رواية الشيهانة الفصل الثالث عشر 13 - بقلم Shaqraa

مساء الراحة الشيهانة الجزء الثاني عشر فتحت الباب وطلعت ركض، أباوع باب غرفة ماما مفتوح وصوت الصريخ منه. ركضت ورجلي كوة شايلتني، أباوع ماما مملخة شعرها وبابا وإخواني لازميها وهي تلطم. ركضت لها وسألتهم بخوف: شكو شبيها شبيها ماما؟ جرني محمد وهدأني: خالو حازم توفى. شلووون؟ أباوع ماما أغمى عليها وكلنا ركضنالها نكعد بيها. جسمي كله يرجف ودموعي تصب. كعدت ماما وبابا جاب لها العباية لبسها وأخذها لبيت جدي.

راح وياهم محمد وحسن بقى يمي. حجالي حسن عن خالو، خطية مدعوم برجعته من المحل مالته، ومدخلي عمليات كبل بس صاير عنده نزيف وميت. وهو الوحيد لأمي والمدلل كلش يحبوه. خوالي ثنين مستشهدين بس هو باقي. يعني فقده فاجعة ما تنحمل. للصبح حسن راح للشغل وأنا بقيت وحدي بالبيت. ما متعدة أبقى وحدي، خفت وكل شوي يتخيلي شي. وبدت عندي دوخة ورجفة. خابرني حسن: شاها أنا جاي بالطريق بس أخذت إجازة وإجيت لأن ممنوع نغيب تعرفين.

أنا أرجف: أي عفية حسن استعجل أنا كلش خايفة ودايخة. استغفر الله، روحي لبيت عمي بسرعة لا تبقين وحدج. أي يلا رايحة. دخلت ركض لغرفتي وأنا أصلي على محمد وآل محمد حتى أطمن نفسي وما أخاف. لبست عبايتي والشال وطلعت. باب الشارع بس طبكته ما قفلته. دكيت باب بيت عمي، طلعت لي هند. خطية شبكتني وبقت تبجي وعبالها أنا رايحة وي أمي ما تدري بيه وحدي، لأن هي أمها هم رايحة للفاتحة.

من شافت رجفتي وخوفي سوت لي عصير ليمون وشربت، بعدني ما مكملته. عيوني غوشت، وطاح من إيدي وبعدها ما حسيت بشي. كعدت لقيت هند خطية تغسل بوجهي، بس شنو جسمي كله يرجف وحلكي نشف. احتارت هي كالت: راح أخابر محمد يجي ياخذج للمستشفى. بس قلت لها: حسن جاي بالطريق. كعدت يم رجليها عصرتني وتسولف وياي. شوية وإجه حسن. بس شافني هيج أخذني للمستشفى وهند ويانا. بس شافوني بسرعة شكلوا لي مغذي. وتحليل وفحوصات.

طلع سكري كلش هابط يعني بيني وبين الموت شعرة. خفت أكثر من سمعت، ما أعرف شبيه أنا. بسمرات الإنسان يكون خايف من شي ما يدري بيه شنو. أنا انقهرت ع خالو وع ماما، بس قبله متخوفة وأحس نفسي ما مرتاحة. طلعت من المستشفى لبيت عمو كبل أخذوني. ما كدرت أروح للفاتحة بس بابا إجه العصر تطمن عليه وراح، لأن ماما كلش منهارة وهم هو وياهم بالفاتحة واكف. وحسن ومحمد هناك بقوا. لليل إجت مرت عمي هم سوت لي أكل وهي وهند داروني كلش.

يوم ثاني الصبح إجاني، كعدت من وكت. هم مرت عمي راحت للفاتحة وهند سوت لي ريوك. شوية واندك الباب، راحت هند فتحته. دخلت وياها حنين. بس شافتني إجت لي تركض شبكتني وبقت تبجي. خليت راسي بحضنها وبقيت أبجي وهي تهدي بيه. ارتاحيت بحضنها وهدأت نفسيتي. صح ما خابرتني ولا سألت أمس وانقهرت. بس عذرتها. وهسه من إجت تغيرت نفسيتي. بقينا نسولف وهي تحجي عن عيالها وعمتها مخبلتها حتى ع الأكل تحاسبها. وبهادر ما يدافع لها ويكل لها تحملي.

ونسوان حموينها شادات وياها. وكاعدة تدرس للدور الثاني وبهادر يساعدها. بس ما جابت سيرة حيادر ولا أنا حجيت بي. وأدعي كون ما تحجي عليه أو تذمه. بقت يمنا للعصر وإجه عليها بهادر. ودعتني وراحت، بس أنا ما أكدر أكوم أصلاً، جسمي ما بي أي قوة أبد. ورا ما طلعت بوقت. ساعة تقريباً. دك الفون مالتي، شفت حيادر يخابر. ما كدرت أجاوب لأن هند كاعدة يمي. سويته صامت وبقيت أباوع لهند مندمجة تباوع مسلسل. دز مسج: شيهانتي سلامات طمنيني عليج؟

تنهدت وأنا محتارة، أجاوب لو لا. غمضت عيوني بتفكير، فتحتهم وكتبت له: الحمد لله بخير. البقية بحياتج والله يرحم روح خالج. صحتج شلونها شلون صرتي؟ أنا توني سمعت من الوالدة حاكيت لها حنين. لا أحسن شوية، بعد هذا أمر ربنا. ونعم بي، دير بالج ع روحج لا تنقهرين مو زين عليج. وو.. صح مو وقتها بس حجى لك الوالد عن رفضه إلي؟ أي.. من أتخرج الله كريم. زين هذا كرايب أمج شني موضوعه؟

خاطبني منهم من قبل هو، بس أنا من حاجاني بابا قبل كم يوم. قلت له ما أقبل بي أبد، وهو تفهمني كال براحتج. الحمد لله هذا هو المهم هو مقتنع برأيج. لا ما يجبروني بشي، يلا أترخص أنا. مرخوصة مدللة كلبي، دير بالج ع روحج. أوكي باي. سديت الفون وخليته يمي وأنا مبتسمة. رجعت فتحت واتساب، أباوع لصورته مخليها بس لابس نظارة. بقيت صافنة بي وأسولف وي نفسي: شلون هيج توغلت بقلبي! قبل جنت أضوج منك لأن تباوع لي ولأن أخو بهادر.

بس بليلة ويوم كلشي تغير. غمضت عيوني وهدأت عقلي. تعبانة وعيوني فاتحتها كوة. شوية ونمت. كعدت أصوات هواي وهوسة وحجي. فتحت عيوني محد يمي، بس الصوت جاي من الصالة. أصواتهم مو غريبة وهم يسولفون، سمعت بينهم صوت حيادر وبهادر. معقولة متوهمة! شبيه هالايام بس أنام أكعد ع حدث لا بالبال ولا بالخاطر. كعدت لحيلي بس مسطورة. ثبتت رجلي بالكاع، فركت وجهي وكمت، دارت بيه الدنيا. انتجيت ع القنفة. شوية شوية مشيت للمطبخ.

أباوع هند واكفة تمسح استكاين وتروح وترجع. باوعت لي وصفنت، خلت الاستكان ع الكاونتر. إجت يمي سندتني، كعدتني ع الكرسي. ليش كمتي شاها ليش ما صحتِ عليه؟ سمعت أصوات هواي منو هنا؟ حطت الاستكان بالصينية وباوعت لي بحيرة: حموين حنين هنا. ها بس وقت مغرب شعجب إجوا؟ تباوع لي وتلوب: أكلج خية بس أودي الجاي وأجي. صبته وأخذت الصينية وطلعت من المطبخ. شوية ودخلت هي وحسن، إجه يمي وباسني براسي: شلون صرتي؟ أحسن يعني شوية، بس دوخة كلش.

أي دمج نازل وأنتِ ما جاي تاكلين شي. صحيح، شلونها ماما؟ كل ما أخابرها بابا يكول ما تكدر تحجي. أي هي عايفة الفون يم بابا وبعد ملتهية بالعزا. وبيبي كلش متخربطة وتعبانة. سودة عليه الله يساعدها. أكلك شنو شيسوون جوا عيال حنين أسمع أصوات؟ إجوا يعزون بابا. يعني بابا هنا؟ أي إجه، بعد اليوم الثاني بس حسبوا ختمة. لعد وماما؟ باجر تجي بقت وي بيبي اليوم ما تكدر تعوفها.

كومي ارجعي تمددي، وأنا هسه أوصي لك تكة ومعلاك حتى تتعشين وترد روحج. حبيبي الله يحفظك، بس خل نرجع لبيتنا أحسن. لا اليوم أبقي هنا يم هند، تهتم بيج بلكي باجر تصيرن أحسن. ع ما تجي أمي عاد عينها عليج، إحنا نروح للشغل خو ما تبقين وحدج. أوكي. هز لي راسه وكام، وهند أخذتني للغرفة تمددت. بقيت مغمضة عيوني، من أغمض أرتاح. شوية وإجه بابا يمي، بوسني وسولف وياي وسألته عن ماما كال باجر أجيبها. شوية وكام.

إجت يمي هند وسألتها: أكلج هند منو جاي بالضبط من عيال حنين؟ بهادر وإخوانه ثنين وخاله. آها لعد شعجب أبوه ما إجه؟ ما أدري بعد يجوز مشغول. أي صح، هسه راحوا لو بعدهم؟ لا بعدهم. زين يعني شفتيهم؟ لا ما شفت أحد بعد دخلت جوا وما أكدر أباوع من الشباك. الدنيا ليل ويكشف. أي صح. صفنت وأنا أفكر حيادر موجود وياي بنفس البيت. يعني سلم ع بابا وحسن، وهم إجوا حضنوني. أوه.. شبيه تخبلت شكد عيب.

أوف هسه لو أكدر أكوم، جان وكفت بشباك المطبخ وطفيت الضوا وشفته من يطلع. بس ما أكدر عيب من هند، هسه تكول مريضة وتبارع ع الولد. بقيت بقراشي، شوية وإجه حسن جاب لي علاكة أكل. أخذتها هند وصبت بصينية وجابته. قال لها حسن: حضري بعد جاي، لأن جايب ويا عشا لهم. هي أخذت لها لفة وراحت. وأنا انفتحت شهيتي، أكلت وأنا أتخيل حيادر هسه جاي ياكل. شبيه اليوم بس أتخيل ما أدري. شوية ودك فوني، رقم غريب، جاوبت طلعت ماما. بس صوتها رايح كلش.

بقيت أبجي وأحجي وياها كوة تفهمني. تطمنت عليه وقلت لها ما بيه شي صرت زينة. بقوا حيادر وإخوانه للساعة بـ 11 يلا راحوا. وبابا وإخواني راحوا وكالوا باجر عندهم دوام من يرجعون يجيبون ماما. ورا طلعتهم بشوية نمت. يوم ثاني أحسن وضعي شوية، الدوخة خفت. كمت سبحت وتريكت يعني أكدر أسند نفسي. مرت عمي جاية بالليل ولاقيتني نايمة. قالت: أمج تسلم عليج وبالها يمج. سألتها عنها قالت: لا يبقى بالج عليها زينة ما بيها شي.

للعصر إجاني محمد أخذني من بيت عمو. دخلت للبيت ملهوفة عليها. طلعت لي من باب المطبخ، ذبيت نفسي بحضنها وأنا أشم بيها. بقيت أبجي بهدوء. وهي هم بس ظهرها يهتز كد ما كاتمة بجيتها. أخذتني جوا كعدنا. وقالت: سألوا عنج هناك قلت لهم مريضة. لقيتها مركبة تشريب لحم أحمر. تدري بيه أحبه، بس ما خلتني أكوم. راحت تنظف لأن البيت كلش هوسة ومعفوس، عود الولد نظيفين وأبد ما يوصخون بس يمكن للسرعة ما ملحكين.

بقيت كاعدة بالصالة وحدي، بابا راح يسبح ومحمد صعد لغرفته. راسلت حنين حجيت وياها. ها شاها شنو الأخبار شصار من بيتكم؟ يا بيت شبيه؟ ولج قصدي الحرامية، ما عرفوا شي الشرطة؟ شنووو يا حرامية عزااا. يا ما تدرين؟ عبالي تدرين ولج. مو بيتكم أمس انباك، أبوي من راجع شايف بابكم مفتوح. داخل لاقي معفوس والكاميرات مكسرة ومكلوب فوق جوا. وخابر لبهادر قال له: الحكني بيت أخوي انباك، وما عندي أحد أخوي وولده بفاتحة خالهم.

ولج حنين تحجين صدك؟ أي خية حتى راحوا الولد الكم وجايبين الشرطة ومخططين البيت. ماخذين فلوس بس الذهب بمكانه. أنا من سمعت كلامها أحس حيلي كله باد. رجعت واسي ع القنفة وعفت الفون حتى ما كملت حجي وياها. عزا بيتنا مبيوك وما حجوا كدامي، عزا يعني لو بايتة بالبيت جان قتلوني. شوية وإجت لي ماما. شاها شبيج شنو دختي؟ كعدتني وهي تتفحصني تباوع بوجهي. ماما صدك داخلين لبيتنا حرامية؟ غمضت عيونها وتنهدت: منو قال لك؟

مو حذرناهم محد يحجي عوزج هبطة لو خوف أنتِ؟ يعني ماما شلون هسه خاف يرجعون بعد؟ شيرجعون ماما صار لنا سنين كاعدين ما صارت بينا. بس لأن بيتنا فارغ داخلين. ماما أخاف. استغفر الله، لا تخافين ما نخليج وحدج. أخلي حسن ينام يمج. يلا أصب لك التشريب وأجي. قامت وهي وأنا داخلي مرعوب. أتصور اليوم يجي الحرامي ويبوك ويكتلنا ومحد يدري بينا.

جابت لي الصينية وكعدت يمي: أكلي ماما وشيلي الأفكار السودا من راسج، لا تعبيني فوق تعبي تقلقني عليج. أكلت شوية وعفته، نفسي انسدت كلش. أخذت الفون راسلت حنين، لأن عفتها مساع ما جاوبتها. بس ما ردت عليه. شوية وخابرت أمينة. ألو. هلو بيج خالة. بيج أكثر عيوني البقية بحياتج. حياتج الباقية شكراً. شلونج حبيبة، صحتج شلون صارت؟ الحمد لله أحسن صرت. أمّج شلونها؟ كسرت قلبي مسكينة تعبانة. لا أحسن شوية، بس مقهورة.

حقها الأخو سباح الكلب. الله يحفظلج أخوانج. دربالج عليها شاها ترى تعبانة. إحنا أجيناها أمس للفاتحة، بس شني ما بيها توكف. بس تلطم تطيح وحيلها يروح. أنتِ بنيتها وحبيبتها، شدي عودج وقوي روحج. لا تجعلين بالها يمج وتنقهر. واسيها بمحنتها حتى تشوف بتها كبرت وصارت صويحبتها اللي ما تعوفها. الله كريم خالة، شكرًا هواي الج. أنا لين أعزج جاي أحاجيج. حنين توه سمعتها تحجي. قايلة كدامج على البوكة، وأمج معاتبتها.

قايلتلها زين ما ماتت، لقيتها وجهها أصفر وحيل ما بيها. يا مو هي سألتني منو قالج. أي بعد تدري إنتن حبيبات وما تضامن على بعض. زلمتج من أمس من سمع لليوم لا هو بنومة ولا بأكله. يقولي همزين بيت عمها. لو بحدها وطابين عليها أحرق كل واحد وكف بقسمتنا وخلاها تتأذى وما أقدر أحميها. أني سمعت هيج صحصحت. قمت على كيفي رحت للغرفة. لعد هو حتى ما تطمن عليه. أي مو أبوج حاكي ويا إخوتج كدامهم. من عمج مخابر بهادر، أخذ إخوته وخاله وراحوا.

من جاب أبوج لاقيهم هناك ببيتكم. محذر إخوانج لا تقولون لأختكم هي مريضة، خاف تسمع وتنهبط أكثر. وعمج هم محذر عايلته، بس حنين جنها ما تدري. أي صح. يلا هذا أهو يمي ويدزلج سلام. لين أمج هنا ما يريد يسببلج مشكلة. ههه الله يسلمج. يلا عيوني وداعة الله. الله وياج. سديت الخط وإنتجيت على الجرباية. مغمضة وأضحك. طلع قاعد يمها وهي تحجي. أي أدري بي ما يفوت فرصة. بس حجيها صحيح، لازم أساعد ماما.

خطية فوق إنهيارها وتعبها أنا أزيدها عليها. مصيبتها مو شوية. قمت أخذتلي ملابس ورحت للحمام. سبحت وصحصحت، فعلًا نص المرض حالة نفسية. طلعت وأنا أنشف بشعري. رحت للمطبخ لقيتها جاي تخض لبن. ها أساعدج بشي. لا شقومج ماما رجعي تمددي. خليت إيدي ورا ظهرها وجريتها لحضني. ما بيه شي لا تخافين عليه. آسفة لأن قلقتج عليه فوق تعبج. يا فدوة لبنيتي. أي هيج أريدج تصير قوية.

حبيبتي تسلمين وأني عن نفسي إن شاء الله بديت بيها ونشرتلكم حتى تسووها وتستفادون. حسيتج قاعدة وياي بالبيت هههه ممنونة منج عمري. وتعليقاتكم ودعائكم اللي صدق فرحني والنبي. كل تعليق قريته تدعولي فرحني ولو بيدي أنشرهم كلهم. هو القراءة بسيطة تقدرين تغسلين مواعين وتقرين بس الكتابة شلون. لو اكو جهاز يحول الصوت إلى كتابة جان اشتريته وأني واقفة أغسل أحجي القصة وهو يكتب هههه هذا إذا فهم صوتي من صوت الماي والمواعين هههه.