رواية "الــيـل الـدامـس فـي الـجـحـيـم" الفصل الثامن 8 - بقلم ايـڤـانـي

بسم الله الرحمن الرحيم

اللهم صلى على محمد وال محمد

____________________________________

نعمه-  انت طلبت بنتي وبنتي عزيزه عليَ واني موافق بس بشرط

صهيد- واني موافق على الشرط قبل لا تگوله

شُجان- اسمع الشرط

نعمه- عيب شجان،  صهيد اني عندي عمليه

صهيد- اعرف اني راح اتكفل بكلشي تكاليف العمليه وتكاليف العلاج

شُجان- بابا عادي احجي ويه صهيد على انفراد؟

نعمه- لا مو عادي احجي اهنا

شُجان- ماشي،  صهيد انت تعرف شنو سويت الي؟  تعرف كم اتهام اتهمته الي؟  شفت الويل منك صهيد اني گلبي خلصان منك من اجيتك وكتلك صهيد اني احبكك صهيد لتعوفني رحت تزوجت هاي الخرا مريم

صهيد- وروح ابوي طلكتها والعباس طلكتها بس رجعيلي

شُجان- بابا انت اولى بيه

نعمه- اني موافق على زواجكم

شُجان- بشرط ماريد اي عرس او اي شي ماريد عرس اريد بفلوس المهر تعالج ابوي واعتبر علاج ابوي مهري

صهيد- من اكول انتِ مختلفه اطلع گد كلامي انت بنيه فضلت تعالج ابوها على فرحتها بس من عيني هاي قبل هاي وعرس اسويلج فوك العلاج اسويلج عرس تدللين

نعمه- اني اتشرف بيك صهيد وشوكت ما تريد العرس سوه

صهيد- خلي نروح للمحكمه نعقد ولمن نرجع نسوي العرس

شُجان- ابوي باجر عمليته شلون؟

صهيد- اي يدلل الحجي هسه اخابر كرار يحولي فلوس

طلع صهيد لان اجاه اتصال بقيت اني وابوي

نعمه - شجونه بابا صهيد بعد تعرفينه ولد ونعمه الولد وخوش رجال ويصونج

شُجان- لا بابا اني موافقه بس عود اسوي نفسي ثكيله

ضربني بخفه ايده ويضحك

نعمه- ادري بيج صرتي حمره من الخجل

شُجان- بابا اسكت اجه اجه احم

گعد صهيد گبالي وهو يباوع عليَ

صهيد- شجان

شجان- نعم؟

صهيد- حضرو ملابسكم باجر نرجع للعراق

نعمه- وعمليتي؟

صهيد- اهناك راح انسويها

نعمه- جا نتوكل ونلملم غريضاتنا

رحت لغرفتي وسديت الباب ضليت اگمز بدون صوت وفرحانهه اني وصهيددووددد راح نتزوج

شجان- لاماسودنتكك صهيدد على الي سويته بيه انيي الكك صهيدود

فتحت شعري ورحت اخذت تلفوني وطلعت اغنيه بالهواى طاير شعرك سواد اليل وضليت ارگص واني فرحانه احلا يوم مر عليَ، سمعت الباب يندگ رحت طفيت الاغنيه ولبست شالي

شجان- اجيت اجيت

نعمه- يلا لمي ملابسج الساعه بالـ 6 طيارتنا

شجان- اي هسه

نعمه- استعجلي واذا تردين اساعدج

شجان- لا بابا شنو السالفه ، صح وين راح ينام صهيد؟ 

نعمه- بالاستقبال ينام

شجان- اها تمام

راح ابوي واني رحت لميت ملابسي وسفطتهن رتبت الغرفه لان البيت ايجار ومالك البيت حباب كلش كملت ورحت طبيت سبحت وطلعت اباوع الساعه صارت بالـ4 العصر رحت بدلت ملابسي ولبست حجابي ونزلت جوه لگيت صهيد يباوع بالتلفون وگاعد بالاستقبال مريت منه ورحت للمطبخ گعدت اسوي اكل. حسيت بواحد وراي

صهيد- هم حلوه وهم نادره شريد من الله بعد

ابتسمت بس خفيتها بسرعه لمن اقترب مني خله راسه برگبتي

صهيد- سويتچ قصيدة
وصرت احفظ بيچ
ومن كد ما اعزچ بيدي خطيتچ
خفت مَـن الوكت لا يمر يوم انساچ
سويتچ وشم وبگلبي دكيتچ

شجان- صهيد وخر لا يجي ابوي

صهيد- ابوج نايم

شجان- بعدني ما صرت مرتك وخر صهيد

صهيد- بس تذكري شغله وحده انتِ الي ولو صارت بيناتنا مسافه الارض والشمس انتِ الي ومستحيل اخليج لغيري

ردت وجهي علي وصرت مقابيل وجه ابتسمت

شجان- وانت المن؟

صهيد- لشجان

شجان- واني المن؟

صهيد- لصهيدج

شجان- كول ميو

صهيد- عيب لج زلمه مشورب اگول ميو؟

شجان- ممم وخر جا

دفعته مني ورجعت اسوي اكل عبست وجهي وهو گعد على الطاوله ويباوع علي.

شجان- والحسين اذا ما وخت غيونك افگسهن الك

صهيد- عصبيه ما ينگدرلج بنت يوسف الصديق

اجه ابوي وگعد يم صهيد وگعدو يسولفون واني اسوي الاكل كملته وخليته على الطاوله گعدت يم ابوي وبدينه ناكل

صهيد- عمي ان شاء الله لمن نوصل للعراق اوديك المستشفى تسوي العمليه

نعمه- ان شاء الله بويه

شجان- صهيد

صهيد- ها

شجان- راح تنجح العمليه؟

صهيد- ان شاء الله

شجان- متأكد؟

صهيد- شجان الي الله كاتبه يصير وان شاء الله خير

نعمه- مثل كلام صهيد الي كاتبه الله يصير

كملت الاكل وگمت لميت المواعين وسويتلهم جاي
رحت صبيتلهم وانطيته الهم اخذو للاستقبال يحجون مدري على شنو بس بعدين ما سمعت صوتهم كملت غسل مواعين ورحت للاستقبال لمن شافوني سكتو وباوعت على صهيد جنه زعلان من شي

شجان- اترخص اروح انام اني

نعمه- بس جيبي فراش لصهيد اهنا خلي نفرشله

صهيد- خاف اتعبها اجي اشيله عنج ماريد اتعبج

شجان- لا اگعد اني اجيبه

رحت صعدت فوك اجيب فراش لگيت صهيد وراي اقترب مني واخذ الفراش ودار وجه وباسني بخدي اني شهگت

صهيد- بس بوسه وشهگتي جا؟

شجان- اسكتت لتكمل اخذ الفراش وروحح

صهيد- اني بستج انتِ بخيله ما تبوسيني ليش ؟

شجان- روح صهيد لا اشمرك منا والله

صهيد- عنيفه

ضحك وراح واني رحت لغرفتي وتمددت ونمت،  گعدت الساعه بالـ3باليل حسيت بنفسي عطشانه انسى اجيب الي مي نزلت جوه واني كل فكري صهيد نايم ومراح يشوفني لهاذه ما لبست حجابي رحت للمطبخ شربت مي حسيت اكو حركه وراي خفت

صهيد- اشش لتخافين

شجان- اسم الله اسم الله شبيك جنك حرامي

صهيد- لا انتِ الحراميه

شجان- اعوذ بالله شسويت؟

صهيد- اخذتي گلبي وعقلي

شجان- اييعع شگد قديم انت

صهيد- شعرج

درت وجهب منه وحسيت بي خله ايده على خصري ووجه حسيت بانفاسه على رگبتي

صهيد- هايم بعطرج

شجان- صهيد وخر

باسني برگبتي واحس بي جاي ياخذ نفس من رگبتي

صهيد- ااههخخ عطرج برئاتي

شجان- صهيد شبيك

صهيد- هايم بيج

درت وجهي علي صار مقابيل وجهي

شجان- صهيد شبيك ترا بعدنا ما متزوجين

صهيد- باجر لمن نوصل للعراق نتزوج يبعد صهيد واهله

شجان- يلا روح روحح نام اريد انام بعد 3ساعات ونروح للعراق

صهيد- تدرين؟

شجان- همم

صهيد- اريد اعيش وياج حياه بعيده عن اهلي ماريد اعيش نفس الشعور مرتين خسرتج مرا ماريد يتكرر هل شي اريدج تبقين يمي ما ترحين لأي مكان بدون ما تگليلي اريدج مگابلتني وگاعده انتِ لمن رحتي لبيت جدي وصرت يوميه اروحلهم بس علمودج بس علمود اشوفج وزواجي من مريم جان غلطه غلطه عمري ماريد اكرر اغلاطي اريدج يمي ماريد احد غيرج شجان اني مجاي اشوف اي بنيه غيرج انتِ بگلبي وبعيوني وبكل مكان اريدج يمي ..

اقترب اكثر وباسني بخفه على شفتي وخر مني وراح نام بقيت واگفه بمكاني وگلبي يدك بسرعه هاي شصار؟  باسني؟   مشيت على كيفي باوعت علي لكيته صافن عليَ ابتسمت وخليت ايدي على وجهي وطلعت اركض لغرفتي

شجان- يمه گلبي گلبي هاي شبي؟  باسني؟  يمه لا جاي احلم يمه گلبي راح يوگف استغفر الله ربيي

لمست شفتي واني اتذكر شلون اقترب وباسني

شجان- استغفر الله خلي انام احسلي

رحت نمت وگعدت الساعه بالـ6 گعدت طبيت غسلت وجهي ولميت الغراض ونزلت جوه لكيتهم محظرين نفسهم اباوع ابوي وجه اصفر وما بي حيل يگوم وصهيد مسانده

شجان- بابا بيك شي؟ 

صهيد- ما بي شي بس شويه تعب

نعمه- يلا خلينا نتوكل

شلت الجنطه مالتي وصهيد شال الجنطه مال ابوي صهيد اصلا ما جاب شي وياه غير جنطه صغيره بيها فلوسه وجواز السفر وتلفونه اجرنا تكسي ووصلنا للمطار خلصنا الاجراءات وطلعنا بالطياره الي تتوجه للعراق ابوي گدامي وصهيد المقعد يمي اني متوتره

صهيد- اهدئي يمعوده وخلي حزام الامان

شجان- لتعيدها

صهيد- شسويت؟ 

شجان- ها؟ اقصد اي اي هسه اخلي الحزام

باوع عليَ وضحك

صهيد- اذا على البوسه لمن تصيرين الي هم اعيدها

شجان- صهيد ترا بعدني 16 سنه من هسه اكلك ماعرف كلشي عن الحياه الزوجيه لو شنو اتصرف

صهيد- انتِ بس خليها عليَ والباقي اني اتصرف بيها معليج معليج اني اتصرف

شجان- صهيد

صهيد- يبعد روح صهيد

شجان- خايفه على ابوي

صاحو لازم نربط حزام الامان وخلينا وانطلقت الطياره ماخفت لان مو اول مرا ف ما خفت الطريق كله خلصته نايمه لمن وصلنا گعدني صهيد

صهيد- عبسي گوم لك وصلنا

گعدت وطلعنا من الطياره ورجعنا للجراءات وعديناها طلعنا من المطار ولكينا كرار موجود
سلم على ابوي وعلى صهيد اخذ الجنط وخلاها بالصندوگ السياره صعد ابوي يم كرار وصهيد رجع الي ورا

صهيد- خلي نروح للمحكمه

كرار- شعندك

صهيد- اعقد على شجان

كرار- شجاي تمسلت؟ 

صهيد- لك شو ما تعرف تحجي؟ 

كرار- فرق اهواي بينكم! 

صهيد- 15 سنه ؟  مو هواي

كرار- ابو شجان شنو انت موافق لا؟ 

نعمه- اي اني قابل

هز راسه وودانا للمحكمه جنت متوتره كلش وصلنا للمحكمه ونزلنا كلنا انتظرنا شويه ودخلنا للقاضي
بدينا اجاءات واخذو شهاده ابوي وكرار وصرنا رسميا بالقانون متزوجين،  طلعنا من المحكمه وصهيد لازم ايدي بقوه

شجان- صهيد وخر ايدك

صهيد- اليوم اشوفج العذاب الي ضگته بلياج

شجان- صهيد شبيك عيب ترا ابوي گدامنا

ضحك وصعدنا بالسياره وتوجهنا للبيت ودينا ابوي لبيت صهيد واني وصهيد وكرار رحنا لبيت جد صهيد حسيت نفسي مذنبه شلون راح اباوعلهم مرت شهرين واني ما شايفتهم شلون راح اطب واباوع بوجهم ، لزم صهيد ايدي وباسها

صهيد- لتخافين اني هم صارلي شهرين مشايفهم ما اطبلهم ابدا وعدت نفسي ما اطب لبيت جدي اذا مو انتِ مرتي ووياي

شجان- صهيد متوتره والله

كرار- اكلكم عرسكم كئيب لا عرس لا حفله لا صخام

صهيد- بعدين مو هسه

كرار- يلا خوش

دگ صهيد الباب واول ما فتح الباب جانت عمه رقيه جنت خاتله ورا صهيد بسبب طوله وضخامته اني ما بينت

رقيه- صهيد؟  شجابك اهنا؟ 

صهيد- كتلكم ما اجي اذا مو وياي شجان

رقيه- جبتها ...؟

گالتها بنبره مكسوره طلعت من ورا صهيد وهيه لمن شافنتي بجت وسحبنتي عليها حضنتها وهيه واني ضلينا نبجي

رقيه- وينن رحتيي عنيي وينن رحتيي يمهه بنيتي

شجان- والله اسفهه عمه والله اسفه

رقيه- ليش هيج شسوينالج وهيج سويتي شوفي حاله جدج

طبيت اركض جوه لكيتهم مجتمعين بالاستقبال لمن شافوني انصدمو

علوان- شجان؟  هاي انتِ؟  تعالي يبعد جدج تعالي

رحت علي حضنته مشتاقتله حيل
حضني ورحت حضنت جمره وكنان مشتاقتلهم حيل

كنان- شسويتيي بينا ولج ما تحسينن ما تخافينن ولج شسويتي بينا

جمره- والعباس امعطج معط شسويتي بينا

سعاد- تعالي يمي تعالي خلي اشم ريحتج

رحت لبيبي سعاد وحضنتها حيل مرت دقائق وطبت عمه رقيه وياها كرار وصهيد

علوان- عفيه عليك صهيد اني فخور بيك

صهيد- اريد اكلكم شي

علوان- تفضل؟

صهيد- اني تزوجت شجان على سنه الله ورسوله وعقدنا عقد محكمه بس بعدين راح نسوي العرس ابو شجان يحتاج عمليه

علوان- شنو تزوجت شجان شنو ابو شجان يريد عمليه شبيك صهيد

حجاله صهيد كلشي وجدي شويه انصدم لان عرف بينا اني وصهيد تزوجنا وكنان وجمره فرحو كلش
همستلي جمره

جمره- والله وجبتي للدرب وخلاج تصيرين مرت صهيد

شجان- شبيج يمعوده هو تزوجني اني معليَ

جمره- ايييييهه شنو تضحكين علينا

كنان- امشي وين غراضج؟

شجان- ببيت زوشيي

حجيتها بمياعه مصطنعه ضحكنا وانتبهنا صهيد يباوع عليَ

صهيد- مريتي شجونه يلا تعالي خلي نروح نرتاح ببيتنا

گمت واني شويه واموع من الخجل شبي هاذ فجاء صار رومانسي وگفت يمه وودعنا الاهل وطلعنا بس اني وصهيد كرار ووهبان بقو بحجه انتو عرسان ابقو وحدكم ، وصلنا لبيت صهيد وفتح الباب لگيت ابوي يگح دم مرا ثانيه جسمي گام يرجف ورحت اركض علي

شجان- بابا بابا بابا شبيكك باباا احجي وياي تسمعنيي بابا! !!!

صهيد- عمي عمييي تسمعنيي؟  شجانن اخذي السويج من الجيب بسرعه

اخذت السويج منه وشال ابوي على جتفه رحت فتحت السياره وصعدناه وبقيت الي وره ويه ابوي واحاول اصحي بي ماكو
حجيت واني الدموع بعيني

شجان- صهيددد الله يخليكك بسرعه صهيدد حباب بابا ماريده يروح مني

صهيد- ميروح ان شاء الله عمره طويل

وصلنا المستشفى ونزلناه اخذو من عدنا على السديه وطببو لغرفه الانعاش رحت گعدت على الكراسي واني ابجي ميته من البجي گعد صهيد بصفي وهو يواسي بيه

صهيد- هسه يصير زين والله هسه يصير زين

شجان- صهيد اريد ابويي ما اتحمل بدونه صهيد ابويي ماريد اخسره خسرت امي وهسه ماريد اخسر ابوي

خله راسي على صدره ويهدي بيه مرت ساعتين والدكتور بعده ما طالع واني حيرانه صهيد خابر العائله واجو وبقت گاعده يمي جمره وكنان وبيبي سعاد وعمه رقيه يواسن بيه واني كل همي اريد ابوي يطلع سالم،  مرت نص ساعه وطلع الدكتور وعلى وجه علامات الحزن رحت ركضت علي

شجان- دكتور ابوي ابوي ويننن ابوي شلونه

الدكتور- الباقي في حياتكم السرطان انتشر بكل جسمه وما لحگنا علي

نزلت مثل الصاعقة عليَ راح الدكتور واني بقيت واگفه بمكاني ماتحركت اباوع على ايدي ترجف اباوع عليهم مصدومين ويبجون اباوع على صهيد يباوع عليَ بنضرات شفقه باوعت على الباب ورحت رگضت علي واني اصرخ

شجان- كله من وراييي انيي انيي الي موتت ابويي انيي الغبيههه الي ما لحگتت على ابوييي بويههههه لتعوفنييي وحديي بويهه الله يخليكك لتعوفنيي بويهه بويههه بويهه ماگدرتت اساعدكك بويهه بويهه ليش رحتت وعفتييي بويهه صرتتت يتيمهه لامنكك ولا من امييي بويه اريدكك يميي بويه لتعوفني وحديي صهيددد كول لابويهه يرجعليي ماريدهه يروحح بعدنيي ماشبعانه منه ومن عطره حسبييي الله ونعم الوكيلل بيج سناااء كلهه من وراجج خليتينيي ما اشوفف ابويي ولا احجي وياا سنهه كاملهه اني ما شايفهه ابويي ااهههخخخ ربيييي

اجه صهيد وحضني گعدت اصرخ وابجي بحضنه وكلهم ضلو يبجون ومنقهرين عليَ ومن الي صار وياي اجه الدكتور علمود ياخذ جثه ابوي رحت على الجثه

شجان- عليك الله اريد اشوفه حباب عليك الله بس اشوفه بس اشبع من شوفه ابوي

الدكتور- ميصير لازم ناخذه للثلاجه

باوعت على جثه ابوي وهو يروح راح مني ابوي لزمت ايد صهيد وحسيت راح اوگع

صهيد- شجان شجان بيج شيي شجانن !!!

وگعت على صهيد ماسمعت ولا شفت اي شي بعدها ولمن گعدت لكيت عمه رقيه وكنان وجمره وصهيد يمي

شجان- صهيد

صهيد- ها يروحه

شجان- ابوي ……عافني مو؟

دنگ راسه ورجعت ابجي اريده حلمم هسه اگعد من الحلم مستحيل ابوي يروح ويعوفني اريد ابوي يمي

سعاد- بنتي هاذ قضاء الله وقدره واحنه كلنا راح نموت باعي بنيتي والله اني اصيلج ام شتردين اصيرلج بس هسه موزين تبجين لا يصير بيج شي

شجان- ماريد اي شي كلشي ماريد اريد ابوي خلوني وحدي

طلعو ولمن صهيد راد يگوم لزمت ايده عرف اريده يبقى يمي رجع گعد لمن سدو الباب بقيت صافنه على الحايط ولازمه ايد صهيد

شجان- لتعوفني صهيد ابقى يمي صير انت بمكان ابوي صهيد لتخليني مثل ما خلاني ابوي

حضني وباس راسي

صهيد- ابوج وصاني بيج تتذكرين لمن جنه نحجي ولمن اجيتي سكتنا؟

شجان- اي؟

صهيد- وصاني عليج گال خلي شجان بين عيونك شجان بنيه تخاف من كلشي ما تحب تبقى وحدها بالطريق لتخليها وحدها صهيد اني اعتمدت عليك لان اعرف بيك خوش ولد ومؤدب اريد شجان تبقى سالمه وما تنزل دمعه من عيونها بسببك اغضب عليك ليوم الدين اذا نزلت منها دمعه . ابوج انسان طيب اعتمد عليَ علمود ابقى يمج شجان انتِ مو بس مرتي انتِ بنتي وكلشي بحياتي ماريدج تزعلين مني بيوم واذا زعلتي تعالي وعاتبيني

حضنته من كل گلبي وگعدت ابجي طلعت من المستشفى ورحنا للنجف علمود ندفن ابوي ، واني بالنجف .. اباوع شلون الدفان جاي يذب تراب على ابوي واني ابجي ماگدر ما اتحمل الي صار وياي

صهيد- بنيتي شجونه تردين تبقين ويه ابوج شويه

هزيت راسي ورحت يم گبره دفناه بصف گبر امي الله يرحمهم گعدت يم گبره وضليت ابجي

شجان- بويه عزيز گلبي عفتني ورحت شلون بعد اگدر اكل وانام واگعد عادي ؟ بويه ليش رحت وعفتني؟  مو كتلي ما اعوفج؟  بويه ليش هيج سويت؟  بويه بنتك تريدك بويه تدري هسه اني ملچومة ماريد اشوف احد بس مجبوره اشوفهم بويه من البارحه لليوم ما نايمه اگول شلون هذاك الاسبوع جنت اسولف واضحك وياك واليوم ابجي عليك بويه اني ما اتحمل فرگاك ..

درت على گبره مي ورد وعلى گبر امي وقريتلهم الفاتحه وطلعت من يمهم لگيتهم منتظريني صعدنا بالسيارات واني بالطريق كله خلصته نايمه ودموعي على خدي تحلمت بأبوي

" الحلم"

مكان يجنن عباره عن حديقه جبيره كلش وابوي لابس ابيض ووجه يضحك ويباوع علي ضليت ابجي ورحت حضنته وضليت ابوس بي

نعمه- بويه لا تبجين عليَ اني اهنا زين شوفيني هاي اني

شجان- ليش عفتني بويه

نعمه- ما عفتج گدامج زمن طويل ونتلاگه بي اخرتها اشوفج وتشوفين امج امج مشتاقتلج وتتشكرج لان رشيتيها بماي ورد

شفت شخص وجه نوراني واخذ ابوي وراح فزيت من الحلم واني ميته من العرق

كنان- اسم الله اسم الله شبيج شجان

شجان- مابي... مابيه شي مابيه شي

ضليت اتنفس سريع احس بخنگه اباوع للطريق شويه ونوصل البصره ضليت اباوع من الجامه واتذكر ذكرياتي ويه ابوي وامي واني ابجي بدون صوت لحد ما وصلنا نزلت من السياره ولكيتهم ناصبين جادر وكاتبين لافته " المرحوم نعمه ****" اباوع على الموجودين ما اعرفهم منو هذول بس من ضمنهم شفت اخو سناء عصبت كلش الهم عين يجون رحت طبيت بين الزم وصهيد يحاول يهدي بيه بس اني ما اشوف گدامي

شجان- الكك عيننن تجييي بعدد كل السوتهه اختكك بأبوييي ياا حقراااء خليتوو ابويي يموتت بسببكمم

- شجان بنتي اني مالي ذنب ابوج جان خوش رجال بس بعد مات شنسوي

ما تحملت ورحت ضربته راجدي وهو صار عصبي وگام يصيح طلعت من الجادر وطبيت جوه ولگيت سناء تبجي بنص النسوان رحت طبيتلها وملختها من شعرها وهيه تصرخ واني اجر

سناء - ولجج عوفينيييي عوفينيييي اخخخ شعرييي

شجان- هسسسههه صاررر شعرجج اليومم ما اخليجج تعيشيننن اليومم تلحگينن ابوييي الگح*** المن*** ال**** ما تستحينن على روحججج لجج يتمتيينييي خليتيينيي بلايهه اريدد اشربب من دمجج

ضليت اضرب بيها من كل گلبي اجتي عمه رقيه وطب صهيد بين النسوان وسحبني منهن لمن شافني جاي اقاوم شالني ووداني لغرفه بيبي سعاد محد بيها

صهيد- شجاان !!! شبيجج تخبلتييي! !!!

صاح بيه واني هديت شويه وضليت ابجي

شجان- صهيدد هيهه الي كتلللتت ابوييي ابويي راح بسببهااا خسرتت ابوييي بسببهااا ماريدهااا اهناا ماريدهااا صهيددد

حضني وخلاني ابجي لحد ما اهداء شويه گعد على الجربايه وخلا راسي بضنه وضل يمسح بي لحد ما نمت ...

صهيد

مسحت راسها لحد ما نامت لمن تأكدت منها نامت شلتها وطلعت من الباب الورا واخذتها لغرفتها القديمه ترتاح اكثر اليوم الثاني وهيه ما نايمه خليتها بالغرفه وطلعت نزلت جوه ورحت سويت الاكل ويه كرار ووهبان وسلطان

سلطان- الله يرحمه شجان حيل تأذت بس عيب السوته ليش گعدت تضرب بالرجال وانوب طبت جوه سحلت مراه؟

صهيد- الرجال الضربته هاذ يصير اخو مرت ابوها والمراه تصير مرت ابوها تكول ان هيه الكتلته

وهبان- خطيه والله كسرت خاطري

كرار- اي والله صدك وهسه وينها؟

صهيد- هديتها شويه واخذتها لغرفتها تنام

وهبان- زين السويته

كرار- اي والله احسن لان خطية متعرف شتسوي

سلطا- اي جا غير ابوها

سكتنا كلنا وبدينا نخلي الاكل للنسوان وللزلم …مر اليوم وكملنا ورحت صعدت لشجان فتحت الباب عليها لگيتها بعدها نايمه خفت عليها ورحت ضليت اگعد بيها

صهيد- شجان شجان اگعدي بابا

فتحت عيونها ارتاحيت لمن شفتها گعدت

شجان- صهيد شجابني اهنا

صهيد- اني جبتج اهنا علمود تنامين مرتاحه

شجان

حسيت بحنان اباوع الگاها الساعه بالـ 11 باليل

شجان- هواي نمت

صهيد- تردين اسويلج اكل خاف جوعانه؟

شجان- ماريد ما اشتهي

صهيد- ميصير بابا لازم تاكلين

شجان- صهيد والله ماريد

صهيد- تؤ ميصير هسه اروح اجيبلج اكل واجيج

طلع صهيد ودقائق واجه شايل صينيه بيها ماعون تمن برياني وفوگاه لحم ومرگه دجاج وبطل لبن خلاها الي بالگاع

صهيد- ارجع الكالج ماكله خوش

شجان-صهيد والله ما اشتهي

صهيد- لا تاكلين لتخليني اني اوكلج

طلع من الغرفه واني نزلت ضليت صافنه على الاكل ماعرف ماريد اكل ماريد اي شي اكلت شويه وشلت الصينيه فتحت الباب ولگيت صهيد گبالي

صهيد- كملتي بويه؟

باوع على الصينيه ورفع حاجبه واخذها مني ورجعني للغرفه وسد الباب گعدني على الجربايه وگعد بصفي

صهيد- باعي بابا شجان الموت حق مو صحيح؟ 

شجان- صحيح

صهيد- كلنا الله كاتبلنا الييوم الي راح نموت بي والله كتب لابوج بهاذ اليوم يموت عندج اعتراض على حكم رب العالمين؟ 

شجان- حشى لالله ماكو اعتراض

صهيد- شجان انتِ بنيه واعيه تعرفين شجاي احجي ابوج راح لربه راح للجنه اهناك احسن باعي بنتي الموت واجب علينا كلنا مو بس المسلمين لا كلنا ماكو واحد ما يخسر شخص بهاي الحياه باعي بنتي اني گدامج عمري شگد؟ مو 30؟ ابوي مات صارله 8سنوات ميت  وهاي اني گدامج هم هيج سويت بس بعدين گلت الموت حق وابوي راح بمكان احسن من الدنيا شوفي انتِ هسه بعدج ما مستوعبه الي جاي احجي شجان لتگطعين الاكل والشرب لان هاذ الشي مراح يرجع ابوج او ابوي للحياه شجان احمدي ربج واشكري الف مرا واقري دعاء لابوج الله يرحمه ويغفرله اقري ادعيه لتضلين بس تبجين وگاطعه الاكل ماشي بابا؟ 

حسيت بكلامه صح ابوي مراح يرجع اذا گطعت الاكل والشرب واذا ضليت ابجي على ابوي مراح يرجع نزلت دمعه من عيني مسحها صهيد

صهيد- ما يصير تبجين على ابوج لو البجي فاد ورجع ابوج للحياه جان رجع الامام العباس والامام الحسين لمن بجت عليهم السيده زينب عليهم افضل الصلاة والسلام تذكري السيده زينب امها ماتت وهيه صغيره ابوها مات مطبور اخوها الجبير مات مسموم اخوها الثاني محد نصره ومات مذبوح واخوها الصغير گطعو ايديه ونبتو السهم بعينه وگطعو عنه الماي تذكري السيده زينب صار عدها مسؤوله عن اكثر من 10 ايام ومن ضمنهم السيده رقيه عليها السلام

ضليت افكر وعرفت وتذكرت شلون السيده زينب عليها السلام شلون تعذبت ولمن سبوها وموتو اخوانها باوعت على صهيد وابتسمت بس مو من كل گلبي

شجان- شكرا الك صهيد متقصر

اشرلي على الاكل ونزلت كملت اكلي وشلته ونزلت جوه غسلت المواعين ورجعت صعدت فوك لكيته موجود

شجان- صهيد

صهيد- ها يبعد روحه

شجان-تحلمت بأبوي

صهيد- غرديلي بالله شحلمتي

گعدت احجيله الحلم من اول ما شفته لحد ما اخذ الرجال ابوي وهو اباوع علي عبالك فرحان

صهيد- حلمج حلو ابوج موجود بالجنه والي اخذه هاذ الامام علي عليه السلام

شجان- ليش ما زرنه الامام علي؟

صهيد- عود غير مرا اخذج اليوم التهينه

وخرت منه ورحت للجربايه تمددت ورجعت نمت.. مرت الايام واجه الاربعينيه رحنه كلنا للنجف ورحت لگبر ابوي وامي قريتلهم الفاتحه ورحنه للأمام علي زرنا گعدت اني وصهيد والباقين نص راحو يزورون ونص راحو يجيبون عشى وبقينا بس اني وصهيد وكرار

كرار- رايح اشرب مي واجي تردون اجيبلكم؟

صهيد- ماريد بابا شجان تردين؟

شجان- لا ماريد شكرا

راح كرار وبقينا بس اني وصهيد

صهيد - شجان وحق هاذ علي ابن ابي طالب الي ما احلف بي جذب والس خلقج وخلقني ما اخلي دمعه من عينج تنزل والله الي يبجيج دموع ابجي دم والله ماخلي احد عايش كان من يكن.

حسيت بالامان ويه صهيد
وابتسمتله

شجان- شكرا صهيد ماعرف شلون اشكرك لو ما انت جان اني بعدني لا اكل ولا اشرب ولا انام شكرا لان وگفت وياي

صهيد- ماكو داعي تتشكريني

اجه كرار والبقيه اخذنا الاكل وگعدنا ناكل بالسياره واحنه على الطريق للرجعه للبيت خلصنا الاكل وخلينا الزبل تكرمون بالجيس واقرب حاويه علينا ذبيناها

رقيه- شجان تحسين بتحسن لو بعدج؟

شجان- شويه احسن

صهيد- شجان صارلج 10 ايام غايبه من المدرسه ووصلني رساله اذا تداومين هل سنه او لا

شجان- اي اداوم

صهيد- باجر اجيبلج ملابس مدرسه وجنطه وكلشي علمود يوم الاحد تداومين

شجان- تمام

كنان- شجان اذا تحسين نفسيتج مو زينه أجلي هل سنه

شجان- لا ان شاء الله اكمل ماريد أجل سنه ثانيه

جمره- يا صف تداومين؟ 

شجان- ثالث متوسط

سكتنا ونمت بالطريق گعدتني جمره لان وصلنا
ردت اطب لبيت جدي بس لزمني صهيد

صهيد- غير مرتي وتنامين يمي شنهاي انوب

علوان- هم صدك قبل مو مرتك وامنعك منها هسه مرتك روحي بنيتي هم صدك رجلج وروحي يمه

شجان- ماشي تصبحون على خير

الكل- وانتِ بألف خير

رحنه اني وصهيد وكرار ووهبان للبيت ولمن طبينا رحنا اني وصهيد للغرفه طبيت لغرفته لكيته مغيرها مو نفس الغرفه القديمه لون الغرفه الجديده بني واسود والجربايه لونها بني

شجان- شنهاي مغير بيها

صهيد- غيرتها لمن طلگت مريم ماريد اي شي من ذكرياتها

شجان- خلي تولي اريد انام

صهيد- طبي سبحي ونامي اني هم اريد اسبح وانام

طبيت سبحت وكملت لفيت الخاولي على جسمي وطلعت

شجان- يلا روح طب

باوع عليَ بقى صافن

صهيد- ما تستحين مني ؟

شجان- احنه مو متزوجين؟  ليش استحي منك؟  بالنهايه راح اخلص عمري كله يمك فه ليش استحي؟  وبعدين ترا لافه جسمي بخاولي وشعري هم بس رجليه طالعه شبيك حبيبي روح طب روح طب

انصدم اكثر ومدري شبي حسيت وجه صار حار

صهيد- انتِ تردين ابو سميره يگعد؟

شجان- منو هاذ؟ 

اجه يمي اقترب

صهيد- ابو الجهال حبيبتي

باسني من خدي وراح طب سبح رحت اني بدلت ملابسي ومشطت شعري وسويته ضفيره
طلع هو من الحمام ولاف الخاولي على خصره راح طلع من الكنتور ملابس داخليه وفانيله لبسهن واجه عليَ واخذ المشط وگعد يمشط شعره

شجان- نعسانه

صهيد- اومفي لتنامين

شجان- ليش ؟

صهيد- ننام سوه

بقيت گاعده بمكاني وهو كمل باوع عليَ ولزم خدودي

صهيد-  خدودج شمخليه الهن ليش هيج حمر؟

شجان- عوف خدودي هيي ما ماخليه شي هنه هيج من الله انت تعرف الله لو ما تعرف الله

صهيد- جا سكتي لا اوديج لالله

شجان- اسم الله شبيك

صهيد- اوگفي على الكرسي

شجان- شنو؟ 

صهيد- اوكفي على الكرسي بابا لتشلعين گلبي

گمت وگفت على الكرسي ما اشوف نفسي غير صهيد شالني

شجان- يمعودد ابو الغيرهه العراقيهه نزلنيي

صهيد- ماريد مرتي تتعب اني اوديها للجربايه

شجان- خايفه منك والله بس الله يستر منك

صهيد- والله اني حباب ليش هل قسوه هاي

شجان- شبيك يمعود جاي نشاقه ما تتشاقه انت؟ 

وداني للجربايه وغطاني واجه نام يمي سحبني علي بحيث ضهري صار على صدره وحضني من ورا
اقترب مني وهمس

صهيد- شهرين واسويلج احلا عرس واخلي الكل يسولف بي

شجان- بس ما صار على موت ابوي غير شهر ونص

صهيد- سنه؟ 

شجان- خلينا هيج ماريد عرس

صهيد- اني اريد عرس

شجان- واني ما اريد خلينا هيج ماريد اكلفك اكثر

صهيد- تكلفه شنو بابا

شجان- صهيد المهم تزوجنا وصرنا قانوناً متزوجين وبالدين متزوجين بعد عليمن هل تكاليف العرس وهاي

صهيد- بكيفج

نمت واني احس بأمان بين احضان صهيد اول مرا انام بحضنه واحس بهيج حنان ماعرف شلون اوصف الشعور بس كلش حلو درت وجهي على صهيد بحيث صار وجهي نقابل وجه ابتسمت وعبالي نايم بسته من شفته على كيف

صهيد- خلي ابو سميره نايم

انصدمت عبالي نايم ما عبالي گاعد فتح عيونه وابتسملي

صهيد- عاجبتج البوسه ام الشفه مو؟ 

غمزلي بنهايه الكلام واني استحيت وضميت نفسي جوه البطانيه شال البطانيه من راسي وباوع عليَ

صهيد- تعالي انطيني بعد وحده

شجان- ما كافي هيه وحده وصارت بالغلط

غمزلي

صهيد- بالغلط لو انتِ عاجبج البوسه من الشفه؟

درت وجهي منه مستحيه وتندمت لان بسته بس هو عبالك نايم شمدريني، خلى ايديه على خصري ودراني علي باسني بوسات منفصله بوجهي لحد ما وصل لشفتي ابتسم وباسني بوسه طويله
وخر مني وباوع بعيوني وحضني

شجان- هاي شسويتتت! !!

صهيد- اشش نامي لج لا يجيج الواوي

شجان- تضحك عليَ انتَ

صهيد- نامي لج باجر ورانا روحه للسوگ اشتريلج ملابس للمدرسه

كفخني براسي ووخرت منه سويت نفسي زعلانه منه وبرطمت

صهيد- شلون انيي بمرتي؟

شجان- صهيد كفختني ليشش

صهيد- تعالي ابوسه وين كفختج

شجان- اهناا

اشرت على راسي او مكان الكفخه باسني منه ورجع سحبني علي وهل مرا صدك نمت،  گعدت الصبح لگيته گاعد قبلي رحت غسلت وجهي ونزلت ولبست حجابي ونزلت جوه لگيت كرار ووهبان طالعين وصهيد گاعد على التلفزيون

شجان- صباح الخير صهودي

انتبه عليَ وابتسم

صهيد- صباح الخير يبعد صهودج

شجان- اسويلك ريوگ؟

صهيد- سوي اني ميت جوع منتظرج انتِ تسويلي

شجان- ماشي من عيوني هسه اسويلك

طبيت للمطبخ وگعدت اسوي بالجاي سويت الجاي وسويت بيض وطماطه وصبيت الجاي بگلاصين ورحت لصهيد

شجان- يلا اگعد

صهيد- الله شنو هل الريحه التشهي

گعد گبالي وگعدنا ناكل،  كملنا الاكل وشلت الصينيه ووغسلت الطاوه والگلاصات ورحت گعدت يمه

صهيد- امشي يلا

شجان- وين؟

صهيد- لخالتي غير للسوگ

شجان- اعصابك لك

صهيد- هاي عليمن لك؟

شجان- عليَ

صهيد- روحي بدلي لا ازگطج منا والله

عيبت علي وگمت بسرعه رحت بدلت ونزلت جوه صعد هو بدل ونزل

صهيد- يلا امشينا

صعدنا بالسياره ورحنا للسوگ گعد يختارلي الصدريه والقميص

صهيد- باعي هاي الصدريه حلوه؟ ساده ما بيها اي نقشه وطويله

شجان- اي حلوه

صهيد- بلا زحمه خويه نزلي هاي

اجه الولد ونزل الصدريه اختاريت القميص بي نقشه ورده واخذت حذاء تكرمون لون ابيض وشال لون ابيض اشتريت الجنطه والقرطاسيه وكلشي كامل ورجعنا للبيت سفطت غراضي وخليتهن بالجنطه

صهيد- هاج هذني الكتب اشتريتهن الج

شجان- ليش مو راح استلم من المدرسه؟

صهيد- ينطونج قديمات اني بنتي ما تستخدم شي قديم هذني استخذميهن

اخذتهن منه وانصدمت الكتاب الواحد عبالك قاموس خليتهن بالجطنه وصارت الجنكه ثكيله حيل خليتها على جها ورحت غسلت وجهي وايدي

شجان- صهيد خلي نروح لبيت جدو

صهيد- لا منروح تعالي جيبي كتبج وتعالي عدكم امتحان يوم الاحد

شجان- امتحانيش انوب بعدني ما دارسه شي

صهيد- لتخافين هو الدرس الاول عدكم امتحان بي

شجان- وانت شلون تدري ؟

صهيد- عندي تواصل ويه المدرسات مالاتج لهاي السنه ومنهن راح اعرف شنو عندج امتحانات او شگد اخذتي بالامتحانات

شجان-شعندك بارقامهنن؟ ؟؟؟

صهيد- اسئل عليج والله ما عندي شي وياهن

شجان- شنو عندي امتحان؟

صهيد- رياضيات

شجان- لعبتي الرياضيات

رحت جبت كتاب الرياضيات وجبت دفتر مخليته مسوده گعد يشرحلي واني مرگزه وياه انطاني مسئله علمود احلها وحليتها اله

صهيد- شاطره بنتي عفيه عليج

شجان- شعبالك اعجبك انيي

باسني بخدي كـ مكافأة الي انطاني اسئله وحليتهن وطلع بس وحده غلط

صهيد- اريد كلها هل سنه 100 ماريد 99 فهمتي؟ 

شجان- صار

صهيد- اي واضح عندج اهنا غلط

شجان- وين؟ 

صهيد- اهنا

اشرلي ولكيتها غلط ابتسمتله ورجع شرح مرا ثانيه وهم انطاني اسئله وحليتها وهل مرا كلها صح،  مرت اليومين واجه يوم المدرسه گعدت الصبح ورحت غسلت وفرشت اسناني وبدلت ملابسي ولبست حجابي وخليت عطر ونزلت جوه لگيت صهيد منتظرني

صهيد- نروح؟ 

شجان- يلا

طلعنا ووصلاني للمدرسه خفت اطب وحدي وباوعت على صهيد

صهيد- ها شبيج

شجان- طب وياي عليك الله كللهم الي صار بس اهم شي ما يرزلوني

صهيد- يلا امشي

طبينا جوه للمدرسه ورحنا للمدره وشرحلها صهيد الصار وهيه تفهمت ودلتني على صفي رحت واول ما طبيت للصف ماعرف وين اكعد بقيت واگفه بمكاني لحد ما دخلت مدرسه

- ماما انتِ ليش واگفه؟

شجان- ماعرف وين اگعد

- وين جنتي گاعده؟

شجان- لا اني اليوم داومت

- وتعرفين اليوم عندج امتحان؟

شجان- اي اعرف وقريت

- روحي گعدي اهناك يم هذيج البنيه ... انتِ الگاعده ثاني رحله اكو احد يمج؟ 

ردت عليها البنيه

- لا ست بس اني

- لعد روحي اگعدي يمها

رحت گعدت يمها جانت سافره ما لابسه حجاب ما حبيت اختلط بيها لان صهيد وصاني ما احجي او اختلط ويه أي بنيه طلعت ورقه وقلم وكتبت المدرسه الاسئله وبده الامتحان حليته وجان كلش سهل اني اول وحده كملت

- شنو شبسرعه متأكده حليتي؟ 

شجان- اي والله ست حليت هاج شوفي

انطيتها ورقتي وتأكدت اني حليت صح

- عفيه عليج كلها صحيحه

گعدت بمكاني وخلص الامتحان وبده الدرس الثاني وكل ما تگومني مدرسه اكلها اني اليوم داومت واذا سئلت الطالبات يكلولها اليوم داومت وما نعرفها لحد ما خلص الدوام. طلعت من المدرسه ولگيت صهيد واكف منتظرني

صهيد- هلا ببنيتي شلونج اليوم؟

شجان- الحمد الله زينه الامتحان جان سهل بحيث خلصت اول وحده ولمن المدرسه كتلها خلصت عبالها ما حليت ولمن انطيتها ورقتي كالت كله صح

صهيد- عفيه عفيه اريدج يوميه هيج

رجعنا للبيت وبدلت ملابسي رحت غسلت وسويت غده وصبيت وگعدنا اكلنا اني وصهيد ووهبان وكرار

وهبان-عاشت ايدج شجونه

كرار- الاكل يخبل عاشت ايدج

صهيد- مرتي هيو

وهبان- قابل كلنالها نحبج كلنالها الاكل طيب

كرار- يغار يغارر ابو زر**

بلعت لگمتي بالگوه من الضحك وهو بقى صافن ضرب كرار بخفه

صهيد- اسكت واكل لا اطيح حظك والله

كملنا الاكل ورحت سويتلهم جاي وقدمته الهم ورحت غسلت المواعين وسفطتهن ومسحت المطبخ وعطرته ورحت اخذت كلاصات الجاي وغسلتهن

شجان- صهيد رايحه انام تريد مني شي؟

صهيد - لا بابا روحي

رحت صعدت فوگ ورحت نمت ....

___________________________

يتبع

بنات اسفه جاي اتأخر عليكم بس مثل ما تعرفون العيد والهوسه الي صارت اماگدرت انزل الكم بارت اعذروني والله + قناتي على التلي هاذ اليوزر fjaoio. احبكم 💋💋