رواية "الــيـل الـدامـس فـي الـجـحـيـم" الفصل السابع 7 - بقلم ايـڤـانـي

بسم الله الرحمن الرحيم

اللهم صلى على محمد وال محمد

___________________________________

مرت الايام واحنه برمضان تعب وصهيد من هذيج العركه وما اجه تقرببا صارله 15 يوم ما جاي
رحت للمطبخ علمود اسوي الفطور ويه عمه رقيه

رقيه- روحي اگعدي يمه اني اسوي الفطور

شُجان- لا اني وياج خلي اساعدج

رقيه- شبيج شجونه صارلج فتره ما تطلعين بس تفطرين وترجعين لغرفتج حتى كنان وجمره ما تحجين وياهن

شُجان- هيج عمه ماكو شي

كرار- سلام عليكم

رقيه- وعليكم السلام شلونك كرار

كرار- الحمد الله زين شُجان شلونج؟

شُجان- زينه

كرار- شُجان باقي اربع اشهر  وتبدي المدرسه تداومين؟

شُجان- اي طبعا

كرار- گلتي لصهيد؟

شُجان- وخ*را شعلي؟

كرار- غير يعتبر ولي امرج؟

شُجان- ايع لا ما كتله واروح وحدي

كرار- لعد كولي لجدو خلي هو يرجعج

شُجان- اوكي

رقيه- صدك يمه كرار جا اخوك وين صارله فتره ماكو

كرار- للأمانه اني هم ما شايفه اليوم كله بالغرفه يم مريم وبالفطور تسويله فطور وتعوفني اني ووهبان ميتين جوع نجي يمكم ناكل ما تشوفينا اربعه وعشرين ساعه لازگين بيكم

شُجان- هههه عبالك مسويتله سحر وعلي

كرار- شمدرينا يمكن صدك جنها عجل رحمه لدينه شلون يحبها لا خلقه لا اخلاق كلشي ماكو

رقيه- لا هاي هيه وصل صيامك

كرار- يلا ميخالف وين الجماعه؟

شُجان- يا جماعه

كرار- عمي وجدي ووهبان وين؟

شُجان- تلگاهم كلهم بالاسقبال

كرار- رايح يمهم

راح يمهم وضلينا بس اني وعمه رقيه نسوي بالفطور رحت فرشت السفره واجتي وياي جمره وكنان يساعدوني رحنه خلينا الاكل والتمر والبن خليتهن على جهه گعدنا كلنا على السفره وبدينا ناكل

علوان- ماطولكم كلكم موجودين حبيت اكلكم اريد اعزم مصطفى وباقي الولد رمضان وشهر الطاعه وهم على الواهس اعزم صهيد

سعاد- والله الي تشوفه

عباس- التشوفه بويه

كرار- من هسه اكلكم صهيد ميجي هاي العجل طاگته بسحر مفرفرته تفرفر مخليته طلي

وهبان- اخوك الجبير ولك

كرار- الجبير وانطگ بسحر جا اني شنهي بيش تطگوني بطابوگه؟

جمره- لا ببلوكه علمود بسرعه لالله

كرار- هاا جمرهه هيج صارت

عيبت علي جمره وضلو يضحكون بقيت صافنه على الاكل ما اكلت شي گمت منهم

علوان- وين؟

شُجان- شبعت

علوان- شكلتي تعالي اگعدي اكلي

شُجان- ماريد والله سفره دايمه رايحه لغرفتي تدون شي؟

كرار- اي

شُجان- شتريد

كرار- ها لا لا بعدين بعدين

درت وجهي ورحت غسلت ورحت لغرفتي ، رحت للشباك وگعدت يمه ضليت اباوع للشارع اشوف الي رايح والي راجع بس كل تركيزي على بيت صهيد على امل بس اشوفه ضليت ابجي من ورا مريم خسرت اعز انسان عندي گمت ورحت للجربايه غطيت نفسي وضليت صافنه على. الحايط اندك الباب مسحت دموعي

شُجان- تفضل

كرار- لبسي شي راح اطب

تغطيت بالبطانيه وما خليت شي مني يطلع غير قرص وجهي

شُجان- طب

طب كرار وخلى الباب مفتوح
اجه گعد بعيد عني

كرار- باعي شجونه اني شاك بهاي مريم بس لازم اعرف حقيقتها بأسرع وقت

شُجان- هههه ضحكتني بس لتعديها لان مستحيل هاذ يصير

كرار- ماكو شي مستحيل على ربج وداعتج اله اندم هاي مريم

شُجان- ليش جاي تسوي كل هاذ؟

كرار- هيج بس مجرد احب اساعد

شُجان- شكرا كرار انت الوحيد الي وگفت وياي

كرار- عادي يمعوده ما بينا شكر

طلع من الغرفه وسد الباب مرت الايام نفس الشي واجتي ليله القدر رحت صليتها الـ 100 ركعه

شُجان- يارب بحق محمد وآل محمد تشرح لي صدري وتوخر كل هم وغم مني يارب طلع مريم على حقيتها يارب خلي صهيد يعرف بيها هيه جذابه يارب اتمنى كرار يصير احسن مهندس يارب اتمنى كل الخير لهاي العائله يارب كنان تتزوج وهبان ويعيشون حياه سعيده يارب جمره تتزوج كرار ويعيشون حياه سعيد

دعيت للعائله كلها ان تعيش حياتها سعيده كملت صلاتي ورحت ضليت اباوع بالتلفون شفت رساله من رقم غريب

- سلام عليكم

شُجان- وعليكم السلام منو؟

-اخيرا رديتي

- منو؟

- نعمه ابوج

انصدمت ابوي؟ مو سافر للبنان شجابه؟

- شتريد

- تعالي يمي محتاجج يمي

- لمن مرتك رادت تزوجني غصبا عليَ ما جنت متاجني؟

- طلگتها وداعتج شجونه بروح امج تعالي يمي اني بيه مرض السرطان

- بابا تحجي صدك؟ ؟؟

- وروح امج

- ماگدر اجي

- ليش

- كل مستمسكاتي والجواز مالتي ببيتك

- لا انطيتهن لصهيد

- ها

- صدك سمعت بصهيد تزوج وانتِ شعندج اهناك بعد تزوج صهيد تعالي يمي

- اجيب جوازي واجيك

- تعالي بأسرع وقت اريدج قبلل العيد تجيني

- العيد بقاله 10 ايام اني اقل هذني الـ10 ايام اني يمك وعد

- اخذي راحتج بنيتي وعلي مشتاقلج اني اجيج للمطار بس علمود اشوفج

نهيت المحادثه بـ مع السلامه بابا اشوفك بعد كم يوم رحت ضليت اباوع على الجامه ما لگيت احد وورا شويه لگيت مريم وصهيد طلعو من البيت هاي فرصتي علمود اگدر اخذ جوازي ومستمسكاتي رحت ركض البس العبايه والشال وطلعت على كيفي. ، وصلت لبيت صهيد فتحت الباب على كيفي وطبيت جوه جانت الساعه بالـ2 باليل ماعرف ليش هسه طلعو معليَ بيهم رحت ركضت لغرفه صهيد فتحت الباب جانت الغرفه متغيره كلش الجربايه ام النفرين والكنتور هم صار اكبر رحت ضليت ادور اعرف وين يخلي الجناسي والمستمسكات صهيد ضليت ادور

شُجان- وينن وديتهنن بالله شنهاي

رفعتها وجانت جنسيه مريم

تفلت عليها تفله هوائيه

شُجان- تفف لهل وجه الخرا هاذ

رجعتها وضليت ادور لگيت جنسيتي والجواز السفر واخيرا اخذتهن ورجعتهن لگيت البوم صور اخذته وضليت اباوع لگيت صوره حلوه لصهيد جان بيها لابس قميص ابيض وبنطلون اسود ومخلي القميص جوه البنطلون وبصفه الكسندر حصانه المات اخذتها وياي ماعرف ليش رجعت كلشي لمكانه وطلعت من الغرفه سمعت صوت الباب ينفتح ركضت لغرفه كرار ادري بي ما موجود نايم يمنا

مريم- شبيك صهيدد والله جاييي اكلك حاملل حامللل

انصدمت مريم حامل بس ما صارلها هواي وهو كال مراح المسهااا! !!!

صهيد- مريم يعني راح اصير اب؟

مريم - اييي حبيبيي راح نصيرر ام واببب

صهيد- الحمد الله والشكر الك يا ربي بس شلون؟

مريم- شنو  نسيت هذاك اليوم شصار بينا؟

صهيد- مريم لتخبليني رمضان شلون اگدر اسوي بيج هيج

مريم- شبيكك صهيدد يعني جاي تجذبنيي؟

صهيد- مجاي اجذبج بس اني ادري بروحي ما اسوي هيج شغلات برمضان اني حتى التدخين عفته ورا رمضان ابدي ادخن لتخبليني مريم

مريم- شبيكك هستوكك كلتت راح اصيرر ابب شبيك بعدينن تغيرتت

صهيد- مو تغيرت وداعتج بس مصدوم

مريم- حبيبي خلينا فرحانين وهم جدو عازمنا باجر

صهيد- خوش روحي للغرفه اني رايح

مريم- وين؟

صهيد- معليج

مرت الدقائق وما سمعت صوت طلعت على كيفي وطلعت من البيت ورجعت لبيت جدو ورحت لغرفتي ضميت الجواز والجنسيه بجنطه ودحستن بحيث مينشافن رحت نمت ، گعدت الصبح على هوسه رحت غسلت ولبست حجابي ونزلت جوه لكيت صهيد ومريم موجودين وصهيد لمن شافني ضل يباوع واني ما سلمت لا علي ولا على مريم ببساطه ماريد اشوفهم

مريم - شدعوه عليج عيني دكولي على الاقل مبروك

شُجان- وعلى شنو؟

مريم - صهيد راح يصير اب واني ام انيي حاملل

شُجان- قابل راح تجيبين ولي العهد هو طفل؟

مريم- عوع شبيج

علوان- مريم كافي شبيج ويه البنيه

مريم- جدو ما شفتها؟

علوان- ما حجت شي صهيد سكت مرتك

صهيد- مريم كافي

انزعجت وضلت تباوع عليَ وتخوزر واني طول الگعده اباوع بالتلفون طلعلي فيديو ضحك فه ابتسمت مجرد ابتسامه

مريم- هاا ويامن تحجين وهيج تضحكين ضحكينا وياج؟

شُجان- شعليج؟ شعليج ويامن احجي وويامن اسولف؟ عسى ميكون حبيبي شعليج انتِ؟

مريم - هااا شفتووو طلع عدها حبيب

گام صهيد وسحب تلفوني وشاف. الفيديو وراح فتش تلفوني كله  رجعلي التلفون

صهيد- مريم كافي شُجان ماعدها هيج سوالف

علوان- لا واضح انت صدگت ماعدها شي بحيث گدامي وتروح تفتش تلفونها وانت مالك اي حق تفتش تلفونها فهمت لو لا

صهيد- اعتذر، رايح اني شويه واجي

طلع صهيد ومريم بقت گاعده رحت صعدت فوك جمره وكنان ما لكيتهن جوه رايحات للسوك ويه بيبي سعاد بقيت گاعده اباوع بالتلفون صرت اباوع بالتلفون اكثر من ما اطلع او انزل جوه وصلني اشعار من صهيد

- شُجان تعالي اريد احجي وياج اني بالبيت

- بصفتي منو اطب لبيتك؟

- لا تمسلتين تعالي جاي اكلج

- جايه جايه كبر

- هاي عليمن لكبر؟

- على مريم بس اسكت

سديت التلفون وغلست علي ما رحت رجع اتصل بيه هل مرا

صهيد- مو كتلج تعالي؟

شُجان- شنو ما ما اجي لو مدري شيصير

صهيد- اخر مرا اتصل عليج واذا ما اجيتي اني اجي واخذج بأيدي وشيصير خلي يصير

شُجان- دروح بابا روح

سديته وباوعت بالشباك اشوفه هاذ طلع من صدك خاف يسويها رحت بسرعه خابرت علي

شُجان- مخبللل مسودننن اني جايهه كبرر

صهيد- والكفل زينب اذا ما اجيتي اسود ليلتج

سديته وباوعت لگيته رجع للبيت نزلت جوه وبدون ما احد يعرف طلعت من الباب الثاني الي محد يروحله او يوصله اصلا طلعت وركضت لبيت صهيد
فتحلي الباب وطبيت باوعت بعيونه واني ناطه من العصبيه وهو هم عصبي

شُجان- شنووو غايتكك؟ شنوو تريددد منييي

صهيد- ماريد مريممم افهمييي اني ما اريدد مريممم

شُجان- ما تريدهاا واني شلي غرض ؟شعليهه انييي بيكك وهيه اصلاا حامللل منكك

صهيد- يعني ما تحبيني؟

شُجان- لا ما احبك اكرهك

دفعته وطلعت من البيت قررت اروح لابوي بس شلون؟ مااندل المطار واخاف اروح وحدي قررت اگول لكرار لان هو اقرب واحد الي رجعت للبيت وصعدت فوك وديت عبايتي ونزلت جوه لگيت كرار موجود وياهم

شُجان- كرار تگدر تشوفلي البوري مال الحمام ماعرف شبي

كرار- شبي؟

شُجان- ماعرف تعال شوفلياها

كرار- جايج

رحنه صعدنا فوك ولمن تأكدت ماكو احد

شُجان- كرار البوري ما بي شي بس اني اريد اكلك على شغله واريدك تساعندي

كرار- بشنو اگدر اساعدج؟

شُجان- اريد اسافر

كرار- وين؟

شُجان- لابوي

كرار- هوب هو ابوج مو مات؟

شُجان- لا الصراحه لا اني بنت خالك ولا اقربلك اني بنيه صرت دخيله عند صهيد وشلون اكلك تقريبا حبيت صهيد ولمن تزوج زعلت كلش وهسه اني اريد ارجع لابوي

كرار- احجيلي بالله قصتج؟

بديت احجيله قصتي من الالف الى الياء وهو بقه ساكت ويهز براسه

كرار- اعرف منو راح يساعدنا علمود نكشف مريم على حقيقتها

شُجان- لاا عوفهاا هيه حامل هاي هيه خليها اني اروح لابوي احسن كرار عليك الله لحد يوم الجمعه اني يم ابوي

كرار- شنو من الايام اليوم؟

شُجان- خميس

كرار- يعني باجر تردين؟

شُجان- الجايه مو باجر

كرار- عيوني الج تدللين اساعدج انتِ مثل اختي

شُجان- شكرا كرار ما انسى وگفاتك وياي يارب تتزوج الي تحبها ربي يوفقك بكلشي تسوي

كوار- امين

طلع كرار من الغرفه بعد ما اتفقنا شلون راح يساعدني علمود اروح لابوي والخطه كـ الاتي كرار راح يجمع العائله كلها بالصاله وراح اكلهم تعبانه مالي خلگ كرار راح يلهيهم واني راح اطلع من الباب الثاني انتظر كرار ولمن يطلع ياخذني للمطار وبهيج اني اروح لابوي ، مرت يومين واني احسب يوم يوم علمود يجي الجمعه، صارت عندنا عزيمه والتهينا بيها كملنا لليل وبقو بس احنه وصهيد ومريم اني بقيت بالمطبخ انظف المطبخ كملته ورشيته بمعطر وردت اصعد للغرفه صاحتلي مريم

مريم- هيو انتِ شجره مدري شسمج

شُجان- شتردين؟

مريم- اكره صهيد بيج

شُجان- ليش هو يحبني علمود تكرهينه بيه؟

مريم- ماعرف بس انتِ تحومين على رجلي عوفي اعتقي تره صار رجال متزوج

شُجان- خوش تريدين بعد شي؟

مريم- لا

راحت طبت للحمام وما طلعت اله ورا ساعه وهيه تصرخ نزلت جوه اشوف شكو ولگيت العائله كلها ملتمه بالحمام ضليت اباوع اشوف الحمام متروس دم ومريم بالگاع تبجي

مريم- صهيدد ابنييي مااتتتت ابنييي ماتتت صهيددد

صهيد- اهدئي يمعوده ماكو شيي! !!!

رقيه- يمه يا ماكو شي ما تشوف الدمم

صهيد- ما بيها شيي ابنيي ما بي شيي

مريم- انتِ اليي وگعتيي حسدتينييي على ابنييي

شُجان- واني شعليه بكلشي ومدخلتني؟

صهيد- يمكن صدك! !

باوعت علي بصدمه هاذ شيحجي

شُجان- شنو؟

صهيد- انتِ ما تحبين مريم ودائما تحاولين تضرينها مريم ما سوتلج شي ليش تحاولين تضرينها هيج وانتِ الي قتلتي ابني ماجنت متوقع منج ابدا ماريد اشوفج بعد اهنا فهمتي لو لا!!!!!!!!

الكلام مثل السم على گلبي انكسرت منه اكثر من مرا ما اتحمل بعد صعدت فوك وهمه بقو جوه اخذو مريم للطبيب ، رحت لميت ملابسي الي احتاجهن واخذت تلفوني وجوازي واني جنت مجمعه كم فلس يعني يكفي اشتري بيهن تكت طياره راسلت كرار وجاوبني

- شُجان هاي شصاير؟

- ما صاير شي بس مريم اتهمتني للمرا المدري شگد بس هل مرا بقتل اتهمتني اني قتلت ابنها

- شنو شجاي تحجين يا ابن شُجان ترا سمعتها هيه والدكتور تكله انطيك كلشي بس كول الهم الطفل مات

- شنو شجاي تحجي كرار يعني متأكد

- وروح ابوي ولمن طبيت سوت نفسها عود تبجي ومقهوره والدكتور لمن شافني كال الباقي في حياتك

- گلت لصهيد؟

- لا لان مراح يصدك

-هم صدك

- اي

- كرار

- ها

- جهز السياره اخذني للمطار اريد اروح لابوي بعد ما اتحمل

- وين اوديج بهل ليل اذكري الله باجر اني احجزلج تكت

- ماكو داعي حتى لو ابقه للصبح اهم شي ما ابقه بهاذ البيت

- ميصير باجر احجزلج تكت

- اوعدني

- وعد باجر احجزلج

سديته منه ورحت ضميت الجنطه جوه الجربايه علمود محد يشوفها تأكدت من جوازي والمستمسكات ولكيت صوه صهيد الي اخذتها

شُجان- اذيتني بس بعدني احبك لاكن مستحيلل اتنازل عن كرامتي علمودك اني عندي اهم شي نفسي راح ابدي حياتي بالبنان راح اعيش وانساك اتمنى منك تنساني ماصرت تهمني مثل قبل صهيد

رجعت ضميت الصوره ورحت نمت سمعت تلفوني يدگ الساعه بالـ 9 ونص لگيته كرار

شُجان- الوو ها كرار

كرار- نزلي بسرعه من الباب الورا هسه كلهم نايمين

شُجان- صدك والله؟ جايهه

سديته وبسرعه اخذت جنطتي ولبست عباتي ونزلت جوه طلعت من الباب الورا ولگيت كرار واگف منتظريني بسيارته

كرار- صعدي بسرعه هسه يگعدون والله

صعدت وياه واتوجهنه للمطار اول ما وصلت

كرار- شجان هاج هذني فلوس اتمنى يكفي وانتبهي لنفسج اتمنى مو اخر مرا اشوفج بيها اعتبرتج مثل اختي

شُجان- شكرا كرار مراح انسى معروفك وياي ساعدتني اهواي

اخذت منه الفلوس وودعته وطبيت للمطار كملت الاجرائات الازمه بالبدايه ما سمحلوي ادخل بسبب عمري ووحدي فقررت اتصل على ابوي

- الو ها بابا اني بالمطار والي يشتغلون اهنا مجاي يقبلون ادخل تگدر تحجي وياهم؟

- انطينياهم

انطيت تلفوني وحجه وياهم ان اني اريد اروحله لان هو سافر قبلي واني اسافر اهناك دراسه اقتنعو وخلوني ادخل اول ما صعدت بالسياره خفت بس ما تراجعت صعدت بالطياره وانطلقت بينا الى لبنان...

العراق - صهيد

گعدت الصبح ورحت لبيت جدي حسيت بشي موزين نفيت كل الشعور والاحساس الاجاني اجتي مريم

مريم- حبيبي اريد اروح لبيت اهلي

صهيد- روحي

مريم- يعني مراح تگلي لترحين راح اشتاقلج ?

صهيد- مريم اني بيا حال وانتِ بيا حال روحي لاهلج ابقي شگد ما تردين ابقي

مريم- اعصابك حبيبي شبيك وبعدين باجر العيد وهاي.

صهيد- مريم كافي عليج الله اعتقيني روحي مني مالي خلگج

گمت منها ورحت سبحت ولبست ملابسي ورحت لبيت جدي اول ما طبيت عليهم وجوهم مگلوبه الي يبجي والي مصدوم والي يخابر ويكول دورو عليها استغربت

صهيد- شكو؟

علوان- اي اي مع السلامه اتمنى منك تلكاها ... صهيد شُجان ماندري وينها گعدنا الصبح ما لگينها

صهيد- شنو ما لگيتوها؟  جاي تشاقون وياي لو شنو وين شجانن؟

سعاد- ماندري بيهاا يمهه ما ندريي مانعرف وين راحتت البت

سلطان- يعني ما معقوله راحت لمكان بعيد هيه ما تندل المنقه زين يمكن راحت لبيت صديقتها؟ 

صهيد- سلطان لا تضل تاكل تبن شجان ماعدها اهنا صديقات بالمنطقه ولو عدها اني اول واحد اعرف بس هيه ما عدها وين راحتت ... كنان جمره خويه ما تعرفن وين راحت ؟

كنان- والله لو اعرف من عيني اگلك بس ما عرف بيها

جمره- كلنا ما ندري وين راحت

كنان وجمره وعمه رقيه والحجيه يبجن واني وسلطان ووهبان وعمي عباس وجدي مصدومين

صهيد-كرار وين؟ 

وهبان- ما موجود ما شفنا

بهل اثناء طب كرار ووجه مبين علي تعبانه

صهيد- وين جنت؟

كرار- طالع

صهيد- تعرف وين مكان شجان!

كرار- لا

صهيد- كول وروح ابوي ماعرف

كرار- ماكول

وهبان- كرارر لا تتمزعط وكول وين البنيه

كرار- كافي ترا تعبتوهاا من وراك صهيد انتت الي خليتها هيج انت الي خليتها تفكر بهاي الطريقه ضلمتها هواي بس علمود مرتك شجان جانت تثق بيك وجانت تحبك بس انت كسرتها اكثر من مرا اصحى صهيدد اصحى

ضل يصيح عليَ واني ساكت ماعرف شجاوب صدك اني زعلت شجان وخليتها هيج كسرتها اكثر من مرا اني خسرتها ... ورا كرار دخل عمي عصام شجابه اهنا؟  مو على الاساس طلع من البصره؟

كرار-  صهيد اني وعمي عصام قررنه نتساعد ونثبتلك مرتك وحده حيه

عصام - اني اعتذر على الي صار قبل بس شجان اعرفها من وهيه صغيره متسوي هيج شغلات وحافظها اكثر من بناتي اعتبرها بنتي واعرف شجان متسوي هيج شغلات وانت اتهمتها باطل صهيد

علوان- انت شجابك اهنااا كرارر هاذ شجابه اهناا! !!!!

كرار- جدي عمي قرر يساعدني علمود نمسك ادله على مريم وو..

انطاني تلفوته وهو مشغل فيديو لمريم وهيه تدخل لبيت ساحر تسوي سحر الي  وكلام الساحر الموجود بالفيديو الي يثبت ان مريم اجتي علمود تسحر الي بقيت واگف مصدوم هاي شنو حسيت حياتي عباره عن مسلسل بس مسلسل ماعرف شنو نهايته

صهيد- شجان ويننن

كرار- مراح اكلك

صهيد- لا تلعب وياي كرار واحجي وينن شجانن

كرار- راحت بعد ما ترجع ولا تريد تشوفك

علوان- كرار لا تلعب علينا احجي وين وديت البت

كرار- راحت يم ابوها

علوان- شنهي يم ابوها يعني ماتت؟

صهيد- لا

علوان- جا؟

صهيد- شجان مو بت خالي شجان صارت عندي دخيله ونقذتها من مرت ابوها ولمن ابوها رجع علمود يرجعها ما قبلت وقررت تبقى اهنا لان جانت تحبنا

علوان- يا ادبسزز يا ما تستحي ولكك صارتت عندكك دخيله طيح الله صبغك يا حقير اني ما شفتت يوم احد حقير بگد ما انت حقير انت واحد ما تستاهل شجان ولا تساهل تحبك انت مال واحد يكظك ودك على راسك صهيد بعد لا تجي يمنا لحد ما ترجع شجان النا ولا وحق هو الله والي ما ينحلف باسمه جذب لا اخلي ليلك ليل ولا نهارك نهار الك منا لاربع اشهر اذا ما اجتي شجان اطلع ضيم الله كله بيك

اول مرا اشوف جدي هيج عصبي طلعت من البيت ورحت لبيت مريم

ام مريم- هلا يمه شلونك

صهيد- لا يمه ولا خرا وين بتج هاي

اجتي مريم تركض

مريم- شبيك

صهيد- مريم انتِ طالق راح اطلگج واشوف منو يمنعني بالله السحر مالتج؟ ولج ما خليت شي بنفسج اي شي تردينه اجيبه الج كلتي بعد لتحجي ويه شجان وما حجيت وياها وقسيت وياها ومن وراج راحتت منيي خسرتت شجانن من وراج كتيلي قلل سفراتك لبغداد وصارلي من تزوجتج والي هسه ما رحت ولج هوو شهررر شهرر شلعبتيي بينا لعبب وعلي ابن ابي طالب الي احلف بي وحق هو علي والسماه علي اموتج تموت

لزمتها من شعرها وبديت اضرب بيها اجتي امها تريد توخرها

صهيد- والعباس ابو راس الحار اذا اجيتي اهنا انهيج انتِ وبنتج ما كافي خليتوني اخسر الانسانه الي حبتني من صدك؟

ابتعدت امها من الخوف واني ضليت اضرب بمريم وخرت منها واني رافع اصبعي بتحذير

صهيد- والحسين اذا سمعتج جايه لبيتي لو مسويه مرا ثانيه سحر اطلع قهري كله بيج

طلعت من البيت وهيه تبجي وامها تغلط عليَ رحت لمركز الشرطه وقدمت بلاغ

الشرطي - شوكت اختفت؟ 

صهيد- ماندري يعني تقريبا صارلها السالفه اربع ساعات هيج وهيه لمن اختفت ما ندري وين

الشرطي - اكيد هسه تجي

صهيد- اني اعرف هيه متجي بس اطلبك بطلب واحد تدورون عليها بالمطار

الشرطي - لان اعرف عمك عباس راح اساعدك ولا لو ما اعرفك جان هسه كتلك انتظر تمر 24 ساعه يالله بس تدلل ابني ميخالف.

طلعت من المركز ورجعت للبيت انتظر الشرطي يدور عليها ماكو اي اثر الها مرت شهرين وهيه ماكو فقدت الامل اشوفها مرا ثانيه ولا رايح لبيت جدي ما اشوف احد ولا احد يشوفني باقي بالبيت ولا اطلع ولا اطب بيوم اتصل عليَ رقم غريب استغربت شلته

- الو السلام عليكم انت صهيد

- اي نعم اني صهيد

- ابشرك لگينا وين شجان

گلبي يدگ بسرعه ما سيطرت على نفسي

- جايك

انطلقت لمركز الشرطه واني گلبي يدگ لگيتها واخيرا لكيتهاا...

لبنان - شُجان

وصلت للبنان واستقبلتي ابوي حضنته حيل مشتاقتله

نعمه- بنيتي شلونج؟

شجان- الحمد الله زينه بابا انت شلونك

نعمه- الحمد الله زين امشي يلا اخذج لبيتنا الجديد

اخذني ووداني لبيته جان حلو مكون من ثلاث غرف غرفه ابوي وغرفه مجهزها الي وغرفه مسويها مخزن واستقبال ومطبخ وحمام جان حلو كش

نعمه- هاي غرفتج واني هذيج غرفتي

حضنته حيل مشتاقتله هوايي

شجان- شكرا

نعمه- روحي ارتاحي وعود باجر نحجي

طبيت للغرفه وخليت غراضي بالكنتور ورحت سبحت وبدلت ملابسي ورحت نمت . گعدت ثاني يوم الصبح وصبحت على صوت ابوي اشتاقيت اصبح بهاذ الصوت رحت فتحتله الباب واستقبلني

نعمه- يلا امشي نروح ناكل سويتلج احسن اكل

شجان- بابا ما يحتاج والله اني اسولك اكل

نعمه- امشي بابا امشي يلا غسلي وتعالي

رحت غسلت ونزلت جوه لابوي لگيته مسوي بيض وجبن وزيتون وزعتر وجاي . گعدت على الطاوله وگعد ابوي گدامي بديت اكل

شجان-بابا اني لمن اكمل راح اروح ادولي على شغل

نعمه- ليش؟

شجان- ادور على شغل علمود اعرف اصرف عليك وعلى نفسي اريد اعتمد على نفسي

نعمه- ودراستج؟ 

شجان- راح اكمل دراسه اهنا كرار ساعدني بكلشي وبعد ثلاث اشهر يالله تبدي المدرسه فه قررت بهذني الفتره اجمع فلوس المدرسه

نعمه- بكيفج سوي الي تردينه

شجان- احبك بابا

ابتسم الي ورديتله الابتسامه كملت الاكل وغسلت المواعين رحت بدلت ملابسي ولبست حجابي وطلععت ادور على شغل صح ما اندل بس بيت ابوي قريب كلش على المطاعم والكافيهات دخلت على كافي ورحت للموضف

شجان- السلام عليكم

- وعليكم السلام كيف اساعدك؟ 

شجان- اريد اشوف المدير

- المدير مش هون لساتو ما جا اذا اجا شو بقوله؟

شجان- اريد اشتغل اهنا

- والله يا اختي اعذريني مافي مكان هون وشوفي يعني في كتير موضفين

شجان- شكرا

- عفوا ولو

طلعت من الكافي وضليت افتر لگيت مطعم معلگ لافته نحتاج موضف طبيت

شجان- السلام عليكم

جانت الموضفه بنيه كلش حلوه ولطيفه

- اهلين وسهلين عمري بشو اخدمك؟

شجان- اجيت اهنا علمود الافته تردون موضف

- اي حبيبي بدنا موضفه حلوه متلك

شجان- يعمري،  اقابل المدرير ؟

- اي حياتي تعالي معي،  ميرا تعالي لهون اوقفي هون شوي بس ببعت البنت لالمديره وبيجي

اجتي البنيه والموضفه اجتي وياي وودتني للمديره دخلت وجانت المديره وجه بشوش كلش ولطيفه

المديره- اهلا وسهلا تفضلي

گعدت يمها والموضفه استأذنت وراحت بقينا اني والمديره

المديره- مرحبا انا اسمي سوسن وانتِ؟

شجان- اسمي شجان

سوسن- كتير حلو اسمك اديش عمرك

شجان- طبيت16

سوسن- كتير صغيره يحبيبتي

شجان- اعرف بس احتاج الشغل

سوسن- هو مش مسموح لعمرك

شجان- يعني مراح توضفيني؟

سوسن- حبيبتي اذا انتِ بدك الشغل اهلا وسهلا فيكي من بكرا تقدري تجي تشتغلي

شجان- تعالي ابوسج

سوسن - هههه يحبيبي

شجان- من باجر ان شاء الله بيش الساعه اجي؟ 

سوسن- شو؟ 

شجان- اديش الساعه بجي؟ 

سوسن- اهاا تعالي على 9:30

شجان- تلگيني من الساعه بالـ9:00 ضبط يمج وداعتج

سوسن- لا مش هيك يالله شو كتير مضومه

ودعتها ورجعت للبيت واني فرحانه فتحلي ابوي الباب وگعدت اغني وارگص

شجان- تريريريريري تريري تريري ترلالا ترلالا ترلالا

نعمه- شبيج

شجان- انقبلتتت اشتغل بمطعم

نعمه- والله؟  والله مبروكك

حضني بعد شويه رحت سويت غده لابوي سويتله اكل ورحت اني جهزيت نفسي ونزلت جوه

نعمه- يلا تعالي اكلي؟ 

شجان- اي هسه اكل

گعدت يمه گعدت اكل وياه وضلينا نسولف ونضحك كملت اليوم على سوالفنا اني وابوي وضحكنا وثاني يوم بلشت شغل رحت الساعه بالـ 9:20 لان المطعم يبعد عن البيت بس 10 دقائق وصلت للمطعم وفتحته البنيه الي استقبلتني

- اهلا انا اسمي لانا

شجان- هلا بيج اني اسمي شجان

لانا - والله اهلا وسهلا فيكي راح تبلشي شغل نظفي الطاولات وبعدها الارض

شجان- اي ماشي

بلشت انضف وعلى هل حال لحد ما كملت شهر لانا صارت صديقتي عكس ميرا تغار مني لان الوحيده المحجبه ودائما احصل مدح من المديره ومن لانا

ميرا- شو اسمك انتِ شوجان ولا شو؟

شجان- نعم؟

ميرا- سمعت انك بالثانويه كيف بدك تعيشي هون؟ 

شجان- شنو تقصدي حبيبتي؟ 

ميرا - ما قصدي شي بس يعني متى يعني توقفي شغل؟ 

شجان- لمن تموتين حبيبتي

لانا - ميرا المديره بدها ياكي

ميرا- okay

راحت ميرا وبقيت اني انضف بالطاولات واستلم الطلبات رحت يم شاب مبين طالب جامعي دائما يجي للمطعم ويدرس اهنا

-مرحبا بدي بيتزا وبدي عصير لو سمحتي

شجان- اي تدلل نص ساعه والطلب يمك

- لحظة شوي

شجان- نعم

- بدي شي ثاني

شجان- شنو؟ 

- رقمك

شجان- استاذ احنه اهنا نتشتغل مو نتعارف نص ساعه ويمك الزقنبوت

اخذت طلبه ورحت لميرا تجهز الطلب شغلنا كالاتي ميرا الي تطبخ ولانا الي تحاسب واني عليَ انضف واخذ الطلبات، كمل الطلب ورحت وديته اله كملت يومي وبنهايه اليوم صاحتلي سوسن رحتلها

سوسن- تفضلي شجونه عمري هون

رحت گعدت يمها ومدتلي ضرف

سوسن- هاذ راتبك لهل شهر يروحي

اخذته منها واني فرحانه حيل

شجان- شكرا شكرا كلش

سوسن- زيدتلك براتبك لان كنتي تجي بكير وبتشتغلي بذمه وضمير وما يوم شفتك مقصره بواجباتك لهاذه زيتلك بس بتمنى ما تخبري لا ميرا ولا لانا

شجان- لا تدللين وشكرا على الزياده

سوسن- ولو عمري هلا تقدري تروحي للبيت

ودعتها ورجعت للبيت فتحت الباب ولگيت ابوي بالگاع يگح دم خفت وگلبي گام يدك بسرعه

شجان- بابا باباا بابا شبيكك بابا احجي ويايي

نعمه- نفس مجاي اگدر اتنفس

شلت بابا على كتفي وطلعت بي اجرت تكسي واخذته للمستشفى لمن وصلنا اخذو مني وبقيت انتظر ساعه لحد ما طلع

شجان- دكتورر دكتور كول شبي ابوي

- اهدأي انسه ابوكي مش كتير منيح هو عندو سرطان

شجان- اعرف اعرفف ابوي بيي هاذذ المرضض الخببثث بس طمني ابوي عليك الله

- ابوكي اذا ما سوه العمليه الازمه

شجان- وهاي العمليه شوكت

- خلال هاذ الشهر نسوي لو العمليه

شجان- زين شكد تكلف؟ 

- شي 5000ج هيك

شجان- ان شاء الله خير

راح الدكتور واني بقيت گاعده منين راح ادبر هاذ المبلغ بهل سرعه ما الحك ابدا،  طلع ابوي من المستشفى واخذتله ادويه ورجعنا للبيت

نعمه- راح اتعبج وياي رجعي للعراق اهناك انطيج مفتاح بيتي اني مشتريلج بيت اهناك كاتبه باسمج اگعدي بي واني اهنا اموت

شجان- اسم الله عليك بابا لتكول هيج انت راح تصير زين وراح تسوي العمليه

نعمه- منين؟  عندج 5000 ؟

شجان- عندي بس 3000

نعمه- هو راتبج كله 1000 منين جبتي هذني الـ2000 ?

شجان- جنت مجمعتهن وهم كرار انطاني ولمن حولتهن للعمله البنانيه قبل لا اجي

نعمه- هذني 3000 دبرت بعد 2000 منين نجيب؟ 

شجان- يحلها ربي خلي اوديك لغرفتك

اخذت ابوي لغرفته ورحت رجعت لغرفتي افكر شلون راح ادبر هل مبلغ بوقت قصير ، مرت الايام ومر شهر ثاني واني ما مدبره المبلغ بقى شهر للمدرسه وكم يوم على موعد عمليه ابوي وبقيت حايره بين الشغل وبين ابوي بيوم واني جاي اشتغل بالمطعم وجاي افكر شلون راح يدبر لان دبرت 1000 بقالي 1000 المطعم بعده معزلينا ما نفتحه اله لمن تصير الساعه بالـ 10:30 واني بهاذ الوقت انضف وارتب المطعم دخل شخص للمطعم بدون ما التفت لان جنت مشغوله

شجان- اعتذر بس المطعم بعده ما فاتح

صهيد- واني ما اجيت علمود المطعم اجيت علمودج

انصدمت صهيد؟!!! شجابه هاذ هنا التفتت عليَ متغير وجه شاحب لحيته كباره عيونه عبالك واحد منايم صارله ايام هدومه مبهذله حتى نضارات طبيه لابس،  طلعت لانا من وراي

لانا - استاذ بعتذر منك كتير لسا المطعم مش فاتح

صهيد- اعرف اجيت احجي ويه شجان

لانا - شجو انتِ بتعرفي هاد الشب؟ 

شجان- اي اعرفه

لانا - لكان بتركو على راحتكو بروح اكمل شغلي جوه

راحت لانا واني بقيت ويه صهيد گعدنا على احد الطبلات وگعدت گبتله

شجان- شتريد

صهيد- شجان ما اتحمل حياتي بدونج صارت لا شيء اريدج يمي شجان اريد ارجعج وياي

شجان - شنو شجاي تحجي صهيد تعرف شنو صارر بيه اني؟  تعرف شنو الي احسه اني؟ 

صهيد- وعلي والسما علي احبچ ماگدر بدونج وعلي يبعد ديرتي واهلها رجعي يبعد اهلي رجعي صارلي شهرين لا ليلي ليل ولا نهاري نهار

شجان- لتقنعني ماريدك

صهيد- وداعت عيونج انعمتت عيوني بلياج وعلي

شجان- ومرتك؟ 

صهيد- يا مرتي؟  هو غير طلگتها لمن سافرتي؟ 

شجان- ليش طلگتها؟ 

صهيد- سوتلي سحر علمود اكرهج واحب مريم والطفل جان اصلا مموجود ..

بده يسولفلي الصار واني بقيت مصدومه

شجان- بس هم ما ارجع وياك ابوي يحتاج العمليه

صهيد- اني اني ادفع الفلوس وروح ابوي اني ادفعها بس رجعي وياي

بقيت افكر وهو گعد لازم الدمعه ماعرف شبي هاذ صدك يحجي صدك يريد يبجي علمودي ؟ صدك يريد يساعدني علمود انقذ حياه ابوي؟ 

شجان- ارجع بس بشرط

صهيد- موافق قبل لا تكولين الشرط اني موافق

شجان- لا تستعجل خلي اكلك على الشرط

صهيد- گولي يا روح صهيد انتِ أمريني

شجان- تسوي العمليه لابوي

صهيد- من عيني هاي قبل هاي تدللين والله اسويله عمليه باحسن مستشفى بلبنان

بقيت افكر وساكته مرت دقائق وطبت ميرا. اول ما شافتني گاعده ضلت تصيح

ميرا- عفوا!! لي انتِ گاعده احنه الي نشتغل شو بس لالنا الشغل وانتِ تبقي هون جاسه مع هاد الشب؟  وبعدين مين هاد الشب عفوا المطعم لساتو مش فاتح

صهيد- احترمي نفسج هاي تصير مرتي زوجتي واجيت اهنا علمود اشوفها

شجان- شجاي تمسلت؟

صهيد- ليش مو هاذ اتفاقنا؟  ترجعين وياي نتزوج؟ 

شجان- صهيد بس

صهيد- ماكو بس ولا بطيخ اسوي العمليه ونرجع للعراق نتزوج

ميرا- يعني هيك خلاص بخلص منك؟ 

شجان- احترمي نفسج ميرا

طلع صهيد من المطعم. وميرا راحت تكمل شغل واني كملت شغلي.  كملت يومي ورجعت للبيت فتحت الباب ولگيت ابوي وگاعد يمه صهيد استغربت

نعمه- تعالي بنيتي تعالي اگعدي

رحت گعدت يم ابوي وبده صهيد يحجي

صهيد- عمي اني اجيت من العراق للبنان بس علمود بنتك شجان اريدها على سنه الله ورسوله اخليها بين عيوني والله

نعمه- والله اني ما اردك بس تعرف عندي عمليه بعد كم يوم ولازم اسويها

صهيد- اني ادفعلك تكاليف العمليه كلها وسفرتك وكلشي اني اتحمل مسؤوليته

نعمه- صهيد اعتبرك ابني وانت زلمه ونعم الزلم بيك انت رجال شهم وابوك الله يرحمه جان خوش رجال وكلها تشهد علي وانت تريد بنتي

صهيد- اشكرك عمي

نعمه- انت طلبت بنتي وهاي بنتي عزيزه عليَ واني ....

______________________________________

يتبعع...

احممم احممم اسفه على الگطعه بس جاي احاول والله شگد ما اگدر وبعدين هيه شجان مجاي تنطيني احداث شسوي 😾 المهم راح انزل روايه ثانيه اسمها

* ضليل الارض * راح ينزل منها مشاهد والبارت الاول راح ينزل اول يوم العيد احبكم وعيدكم مبارك ان شاء الله 💋💋 واسفه مرا ثانيه على الگطعه