تحميل رواية «التوهان قربان هواك» PDF

. 🦋 .

ــــــــــــــــــــــــــــــــ ﷽ على ذكرى نبدأ

.

التوهان قربان هواك 🕊

بـقلمي - سينارلاين علي 🦋

. 🦋 .

. 🦋 .

أجرحني ولك بس كون على كيف

لان انـتَ ويه دمي و خاف أبــديك

أجرحــــني ولك بس كون مامــوت

حتى من يـــتهمـــونك أبـــــريك

. 🦋.

ٰ

ٰ

ٖ

ٰ

. . ⇜↜𓆩H𓆪↝⇜ . .

ٰ

خــذلني حتى الي أحبه

عن يا قصة أحــجي ! ..

ٰ

جــفلت مــتوسعه عيوني بــهبطه

على صوت ضربـة الرصاصه و مرورها

من جانب خدي !! ..

بقيت متصنمه أشوفها شلون أخترقت

الـزجاج و بــقدرة قـــادر عـبرتـنــي ؟

كنت على بعد خطوه من الموت !

بلعت ريگي أريد جسدي يتحرك ماكو

كانُ واحد قــيدني و بحبال ربــط كـل

جــزء بجسمي ..

ملت برأسي و بالف يا علي گدرت

التـفت بعيوني للخلف و هنا حسيت

گـــلبي مــات و أنهــدم نـبضه . .

مدري شلون طلع صــوتي ..

( فـ.. فِـــراق )

لمن شـفــته لازم سلاحه و يـتــقدم مني

و شكــلـه بــارد و ما يــوحي الشيء ..

و حتى من وگف گدامي و مال برأسه

بشكل دب الرهــبــه بـكل كــتر مني ..

[ أسف خوفتـج ؟ جنت أجرب سلاحي

أعذريني مدري شلون أجــت الطــلقــة

قـــريـب مـنـــج ]

هبط ضغطي من نطق هالكلمات و من

أيده اللي أنــمدت ناحيــتي ! ..

[ شـــدعوه هالــگـد أنخــطف لونــج !

هــدي بعــدج عايشه و عينــج بعيني .]

مالت نظراته على خدي ! و الجرح

بــي أخـــذ كـــل تركيـــزه ..

بالحظه الي أنحبست أنفاسي بيها

من حط أيده على خدي يمسح مكان

الجرح الي صار بسبب طلقــته !..

مخليني أعصر أيدي الكلها دم من

أستفــراغي .. و أباوع عليه ..

و حتى صوتي أستنجد بي رغم عني..

( أخـــذت گــلـبــي و رعــبــتــنــي )

ويا كلامي رفـع حاجبه و نـقطة من

الدفوه ما لمحت بعيونه ! ولا صـوته

من حِجه ..

[ چــان المفروض أخــذ أنـفـاسج هم

مـــو بـــس گـــلـبــج ]

و ما أدري شصار ! حتى صفنت هلگد

بي وللمره اللي ما أدري شگد تهــت

وضعت بي ..

ليش أحــسه طــالبني بــثار !

عيونه و نــظراته گزاز تصير كُـل

ما أجــت بــعيني ..

حتى نسيت نفسي و ضيعت دربي بسببها

لمن ملت بخدي على أيده بدون قصدي

و لحظه غريــبه توهجت بينا..

من خلا أيده الثانــيه على بقايا الــدم

الي نــازله من شــفايفي على فگي يلطخ أصابيعه...

و أه على روحي اللي أنـتهت من شـفته

سحب أصابيعه و حـطها على شــفته و

بــاس دمــي الي لــزگ على جـلـده ..

[ حتى طـعم الــدم ويــاج يـخــتلف ..

مو عــجيبه تكـونين سـنيورة زمانج ]

و ما أدري من كلامه ! مدري من تــعبي

و خوفي و هبطتي لگيت نفسي أبتعد

عنه خطوات الوراة ..

خـفت !

و أحساسي طفى

شيء بي و بيه أختلف..

من وعيت أني كنت أستفرغ دم من شويه

ولا ما ردتـه يحس و ينتبه على هالشيء !

و بـ أستعجال و ربكه شحت بوجهي عنه

و درت بجسدي أرد أمشي كم خطوه !

رايده أهرب منه و قـلبي لما هدء بنبضه.

بس وقــفني شيء غريب...

ما تـوقعـته .. و جُملته من همس..

[ و بـــشر الـــقاتــل بـــ الـقـــتل ]

عگفت حواجبي و كانُ الدنيا وگفت بيه

من أجيت ألتـفت و أرجع أباوع له..

بس سبقني شيء ثاني..

لمن صوت سحب أقسام أنسمع ! و طلقة

أنرمت و مدري يا جسد أخترقت ؟..

يمكن جسدي ! لاني وگــعت و خدي

أستقبلته هالگاع و شيء حار حسيته

ينهـدر مـني ! ...

و شصار ؟

من حسيت ملك الموت وصلني

شهگت أتجرع سكراته بدون فهم..

و عيوني أنتهى نظرها ! و كعب خطواته

يشبه صوت رجفـتي بهل اللحظه لمن

بغوأش لمحته يتــقرفص يـمي ..

و شبه ضيعت الدرب مو بس الروح

أحــس ألنفس كارهــني ..

فماكو غير

حرورة دم نزفت مني و سواد حط

أيديه على رقــبتي . ....

لمن حسيت بايده تلمس شعري ، ردت

يسعفني الوعيي حتى أشوفه عدل..

و بوضوح ..

بس كل شيء صار مثل الضباب..

من سمعني صوته .. كانه هوَ اللي أنضرب

بهل رصاصه مو أني ..

[ تـــدريــن سنــيورة ؟]

عيني مدمعه و ما شفت شيء ..

[ هاي الناس نـــظرتها غريـبه ..]

همسها يم أذني .. يرجع شعري الورى

لمن دنگ أكثر و يمكن شيء مثل شفته

لامس وجهي ! ..

مخلي نـفسي يتباطئ .. و حيلي ينهد

تمامــا و ما أدري بيــا قوة دأ أســمع

صــوتــه وأحـــس بــي يـــهمس ..!

[ تــشبه نــظرتي الـج يابنـت نبـراس ..

مثل اليــطلبـج ثـــار و رايـــد يـعيده ]

أخر كلمات كانت بصوته..

ويا عيونه اللي أخر شيء شافته عيوني

و نسيت أذأ كان هذأ فِــراق نفسه لو

شخـص ثــاني !..

لمن شافها تـفقـد أخر وعيها أستعدل

بوگفـته..

هذأ اللي قسـاوة الزمـان شكلت

ثقلها بمنحنيات وجهه .. ما يهمه شيء

ولا هفوات المشاعر توگف عثره بدربه..

من همس ..

[ أنتِ الي بديتيها وأني الي أنهيها ]

رأيد يخلص عليها تماماً ولذلك صوب

سلاحه وبلا ذرة تأخير طلق رصاصته

بس ما أجت بيها لمن دفعته أيد بقوة

لبعيد عنها ..

مخلي المـوقف يــرص على أسنــانه و

صايح بعيطه باللي وگف گدامه يمنعه

عنها ..

" فراس لا تـتدخل و أبتعد من طريقي "

و الثاني بـ أعصاب منفعله دفع فراق

اللي ما تحرك أنش ! يهسهس بخفوت

" فـراق مو وقـتها رماد و منتظر هــنا

أجوي وياي ما أعتــقد تريدهم يعرفون

بشغلك المحترم من وراهم و يشوفونك

بهل منظر .. "

اللي نطقه كان مثل الصدمه اللي خلت

فراق يشمر سلاحه و يمسك أخوه من

ياقة ملابسه .. يصيح ..

" يا خرة گال الك تجــيبهم لهنا ؟

من كل عقلك تــتصرف أنــتَ !!.. "

و قبل لا يبرر فراس أقتحم منتظر و

رماد الغـرفه ...

متفاجين من أخوانهم.. يحجي الرادود ..

" شصاير !!..هوب هوب.. يمعوديـ.. "

لكن أنكتم صوته من لمح حال

حنين الي واگعه والدم مغطي الارضيه!..

" هـ..هاي منـو ؟ .. و شبيها !! "

مخلي أبن الجراح يدفع فراس عنه

و يلتـفت ناحية منتظر. .

" ما بيها شيء .. "

بس منتظر نظراته عليها .. جف ريگه..

" يا ما بيها شيء دمها تارس الگاع ؟؟ "

و صار يقــترب

من بنت نبراس بدون ما يفهم شكو

ويا رماد ..

يبرر فراق ..

" ماكو شيء .. وحده من العاملات

وگعت و جرحت نفسـها ولهذأ السبب

فاقده وعيها . "

قـلص منتظر عيونه على المنظر ..

ما يدري ليش حس بشعور مو مريح؟

ناطق بشك ..

" وگعت و أنجرحت ؟ وليش عايفينها

هيج ! كانها جثه هنا!! شسالفتكم خويه"

بلع فراس تــوتره و رص على أيده

يرد أبــدال أخوه الاكبر ..

" يعني لازم تــعرف القصة من ألالف

للياء؟ زيح من گــدامي مــنــتظر !! "

وخـره من گـدامه و قرفص و بلا تفكير

أكثـر نوى يـحمل حنين بيــن أيديه لكن

منـتظر سبقى تحت عيون فــراق الـلي

تجهم شكـله بالكـامل ..

بس ما أعترض !! كان واضح أنُ رجال

مثله سريع البديهَ فكر بشيء أخر ..

حنين مو لازم تموت .. مو قبل ما

يشوفها كل الخسارات و أولهم يحرق

قــلبها بـ أهلـها..!!

لمن صاح بصوت بارد موگف فراس

بصدمه من اللي خرج من اللسانه !!..

" أخذها للمسشفى .. و تاگد تطلع منها

سلامات غير هالشيء وجهك لا تشوفنياه"

و صار من داروا وجههم طالعين بيها

بكل سرعتـهم ..

بـهل ليـل و بين أيديهـم صارت روح

أنسانه لو راحـت من هالحـيــاة تنزهق

أرواح عـشـــرات الارواح !! ..

صاروا بسيارة .. فراس قادها باقصى

سرعه عنده ..

من أيد الرادود صارت علـى مكان

أصابتها .. هيَّ تــنزف بيـن أيديه ..

" متصاوبه بطلقة ! ليش فُراق كذب و

گال وگعت !! خير شضـامين عليَّ ؟ "

يقـتربون من شارع المستشفى لمن

طبك فراس سيارته نازل بسرعه ..

" منتظر رحمة الدينك مو وقت هالشيء

و يمكن فُراق ما أنــتـبه بــشنو صارلها

لا أتــدقـق بعــد أخــوك "

منه حملها بين أيديه و شبه ركض بيها

لـ داخل المستشفى اللي هو كطبيب

يداوم بي ..

سديه و أصوات و أمن كل شيء التم

بذات الوقت .. موقف شبه يرهق الروح

بس غايبه عنه حنين كروح مو جسد ..

و رماد يتمتم بحيرة ..

" أحس شايفها بس ما أدري وين ؟ "

هاي اللي صارت داخــل غرفة العمليات

بعد جـر و عــت و كــومة أستفسارات

خلت منتظر يصرخ بـ أحد الدكاتره يكف

عن لغوته و ينقـذ حياتها ..

لمن وگف ويا أخوه و دك جهاز فراس

اللي فتح الخط على فراق فورأ ..

" تمام حــ أدزه الك هــسه.. أي هسة

دخلت العمليات .. تمام فُراق تمام "

مسح على جبينه بتعب و نهى مكالمه

الثاني يبَـعثله العنوان ....

منطي أنتباهه بعدها للامن .. بادين

تحقيق وياهم بدون ميضيعون دقيقه !..

ٰ

ٰ

ــــــــــــــــــــ

. بيت نبراس ساري .

ٰ

" ألله أكبــر ، ألله أكــبر "

توا أذان الفجر عطر سماء بغداد و طهر

أرضها ..

يصلي نبراس هالمرة بغرفته مو يم

ولده .. حتى زوجتـه صرفها من أشهر

عنه لغير غــرفه ..

مو طايق أحد .. و الدنيا شبه أنعدمت

من عينه ..

السجاده مقابيله ~ القران ..

و أخذ وقت بين أدعيـه لمـن حس

بثـقل و مراره طول هاليوم بگـلبه ..

هالرجال الفـــذ الصلب بدى وكــانه

كبـر الف ســنه يا دوب عـنده واهس

يأدي الــفرض !! ..

حتى مرت الدقائق من أصدر تليفونه

أهتزار ..

طابك السجاده ويا التربة

يتـفقد الرساله اللي وصلتله ..

" حبيبة گلبك و غاليتك بهذأ المكان

دأ تــنازع الـــروح بجـــسدهــا "

رقم خاص ! و كلـمات تهد الروح !

و هيَّ أول من خـطر بــباله ..

" حــنين !! "

أنـقبــض گــلـبه مثـل لو أنه صــخــره و

طرت صـــوابها بداخله .. فـ شـنو اللي

ما تـغير بي هسه ! لونه أنخـطف و ما

أنــدل نبــراس دربــه ..

طلـع من غرفته .. سـاحب سلاحه

و يـــنزل الدرج بخبــصه .. بدى

صابه العمى و تيه الطــريق وين ..

ٰ

ٰ

ويم المستشفى اللي صارت مـقر

لـلـكل ..

مصفحة العقيد غياث ويا موسى و أغار

طبگت گدام المستشفى بعد وصولهم

خبر بـهل حادثه ..

و رغم تأخر الوقت هالثلاثه ما تهاونوا

بادأء واجبهم الي هو بالاصل مو واجبهم

دامهم مو من رجال الداخليه !!..

بعد متجمــعوا ويا بعــض من رجــال

الداخــليه و صار حــوار بينــهم عرف

عن هويــته غــياث ..

" وياك العقيد غياث من جهاز المكافحة"

بالوقت الي أسترسل

موسى الكلام ويا منتظر و فراس .

" غــردولي شـصار ؟ "

مخلي فراس يمسح على شعره و هوَ

اللي يتكفل بالرد ..

" الي صار جنت راجع من دوامي بهل مستشفى للبيت و على طريقي لـفت

أنتباهي جـسد ممدود على الرصيف "

منتظر رفع حاجبه ينتظر شــحـ يحجي

أخوه؟ ..

" يـعني أثـناء الازدحـام ، تعرف بغداد

بكل وقت مزدحمـه ، فــــ من وقـفــت

سيارتي لمـحت جسد مشمور بطريقه

غريبه و كاطبيب قررت أنزل و أشوف

شـــل وضع "

هو يحچي و موسى و غياث كانوا

ينطـونه فقط همهمه بســيطه !!..

بالوقت الي ملامح الاســتغراب و

التفاجئ طغت على منتـظر فليش دا

يكذب باقــواله ! ..

فراس ثابت .. رزن بـ لباقه ..

" أقـتربت مـنها و شــفت الدم سايح

و من واجــبي هنا ما أتركــها فـبدون

تفكير سرعت شـايلها و للمستشفى

گبل رجعت بطريقي بـدون ما أهـتم

أو أفكر شـممكن يـصير بعدين أو حتى

لو يتهموني باللي متعرضتله هالبنيه

بالنهاية أني طبيب ما تـهون عليه

أرواح النــاس .. "

أنطاه غياث أبتسامه صفره ويا حاجبه

الي أرتفع .. يسأل ..

" زين هذول البصفك شجابهم وياك !

خوما هم دكاتره ؟ "

برر له بلا ما يرمش حتى ..

" أني ما گُـلتلك؟ هذول أخواني عندهم

مراجعه هنا و من البدايه جانوا وياي

راجعين سوه "

بقى يرمقهم و ختمها بشك راوده..

" حضــرتك شنو أسمك ذكــرني ؟ "

مخلي الطبيب يقـبض على فكه و

بـــشيء من التـعالي رد ..

" دكتـور فراس سيف علـي الجراح

الكل يعرفنـي هنا ، تــكدر تـتـاكد "

أشر بايده نهايه كلامه لرجال ألامن

الي بسرعه اگدوا كلامه الهم ..

جاذب تــعريفه أهــتمام أغــار ..

الي عقــد أيديه خــلف ظهره ...

" الجراح ؟ قــصدك بــيت الجراح

ما غــيرهـــم ! "

نظر له الثاني ..

" أي .. ذول أهـــلنا "

لحظتها أختصر غياث القضيه هنا..

بنبرة أمر...

" أنتَ والاخ تـضلون تحت رعايتنا

حتى نشوف لوين تصفى القضية . "

أثناء هذأ ضوه الضجيج الشارع العام

توگف عدة سيارات يم المستشفى واللي

ما كان أصحابها غير السيد نبراس و

والده ..

الي ترجلوا بشكل يبين شگد هما مهلوعين

و الاذى داك بيـبانهم بـعز هل فـجر ..

يـعترض طريقهم بسرعة غياث ويا

موسى و أغار ..

" سيد نبراس ! خير ؟ خو ماكو شيء! "

وليش كل شيء صار ياگد أنُ حنين

هنا الـگلب نبراس ! لمن قبض على

أيده بعـصبيه...

" أجـــتني رساله .. حنين هنا.. بنتي

يمكن تـكون هـــنا .. "

صايب ملامح غياث الانذهال...يتبادل

نظرات خاطفه ويا النقيب و الملازم

من ربط الخيوط المتناثره بسرعه !!..

" لحظه ! لا تــگولها ؟ "

أشر العقيد غياث ..

" أجت حاله جاي نحقق بيها .. بنت

متصاوبه ! معقوله هيَّ ؟ هل شباب

جابــوها لــ هنا "

و ما كمل كلامه لمن سرع علي الدر

يقبض على منتظر و نبراس على فراس..

" ويــنها !! بنـــتي هاي وينــها !!

شسويتوا بيــها يا ملاعــيين..!! "

مدخلين كل المتواجدين حتى يخلصون

الاثنين من أيديهم ..

النقيب حاول وياهم ...

" همه سعفوها على كيفك خل نكمل

الحجي... يابـه دوكفوا مايصـير هيج

أغار الحــك شــبيك واكـــف ؟؟؟! "

عت ~ جر طلعت الروح هنا ..

ما فضوها الا بعد دقائق عصـفت بيهم

كلهـم لمن أتــدمه وجـه منتــظر و كـل

أسـنانه نــزفت دم ..

حتى صار غياث حاجوز بنصهم يحجي

بسرعه..

" جوه سيد نبراس .. أهدء .. بس

أهدء .. هيَّ بغرفة العمليات .. تطلع

و نتاگد أذا جانت بنت حَـضرتك أو لا "

باصق نبراس على الارض و شايط

باعصاب متفجره ...

و ما أهتم ولا أنطاهم مجال أخذ خطواته

بسرعة لداخل المستشفى و كل ولده

لحگوا ..

يرشدهم أحد المُمرضين لوين حنين

و سرعان ما أمتلى باب غرفة العمليات

بكمية الرجال من ولد والدها لـ رجال

الامن لـ للعقيد و النقيب و الملازم من

مكافحة الارهاب !! ..

كان الوالد يتمتم بـضياع ..

" هيَّ .. كل شيء يگـولي هيَّ "

لمن مسح أبو تراب وجهه بعصبيه و

كل واحد واكف على أعصابه ..

الـ أيدين ترجف و خوف هد بيهم الحيل..

فكر نبراس بذعر ... أنُ تكـون هيَّ

المتصابه و خاف ما تكون هيَّ و يرد

خايب من جـديد ..

و نطحنت أحواله ..

نصف سنه كامله روحــهم راحــت لا

خــلوا مــكان ولا شيء يعــتب عليهم

بايعــين وقــتهم و راحتهم و شغلهم

كل شيء و حتى أســتقروا بالعـراق

علمودها ..

تالي بــيا وضع حيـلگوها ..!

و شنو الي صــاير و صايـبها !

و ساعه و ساعتين ما أثـقــلها مرت

عليهم.. حتى شــع خروج الاطباء من

غـرفة العمليات أخيرأ...

والي صار أبو الفضل گدامهم يسأل

باعصاب متوجره ..

" شلونها ! البنيه الجوه ؟ هيَّ بخير ؟

طمئني دكـــتور "

جاوب الثاني ..

" حضرتــكم تـــقربولها ؟"

هزوا رأسهم بعدم تاكيد بس تلفظ

علي الـدر ..

" بــعدنــا مــو مــتاكــدين "

مخلين الطبيب يبلع ريگه و التوتر

طاغي عليه هوَ الثاني من نطق..

" راح أفتح الباب و من بعيد شوفها

أذا هيَّ قريـبتكم لو لا "

مشاعر غريبه ضربتـهم من كلامه لمن

تقدم نبراس يمشي ويا الطبيب الكم

خطوه هاي حتى باوع بعيونه بعد ما

أنفتح الباب.. لداخل الغـــرفه..! نـاحية السديه ..

لحظتها حس الدنيا بكبرها طاحت فوك

رأسه و حتى صوته مخذول خرج..

" أي . . أي هــيَّ .. "

وبين أنك تمثل القوة و أنك بالفعل

تمتلكها .. حط عينه بعين الطبيب نبراس

وسأل ..

" نگــدر نــشوفها ؟ "

هاز المعني رأسه و شمر الــي رايد

يگــوله من البــدايه ..

" المريضه محتاجة دم و دم هواي يعني

أذا فعلا هيَّ بنتكم أستعجلوا بفحص

زمرة دمكم حتى تتبـرعولها لان فصيلة

دمـها Rh null مــمتـوفرة عـنـدنا "

مقبوض گلبهم من كلامه والكل يدري

زمرة دمـها Rh null ومحــد منــهم

يطــابق دمــه ويـاهــا !!..

و بالاساس حتى

الي يملك هالزمرة من الدم يتحـفض

على نفــسه و يتكـتم عليها ..!!

دافع بـنبراس يقبض على أيــده فاقد

كل هدوءه من هسهس يرص حروفه

بعجز ..

" شتـقصد أنــــتَ ؟ وضـــعها شبيه ؟

أكو خطورة على حياتها يعني ؟ ما

تعرفون تعالجوها أخذها بغير مكان!!"

متنهد الثاني يختصر كلامه بسرعة

رايد يرجع الـغرفة العمليات ..!!

" طلـعـنه الرصـاصه بس نزيفها جان

فضـيع يعـني گد متگدرون أستعجلوا

توفروا الها رغـم علمي مو صعب بل

مستحيل تلگوا بسرعه "

عايفهم بعدها بحالة من السكون سرعان

ما تحول الوضع للخبصه و الكل بدى

يتصل بكل شخص يعرفوا بعيد لو قريب

شاهين~ عقاب باقي الخوال.. اليكسار

أبن جيفارا ارسلان الكل ما بقى أحد

ما أجى بس يـــدرون محد نــفس دمـــها..

كان ناقــص فرونسي بس بفـرنسا

هالرجال و ما يدري عن أختطاف

حنين بـشيء ..

لمن بلع منتظر ريگه يبعد الضماد عن

فكه ويباوع على فراس ..

حتى تقرب منه حيل يهمس بخفوت اله..

" فُراق .. فُراق هاي زمرة دمه ! أتصل

بي خلي يجي و يسوي هالمعروف"

ساحبه الثاني من أيده بسرعه و كل

الغضب أتملكه .. خايف لا ينتبه أحد

و يحــس الهم أيــــد بالقصة كـــلها ..

" لا تــبدي بـأنسانيتك و أسكت لحد

يسمعك لان مايجي لو رحت و رگعت

گدامــه مو عــاد أتـصل بـــي "

بس كلماته و نبرة صوته العصبيه ما

خلت منتظر الا يرفع حاجبه بـ أستنكار !

لان فراق أنسان يساعد الكل هو يدري بي

هيج .. عاجز يفهم تفكير فراس ناحيته!

نب عليه ..

" أنشوف منو المـا يجي أنشوف "

أبتعــد عنه .. مطلع تليفونه و داك

على أخـوه بسرعه . .

و هــو يدري ما يرده لو شما طلب منه

فحتى روحه ينطيها اله لو راد و طلبها

منه بيوم ! ..

الحجي بـ خبصه منتشر .. صوت

كرار ..

" ماكو !.. محد أصلا بعضهم ما يعرفون

أكو هــيج فصيلة دم موجوده . "

عاصر التليفون بقــسوه و نفس الحال

ويا أبو الحسن..

" عمي ستار فحص مو مثل دمها

ولا يمام "

يهمس المجتبى ..

" دخيل الله فــجريه ويـن ندور و

يطــلع مـثل دمــها "

الي كانت عيــونه على والده نبراس الي

واضح فقــد كل سيطــرته على نفسه و

يصـيح على هذا وذاك و حـتى جـهازه

طــگـــه بالـگــاع و كســره ..

لهث و سلط الكلام بـ صيحه ..

" علي الدر أخذ الامير و حيدر أفتروا

على المستشفيات دورا حتى لو تصير

بملايـين أشتروها "

ما كان هناك وقت للكلام بسرعه نفذوا

كلامه بلحظه الي صفن نبراس بالفراغ

بعيونه و عــقله بغرابه ..

فكره هسه أجت بباله و مراة وحده

ماكو غيرها ..

هيَّ وياها نفس الدم يمكن ! ..

لمن دار وجهه و جسده مبتعد عن

ولده والكل طالع برى المستشفى..

و بلمحة عين صعد سيارته و بكل جنون

ساق و كل غايته و مطلبه بيتها ..!!

و حتى الطريق اللي بساعات ينوصل

سواه هو بنصف ساعه من گد خوفه

على بـنته .

طبگ ســيارته و نــزل من لمـح البيت

ويا طلعة شــوية من شعـاش الشمس

رغم الطـقس الي ما يبــشر بكل خير

على بــغداد والي بيــها ..

طرق الباب بكل قوته و دقائق على

هالحاله .. و ماكو رد ..

حتى طلع واحد من الجيران ..

شاب لابس ملابس الجامعه و رزة

الكتب بايده ..

سأل ..

" تفضل رايد شيء ؟"

رمقة أبن ساري بزراق عيـونه التلهب..

سأله بنفاذ صبر و عصبيه و توتر..

" وينها ؟ المراة الي بهذأ البيت!

أدك و ماكو أحد يفـتح تعرف وينهم؟"

باوع الشاب على البيت و رجع بعيونه

على نبراس ..

" مو هنا طردها أبو البيت البارحة

لان أتاخــروا و مادفــعوا أيجــار "

عكف نبراس حواجبه و ما يدري

من يا جهة يتلگى المصايب هاي..

" شدأ تـخرط أنتَ ! منو طردها ! "

الشاب تعكف مزاجه .. هو شكو و

يعصب عليه ! ..

جاوب ..

" الرجال أبـو البيت گلتـلك ما دفعتله

فــلوس و طـردها "

بالگــوه حافظ على ثباته و أنه ما

ينفــجر بكل شيء حوله .. يسأل

" ما تعرف وين راحت هسه ؟ "

أنتبه الشاب على طالب بعيد عنهم

يأشرله .. يركز بالي گدامه بعدها ..

" لا والله ما أعرف ، يلا عن أذنك

صاحـــبي يصــيحلي "

و راح عايف نبراس ماخذته عصبيته و

البيبان الي تـــعاونت على طــرده من

كل بـــيوتها ..

و بين عين على بيت أيماني و عين

على غيوم السماء .. مثل لو أنُ عاصفه

ترابيه حـ تـحل هنا ..

كان يهمس بتعب و صوت مكسور ..

" لو مسوي زوايع الدنيا مو بيها .. مو

بيها أتعاقب يا اللهي مو بيها "

يعصر بـ أيديه و محاجره خانته..

دموع تنزل بـ مرارة ...

فـ ليش تتعاقب هيَّ على أخطائه !..

ٰ

ٰ

ٰ

ٰ

واللي حس أنُ خلص و هاي النهاية !

فـ لا لان بعد كل عتمة قويه يجي ضوه

و بصيص من الرب يــطرد كل الظلام ..

مثل خـطـوات أبن الجراح الي دوت

مثل سچة قــطار ضاع و رجـع الدربه

على أرضـيه هل مـستـشفى ..

والي منتظر أول واحد لمحه و

سار ناحــيته . .

" عرفتك مراح تـترك شخص يحتاج

مساعدتك .. گـــلبك ما يــنطـيك "

مسح فراق على شعر أخوه .. منتبه

على كدماته ..

" ياهو وياك ؟ هاي الجروح شنو ؟ "

كتمها بداخله الرادود ..

" بعدين أسولفلك .. هسه مستعجلين

على الدم فدوه الطولك "

ما عجبه الوضع .. ضاربين أخوه

ولد نبراس !! ..

بس تحرك ..

ياخذون خطواتهم لداخل رواق المستشفى

لمن أجت عيون أبو الحسن و أبو تراب

بعيون رجل الفضه و أنيق الصفات ..

حتى عطره ما كان صاخب بقدر ما

كان يشبه الخوف و الامان ..

فراق بدى وكانه رجال هــارب

من عـصر القدماء .

صايب أبو الحسن الضياع للحظه ..

و ما عرف أذأ هوَ نفسه الي گدامه لو غيره!

من تمتم ..

" سيد فُــراق ؟ "

مجاوبه المعني بينما يأشر الواحد

من ألاطباء الي طلع من غرفة العمليات!!

" الــدنيـا صــغــيره مــو أبو ألحسن ؟"

ما أبتسم أبن الجراح ولا لاح أطيافه

ثار .. لمن همهم إله ألثاني و سأل

" خوما أكو شــيء ! ليش أنتَ هنا ؟"

منطي فراق أهتمامه .. يجاوب اول

مقتربوا أخوانه يمهم ..

" أتبــــرع بالــدم . . لاخــتك ســمعت

متصاوبه و بحالة حرجه ! مو هيج

گُـلــتلي فـــراس ؟ "

دار وجهه نهاية كلامه لأخوه وكانُ فعلا

ما عنده علم بشيء..

و ألثاني ما كذب خبر لمن أكد اله كلامه..

" أي هي نفسها اللي لگيتها مصاوبه

بنص الشارع و گلتلك عليها بالاتصال "

مقلص أبو تراب عيونه .. و أاشر على

منتظر و فراس ..

" تعــرفـهـم ؟"

كتم غضبه فراق .. و أيده تعبث بهواده

" طبـعا أعـرفهم ، ذولي أخوأنـي "

شهل صدف هاي !

هو العالم الهل درجة صغير.. حار

أبو تراب بكل هذأ ! ..

حتى أدخل علي الدر فورا ينطق.. و بگد

ما يگدر رايد يسعف أخته..

" أذأ هيج حلـل بدون مــنضيع وقت

بعــد أخــوك و عــمـره . "

بشرهم نجل الجراح بصوت بارد

و نبرة ما تحمل غير خفاية الانتقام..

" دمي نفس دمها أني أدري ما يحتاج

أحـلل حتى أعـرف هالشيء "

و ما كان أكو وقت لـ ينصدموا أو حتى

يركزوا بكل التفاصيل منوره وجوهم

بتباشير الخير ولد نبراس ..

" يلا توكل ،أتبرعلها و أحنا گدام التطلبه

أرگــابــنا ألك حاضرين بــاللي تــريده. "

أكتفى فراق بطبطبه خفيفه على كتف

أبو الحسن رافض كلامه..

" عيب شهل سوالف هاي أدور أرگاب

أني ؟ "

ملتفت ناحية الطبيب بعدها..

هذأ الي أبتلع و أشار اله يروح ويا

الممرضه ..

الي ما مــرت غير دقــائق و أنتهى

كل شيء ..! متبرع فراق بدمه الحـنين . .

وليش !!..

سؤال نثـرته الهواجيس ..

يجرح و يداوي أبن الجراح ..

و السبب ماضي ~ ثـار و دين ..

الممرضه كلمته بعد مسحبت دم أضافي

أحتياط لـ حنين ..

" أرتاح هنا و بعدهـ.. "

ما كملت كلامها فراق نهض مختفي من

عيونها ..

سار بـ رواق المستشفى .. يشوف

خـبصة بيت نبراس الكل ملتم و

حالهم حال ..

الزمن يعيد نفسه !! ..

قسى وجهه و أخذ طريقه لبرى ..

منتظر رماد .. لمحهم ويا الامن ..

طلب منهم يجون ويا للبيت بس

بلغوا ..

" ما نگدر الفوج خلونا تحت التوقيف

لحدما تصحى "

رفع حاجبه الجراح ..

" و هذأ ياهو اليوقفكم وأني هنا ؟ "

نب العقيد غياث و البيريه بايده..

" أني "

رمته ببرود عيون فراق و أشر لاخوانه

" گدامي للسيارة .. الباقي عوفوا

عليَّ "

حاول الرادود يحجي .. أنُ صعبه

يخترقون كلام الدوله بس ملامح

الثبات بوجه أخوه منحته صك الامان

داروا رايحين .. و غياث سحب

أقسام قبل لا يرمي أنخطف سلاحه

منه بـ أيد فراق الي وجهه عليه..

" أحطها براسك أذا تعيدها "

و بـ أيد ثانيه تليفونه أجرى أتصال...

و يبلغ بي ..

" كلاب الدوله التارسه الشوارع

ضبها لا أضبــك يـ أبو معــاذ "

ما كاد ينهى أتصاله و ضجت تليفونات

اغار .. موسى .. غياث ... أنسحبوا

منا ..

ٰ

ٰ

ـــــــــــــــ بـ المركز .. مكتب العميد .

ٰ

الاسنان تصتاكك ببعضها ...

سيادتك أتصلت بينا وأحنا بواجب

تحقيق بقضية بنت رجل الاعمال

نبراس و طلبت أنسحابنها منها !! "

كز العقيد على بدنه و كمل كلامه

بنرفزه بعد ما تم سحبهم من هالقضية

من ساعتين تحديدأ ..!!

" هالشيء . . من المــفتــرض يكون

اله سبب مَنطقي ، ما معقولة بنص

ربكت الاحداث ننسحب منـها خصوصا

وأكــو أحتمال چبير نوصل لاكبر خلية

أرهابــية بــبغداد !! "

رفع اله العميد حاجب و هو بأي طريقه

يريد يبعدهم عن هاي القضيه ويسدها

بسلام دام لـ فراق أيد بيها ..

" الشغله تخـص رجال الاتــحادية

و وزارة الداخليه أنتم ما يحق الكم

التدخل بيها عقيد غياث ! بعدين من

شوكت عقيد بمكافحة الارهاب و تابع

للدفاع يدخل بشؤون الشرطه ؟ "

حاول غياث يلزم نفسه و ما يضرب

كل شيء عرض الحايط .. يرد بهسهسه

" أحنا مكافحة الارهاب و الفرقة الذهبية

أدري بس هالقضية بالتحديد تخصنا و

من ضمن صلاحيتنا نتولاها سيدي دام

الشغله تخص أرهاب و بنت ما تحمل

الجنسيه العراقيه "

و كلامه هذأ دفع العميد يصيح بزمجره

ناتر بي..

" أيبااه حلوه والله يعني تريد تضرب

بقوانين الدوله و المكافحة الي شغلتها

الوحيده تحمي الوطن من ألدول اللي

تعتدي عليه و تلزم الحدود حتى تتولى

شغل الشرطه و تحقق بالمستشفيات

بمـنو أنضرب و منـو أنـخطــف؟ !؟ "

أمتعض غياث يدافع عن نفسه..

" مو هيج سيادة العميد بس الشغلة

أنسانيه و أحنـ.. "

سكتته رفعت العميد لايده بوجهه يطلب

سكوته و حجه هوَّ بنبرة أمر ينهي الانقاش..

" عقيد غياث أنتَ و نقيب موسى و

الملازم أغار موقوفين عن أستخدام

رتبكم و أفضل لو تقضون هالاسبوع

ببيوت أهلكم و أعتبروها أجازه الكم

مني"

درى ماكو فايدة منه.. أبو الملازم معاذ

رجال يتستر هواي على أمور مشبوهه

و هما ما بيدهم شيء و على أي ساعة

تنــخلع الرتب منهم مثل هسه ..

" صار سيادتك .. تم اللي تريده "

و مرت دقائق من طلع من غرفة العميد..

التجهم .. البغض سابح بوجهه.. گاعد

ويا بقية الضباط و مطايق أحد ولا روحه.

ضوضاء ~ كلام متناثر حولهم ..

مثل دخول العقيد رائف للمركز و بيده

ملفات قضاية يشـتغل عـليها ..

أنتبه للوضع المسود هنا ..

" منو دايــس على گاعـگم يول ؟

شبيكم مصگوعــين هيـج ! "

مـجاوبه موسى و هو يسند رأسه فوك

المكتبه الگدامه ..

" وقفونه عن الخدمة ولاسبوع كامل

حتى الرتب نسحبت من عندنا "

رفع العقيد حاجبه .. الجكارة بين أصابعه

" السبب ؟ "

مسح أغار جبينه..

" تــعرف بنـت نبراس ؟ الابـنيه الي

أخـتفت من أكثر من 5 أشــهر و الي

أحنا من البـداية تـولينا قضـيتها ؟ "

سكت أغار يتمعن بملامح رائف الي

قبض على أيده .. يجاوب بعدم أهتمام !

" سامع بيها ! يمكن ! بس شعلاقتها

بكلامك و بســحب الرتــب منكــم ؟ "

ضحك موسى بـ أستهزاء يرده و هو

يدعك صدغه بتـعب ..

" أجانه تبليغ البارحة و رحنــا نحقق

بالقضيه طلعـوا عاثرين عليها مصاوبه

و مرمــيه بأحــد الــشوارع .. "

و ما يدري العقيد شصار و هيج أنخطف

نبضه ! ..

لمن وگف بلا فهم يعقد حواجيه مره و

يستهزأء بضحكته مره ثانيه ! ..

بس حرق حنجرته السؤال ..

" متصاوبـه !"

منو غيره يأذيها !! ..

صوت النقيب يتحفى بـ المعومات ..

" أي و بنصاص اليالي لاكيها طبيب

بالشارع و ماخذها للمستشفى "

أنجن أبن الضاحي و شاطت أخباره

من صاح بكل قــوته ..

" شــتــخرط أنـتَ ؟ ياهو مصاوبها ! "

مخلي كل الي يمه يستغربون وضعه !

والاكثر لمن عاف مكانه و أتجه ناحيتهم..

صايح معاذ بصوت عالي يركض اله..

" هوب هوب رائف أستهدي بالرحمان

لا .. لا!! لحظه يمعوده !! لا .."

بس ما نفع صياحه لمن أستــقبل وجه

النقيب موسى بوكسـياته لحتى الكل

التموا عليهم يـريدون يبعدونه من أيده

و مانـفع !!..

صار يصيح بـ عصبيه و العيون برزت

نيرأنها ..

" وينها ! وينها هساع و شصار بيها ؟ "

و أيده ما وگفت عن ضرب النقيب اللي

الدم ترس وجهه بشكل موحش ! ..

وليش دأ يضربه مو فاهمين ! ..

أغار يزف الخبر .. مجاوبه ..

"بالمستشفى رائف بالمستشفى "

و الي صار حاجوز بيناتهم ..

من سدد رائف أخر لكمه و بكل قوته

على فــكه بدل موسى و أخــذ يدفعه

مزمجــر بـ أعـــصاب تالــفه يصـــيح ..

" و ساكــتين عليش ! ولد الزفرة و

ماگلتولي من البارحه عــليش !! "

تعسف وضعه العقيد غياث يصعقه

بـ رده ...

"و أنتَ شكو بيها رائف !!؟ ليـش لحتى

نگـول الك ! المصاوبه من أهـلـك و

ما ندري ! "

مشتعل الجو يمهم بشكل كارثي

خصوصا من صارت عين رائف عليه..

" لا تـخليني أسبحك بدمك غياث!! "

و بدى للحظه رائف كأنه فـقد وعيه وما

مركز بشيء ..

حتى أبتعد خطوتين .. يلهث بغضب

و بـعينه صفن يـــباوع على الفــراغ ،

عاجـــز يفـــهـم شــبيــها روحــه ..

و شخصى أذأ متصاوبه ! أو حتى لو

خطــفتها الدنيا و غدرتها مرات .!

لمن همس بصوت خافت ويا روحه..

" المــفروض أني أول وآحـــد يعرف

شبــيـها !! مــو ألاخــيــر "

صدى حروفه أنسمع الهم ~ ..

ليل كامل مر ! ليش ما عرف عنها !

من المفترض حتى قبل أهلها يدري..

من كان عنفوان الدم ملطخ أصابيعه..

خزر معاذ ..

" عجــل و الحاطــهم گبال أهلها

يوصـــلولي أخـــبارهـــا ؟ "

ما لحك الملازم يبرر .. ينطى أسباب

و أمره العقيد ..

" تخابرهم أريدهم ببيت الطارمية

خلال ساعة هناك "

دم حينزهق !! و بيا ذنب أروأح

على ساعات من غضبة حـ يدرها !..

ٰ

ٰ

ـــــــــــــــ

. وتين .

ٰ

مـر أسبوع كامل على عثورنا على أختي

حنين رغم أنها فعليا ما رجعت غير جسد

مدمي و داخله بغيبوبه من أولها ..

و مثل كل يوم وصلني السائق الخاص

بينا باقر أني واليانور و همسات للمستشفى

نزلنا و عيني راحت لذيج المصفحة

اللي طابگه على بعد مسافه عنا !..

ماأدري هيَّ تابعة المنو ! غير أنها لـجهاز المكافحة !و أنها هنا مزروعه طول الوقت.

أحـس أحــيانا صـاحبها يراقــبنا !

وأحيانا يخطر أبالي أني أتوهم مو

أكثر ..

طبينا للمستشفى و وصلنا للردهات

الخاصه واللي حجزها الوالد بس النا !

و بهل بلد كل شيء دا يمشي بالواسطات

و الفلوس..

سألت كرار الصار بطريقي ..

" ها! بشروا ماكو أي تـقدم بحالتها؟ "

تنفس بتعب يفرگ عيونه شكله ما

نايم من البارحه ..

" ولو واحد بالمية ماكو "

تنهدت و گعدنا بصفه لمن حجت

اليانور بـ أمتعاض ..

" خلي ناخذها و نرجع لبريطانيا هناك المستشفيات أحسن والا أگول ناخذها

الفرنسا و عمنا فرونسي يسهل كل شيء"

رمقنا كرار برفعة حاجب .. يجاوبنا

بتوبيخ و نفاذ صبر ..

" حالتها ما تسمح نسفرها ، هيَّ حتى

ما واعيه فسكــتي أحسن لج "

بعدها عافانا و گام لمن صاح له ذو

الفقـار حتى گمنا نقصد غرفة حنين ..

بس أول موصلنا وردنا ندخل وگفنا

صوت الممرضى الي طلعت من غرفتها..

" ممنوع الــدخول ، من الزجـاجه

الشفــافه تــــگــدرن تــشوفنــها .. "

ما أعترضنا لان حيلنا خلصان ..

سحبنا نفسنا و صرنا يم الزجاجه

أنباوع عليها..

أحجي بحسره ..

" ما تــخيلت يــجي يوم و أشــوفها

بهاي الحاله و كل الاجــهزه مربوطه

بجسمها و هيَّ ما تحــس بشيء .."

جذب أنتباهي صوت الوالد الي وكف

بصفنا..

" منو گال حنين ما تحس بشيء ؟"

برطمت بقهر ...

"لو تحس جان گعدت جـان فتحت

عيونها ، جان ســمعنا صـوتها .. "

شفته يغمض عيونه و أدري هو أكثر

واحد بينا طلعت روحه و ميت وجع

و قهر علمودها ..

حتى فتح عيونه و سافر بنظراته

عليها .. يعقب بصوت مخذول..

" تلكينها ما تريد تشوفنه.. أتاخرنا

عليها هواي .. حقها لو تزعل عليَّ "

أبتسم بالم.. دار وجهه و راح يتكلم

ويا الاطباء اللي أجوي ناحيتنا..

بس دقائق و ما سمعنا غير عياط و

أبوي طايح ضرب بواحد من الدكاتره

و الامير و حيدر وگفوا حاجوز بيناتهم

و جان يوم عصيب و بالگوه أنتهى

على خير ...

. يوم أخر .

مجتمعين بنفس الردهه .. اليكسار و

يمام و خالي أرسلان غفوا هنا ..

طلبنا منهم يرحون للبيت يرتاحون بس

محد قبل .. شفت يروح و الثاني يرجع

أبو الحسن دخل علينا حيله مهدود ..

الياباني نهض و خلاه يكعد بمكانه...

" شمسوين بيها؟ أريد مكان بجسمها

ما مضربه بي ماكو "

دموعي ترست عيني و أيديه ترجف.

" خــلوكم أدخلــون الها ؟ "

أبو الفضل أستراح على الكرسي و لونه

باهت ..

" ما قبلوا بس البارحه ورة 12 بعد

ما رجعـجن الامير للبيت دخلنا عليها

غصـبـا عليــهــم و شـــفــنـــاهــا "

رفع أيديه أبــو الحسن ..

" غسلت شـعرها بايديه و علي الدر

وياي .. أبـو الفضل قــرء يمــها

القــران .. "

المجتبى كمل عنه ..

" أني بقت عيني على مؤشر نبضها

يرتفع و ينخفض .. دخل علينا أبوي

تخبل طلعنا بسرعه و بقى بس هو

يمها بعدها حتى هو ما قبلوا و طلعوا"

يحجي حيدر ..

" راد يتعارك وياهم لو ما ستار و

شاهين ادخلوا يسكـــتونــه "

بقيت الوب بقهر .. يا ريت خبرناهم

من أول يوم أختفت بي .. بس الندم

ما ينفع بعد ..

حتى مر ثاني يوم و ثالث و صار أسبوع

ثاني و هسه يلا أجت ماما حتى تشوف

حنين ..

لمن طلعت من العنايه و صارت بغرفة

عاديه و نگدر نزورها و نگعد يمها رغم

انها ما صحت حتى الحظه ..

أستفسرت ماما ..

" ليش مدا تصحى ؟ مو صارت

زينه ! "

تلزم أيدها البيها كانيولا. منطيها والدي

نظرات بارده ..

" شكلي لازم أسوي أشياء أكثر ..

الها حتى تقبل ترجع من غيبوبتها هاي"

كلامه دفعها تترك أيد حنين و حتى

من يمها أبتعدت .. تلاسن بعدم رضى

" شـتسوي أكـثر ؟ نقــلتها لمستشفى

ثاني و الولد وياك بايتين من أسبوعين

هنا حتى للبيت يجي شفت منهم و

الثــاني يســتلم يمك .. بعد شكو ! "

ما حسينا غير بمشيت الوالد من

وگف گدامها و خفض وجهه ..يهسهس

بدون ميهتم لاحد..

" وجهج ما أشوفه هنا .. تندفنين

بگاعج أذأ وصلتيها . "

بلعت ريگها و من مستحاها مدري

من غضبها .. ضحكت بخفه توخر من

يمه .. تباوع النا بعدها..

" يلا ما يـم بنتــنا حنين غير العافيه

أني لازم أرجع للبيــت يسر و أيات مو

حلوه يبقن وحدهن دام كلكم مجودرين

هنا "

طلعت مخليتني أحط عيني بعين اليانور

الي صاحت ..

" أمــنا شبيها ؟ "

و قبل لا أرد أجانا صوت الوالد

بعصبيه .. برى أثنينجن ..

ردنا نعـترض بس خزرته النا لصمتنا

فسلمنا أمرنا و طلعنا...

و كُلنا بالبيت صرنا نعرف أنُ العلاقة

بين أمنا و الولد صارت ما تنطاق و

على ساعة يصير شيء و يهدم الي

باقي بـيها...

حتى دخلنا ردها ثانيه و گعدنا على

السديه بس جانت لحظات و كل

أخواني أجوي لهنا .. و من شكلهم

راح ينامون هنا ..!

تركناهم علمود لا نزعجهم و رحلنا

الردها ثالثه.. بس بطرقينا همست

اليانور ..

" هذأ ؟ هذأ نفسه الي أتبرع بدمه

الحـنين ؟ "

باوعت لوين تأشر ..

" يعني ؟"

طشرت كلامها بشك...

" لج البارحه و أني أجيت أدخل للغرفة

البيها حنين أنفتح بابها و هو طلع

منها ! "

أنصدمت من و بعدت عيوني عنه

و خليتها عليها..

" بغرفة حنين ؟

شعنده ! وليش ما حجيتي ! "

جانت حترد لو ما قاطعنا صوت ألياباني

يصيح ..

" روحن للبيت و جيبن ملابسي و

ملابس الامير شكلنا مطولين هنا ! "

ٰ

ٰ

ٰ

. بعد مرور شهر .

الحياة ما تنتهي أذا ما نكتب الك هالشيء..

فبين ما تنسد كل الابواب بوجهك

و تحس نفسك أنتهيت و العمر لهنا و

ســير ياخذ روحــك لبعيد ..

فجاة ترجعلك الروح .. فجاة الله من

سابع سماء يريد يشوفك تعيش من

جديد ..

أسمع همسي ينزف بـ حروفه ..

( فِــراق..)

من تحركت أجفوني تهتز و شيء بقوة

الضوه لامس بوبوة عيوني..

ويا جرت النفس و نظراتي اللي صارت

على السقف .. أباوع بشكل غريب !..

الروح للجسد عادت ..

لحظات و عرفت أني وين من طخت

المعقمات و رائحة المكان وعيي ..

بعدني عايشه ! همست بلا روح ..

ما أدري أذأ كنت بالدنيا لو بالاخره!

أصفن الدقائق بل للاشيء ..

شوصلني لـ هنانه ! ..

همست بتعب..

" وين كنت قبلها ! "

و بالگوه درت وجهي لليمين من حسيت

بأنفاس شخص يمي ..

و ما تـوقعت أنُ شيء مثل هذأ ممكن

يصير ..!

لـمن حطـت نظراتي عليه !..

على السديه الي أني بيها حاط رأسه

و غافي نبراس و القرآن بصفه و أوراقة

مفتوحه.. كان يرتلي بي ! ..

مخليني أتوه بين الحقيقه و الخيال!

فهذأ هوَ ! لو وهم سيطر عليَّ ...

أبحلق بي بسكون ~ هذأ نبراس !.

سحبت جسدي بصعوبه ... و ما أدري

شلون گدرت أكعد عدل.. و عيني عليه..

لمن تنفست بتعب .. ردت أنده عليه ..

بس صوتي يابـس و حنجرتي مثل

السكين ..

رفعت أيدي و بالف يا علي گدرت

أمدها ناحية رأسه .. و هربت دمعه بارده

مثل مشاعري.. من لمست شعره..

و گدرت أهمس...

" يـابــه .."

أدري بصوتي خافت و أدري رجال مثله

حتى بخفوتي يسمعني..

من جفل فجاه و من حسيته بلع الصدمه

و بكل بطئ رفع رأسه عليَّ..

عينه أجت بـعيني .. مصدوم ! مو

مصدگ و حتى النفس بالشفعات صار

يتنفسه..

لمن لمحت الحرب تكاتـفت بنص

شفايفه .. يريد يتكلم بس صوته

ما يعينه...

بس لحظات و عانته أديه لمن على

غفله أقــترب و لگيتني على صدره

ساحبني و جسمي كله بين أيديه..

" لو أسجد لله الف سجده شكر حق

رجعتج الي هم ما أگـدر أوفي "

و مره يمسح على شعري و مره يبوسه

و مره يحير بيا ضلع من ضلوعه يضمني

" جسمي.. عالكيفك فدوه نبراس.. "

بالگوه نطقتها من حسيت بوجع هد

حيلي ..

" أسف.. يروح أبوج أسف يگلبه أنتِ"

صار يمسح على أيديه و يعتذر گومه

و يبوس بيهن مخليني أميل بتعب..

أحس ما بيه حيل .. جسدي ما

يعيني بشيء .. و كل عظم أحسه

يأن بوجع ماله مثيل ..

حتى سألت و بعدني ما واعيه لكل اللي

دايصير ..

" لويش أني هنا ؟ .. شـلون وصلت!

و شبيه ! "

بلعت مي حنجرتي بصعوبه و صدري بي

وجع خفيف !! و عيني بعين أبويه الي

صار يرتب بشعري ..

" مو وگتها .. لا تضغطين على نفسج

و ماكو شيء .. ولا صاير وياج روح

نبراس أنتِ "

و ماكو ردة فعل عندي ! كاني قطعة

جماد ما تملك مشاعر ..

" راح أصيح الطبيب لازم يفحصج

لازم بــعد ما يوجعــج شــــيء "

عدل گعدتي و حط الوسادات ورى

ضهري .. يبوس جبيني و كانه

ما مصدگ شوفتي گدام عينه ..!

حتى تركني دقيقه و رجع ويا الطبيب

و كل أخوتي وياه ..!

و بين تعـبي و عين عليهم..و على

خبصة أصواتهم و فرحتهم بحثت

عنها ... ليش ماكو ! ..

هيَّ أمي مو وياهم حتى تشوفني ليش؟

أسمعهم يسالوني.. بس ما أدري

شبيه ضعفت حيل و نغلقت عيوني

ما أحس بعدها بشيء ..! ..

. اليوم الموالي .

الكل گاعد گدامي بيهم اليسأل شصار

و بيهم اللي كل همــه ما أضغط على

نــفسي ..

بس ولا شيء مـنهم يرضيـني ، تايها

و صفحة بـارده .. و ما أعرف ليش

عقـــلي ســاكت عـــن الـتـــفكير ..

شصار و وصلت لهنا ؟..

أخــر شيء كنـــت يم فِراق !

أذكر هالشيء بوضــوح ! بس الباقي

مجرد غواش مثل ضباب الشتاء

ما ينفع يكون ملموس ..

أسمع صوت أبو الحسن من بعيد ..

" بعد أسبوع تعال و أخذ أفادتها وبيتنا

أم هسه فـ أعـذرنا ما نستقبلك ، هيَّ

حتى ما تـتذكر شيء لــواء أبــو ثـــار "

و تلاشى بعدها الكلام عني ..

" حنين يروحي مشتهيه شيء غير

هذأ أجيـبه ألــج ! "

هزيت رأسي لـ ليانور و سالت بشيء

حز بداخلي ..

" أمي و يسر و أيات ليش ما شفتهن

هنا ؟ هـــنه بـــخيــر ! "

لمحت ألارتباك و هزت عيونها .. حتى

أبتسمت لمن طول سكوتها..

" تمام .. تمام فهــمت "

شحت بوجهي للشُباك و يا الله على

البرود اللي طغى عليَّ ..

كاني بطلت أحس ! كانُ هناك شيء

صاير و عقلي ما يريد يذكرني بي ..

و مر هاليوم بين فحوصات و تحاليل

و أكو أشياء كومه عجزوا يفهمون شنو

هيَّ بس أني فاهمه شنو هيَّ..

حتى صار الليل و طلبت من الكل

يرجعون للبيت و بالگوه بعضهم وافق

بس يرتاحون كم ساعة و يرجعون..

لكن نبراس رفــض .. هالرجال قضى

الساعات جالس بصفي و يقرئ لي قرآن..

مخليني أغــفى بأمان و الدمــعه على

طـرف رمشي حــايره ما بـين توگع و

تبين ضعفي لو تــقاوم و تحبـس نفسها

و تحفظ قوتي ..

كانت كم ساعه لمن فزيت من نومي

حلكي جاف .. والعطش لاعب لعب بيه

و محتاجـة أروح للصحيات ..

شلت الكانيولا من أيدي و نهضـت و

عيني صارت على الغطأ ، رفعتــه و

غطيت بي والدي بتــريث لانـه نايم

و نــفس كل لــيلة بــقــربــي ..

بعدها بهداوء طلعــت من الغـــرفه و

أحـس بالــخنگـه من جو المسـتشفى

رغــم أنُ شــغلي كدكتــوره يــتوجب

يقبلـــني بي ..

بس أريد أستفرغ من

روائح الديتول و المعقمات البي..

و جنت بالگوة أمشي لهذأ أضطريت

أستند بمحاذاة الحيطان حتى ما أوگعني

" نبراس حاجز المستشفى ولو شنو؟ "

وصلت للصحيات و على طول طريقي

المكان يصوصي ! صايبني شعور بالتردد

خايفه ! لا.. لا.. مو خايفه..

دخـلت و أول شيء ســويته هو أني

أتقيئت بشكل طلع روحي و رواني

الويل ..

و شيء من الدم لمحته أنخلط

ويا أستفراغي. .. بشكل خلاني أبتسم

ببهوت..

" مستحيل أطلع سالمه بعد كل اللي

صار .. "

صفنت بوجهي بالمرايه و صوت الغصه

بعيوني سمعته و شـفته ..

أتصرف طبيعي ! و إني ما أتذكر !

شكل خيبتي و خذلاني صـدمه ما

أريــد أمــر بــيــها ..

على الاقل مو هســه..

على ألاقل مو بي هوَ..!

غـسلت وجهي.. و ردت أدير وجهي

حتى أطلع .. لحظتها نـغزني قـلبي

و كانُ واحد دا يراقبني..

سرعت و بكل ما بيه و طلعت منا

أمشي بالرواق .. حتى تجمدت

بمكاني..

من سمعت صوت مثل اللي أعرفه همس

بغرابه..

{ أشرقت و أنــورت يست الحِسن }

مخلي صوتي يوگف بحنجرتي...

من سمعت خطوات بسطاله من خلفي و

حسيت بأيد تلمس شعري !!..

لو من أتوسدت أنفاسه قرب سمعي

و صوتـه و هو يحچي ..

{ عــجل يابـه تدرين ؟ من أيام و أني

حاير بشـغـلـــتين }

ماكو شيء بيه يمشي مثل ما أريد

بهل لحظــه حتى روحــي ضاعت

مـدري ويــن ! ...

بالحظه اللي شعرته ساحب أطراف

شعري بخفه !! يلفها بين أصابيعه و هو

يتلفظ بضياع ..

{ ما أدري أذأ مـشتاق لج ! لو مـشتاق

الشوفتج بذاك المستودع وأني أعذب

بــيج ..}

و بعدني ما مستوعبه كلامه حتى بهتت

بكل برود من طــبع ثلاث بوسات على

شعـري اللي بــين أيــديـه ..

كان همس ذبح سمعي ...

{ ويامن غــفيتي ليلج هـلـ أيام ؟ }

تنفــتح شــفايفي و تــنسد ...

{ يــول خـــوما جـــربــتــي ؟ }

على خصري لسعتني أصابيعه.. مدأ افهم

شيحجي ..

{ يول مو مثلي ! عجل محد گالج

أني غـــير ! }

و شـنو اللي بيـه ما أنهار .. ظــهري

يلامـس صدره لمن زاح عن رقـبتـي

الخصلات و مشى شفايفه على جلدي.

{ لا طــلعين وحدج هيج ترى أخطفج

من جديد }

مخلـيني قصرأ أحرك نفسي و التفت

الوراي...

زاير وجهي الرعب..

فما شافت عيني بشر غير رواق فارغ

ولا مخلوق بي غيري أني !! ..

فبيــن أني أبــلع ريگي لو أصرخ لــو

أضحك بجنــون لو أهرب من كل شيء

.. نـــظراتي وقــعت علـى أبو الحسن

الجاي بأتــجاهي ..

" شبيج يروح أخـوج ؟ ليش هيج

وجهج مخطوف ! و واگفه هنا وحدج؟"

صوته ما زادني ألا أرتباك .. لزمت أيده

و بكل ما بيه من حيل رصيتها...

" طـلعني .. أبو الحسن طلعني منا

ما أريـــد أبقـــى هــنا بعـــد "

تفاجا و أبتسم يمسح على رأسي بيده

يجاوبني بهدوء .. و صوت كله امان..

" تدللين و تامرين أمر.. هسه أسويلج

خروجيه و نرجع للبيت "

لزم أيدي اللي قابضه بيها على معصمه

و شابكها بيده لمن صار يمشي و يمشيني

وياه

حتى سألت متردده ..

" شـفـــت أحــد هـــنا ؟ "

قربني ناحيته و باوع بوجهي .. بعدم فهم

" أحد مثل منو ! واحد من ولدنـا يا

عمري أنتِ ؟ . "

شرد أگول ! هزيت رأسي و تمسكت

بيده أقـوه ..

جسمي يرجف و خيط

الذكريات بدى يتشابك برأسي ..

" أنسى .. خلي نگـعد نبراس و نطلع

منا "

رفع حاجبه على كلامي ..

" نبــراس ؟"

و ضحك حاط أيده على

شعري مره ثانيه .. رتبه اللي بعنايه

و سحبني نكمل طريقنـا ..

نص ساعة بين أجراءت و أشياء ثانيه

حتى صرنا برى گدام السيارات وأگفين

ويا أذان الفجر لمن صدحت " ألله أكبر"

بكل الجوامع أجت عيني بـ نجوم السماء

ليله متروسة نجوم و حتى القمر

شبه مكـتمل .. بس روحي الوحيده

الناقصه..

لمن وگف والدي من جهة اليمين و علي

الدر و أبو الحسن بالجهه الثانيه ..

سحبني اله .. لام وجهي بين كفوفه ..

" شايـفه النجوم هــاي ! وداعــتج

بغداد جانت مضلمه حتى القــمر

ما طخ سماءها إلا برجعـتج هاي "

ضحكت .. و خفضت بعيوني للارض

أحس غصة بقـلبي هيهات بعد اليوم

أذأ تروح..

لمن قبضت على جسمي أريد أهدائني!

" تــدري ! أعــرف بيــك تــبالغ هـوايَّ

بــس مع ذلك وداعـــة ولـــدك ذولي

بكد ما مشتاق لي مشـتاقة لك أضعاف"

حجيتها و عيني عليه و على أبو الفضل

و أبو تراب و البقيه اللي واگفين گدامنا

يصعدون سياراتهم..

حتى أخذ والدي تركيزي.. من صعد

ويايه بالمقاعد الخلفيه تارك علي الدر

يسوق وابو الحسن بالصدر..

" جعل محد يشتاقـلي بعدج ، روحه

و گــلبه لابوج أنــتِ . "

و كان هذأ أخر شيء يگوله الي نبراس

حتى أنفجر أبو الحسن بي ..

" يابه فـدواتك حاط الامير علي و كل

ولده عــليك كـــافي مو تــصوحرت

من الجــفاف "

يرده و يلعـب بشعري ..

" تصوحر يبعد أبوك تصوحر ما عندي

غيرها موسد بالگـلب تستاهل العين "

مكان بيدي غير أني أبتسم .. و اسنط

على رد علي الدر ملتفت لي ..

" ضوه البيت هاي و المحليته "

بقوا يتكلمون و طايرين من سعة

السعادة بيه...

بس بالي مو يمهم من سندت رأسي على

الزجاج و تفكيري راح اله وحده ..

هو اللي صار صحيح ! هوَ من صدگ

راد ينــهيني و بوسط بــــيته !

لاني بارده.. لان قلـبي مخروس

وكانُ مصاير لي شيء ..

و شبيه أشتـاق لك بعد كل اللي صار !

طلـقـــة و بصدري خليتها شنو تسوي

بــيه أكـــثر حـــتى أگـــدر أنسـاك ! ..

لاني بهل لحظه من مسدت صدري

بيدي و نزلت لـ مكان الطلقه حسيته

موجود ..

ويا صوتك.. الي رجع بذاكرتي..

* و بشر القاتل بالقتل ! هو أني

قــاتله منو حتى أسمعها تنگال الي !..

وصلنا للبيت .. الكل هنا .. خوالي

عمي ستار .. جيفارا .. ولدهم ..

بس مدأ أشوفهم .. كنت أشوفه

هو .. ذاك العقيد موجود بينهم ..

بين أصواتهم أسمع صوته ..

بس مدأ أعرفه ...

تيهت شكله ..

يحاجيني والدي ...

" عزيزة أبوج أنتِ بخير ؟ "

فلتت أيدي من أيده ..

" أبقى وياهم أنتَ .. أريد أصعد

الغرفتي "

ترس محاجره الوهن .. قبل جبيني

" تدللين يا غاليتي "

و يا دوب سرقني المجتبى و أيوان منهم

أروح الغرفتي ..

لان مو واعيه لاحد و سارحه بغير عالم

و الكل أنتبه الوضعي ..

أنسد الباب و ريحت ذاتي على سريري

كم دقيقة و أنفتح .. دخلت يُسر ..

تقدمت و جلست على طرف سريري ..

تبرر

" عندي أمتحانات و لهذأ ما لكيت

وقــت أزورج بالمستشفى.. أسفه حبي"

رفعت نفسي أتكى على صدر السرير ..

" عادي مو مشكله "

مدت أيدها على جرح بخدي .. تعبس

بملامحها ..

" هاي شمســوين بــيج ؟ "

بارده حيل نظرتي عليها .. و للحظة

رغبت أطلب منها تطلع و تتركني بس

لگيتها مخليه راسها على فخذي و تشتكي

" خــفت بــعد ما ترجعـين "

ما عندي طاقه أرد .. لذلك وسدت أيدي

على جبينها و شعرها أربت عليه بخفه..

رفعت وجهها .. أبتسامه غريبه ساكنه

شفايفها ..

" أني أحبــج هواي "

هواي تعيد هاي الجُمله .. جبرتني أحرك

ثغري ..

" و أني أحبكم بدون أستثناء "

صارت تضحك و بهل أثناء أقتحموا

ولدنا غــرفتي ..

و صوت الامير أنتشر .. من سبقهم

يبوس جبيني ..

" بغيابج البيت ظلم لا كهرباء لا سحب

فــــاد هـــندس و دك الــغرف "

ضحكت بتعب بلا صوت .. يسر أبتعدت

و أبو تراب أجى يمي و البقيه حولي

كلمن جلس بمكان ..

" و عيونج لا نهارنا نهار ولا ليلنه ليل

هايمـين و نــدور عــلـيج ما خــــلينه

مديــنه تــعــتب عـــلينا "

أحتوى أيدي المضمده يمسح عليها

بحنيه ..

" تــعبتكم أعرف "

أبو الحسن أقترب و أخذ عيوني و نظرها

اله ..

" يفداج التعب المهم رجعتي و النفس

بـيج "

دأ أرده و الامير نب ..

" تدرين بغيابج بحالنا شصار ؟ مثل

العرست حبيبته و حاير يا ستــوري

حــزن يخــتار "

همست له و الصداع سطرني ..

" طيب أســفه .. "

هز رأسه الياباني ..

" أحنه الاسفين والله .. نص سنه

و ما عرفنا نلگاج "

دارني اله أبو الفضل .. بلهجة صارمه

خاطبني ..

" النه هواي كلام وياج بس مو اليوم

الوصلج الهاي الحاله ثارنا أبتدى وياه"

أثناءها أيليا مد لي تليفون جديد مكمله

من حيث الشريحه .. و عبر ..

" كل أرقامنا خليتــها بي "

تركته على الوسادة و نظراتي تتراوح

بينهم ..

بقوا يتوعدون و سوالف كثيره فتحوها

أخرها تركوني لحالي حتى أرتاح ..

أسد بالعين و أفتــحها ..

و أمر لوهلات على الضوه ..

صارت تخنگــني سدت الباب ..

التفتت على الشرفه.. سحبت التليفون

و نهضت متجاوزه ستارها و صرت

قرب السور ..

جو صيف .. هواه غير ..

شغلت شيء أسمعه و ريحت عيوني

للسماء ..

" يا أنا يا أنا ، أنا وياك صرنا القصص

الغريبة يا انا يا أنا ،أنا وياك و أنسرئت مكاتـيبي و عرفوا أنك حبــيبي .. و

عــرفوا أنــك حبـــيبي "

نزلت نظري و فريتها هنا و هنا

مخطوف حالي بذعر ... أحس أكو

شخص هنا .. عيون تتبعني ..

صرت أتمتم ... و اللون مشحوب ..

( مـنو هــنا ؟ .)

أسمع أصوات بعيده تشبه الريح ..

{ تهوجسين بيه يول تهوجسين }

ثقلت عيوني .. صايبني سهم

البين ..

مدأ أحس بروحي و شبيها .. و

منو هذأ الي أتخيله و ميفارگني ! ..

خبيت سمعي بايديه ... أريد

الصوت يختـــفي ..

" حـــنين يابــه "

بخضم هالتوهان جريت أنتباهي اله..

" يـــابــه "

دخل من الشرفه .. ينتشلني من

حربي ..

"راحلج فدوه هو و كل العشيره "

تركت مكاني .. سرعت اله.. أني مو

بخير .. رفعت أيديه و حضنته .. الوذ

بي ..

طالبته يقرى لي القرآن .. بشرني

من عيني ..

دخلنا للغرفه .. وضعت رأسي على

فخذه و عيوني تباوع بالفراغ ...

بدى يرتله بصوت خافت ~ و يمسح

على شعري ...

علي الدر سمعته دخل .. يحجي

بخفوت ويا والدي ..

" ما لگيناه، صاحب الرقم مقتول ..

يعني الي خابرنه و گال حنين بضيافته

تبقى جان مستخدم خط مو اله "

و صارت سكته ..

طفت وياها أهدابي ..

ٰ

ٰ

و مرت الايام

حتى مر أسبوع على رجعتي لهل بيت

مثل الحلم كل شيء اللي داعيشه هسه..

بس حلم مكسور ..

و شگد ما حاولت أجمع أفكاري وأرجع

أني .. أفشل و بقسوة..

أحبه... أحبه بشكل يهد حيل الدنيا

و لو شما حصل ماكو شيء يشيله مني.

دخل أسفار ويا ألامير ..

" يحلــو اليوم وراج أفـاده راح يجون

كم ضــابط عـاد لا تـــتوتري گولي الي

تتذكرينه لان القضـيه أحــنا الـنـاخـذ

حقــج بيــها مــو الــدوله .. "

نفضت أفكاري و رفعت حاجبي بكل

برود على كلام الامير .

" أگول لو تروح تدرس أفضل لك لا

تضيع وقتـــك حبيبي .. من أســترد

عافيــتي أتصرف "

عض شفــته و عــاف كل الاماكن

و أجى كعـد بصفي .. على سريري

و صار يعدل بالكانـيولا اللي بيدي .

" شـ أدرس ؟ هو أني و أيوان مخلصيلج

الجامعة تـنمر .. ماكو واحد ماطكينا

بوحده "

تجهم خاطري ..

" لا تعـبوا أسفار و المجتبى وياكم

بعدين لويش هالتــنمر يالامير على

غيركم ؟.. أمانة أذا تنعاد حاشـتكــي النــبراس عـــليكم وقتها شوفني على

منو تتنمر بعد "

صارحني أسفار يأشر عليه ..

" ترى الياباني ما يــتنمر بس هذأ و أبو

غمازه علمه ولا تخافين وصلتها لابـو

تراب حيدر البارحه گـتله واليوم دور

هذأ متحلف له"

ضنيت الامير حـ يتاثر .. بس هو تنهد

يشاركنا أفكاره ..

" عوفكم من أبو تراب .. أفكر بالمستقبل

أفتح مدرسه و أعلم الاطــفال شلون

يـــتنمرون على غيرهم .. يعني أحــــدث طـــفرة بنـــســـل عائــــلـتــنا شــــــوي

نــخــــرب بـــ الاخــــــلاق "

بهتت ملامحي ..

" من وين دأ تجيب هالافكار أنتَ ؟ "

ضحك ..

" أي وداعتج و أجــيب أدريان وياي

و قائد ذول يدورونها من الله نـصنع

جيل جديد اليحاجي يطكه بتــنمر و

عفطه "

مسحت على وجهي بتعب و رمقت

الفراغ بضياع حتى رجعت بوجــهي

لاخوي ..

" منــو الجـــايــنه اليـــــوم ؟

ليش كل العاملات يجهزن بالبيت ! "

عقد حواجبه و رد بعدم أهتمام..

" نفس الرجــال اللي أتبــرعلج بالدم ،

تدرين خلال الشهر الفات قوة علاقته

حيل بالوالد و اليـوم جايـنا ضــيف "

ما عرفت منو يقصد همهمت له .. حتى

دورت بكلامه برأسي ..

الرجال اللي أتبرع لي بالدم ؟ المفروض

أشكره و بطريقه حلوه.. نسيت موضوعه

بالفعل ..

بعدها طلعوا مخليني أباوع بأيديه

فوحده مضمده و الثانيه بيها كانيولا..

و أني أدري ماكو شيء راح يفلت مني

بدون عقاب .. بس خليني أتعافى . .

و وقتها واحد واحد أزوعه العافيه ...

بس حاليا أريد السكون.. لمن مسدت

صدري و حطيت رأسي على وسادتي..

أريد بأي طريقة أبعد عذاب ذاك

التعذيب و صوت بسطاله من رأسي !

ويا سوايت فراق.. اللي حرت بيا عذر

أنطي ! و بأي طريقة من سواديني و

هووسي أبرئه ! ...

مرت ساعة و أصوات أخواني علت

بالبيت .. توصل الغرفتي وعرفت الضيف

أجى ! ..

لمن فجاة أجتني يُسر تطلب ..

" تعاي نزلي وياي أريدج بشيء ضروري"

أستغربت طلبها ..

" خــير في شيء صـاير ؟. "

سرعت تمسك أذراعي.. بدت متزينه

أكثر من الــعـاده ..

" تعــاي و تعــرفين "

ما ارتاحيت و مع ذلك نزلت وياها

و قلــبي غريب نبضه ! ليش الهل

درجة منكتم ..!

من مرت من يمنا أمي تبتسم بجفاء

و حضنت يسر بشكل حنون ! و

السعادة تارسه وجهها ..

و ما أدري بشنو همست لها حتى قهقهن

تروح أمي بعدها.. ..

دنت تحاجيني يسر ..

" لو تدرين شنو حـ يصير هسه وليش

هالزلم أجوي ببيتنا ! صدگـيني أريـد

أگولـج بس لا خــليها سبرايز الــج "

ما أنطيت أهتمام لكلامها .. أكتفيت

بهمهمه..

و أحس أريد أستفرغ لان

أحس بطعم الدم وصل الجوفي..

و بين وجعي و تعبي لمحت وتين و

اليانور أجني يهرولن...

ولاني بعدني ما مشافيه ولا جسدي

بخير كنت بالگوه أتحرك لهذأ وقفت

يم الدرج المطل على الصاله الكبيره و

أستقبال الضيوف ..

و كُــلهن بــقن وأقــفات يمي !..

الاصوات صارت تنسمع.. اللي جايين

مو شخص واحد ..! ذولي أشخاص !

خطف روحي كلام والدي على غفلة

بـ أسمه هوَ ..

" تدلل سيد فُراق أطلب و اللي تريده

عند عينك يكون الك فضل عندي ما

أردك مهما كان.. "

نسلبت روحي مني .. فراق ! فراق

هنا و بيتنا !!..

شدا يصير هنا .. وليش الرعب دك

باب بيتي و هدم أوصالي ! ..

لان ما حسيت بنفسي من خذتني سيقاني

لهناك.. من وقفت على بعد خطوات ..

و كل جزء مني يرجــف .. بلا فــهم

لمن شفــته ..

گــدامي گــاعد ولمن بالحظه عــابره

صــارت نـــظـراتـــه ناحيــتي .. بدى

خـــنــجر يـحــز بـــوريـــدي ..

شاحها و تكلم ..

" أدري أنك مراح تردني و لهــذأ السبب

أسمعــني بشـــنو جـــايك و شـــــرايد

وهـــالــزلم ويـاي . "

أبتسم بلذاعه و سحر و شيء من الثار

بين بعذوبه نظراته .. لمن صارت عينه

بعيني .. ما أعرف بيه شــكاسر گــلبي

لو خاطري من گال هالجراح ..

" أني جايك اليوم حتى أطلب أيد بنتك

يُسر على سنة الله ورسوله سيد نبراس"

. . ⇜↜𓆩H𓆪↝⇜ . .

ٰ

ٰ

ــــــــــــــــــــــــــ الروح ويا النفس الكم🦋

ٰ

هواي عدت هالكلام بطلوا حرق

أو تركوا الروايه لان امانة الله

لعبت نفسي منكم .. عرفنه قارينها

و تعرفون كل شيء ..

فـ شكو تسالون نفسكم و بحساب

أخر تجابون على روحكم ؟؟ ..

بالمختصر قاريها لا تعيدها دامك

تعرف كل الاحداث فأي متعة و تشويق

الكم أنتهت خلص.. .. لان دأتخربون

على الجدد الي دا يقرأءوها .. و ما بيه

أكتم كل شوي.. لان أمانه خلصتكم..

فالطفا راعوا هالجانب ..

ما تسوى تنحظرون بسبب هالشيء..

.

❥ 𓆩H𓆪.

. . . . .

للملتقى باذن الله🤎

. . . . .

. 🦋  .

ــــــــــــــــــــــــــــــــ ﷽ على ذكرى نبدأ

.

التوهان قربان هواك  🕊

بـقلمي  - سينارلاين علي 🦋

ٰ

. 🦋  .

گمت أتخيلك ترجع واحاجيك

وأسولفلك الصاير من عفتني على

ياهي أعذرك صارن هواي بس حچاية

أگلك ضيعتني

. 🦋 .

ٰ

ٰ

ٰ

ٰ

ٰ

. . ⇜↜𓆩H𓆪↝⇜ .  .

ٰ

ٰ

أســمع حــجاياته  ..

" أني جايك اليوم حتى أطلب أيد بنتك

يسر على سنة الله ورسوله سيد نبراس"

الكلمات ما تعبر عن شعـوري و كل

اللي صار كاني بحر و طشروا مايه..

هوَ شگال هسه  ! لاني مو واعيه ولا

بيه حيل أصدك سمعي بهل الحظه ..

الدرجة بعدت عيوني عنه و خليتها

على خواتي ..

و سألت  .. 

" هــوَ شــگـــال  ؟. "

يسر هيَّ اللي جاوبتني و نظرات

حقيره بعيونها تكللت !!

" طلب أيدي معقوله مسمعتي ؟؟ "

مخليتني أميل برأسي و ماادري بيا

نبرة وجع طلع صوتي المكسور مني !..

" طــلـب أيــدج ..!"

هلهل أكتراها بفـرح  ..

" أي حُــبي طــلب "

ضعت و أني بمكاني  .. مدري شكد

بقيت أرددها .. فراق طلب أيدها  !.

و هيَّ تحاجيني  ..

" أسمعي بابا شــ حيجاوب "

شـ حيجاوب  !!  ..

أحتاج هُـدنه ويا نفسي  ..

طيب مو كُـلهن سوه صفن عليَّ  ..

اليانور تضحك  ..

" يمكن يوافـــق  ؟ "

و أيات تــرد ..

" وليــش حتى ما يــوافق  ؟

مكانتة مرتــفعه و أبن ثراء مثـلنا "

ذبت على قــلبي النار يُسر  ..

" هاي تخصني المفروض أني اوافق

أو لا مو صح حــنونه  ؟.. "

كانت هاي اللحظه اللي فـقدت بيها

سيطرتي على نفسي لمن صرت أضحك

بصوت مجنون ..

مثل اللي طلــبت نـذر من الله و

حـصلتــه .  .

لـمن حتى نبراس و أبو الفضل فجاة

تركوا فراق و گعدة الزلم و جوي على

صوت ضحكاتي ..

وأگـفين گدامي و نــظرات غربة و

مو راضيه أنـفرشت بـــوجوهــم ..

أبو الفضل صوبني بـ سوأله بـقلق..

" بــيج شـــــيء يَبعد أخـوج ؟ "

مستمره بالضحك أني مدري شكسروا

بيــه  ..

من تــقــــرب لي والـدي و من بأثنيـن

أيديه مســك وجهي و خفـض وجــهه

بــنبرة قــلق يحاجـــيني  ..

" خيرج  ! أشبيج يعمر أبوج أنتِ ؟ "

و حتى والدي لمحت الخوف و الكسرة

بعيونه ..!

آه و شگول و شحـچي الك !..

هالرجـال اللي گاعد بالصاله واللي

طلب أختي منـك كل روحي بي  ..

وألا أگولك طلقه بصدري صاباني

و كل غايته كانت ينهي العمر عندي؟

بس لا مو سهــلة أعترف بشيء

من كزيت على أســناني و طردت

ضحكـــتي أجــاوبه بكلام ضــايع ..

" شبــيه ؟؟  ولا شـيء وداعتـك "

وخرت أيديه من وجهي و أبتسمت

بهدوء عكس كل شيء بداخلي ثاير ..

لمن كملت بالحجي بدون ما أركز

بشگول.. و كل عقلي راح لـ فراق..

" أحيانا الانسان تزوره السعادة بدون

أذن مثل هسه والدليل صوت ضحكتي

الـــخلاك تــعوفهم و تــجيني "

بلعت ريگي  .. و بعدها ما شفت غير

رجليه تـسحبني منا  ..

تركت كل شيء و لگيتني بغرفتي وعلى

سريري گاعده و الكتمه بصدري  ..

فبين عين على الگاع و بين عين على

شُباك غــرفتي و بين شفايف متفرقه

لا بيه أســدها و لا بــيه أفتــحها عدل ..

مصدومه  !

مصدومه حيل..

الدرجة حتى صوت النفس حسيته

مستحي يطلع مني ..

ساعات بقيـت هيج ذرة ردة فعل ما

خرجت مني  ..

بس هو رايدني بــثار  !  ..

غصيت بيها بصدري  ..

هو رايد شيء  .. فِراق كل شيء

بيه يصيح مو خالي  ..

مثل عاصفة و نسيت بوجهها أسد

الباب  ..

حتى لگيتني أوگف بملامح فارغة و

أطــلــع من غــرفــتي  ..

لمن ما وگفت خطواتي ألا يم غرفة يُسر ..

أيدي ترجف بس ما منعتني من طرق

الباب  ..

" هــا خــير  ! شــرايـده  "

هيج أستـقبلتني أول مشافـتني..

و أدري مو بحال أحـقد هسه  .. من

لزمت أيدها   ..

" ما أدري شنـو برأسج أو حتى شنو

اللي صار  .. بس هالرجال نيته مو

خــير  . "

و أدري لا هيَّ أطيقني ولا أني أستسيخ

شوفتها ..

بس تبقى أختي لو مهما كان اللي صاير

بينا وحده بعــمرها ما يهـون عليَّ ما

أحـذرهـا ..

ولان أحب فــراق ولان صـرت أفهم

أحساسي الاول عمره ما يخيب.. ما

أريده يتاذى هو ولا واحد من أهلي

يصيبه شيء  ..

أستفسرت  ..

" ليــش  ؟  "

غطاني صدى الذكريات  ..

" هــوأي أسباب  .. بس الأهم هو

ماله أمــان   .. نيته سوء ويــاي "

ما حسيتها ألا دفعت أيدي و تخصرت..

صوت ضحكتها اللي أرتفع ..

" نــيته مو خــير ؟ ترى أثنيــنا ندري

ليش هيـــج دأ تگــوليـــن "

كلامها ما خلاني غير أبهت.. و بلحظه

كل خوفي من أنه ممكن ياذيها طار  ..

همست وصوتي أبرد من عيوني ..

" شــتـقصديــن  ؟ "

بلحظه اللي خفضت بيها رأسها

و مدت أيدها أتلاعب خصل من شعري

و تعقب  ..

" هذأ هو نفـسه اللي تحــبــينه من

ســـنين  ! واللي خــبصتينا بـي "

ولا مو الساني أنربط ولا لوني أنخطف

..  لاني صفيت دقائق أباوع عليها.. 

حتى ضحكت  .. و أدري أحتل

وجهي شيء ما ينحزر  ويا صوتي..

" دامج تـدرين لعد لا تـسلكين هالدرب

لان مو بــس أحـبه يا بنت أبويه أني

عاشگــتــه و مــهـــووســـه بــي  . "

ضحكت بوجهي  ..

" واذأ تحبي هو أجى و طلبني ما

رادج أنــتِ  "

مكنت أعرف الكلام يقتل أكــثر من

الرصاص و من سكين تحز النحر  ..

صفنت بيها  .. أحسب خيباتي  ..

و هيَّ لوت شفتها ترمقني مثل المنتصره!

" شبيج مصدومه هيج ؟ "

رطبت شفايفي و دفعت شعري  ..

من كد خذلاني خافته نبرتي  ..

" أسمعيني زين مو بس لان أعشقه

و أريده دأ أحــجي هيــج بــس هوَ

رايـــدني بـثـــار مــا أعــرفـــه "

و ما أنـتظرت أسمع جوابها سحبت

نفسي لبرى و بس الله يدري بيا طريقة

صرت أجر النفس ..

مو عادي اللي دأ يصير أحسني من

كثر الصدمات تيهت بياهيَّ منــهن

أحير ..

الدرجه سندت نفسي على الحايط

أريد شيء يسند جسمي المال من التعب..

ويا جيت الامير اللي صاح بدون ما

ينتبه الوضعي  ~

" حنين أسمعي هالشعر بداعة خوتنا "

وگف گدامي و منطاني مجال أرفضّ

من أردف  ..

"ملياردير قبل لا أعرفك جنت و من

ضگت شفتك مجدي بالتقاطع صرت "

و ما أدري شحسيت بهاي اللحضات

واني أرمقه و هو يكمل ..

" لو صدك مشتاك دز رساله ملثم أطب

عليك و أرجف عمامك "

ردت أگوله أسكت  .. زادني بوحده  ..

" لو تـدري بفركاك شصار بيه أطبك

جكاير و سفن و ربع شاميه و نستله

بالدين ياأهل المحل سجلوا علـيه "

مخليني أمسك بـطني من ضحكت بلا

حيــلة على دنــيتي مو عليـه و خانــتني

سيقاني أگــعد على الارضــيه بخــواه ..

" هاا ترى مـگــلتلج نـكته أشـبيج

تـضحــكـين  ؟؟؟ "

عضيت شفتي أجبر نفسي أسكت..

" مو عليك  أضحك  .. بس بايخ حيل

يا ريت تبطل تكتب شعر هيج "

وقبل لا يعترض منزعج مديت له أيدي..

" و هسه مدلي أيدك .. گومني"

بيــن عين على أيدي و عيـن على

وجهي أقــترح ..

" ليش ما أشـيلج مثل العروسه أحسن؟"

رفعت حاجبي.. مستنكره كلامه بجفاء..

" ترى أخـتك .. هــالسوالف أحتـفظ

بيــها لسـعيدة الحـــظ لتــاخـــذك "

أبتسم  .. و طوى أكمام قميصه ...

يحچي بجديه ..

" عادي خلـيني أجرب بيج و بعـدين

أطبق على سـعيدة الحظ المــا أدري

ويــنـها هــســه  . "

أني بــيا حـال وهذأ بيـا حال ..!

من صحت ..

" روح يابه بطلت ما أريدك تگومني "

حتى ردت أگوم بس سبقـني من مسك

أيدي و سندني أگــوم  ..

" لا يالامـــير ..  لا "

خطفني حاملني بين أيديه  ..

" و هســه خــل نركــض بيــج "

تمسكت بي رغم عني و هو طار بيه

راكض و صوت أبـو تراب ورانـا  ...

" و الكفل زينب اذأ توكعها أسـحلك

على الــدرج "

طفر بــيه و يصــيح  ..

" أنــچـــب  "

أول ما وصلنا نزلني بغرفتي و أجتاحتنا

ضجة أبو تراب،مكتضبه تـقاسيمه و يسأل

" شگـال هــذأ ؟؟ غــلط عليَّ حـنين  ! "

بادلت محاجري بينهم  .. قبل لا أنطق

أستنجد الامــير بــيه  ..

" يا أم عيون زركه يالساحله المراجل و مشيتهم زحوف لا تنطين بالامير أخوج"

سنـدت نـفسـي على عــتبة الباب من

التعب .. صرت أهــمس مدري المن ...

" أي "

أنتفض وجهه و مراسيم من الحزن

دكته  ...

" عرفتج بيه تخونين يالجنت أشتريلج

جبــس بــالــدين  "

سحبه مني أيليا  .. مدري من وين ضهر..

" يا دين ولك و فلوس أبوك التارسه

المصــارف ؟ "

غلقت عيوني و أسمعه يتمتم  ...

"مو أني شـاعر الفقراء فلازم أجيب

الــفــقر بــالــنص و اللــزكـــه  "

تركتهم بـ ضوضاءهم و دخلت غرفـتي ..

سرعت أشرب مُهدأت و أدوية ..

أحــس بـصداع دأهــمني  ...

جلست على السرير بعدها  .. أهرب

من دماغي و من نفسي  ..

و مدري شگــد مضى من ســاعات وأني

بضياع بعثر أجزائي.. بفكرة تاخذني و

الثانيه ترجعني ..

حتى أنـطرق الباب .. يدخلي ذو الفقار

و يبــشرني  ..

" جــهزي روحج تــنزلين ويـاي ضباط

الجايين على أفـادتج قربوا يوصلون

بعد عيـون أخـوج  "

خلاني أعصر أعصابي التايها بتعب ..

" تمام.. بس كم دقيقة ذو الفـقار

أنــتـــظرني  "

فهم أني ناويه أغير ملابسي  ..

" تدللي .. حـ أنتظرج برى الغرفة وأذا تـحتاجين أصيحـلج وحده من البنات

تســاعدج گــولي  "

بــقيت أبــاوع عليه ..  مربي لحيه

خفيفه و ملابسه عباره عن أسود و

أبيض  ..

مرني الحنين اله و لكل واحد من أخواني.

" سلامـتك مو محـتـاجه أحــد  .  "

تحرك يريد يطلع بس رجع و نصب

تركيزه عليَّ  ..

" على كيفج وأنتِ تــغيرين لا تأذين

روحــج بعد عـيني "

تهرت فوانيص أحشائي  .. ردت أگوله

هينه جروح جسمي لابد ويا الزمن تطيب

بس گـلبي شــلون بي  !!  ..

أشرت للباب  ..

" أخـــذ رأحــتك "

منحني أبتسامه أطمئنان و طلع  ..

لمن غيرت مــلابسي  .. فـستان بُني

باكمام.. بوند لـشــعري رفيع بـذات اللون

و تـركت نصـفه للخــلف و النصف الاخر

سدلـــته على كــتــفي الامامي  ..

حـاولت أخـفي كدماتي بالميكــَب كد

مابيــه بس لســة ألـ أثــار موجوده  ..

و طلعت لبرى أنزل وياه كاني ألة مو

أكثر  ..

يحاجيني والدي أول مصرت وأقـــفه

يــمهم بــنبرة أمــر و ثــبات  ..

" أي شيء ينــطرح عـليــج جاوبي

بَـــ مـا أذكر شـــيء  .. مــفهــوم ؟ "

هـزيت رأسي اله بـ أي لان عقــلي و

كُــل شيء بــيــه مـــو ويايََ  ..

بعدني ما

طالعه من صدمتي بالي صار من ساعات

ولا أني الادري شنو صار و شـ جاوب

والدي على طلب فراق  !!  ..

و كم دقـيقه مرت حتى دخل علي الدر..

يسوي مجال للضباط بـ صوته  ..

" يا هلا بيكم  .. تــفضلوا منا  "

بس مو أي رتب ذول  !  ..

لمن صدحت أصوات بسطالهم.. تجبرني

ألتفت و عيني أجت بعين واحد منهم !

خطف نبضي مرعوب  ~ وليل حرب

هد بيه للما غفت عينه  ..

النفس ودعني لبعيد  ..

من نزلت عيني على النجمات و النسر

المزينه أكــتافه  ..

صفنت بيهن صفنة جندي نزل ساحة

حرب وهو ناسي سلاحة  ..

رفعت النظر لـ وجهه  ..

و الزمـن هنا و بهل اللحظة وقـف

قــطاره عن السچـــه عطــلان  ..

نفس العيون السود  .. صاحب اللثام..

مرت تركض الذكريات مغوشه گدامي..

ضربة سوط ..

مستودع بارد  ..

ظلام ~ و كسر أضلع و رمية رصاص ..

دريت يومي أبشع من مجرد يوم أنكسرت

بي مره و أنصدمت و هيج ينتهي !..

لان صدمة ثانيه زرعت نفسها گدامي

لمن أيده أنحطت بيد والدي يصافحة

و يـعرف عن نـفسه بكل جفاء و عجرفه

" أعرفك  ، وياك رائف جهاد الضاحي

عقيد بمكافحة الارهاب سيد نبراس"

مـخليني أتسمر بمكاني بدون لا أرمش

ولا تـصدر منــي ردة فعــل  !  ..

أباوع بي كانه شوك أنغرس بـ أعماقي

باهته  ~

منطفية أوصافي  ..

شسوه فِراق حتى صرت ما أحس بغيره

رغم الحقير السافل گدامي  ..

حدرت بنـظري منه للي بجانبه واقف..

السيد أبـــو ثــار  ..  عرفـته من أول

نظرة  .. نفسـه صاحب الموكب و

السبحه .  .

بدى غــصنه مايل  .. مركز بيــه

بحواجب معقـوده ! ..

و أستغربت أني ما نسيته ..

رغم كل الادوية الي تلفت ذاكرتي..

أنتشر صوت والدي مرحب بيهم  ..

"كل الهلا بيك عقيد، شرفتونا تـفضلوا

گعدوا حتى نـفـض السـالفة هنـا  . "

أشـر لهم و جلسوا حسب الاصول  ..

بس بالي بــهل أثنــاء

سنط لـ صوت خطواته هوَ  ! مرجعني

لايام المستودع ..

و ما حسيت من أهتـزت عيوني ولا من

قبضت على أيدي متجهم وجهي ولوني

" بابــا حــنين تـعاي گعــدي هنا بس

يــاخــذون أفـــادتــــج "

ما أدري بيا طريقه مشيت أجلس و أني

أدري عيون الگدامي مراقبه كل تفاصيلي

و تحركاتي !..

حتى تــرس وجــهي البــرود و حولت

الموقف القاسي لـ شيء عادي و كاني

ما أعرفه ولا شـفــته ولا طــخ صوته

قــبل بأذأني ..

من أسترسل بنبرته اللي وججت كل

حقد بيه ناحيته ..

" أذا ما تصـــير زحمــة تـتــفضلون من

هين و تـــركــونا ناخــذ أفادتـــها على

أنـفـراد تــا ما يصير تــلاعب بأقـوالـها "

صرف العامل بعد مقــدم الضيافه

گدامهم و بــلغه أبـو الفضل  ..

" أخذوا أفادتها گدامنا طلعة منا ما

نـطــلـع ســيادة العـقــيد"

زاح عيونه عني و خلاها على أخوي

و ما أدري الـ أي درجـــة هــالرجال ما

يهـمه شيء  !..

" عجل هالبــنوة ممكن تـخاف و ممكن

من تدحك عيونها شوفتــكم تتردد و ما

يــحـــدر الــكـــلام عــــدل مـــنــها "

كــلامه هذأ خـــلــه والدي يقــهــقه و

يلتـفت ماخذ وجهــي و عــيوني كل

تركــيزه  .. يبشره  ..

" لا تـخاف بنت نبراس ما تخاف من

أحد حتى يـخـليها تــغير أقـوالـها "

لمحت رصته لـقبضت أيده ..أشتعلت

عيونه بعصبيه مكتومه و ضحك بخفــه!!

" أتـفق ويــاك بنـتك قوية حيل فمـو

ياهو الچـان يتحمل اللي صــار ! خطف

و تــعذيب و رصاصــة مدري من مــنو

نــامت بــصدرهـا  ؟ "

حط مركب عيونه بـنهاية كلامه عليَّ

مثل اللي* يذكرني بشنو سوه ويايَّ !!

و كل غـايتــه أنطـق بشيء  ! أو

يحرق رمـــاد طفـيـــتــه بـــيه .  .

بس كل اللي طلع مني نظره بارده

و كانــه لا شيء  ..  مجـرد عــدم  .

جدحه كــرار بكلامه  ..

" وين يروح ؟ لابد ما يطيح بايدينه

ساعتها نــحرگ أهــله و العــشيرة "

سخريه  .. أستهزاء  ..  تعالي و عجرفه

الحقير هالطبع و هالصفة ملصوقه بي.

من حــل السكوت للحــضات و تــولى

اللواء أبـو ثــار يـسترسل بـ أستجوابي

بـ أعصاب هادئــه  ..

『 أولا مـسأج الله بالــخــير يـابـــه 』

زحت عن وجهي خصلات من شعري

ورى أذني و نظراته تبعت حركتي  !.

( مَستك العافية سيــادة اللــواء .)

العقيد شعت نيرانه و أبن السادة

بدى أستجواب  ..

『 تـعرضتلي لاختطاف من أكثر من

7 أشـهر و أنــعثر عليج متصاوبه قبل

شهر بواحد من شــوارع بـــغــداد؟ 』

ريحت ظهــري على صدر الاريكه و

جـــاوبــت بــصـوت جــــاف  .

( نـعم  ، صـــار )

هز رأسه بـ أسف و ملامحه أنتشر عليها

السكون  ..

『 ألج معــرفه بالاسبــاب ؟ عـليش

صار الخطــف  ؟ عليش أنتِ بالذات 』

سكت نبضي و أني أركز بي  ..

(  لاء  .. ما أملك أدنى فكره لويش

أنخطــفت .. )

سرقته الحسبات  .. أســـتولى على

الساحة بـ أســئلتــه من لف بأصــابعه

سبحــتــه أيــاشر على كــتــفه  ..

『 يـابه أن چـــانج خــايفــه من أحد

أنا هنا وحگ رتبــة أجــتافي حگج ما

يــضـيع من الخاطفج أخـــذه بــيــدي』

بمنو شاك و يريدني أحجي!! عجزت أفهم.

نب والدي عليه ما راضى  ..

" يخسى اليخـوفها و أني أبــوها "

زاح بوجهه عليهم  ..

" و النعم منكم أجاويد ولد أجاويد

بس يا ريت تتــكترون و بـس هيَّ

التحـجي "

كلامه رسل موجات رفض من

أخواني  .. تحنطت معالمهم  ..

من جهة باب الضيافة سرق تركيزهم..

كل وهله  .. الياباني ~ الامير يمدون

روسهم   .. أسفار  ..  حيدر وياهم ..

أبو تراب الجالس بجانبي أنجن منهم..

ما گدر يطلع  ..وصى أخوي  بخفوت ..

" المجــتبى أطــلع و أصــرف ذولــي

المجودرين من الـباب الا أجي العب

بيهم جــوله والبيــت أظــلم  " 

و هاللواء رجع يـستجوبني  .. و قفز

الاهم شيء ..

『 أريد أســم كل هالفتــره لابد ما

عرفتي شيء حتى لو عـــنوان  وصف

الشـخص و أخليــهم يرسمو الج 』

نفيت فورا  ..

( أي عنـــوان ما أعرف  .. أصلا ما

  أدري بـــ أيــام الخــــطــف شـــصار

مـــــدأ أذكـــــر أوجــــــــوه   .)

هـمهم لي و الثاني عينه ما تركتني

مستغرب  ! مدري متعجب مني  !..

لمن جبرني ألتـفت و أحضن عيونه

بعيوني من سأل  ..

{ منـو اللي خـطـفج يول تـعرفيـــنو ؟}

أبتــسامه مخفيه أختبئت بوجهــه

و ما يحــتاج يــذكـــرني بـــي  !

من عدلت جلــستي و رفعت ساق

  فوك الثانيه أجاوب بمنتهى الهدوء  .  .

(مع ألاسف هالحقير ما أتذكر منو يكون)

كانه ضحك ؟ مدري أبتسم ! على كلامي

{ بس بــعدج متــذكرى أنـه حقــير  ؟}

رمـقته بدجى خافت  .. مخفي الاحقاد.

( اليــخطف أنثـى و بغدر حـقير و نذل

و مــنزوع الشرف قــليلــة عــليه .) 

رفع لي أيده  .. بيها الجكاره بس

ما مورثها  ..

{ يـول أوفــقج الــرأي عبــن لو زلمة

وأبن مراجل يــجي البـــيت أهــلــج  }

- أيا سافــل ~

بالگوه ثبتت روحي منه  .. و أعقبت..

( خل يشكر ربه ما أتــذكره والا مو

البيتنا الشارعنا يحلــم يــوصـل و يفوت)

من مال برأسه شويه يصغر عيونه بأسى واضح  !  ..

{ عجل حـــضـرتج فـــقدتي الذاكرة ! و

الاكثــر من ستــة أشهر اللي مخطــوفه

بيها ! هيج تــتركينو يفلت بلا عـــقـاب

يسرح و يمرح بحــياتو و هــو ما تــارك

عظــم صاحي بيــج   ؟}

عصرت أيدي بالخفاء و بالف يا علي

كضـيت نفسي منه  ..

( لا تــقلـــق هالست أشــهور أسويها

عليه ســتة ســنين مـــن أتـــــذكره )

أبتسم بـ أعجاب واضح على كلامي و

بكل جرأءه و نـــظره سافله عــينه راحت

على مكان صــدري !!  ..

{ زين شـــلــون أتصاوبـــتـــي  !}

يا أعصاب عندي  ! يا دوب ميلت

شعري السقط و ما هسهست  ..

( دا أگــول لك أنـــي ما أذكـــر اللي

خطفني تريدني أتذكر اللي صـوبني ؟)

ما رد  ..  هالحقير سكن وجهه.. حسيته

تيه دربه !!! لان صفن و بغرابه  ..

ويا ميلة شعرها مال گلبه  ~  ..

حس للحظه و فهم شلون الانسان

يفقد النفس رغم النبض بي  ..

بدت نفسها  ~  .. ست الحِسن اللي

كانت يمه  .. ببيته  .. بمستودعه  ..

بس ليش هسه هالكد بعيده  !..

رغب يمد أيده  .. على طرف أرموشها

و للحظه تمنى يسد عيونها  .. ما تحمل

نظرتها  ..

فارغة  ~ لا خوف  ~ لا أرتباك  ..

كانه عدم عندها   !..

نستى  !  ..

لا شخص مثله ما يثق بهل شيء..

حتى لو بنفسه تلف ادماغها و مرمر

ذأكرتها  ..

بالحظه اللي أدخل بيها أبو ثار سارق

تركيزي ناحيته .. يعيد نفس الظنون..

『 أذأ متـعرضى الـتهديد أو خايفه

يَبوي من شيء أحنا هنا جيـــــش و

رتب نسحگـــلـج رأســه 』

كتمت كرهي لهل صنف ولاي شخص

عسكري و رديته بصوت هادى.. أراقب

كل تفاصيله ..!

( أدري الجيش و الشرطة بخدمة

الشعب أني أشهد بهل شيء  )

ردني الحقير  .. سارق مهب برودي  ..

{ يول كل الرتب وياج زحمة الخطفج

يخوفج }

دكيت على قـلبي الصبر و طرف رمش

ما أهتزيت  ..

أشرت على أخواني  ..

( أهــلي يكــفون و يـوفون خدمات

الرتب يالعــقــيد خــليها الـغــيري  .)

أنزفت كلمات أبو ثــار بـ تلفظ ودي..

『 واضح ما رايدين تدخل القانون

مـــوش أمــأمنــين الـنا  ؟ 』

سافر بيه الوقت تجــاوز الثــواني !

و حسيته متردد يگول شيء.. بس كمل

『 و ممكن فعلاً ما تتـذكرين حاليا اللي

مريتي بي بس أنا مـــتذكرج كلـش

زين الدرجـــة من شفــتج والحد هساع

وأنـــتِ ما فـــارگــــتي بــــالي 』

و مدري أذأ أنتبه لشنو گال أو لا  !..

لان بهل لحظه كل أخواني طلعوا أصوات

بحناجرهم و وجوهم تــوزع تعابير من

التفتنا عليهم ..

مخلينه يبتسم بشكل يرهب و يصلح

كلامه..  بنبره ثابتــه .  .

" أقصد وضعها .. أول مشفتها چان

واضح عليها أثـار شخص متعرض

الــتــعذيــب  ."

صايب الغل قـلب أبو الحسن اللي

صاح ..

" وين يطير ! نلگي و الثار مربع ناخذه

منـه "

مجاوبه ذاك اللي تلونت عيونه بفراغ

بنبرة عجزت أفــهم نوعها !  ..

" أساعدكم أني أذأ تردون أفتش العراق

شبر شـبر حتى ألگي و وكتها نخــلي

لـ بنتكم بشــنو يحـــلالها تسووي بي "

عيونه زاورتني بنهايه كلامـه و أدري

ماكو غير السخريه تسكن داخله و مقصده

لمن سامرت عذاب النظرات بينــه و

حجيت  ..

( ماكو داعي لان الحوبه ما تـخطي

و شگد ما تأخــرت ترجـع و تصيب .)

و ليش هيج بهت وجهه  ! للحظه

حسيته مو هوَ نفسه  ..

و بـعيونه أدفق كتاب بس محد قاري

كومه كلام  .. قطع عني فهمه صوت

أبــو ثـار  ..

『 حچـــي ساده و أگـــوله ألـج الداس

أعتــابج ثــقي بالله أيام راحـــته من

اليوم أنــتهت  .』

توسدت ثغـره بسمة أمان و بــطيب

هاللواء  ..

رايد يزرع بيه عدم الخوف  !..

و ريته يفهم مو خايفه من أحد  ..

من نهض من مكانه و الحقير ذاك وياه

أستقام  ..

و نظراته بعدها بنفس النظره تنظر الي ..

هذأ اللي ساير بعيونه على كل أخواني

و نطق بصوت سافل مثله ..

" ملف هالقضية يـنغلق هيـن علما

ترجع ذاكـــرتــها "

مخلي نــيران الغـضب تـسعر بيـه و

على لحظه حسيتني حـافضـحة گـدام

الكـل و أخليــهم يجنــزونه هنا  ..

بس لا  ما ريـد طلقة تنــهي حياته

ما أريد  ..

لان والله و عرشه عندي وياه حساب

و كتاب و وحده وحده أضعاف أردها

اله ..

من طلعنا ناحية حديقة البيت  ..

يتناوبون باخر التوصيات  ..

أخرها أشر بـ أيده اللواء  ..

" أستودعناكم سيد نبـراس "

لمن وصلوهم أخواني للباب  !! و أني

بقيت بنص الحديقه أرمقهم ..

تحركوا.. أخــتفى جسد السيد لبرى..

بس خطوه قبــل لا يطلع و صاح ذاك

الحقير السافل بصوت قرفـنــي ...

" أعتقد نسيت تليـفوني جـــوه  ؟ "

و صار اللي برأسه ؟؟ لمن تقـدم ويا

أيليا بأتجاهي و الكل برى صار ..

حجى  ..

" زحمة أدخل وياك  .. أگـول راح

أتـــانيك هــين وأنــتَ جيبـو الي "

تعابيره لـ أخويه ما رضت بس سمعه

بـ أحترام  ..

" أخذ طريقك لبرى بين ما أجيبلكياه

حتى لا تتـعطل عن صاحبك  . "

و أختفى أيليا من يمنا من دريت

الگدامي عنده حجي و حجاه ..

{ أعتــقدت بس تشوفيني من الباب

أطرديني بس والله وطلـعتي مضايفة

يابنـت نــبراس }

ماكو غير صحاري قاحلة أفترست

نظرات عيوني عليه ..

من رفعت أصابع أيدي المتضررة بسببه

و نفخت على أظافيري بدون ما أزيح

وجهي عن وجــهه  ..

( حچي أهلنا بــسـتان من الخير أحنا

و همه تعلمنا حتى بوجه عــدونه ما

نسد الباب  .. يطب بسلاح يطلع بورد

لا يذبل ولا يموت محمل بديرة عطرنا)

سطرته صفنه و يمكن كلامي ما دخل

عقله ..

تـقرب خطوه   ..

{ عجل ما بــينا ثــار يالــكارثــه  ؟}

رفعت حاجبي بـ أستـغرأب  ..

( ثــار أيــش يالــعقيد !  .)

تدنى أكثر مو بعيون بسهام يـباوع لي

كانه أنجن  ..

{عجل مستك العافيه تگولين لابو ثــار؟}

نار لهبت بحروفه  !.. و أني أشرت للباب

( توكل بالله تليفونك للباب يوصلك.)

وجت غاباته .. لا خاف من بيتنا أو

واحد يـشوفه ..جرني من أكـتافي اله

يهسهس محـتــرق دمــه  ..

{ مــا مذكرى شيء عــني ؟؟.}

زرعت بوجهي بحر بارد مدري جاف..

(  عــنك  !! مثلا شــنو  ؟.)

يبس السانه و نسى الحجي من وين

يطلع  ..

زحته مني  .. درت ظهري منه  ..

ويا جيت أيليا يبشره  ..

" ماكو تليفون خاف ما ناسي بيتنا؟ "

مشيت أدخل بيتنا بدون ما أجـر

النـفس .. 

و بــدون ما أرحــم شفـــتي

الجوه من نبتت أسناني بيها ..

لاني أدري ولا شيء يشفع أخلي غيري

يأذي  .. 

نار روحي الي شعلها أجوي روحه

بيها  ..

ٰ

ٰ

سيل سواده بقى يتراوح عليها  ..

" أي يول مو بيتكم ناسي هساع

تذكرت "

شاح عن هنا و أخذ خــطواته للباب  ..

كذا كلام دار بينه وبين بيت نبراس و

أنسحب ويا السيد سادين القضية  .

صعدوا المصفــحة بـ بـال مشغول  ..

كل واحد منهم ترك جزء منه مدري

كُــل ذاتــه وراه ..

و ثنينهم لفت نظرهم  .. صوره المولى

( علي عليه السلام) بحــجم كبير و

  هي مزيــنه الجــدار بالمنتــصف  ..

السيد أبتسم  و رائف ولا شيء بملامح

بين  ..

أضواء بيت نبراس الي أنعكست عليهم

و ساق كيان يتبعدون من شارعهم  ..

بخاطره أخذ الهواي  .. حنين ما تلبس

حجاب  !  ..

كيان نعقدن حواجبه للحظة  ..

طيب شعرها أمة محمد كلها شايفته؟

ما عجبه هالتفكير  ..

أستغفر ربه  ..

و أبتهج نبضه  .. شافاها  ..

مرة ثانيه  .. و يا ترى شوكت تصير

الثالثه  !  ..

بين ما العقيد كان يسحق بالجكاير

و يعيد المشهد  ..

{ مستك العافية سيادة اللواء ؟؟}

فتت الجكاره بين أيده  ..

حز بي  .. شمعنى ما مستك العافيه

عقيد رائف  ؟؟؟  ..

طكطگ رقبته و هز راسه يسخر

و صار يتصفن و يعيد بشكلها  ..

حجى الي عنده  اللواء ..

" هاي أخر مره أســوويها و أدخلك

بـقضيه ما تخـص المكافحة بيها رائف"

دفر صفنته ألعقيد يـلتفت ناحيته  ..

" أشو أحلف بالله يالحبيب ! "

رفع السيد حاجبه على كلامه..

و يعرف الي يمه يستهزأء بي مو أكثر ..

" والله و محــمد و علي ما أدخــلك

بقــضية ما تـخص شــغـلك بعد اليوم

و گــول أبــن الــسادة مــا گـــال  . "

تـنفس رائف ببتسامه خفيفه  ..

و يجابهه مثل عادته  ..

" عجل و عمة السادة و خدر الهواشم

تـــرد و أدخــلني يابن الـسادة وأنتَ

الممنون  وگول أبن الضـاحي ما گال"

زايرته طيوف الضحكه بــ أستنكار  ..

" حـلفانه هذأ شجابك عليه بويــه ؟ "

هـــز رائــف أيــده ..

" أحلف باللي يحلالي يولي خو ما

عندك أعــترأض  ؟ "

و ريح جسمه على الكشن

يورث جگارة و يشربها و عيونه تسلطت

على الفراغ  ..

مـشغول تـفكيره بيها و بردة فعلها

و باخر كلامها.. و شتقصد بي ..

رغم هو يدري ماكو شيء من الجاي بي

خير و النيران ما ممكن تصير رماد

و تعدي  ..

  لمــن هام بي الحزن بخفاء و زاده

كلام أبو ثـار  ..

" باجر رايح للنجف  ، أزور حسين "

قبض على أيده و التـفت ناحيته  ~  ..

و يدري جرح حسين ما شفى ولا راح

يشفى بگــلوبهم و يبرد حرقه .

همس رائف ..

" مـشتاق لــه  ؟ "

غريب السؤال  !  .. بس نشر الوجع

حولهم  ..

" ما مـر يوم و ما شـتاقيتله بي "

و هالحزن طغى بالجو لمن تنهد اللواء

بحسرة و ألم و عينه بعين العقيد ..

" و أنــتَ  ؟ "

باهته  .. حتى جرت النفس  ..

" نــفسك "

تبادولوا ماضي بحذافيره  ~  ..

ماكو شيء يبقى على حاله  ..

" هو هاي تعودنه على النجف ما تاخذ

من عندنه غير الاعزار و اليچون الگلب "

ٰ

ٰ

  ـــــــــــــــــــــ

أعَرفَك مُو ألِي بَس أنا أهُوَاك

كومه المشاعر و حفــيف من الوهن

أحسنــي أنصهرت بين كل شــيء و ما

أعرف على شنو أزعل و على شنو أحدد

أنتــقامي  !  ..

أدري بـنفسي مو أني اللي تنضرب و

تسكت  .  . 

و أدري بنفسي أني اللي

تـنشف البحر لو بيها ميه يعيل  ..

بس هوَ  !  هو ما أگـدر أحـقد عليه

فراق ما بيه ولا أريد أحـسبه واحد

من اليأذوني  ..

و ما طـلعني من حرب تفكيري غير

دگت باب غرفتي من فصلت المغذي

من الكانيولا و سرعت أفتـحه ..

طلع گدامي واحد من أخواني  .. عقدت حواجبي و همست من شفت وجهه بارد

و عيونه جاحضه ؟   ..

" شكـــو أبـــو الحـــسن  ! "

بس كل أخواني طلعوا وأقـفين ورار

من دخلوا غرفتي و الامير قفل بابها  !!..

لحضتها أعـتراني شعور مو مريح

و دريت هاليوم شكله مو ناوي يعدي

بخير ~..

من نطق أبو الفضل و أشر الي حتى

أگـعد  ..

" گعدي عندنا وياج حچي مهم ولازم

نـعرف من منو لازم نثأر و ناخذ حقـج "

عضيت شفـتي و بيه ما بيه خليت

عيني بـعينه ..

" سـبق و خبرتكم  ، ما أتذكر أي شيء

ليش دا تـسألــنــي من جــديد  ! "

أبتسم أبو تراب بسخريه و كتم غضبه

يحاجيني بدل عن أبو الفضل ..

" بعد أخوج ترى أحــنا زلم دارسين و

فاهمين و قبل كل شيء أخوتج نصير

فمال ما أذكر ما تـمشي علينه لانج ما

ناسيه شــيء  . "

قـبضت على رجفة جسمي و أدري

بيـهم حافضيني حفـظ  ..

" دأ تشكون بــيه ولا شنــو  ؟  "

تـقــرب لي كرار  ..

" أي  .. لان يا حب أخوج لو ناسيه

جان نسيتي كل شيء بس ولا واحد من

عندنا ما تذكرينه هاي شنو معناها؟"

رفعت سباتي ..

" شيء متعرف بي كرار لا تحجي

عنه  .. فاهم لو لا ؟ "

تخصر أبو تراب  .. كل شيء أحتد بي ..

" أحنا رايدين حقج خويه خليج هادئه

مثل ما نعرفج و ما تخافين من أحد

و أحــجيلنا كل شيء  .. "

محد يصدك  ..

و الكلام يتعب  ..

لهذأ مـِشيت الميز المراية و بحثت

بالاوراق اللي بيها كل تحاليلي ..

خذت اللي أريده و رجعت لابو تراب

أرفعهن اله  ..

" شوفت عينك هالتحاليل تثبت أنهم

منطيني أدوية تسبب تلف بالدماغ

وداعتكم مدا أكذب هاي أقرأ و شوف

حتى تحكم بنفسك "

خذاها مني و بين عينه على وجهي

و عين على الاوراق رفع أيده و رماها

بعيد ويا صيحته بصوت عالي ..

" منو هذأ اللي مخوفج هيج؟ أشبيج

تـتسترين على اللي أذاج و تنكرين ؟"

جبل ما هزتك ريح  ..

" ما أحب الف مرة أعيد.. مدأ أذكر

يا ريت تفــهم  . "

هز رأسه بـ نكران  ..

" أحنا مو بعينج يعني  ؟ برايج ما

نگدر نحميج  ! هالدرجـة ما معتبرتنا

سنــد يسندج و يــتاجيج  !! "

ملت براسي بتعب والله يشهد ما بيه

حيل أدخل و ألاسن و أحجي و أبرر لنفسي

" لا تسكتين أحجي  !.. "

تنـفست بوهن ردت أنطَق بس ما گدرت

من هسهس علي الدر بنبرة عاتبه يـقـترب مني  ..

" شضامه علينا ؟ شنو اللي يخليج

الهل درجـة ما تـحسبين النا حساب!"

بعيونه لمحت الخذلان و عدم الرضى

لـسكوني الدرجة خلاني أمسك أيده

و همس بخفوت ..

" مو هيج والله علي الدر مو هيج "

أنرمى أناء المزهرية الي گدامي

بالحايط كاسره أيليا  ..

" يعنـي يضيـع حقـج تردين ؟ و الي

تعـدى و خـطفج ينام مـرتاح ؟ يفلت

بسوايته بيـج و يـعيش بسلام وكانُ

ما طخ واحـد من بـيت نبراس  ؟ "

عجزت أنـطق بشيء .. تلبدت تماماً

لاني ما أريد يعرفون بشيء لان لو

عرفوا مراح يـــتهاونون  .. حيصنعون

حرب عليه  ..

و بطلقه برأسه و يقتلوا

وأني ما أريـــده يموت براحه هيـــج  ..

مــو قـــبل ما أشــوفـــه الويـــل

ذبل صوت ذو الفـقار .. و الطريقة الي

ينظر بيها الي  ..

" يعني هذأ أخر شيء عندج  ؟. "

اومات اله  .. بديت من كثر الصخب

حتى الانفاس تلذعني  ..

" طيب أنتظروا لحتى أستعيد شيء

من ذاكرتي و أگدر أحجي "

حتى أخذ وجهي أبو تراب بين أيديه

يحاجيني بوديه مُفرطه  ...

"أذأ يمر الوقت يا حبيبتي أنتِ معناتها

الي شوهج يرتاح يگول هاي ماعندها

أخوه بيهم خير  . .  هل عافوا حقهم

يضيع و يتسبع بروسنا و يمكن يعيدها

ترضين بهاي أنتِ  ؟؟ "

ردت أصيح..*  خلص يا أخي تركوني

بحالي  .. بس لليوم  .. أحسني منهاره

بس صار شيء  ..

لحضتها ما حسيت إلا بيدي تنسحب

من أبو الفضل ، فاتح الباب و يجرني وياه..

" تعاي وياي "

بلعت ريگي و مثل سعفة بمهب الريح

حسيتي أضيع  ... من صحت بارهاق..

" وين  ؟ لحظه أبو تراب أيدي على

كيفك لا تسحبني هيج "

الكل أجى ورانا و صوتهم اللي صاح..

" عوفها يمعود مو اليوم "

أبو الحسن  ~ كان يطالب  ..

" ما تسمع تــگــلك أيدها ؟؟؟  لا تجرها

هيج على كيفك وياها لا و راهب بني

هاشم أجرم بيك "

هدى من ضغطه على أيدي  ..

و صد له  .. متعصب و يغلي دمه ..

" شــتظن بس أنتَ أخوها ؟؟  قابل

أني ما خايف عـليها ؟؟؟ لك ما أريد

المتعرضلها ينام مرتاح و هيَّ ليلها

تـون بي "

و رجع يجرني لحدما طلعنا برة البيت

و دخلني لبيت ثاني  ! يمكن للعاملين

مخصصينه !! أحسني نسيت  .

خصوصا من دفعني لداخل غرفه و

شـهگت من لمحت شخص مربوط

على كرسي و وجهه سادينه  !!..

" هسه نـشوف شلون متـتذكرين "

  تـقدم من الشخص المربوط و اول

شيء سوا رفع الغطأ عن رأسه ..

مندار لي و يهسهس بانفعال  ..

" شـوفي زين  ! هم ما تتذكرينه مو  ؟ "

من گالها راساً عكفت حواجبي  ! أريد

أشوفه عدل لان وجهه كُـله مدمه ...

و كانت مجرد ثواني..  بعدها دقائق من

وسعت عيوني و تخربط و ضعي ..

" أشگــر  ؟ " همست بخواه  ..

و أرتعب قــلبي و أنــذهلت من شوفته !

هالشاب  .. هالـشاب شــجابه و شـنو

اللي وصلـــه لَـ أخــواني  !  ..

سألني كرار منجن  ..

" يـعني عرفــتي  حـــنين ؟ "

أنربط الساني من عدد الصدمات بهل

يوم الي حطمني و نهاني ..

بس رديت  ..

" أي أعــرفــه  . "

ضاحك أبو الفضل و رفع لي حاجب

ينـطق بحنق و صوت قاسي  ..

" و حــضرته يگــول ما أعــرفها "

كور قـبضة أيده و رايد يضربه من

صحت .. بلا وعيي  ..

" لا..لا تضربه هالشاب ماله دخل بشيء "

و مدري شلون أجتني القوة و شلون

ركضت الزم أيده و أمنعه يضربه  ..

بالحظه الي أجت عيوني بعيون أشگر

اللي هــمس بالگـوه يــفتـح عيونه من

التــعذيب اللي متـعرض له  ..

" فـراق ؟ "

بلعت العافيه بكبري و حتى دمي

حسيته نـشف بجلدي و لحمي ..

بالكوه طلع صوتي  ..

" حنين  ..  حنين أسمي "

دريت الكل صار بأستغراب يـنظر الي  ..

حتى زار الهلع قـلبي من تــقدم أبو

الحسن و جـره ينتر بي  ! !  ..

" بعد ما الك مهرب هيَّ و عرفتك عود

طلع السانك الما يعرف يلفظ الحروف

صح و أنـكر "

و بين نظرات عليه و نظرات على

أبو الحسن أردف بتعب واضح ..

" غــاح أغــجع و أگـول أنتَ أجيت

للشخص الغلـط ،أني ما أاذي نسوان ."

ما گدر يحجي أكثر من أجتـه ضربه

على بطنه و صار أبو الحسن يضرب

بي بكل مكان . .

عضيت شفايفي بوجع من سمعت

ونتـه و لهنا ما تحملت جبرت روحي

تشمر ضعفها ..

" خلص  ! أبو الحسن عـوفه أنتَ بيا

حق تسووي بي هيج  ! هذأ ..  هذأ

ما اله أي عــلاقه بشيء  ، عــوفه "

كلامي مثــل النيران و حرقت الكل

من سحبني علي الدر و عـاط بـيه

بعصبيه ..

" ما اله علاقـة ؟ لج هذأ نفسه صاحب

الرقم و بايعه للي أتصل بيــنا و گال

يبقــيــج بضــيافــتــه أسبـــوع . "

أهـتزت عيوني و ما أدري بيا وضع

صرت  !  ..

و مثل الفقدت صوتها ما طلعلي حس..

لوقت طويل ..

أهمس  ..

" مُــو صح  .. "

لمن قبضت على أيدي لان أدري مستحيل

هالشيء يكون حقيقي  و فراق بنفسه

گال الي هو الي أتصل بيهم ~..

جابهني أبو الحسن  ..

" كل شيء مــوثق الرقم مـوجود

بجــهازه تردين أتصل بي گدامج حتى تـصگدين أحنا مجاي نتبله عليه ؟ "

ولا ما صدگت  .. و مشيت خلف

أحساسي الما يخيب  ..

" الولد ماله دخل خلوا يروح "

حيدر فتح تليفونه  .. و گال أسمعي..

و ما نـفع شيء وياهم الكل صار يردد

نفس الحقيقه و حتى تسجيل صوتي

للمكالمه سمعوني  !  ..

بس هالصوت  ! أحسني سامعته ؟

بس مدأ أذكر صوت منـو  ! لان مو

صوت فراق أبدأ  ..

و وسط كل هالضياع سمعت صياح

أشگر  ..

" لو أنتـــم زلم تـــفتحون أيديه حتى

أعلمكم المـــغجله شــلون تكون مو

غابـــطيــني و تـضـــغــبـــون "

هو أردفها و وجهه أنسطر بقوة من

أبو الفضل اللي ثار يصرخ بي ..

" خاب ما تسكت أبن الناقصين فوگاها

اله السان يحجي أبن الفگر صوتك ما

أسمعه و حتى نفسك وعلي داح الباب

أجنزك هنا  و علي . "

أنتهيت و بأي طريقه صرت أريد

أبعده عنه  ..  حتى من صحت ..

" خلص عوفه  ...  كافي أمانة الله

عوفه ما اله دخل وربي ما اله دخل

يا أخي خـــلص !! "

و محد سمع مني  !! حتى صارت

عيني على الباب و بالف يا علي سحبت

نفسي أركض بهلع  ..

و الخطوات اللي تاخذ وقت سويتها

بثواني ..

من صرت أطرق  باب مكتب والدي

بشكل مجنون حتى فتحه  ..

" يابــه ...  يابـــه الولد  "

صوتي يرجف و شبيه الهل درجــة

ضعفت  ! و نفسي أنـقطع  !  ..

من لزم والدي أيدي و عكف حواجبه

و كل وجهه أنتـرس خوف و ذعر  ..

" شكو حنين يروحي أنتِ ياهو وياج ؟

أحد محاجيج ؟ "

و ردت أبكـي بس ماعندي حيل من

ملت برأسي أهمس بكلمات مبعثره ..

" ولدك ..  أخوني كُلهـم  .. خلص

بس تعال وياي و تعرف شكو .. "

و سحبته من أيده ويايَ و بكل سرعه

لذاك البيت ..

دخلنا للغرفه من صارت كل أنظارهم

عليَّ و على نبراس ..

الي أول مشاف جمعتهم سأل ..

" شصاير هنا  ؟ شكو متجمعين هيج؟"

بس سرعان ما وقعت عيونه على أشگر

اللي ما بقى شيء صاحي بي ..

"  منو هذأ  ؟ هاي شصاير ولكم هنا ؟

شمسوين وأني ما أدري   !.. "

و جاوبه علي الدر بعد منطاني نظرات

عتب فـ ليش صحته  !!  ..

" ماكو شيء  بس هالولد شــاكين بي

هو من جماعة اللي خـطفوا حــنين

هــاي كل القــصة  ! "

تجهم شكل والدي بين عين على أشگر

و عين على أخواني  متقدم ناحيتهم ..

" شاكين  ؟ و من راسكم تصرفتوا  ؟. "

و قبل لا تنشب حرب و صياح أدخلت

اصير بينهم  .. و نبست  ..

" يابـه هالولد ما الــه دخل أحلــفلك

بمــعزتك عــندي هوَ ما مســـويلي

شـــيء أصلا فــتح لي بـــيتـــه  . "

ما كملت جملتي وبصوت أبو الفضل

يقاطعني  ..

" فـتحلج بيته  ؟ هاا مو ما تتذكرين

يحلوه أنتِ  !  . "

مخليني أكز على أسناني و بنظرات

ما تتفسر باوعت له و هسهست ..

" خلص أبو الفضل خلص أتذكر ما

أتذكر هالولد يطلع منا و محد يطخه

ولا يوصل بـيته بعـد "

الكل وسع عيونه  .. و أدري متعجبين

من شوكت و أني الهادئه أصيح بيهم ؟

حتى مسح كرار على شعره و باوع لي بخذلان  ..

" ما أدري شصــاير بيـج ؟ أحسج مو

حنين نفسها  ! معقوله توگــفين ويا

الغريب ضدنا  ! الــهل درجــة عقلج

تــلف وضـعــه  ؟. "

هو ختم جملته و ما سمعت غير

صوت والدي اللي صاح بقوه ...

" صم حلگك أبويه أنتَ صم حلگك

لا أسـنونك أكسرها بي !!. "

شفته قبض على أيده و بقدرة الله

أتمالك نفسه  ..

  من جاوب والدي بنبره خافته بس كلها

عتاب ..

" تدلل ياأبو حنين تدلل حق بنتك

تريده يضــيع بالرجلين تـــدلل  . "

و بعدها واحد ورى الثاني أنسحب

من الغرفه ما عداي أني.. الامير و والدي

و ايوان و المُجتبى  .. حيدر  ..

حتى سرعت بكل ما عندي ناحية

أشگر  ..

أفتح بقيوده و كل الذكريات اللي عشتها

بذاك المستودع رجعت لي  ..

منظر أشگر و هو مقيد و الدم هيج

مغطي ذكرني بنفسي ..

و ما حسيت من نزلت دمعي فوك

الحبل الي بـ ايــديه ولا من صارت

عــيونه بعــيوني و همســت ..

" أسـفه  .. أسفه منك حيل "

ملت بوجهي بأسف و أدري أسفه و

أعتذر ما تـعوض ولا تنسي شيء  ..

بصعوبه لضـم حروفه  ..

" عادي ما صاغ شيء بس كسغوني "

من شمرت الحبل عنه و رفعت شوي

من فستاني بــيدي و صــرت أمسح

وجهه من الدم بخفه خايفــه الچمه

و أوجــعنه ..  ..

بالوقت الي صار الوضع سكته مزاورني

شعور بالغبن فجاة ..

و التـفتت الوراي و لمحت أبويه صافن

و ساكت و عينه بيه !!  ..

همست ..

" يــابــه "

طلع من صفنته و حلت رحمة الله

كلها بعيونه و صوته .. يجاوبني ..

" هـــا يـا بعــد الـيابــه "

رده هذأ خله ضحكات عاليه من ألامير

حيدر تصدح و أدري ذولي يصنفون على

كل شيء  ..

من خزرتهم و همه سوولي حركة سد

الشفايف و ماكو صوت بعدها ..

أبتسم و كل الخير لمحته بعيونه من

هزلي رأسه و نطق ~  ..

" اللي تريدي يــابه سووي  ، هســـة

بسيارتي أني بنــفسي أوصـــله لبيــته

و أعتــذر منه ومن أهـله و شيــريد من

تعــويض أنـي حاضــر  . "

بعدني ما فرحانه بكلامه حتى جذبني

صوت أشگر اللي حجى  ...

" ما أغيد شيء منكم خلوني أطلع

و هاي هيه خلفلة عليكم ما عــايز . "

أشرت لـ أيـوان  ..

" ياباني تلگى علبة الاسعافات

بالدرج الثالث بغرفتي جيبهن الي "

ضحك بوجهي و أخذها ركضه منا

و سرعان ما رجع جايبها الي  ..

يشتكي  ..

" أجيت أوكع الا شوي شوفي أيدي

شصار بيها حنين تــزلغت "

رمقت أيده من رفعها الي..  أنجرح

و دم قليل بزنده  ...

أستفسرت بشك  ..

" تريدني أعالجها الك  ؟ "

ابتسم بوجهي بشحوب و أشر على

اشگر  ..

" عالجيني قبلــه "

بخضم هوستي ابتسمت من عرفته

يغار  ..

خرجت الشاش و ســرعان ما صرت

أضمدها اله  .. و هو ينــطيني تعابير

كانُ مخــترقــته طلــقه  ..

الامير يصيح  ..

" يا طلابــتنا الياباني أنجرح اليوم

يــعرس عـلـينا ذو الــفقــار "

شاركه المجتبى  ..

"و أخـذلك ساعتين يسوي تحقيق

وين نجرح و ليـش محد أنتــبه و ها

خوما توجعــك العوره ودك رزايل"

   أنتهـــيت منه و التــفت لـ أشــگر  ..

ملئت القــطن بالمعــقم و رفعت أيدي

أنظف جروحه بس شاح بوجهه رافض ..

نبراس حذره  ..

" أذا ترفض لها شيء و تخليها تزعل

ارجعلك الولد يشوفون شغلهم وياك "

رفع رأسه و خزر والدي  ~ و رجع

لي بـ أنتباهه بلا خوف يحجي ..

" ما أريد منكم شيء "

ما أهتميت لكلامه  ..

ضمدت كل جروحه بشكل سطحي..

أخرها والدي نب اله من نهض يريد

يغادرنا  ..

" أعذرنا باباتي و شتــريد تعويض

أطلب و يــجــرالك "

ما جاوب خزر الكل بحقد  .. بس الي

حاجاني ..

" شكـغــآ  .. "

و راح منا  .. 

صار گدام البيت يكمل طريقه بعدها

متحرر من هالمكان ..

لمن جـر خطواته بصـعوبه قبل ما

يلتـفت الوراه ..

يشوف بيت عالي و كبير و على گد

الخير اللي بي حراسهم بكل مكان تحمي.

ناس الخير ماليها و ناس تتحسر

على شيء من حر و برد يحميها  ..

ملتفت يكمل طريقه و كل غايته

يرجع البيته و گلبه معطوب على أمه

فشوضعها و هوَّ من شهر غايب عنها ؟..

منو يصرف عليها هيَّ و أخته ؟ و منو

دفع الايجار ؟ حتى يبــقون محميين

بــذاك البــيت المهترى  !  ..

ترددت غمغمته  ..

" دخيلك يا علي  . "

لمن راد يوگف سيارة بس من طلع

محفظته لگاها فارغه  تصوصي !!..

هز أيده  ..

" حتى غبــع ماكو "

حار  .. شلون يوصل البيته و الدنيا

ليل و الطريق بعيد و هو شبه مكسر

تكسير !  ..

و وسط هالهوسه سمع شخطت سيارة

توگف گدامه  ..! ماخذه كل تركيزه..

صاح بيهم  ..

"  هاا سلامات ؟   . "

بس صاحب السيارة نزل الجامه و

حاجاه بنبرة محترمه و ما كان

غيره باقر ..

"  بنت السيد نبراس طلبت من عندنا

نوصلك البيتك بسلامه يلا نرجع . "

أشر على روحه  ..

" أني  ؟ "

هز مرتين باقر رأسه  ..

" أي أنتَ "

و يگدر يرفض  ؟ لا مو وهو بهل وضع

من فتح باب السيارة و صعد  محمل

بهموم تعصف بي من كل كتر ..

ٰ

.  بدأخل أسوار البيت  .

بالحظه اللي دخلنا بيها الجوه و هياتنا

مشينا للصاله و كل فكري مشغول بغيري.

أسفار يحجي  ..

" طلبتي من باقر يوصله البيته؟  "

منحته حركه بمعنى  *  أي  .

فجاة صارت أمي و يسر گدامنا  ..

توقفنا بسبب هالشيء  ..

دفعت شعرها للخلف  .. فستانها

الاحمر القاتم بدى جميل عليها  ..

نبست بمطالبه و حيرتنا  ..

" يسر عندها موضوع وياك نبراس

يا ريتك تگــعد و تسـمعها  . "

قطب والدي حواجبه و عينه صارت

على أصغر وحده بينا ..

" شـكـو بــابا گــولي  ؟ "

مثل ورم خبيث سكن نظرتها ناحيتي

و أدفق صوتها بـصلافه  ..

" بــابا أني مـوافـــقه  . "

ضب فكه نبراس  ..

" موافــقه على شــنو مافهمت ! "

طيرت ضحكتها حولنا و تبشره  ..

" موافـــقه أتـزوج فــــراق "

و شحجي  ؟ أني حرفيا بحيل مهدوم

من نزلت عيوني عالگاع و الغصة

غطت صدري ..

طيب ليش  !!

بنفسي طالبتها ترفض   ..

عجيب ما وقفتها كلمتي و أني أحبه

و أريده  ..

من دريت لو بقيت هنا دموعي تفضحني

رغم عيني صلفة و ذرة دمعه ما وصلت

رمشي .

" تــصبحون على خـيــر  . "

گلتها بصوت أبرد من شــتاءنا الشكله

خلص من زمان و أخذت خطواتي

أصعد الغرفتي ...

و كل اللي ردته هالليلة الطويلة تنتهي

ولو  كان الثمن روحي هم أدفعه ..

ٰ

ٰ

ـــــــــــــــــــــ

ٰ

. بيت الجراح و بنفس هالليل..

صافن على فــرة السلاح بين أصابيعه

و نفــس الأغنيه كل مره يســمعها ..

« وداعــة أمي ..

لمن حط فراس عيونه عليه .. ينطق

بنبره خافــته ..

" شراح تسـووي فــراق ؟ نـبراس

ورفــض يزوجــك بنــتــه  ؟ "

خالي ألاهتمام يتمعن بـ سلاحه .. نوع

جديد  .. لسة ما مستخدمه  .

" يوافق وهوَ الممنون وداعتك هالشيء منــتهين منه "

نبرة صَوته و صرامه عيونه خلت

أخوه يجاوبه بـ أستنكار ...

" شدعواك وأثــق هيج  ؟ "

مركز فراق سلاحه على المصباح

اللي گدامه  .. و ثواني و فجره بطلقه

يرد بـكتلة برود ..

" لاني لاعبها صح و حبل المشنقه

واحد ورة الــثاني راح يلوحهم  "

بكلامه هذأ صاب جلستهم السـكون.. و

مثل طيف التعب و الضياع ترس نظراتهم

عبر فراس  ..

" ساعات أصفن و أگـول هالثــارات

لويــن راح تـوصــلنا  ! "

رمقـه نجل الجراح بأستهزاء ينرفز الروح.

" يا قاتل يا مـقتول أكو غيرها قابل؟ "

رمى تكهنه وسط جفلة العين  ..

" و لهذأ تـريد تزوج وحده من بناته

علـــمود تـــدخل بــيته ؟ "

فارك رجل الرمادي جبينه قبل ما

يرجع و يضرب عدة طلقات مطفي

كل أضويه الصاله ..

" أدري الطريقة قذره بس اليريد

يدمر بيت لازم يزعزع أساسه "

رغم مو من عوايده يفوت بالسر  !!

و بالخفاء يلعب بأوراقه .. لانه رجل

أتعود اليدوس گاعه بطلقة ينهي عمره!

من وصل هدف تفكيره لـ فراس

اللي ضحك  ..

" و أساس نبراس ولده و بــناته  ! "

مهمهم اله صاحب العيون الخضر

اللي شمر سلاحه و أخذ يحرر نفسه

من قميصه بينما يصعد الغرفــته ..

و يردد بوعيد  ..

"و أغلاهم سنيورة وأني ما رايد غيرها"

من صار داخل حمامه جوه الدوش متبلل

بياضه بسخونة المي اللي ما تــجي

السخونة روحــه و عـــقلـــه ..

ولا گلبه و عزازه اللي غربتهم دنيته

گدام عيونه ..

و كان فراس خلف الباب مستمر يستفسر.

" ليـش ما طلبتها هيَّ فــراق  ؟ "

صفت أيده متجمده  ..

بدى سوأل وجيه و منطقي  ..

* ليش مو هيَّ  !!  ..

عنده جواب  !  ..

لكن خرست الشفايف و ما نطقها  ..

غير فحوى الحوار  ..

" أنزل و خلي أسد يحظر لي السيارة "

تجهم عـقله  .. أرتفع صوته  ..

" ماكو يوم تنـــام بي هنا  ؟ "

رد فـراق  ..

" أعطل الشغل خاطر ساعتين سخيفه

و بطلاع الرواح و هم ما أنام   "

خفت نبرته  .. كانه يذكرى بالحقيقة..

" بس هذأ بيتك ..منتظر يوميه بالليل

يسأل ليش فراق ما ينام هنا لحد الفجر

يصــلي الـصبح و من يتاكد ما تجي

يلا ينام "

دعك جبينه  .. و حجاها فراق  ..

" أنتَ هم صلي وياه  "

و فتح الباب  ~ المنشفى على وركه

راح بـ خطواته لـ وين غــرفته  ..

بس صادفته هيَّ و بنفس النظرة كل

ما تشوفه تكتسي ملامحها  ..

عرف فراق مثل عادته  - الحب الحقيقي

مرض ماله علاج  .

ماكو فرصة تحاجي  .. دخل الغرفته

توشح كدأئما بـ ملابس سود  ..

من طلع شافها بعدها بنفس المكان

منتظرته  ..

تجاهلها  !!  لا هو ما أتجاهلها هوَ

أصلا ما ينطي أنتباه لاحد مو بس الها.

واستها مدري لامتها سيلين  ..

" لحد شوكت تبقين تعذبين روحج

بشوفــته هيج   ؟ "

مالت بـ عيونها الوساع للثانيه  ..

غصة و كسره ترست ثنايا صوتها ..

" باقــيه هنا الخاطـر ألگى أخوي

والا رحــت من زمـــان "

السانها شيء و الي بگلبها شيء..

هي تعرف الي يحب يصبر على المُر  ..

و بدت مهووسه  ..

نسخة ثانيه من بنت نبراس  .

ٰ

ٰ

ـــــــــــــــــــــ

ٰ

.  بيت ساري السراي  .

ٰ

  " نــگــعدها بــدفــره ؟"

" أنجب أبو غمازه شنو تدفرها؟ "

" خلي نسحبها هيَّ و غطاها و گبل

للسيارة ناخذها حتى لو نخـــطفها ؟"

" بويه غير يشيلنه نبراس اذأ نطخها

مو أنوب نخــطفــها ؟ "

" يابه خلي أنذب عليها مي هذأ أحسن

حل صدگوني بس تـتنـگع تگــعد من

وحـــدها "

" وحق الباري اليشمر عليها مي أروح

و أگــعــد نــبراس من نـــومـــه "

من دقائق وأني أسمع أصوات و حركات

يمي بس النعاس ماخذني و مابيه أگعد ..

حتى ما حسيت إلا و غطاي أنسحب

مني ويا رفرفة رموشي بتعب ..

أجاني صوت علي الدر  ..

" صباح الخير على الزعلانه من أخوتها "

و ما أدري بشنو رديته .. أسحب بالغطأ

"  شــكو عــلي ؟ "

ضوه وجه أبو الحسن كدامي  .. بحركه

اخذ مني الغطأ  ..

" شــكو؟ والله ما تحملنه تزعلين و

تاخذين بخــاطرج من عنــدنا لهذأ گلنا

أول ميـطـلع الــصبح نســير علــيج

مداهمــــه و نـــاخـــذج ويــانـــا . "

بعدت شعري عن وجهي و فاتحه نص

عين بالــگوه أبـاوع عليهم عدل . 

" تــاخـذوني ؟ ويــن  ! "

و هسه يلا شفتهم زين !! أبو تراب

أبو الفضل  ..  هم بغرفتـي ...!!

" گومي غيــري ملابــسج و بــعدين

تـــعرفــيــن "

أنجريت من أيدي و بيا طريقه و

دفعه منهم و الگيت نفسي بالحمام !!

فرگت صدري أول محسيت بوجع

بصفحة قــلبي ...

و صحت ناويه أرفض ..

" بــاوعوا..... "

قاطعني الامير  ..

" شنباوع باب الحمام و سـادتـه "

أخذت نفس  .. ما حابه أطلع ولا

دأ أحس بيه رغبة لشوفــة بشر  ..

بس ما ردت أفشلهم  ..

" أذا متصير زحمة شباب سووا أخلا

الغرفتي أريد أطلع أجيــب لي ملابس

ثانيه "

و مدري أذأ استحوأ مني !! لاني بالگوه

سمعت صوت أبو الحسن ..

" أها  ! زين.. أقصد يلا تمام هاي هسه

طالعــين بس مو تــتاخرين ترى نطب

مداهمه وگـولي ولـد أبــوي ما گـالـوا"

أختفت بعـدها أصواتــهم ..

حل السكون  ..

و لگيتني گدام المراية وأقــفه و عيني

تلمح أثـار التعذيب و النـدوب التـرست

جسدي  ..

" عدت ســلامات وألا ما عــدت يا

حـــنيــن ؟ "

ضحكت وأني أحجيها الروحي وأدري

ماكو شيء سالم بيه  ..

حتى خــذت مده قصيره و جهزت

نفـسي  .. مرتديه مــلابس صيفــيه دام

صيفنا حل فجـاة و طرد شتانا لبعيد  .

و أول مصرت گدام السيارات لفتن

أنتباهي وتين و اليانور اللي مطلعات

رأسهن من الزجاج نوافذ السيارات..

يرحبن  ..

" هاي حنين  . "

" هاي گـلب  . "

هزيت رأسي من صوتهن بعد مصعدت

وياهن بالمقاعد الخلفيه.. و الشباب

السبعة ويانا  ؟  ..

تساءلت  ..

" وين رايحــيـن ؟ "

أسند رأسي على زجاج الشباك من

تحركت بينا السيارة بسرعه ..

" أنـزور الامام الكاظم "

أنفرج السرور بصدري و بشويَ

تفاجئ نبست  ..

" والله   ؟  . "

جاوبتني اليانور  ..

" وداعـتج حياتي  . "

من ملت برأسي أتفحص لبسنا

بعدم رضى  .  .

" هيج سافرات أنــزور ألامام ؟ "

صايح كرار اللي دار وجهه علينا

يأشر بأصبعه ..

" لا بويه شنو سافرات هــسه أبـو

تراب يطبگــلنه و نــشتريلجن اعبي

و بوشيات ويابه أذأ شفــت وحـده

منجــن طالــعه منها شـــعره وحده

أكســرجن تكــســر وجــلالة الله "

صفنه عليه صفنه عمر  .. ما سكت له

أبو الحسن  ..

" ما عـرفــناك و أنــتَ شــريف كرار

دا تصدمنا يوم بعد يوم  بيك وداعتك

على هالمنوال باجر نـشوفك بالحج "

نب الامير  .. ياشر ناحيتي  ..

" أنتم ما فكرتوا أبوي لو عرف أخذنه

حبيبته بلا ما نگوله شيسوي بينا؟  "

رفع أيديه أبو تراب   ..

" ألعب جــولة والبيت أظلم  "

تتراوح محاجري بينهم منتبها لكثير

أشياء  ..

" دأ أحس لهجتكم صايره ملخبطه "

كان كرار هو اللي يسوق و أبو الفضل

بجانبه جالس بطريقه عكسيه مركز

علينه  ..

" هو غــير فـرينا الـعراق بغـيابج

والله ما بقت محـافظه تعـتب علينه

ندور عليج و شلون علكنه بالاهوار

وغلاتج يومين علكت بالساني الچا "

بقوا يسردون لي شصار  .. لوين بحثوا

عني و شنو من ناس صادفتهم  ..

متعرضين لقطاع الطرق  .. في ناس

نصبت عليهم و سوالف مُره عاشوها.

أنتشر كلام كرار   ..

" لو جايبين الياباني حرامات رأحت

عليه  "

دعك أيديه ببعضها  .. و رتب ساعته

المجتبى ..

" وين يجي  ! عنده محاضرات "

أستنكرت للحظه الوضع  ..

" لسة بعمر الـ 17 كيف دخل جامعة؟ "

أشر باصابيعه حيدر  ..

" بالفلوس ماكو شيء صعب "

دخلنا نقاش بسبب هالشيء  ..

بينا الرفض و بينا اليضحك  ..

لحدما فعلأ وصلنا الكاظميه بعد

مشترينا ملابس أسلاميه تناسب مقام

ألامامين و طهارة و قدسية المكان ..

أفترقنا ويا الشباب بالوقت اللي دخلنا

اني واليانور و وتين للحضرة زرنا بسلام..

والوقت طويل حيل بقيت يم ضريح

الامام  ..

من خليت عيني على شباكه و دعيت

بشيء ضل بس الله و هو وأني نعرفه ..

ولاول مرة گدرت أصلي بعد أنقطاع

مو بيدي صار رغم عني ..

حتى مرت ساعات طويله حيل

عشنا بجو الزيارة بشكل رحيم ..

" يلا بنات نطلع أبو الحسن يگول

هم يلا "

همهمت برضى لمن طلعنا و صرنا

بشارع باب المراد  ..

نسير برفق ..  و عيونا تسير على الاشياء المعروضه ..

حتى جذب أنتباهي رجال يبيع أقـلايد

و من هالامور .. بعد مشتريت تليفون

جديد ثاني الي  ..

" أمانة موسى أبن جعفر "

قريت المكتوب و بقيت أباوع على

القـلاده اللي بشكل الفراشه  ! تشبه

قـلادتي اللي ضاعت  !  ..

" عجبتج ؟ "

التفتت ناحية أبو الحسن اللي وقف

بجانبي  ..

همست له  ..

" من او را خیلی دوست داشتم  .. "

و كنت حشتريها بس سبقني أبو الحسن

من دفع الحساب و خلى القلاده و

الاسوار بيــدي  ..

" وهسه بأمانة موسى أبن جعفر أنتِ

حنين  ، لا تــخافـــين من شـيء "

أبتسمت اله بأمتنان و طالبت ..

" تمام خــلي ناخذ لـيسر و أيات و

لوســيل و البــقيه هـــم  "

قاطعتنا وتين من شابكت أيدي بين

أيدها تضحك بمحبه ..

" ماكو داعي أشترالنا علي الدر مثلج و

ألباقين أشتروا مثلهم ليسر و ايات و

أمي هم  "

أومات بتفهم و رجعت أختار شيء

لنبراس مكانت في أشياء تلفت أنتباهي

و من لا حل أختاريت سبحة خرزها مزيج

بين البُني و الاحمر الداكن ..

بالحظة سحبني أبو الحسن ماسك

أيدي و صياح وتين  ..

" أبو الحــسن عــوفها وياي شكو

ماخــذها وياك !!! "

تهلهل ضحكته و ياشر لها  ..

" روح أخوج روحي ويا علي الدر

أنــتِ "

دأ نمشي و توقفت نظراتي بهل شارع

ما خلاني أزور  ! مرت ذكرى ذاك

اليوم ببالي  ..

رص أيدي أخوي و يسأل بقلق صابه..

" أشبيج  ! "

منطقت بشيء.. بقيت أسير على شارع

باب المراد بمشاعر بردت  ..

كملنه الطريق صعدنا بالسيارات و

خلعنا الي مرتدياته و كُل شعري رتبته

باصابيعي ..

نزلنا بعدها ندخل مطعم .. الاجواء

بجمعتهم ترد الروح   .. ضحكات

منتشره  ..

بدى لوهلات دا نتنسخ هنا رغم

تصرفات أخواني غير  ..

لباقة.. و فن بتصرفاتهم.. حتى بطريقة

أكلهم بدينا مثل جو فرنسي بحت  ..

فهمت لحظتها العراق صعبة

نتعايش بي و نستوطنه  ..

مو أنتقاص منه  .. هذأ بلدنا

لكن من مريت بنظـراتي حوالنا..

بدينا غربة ما نشبه أحد بيـهم  .

و مثل عادتي ما تناولت شيء  ..

أني مهووسة نظافة من برى صعبة

أتقبل شيء  ..

لذلك أكتفيت بـ قهوة  .. وياما دققت

بيها قبل لا أرتشفها  ..

كذأ وقت و خصلوا الشباب  ..

بعدها صرنا دخل السـياره من بدأن

خواتي يفــتحن مواضيع أكتفيت أني

أهــز رأســي الهــن بهدوء ..

و شعور بــقــلـبي

بدأ ينــغزني بمرارة .  .

بس عرفت سببه أول موصلنا

بيـتنا و صرنا بـداخـــله  ..

بدى العاملات بخــبصه  ! الحـراس

دا ينـزلون بالزيـنه  !  بي مثل لو أنُ

هناك حــفله لو عــرس ؟  ..

طرح سوأل أبو تراب بـ أستغراب  .

" هاي شكو أسفار ! "

وجهه متعصب  .. و جاوب بشيء

بعثر مشاعري ..

" الوالد وافـق على زواج يسر و السيد

فُـراق و هاليومين الخــطبه هنا "

و زين محد سمع صوت كسرة گـلبي

من أعترض علي الدر ..

" شسالفه  ! مو گال مستحيل أوافق

وهيَّ صغيره و بعدين أول تالي مرجعنا لبريطانيا شــلون نعــوفها هـنا ؟ "

هز أسفار رأسه و تحـرك خطوات يستند

على زجاج لطاوله السميك  يرد بملل..

و هوَ يحرك بيده ..

" صارت وراكم عرگه و حجي منا و

حجي منـا و أدخل عمي ستار بعدها

أنتـهت الــهوسه بموافقـته و أبشــرك

أختك تگول أحـبه و أقـتل روحي أذا

ما أنزوجها الــه "

طاكها أبو الحسن ضحكه بس زألت

من وجهه خلال ثواني  ، ينفخ بمغثه ..

" هاك أستلم حب الزعاطيط هالطفلة

شجابها على الحب ؟ 18 سنه من

كل عــقلها تــتزوج بهيــج عمر ! "

ملاسنه  ~ رفض  ~ أعتراض ضجوا

بيها أخواني  ..

و كلمة لوسيل  ..

" أبوكم وافق مالكم حق تــتدخلون "

نزل جدال ويــاها أبو الفضل  ..

منجن بيها  ..

ما تحملت أبقى هنا و أسمع شيء ..

أختفيت أني من يمهم من لگيت نفسي

أجر بيه بحبال ما تنشاف و الطريق

الغرفتي حسيته أميال و گد ما مشيت

ما ينتهي ..

ٰ

ٰ

ــــــــــــــــــ

ذأت اليوم. زيونه .. بيت العقيد رائف .

ٰ

أصوات الهلاهل و الاغاني رجت

بيته .. الكل كان حاضر  .. و فرحان

بهل يوم ..

واللي شارف على نهايــته من أنزف

العــقيد بگــولات و أهــازيج غربـيــه

يوصـــلــونه يــم غرفــــتـــه  ..

" زواج الــدهر رائــف خــويــه "

حـضنه ليث و العقيد أكتفى يطبطب

على ظهره من سمع أمهم تحاجي ..

" يلا يمه بيض وجوهنا گدام الاهل

والعمــام  . "

و فرات اللي سمع كلامها شمر البگلبه

بوجهها  ..

" شيبيض وجوهكم ؟ هو غير حبلها و

على يا ساعه تـجيب بكرشها الطالع

من البدله مترتين  "

رائف سمعه و مع ذلك ما عصب لمن

صرفهم و دخــل للغـرفه ..

يشوف نسرين

منتظرته و الغطا الشفاف على وجهها ..

ساخر بضحكه صفره لمن خلع سترته

و شــمرها بعشـوائيه مـورث جگارته

يــگــعــد على الاريكــه الگــدامها ..

"ما شايفو لوجهج تاتغـطينو هيج ؟

ليكون مستحيه مني يابنت الحرام ؟ "

ما أهتمت العروس الكلامه  ، بعدت

الغطا عن وجهها تتخلى عن مكانها

لمن گعدت يم رائف ..

" عليش هيـج تحـاجيني ؟ حرمــتك

صرت المفروض تدحك و تاتشوفني

بنــظره ثانيه "

همهم الها من ثفث الدخان على وجهها

و عينه بسفاله صارت تنظر لكل جزء

من جسدها  ..

من نطق بصوت هايم بس مو بيها..

" مو مثلها  ..  ما بيج شيء يوصللها "

رفعت حاجبها و تقربت منه ما يهمها

بشنو يقصد ويا هيَّ فكل اليهمها أنها

صارت زوجة العقيد رائف وأبن الشيخ

" شنو رايك بيه اليوم حبيبي ؟ "

تاشر على تفاصيلها  ..

" حلوه أمو لابنك مو  ! "

مستمر بجكارته  .. ما حجى  ..

تركز بوجهه و بـعيونه  .. زوبعه

من المشاعر هزتـها  ..

عضت الشفه  ..

" يول تخبل رائف عجل ما مصدكه

صرت حلالي  "

تتلمس وجهه و هو يباوعلها بنظرات

بارده  ! مدري مستهزأءه  !  ..

فقدت رباطة سيطرتها كدامه  ..

و لثمت شفايفه ببوسه ما بادلها بيها.

تتلمس بي و تهمس  ..

" يلا رائـف شـوف شــغلك "

و كل اللي حصلته أيد العقيد اللي

أمتدت و بعدتها عنه يگوم من قربها ..

من صاحـت بهلع ..

" لوين رايح  هساع ! رائف الليلة

ما تـتعوض  . "

أنجنت و كل شيء بيـها أرتعش  ..

" لا أطنشني حرمتك أني أدحكني

و جاوب "

صارت تمشي خلفه و تتوسل  !!  ..

" لا تطلع اليوم  .. رائف أحجي

وياك عبن بس هالليله ضل هين "

ولا كانُ يسمعها من طلع ملابس ثانيه

و بدل گدامها و سحب مفتاح سيارته

و طلع  . .

و هو ما يــدري لوين رايــح !! بس

المهم ما يبــقى هنا من صار يشوف

وجهـــها هيَّ مو غــيرهـــا ..!! 

من صار يقارن يا مراة يتـقربلها بيها !

بدون ما يحس و ينتبه على روحه  !

و من درى ماكو مقارنه  أصلا بينها

وبين غيرها ! و بس هيَّ الممكن تزور

جفاف سنينه !  ..

رغم هو يدري مستحيل يحب  !

يدري گـلبه منعزل  ..

بس هالاحساس شنو يوگفه  ! وبيا

طريقة يكتم نبضه و من بدايته ينهي !

ٰ

ٰ

عمق الهدوء رحل بـ كسرة تليفوني

و أني ارمي بالحائط بكل قوة عندي ..

من صرت أجول بالغرفة و قـلبي

سنطت أخباره  ..

محيرتبط فراق  !..

محيرتبط  ..

عصرت رأسي ~ أيدي ترجف ويا

جسدي  ..

حب سنين  ..  لسة ما أمتلكته ..

لسة ماحاوطتني الليالي و هو يمي

أو حظيت بـ مرة أسكب له عن شنو

بداخلي اله  ..

خويت جالسه على طرف السرير  ..

سيـقاني تـهتـز  .. أيعائي مرتفع

و شفايفي تــنقــبض عليها الاسنان  .

ما أريد  ..

أعيش هالشعور  .. يندفن نبضي

ولسة بيه روح  ..

من سقطت دمعاتي تحرق عيوني

صاباني الجنون  ..

و نهضت و مدري وين أريد أروح  ..

أصوات من الشرفه تـتناثر أسمعها  ..

ما أهتميت  ..

مشيت خطوه تشبه الانفاس الاخيرة ..

لكن أنمسكت أيدي و أختفى الضوه  .

ما صح أتـلفظ بشيء .. أناسرت

شفـايفــي بايد  .. و انزاحت  ..

جسدي توسد الحائط و هيئة تحبس

أنفاسي  ..

بسباته مر على رذاذ دمعي يتلمسه

و خافت منه ينرمي الصوت  ..

{  يــولي ياهـو ويــاج  !}

دك بيه سكوت يشبه سكون بعد

الحروب  ..

ياهو ويايَّ  !! أثر الكلمة ذبح صدري

من على أنعكاس الضوه أبصرت ملامحه .

أجر بـ رئتي  ~ النفس  .. النفس ضاع

رفعة الحواجب و الفك الحاد  ..

هو  !!  بحرت بطياته العذاب   ..

خوف مثل كابوس قيد ضلوعي  ..

شفت تيها تشبه تيهتي  .. هو نفسه

لو عقلي المريض دأ يـتخيلــه  !  ..

وهم عابر  !..

لو بيه متلازمة الخاطف  !..

كل شيء يمي دخل هُدنه  ..

تتحرك بورة محاجري مثل الوميض

المحتار  بشكله ~

منكسره الهمسه فلتت من تحت أسناني ..

( هـــذأ أنـتَ  ! .)

كانت العتمة منتشره بقساوة و ملمس

جبينه و هو يلمس جبيني  .. ويا عطره

الي أنسكب على تــفاصيل حــزني  ..

{ يــول مــتذكرتــينـي  ؟ }

ملت برأسي  ..  مثل المريضة أباوع

بسواد عيونه  ..

( ماكو طير ينسى سجــانـه  .)

كنت أهمس و سخونه شفايفه سحقت

طرف خَدي ..

غرست أيدي بكتفه  .. شيء وكف

جسدي و ثــبته  ..

{ من ساعات عرست، حرمتي بغرفتي

و أني هين يمج }

هذأ صوته  ! حقيقي مدأ اتوهمه  ..

يرص بحروفه و حرورة بدنه تضمني

من مــشى أناملــه على شـــامة خدي ..

و مثل الـــما واعــي حــجى  ..

{ وحك كل شامة بيج صعب أنام

أذأ ما أدحــكـــج  }

صارعت وردت أضرب صدره صدني

رافع أيديه و مثبتها على الحائط وراي

و يهسهس..

{ ليكون عاجبج سيادة اللواء يولي؟؟ }

تطاحنت بحرب بكل جزء مني  .. من

بقى بايد وحده قابض أيديه و الثــانيه

ورث جــكاره    ..  نصى نــفسه بعيون

مجنونه يخــزرني  ..

{ مستك العافيه لابو ثــار و جدامي

تحجيها  ؟؟؟}

ما كمل كلامه و نزيت.. نوم جمر جكارته

على شفتي  ..

أنتفضت ~ بخيط من الجنون  ..

لكن صابت ذراعه الحائط و خصري..

سمعني مشتكي  .. مثل المنفصم

ما ينفهم شيريد     ..

{ ما رحتــي من بــالي عــجل ياهو

بيـــنا جــان الســـجان  ! }

مردت ثغـري على حجايه تنگال بس

كل شيء خرس سكته من خفض رأسه

وثلاث بوسات لاحت نبض نحري من شفته

ستمديت ~ خبصة حركه  ~ وهن حال

و عصفت بيه لفحة ضوه  ..

باوعت هنا و هناك  .. غرفة فارغه

أثر لبشر ماكو بيها  ..

ضحكت مره و مرتين و حسيت

أنشقت الحنجرة  ..

دفعتي روحي ترجع لوين الشرفه  ..

تتحرك الستائر برهبه  ..

كان هنا ماكنت أتخيله  ..

كدر يوصل البيتي و يدخل غرفتي!!

سديت ثغري بكفي و النفس دخل معركه.

بقيت مصعوقه بمكاني  ..

ما أخافه  .. لا  ..

بس هو أبشع جزء مر بحياتي  ..

من سرعت للحمام الف مره غسلت

جلدي  .. مزقت المكان الطختني بي

شفايفه بقسوة  ..

ساعات  ~ مطلعت عيد و اكرر أحمر

جلدي و لوني   ..

أنشلت أيدي بتعبها يلا طلعت  ..

أقفل كل البواب  .  .

ولا غفت عيني  ..

صارعت الف فكرة  ..

كل الي ردته شيرد عافيتي الي  !!

ٰ

ٰ

و حل اليوم الثاني  ..

كل شيء مر بلمحة بصر ببيت نبراس

الواسع و اللي خيم على أجواءه الفرح ..

و بدل القاعة هنا بدت من ساعات

حفلة خطوبه أصغر البنات ~ و بعدها

مقررين يكملون أحتـفالهم بالقاعة  !..

تذمرها مرتفع  ..

" ترى خطوبتي مو مولد حتى مقضيها

قصائد أبو الحسن  "

طلعت روحها.. خلصها بس قصائد أفراح

لاهل البيت  ..

طخها الياباني بـ سوأل   ..

" تردين أغاني  ؟ مو تدللين  "

كل شيء بيها أشر بفرح  ..

" اي ياباني بس شلون ويا أبو الحسن"

دك صدره  ..

" هسة أزحلگه الج"

و سرعان ما طفر للدي جي يبشر أبو

الحسن  ..

" الحك اليكسار و يمام مضارب

بالشارع و الامير و أسفار وياهم "

أستحله الاستغراب  ..

" صدك عود ؟ شصاير وياهم  ؟ "

رفع أكتافه  ..

" ما اعرف بس أستعجل لان الامير

يتهدد بالسلاح عليهم "

أستغفر ربه أبو الحسن  .. و نزل

بعجله كل همه يوصل بسرعه للشارع.

لحظتها تنهد أيوان و يسر ترسله

بوسات بالهوى  ..

غير القصائد بـ أغاني  على ذوقه..

بس مالحك أحد يفرح  ..

من صاح علي الدر هو الثاني ما قابل..

"  رجــع قصائد فاقــد أيوان لا أجيك

أنتَ و الــدي جي تســيارة للــشارع

أوصلــكم "

خفض أيوان الصوت و صاح ..

" يا فاقد رحمة الربــك دشوف

النـاس تــريد تبـجـي  !! "

مخلي علي الدر يلتفت يتفقد الوجوه..

و بالفعل بنات جيفارا كانن يكــفف

أدموعهن  ..

معازيم مدري منين متكدره بحزن  ..

حتى همس  ..

" هاي شصــاير هنــا  ؟ "

سامره كرار  .. و مو عاجبه وضع

أخوانه  ..

" مو گلتلك  أبو الحسن لاعب جوله

بيهم مو خــطوبه فاتحه مسويها "

اومى و سافر بـنظراته لكل مكان ..

" لعد حنين ليش مو ويا البنات  ؟ "

أنتبه كرار و مثله فر محاجره يبحث

عليها  ..

" من الصبح ماشفتها وداعتك  "

منها مرت ســاعة تموا بيها مراسيم

الخطوبه بوجود شيخ .  . يتحولون

الــقسم الاحتفــالات بــعدها ..

من شــغلوا أغنية أجنبيه هادئه  ..

عرضت يسر على فراق يراقصها..

مرتين رفض و بالعــاشره يلا وافق

من صار نبراس قريب منهم  .. صعبه

يرفض  ..

بدى مو رأضي  .. حتى أبن ساري

حس بمشاعر سوداويه من هالخطبة..

بس تبقى يسر مدللته  .. و هو ما يحب

يكسر قلب أحد من ولده أو بناته  .

لوسيل بجانبه تبتسم و تهامسه  .

" بمنو يذكرونك  ؟ مو بزواجنا

أني وياك  ! "

باوع لها بنظرة خاليه من تعبير يذكر  ..

نبراس اصلا سحب نفسه و أبتعد

منها  ..

ضحكت المراة بـ أستهزاء  .. يلا

تصبر عليه شكو عليها  ..

و تسمع نبراس يسأل  ..

" حــنين وين  ؟ "

الف حسرة رمت منه  .. و تغير كل

وجهها  ..

ٰ

باب غرفتي ينطرق  ...

و اليانور تصيح  ..

" حنين طولتي يلا ننزل جوه ترى

حتـضيع علينا رقصتهم مثل مضاعت

علينا تلبيسهم للحلقات "

نفخت الهواء من شفايفي و مسحت

على صدري بقوه ..

أدري ما ينفع هروبي بهل طريقه ..

لان زحمة و عيب من نفسي أني مو

من غيري ..

لذلك سرعت أخفي هلات التعب من

جــوه عيــوني و طلــعت ..

زفـتني بضحكه وتين  ..

" شطالعه أويلي عليج "

و سحبتني اليانور ننزل سويه الجوه ..

و ماكو شيء يفسر مشاعري لمن

وقعت نظراتي عليهم ...  او بالاحرى

عليه هوَ وحده ..

سحبت روح من الجسد سحبني..

و يمكن أنتبه و زارتني عيونه تباوع

لي  !  ..

كان لازم خصرها و يرقصون سوه ؟

يعني صار وخـطبها ؟ يعني لبسها خاتم

باصبعها هذا اللي كل روحي بي !

ما تحملت لمن شحت بوجهي عنه

و أحس هسه يلا ضربتـني الحقيقة

بقوة ..

صحت لا تنجنين  ..

بس ما فاد  ..

ما فاد و خسرت نفسي  ..

من  سره بيه خيط من الجنون و

مدري شبيه صار لمن تــقربت يم ايوان

المشغل الدي جي ..

همست  ..

"عادي أخــذ مكــانك شــويَّ ؟ "

بــ أستغراب نـظــر لي ..

" أكـــيـد  ! "

وقــفت بمكانه و ربطــت جهازي بي ..

ثواني و الكل صـارت عينه على الدي

جي !! مـدري عـليَّ أني !  ..

من رفعت الصوت باعلى قـوته ..

" تعالوا و شـوفوا يا نــاس حبيبي

بالگلب داس طلع ما عـنده أحـساس

و ما عــنده وفــه "

و تضغط أيدي بتغير  ..

" أنه يا طــير ضيــعــني نصــيبي

حرت لاني لاهلي ولا أني الحبيبي "

و أدري ماكو شيء يشفع لسوأيتي

ولا هاي أخلاقي و أفعالي ..

ولا أني الترضى بهيج سوالف ..

بس لحظة طيش لاول مره بحياتي

زأورتني .. 

من الكل من أخواني و المعازيم

عينهم عليَّ بس عيني أني كانت عليه

هوَ وحده ..

لمحت شــفايفه تحركت بجانبيه

هالرجال كان يهمس لي بشيء  !  ..

ملت برأسي و قلبي هنا ذبحوا  ..

شتريد مني  !  ..

عيونه الفارغة و ملامحه الصوبت

عمقي سودنتني  ..

لمن أستفزني و ردت أتـقدم ناحيته بس

صياح أمي منـعني  ..

" حنين "

حطيت انتباهي عليها  ~ يسر وياها  ..

" شهل أغنية ؟ غيريها "

ولاول مره ينحز بداخلي هيج منها

الـدرجه أبتسمت أهمس .. و عيني

على فراق مو عليها ..

( لا ولك لا لا على بختك ماني سالوفه

صرت بين الطوايف  )

تجهم وجهها و محسيتها إلا تمسكني من

عضدي و تهسهس بخفوت .  .

" صعدي الغرفـتج ولا تخربين فرحت

أخـتج حــنين "

و مو لانها طلبت حـ أنفذ أنما لان قـلبي

أنبتر و ما بيه أتحمل شوفة فراق

ويا غيري  ..

من درت وجهي عنه و أدري بي ضل

طول خـطواتي يباوع لي  .   . و ما

رمــش حتى  !!  ..

صعدت أول خطواتي بالدرج بس

أيدي الخاليه من تليفوني وقــفتني  ..

تنهدت سم الهوى حش احشائي  ..

رجعت بخطواتي أنزل ... و أيدي تستند

على المحجر  .. صعبه أمشي بسهوله.

وصلت مكان ألياباني  .. اشرت له

و أنطاني التليفون  ..

و كنت حرجع أصعد و أبتعد من

لمحت أمي و يسر قريب مني  ..

التفتت أنطيهم ظهري  ..

لكن صـار شيء خلاني أجمد بسيقاني

و مثل الشجرة الخانتها أغصانها حسيت

نفـــسي تساقطت ويا كـــلمات هــــاربة

من ثــغــر أمــي ..

" التــاريخ دأ يــعيـد نفــسه و مثل ما

أخـذت نبــراس من أمـها رجعتي أنتِ

و أخـذتـــي فُـــراق من عــنـدهـــا "

. . ⇜↜𓆩H𓆪↝⇜ .  .

ٰ

ٰ

ــــــــــــــــــــــــ الروح ويا النفس الكم🦋

.

❥ 𓆩H𓆪.

.  .  .  .  .

رمضان مُبارك مقدماً

و للملتقى بأذن الله 🤎

. 🦋  .

ــــــــــــــــــــــــــــــــ ﷽ على ذكرى نبدأ

.

التوهان قربان هواك  🕊

بـقلمي  - سينارلاين علي 🦋

. 🦋  .

أقول وقد لاحت بقربي حمامة

أيا جارتا هل تشعرين بحالي؟

معاذ الهوى قد ذقتِ طارقة النوى

ولا خطرت منك الهموم ببالِ ..

أتحمل محزونة الفؤاد قوادم  ..

على غصن نائي المسافة عالِ

أيا جارتا ما أنصف الدهر بيننا

تعالي أقاسمك الهموم تعالي

تعالي تري روحا لدي ضعـيفة

تـردد في جـسم يعــذب بالي ..

أيضحك ماسور و تبكي طليقة

ويسكت محزون و يندب سالِ

لقد كنت أولى منك بالدمعة مقلة

ولكن دمعي في الحوادث غالِ..

.  🦋  .

ٰ

ٰ

ٰ

. . ⇜↜𓆩H𓆪↝⇜ .  .

ٰ

ٰ

ٰ

خـــذت نبــراس من أمهـا ؟

كانت هاي الاربع كــلمات هي من دون

الباقــيات وقــفــت عـقــلي !

من درت وجهي و تقدمت خطوه أحط

أيدي على كـتفها و أجبر أمي تباوع لي ..

" شـتـقصدين ! أم مــنو اللي أخــذتـي

نبـــراس مـــن عـــندهــا ؟ "

يمكن نشف دمها مدري صفرت الدرجة

تـقربت مسـكت وجهي بأثـــنين أيديها

بعـــد مــا أســتوعبــت أنــي سمعـــتــها .

" أم منــو ؟ أكيـد أنــي أكـو أم غــيري

مخـلفة لـ أبــوج هالگــد ولــد يرفــعون

الرأس و كُــلهــم مرجــلــه و غـيــره ! "

بلا تعابير بقيت صافنـه بوجهها فمن

شوكت وهي بهــذأ اللطف تحاچيني !!

بعيد عن أنها حـولت الموضوع الشيء

ثاني !  ..

سألتها  ..

" يـوم ليــش تلـبكـتــي هــيج ! "

و عيني أنخـفضت على أيديها و مثل

سيف نحر حنجرتي أنوجع جسدي من

فجاة حـضنــتني الصدرهــا ..

" ما متلبكــه أنتِ تـتـخيـلين مو أكــثر

أكيد بسبب الخـطف عــقلـج مو تمـام "

ويا نهاية جُملتها بعدت عني بالحظة

اللي ردت أزيــد باسئــلـتي الــها صاح

ذو الــفـــقار  ..

" يلا الكل على الـسيارات گبل، دقائق

و نـطلع للـقاعة . "

و بلبكــه تحركت هي و يُسر و أيات

يرحـــن من گــدامــي ..

بعــدها دقائـق و صـار البيـــت خالي !

و أني بمـكاني و كل اللي يشغل تفكيري

هو ..

" مثل ما أخـذت نبراس من أمهـا ؟. "

شـنو اللي أعجـز أنُ أفـهمه بهل مقصد ؟

هـزيت رأسي  .. مـو لازم أدقــق  ..

فمن أيام و أني أتخيل أشياء مثل ذاك

الـعــقيد و هـو من هــنا  ..

أحتـاج السلام حاليا

ما بيه الصنع مشاكل  ..

تحـركت أغير مكاني

بالحظة اللي طاحت عيوني على البعض

من أخواني   ..

" ليـش أنتـم هنا ! مرحتوا ويأ الباقين

للقاعـــة تكمـــلون الحفلــة ؟ "

رفع أبو الحـسن حاجبه و سبق الباقين

من ردني ..

" وأنـــتِ ليــش مَـرحــتــي ؟"

رفعـت حاجبي مثله .. و جاوبت بصوت

بارد و كُــله سخرية ..

" بيني و بينكم أخـاف أنخـطـف مره

ثانيــة "

ضحـكوا بــعـذوبه على كلامي لمن

سـايرنا الخطوات و كُلنا جلسنا على

الكرأسي المزيـنه بـرقي وأضــح ..

" مـو و أحـنا هنا حنين ما رأيد روحه

اللي يــدنالــج . "

أبتسمت بتعب لـ علي الدر و بعدت شعري

للخلف و أحـس صار يزعجني طوله

بهل طريقه ..

حتى خـذأنا جو من السكون و للحظه

بدأ كل واحد من عندنا غارق بشيء  ..

بس صـوت ألامير صحانا من تفكير

يهد بينا الحيل .. يحجي بحماس ~

" على هالگعده الحلوه خليني أسمعكم

شعر مو الي هذأ هـسة سمعته من

صاحبي بگروب شعراء رغم الحاقدين"

نب مـقاطعه كرار  ..

" ياهو المـنظم بي هالگروب  ؟ "

قطب حـواجبه بتركيز  و بشره  ..

" ولد فرونسي و باقي شباب السراي "

دخلوا تحقـيق وياه  .. مستفسر المجتبى

" وياهــو اللي سواه  ؟ "

رفع تلـيفونه يشوفنا أسماء الاداره..

" ادريان حتى نتنمر براحتنا رغم

ستار حذفه مرتين بس بالعزيمة رجعنا

سوينا الثالث "

هزوا روسـهم منه و هو صاح  ..

" ركزوا ويـاي "

اول ما نطق كلهم تجهمت وجوهم..

‏" وينك يالجنـت اناديك بسكوت

ويجري عليك دمع العين بسكوت

لك اني انطيك نستله وبسكوت

وانت عندك ببسي تضمه عليه "

مخـلي أبو الحسن يفرك وجهه من صاح..

" لا يالكائنات هـسه أگوم أمطله هنا . "

بس ما نفع وياه و بعد ألامير تليفونه

يرطب شفايفه مُصر يكمل ..

" لا جديات هاي هسه أجت على بالي

أسـمعوها ما جايبها من غيري . "

أنطيناه أنتـباهنا و محد بينا وجهه

يبشر بالخير .. ...

" البيت فارغ بس أحـنا السبعة بي مال

هسه نشغل ساجده و ترگصلنا حنين "

فرقت شـفايفي و قبل لا أستنكر شعره

طگني بوحده و بيده يأشر عليَّ ..

" ولــد نبراس قبــيله و كـلهم

يصگرون بس بنظره تسكتهم أم عيون"

ضاحك له علي الدر من أختصر محور

الكلام ... بحنيه ..

" خــويه ما بيـك مجال ودأعتك

أعــتزل أحسنلك ولا هتمسلت هذأ"

شال الامير نـفًسه و خذاها بجديه

من خزرنا كلنه يهسهس بعصبيه..

" مو صوجكم وعلي صوج اليشعرلكم،

هوَ أنـتم مال شعر . "

صفـنت عليه..  لويش هو هيج؟

مضيع وقـته بهل تفاهه  ..

بعدها ماشفنا غير ظهره و هوَ يتركنا

صاعد من الدرج ..

حتى فتـحنا سوالف و ما توقف مركبها

الا بسوأل متفاجأ منـي خرج ..

" والله أبــو الحـسن عاشگ ؟ "

مال براسه يـباوع لي و يا الله على

نظرة الهيام بعيونه مخليني أضحك

بحزن ..

من أخذتني الـتايهات و همست ..

" لا تـحــب أبــو الحــــسن . "

صـايبه التفاجئ مني .. وهربت منه

ضحكه بالشفعات تنشاف ..

" ليـش ما أحـــب يا أخـــتي ؟ . "

بلعـت ريگي .. و كل عيونهم تراقبني

من حجيت و كل فكري عند فراق ..

" لان الحـب الحــقيقي يكســر الظهر

مو بس الگلب . . يضيـعلك طريـقك

يخــليك تحس نفسك أنتَ مـو أنـتَ و

يا دوبك بــعده تگدر على جرة النفس

من تدري بي صــار لـغيرك مو ألك . "

هـمشت الفراغ بـ النظرات  ..

" و حـتــبدي حــرب شـــلون تــنساه  ؟

و حتصارع بين الحــلال و الحرام

و حـتنهكك سوالف الليـل و أنُ اللي

ردته ما رادأك  ..  گـلبه ما حبك "

ضعت و حسيت طيري كسروا جناحه

حتى وعـاني سوأل أبو الحسن  ..

" ياهوَ العاشـگـته و تحـچين بالحب

حَـــنين ؟ . "

أبتـسمت .. و بلحــظه صرت كــتله

تشبه الجــليد بارده مثل عـادتي ما

يــهزني شــيء ..

"مو صغيره أني و تسألني هذأ السؤال

بعدين تدري بيه أحب أبوك أبو الحسن"

بقوا صافنين بيه.. غـمغم كرار بسكون  .

" و هو هم يحـبج و ماشـايف غيرج

يفضـلج عــلينا كُـــلنا نبــراس"

فطنت على أهداب الوعي و رميت سوأل.

" يــضوجكم هـالشيء  ؟ "

هز رأسه المجتبى  ..

" لا يا عـيون أخوتج .. أصـلا كلنا

نحبج و نقدرج غير الجبيرة أنتِ  "

سكتت ما حجيت شيء  ..

صرت أسير بمحاجري عليهم واحد واحد

علي الدر ، أبو الحسن ، أسفار ، المجتبى

كرار ، أبو تراب متسأئله أذأ حبوا بيوم

كيــف القــدر حيــكون ويـــاهم  ؟!  ..

بخضم ألافكار ما حسيت الا بـ اليكسار

منظم النا و فاتح سيرة حب أبن والدته

" شلـعــت گـلــبه ما تـقبـل يگول

مركضتــه وراهــا ماخــلى شيء ما

جربى بــاقي بس ينتحر كدامها "

باغته بـ سؤال  ..

" عراقية  ؟ "

جر نفس متكبر و ملامحه ذكرتني بـ

أشگر بينهم شبهَه بس بتصفيفت الشعر !

" من بغداد  .. صار شهرين من عرفها"

صفن كرار بي  ..

" شهرين و هيج سحـلته قـائد  ؟ "

رفع أيديه و زاح خصل شعره  ..

" لا تـبدون يكـفي أدريان و أخوانه

أستلموا أسبوع تنـمر و أبن ستار

ويـاهم "

دفع تليفونه على الميز الزجاجي و

جادله أسفار  ..

" اللي أعرفه عمي جيفارا ماله نية يترك أيطاليا و يرجـع للـعراق هو شلون

يــريد عراقية ؟"

رفع حاجبه اليسكار  ..

" على گولة فرونسي Ma vie دام أكو

نفـوذ الصعب لـ ولد ساري يركع "

أستمر الحوار ألى أن مد تليفونه الي

يفرجيني صورة   ..

" شوفيها زين تستاهل تلفت نظر

سينيوري مثـلي  ؟ "

تشكلت عقد بين حواجبي و أني أتمعن

بيها  !  .. شايفتها  !  ..

هو يحجي منتظر رأئيي و أني بصفنات

ضعت أحاول أتذكر وين شــفتها  !  ..

و بثواني نفر دماغي.. ساهور  ؟  ..

رفعت وجهي اله مستفسره  ..

" شنو أسمها  ؟ "

سامرني بدور العاشك الولهان  ..

" أســر "

أضتهدت دواخلي مو مفتهمه شيء

رجعت اركز بالصورة  ..

هاي ساهور

ويا ذاك الحقير نفسها ما أظن غلطانه

بشكلها  !  ..

و هو يسالني إذا تناسبه.. جبرت ذاتي

أومى بـ

" أي حَسنة الشكل . "

رفع حاجبه و هو ما يختلف عن

نسل السراي  .. يهمس لي  ..

" لا يروح فكرج بعيد مو مهتم بيها "

أبتسمت بخفه  .. أبادله الهمس  .

" واضح  .. لهذأ مصورها بـدون

ما تـدري بــيك يا أبـن العــم "

شغل جكارته و حيل سكن وجهه  .

" كـلنا نعرف أحساســج بمكــانه ،

بشريني شــنو تحسين تجاهي أذأ

ردتها  ؟ "

سألت قلبي شكو ؟ و منحته الجواب  .

" حـــ تـتعذب بهـل طـريق و يمكن

تعشق بخبال "

تقرب لوجهي و ثقبني بعيونه الخضر.

" لعد من أولها راح أحذر، الحب و

سوالــفه ما تــهمني بنت العم "

و لف على أخواني يتنقل بنظراته  ..

" صدك ليش مرحتوا ويا الباقين

للقاعة  ؟ "

بشره كرار ياشر باصابعه  ..

" شايف هاي الوجوه الفرنسية الحلوه ؟

أحنـا تيم الرافضين و الي راحوا ذول

خـونه موافقـين "

بين ضحك و سوالف .. طولت الجلسة..

لحتى نهضت و بين عين عليهم و عين

على بايات الدرج صعدت غرفتي تاركتهم بحالهم ..

ٰ

ٰ

لمن ساير أبو الحسن بـ عيونه الزرق

عليها  ..  شافها أختفت من گدامه ..

و للحظه فكر بكلامها  ..

لا تحب أبو الحسن  !

بس ليش  !  ..

من رجع بذاكرته للمره للثانيه و ألاخيره

من شافها قبل شهر .. ~

كانت صدفه و يومها خميس ؟

من طلع من المستشفى البيها حنين

و رأيد يرجع للبيت بس لمحها  .. و

هي تدخل و فاتـت من صفه ، عبرته

بدون ما تنــتبه عليه ..

وگف دقائق وعينه عليها بس بعدها

كمل طريقه يصـعد سيارته ..

لكن ما گدر يروح و بقى يراقب باب

الخروج من زجاج سيارته اللي نــزلهـا ..

أخــذت وقـت طــويل يلا طلعت ..

و لاحظ ذاك الضماد اللي التف على

رأسها .. تمشي برفق ناحية الشارع ..

هامس ذاته  ..

" شصــايـر وياهــا ؟ . "

حرك سيارته على كيف وراها ..

مرت مدة أنجبر يوگف من شافها وگفت

بنص الشارع وراحت عـيونه تباوع لوين

هيَّ صافنه ..

أطفال ،بنات ولد صغار البعض ويا أمهم

لو أبوهـم و غيرهم ويا الاهل ..

مخليته يتعجب ليش هيج سرقوا كل

تركيزها و شدعوا هيج خيم الحزن عليها!

ما تحمل أبو الحسن من ترجل و أخذته

أقدامه ناحيتها .. وگف گدامها بدون

ما يــهتم الشيء ! ..

" بــيج شيء ؟ليش واگفه هنا هذأ

شارع و سيارات تتخطف على سريع

بي لا تندعمين "

هيرين عــقدت حواجبها !

منو هذأ الغريب اللي يحاجيها !  ..

ناشدته بفـهي  ..

" منو أنــتَ ؟ "

و كان واضح هيَّ ما منطيه لهل أنسان

بال من اولها لانها حتى ما گدرت تتعرف

عليه ..!

مخليته يرص قبضة أيده من گال

بصوت ثابت ..

" أني أبو الحـسن أخو علي الدر ،

التقينا قبل أشهر من نسيتي تليفونج

و رجعتلج أيــاه !. "

هوَ يحجي وهي تعقد بحواجبها أكثر . .

حتى همهمت اله .. وبلحظه أنــطته

ظــهرها تبــتعد عنــه ..

مكانت مهتمه .. هالانسانه الدنيا

هم ما راحمتها . . واللي بيها مكفيها  ..

بس يعوفها أبو الحسن هيج ؟ زحمه

من صاح ..

" لحظه خليني أوصلج وين تردين؟"

وگفت و دارت بوجها عليه .. تباوع له

بشيء فاتر .. و يادوب طلع صوتها ..

" ماكو داعي ، عندي اللي ينـتظرني

، شكرآ .. "

قصدت زوجها بس هالشيء ما فهمه

أبن نبراس من حاول باي طريقة يتواصل

وياها أكثر و يسمعها تكلمه ..

" حتى لو عنــدج اليــوصلج خلــيني

أوصلج و أذأ ترديــن أعتبري رجاءً .. "

أصرارة و نبرة صوته ! هالرجال خلاها

تبلع ريگها ..

ما متعودة على هالاسلوب

فمن شوكت وهيج يحاجونها !!  ..

من خفضت عيونها و بالف ياعلي يلا

گــدرت ترجع عيونها عليه ..

" تسلم .. لا تـعب نفسك و هم أعتبره

رجاءً مني . "

و ما أنـطته مجال شاحت وجهها عنه

و راحت تساير الشارع بهمومهه ..

مخليته بمكانه يزاور جسدها اللي

شيء شيء أختفى من گدامه ..

عاتب السماء  .. الارض و روحه  ..

" هاي بيا طريقة أگدر أوصل الگلبها؟

أذأ بعيوني ثواني ما باوعت حتى !"

رجع من هالذكرى نافث أنفاسه ببتسامه

باهته  ..

و هوَ صار مـتاكد انها أحــتلت گـلــبه و

ماكو حل بعد غير أنه يروح ويخـطبها من

أهــلها حتى تصير حــلاله ..

جابهه بتذمر علي الدر  ..

" خير طولت طمستك أبو الحسن ؟ "

دار وجهه اله  .. يدعك المنطقه البين

حواجبه.. بس لاف السؤال  من حچى ..

" عوفك مني، أنتَ وين وصلت بحبك؟

مو جنــت رايد تُـــخطب بس ترجــع

حَــنين ؟ "

حاس علي الدر بالمرارة من كلامه و رد

بتعب من هالحب اللي شگد ما حاول

ينوله يتعثر ..

" السالفة مـــطوله شـويَّ الابنـــيه مو

جاهـــزة وأنــي عايــفـها على مــايها

مــا رايـــد أخـــسرهـــا . "

ما يريد يخسرها كلمة صوبت كرار

بروحه ..

أنتشر صوته و هو يدنى منه يسأل  ..

" هـيج تحــبها علي  ؟؟ "

سير عليه الحنطاوي بضحكه ..

"  طايح بالغميج أخوك كرار رايدها

و رايد كل شيء بيها "

و شبه سنطة  ..

رجع مستفسر  ..

" يعني من صدك رايدها زواج  ؟ "

مسح على لحيته علي  ..

" طبعا زواج أني أحبها ما رايدها ونسه"

هنا كرار حس حتى الهوى يخنگ

بصدره ..

و يدري لو فـــتح حلگه و نطـق بالي

صار و يعرفه تخرب خــوتهم و يمكن

يصــنع جرح ما ينــشفي بــعد !!.

من گام و عينه عليهم بينما تليفونه

أهتز برساله من  - أيـة  .

" ولو الگـعدة حلـوه وياكم بس

عندي طلــعة هـــسه . "

تركهم .. بعد مسحب سويج سيارته

يطلع من بيت السراي و الغضب هب

يحرگ عيونه ..

لان يدري و يفهم  ..

أخذه الطريق العوج وياه و بعد ماكو

منه رجعة  ..

ٰ

ٰ

ٰ

ٰ

ٰ

و بين مطبات الحياة .. تمضي

الايام ..

مر يومين گدرت بيها أوأزن نفسي و

حاليا خليت بفكري شغله وحده ، أوفي

بوعد قطعته الروحي وهو أنُ أشتري

بيت لام أشگر ..

من صــعدت ســيارتي و خليت باقر

يسوقهـا بمــكاني لان أيـدي بعــدها

  ما متــشافــيه و الضــماد بـــيـــهـا.

سندت رأسي على زجاج النافذه بالحظه

اللي رن تليفوني و جاوبت ..

" نـبراس ترى مصارلي عـشرة دقائق من

طلـعت من يمك ويـن لحگت تشـتاق لي؟"

سمعت صوت ضحكته بعدها صوته

الدافي من حچى ..

" أخاف أطلعين و بعد ما ترجعين

فاخابر حتى أطــمئن گــلبي عليج "

عيوني غطست تنظر للشوارع  ..

" لا تــخاف مو يوميه أنخطف "

أختفى الصوت  .. صوته مدري صوتي

و بدى مرير الحال  ..

الاثر ما ينمحي  ~ ولا الكسر يلتئم

و أن صار و التئم يبقى بالروح الصواب.

وجهت كلامي لـ باقر  ..

" شغل موسيقى و خلي الصوت

منخـــفض الأخــــر درجـــة  . "

نفذ و همت بمحطات الافكار الوذ  ..

كذأ دقيـقة مرت رجع تليفــوني يهتـز

كل وهــله واحد من أخــواني يتـــصل

أخــرها رجــع والــدي يتــصل  ..

" شوفي يا بيت يعجبها و وين ما تريده

بيا منطقـة أتـفقوا عليه و أني حاضر

أشتري ."

يبهجني سخاءه  ..

" تمام من دون ما تگول حاختار عقار

راقي و عــادي لو يـكلف المليار فــلا

تشتــكي بعــدين "

تغنت باسماعي ضحكته   ..

" ولا شيء هذأ گدامج عزيزة روحي

اليعجبج سووي "

على هذأ الحال بـقينا نحجي لحدما

فجاة وگفنا بسبب الازدحام ..

أضطريت أنهي المُكالمه ويا الوالد

من سمـعت أصوات تــحاجـــينا ..

" الهـويـات و أوراق السيارة . "

أبــو ثــار ؟ گدرت أميز صوته ..

حتى ســايرت بـعــيوني عليه ! كان

بـــزيه العـسكري . . و عــدة ضباط

يمــه و كـانُ شــيء صــاير هنا ..!!

دحثه بـاقر بهدوء ..

" هاي هويتي تفـضل سيادتك . "

بس الثاني ردة بصوت حاد و بنرفزه ..

( أعتــقد گــلتلك هوياتكم و أوراق

السيارة خوما طرشيت بعد بيتي !)

منزل رأسه بعدها من الجامه حتى أنتبه

عليَّ .. صابه التفاجى  ..ممتوقع شوفتي..

『 بنت نبراس  ؟ شهل قدر هـذأ   ..

گواج الله يـابه 』

  ملت برأسي أحــاچي  ..

( قوة حيلك .. دا تسأل عن الهوية؟.)

هز راسه و بشرني  ..

『 ناوشيــنياهن بلا أمرج عليج  』

شناوش؟؟ .. سنطت لثواني حتى فهمته

و تكلمت بصراحه ..

( ناسيـــتها ســـيادة اللواء و حتى

أوراق السيارة ضــايعة يمـــكن ؟ .)

لاعب لسانه بخده من الداخل  .. و

شعاش الشمس لامس أرموشه  ..

『 نــاسيتها لو ضايعة يابه حددي

حتى أعارف شحجي 』

مسدت طرف شفتي  ..

( ضايـــعة  .. يمكن  !.)

رفع حاجبه و بأثنين أيديه أستند على

حافة الجامه من تحول يوقــف گدامي ..

『گــلتيلي ضايعة يمكن ؟ و حضرتج

علـــيش أطلـــعين بيهــا اذأ هيــج ؟ 』

ما عجبتني نبرة صوته ! مع ذلك

رديته بـ أدب و عدم أكتراث ..

( صار و طلعت مُخـتصر القصة

شـــ حــيصير ؟)

أبتسم بــ أستنكار و ما ألومه أني

أنسانه تستفز بشكل كارثي ..

『 عبــن هاي تعـتبر مخــالفة و ممكن

تــتوقفين بسببها و أصدر سيارتج 』

ضيقت عيوني .. أسافر بتمعن بملامح

وجهه و بلمحة الـ سمار اللي عنده ..

و باردة أعصابي وياه  ..

(  حـــ أنـحجز يـــعنـــي ؟ .)

غريبه نــظرته بيه .. و كل كلامه  ..

『 مامش غيرها لازم يصير  .. غايتي

أحــجـزنج   』

لحظة صمت دارت بيني و بينه  ..

( تـحجـزني  ؟ .) 

مال بطوله و بدى حلو الطول  .

『 چــا اليخالف شنسويله غيرها ؟ 』

متعوبه  ~

ما بيه أخوض أطول  ..

تفقدت الوقت بساعة أيدي و رجعت له

صوتي ثابت يمه ..

(  تمام .. يعني حـ توقـفني سيدنا ؟.)

ضيق وساع عيونه يرددها و ضلال

رموشه تعصف بي الشمس بحنيه  ..

『 سـيدنـا  ؟ 』

ما عندي ردة فعل.. لاجل نسبة هيج

ندهته  ~ أحتراما مو أكثر  ..

طردت غرابة الجو  .. أعيد السؤأل  .

( حــ أنحـجز توقيف ولا لا  ؟ .)

رفع حاجبه . . التفت بعيونه لبعيد

قبل ما يرجعها عليَّ .. ينطق ..

『 من حسن حضج مدري حضي اليوم

أنا بقيادة الافواج و كل الرتب . 』

و باصابع أيده طرق على زجاج سيارتي

يـاخذ له صفنه بملامحي و مدري ليش

حسيته خفى أبتــسامتــه من رمـقـــته

بـ أســتنكار أميـل بــ أطـراف شـــعري ..

حتى صاح بقوة ...

" أفتـحوا الها الطـريق ."

بدون ما يزحزح بوبوة سواد عيونه

عني .. كانه يحفظ وجهي ، كانه يرسم

بعقلــه شيء مخفي ..

من همس  ..

『 درب الســـلامــة حــنين . 』

مخلي بــاقر يتحرك بسرعة مبتعدين

عن سيطرته .. وأحساسي گـلي بعدها

عــيون أبــو ثــار علــيج ..

من ركزت على مراية السيارة ..

أبتسمت بسخريه لان بعده واقــف

و عينه على الطريق منه ما زاحها ..

دنيا غريبه الما نريد أهتمامه هوَ

هو اللي يــهتم بينا . ~

و لهناك مر وقت طويل كل شوي

أغلط بوين الطريق لحدما أخيرأ صفينا

بذيج الچــوله ..

" أنسه حنين متاكده العنوان هذأ ؟ "

هزيت رأسي لـ باقر و ترجلت أ أشر اله

يبقى بمكانه ..

و رغم واجهت صعوبه أمشي بكعبي

بهل ترابه و الحجر بس سويتها ..

وصلت الباب . . طرقــته عدة مرات

و لدقائق بقيت منتظره بس ولا أحد

فــتـح لي و طلع .. !

" معــقوله طالعــين ؟ "

من التفتت الـ باقر اللي وقف بجانبي

ارمقه بعدم أستفسار و ما أدري ليش

ما مرتاحتله !

" محد هنا خاف طالعين  .. اشوفلج

شكو ماكو  ؟ "

منحته الاذن راح يتلفت هنا و هنا

و رجع لي  .. ما عرف شيء  ..

تنهدت أرجع اطرق الباب من جديد  ..

بلا فائده  ..

" خـلينا نرجـع واضح أنهم مو بالبيت

عود نجي غير مرة لان الشــمس بدت

تـــقوة و صــيف الــعراق ياذيـــج . "

و رغم عجرفتي وأفقته الرأي.. بعد ما

أنتظرت مدة و نفس الشيء ماكو أحد هنا

مخليني أحس بشعور ضايع ..

كنت متمنيه المح وجه ذيج المراة من

جديد ولو للحضات ، بيه شيء تـاق الها

و بغـرابة !

بس ماكو نصيب .. و شكل كل اللي

أريدهم صعب يـلفون بطريقي .

و مر ذاك اليوم بخيبة أمل ألي حتى

نهيته برجــعتي على البيت من لاگاني

خــبر زواج فراق بأختي بـعد أيام و

نزفت الهلاهل بسمعي مثل أسهام فتت

قلبي ..

و أدري

زحمة وحده مثلي يوگعها هيج شيء!

بس وگعت و محد سمى عليَّ بهل حب.

من أجتني يسر و وقفت گدامي تتكلم

بدلع قرفني منها ..

" باركــيلي حنين أيـام و البس

الابيض وأطلع مـنا عروس . "

نفخت الهواء بتريث  .. ما أعرف بيا

نظره و نفس اباوع بيها  ..

مالت براسها  .. تتذمر بـطفولية  ..

" يعني ما تبــاركين لي  ؟؟ "

طبطبت على أكتافها  ..

" خلي يصير بذاك الوقت الله كريم "

و شحت بوجهي عنها .. عن لوسيل

و عن كل فرح هـنا  ..

لان لو مو بس روحي أنتهت لو كل

حياتي أني مستحيل أبين كسرتي لاحد.

دخلت غرفتي أمسد بجبيني و اراقب

الوقت  ..

عندي مُراجعة طبية كُل يومين ..

رحت أغـتـسلت ~ أرتديـت فستان

أسود بحمالة و فوقه ستره قصيره..

أختاريت بوند أسود رفيع مزين بسلسال

ذهبي و أرتديته بعنقي مضبوب ..

ويا نهاية ترتيب شعري أقتحم الغرفة

أيوان  .. أستند على الباب و يحجي..

" أبن ساري منتظرج يگول نزلها وياك

أحسن ما أصعدلها "

أستفسرت بسكون  ..

" اللي أعرفة أيليا و حيدر ياخذوني

ياباني  .. نــبراس شكو  ؟ "

ضحك بوجهي  ..

" ما قبـل عليهم يگول أني أخذها

أنتــم أهـتمـوا بعـــرس يُـــسر "

بعثرت العطر على تفاصيلي .. سحبت

تليفوني و نزلت وياه طالعين لبرى  ..

شفت والدي متولي السياقة .. صعدت

بالخلف و الياباني قبل لا يصعد منعه

نبراس ..

" حبيبي ماكو روحــه لف و أرجع "

دخل رأسه من الجامة .. عاقد حواجبه

و مستغرب  ..

" عود ليش أبن ساري  ؟ "

ما كلمه التفت للامير و خالي أرسلان

أشر الهم يجون ياخذونه  ..

" فضوني ترى متأخر  . "

أقــتربوا منه يردون يمسكونه  .. و هو

يريد يفتح الباب بس قفله نبراس  ..

" هاي صدك عود ؟؟  دفتح الباب

يابه والله ما سوي شيء أكعد عاقل"

تمسك بباب السيارة و جبر يسحب بي

الامير  ..

" ياباني ما يردونك تعال وياي ولا

هالـذلــة  "

أشر له والدي  ..

" أنچـب لا أنزلك "

ما گدر له الا ارسلان وياه سحبوا

بطريقة مثل طفل يفطمونه من أهله ..

لسة دا يلف نبراس السيارة نزلت همسات

من سيارتها.. أنتبهت و أجت علينا متخصره

" وين رايـح و ماخـذ حبيبة قـلبي

أبــن عمــي ؟ "

دعك جبينه .. ما عرفت بأي نظره يرمقها

" شــعليج "

أشر للسيارة  ..

" و ميلي سيارتج منا نريد نطلع "

زاورته و خلعت نظارتها  ..

" أوي شهل أسلوب هذأ  ؟  أني لو

مـن لوسيــل جـان طلـقـتـك "

تقرب والدي منـها  ..

" يـجي يوم و أني لـ أطلـگها لاختج

و يلا وخــري سيارتج لا أدعـمـهـا  "

لوحت بايدها گدامه  ..

" حسوي عليك مقاطعة "

قبل لا تروح وقفها والدي بسؤال  .

" الاخــبار الوصلت عـن القاضي

صـحيحــة  ؟ "

توترت  ~ و تحمحمت بصوتها  .

" الجو مشحـون بين أيمان و بينه

بـ أختصار يمــكن مــتعاركــين  "

والدي صفن و أني مكتفيه بالصمت  ..

لحظة ~ لحظتين نطق  ..

" خلي يخلص عرس يُسر و أصفى

الهم .. يلا طفري وخري سيارتج منا"

سرعت تركض السيارتها.. توخرها

و كل حركاتها خلت ضحكت والدي ترتفع..

من أنتشر صوت كرار و هو يصوفر لها  ..

" هاي ليش لابسه هيـج القماش

البــاقي ويــن  ؟ "

تضحك بدون زعل  ..

" بالبــيت خالـتــو "

تحرك والدي منا و لمحت السيارات

تصف بالبوابه  .. أقاربنا كثيرين  ..

رميت نبراس بـ سوأل  ..

" لويش مخليت الياباني يجي ويانا؟ "

من المراية الامامي بحلق بيه  ..

" بعده صغير ما أريده يعيش جو

المستشفيات "

طافت الابتسامة بخواطري  ..

" أحـب حُبك النا و هذأ الاهتمام بكل

واحد بــيـ.. "

قاطعني مندار و ايده أنغرست بشعري..

" وأني أمــوت بيـج "

رفعت حاجبي اله لـ وقت طويل.. أخرها

دنكت رأسي  .. هالرجال معزته بقلبي

مالها مثيل  ..

و ســرعان مــا تحــرك منـطلــق بــيه

من جديد ..

أكثر من 30 دقيقة وصلنا لـ طبيب

مختص  .. عيادته خاصه بعيد عن

ضجة المستشفى .  .

ترجلنا و أول نزله و خطوه دخلنا  ..

شعور نغزة القلب عرفتها  ..

بالرواق أحنا داخلين و هو طالع..

و مو وحده العقيد صادفني  .. أسماء

وياه  !!  ..

سم سقاني و أنصكت سيقاني عن المشي

متوقفه  ..

مثل المرض شوفته شلت جسدي  ..

دار حوار ترحيبي بينه و بين والدي

و أسماء مدهوشه تـتصفن عليَّ  ..

كانها تحدث روحها ! هايَّ هيَّ لو مو هيَّ!

أخرها لاحني حس صوته  .. و نظرات

عيونه و هيَّ تبحر بكل تفصيل بيه بمغزه

حقير ..

{ يول يــمج العــافية }

حركت الشفايف بس الصوت بدأخلي

مضموم  ..

( لا شافتك ولا مرت عليك وعساك

بـ ليل من وجع ونتة يهد بيك الحيل)

مثلي  ..

مثلي حالي  ..

مدأ أگدر أنام بسببك  ..

أهرب من الظلمة و من سدت البيبان

مرعوبه  ..

دمرتني  .. يكفي كل دقائق

متقيئا دم ولا طبيب شخص شبيه  ..

سحبني والدي عن وجهه مبتعده  ..

و هسة يلا رجعت أتـنــفس  ..

صرنا بداخل غرفة الطبيب  .. كذأ

كلام و أبتدى يجري لي التحاليل و

فحوصات  ..

بوحده منهن تبين الدم مو زين  ..

أقترح يتنظف و أني أخذت الطبيب

على كد عقلــه  ..

بالذات من صار يسحب مني.. دا يفرغ

منه  !  ..

رغم عندي فقر دم أني حاليا أحتاج

الدم مو أفرغة  ..

صابتني الدوخة ~ سمعت الطبيب

طلب من نبراس ينزل يشتري أشياء

تعوضـــني .. لــح عليه و ضــروري  ..

لمس جبيني و باسه  ..

" ما أطول بس أجيبهن و أجيج

روح أبوج ما أتــاخر علــيــج "

راح و بقيت ويا الطبيب بمفردنا  ..

أستحوذ على مكان الكانيولا .. تفقده

بعدها دس الابرة بي ضاربني  .. و رجع

لسحب الدم  ..

بدء مستفسر  ..

"بهاي اللحظة تـحسين بوجع براسج؟"

محتلني الغواش و ضبابيه فضيعة  .

" أي دأ ينزل على عيوني الوجع  ..

في سخونة دا تحــرق دمـاغي  "

و أحس أحشائي تتقطع مثل لو أنُ

مواسه ملفوفه ويا لحمي و تحز بيهن

ببطءٍ شديد  ..

حاول يطمئني بس متردد !!  ..

" طبـيعي لان الدم ينسحب منج..

ريحي جسمج على السدية أني حتفقد

باقي الفــحوصات و أرجــع لــج "

أبتعد يتفقد التحاليل بغرفة ثانيه و

أني سديت عيوني أستعشر الخدر بكل

بدني  ..

نحلت ~ رخيت .. كاني حـ أفقد الوعي

و حـ أسلم هنا  ..

عادي أنام  .. لا  .

مر السكوت  ..

ما عاد أسمعت ضجة كلام  ..

وهله ~ ثوانِ ~ أنتشر عطر الدخان  ..

سلب غفوتي الما صارت  ..

السرير يتحرك  !  ..

أنزاعت مشاعري  برهبه ..

أرتفع صدري و أنخفض على أصابع

عبثت بـسلسال عنــقي و أنـفاس تمر

على خــدي و تــنزل الــفكـي  ..

{ يرضيني تارك بيج جروح مني ما

تطيب }

هربت جفوني مرتفعه  .. شفته قريب

و أنخطف نبضي  ..

حلم لو صدك تهيت واقعي  ..

التفتت أتاكد بس أيده على خدي رجعتني

{ هين دحكي يول جدامج أني مو

بعيد }

باصابعه الجكاره أبحر بيها على الكانيولا

و حجى و من قربه حيطخ شفتي  ..

{ هــيج بُــــعد العــقــيد يــوجــع  ؟

بلياي ساكنه المستشفيات يول حتى

الــــدوة ويــاج مــا فــاد  }

عنفت السرير برجفة أصابعي  .. على

ثغري الصرخة لكن سبـقني منوم تبغ

جگــارته بشفتـي  ..

بس ما توجعت  لاني مدأ أحس بالالم !

أني بس دأ أحس بي هو  ..

رمى الجكارة ما عجبه الصار  .  .

ببهامه يمسح على الحرق و يفرق بشفايفي

{ما تــچويج جگارتي تسويها شفتي }

دنك منخفض قبل لا يلامس جلدي

أنتزعت صوتي من قيود الحنجرة  .

(  يالزاني .)

توقف  .. أيده عصرت أيدي رافع نفسه

أنشين و ملامح رضى أتوسدته  ..

{ أي هيج من الاول فهميني أني

ساكن عــگـلج و ما نسيتيني يولي }

دوهنت عيوني أفتر بوجهه فرت

مي ببحر غرگان  ..

( بعدد لـچــماتي حـلچمنك يالعقيد .)

مال برأسه مبتسم~ بيه خدران و منتهي

{ يول كمليها و گــولي رائــف }

حاربت نحولي و ما أهتميت أذأ اتخيله

لو فعلا هوَ گدامي  ..

( ليلي الما غفــيته أعيده بــيك .)

سامر جفني و الساني و صفن بعيوني..

{ أن چـانج مراة سهــرينـي  }

و أحس بايده تميل بشعري و ما بيه

أبعده عني جســدي بايد  ..

لكن بردت عيوني بـ سعيرها  ..

أجر بـ كلامي جرور  .. كلمه كلمه..

( أستـهزاء و تـعالى گـدامي تـاليتي

أذلك ذلـة أبـن الشوارع كلـما يشوف

بـيت يلنــجم گـلبـه )

ضحك و ضحكته صارت فوق خدي

يميل برأسه أكثر  .. متعجرفة نظرته

و حتى حجاياته ..

{ عجل وحك عيونج الترجف الگلب

و تهز رتبتي موش رائف أني أذأ بيوم

ملت لج  }

خلص حروفه و نطت روحي من سحب

الكانيولا والابره بشكل خاطئ جرح أيدي

و نزفـني  .

رجع يشكلها  .. الدم ينسحب أسرع

فريت بـ عيوني أبحث عن أحد ..

أريد أطلع صوت خيم عليَّ و أيده

كتمت شفايفي  .. مدنك و يهمس  .

{ أش ست الحِسن أش خلينا نخلص

هالدم بسـرعة ول ما يعــجبني دمــو

يمشي ويا دمج }

تسعت محاجري..  الطبيب..  الطبيب

القذر متفق وياه  !  ..

سنط جسدي بلا حراك  ..

و نبراس الراح  !  ..

كل شيء أتفاق  ..

أباوع بي  .. بوجهه و بعيونه شيء بيه

للمرة الالف مات  ..

من حرر شفتي و صار يلمسها بضياع ..

بينها وبين عيوني يسكن عيونه  ..

ينعقد حاجبه مره و يرتخي  ..تفاحة

ادم بحنجرته متخربطه  ..و رعشة ايده

و هي تلمسني  ..

و بحة صوته و رجفت الكلمات  ..

{  تــراودني رغــبة أني أبوســـج بس

يهوجـسني الخوف أدمن شــفايــفج

و أنســى الجكــاير }

غلقت النظر ما ودي أشوفه أكثر  ..

أسمع صوت أنفاسه  ..

حركت أيده و هيَّ تلمسني  ..

شكد مر و مضى  !!

شنو الصار بعدها ما دريت  ..

يمكن من فقدان الدم فقدت الوعي

و يمكن من قربــه و ذعري منه  ..

ٓ

عزف بيه الضوه ~ فقت و وجه والدي

صار گدامي  ..

قــلقان و يسألني  ..

" بــعدج تــحسين بــدوخـة  ؟ "

أستعدلت بجسدي  .. هربانه نظراتي

خلفه  .. للباب  ~ للشُباك المسدود  ..

مو هنا هو  !  ..

نبراس يكلمني  .. أستحوذ على وجهي

يثبتني  ..

" علـيمن أدورين يابـه شبيج  ؟ "

أيدي ترجف لا فاد والدي وياي ولا

حنانه  .. بقيت أباوع هنا و هناك  .

حتى من ضمني الصدره و ايده تمسح

على طول شعري  .. تهت بالفراغ  ..

خفت أرجع له  ..

خفت أعيش من جديد  ذاك العذاب ..

ولفت نظري الطبيب  .. بدى عليه

الخوف من بعيد  ..

رصيت ملابس والدي بقوة ..

" نبراس "

بعدني قليل من صدره  .. و أنحنى

" بـعد ولــده و گــلبه شتردين  ؟ "

بـعيوني خاطفت الطبيب  ..

" عزل عيادتـه  .. أمنعة يزاور الطب

من جديد "

تلون وجهه بشك  .. ليش و شسـوه

ما جاوبت طالبته يـعزلها أحسن ما

أحرقها و هو بيها   ..

ٰ

ٰ

ـــــــــــــــــــــــ

. ٧:٥١ ليلاً .

ٰ

. المركز . . مكتب العقيد رائف .

الوضع أعصاب  .. و مراشق الحقائق

بينهم  ..

جلس بجانب اغار معاذ  و العقيد گدامه

" ساطين ســطوا على الناس يگلك

مـسوين مجــزرة زلم الراوي قــاتلين

حتى زوجـــة حــارس المـــدرسة . "

بـ أعصاب تالفه رمى رائف كلامه  ..

" يسرح و يمرح الحيوان دام أكو

ذيول بهل دوله ساندتو و يطمطمون

جرايمو عليش يخاف ؟ . "

و حتى الجگارة تخلى عنها يفرك سواد

عيونه بقوه ..

يزيد الحيرة أغار  ..

" كـون أعرفه ياهوَ الراوي هذأ ؟ يعني

وجهه لحدمن يبقى مخفي هيج !. "

ساخر العقيد  منه ..

فـ شتفرق أذأ شاف وجه الراوي ؟ دام

عنده عقل أجرامي يقــتل البلد و ناسه

و الدوله ويا مو ضده !..

و هالحقيقه خلت نظراته تسود مفترسه

غضب و حقد   ..

" أوگعو لو أعرف أكـــبر راس أسحكو

بسبيل هالــشيء و أخــسر كل شيء

أوگعو و أكتب بيدي نهاية الراوي هذأ

ويا كل ساقط باع و خان الرتبه اللي

على أجتـافو . "

حتى گام من مكانه ساحب سلاحه من

المكتب حاطه بحاملة السلاح  ..

قبل لا يوصل للباب و يروح .. نب معاذ

" رائف شوكت أتطيب خاطر النقيب

موسى ؟ ترى طولت زعلتكم و هيَّ

ما تسوة . "

العقيد رجع بتركيزه ناحيته  .. يطيب

خاطر منو  !!  ..

سحب جكارة بـ أسنانه  ..

"و على شنو زعلان ؟ شـسويتلو ؟هو

كم بوكسي و دفره قابل گاتلـــو أني ؟"

الوجوه تجهمت  .. أتدخل بجدل غياث  .

" كسرته رائف حتى فكه خيطوا رجله

يعـرج بيها  ، حلكه مورم خوب عينه

زين و يشــوف بيها "

ما أهتم  .. و شاح وجهه عنهم  ..

" لا تكثر لغوة غياث ما أعتذر أني "

صاحوا وراه  ..

" زين زوره و أخذله ورد لا تعتذر "

التفت عليهم  ..

" عليش أخذلو ورد ؟ موسى حبيبتي

و أني ما أدري "

أقترح معاذ   ..

" عمي أني أخذله ورد أنتَ بس تعال

ويانا كل شيء لا تسوي "

حرام أذا اكترث .. مشى خطوتين ورجع

منطي تحذير  ..

" عجل من تدحكو زفولو طارش رائف

يگول هالشهر أوف للمركز أذا يحدر

أكسر راسو  "

و طلع من المقر و تليفونه بيده  ..

أسم نسرين مضوي بـ أتصال  ..

من ساعات وهي تتصل بي  .. دخل

للارقام و حضرها نهايئا لانه مو رأغب

يسمع صوتها ولا يشوفها ..

ساق واصل للفندق  .. من يومين و

هو هنا  ..

ما راد يروح لاي بيت من بيوته و علمود

لا ينجمع ويا نسرين أو يزعجونه أهله..

بـغرابه حس نفسه كاره كل شيء

و ماكو شيء يـلفت أنتباهه . .

تجرد من ملابسه العسكرية و اكتفى

بـ بجاما بعد ما تحمم  ..

كانت الغرفة واسعه   .. بس ما عجبته

و على أي حال هو ما يعجبه شيء  .

رفع التليفون و طلب يرسلوله وحده

من البنات  .. حسب موصفات معينه .

30 دقيقة مرت و صار اللي يريده  ..

يسحب نفس من الجگاره و يتمعن بيها

و يمكن يقارن  ..  هاي شعــرها طويل

بس مو مثلها  ..

رفضها و طلب غيرها  .. عدة الوقت و

أجت بس ولا شيء منها  .. جدد رفضه..

و أتصل يدقق بكلامه شنو يريد  ..

أخرها وصلت  .. و بدى جمالها واضح

بس  ..

و كم بس حار بيها السانه  !  ..

فكر * من وين يجيب وحده تشبه شكلها؟

العيون  ~

رسمة الشفايف  ~

و صوتها  !  ..

سد عيونه رائف و تسعر وضعه  ..

شبي  !!  ..

طفى الجكارة باصابعه و أخذها لفتره

أخرها أخذت الابنيه أجرها منه  ..

و بقت تتصفن بي و هو يبتعد، يدخل

للحمام .. تســنط الصـوت المي و هو

يضرب الارضيه  ..

عجبها  !  .. قضمت شفتها  ..

و بدت تتخيل أحلام وياه  ..

بس ما لحكت تكمل اوهامها فززها

صوته من رجع  .. و هو ياشر للباب  ..

" أنــقلعي  "

صارت تلم بثيابها و تلبس  ..

وصلت للباب  ، فتحته و ظهر گدامها

الفريق مناف و العقيد راهب أبن برهان

و عمه جهاد وياه  ..

فسحولها مجال تروح و أقتحموا الغرفة.

على شوفتهم صابه الايعاء  ..

لو أنه قتلهم و خلص من زمان  !..

سحب باكيت الجكاير و نب بـ سؤال  ..

" شنو سبب المداهمه هاي  ؟ "

ضج صياح والده منتشر بلا مقدمات .

" هاجر حرمتك و ملتهي بالمگوده

هين عجل هذأ التــريدو  ؟؟ "

ماله مزاج  ~ مو وقتهم  ..

سحب نفس من الجكاره مرتين  .. و

التفت صوب عمه مناف  .. يطالب  .

" يول أخذ أخوك من هين  مالي مزاج

أستخدم السلاح "

زين و ما توگف گلب الرجال  ..

من مسد مكان صدره يتنفس بـ أهتياج

رمى بـ أمره  ..

" هين و ببغداد مالك ضله ترد وياي

للانبار و تتولى منصب قائد قواتها"

  و يرفعه بالواسطات و بهل

عمر  !!  .. عرف العقيد مثل كل مره

والده ناوي يكسره بالحمل  ..

و فاضت بي ~  ..

سحب سلاحه بطرف لحظة و مركزه

ناحيته و ما أتوانى ~ لا زاره تردد من

رمى  ..

لكن ما صابته دفع أيده و غير مسار

رصاصته الفريق مناف  .. يصرخ بوجهه

" جندوب تعيدها و ترمي أبوك!!! يول

أيدك ما تنشل ما تنكسر وأنتَ تسويها"

جرف نهر عيونه خالي المشاعر  ..

" دام هوجسك الخوف على أخيك

أخذوا من هين وجهو ما أريد أدحكو "

عيون والده تحنطت عليه  .. هز أيده

منه  ..

" عجل تضل تلاحكها و تضيعو العگلك

بيها  ؟ "

مال براسه من كتف مناف و صد له  ..

" يول أني الخسران هين مو أنتِ

العمر عمري و عاجبني اضيعو عليها "

و بطرف سلاحه أشر للباب  ..

" توكلوا ول يابه زحمة على شواربكم

كل شوي طاردكم  "

الكلام وياه مضيعه  .. سحب نفسه

جهاد طالع منا و مثل كل مره يتوعد له

بالوقت اللي عصر على سلاحه العقيد

لون بشرته شحب و يعض على شفته..

لو أن الرصاصة صابت والده

شكان حصير  !!  ..

يموت جهاد و هو يخسر نفسه  .

ٰ

ٰ

ـــــــــــــــــ

يوم أخر .. بواحد من شوارع بغداد .

ٖ

كانت الدنيا غروب غايبه الشمس

من دقائق ويا نسمات هوى لامست

وجـهه المُجتبى بشكل بارد مثل المعجزة

حسها بهل صيف الساخن .  .

و بسبب

سيارته الطاير بيـها صف قرب اللي

يبيعون بانزين بشخطة قويه مخلي

الكل ينتــبهله .

حاجى واحد  ..

" أبو الشباب عبيها على ألاخير . "

من نزل و أستند على سيارته  و الشاب

سرع ينفذ له طلبه . .

" تدلل أغاتي "

ضحك له المجتبى و رفع راسه للسماء

حس حلوه هالغروبيه  ..

" كل شيء ببغداد حلو "

الولد شاركه  ..

" أي والله  .. ناوي أتزوج و أستقر

بيها بس حيل غالية "

همهم له المجتبى  .. المثلهم ما عندهم

هم الفلوس  .. لذلك هو صعب يحس

بالشاب الكدامه  ..

دار ملتفت للجانب بوهلة  ..

و كان أكو شباب ثانيه واكفين يم

الرصيف  .. أصوات تهامسهم وصلت

أله وهما يصفرون ..

" دشوفها دخيل الكعبه تشل شـل . "

مباوع ناحية وين يأشرون .. أبنيه

بشكل غريب كانت تـتلفت على الگاع

مثل المضيعه شيء  !.  .

متعاليا صافراتهم  .. ويا تحرشهم

بيها لفظيا  ..

" لك يالابس الاسود حن علينا حن "

بس هيَّ أبدأ ما كانت ملتهيا بيهم . .

باقيا تبحث بعيونها وكانها مضيعه كنز !..

المُجتبى اللي التفت ناحيتهم نطق بيهم

بصوت هادئ حيل بحكم شخصيته المسالمه

" عيونكم بعدوها عنها الا أعـميها . "

ضاحك واحد بيهم من صاح بنرفزه..

" وأنــتَ شكو ؟ مصجــمينك الك و

تعمي عــيونا ؟ دولي ولا تـتــدخل . "

ميل المُجتبى رأسه ورغم كل ولد

نبراس وارثين جمال و هيبه ترهب و

قــوة ألا أن المُجتبى أختـلف عنهم ..

كان ضعيف الجسد و يميل ويا الهوى

لو مال ، نازك بشكل ملحوظ ~.

" يـعني هذأ آخر كلام عندكم ؟. "

أربعتهم ضحكوا على كلامه بـ الحظه

اللي نفـخ هوَ الهواء من ثغـره و سرفن

أكمامه يرمــقهم بنظرات بارده ..

و كل ظنهم حــ يعاركهم بس توسعت

عيونهم من طلع تليفونه متصل ..

" لـواء ياريت تجــي بسرعه أختك

دا يتـحارشون بيها أثنين ..! ولا أگُلك

أربعة وجوهم سمره و گاتلهم الوسخ "

فر نظراته على الشارع  ..

" اه.. العـنوان على الشارع العام بـ

الشعلة تمام تمام مراح أضــربهم ولا

أوصلــهم منــتــظرك تـــجــي . "

وجوهم صارت تنطي الوان وهمه

مجرد شباب عطاله گاضين الوقت

بالشوارع و مابيهم ضربة حتى !  ..

من فهم أبن نبراس هالشيء كمل

كلامه و عينه عليهم ..

" أها جاي بالمصفحة و الضباط وياك؟

و الشرطه هم !  .. عمامك هم جاين !!

شنو  !! أخوانك هم راح تتصل عليهم ؟

لا شدعوا ترى همه بس أربعـــة ! . "

الحچي صار بي شرطه و أخوانه و

ضباط ؟ بلعوا ريگهم و تبادلوا نظرات

ويا بعضهم ..  ..

زمجر واحد منهم ..

" أحمد ربك أحنا مشغولين ولازم نروح

هسه ولا وجهك هذأ فلشنا تفليش . "

يشاركه صاحبه  ..

" اي وعلي جان دمك طشرنا الشعلة

بي هيج وصل نسويك  . "

معززلهم الثالث وهو يرفع صوته بقوة

كانه مستعجل حيل ..

" عندنا فاتحـة لو مــو فاتحة ســوينا

وجهك خريطة.. ها باسم تليفونك يرن !

أكيد علمود نجيب الچادر تاخرنا عليهم"

لوح بايده الاول لابن نبراس  ..

" أشكر ربك فاتحة ابوي جان ما عفتك

اليوم جان خليت الطبيب يحير يا فحل

ضاربك هيج "

و دار وجهه الصحبانه  ..

"أخ يا بوية يا عزيز گــلبي ما تنــام

ابيتك بالنجف اليوم  ...  أمشونا نجيب

الجادر لا يعزلون ولكم أمشونا  "

ثواني و ما شاف أحد منهم من أبتسم

أبن نبــراس مدري ضحك ..

لاف بـ عيونه أميال  .. و تقدم من ذيج

اللي مادرت بشنو صار علمودها ..

" أكو شيء ! شمضيعه هنا و دورين

هيج عليه !. "

رفعت راسها من الارض و باوعت عليه

و الدمعه بعيونها ...

واللي أمها أيماني و أخوها أشگـر

شتطلع ؟ حلوه و بيها من الجمال

و الانوثة يدلي الكافر على الله ~

من سهى غفـــله ألمُجتبى بيها  ..

سرح برمية الشال المسندل ويا

شعرها  ..

أنتبه الروحه بالگوه  .. حمحم بصوته..

" أگدر أساعدج بس گولي شضايعلج؟ "

ضبت أيار أيدها  ..

" فلــوسي . "

عاقد أبن نبراس حواجبه ورمقها

بسواد عيونه بهداوه  ..

" فـــلوسج ؟ شگــد !. "

ردت بتعب ..

" خـــمســة "

مخليه ضحكه ساخره تفلت من

حلگه من أستنكر وضعها بدهشة..

"ها!؟ و كل هالتعب علمود خمسة !

هيَّ هاي فلوس بربج تحچين صدك؟ "

و هو ما أنتبه لملابسها ولا لتعب العوز

الترس ملامحها من ردته   ..

" البعازة حتى الربع تصير الخمسة

بعيـــونه مـــليون . "

و رادت ترجع أدور على خمستها لو ما

صوت المُجتبى وگفها ..

" الدنيا ظلمت ما تسوة .. و مراح

تلـــگيها شــما بحــــثــتي . "

طلع محفضته واللي مجان بيها غير

الدولارات ماخذ منها ورقتين وياها

خمسين مصمكه . . مادهن الها ..

و هوَ ما يدري ليش هيج دأ يسووي؟

فاللي گدامه مو شحاته ولا طلبته

فلوس؟ ..

بعدين منو يسووي سوايته بهل

سهولة ..! و يوزرع فلوسه على غيره

هيج ..! من صاح  ..

" يلا يابه داخذيهن أدري ما طلبتي

بس واضح أنج محتاجتـهن .."

هزت رأسها  .. ما متربيه على هالشيء..

" لا  ..لا ما أريد  .. أني مو هيج "

أخذ نفس و تــقرب حيل منها.. منتبه

على رجفت جسدها  ..

" محد شافج بس أني   ..  بينا أسد

بغداد ما قصدي شيء وياج مو زين "

سحب أيدها و خلى الفلوس بيها  .

" أنتِ محتاجة و أني أبن خير شكو بيها"

و بنت أيماني صفنت بي ..أمها مريضة

و كانت جايه تجيلبها دوة من الرخيص

من ضيعت الفلوس ..

و رغم زحمة هالموقف ، الغربة تتصدق

علـيها من بلـــعت شهگـتها بحنــجرتهـا

   مجبوره تـــنزل من نـــفسها و تـــقـبل ..

" شكرا .. بس هاي الباقيات لا . "

خذت بس الخمـسين من أيده برجفه

تباوع بوجهه .. مستــغربه شلون الله

دزاه الـــها بهــيج ضــرف !  ..

من أبتسم بدفو يهمس ..

" برأحــتج عــيوني . "

و ما أنتـظرت حتى تـگــول شيء من

دارت وجهها تركض بلهـفه لاي صيدليه

تجــيب الدوة منهـا ..

   بالوقت اللي ما رحمت الحياة بيهم

و تعــبت أيماني بشكل مرضها من

خوفها على أبنها اللي مارجع لسة ..

مدري من طردتها من ذاك البيت و

صارت هيَّ وبنتها و أختها من جامع

الجامع تتنقل حتى تحتمي من عيون

الناس ..

من ضل المُجتبى يراقب الطريق اللي

راحت منه بروح تحس بمشاعر غريبه ؟

غافل عن أي ذنب و خطيئه قربـت

تطرق بـابــه ..

ٰ

ٰ

ـــــــــــــــــــ

. بعد مرور أيام .

تــأنق بَطريقه تسحر العيون ، طريقه

تناسَب رجوليته . . و أكثر من العاده.

و يـَحق أله هالشيء ، أنُ يرسمَ كل هذأ

الغرور على وجَهه للحَضات هذأ اللي

  يصرخ الجمال من وجهه بلا منافس اله.

عيون منتظر عليه يراقب أخوه..

منـتضره يكفي كلامه  ..

" اليوم مو عادي  ..  اليوم الجراح

و نبراس ندمجهم سويه "

ضحك بوجهه  ..

" والله يا فُراق مصدوم منك   "

ملتفت على المرايه يتفقد وجهه و بدلته

السوده بطريقة غير مبَاليه . . طريقة

غير مَبشرأ بأي تقبل للذأت  ..

" وليش مصدوم حبيبي أنتَ  ؟ "

دفع منتظر شعره  ..

" أشوفك هيج  "

نعقدن حواجبه أبن الجراح  ..

" لو تحجي و تكمل لو تسكت ما فارغ

حتى أجمع كلماتك رادودنا "

تنفس بريبه الرادود  .. الحجي يلعب

بدأخله مو مرتاح  ..

" اللي أريد أحجي ما توقعت تزوج

وحده من بنات نبراس  "

مال برأسه أبو عيون الخضر  ..

" أتزوج من بنات نبراس  ؟ "

رددها و صمَت بعد هذهِ الكلمَه لبرهه

و كانه يَفكر بأمر مگدر يَحصل عليه ؟

شيء بخطته ما سار مثل مرغبه .

حتى سند الثاني جسده على الميز

يصير واگف گدامه ..

" او الاصح ما أتوقــعت رجال مثلك

ممكن يتزوج بعد كل هذيج الاشياء

يا فراق ظنيتك ســديته لگلبك وللابد"

نظره بارده .. ضمت خلفها كومه

أسرار بعيون الرجل الرمادي هذأ..

اللي كل الاوصاف تـعجز توصفه

من رمق أخوه .. يحجي ببرود  ..

" خوما نضل بلا زواج ؟ لازم نجيبلنا

مراة والا شتگول  ؟."

سافر بال منتظر بـ ترتيل و هز راسه..

"أي والله لازم هالشيء "

ضحك رماد مداخل بنصهم  ..

" أهم شيء أخت الياباني التتزوجها

علاقة أهل أني وياه نصير "

فراس ما عجبه هالشيء  .. و يا حجم

حقدة على بيت السراي  ..

فتح سوأل منتظر بشك  ..

" صحيح شلون تعرفت عليها ؟

أنتَ ولا مره ذكرت شيء عنها "

فراق للحَظه سخر عن كيف ألت

الامور وياه وليش بالذات أختار يسر..

من جاوب بنصف الحقيقة  ..

" هي طلعت بطريقي و دگت صدرها

الا ادخل بعــلاقة وياها ، وتــعرف أني

رجال شريف كل شيء ولا المحرمات

گــلت أتزوجهـــا أفضل . "

أخوانه ضحكوا  ..

" يعني هيَّ البادرت والله محظوظ

بيت نبراس أوادم و راقين يناسبونا"

ادخل بشك الرادود  .. ما مقتنع  ..

" يعني زواجك هذأ مو مصالح

الخاطر شغل بين الاسرتين ؟ "

رفع حاجبه الجراح  ..

" عايز الفلوسهم أني ؟ عندي أضعاف

أملاكهم الف مرة  "

هالشيء محد ينكره  .. لكن جادل

فراس  ..

" أتــفق وياك بس هم ما مقصرين

أطلعت على سجل املاكهم يگدرون

ينافسونه "

ما اهتم  .. قلبه حاقد و ملچوم  ..

و قبل ما يزيدون بهل سوالف نهائها

من سحب عطر فرنسي يدفق عنقه

بي  ..

" يلا روحوا و أخذوأ البنات و ديربالكم

المح لبس ما مستور بــيهن . "

قصد خواته مو غيــرهن و الباقين

نفذوله فورا طالعين قبله .. اصلا ما

باقي لـلزفه وقــت طـويل ..

من وضع تليفونه بسترته .. أخذ بطاقاته

البنكيه بيَنما يهز أصبــعهَ بالهواء ؟ تحوم

حوله زوابع الشروراتِ شاحب الوجه

بطريقه ترهب هــالفراق .  .

حتى نقضى بعض الوقت من صفت

سيارات الزفه گدام القاعة .. و الكل

من بيت الجراح نزل .. من العمام و

الخوال   .. أبناءهم  ..

ويا مهند.. لؤي أسد.. أسمر و

موهان . . الكل حضر .. و بشكل مهيب

بدا وصولهم ..

أستقبلهم نبراس و كل ولده ..

من دخلوا القاعة .. ويا ستار عمهم

ما عدة فرونسي اللي ما حضر ..

بالحظه اللي نرسمت على فراق ملامَح

هادئه ينــظر للقاعة بتهكم ..

يزاور المَتواجدين بتريث، و هو يدري

بعد ماكو مــجال يتراجع .. ولا يلف

بسفينته و يبتعـد . .

من جال بخضر عيونه ناحية اللي

حتصَير زوجته .. سخر بداخله من

شافها تجي باتجاهه ..!

ما كان عنده أي أهتمام بيها رغم بدت

يسر جميله بـعيونها السود و شعرها

الاسود اللي تناسق ويا فسَتان زفافها

الابيَض البريطاني  ..

ويا مكثر القصص  .

أبو تراب صف بالبوابه   .. لفت نظرة

وحده من المعازيم عالق فساتها مدري

بشنو  .. تسحب بي و ما ينفع  ..

سوه معروف و أقـترب بلا ما يستاذن

جره الها و أنحل  ..

" خوما أنشــگ  ؟ "

تفقدته بنظراتها و رفعت رأسها اله ..

" لا  ..  تسلم "

جاف صوتها  ! حتى الطريقة الي نظرت

له بيها كانه قاتل واحد من أهلها  !..

شافها تكمل طريقها الجوه  .. سأل

همسات  ..

" منو هاي  ؟ تــقرب النا  ! "

تخصرت خالته و طنطن بكعبها  ..

خاطفه العيون بجمالها  ..

"لا مو من عندنا  .. هاي سيلين

أخت فُراق  "

مد الامير رأسه  ..

" وينـها "

أشر الهم أبو الفضل من مكانه..

" عيونكم عنهن فضحتونا .. "

و للحظه الكل صارت أبصارهم مسلطه

على خـوات فراق  .. من دون الــكل

مستــورات بشــكل كـــامل  ..

و هو بحث عنها بـ نظراته بس ما

شافها  ...

بين الافراح اللي أبتدت و هوسة

الناس هنا.. وحده لسة ما بينت ..

ٰ

ٰ

حـتـى قـلبي رغما عليه لازم يكون

بخـير و يسكت ـ يَشاهد ويتــقبل ـ

عيوني عليهاً تباوع عليهم ..

و شفايفي لازم تـبتسَم ولو أضطريت

أجبرَها بقوه ..

لان هو اللي أختار الزواج هو اللي قرر

حياته فــ ليش أضعـف ؟ ليش أزف

أدموعي عليه !  ..

حدقت بوجهـي بأنعكاس المرأية و

أبتسَمت بكسر كبير حتى لزمت الروج

ولونت شفايفي ..

و أني اهمس  ..

"C'est bon, c'est bon, sois forte Hanin Tous tes ennemis sont

là, ne t'écarte pas, ne sois pas brisée Tu es une femme qui n'a

pas été créée pour pleurer

à cause de l'amour "

أستِداريت أرتب بفستاني الأحَمر و أفرد خصلات شعري بَطريقه تليق بيه .. تليق

بابنت نبراس~

و هسه المفروض مثل الغرباء

أتفرج و أشاهد خراب قــصتي .

من لمحني اسفار من بعيد وصاح ..

بصوت يضحك زعجني ..

" حيا الله ساندريلا الخاصة بيت

نبراس . "

عضيت شفتي وهمست ببتسامه

متعجرفه و ما تنطاق ..

" حياك الله شاعر السراي . "

من رفع حاجبه ناتر بصوت عالي..

وصل حتى النبراس اللي يباوع لي من

بعيد ..

" هاا؟ وين خبطتينا ترى الامير اللي

يشعر مو أني .. "

نـفخت على أظفري و تجاوزته من

التفتت الوراي أحاچي ..

" عادي ماكو فرق كُــلنا أخوان . "

بقى رافع حاجبه و مو راضي أبدأ..

" راح أعذرج هالمرة و أگول عقلج

مو تمام هالفترة "

توقفت أبصر الفراغ  .. و ركزت بي

بعدها  ..

" أني مو مجنونه أسفار ولا عقلي

بي شيء  "

نمرد شكله و تقرب لي  ..

" وعيونج مو قصدي أتشاقه وياج

أني لا تخذين بخاطرج "

ما أكترثت  ..  درت وجهي و رحنا

سويه نكمل الطريق ..

ٰ

ٰ

. ساعة زمان مرت  .

مو مصدكه و هي تنبس له  ..

" و صار وتـزوجـنا . "

شافته ما أنطى ردة فعل  .. مثل

الثلج گدامها  ..

صدت لبعيد وين أختها  .. من لمحتها

بادرت بفكرتها  .

تـقربت منه تـقبـل خده  .. مخليه

أخوانها يشيحون وجهوهم لبعيد  ..

بس هيَ ما أهتمت بأحد لان خلص صارت زوجته لابن الجراح رسميا و گدام كل

مخلوق هنا حاضر ..

من جاوبها فراق بجفاء ..

"  هالحركة أياج تعيدها "

ركز عليها بعيونه و هي تمَسك ذراعه

بقـوه من شدت فرحهَا بي حتى أنها

ما أنتبهت شيقصد بكلامه  !  ..

لان مو مصدگه أنها أخذته و على

عناد حنين اللي تكترت بدون متسوويلها شيء !..

و رماد الصاح بصوت عالي ..

"حضنه يمعود .. حضنه خلي أصوركم "

نفذ فراق من أحتضنها اول ما بادرت

هيَّ، يمسح على شعرها حتى وگـعت

عيونه صوبي ..

كنت واقفه بنهاية الحضور  .. أتفرج

عليهم  ..

و دأ أشوف كيف تم زواجهم بصَمت

فضيع بلا ما أجر حتى النفس  ..

أحس الدنيا تغربت  ..

بدأخلي أتذكرت أغنية ما أذكر وين

سمعتها و همستها ويا نفسي وأني

أنظر عليهم  ..

- أنا محطم هل تسمعني؟  .

عيني عليه وحده من بين كل الحضور.

-أنا أعمى لانك كل ما أرى.

أتحسس روحي بوجع  ..

-أنا أرقص وحدي.

لميت أصابعي بقسوة  ..

-أنا أصلي أن قلبك سوف ينظر لي.

أرموشي هزها رذاذ الدمع  ..

-وبينما أمشي الى بابك راسي يلتفت

لينظر الى ألارض.

أيده على خصرها فراق..

-لانني لا أستطيع النظر الى عينيك

وأقول.

بلعت جفاء ريقي و رجفت دواخلي..

-عندما تفتح ذراعيها وتحتضنك

بشده الليلة فقط لا أشعر أنني بخير.

نظراتي صوبتهم هو و اللي تزوجها ..

-لاني أستطيع أن أحبك أكثر منها.

كل هذأ و يمكن ما درى عني  !..

ٰ

بس هو عرف  !  ..

من رأحـت عـيون فراق

تتمعَن بيها رغم بعَدها عنه ..

يساير ملامحها بتركيز ..

و أشاف بيها ؟ نظرٍات بارده .. مدري

حزينه ! لو تعبانه ؟ ما بدت بنت

نبراس بخير ؟ و عينها عليهم متعلگه !

بس أول ما أنـتبهت على تحديق فراق

بيها أبتسمت و شآحت بوجهـها عنه

مُتربكا خواطرها رغم البرود و الكبرياء

اللي يجيب الطاير الها ..

من غافلة السانه .. و سأل يسر ..

بدون ما يبعد عيونه عن حنين . .

" أخـــتـج بخـــير ؟ "

نزت مشاعر يُسر بـ خوف .. ليش يسال

عنها  !!

ضبت أيده و همست  ..

" لأ تشغل بالك بيها المفــروض أني

اللي أشــغل بالك حالـيا . "

و بشنو ميشغل باله !و فراق أصلا ما

وخر عيونه عنها من لمحها تضحك ويا

الضيوف كانما ما بيها شيء !   ..

خلته يسخر من زمانه  ..

" جوز جنت آتخـيل آنها حزينــه !

واضح مبيها شيء وعين الله عليها . "

صابه الجحود  .. غرابيب خاطر

مكسور  ..

الوضع يفلت  .. حست يسر بهل شيء..

سدت عينها و فتحتها  ..

حتى فاجائته .. تصيح بقوه على حنين

مخليه نبراس و أبو الحسن يباوعون

ناحيتهم  ..

التفتت عليها ! .. تاشر اجيها  ! لوسيل

حثتني  ..

" اختج تصيح لا تركيها وحدها "

وليش هالنظرة بعين أمي الي  ؟!..

دست على أعصابي  .. و أجتازيت

الحضور و رحت الها  ..

أستقبلتها برفعة حاجب و عدم أهتمام..

" ليش دأ تصيحن لي  ؟ "

تريد تحجي و تسكت  .. أبتسمت لها..

" خـير يا طير شكو ؟ "

من مررت عيوني على فراق أحبسَ

الكثير بدأخل صَدري و ما أظهر غير

  قوة وعنفوان مثل جبل ما هزك ريح ..

بس للصدك خاطري مكسور و ينزف.

لفحتني بشر نظرات  .. و طالبتني

بغاية بنفسها ..

"أبقي يـمي بما أنج أختي الكبيرة خلي

أستمد منج القوة من يباركولي المعازيم"

ضحكت بلطف و جاوبتها و أني أزيح

بطول شعري للخلف ..

" ولو غاليـة والطلب أرخيص . "

و نظرة وحده ما أنطيت الفراق من

أبتعدت خطوتين أوقف بجنبها  ..

هاي اللي

تجهم وجهها مستغربه ردة فعلي  ..

تخلت عن فراق و دنت مني  .. ذبلانه

بمغثه تسألني  ..

" ليش تضحكين ! وين الكسرة !!

مو مهووسة بـــ فراق أنتِ ؟ "

أستغربتها  ! مدري تفاجئت منها  !

شتريد مني هاي  !! كاني مو أختها  ..

خفضت وجهي الها .. شاحبه مثل المرض

" كبيرة نبراس أني زحمة يكسرني

زلمــة "

و مديت أيدي أرتب شيء من شعرها

شيء من الميكب أنتلف  ..

التفتت أاشر لوتين و أيات أجن و رتبنه

الها  .. و هيَّ بقت بس سانطه بيه ..

من جديد أقتربت  .. ذبلت عيوني من

حضنتني و تهمس  ..

" الله شاهد أني أحبج هواي.. أكثر

منهم كُـلهم  ..  أكثر حتى من أمي "

رصيت جفوني ~ صرت أربت على

ظهرها  ..

ما عندي مشاعر أمنحها الها  ..

أني كل مشاعر عندي هيَّ بس

الفراق  .. وحده  ..

حتى مر الوقت و هوايَ مراسيم

صارت للعرسان   ..

و تحت هل الجو بقيت أباوع عليهم

بهدوء ، بـقــلب ساكت رغم تكسره ..

حتى سحبت نفسي أطلع برى القاعة

لمن وقفت أبحلق على السماء هاربــة

من كل الضجيج ..

مو مال أگول زعلانه .. أحس

كل الكلمات خايبه و ما تسوة تنگال .

و بلحظه اللي حسيت بي هنا

يمي .. أبتسمت أبرود و التفـتت اله . .

( خــير سيد فِراق ؟ لتكون مــضيع

شـيء يمــي !)

بارد .. هالرجال بكل شيء و عيونه

أحسها جنة و مثل الكافر طردتني ..

من أبتسم مخلي أيديه خلف ظهره

و بنص عين باوع لي ..

[ ناسي شـلون أتـنفس و أجيت هنا

أخــذ هــوى .]

سخرت بداخلي فليش من بين كل

الأماكن ما لگى غير يمي يتنفس !  ..

شحت وجهي من طلته و سمعت همسه.

[ سينيورا  ]

رصيدت أيدي بقوة  .. مريضة أني

بحبك علمني منك شلون أشفى  ؟!

ما جاوبته بشيء  ..

حتى خطفنا الهدوء بغرابه من أنتفض

قلبي على أيده اللي أنحطت على جانب

شعري مخليني التفت ناحيته و أطيح

بخفايا عيونه بتعب ..

من همست .. بجحود .. صايبني

البرود و أهله و كل القبيلة ..

( بعـد أيـــدك عني مـو حلوه أكــسرها

الك بـــــيــوم عـــرســـــك )

مالت شفايفه تضحك و عين الله

عليه من يا جهة أباوع له أنسحر بي .

[ أكسريها .. فدوة الج هيَّ و راعيها .]

و ما أبتعد .. أني اللي أبتعدت عنه

بخطوتين .. أردف بثات و عيني عليه ..

( ما أعرف شــنو عندك ويايَّ دامك

بذاك الحادث مخسرت شيء بسببي و

حتى اللي أنصابوا ما كانوا يخصونك )

مرد بشيء غير أنه بقى يباوع لي بهدوء

يجبرني أكمل كلامي ..

( و مع هالشيء تغاضيت عن طلقتك

بس تدري ليش سيد فِراق ؟ )

سحب أيده من ورى ظهره يسير

بيها على خصلات شعره من ردني

برفعه حاجب ..

[ ليش يابنت نبراس ؟ ]

و ثابت وجهي مثل صوتي اللي طلع

بهداوه . .

( لانك صلحت الخطأ و دمك نفسه

صار يسري ويا دمي .)

كلامي خلاه يرمش .. و بين مسامر

عيونا ببـعضها .. هدم الخطوتين

اللي بينا مـقـتـرب مني بلحظه اللي

خفــض بيــها رأسه مَحاجيـني ..

[ أكو أحد گايلج من قبل أنُ كلامج

حـــلو و يجـــيب الرأس !]

ملت برأسي .. و من جديد خليت

مسافة بينا . . رديت بنرجسيه و

هذأ هو طبعي . .

( گالوها هواي و نبراس هوَ كل الـهواي)

تنــهد و مثل الغركان جــر النفس

معدل وقفـته .. و قبل لا يگول شيء

سألت باللي شــاغل فكــري عنه ..

( مراح أسئلك شلون عرفت أختي

بس حأسـئــلك أذا حــبيتها !)

عقد حواجبه .. و مدري أذأ سخر

ولا أستنكر لان كل الفراغ سكن عيونه.

و صوته الي طلع تايهَ بس كُـله

حــقد و جراح ..

[ الحـب سالوفة چــبيره يابنت الناس

جـربـي تعشگـين شـخص طالـبتة دم

و ثـــار .]

مخليني أبلع ريگي .. و مو غبية

أني و ما أفهم الكلام من رصيت أيدي

أحاجي ..

( مراح أعذرك أذأ صارن هواي أختي

صارت أمانة عندك و بهل أمانه صارتلك

قرابه من عـندنا و هذأ يعني أذا صاب

واحد من أهلي شيء بسببك أو أخواني

الله وعرشه بينا يالجراح أراويك الويـل)

لوة ثغره .. و بعد صفنه بوجهي

يلا سگاني بـصوته . .

[ ما عــنـدي شيء ويــاهم على

الاقـــل حاليا لا تــخــافــيـــن .]

و بيــن كلامه اللي ما طمـئني و بين

روحي اللي تهــواه أنطـيته ظهري بس

خطوات و توقفــت التفت ناحـيته ..

من شفت عيونه بعدها تسايرني

همست بصوت ما رضى يطلع ..

( مـنا و قــفــلــت الــگـــلب فِــراق

منا و بعدك هيهات أذأ أحب أنسان )

ختمتها هنا .. تحركت مثل البعمرها

ما خسرت شيء و رجعت للقاعة ..

و غافله عيونهم عن ذاك اللي طابك

سيارته و من زجاجها يراقبهم من بعيد

رائف اللي أصابعة ما وگفت طول مدة

شـوفتهم سوة عن نغز فخذه . .

أيده الي نمدت تلمس شيء منها  !!

خبلـته  ..

عن شنو تحجي وياه  !! و بيا

طريقة تحاجي  !  ..

لهبت عيونه  .. حرقة تيزاب شعوطت

أحواله  ..

من شافها تروح رطب شفايفه و يدري

لو الف جگارة ورث هسة ما تفيده ولا

تلهي عن حـنين اللي ماكو غيرها صاير

يهد فكره !..

و يهز رأسه و يسترجع كلامها  ..

- ما أعرفه  ..

لگى نفسه يضحك  ..

{ أي والله أنتِ الصح و أني الغلط

ول يابه أشتعل يومج حرگتيني }

و يا مرارة هاليوم عليه شيخلصه  !..

ٰ

ٰ

.  بداخل القاعة  .

خلصت كل المراسيم و الكل كان يعبر

عن سعادته بهذأ الزواج  ..

مآ عدأي فقط أبتسم للكل بدون

ميطلع صوتي  ..

بدى موعد الزفة و الهلاهل ترست

المكان من حضن والدي يسر و تمنالهم

حياة سعيده ..

هاي اللي دارت وجهها الي و تمتم

بضحكات  ..

" يلا صار لازم أخذ زوجي يكفي

خليتكم تـشوفونه اليوم هوايَ . "

أثر كلامها سافر أبن الجراح بعيونه

الي و مكنت أشوف غيره أصلا وسط

هوسه الناس ..

من أبتلعت الجفاء  .. أقــترب ناحيتهم

كان كل مقصدي يسر  .. حضنتها بخفه

و همست  ..

" مُـبارك .. درب السعادة . "

آلا آنُ صوتي بارد خالي من المشاعر

تماما هالمرة ..

زحتها عني  .. بنبرة متغنجة سمعتني..

" شكرآ  .. و مو تزعلين هو أختارني

ترى  "

حاولت ما أهتم قدر المُستطاع الها

لساتها صغيرة  .. مو فاهمة شيء من

الدنيا  ..

بعدما أنتقـلت لــ فراق وقفت

گدامه . .

مديت أيدي اله بغاية مصآفحته مثل

ما سوى الكل اله بهل طريقـة ..

فرش شحوبه بيه  ! يتفحص وجهي

و أيده نمدت تمسك أيدي  ..

و عينه بعيني يتمعن شلون ما رمَشت

حتى و أني دأناظره !  ..

ببتسامتي المتكبره اللي ترست وجهـي

مثل لو أني قـسمت مراح أبعدها عن

ثــغري عــناد ويا حــزني و كـسرتي ..

من قبضت يسر على أيدها منغثه

تباوع على الموقف برجفه ..

بس ولا شيء صار ؟ بل كل شيء فضيع

بعيوني .. أحس بملمس أيدي بيــد فراق 

متساله بداخلي* أذأ هاي مجرد مَصافحه !

لانها طالت ، طالت وهوايَّ ..

من أخيرأ وعيت النفسي أسحب أيدِي

عٍن أيده مكتفيا بهل كلمات ..

( هاليوم صعب حيل عليَّ لهذأ حـ أدعي

الرب أنه يجبر گــلــبي برحمـته .)

طحن حالي بثقل طلته  ..

من مال بالشفايف بهمس  ..

[ و يجــبر گـــلبي ويـــاج ]

حتى أنتهى كل شيء بهلاهل و طلعت

الزفه منا  ..

ويا نظرات فراق الغريبه هذأ اللي

توأ بدى التوغل صوبهم ماكو رادع اله

اليوم عنهم  ..

هالرجـال الحــاقــد الكــاره ..

المتخفي بطيب النوايا صهر السراي و

نجل الجـراح ما دخل الهــم الا بـثار

و دم متوعد و معاهد نفسه أضعاف

خسارته يخسـرهم  ..

ٰ

ٰ

ـــــــــــــــــــــ

ٰ

كنت جالسة يم شُباك غرفتي الواسع

بينما فجر الصباح حل قبل سـاعه و

بالگــوه بــي صـليت الركــعــتـــين ..

لان أثقــل هوى ألفوأد قـلبـي ماكو

غير الفراغ دا أشوفه بعيونــي ..

أهمس بضياع  ..

"- أنه عند ألمُنكسرين قلوبهم . .

أنا أقربُ أليك من حبل ألوريد "

ألم فضيع يبتر بجسدي، تـوسلت بـ الله

أنُ تمضي هذهِ الليله الثقيله على صبري

بسرعه فما عاد خليل الروح وحيد مثلي.

من أنفتح باب غرفتي بخفوت حطيت

عيني بعين والدي فماكو غيره دخل لي.

" صليت وجيـت أشوفج ، ليش

بعـــدج مــنايمــه حــنـين ؟. "

تركت الشُباك و گمت ناحيته لزمت

أيده حتى گعدنا على الاريكه ..

" أجيت بوقتك عندي موضوع وياك

حيل مهم . "

ضحك و ضيق عيونه .. بينما وخر شعري

عن عيوني و تقرب يبوس جبيني و

خدي  ..

" و هــوَ يــا يـروح أبــوج ؟ "

زارني السلام و بشرته باللي ردته من

أيام .. بنبرة هادئه  ..

" من أسبوع حــجزت تـذكرة ســفر

بعد ساعات أني راجعـه لبريطانيا . "

بالگوه بلع ريگه  ..  سحبني اله يسأل

بشك  ..

" شنو يعني راجــعة ؟؟؟ "

مديت أيدي على أيده  ..

" يعني أرجع مثل قبل أعيش هناك "

بين أنه يستوعب كلامي و بين أنه

يجاوبني .. صاح  .

" ليش ؟شنو راجعة !!أحنا ناوين نستقر

كم شهر هنا وبعدين نرجع منين طلعتلي

بهل كلام تخرطينه بهل فجريه عليَّ ؟"

رطبت شفايفي و ماكو غير ثبات و

عدم رجعه بملامحي ..

" رفضت أو لا هالشيء ما يغير شيء

باوع هناك ! كل حقائب سفري جهزتها

وذاك الجواز گــدامك . "

جن جنونه من ضرب فخذه بقسوه

يصيح باعصاب حتى عروگه ظهرت

بسببها  ..

" لا تسودنيني !! "

نبست  ..

" لا تحاول محـ أغير قراري "

أنجـنت علومه  ..

" حنين  !!! "

أبتسمت بتعب ..

"روحها الحنين أنتَ ."

سكن وجهه مخليني أضحك هالنبراس

بكلمه مني يختفي كل غضبه و جنونه

مسح على وجهه و لگيت وجهي بين

أيديه محتضنه يساير ملامحي بحرقه ..

" ليش أبويه أنتِ ؟ مو دائما جنتي

تلحين نرجع للعراق و نستقر بي ؟

ولج وحق الله علمودج بس رضيت

أرجع هنا .. شصار و غيرتي رايج؟."

رفعت حاجبي .. و هربت مني

ضحكه يتيمه .. ~

" خلص بعد ما أريده . .أحس هالبلد

هوَ وكل ناسه يرفضني . "

كان حيعترض بس سبقته من حطيت

رأسي على صدره  ..

" أذأ ما رايد تخسرني لا تمنعني نبراس

لاني ممكن أسووي شيء أندم عليه

كُل عمري "

حسيته حط أيده على رأسي و صار

يمسح عليه ..

" شتسوين ؟. "

ضحكت بفراغ  ..

" أقــتل شخص ممكن ؟. "

وقفت أيده و غادرني حنينه من

بـعدني عن حضنه و رمقني بغرابه .

" ليش ؟ شمسوي !. "

برد وجهي و عصف بيه سواد

يـعادل ظلام الليل .  .

من همست  ..

" كسر گـــلبي يابــه . "

عگف حواجبه و يا غضب وجهه و

تجهم ملامحه بقسوه.. من هسهس

" منو هذأ ؟ و عـرش الله أسيح دمه

بل كتر و أعلگ رأسه على أقواس بغداد

أخلي يصير سالوفه بحلگ الاجـيال"

ملت براسي .. و حجيت بأنبهار ..

" الله عليك شتگول لو نروح هداده

عليه أني وياك ؟ أنتَ بمسدس وأني

بقناص ؟ "

زفيته ضحكه خافته من شفته صفن

بوجهي و سرعان ما ترست الجديه

وجهي ..

" لويش دأ تباوع لي هيج نبراس؟ "

عض شفته و هز رأسه  ..

" تردين تمــشين و تــعوفــيني بعد

شخــليتـــي بـــ نبـــراس  ؟ "

أستوطنت أيديه و حضنتهن الصدري..

" أريد أرجع هنـاك .. أقضيلي مدة

أرتاح بيها بـعدها أقدم طـلب باحد

المستشــفيات حتــى اداوم . "

حررت أيديه  .. أحاول أبتسـم  ..

أصنع حجج  ..

" أريد أشفى من هاي الامراض يابه

و أنتَ تعــرف جو الشــتاء يناسبني

البرود هناك حيخليني أتعافى نفسيا"

وجهه على طول كلامي ينطي اللوان

من مسك أيديه و خلاها بين أديه  ..

" شــلون أگـــدر بــدونج ؟. "

حافضت على موقفي .. لان مابيه

على حياة تخسرني كرامتي ..

" شسالفه يابه ؟ مرايحه للقبر أني.."

و ما كملتها من سد حلگي بجف أيده

ناتر بيه بشكـل أرهبني ..

"أشش! ! الصمي صوت ما أسمعلج "

وبين ما أيديه على شفايفي قهقت

أهمس له منبهره بتعابير وجهه ..

" سايكو سايكوباث . "

بعد أيده و الله وحده يدري بشگد

تمالك والدي نفسه گدامي ..

" شلون بــيج أنتِ شلون ؟ ياهــوَ

مزعلج هيج و بسببه تريدين تتركينا؟ "

ما تحملت أعتابه

حتى رفعت أيديه و حضنته بقوه  ..

"أشاقه .. محد مـضوجني ولا مزعلني

كُـل القصة أشـتاقيت أرجع للبلد اللي

عــشنا عمــرنا بــي . "

ما گال شيء  .. يطبع ببوساته على

رأسي و يضمني الصدره   ..

طالبته  ..

" طيب أحجي لا تسكت  "

سكته  .. الا بعد دقائق طويله من

حاوطت أيديه خصري يهمس ..

" بيش الساعة موعد طيارتج ؟. "

أبتـعدت عنه .. أحجي بتفكير  ..

" بالسبعة يعني بعد ساعة . "

فرگ جبينه بتعب .. و بالف يا علي

يلا نـطقها شايح بوجهه عني ..

" گومي يلا جــهزي نفسج أني أوصلج "

نهضت منه أختار بـ ملابس و التفت له

" فرونسي يتراجع للمركز للثاني

أنتَ أحبك أكــثر منــه "

رفع حاجبه و هز ايده بـ أستنكار  ..

" هم عوزج تحبين عمج أكثر مني "

بقيت أمنحه اشارات حب و أني

متعلقه بيهم و هم كل دنيتي  ..

خلت الغرفة الي  ..

ما طولت غير ربع ساعة من غيرت

ملابسي و رتبت نفسي ، أنزل بعدها

الجوه..

من وقفت أباوع على حيطان

بيتنا و هدوءه ..

"مراح أودع أحد .. الـناس نايمة

مو من الـــذوق أگـعدهـــم . "

نطقتها بجفاء..

حتى صرت برى البيت ..

فكرتهم نسوا بس لا أبو الحسن و

علي الــدر أثنـينهم مستندين على

السيارة و متانينني شفــتهم .

الحنطاوي سأل  ..

"يعني رايحــه من صدك يا أم اللغات؟"

هزيت رأسي  ..

" Evet kardeşim "

طرق على بند السيارة أبو الحسن ..

" ماكو خوة بقت مسافره و ما تردينا

بعد "

تنهدت بتعب ، تخطيتهم و صعدت

بسيارة والدي حتى طلعت راسي من

النافذه بعد منزلت زجاجــها ..

" فدوة الطولكم و أمانة الله بلا

درامــا ويـلا صــعدوا . "

سلموا أمرهم لـ الله  .

و ربع ساعه و بسياقة جنونيه من

أبو الحسن وصلنا للمطار ..

اللي أول منزلت لمحت ذاك الرجال

هنا ؟..

لابس ملابس عربيه عباره

دشداشه سوده و غتره بنفس السواد

لافها على راسه و فوق جبينه !!

هاللواء ليش هنا من دون الكل !

شمعنى هوَ ؟   ..

معقوله هم يـطلبني ثــار أبو ثــار !

من حياه والدي و الثاني تقدم ناحيتنا..

مخليني أستغرب وجوده !  ..

" يا حي الله لواء كيان . "

خذوا وقت من سلم على أخواني و

والدي أرمقهم أني بعيون فارغه !  ..

من سألت بنبرة رزنه بيها من الحده

و التعالي ..

( حضرتك ليش هنا ؟ أكو تحقيق

وياك ممخلصته و منطيه أفادتي بي؟)

هز راسه . . يحط ترحاله بعمق

بعيوني من جاوب ..

『 موش هيج بسج راح تسافرين على

ضمانــتي أنــا . 』

عقدت حواجبي . .

( ليــش ؟ مفــهمت ؟)

بين نظرات على والدي و عليَّ

فسر لي بنبرة محتده ..

『 أنتَ ممنوعه من السفر و هالشيء

صدر من أول مرجعتي لـ أهلج من

شخصيات الــها أيـد بالدوله و أبــو

الحسن أتصل و طلب مني أدخــل

من أمـس و أنا ما گصرت سـهلتلج

الامور 』

تجهم وجهي ... بس لحظات وأبتسمت

بسخريه ذاك الحقير السافل سواها؟

معقوله هوَ ..!

بس شلون ؟ و أني گدرت أقطع

تذكره بأسمي من البداية ..!!

حتى حاجاني مرة ثانيه .. سارق

كل ضياعي اله ..

『 لا تشيلين هم أنـا هنا شــغلتج

محـلوله بــأذن ربــج  . 』

ما رديت بشيء .. أفترسني الجفاء

دخلنا للمطار بعدها . .

" ديري بالج على روحج أني و أخوانج

كل فترة نزورج و تليفونج على طول

خلي مفـتوح يعني كل ما أتصـل أريد

أنـتِ التردين . "

أبتسمت بجمود .. أرده بكل أمانه ..

" بس مو كل عشر دقائق تتصل

رحمة الوالـديك يابــه . "

سحبني الحضنه مخليني أبتسم بوهن

من بادلته أهمس ..

" عادي لو أخذك ويايَّ بس أنت‌َ ؟ "

أبتعد عني و ترك قبله على جبيني

بـ لحظه اللي بست بيـها أيده  ..

" لا تخــليني أغير رايي حنين أسكتي

أفضلج . "

أومات اله  .. و كلام أبو الحسن  .

" أشــو تعــاي هــنا "

اشرت له برفض  .. أنجنت ملامحه..

" شسالفة حبيبة أخــوج ؟ ترفضيني "

أشرت على أيد والدي الماكسني  ..

" كاني رهن الاعتقال أبو الحسن

أبـــوك مـدأ يعوفــنــي "

ما أهتم و اجى سحبني منه  .. يضم

وجهي بين أيديه  ..

" شوكت ما نخابرج ردي ترى وعيونج

يا خويه ما نام أذا يصير لج شيء "

أكتفيت أستمع له .. صايبهم الخوف

من هالدنيا خاف تخطفني عنهم من

جديد  ..

علي الدر .. يحذروني بتحذير ..

" بيتـنا متــروس حمــاية هنــاك و مع

ذلك طلبنا حماية جدد و حيل ثقة راح

يلازمــوج بكل طلعــة مو أسمع أنـــج

صارفـــتهم ، نـــتخــارب تـــرى . "

و تحركت بعدها منطيتــهم ظهري

من مشيت خطوات والتـفتت حجب

عليَّ شوفتـهم أبـو ثـار اللي يمــشي

خلفـي ..

قبضت على أيــدي و كملت طريقي

من صرنا بساحه الاقـلاع بـعـد ندأء

المسافــرين بالتــوجـــة لــ هــنا ..

بالوقت اللي كان أبو ثـار هو اللي

يتكلم وياهم حتى أجاني و وقف

گدامي ..

يرمى البشره  ..

『 توكـلي بعد ماكو شيء يمنعج . 』

التفتت على الطياره و رجعت ركزت

عليه ..

( تــسلم سيد أبــو ثــار .)

قبض على سبحتة و فلتت أللسان  !..

『 السادة بالخدمة يا ماي العـين 』

صفنت زمن دكت بينا  .. ما أظنه

انتبه شگال ولا حبيت بالحجي أزيده ..

بس أستغربت من لمحت أنخفاض عيونه

على عنقي !! مدري صدري ..

و قبل لا أحجي شيء شفته نزع عنه

الغــترة من رأســه .. يمدها الي ..

نبيت بـ تعجب  ..

(  عــفــوا  ؟ بس شأسوي بـيهـا  !.)

لچــمني بنظرات سادة و تلفظ بأمر

خازرني بغرابه بـعيونه ..

『 خليها على رگـبتج و نــزليها . 』

مدري أضحك لو أسخر وأصفن !

شــعلاقــته هذأ و يأمرني !..

( مو عادتي أفشل أحد بس مالك

دخــل بــيه ســيدنــا .)

و بعدم أهتمام بين عين على أيده و

عين بعيونه تخطيته ..

بس مشيت ثلاث خطوات مو أكثر

و توقفت  ..

من وين طلع لي  ! ما اريد أفشله ..

التفتت وراي  .. على وقفته ينظر بيه

سويتها  .. رجعت اله .. مَديت أيدي و

أخذت الغتـرة من أيده ..

سمعني مبتسم  ..

『 كملي المعروف و غترتي لبسيها 』

شألبس  ! ما رجعت الخاطرها  ..

دنيت مـتقربه أكثر منه مسايره

  أهداب عيونه و رفعت حواجبه ..

من همست بسبب رجعتي اله ..

( سلملي على للعــقيد و گــوله العد

التـنازلي للرتبـه اللي على أچتـافك

بــدأ .)

تحاربت تعابيره مو فاهم شيء  ..

و أني سحبت نفسي مبتعده عنه ..

أصعد أول بايات الرحيل عن بغداد

بالطائره لمــن عصفت بيـه مُــقتطفات

الذكريات بعــشوائيه و طــنت بروحي

مـثل النُــدبة المــا تـنــمحي ..

" العاشقة المجهولة شوكت تندلين

مكانه !! مو رجعنا البغداد علموده "

{ ظـلمة و درب عاثور ليلة شتا و غيت

روحي أشتهت ملگاك عتتني الك عت }

( أنــتَ مــو واحــد منــهم ؟.)

{ يـول أنــي غيـــر .}

( خيالك ما يفارگني وياي بصحوي

و بنومي .)

{ وصلــتي ويا للفــــراش  ؟ }

( أي تــحقــيــق هـــذأ  ؟ .)

{ أجــراءات أمـنيــة }

{ وحــق ربـج أذأ ضــليتــي هيج

مَحد بـينا ياكــلها غيــرج و گـولي

العـقيـد الگــواد هـذأ ما گـال .}

『 شنو مَضيعا الدرب ؟ ترى الوراج

مِضيف للزلم مو النسوان بعد أخوج. 』

( ما أعـرفه .)

{ الراوي !.}

( أي . . ثـق بالله ما أعرفــه .)

{ گاعده وياه على نفس الميز يا

متعرفي رحمة الدينج !!!.}

[ فُـراق مو فِراق .]

(  الجراح  ؟.)

[ أني أطلبج دين .]

( مصباح بيتك المكسور  ؟ .)

[ حتى طعم الدم وياج يـختلف ..

مو عجيبه تكونين سينيورا زمانج .]

{ من شوكت هالسلسال نايم

ويا خصرج  ؟}

( أخـذت گلـبي و رعبتــني .)

{ جندوب أگول أهاتج تهد روحي

بطليها }

( شـ أبطل ! تــقـلع بأظـــافيري و

تــگــولي ســكــتي  )

{ عود الحبيبك عود.. كافي بعد عود

عنن عليَّ ذنيج رصعات الخدود }

{ الراوي هم لامسج  ؟ }

( مو كُــلها مثلك زأنيه يا أبن الزاني )

{ مُر الوجع ما ينحمل حملي }

" عــقـل برأسي مامش موجود ، يول

حاول تضربـها أخلي الانــبار تصـبح

على خــبر رائــف گاتــل أبــوه . "

{ وهاي الرتبة شنو محلها من الاعراب؟ }

( كلها خلك رتبة ما تضيف شيء

لـ أخــلاقــك المــعدومة  .) 

{ وليفي و أغار أعليه من حضن أمه

بگلبي و أگول بعيد جا وين أضمه }

" صح حصلت الرخصة بس سياقتي

مو تمام لا تورطوني أسـوق أبدألكم

رجـاءً . "

" وأذا أبو الحسن و علي الدر هنا أذا

صار شيء نـفزعلج سوقي ولا تــهتمين

أصلا ماكو أزدحام هنا !!. "

" مو قصة أزدحام  .. ما أظن أكدر

أسوق بشكل زين  ..أحتاج وقت أطول

خلي أبو تراب يسوق أني أعفوني "

" دام لحيتي ما تقبلين معناتها وحق

الله اليوم الا تسوقين ماكو مهرب الج"

" ليــش هالصريخ ! أني شسويت ؟

السيارة ..  السيارة بيـها ناس..  مراة

كبيره و رجال !! شباب  .. و هـناك

أبنــيه حــامل !! ."

" ماكو هيج شيء حنين فارغة

السيارة  "

" لا علي بيها..  وحده فارغة بس الثانيه

السيارة الكبيرة بيها ناس شفتهم بعيوني"

" أخذي نفس أني دكتوره أگدر أساعدج

أبنج مراح يصـير له شيء أمانة الله

قــاومي ويــاي . "

الدم غرق المكان..  كانت تهمس بانفاس

مقطوعه  .. كأن الموت أقترب منها  ..

" زوجي.. زوجي منتظره هوَ منتضر

هالولد.. لازم أجيبله هالطفل،وعدني..

وعدني يترك ماضيه لو صار أب فدوة

.. فدوة.. لا تخليني أموت أبوس أيدج

أريد اعيش..  أريد أخلي الراوي يتغير

أريد أبني بين أيديه أخلي "

" يابه .. هما ما ماتوا بسببي !

ليش كل العسكر و الرتب هنــا ؟ "

" لا.. محد مات وداعتج محد مات

أسعفناهم أني و خوانج صدگيني

محد مات الـكل عايش !!! والمراة

بخير لحگنه عليهم و أنقـــذناهم . "

" لو انهم بخير ليش الامن هنا و صدر

عندهم مذكرة أعتقال بحقي نبراس !! "

" أشتبهوا بينج و بين شخص ثاني

  حنين ثقي بيه محد بسببج مات  . "

" بس هيَّ كانت حتولد .. بطنها كبير

من مسكتها الدم ينزف من كل مكان "

" اشش روح نبراس أنتِ اشش گلتلج

محد مات سدي السالفة هنا "

من فتحت عيوني و صرت داخل الطائرة

أجلس قرب الشُباك  ..

صابتني أبتسامة بحزن و بسخريه على

شـريط الـــذكريات الــلي عشـته ببغداد ..

كل شيء كان عنه  ..

اخذ ذاكرتي اله  ..

سندت رأسي على النافذه  .. أسترجع

الصار  ..

گالها هو  ..  أني أعرفه  ..

مسدت فكي بهوان  ..

سيف بـ خاصرتي منحور  ..

كنت أعرفه  !  .. حبست أنفاسي

الحقيقة و هزت أوطاني  ..

" لان كانت هاللحظه هيَّ اللي خلتني