض..

الله يبعد الزعل..بس انت قهرتني..يعني استحي
اجي وياك احس الكل يعرف احنا المن رايحين..
هوبج هوبج ..شني المن رايحين؟؟غير مرتي واريد
اكعد يمها احاجيها اسرها..
جا انا لو رايد بس اريح روحي جان خذيتج للبستان
وعادي مرتي وحلالي شعدها الناس وياي..

بس اهاليتنا كلها تدري بيج مو يمي وتدري صارت
مشكلة وانت عد اهلج...
شفتها ثكيلة اجيبج ويشوفونج طابة يوم واحد ويوم
ثاني ترحين لاهلج ..لو انج وياي وبيت اهلي مثل
كبل..
مايهمني اخذج للبستان يمتى ماريد..لن من يشوفونج
رادة للبيت ماراح يفكرون بشي..
بس هسه لو شافوج اول شي يجي ببالهم وهذا
الماريدهم يتخيلونه..وانا زلمة واعرف الزلم
شتتصور وشنهي عكلها يرسملها..

اعرف اصلا اول شي خلاني احبك خوفك عليه..
بس انت جنت امس مزعوج وماكتلي شبيك
وطلعت عصبيتك بيه..
صح مزعوج ومقهور ومالي خلك :.بس مانيتي
اذب حركتي بيج..هو انا راحتي يمج ..
اصيرلك راحة انا حياتي لا تزعل ولا تضوج..
هوني عليه شيهانتي كلبي رهيف..
هههه تعال مشتاقتلك حيل..وهم اروح وياك
للبيت..
لا اليوم مااكدر..عدي جم شغلة..
باجر اجيج ..
اوك حبيبي..

طبعا اعرف مايريدني اجي حتى لا اكشف
هو بايت هناك واسأله عن سبب المشكلة..
سكتت وخليته براحته..
طلعت برا كعدت يم هاجر وبقينا نسولف..
ماما جانت هي وبابا بالسوك ..
شوية ودخلو..
عزلت المسواك ومشتريتلي ملابس واشياء
هواي انطتني..
طلعت علبة فراولة جايبة..انا شفتها بس متت
عليها..

اخذتها من ايدها وامطك اممممم..اكلت وحدة
بلا مااغسلها..
حجت بلوم ..ماما غسليها مايصير..
اخذت الثانية ..ماما مشتهيتها كلللش..حجيت
وانا امطك..
باوعتلي بنص عين..وصفنت..
كومي غسليها وبطريقج اخذي الغراض
وياي للمطبخ..
كمت شلت العلاكات ودخلت للمطبخ..
دخلت وراي بسرعة..
شو تاكلين الفراولة بشهية غريبة؟؟
من قبل احبها..
ماما هسه انت مو تحبيها انت مفجوعة عليها..
بس لا الابالي صدك ياويلج شاها..
شنو ماما..

للحكاية بقية
بقلم شقراء(قمركانون)

طشي عيناي قابل الطشة حرام😂

لا انت وضعج ميؤوس منه خطية😂
بس بعيدا عن الشقى ترى البربين ينضرب بي المثل ..من تكون
البنية ترفة ووجهها ريان مثل مايكولون ..لان البربين او البقلة
من الخضر البيها سر عجيب..دوا لهواي امراض ومشبعة ومثل مايكولون
مدللة ببيئة عادية ..اني شخصياً سامعة هالكلام يعني مو مني
ونادراً ما واحد يشبه بالبريين لان مو اي واحد يعرف قيمته مثلا كلها تكول شطب ريحان والريحان بشوية ماي زايد يحترك ويذبل بينما البربين
لا يعني قوي وروحه قوية ..دخلتكم اليوم بسوك المخضر بس احب
انطي معلومات عامة واكيد اغلبكم يعرفها بس زيادة خير🙂

تعليقج قريته وغصيت بالبيبسي وبقى بلعومي مشحوط يوم كامل😂😂😂