رواية "الــيـل الـدامـس فـي الـجـحـيـم" الفصل السادس 6 - بقلم ايـڤـانـي

بسم الله الرحمن الرحيم

اللهم صلى على محمد وال محمد

_________________________________

ضليت اباوع عليهم واني كل الي افكر بي صهيد شنو راح يكون رده لمن يعرف مو اني الي حرگت الحصان وان هذولل همه الي حرگو

شُجان- عمو ما توقعتها منك ابدا

علوان- توقعوو كلشيي من هل نذللل هاذذ

وهبان- هوو حيواننن ياا حيواننن مع احتراماتي الك

شُجان- وانت؟  ماشفتت شصارر بيههه؟  مااشفتتت شصارر بحالليي؟  محدد جانن مصدگنيي لكك عمو عصاممم ليشش هيجج سويتتت

ماحجه وياي دخت وحسيت اكو شي ينزل من بطني باوعت لگيت دم

وهبان- شُجان بطنجج

كلهم انتبهو وجمره بقت لازمتني

جمره- عفيه اي واحد ياخذها بسرعه المستشفى

اجه علي راد ياخذني بس منعه جدو

علوان- بكللل عيننن صلفههه؟  تريددد تاخذهاا للمستشفى موو؟  لكك تدري هاي شصارر بحاله من وراكك انت وابوك وامكك؟  

انسام- عمي ابوس ايدك لتسلمنا للشرطه

علوان- بسجج ما اسمع حسج انتِ وهذول المطايه اليمج كرار اخذ شُجان للمستشفى اني جاي وراك

سندتني جمره وبسرعه صعدت بالسياره بدت بطني توجعني ضليت اون من الوجع لحد ما حسيت ماگدر بعد اشوف ...

كرار

اشوفها غابت عن الوعي

كرار- جمره حاولي تصحينها

جمره- ماكوو ماجايي تصحى كرار الله يخليكك بسرعه

كرار- شلوننن يعنيي اطيررر؟ 

حسيت بيها راح تبجي سقت بسرعه ، وصلنا للمستشفى ودخلوها لغرفه العمليات گعدت جمره على الكراسي واني رحت خابرت على صهيد

صهيد- ها كرار شنو السالفه

كرار- شُجان انفتح الخياط مالها

صهيد- شنووو شلوننن انفتحح. !!!!

كرار- عرفنا منو الي حرگ بيت الحصان

صهيد- منو؟ 

كرار- علي وعصام ومرته انسام

صهيد- هل گو*** هلل من*** انعلل ال*** الطلعهمم سا*** ولدد الم*** اليومم اموتهمم والله

سد الخط بوجهي حاولت اخابره اكثر من مرا لحد ما قفل التلفون مرت نص ساعه ولگيت جدي وعمي عباس موجودين

علوان- ها بويه بشر؟ 

كرار- بعدها بالعمليات

علوان- بنيتي جمره روحي ويه ابوج رجعي احسن

عباس- يلا بنيتي يلا بابا امشينا

جمره- لاا اريد ابقه اهناا ما اعوف شُجان وحدها

عباس- اهنا جدج وكرار موجودين

جمره- لاا اني اريد ابقه وياها

علوان - ميخالف بويه ابقي

مرت ساعه وطلع الدگتور

علوان- بشر

- ماكو شي بس خيطنا بطنها جان الخياط مفتوح يمكن تعرضت لضغط كلش قوي

عباس - دكتور احنه خايفين على گلبها

- لا اطمنو ما بيها شي بس لازم ما تتعرض للضغط

كرار- الله يجازيك دكتور تعبناك ويانا

- لا ولو تدللون

راح جدي يدفع الاجور ، طبينا على جمره لگيناها گاعده

شُجان- صهيد عرف؟

عباس - بعده

شُجان- خابرو اريده يعرف مو اني الي حرگتته

كرار- لتخافين اني كتله

عباس - شبساع كتله ادري ببغاء

علوان- نقال علوم

كرار- فوكاها

شُجان- اريد اطلع

كرار- مايصير

عباس - اليوم تباتين اهنا راح يبقى وياج جدج واني

كرار- اني هم راح ابقه

جمره- واني هم

علوان- محد يبقى عباس اخذ بتك وروح كرار يبقى وياي

راح عمي عباس ويه جمره وبقى بس جدو وكرار

علوان- جوعانه تردين اجيبلج اكل ؟

شُجان- لا ماريد ، كرار فدوه خابر على صهيد

كرار- شبيج يمعوده هسه يجي

علوان- وين يجي؟ 

كرار- ها يجي اهنا

شُجان- شيجيبه مو راح لبغداد؟ 

كرار- مو خابرته وكال راح اجي ووگعد يفشر على عمي عصام ومرته وعلي

علوان- يستاهلون والله لو يخلي حديده حاميه بـ** هم ما اكول لا شيسوي خلي يسوي

شُجان

بقيت صافنه على الحايط طلعو مني علمود انام بس حاولت انام بس ما گدرت بقيت اباوع للساعه صارت بالـ3 ونص الفجر سمعت احد طب للغرفه بسرعه سويت نفسي نايمه شميت عطره صوته اي هو هاذ هاذ صهيد

صهيد- نايمه اميرتي؟ 

اقترب مني علمود يتأكد اني نايمه سويت نفسي ميته مو بس نايمه

صهيد- اعتذر منج اسف لان زعلتج مني وعد اعوضج عن كلشي صار باعي شصار بحالج صرتي ضعيفه مو مثل قبل وين راحن خدودج ههه اوعدج اله اندمهم واحد واحد خلوني ازعل منج وبقيت ما احاجيج شهرين ونص اله ابجيهم دم بدال الدمع

ضل يلمس خدي سويت نفسي منزعجه

صهيد- ازعجنه الاميره اسفين بس تحملي باجر وعد اني اخذج وارجعج للبيت اني الغلطت بحقج اعتذر منج گدام الكُل

بدا يحجي بحنيه زايده استغربت منه شبي هاذ شارب
حسيته طلع من الغرفه فتحت عيوني اتأكد وصدك ما لكيت احد بالغرفه بديت اغفي ونعست ونمت ...

صهيد

طلعت من الغرفه شافني جدي اشرلي اگعد يمه

علوان- انت تحبها؟ 

صهيد- منو؟ 

علوان- يعني تغشم روحك؟

صهيد- قصدك شُجان لا اعتبرها اختي الصغيره ما احبها

علوان- متأكد؟ 

صهيد- اي

علوان- صهيد

صهيد- ها

علوان- لتجذب عليَ

صهيد- جدي وداعتك ما احبها اعتبرها اختي الصغيره حالها حال ورده وجمره والباقيات

علوان- احجي اذا تحبها

صهيد- وروح ابوي ما احبها جدي اني اعزها بمعزه ورده

مستحيل احبها اني اكبر منها بهواي ماريد اضلمها وياي احاول انفي حبي الها واعتبرها مجرد اخت لا اكثر ركزز صهيد ركز شُجان مثل اختك الصغيره

مسحت على وجهي وگمت

علوان- وين ؟

صهيد- رايح راجع للبيت بس اسبح واجيكم لطلعونها

علوان- كرار راح للبيت هم جا ابقه وحدي؟ 

صهيد- لا هاي هيه ما اروح راح ابقه

بقينا للصبح لحد ما صارت الساعه بالـ 10 الصبح اجه الدكتور وسمحلنا نطلعها ماگدرت اطب جوه بيا عين اطبلها بعد ما اتهمتها...

شُجان

گعدت الصبح واجتني ممرضه شالت مني المغذي

- تگدرين تطلعين هسه يجون اهلج ويطلعونج

شُجان- ماشي

طلعت مني وطب عليَ جدو علوان

علوان - شلونها بنيتي؟ 

شُجان- الحمد الله زينه

علوان- يلا تگدرين تمشين لو تحبين اساعدج؟ 

شُجان- لا اگدر امشي شكرا

تمشيت شويه وحسيت راح ينفتح الجرح رجعت گعدت

علوان- ما تگدرين مو؟ 

شُجان- اي

هزيت راسي اجه جدو علمود يساندني انفتح الباب وشفته طوله لحيته عيونه طوله ، جان مدنگ راسه

صهيد- تحبين اساعدج؟

تذكرت هو شسوا بيه وكلت اله كرامتي، لزمت ايد جدي

شُجان- يلا جدو شمنتظر خلي نرجع للبيت

علوان- هاذ صهيد

شُجان- اعرف بس ماريد اشوفه

تمشى بيه لحد ما وصلت وصرت مقابيل صهيد

صهيد- خلي اساعدج

شُجان- وخر ماريد مساعده

وخر من طريقي وبديت اتمشى عاف ايدي جدي واستغربت منه لگيت صهيد محاوطني وشالني

صهيد- شسوي انتِ ما قبلتي كلت اني اتصرف

شُجان- نزلني لك

صهيد- عليمن هاي الـ لك؟ 

شُجان- عليك ويلا نزلني

صهيد- ما انزلج

شُجان- ايع مسوي بيها باتمان  والمنقذذ شو نزلني

صهيد- والعباس اني صوجي اسوي زين وياج انتِ مال دمغ وعلى راسج

شُجان- راسك احسن

نزلني ورحت استندت على الحايط وبديت امشي على كيف لحد ما وصلنا للسياره ساندني جدو عبمود اصعد صعدت الي ورا

علوان- بنيتي راح افرغلج غرفه جوه

صهيد- وليش تفرغلها جيبها ببيتي وخلي عمه رقيه تجي وياها حتى لو الحجيه تجي

علوان- ما يصير شلون

صهيد - خليها ببيتي ما بي احد وكرار ووهبان طالعين اربعه وعشرين ساعه تدري بيهم واني لو نايم لو بالبستان

علوان- شتگولين بنيتي؟ 

شُجان- ماعرف

صهيد- هاي هيه راح تجي يمي

شُجان- لا ماريد اريد ارجع للبيت

علوان- والله يا جدو احسلج اني بيتي كله مصايب وكلساع تسمعيلج شي وينفتح الخياط بيت صهيد وعمتج رقيه تجي وياج وكنان موجوده هم

شُجان- بكيفك جدو

صهيد- يلا هاي هيه تجي يمي

رجعنه للبيت وتحديدا ببيت صهيد اخذني لغرفه جوه

علوان -اوكف هاي مو غرفتك؟

صهيد- اي خليها اهنا واني انام بالغرفه الفوك

علوان- ها يلا يلا بس اخد ملابسك

صهيد- اي طبعا

ساندني ووداني على الجربايه تمددت عليها

شُجان- كملت؟  يلا اخذ ملابسك واطلع برا

صهيد- غرفتي

شُجان- محد ضربك على ايدك وكلك غصبا عليك تجيب شُجان لغرفتك يلا يلا بلا حجي زايد اخذ ملابسك واطلع برا

صهيد- اعصابج بت يوسف الصديق

شُجان- مايضحك

صهيد- اسف

شُجان- خوش

صهيد- اسف لان شككت بيج وتهمتج انتِ الي حرگتي اسفه هواي

شُجان- خوش

صهيد- جاي اعتذر منج مثل الاوادم

شُجان- ماشي بس يلا روح

صهيد- ماكو زعل بينا؟

شُجان- شايفني ماعندي كرامه علمود اسامحك؟  لا عندي وكرامتي ما تسمحلي اسحلها علمودك

صهيد- تفلي بنص وجهي لذا بعد اجي واعتذر منجج هو انتِ راسج يابس امداك عبسي

شُجان- تغغاااررر منييي

صهيد- اي اغار منج لان تشبهين عبسي

شُجان- احلا منكك نننننن

عيبت علي وهو ضل صافن اخذ كم لبسه من ملابسه وطلع،  لليل ماكو لا صوت ولا اي شي واني جعت ما اكلت من الصبح سمعت صوت الباب يندگ

شُجان- تفضلل

رقيه- شلونج يمه اعذريني ما اجيتج الصبح بس اجيتج هسه لان صار مشكله ولو تشوفين

شُجان- عندي فضول شصار احجيلي عمهه

گعدت يمي وبدت تحجيلي

الرجوع الى الماضي ( الصباح بعد ما وصلو شُجان للبيت)

صهيد

طلعت من غرفه شُجان ورحت يم جدي

علوان- امشينا

صهيد- وين؟

علوان - امشي وياي ومالك غرض

طلعنا من البيت وخوفي على شُجان يصيرلها شي او تحتاج شي رحنه لبيت جدي واول ما فتحت الباب لكيتهم انخلسو

صهيد- شبيكم؟ 

وهبان- خويه شلونك

صهيد- الحمد الله بخير

اجه عليَ وهبان وحضني ضربته على ضهره بخفه

صهيد- اخوي عضيدي

وهبان- حبيبي الغالي شوكت اجيت؟ 

صهيد- بالـ3لفجر اجيت

كرار- لعد شُجان وين؟ 

وهبان- اي صدك وينها؟ 

صهيد- ببيتنا

وهبان- منو يبقى يمها؟ 

علوان- عمتك رقيه

وهبان- اي زين

رحنه گعدنه على التخم واجه سلام

سلام- اهلااا صهيد شلونك حبيبي

صهيد- الحمد الله

سلام- اعذرني خويه

صهيد- على شنو

سلام- تتذكر لمن جنت اكلك اريد احجي وياك بموضوع؟ 

صهيد- اي

سلام- هسه اگدر احجي؟

صهيد- احجي

سلام- خويه والله اسف لان ضميت عليك بس بيوم الحادث اجيت يم عمتي رقيه وشُجان اسئل عليك وهنه كالن يريد يروح للبستان اني كلت اسبقك اهناك وهم اشم هوا المهم ما اطول عليك لمن رحت لگيت عمي عصام وابنه علي ومرته انسام جاي يحرگون بالبيت مال الحصان واني كلت اصورهم علمود ما تجذبني

فتح تلفونه وجابه الي واني اشوف شلون يحرگون بي واسمع صرخات الكسندر وخرت مني التلفون

صهيد- هذولل الحثاله وين؟ 

علوان- موجودين

صهيد- هسه تروح تصيحلهم وانت حسابك بعدين

سلام- والله وداعتكك هددوني بأختي

صهيد- مخالف بعدين حسابك

راح سلام طب جوه صاح لعمي عصام ومرته وابنه طبو عليَ وهمه مدنگين اله عمي عصام شايل راسه

صهيد- والله العظيم لو ما انت عمي جان اهنا دفنتك

عصام- تدفن منو ولك؟ !!!!

صهيد- لتصيححح! !!!!  غصباا عليكك وعلى مرتك هاي الجنها حيه لكممم انتووو شنوو من بشرر

كرار- اسمحلي اخوي هذول مو بشر حيوانات

انسام- احترم نفسككك! !!!!

علي - كرار والله اگوملك

كرار- يلا؟  يمه رجفت شوف الرجفه دروح بابا روح العب بالمراجيح

صهيد- شسوسلكم يعني؟   خليتوني دايحح ببغداد لا من صحه لامن صخاامم بوجهكمم الله يسود وجوهككمم

علوان- اني اترخص وصهيد شتريد سوي سوي اني اتبريت من عصام ولا هو ابني ولا اني ابو والبساتين والبيوت كلهم رجعتهن

عصام - مووو بكيفكككك تاخذ مني حلاليي

صهيد- يا حلال؟  خايب ما تسكت لا اهنا اشرمك تشرم

عصام- عمك انيي! !!!

كرار-انعل هيج عمم اذا انت عمي

صهيد- والعباس اليوم ما تفلتون مني

رحت متوجه وگاز على سنوني رحت على سلام

صهيد- منو الي حرگه؟!

سلام- علي وعمي

صهيد- لتكوللل عميي بعدد هاذ مو عمككك! !!!

سلام - عصام و علي

رحت على علي لزمته من ياخته ووين اليوجعه ماخليت بي مكان صاحي

صهيد- يااا حيوانننن تروححح تقتللل حيواننن شمستوقعع منككك نبييي هو ابوك واحد سكير وقمارجي

اجه عصام علمود يفاككنه ووهبان وكرار وخرو مني

عصام -ابني راح يموتت ولددد الخ**

درت وجهي على عصام واني عيوني تجدح من العصبيه رحت علي وضربته ضلينا نتعارك وكلساع احد يفاككنه بس ما اقبل وارجع واضربهم بس انسام ماضربتها صح الها ايد بس ما تنمد ايدي على حرمه

طردهم جدي برا طلعهم برا البصره خلاهم دايحين امه عن ميسره فه اخذت رجلها وسافرو لغير محافظة. صارت دنيا اليل

علوان- صهيد روح انت وعمتك رقيه لـ. شُجان خطيه ماماكله من الصبح

تذكرت شُجان شلون راح من بالي صحت لعمه رقيه راحت اخذت ملابس من كنتور. شُجان. واخذت ملابس الها ورجعنه للبيت

الحاضر
شُجان

تسولفلي واني مصدومه

شُجان- يعني صار كل هاذ؟ 

رقيه- والله العظيم اني ما توقعتها من صهيد صح هو عصبي بس ابدا ما يطلع عصبيته صهيد من النوع اذا صار عصبي يطلع من البيت

ضلت تسولفلي على صهيد لحد ما مليت

شُجان- عمه عليج الله عوفينه من الطنطل خولي

رقيه- يااا شوف انوب طنطل خايبه رحيله فدوه

شُجان- زعلتت منج عمه

گرصتني من خدي وباستني

رقيه- لا يلا خيولي

ضلينا نضحك راحت جابتلي اكل اكلت وكملت اكل شالت مني الصينيه وطلعت برا حاولت اگوم علمود اغسل شويه شويه انتجيت على الحايط وبديت امشي متوجها للحمام،  طبيت للحمام وغسلت ورجعت للغرفه لگيت صهيد فاتح الكنتور يريد ياخذ ملابسه ما اهتمبتله وتجاهلته ورحت للجربايه تمددت

صهيد- شلونه عبسي

مارديت عليَ وبقيت ساكته

صهيد- لج مو جاي احجي وياج

شُجان- شتريد؟ 

صهيد- احجي وياج ليش ما تجاوبين؟ 

شُجان- صهيد اطلع برا ماريد اشوفك

باوع عليَ وحسيته انصدم طلع برا
ما اكول ما زعلت بس اهم شي الكرامه ماريد اشوف خلقته،  مرت اسبوعين واني احس بنفسي تحسنت

شُجان- عمه عادي نرجع للبيت مليت واني اهنا وتدرين احنه مقبلين على رمضان لازم ارجع علمود اجهز نفسي

رقيه- منو كال راح تصومين؟ 

شُجان- لا عمهه عليج الله اريد اصوم كل سنه اصوم

رقيه- والله بكيفج

طلعت مني ولليل اجتي كنان لمت ملابسي وملابس عمه رقيه ورجعنا للبيت گدرت امشي ، وصلنا للبيت ورحت لغرفتي مشتاقتلها حيلل اخذت ملابسي وسفطتهن.

كنان- اگدر ادخل؟ 

شُجان- هلا اي عادي طبي

كنان- شُجان اريد اكلج شي

سدت الباب وراحت گعدت على الجربايه كملت ورحت گعدت يمها

شُجان. - يلا احجي؟ 

كنان- الصراحه اني ... احب

شُجان- منو الي يحب؟ 

كنان- اني

شُجان- اوكفي بالله

لمست گصتها علمود اتأكد ما مصخنه وخرت ايدي مستغربه

كنان- شبيج شُجان

شُجان- انتِ  تحبين؟ 

كنان- اي شبيجج

شُجان- منو هاذ سعيد الحظ؟ 

كنان- الصراحه هو شخص تعرفينه

شُجان- صهيددد! !!!

كنان- لا ايع

شُجان- منوو

كنان- اني احبب ....

انفتح الباب وطبت جمره

جمره- والعباس ادري بيج تحبين وهبان

باوعت عليها دنگت راسلها عرفتها تحب وهبان خليت ايدي على حلگي مصدومه

شُجان- عزاا العزاجج تحبينهه

كنان- بناتت نصو صوتكمم وهبان هم

جمره- هم شنو؟ 

كنان- هم يحبني وراح يتقدم الي ورا رمضان

شُجان- عزا العزاجج يمعزايههه خرب يومج لجج طلعتيي مو هينهه اللهه لطييفف انتِ حلوهه ووهبان حلوو ياييي اطفالكمم راح يصيرونن كتاكيتت

جمره- فدوهه لالله شحلاتكمم

كنان- بناتت كافي عليجن الله

جمره- اذا صار بيها اعترافات اني هم اعترف

شُجان- دهررر انتِ هم تحبين؟ 

جمره- جا ربي وحد؟ 

شُجان- مننوو

جمره- كبر شبيج اشاقه ماحب احد ايع ماحب سالفه الحب تخيلي احبه واكله احبكك زوجي قره عيني

حجتها باستهزاء وضلينا نضحك رحت كنان وبقت جمره يمي

جمره- شوشو اذا صرتي زينه نروح للسوگ نشري ملابس لرمضان؟ 

شُجان- اي تحسنت شويه اگدر امشي

راحت جابت عبايتها وعباتي وراحت صاحت عمه رقيه وكنان

رقيه- اصيح لصهيد ياخذنا لو سلام؟  

جمره- سلامم

استغربنا منها ورجعت حجت بصوت ناصي

جمره- احم اقصد سلام خطيه صهيد تعبانه

راحت عمه رقيه صاحت لـ سلام واجه سلام

سلام- شلونهن البنات؟

جمره- الحمد الله زينين شلونك انت؟

سلام- بخير ، يلا نروح؟ 

طلعنا وياه ولكيت صهيد يدخن بباب بيتهم شافني وگام راح سوه نفسه يسلم على سلام

صهيد- حبيبي الغالي سلام شلونك

سلام- الله يسلمك الله يخليك حبيبي

صهيد- وين؟ 

سلام - والله اريد اودي البنات يشرن ملابس لرمضان مدري شنو

كنان- اي نجيب ملابس

جمره- وكم شغله هم

صهيد- ارجع خويه اني اوصلهم

جمره- لا صهيد لا تتعب نفسك

سلام- خايبه اسكتي اي والله تسوي عليَ فضل يلا الله وياجن

راح سلام وبداله صار صهيد ودانا للسوگ نزلو كلهم وردت انزل بس وگفني

صهيد- اوكفي

شُجان- ها

صهيد- احم عندج فلوس انطيج؟

شُجان- لا شكرا عندي

صهيد- منيلج

شُجان- معليك

نزل من السياره واجه يمي

شُجان- ها شعندك

صهيد- عجبني انزل وياكم ليش ممنوع؟ 

رقيه- لا يمه عادي امشي يلا

رحنه وضلينا نفتر وصهيد لازگ بينا طبينا على محل نسائيات بقى برا ينتظر

كنان- شُجان شنو رأيج اشتري هاذ؟ 

اشرتلي على فستان رمضاني حلو لون اسود وبي لون احمر شويه

شُجان- همم حلو اخذي

كنان- وانتِ ما اختاريتي شي؟ 

ضليت اباوع لگيت فستان لون ابيض ومن الصدر بي نقش ورد لون احمر ووردي كلش عجبني ‏واخذته
طلعنا من المحل حسيت بتعب وگفت شويه انتبه عليَ صهيد واجه يمي

صهيد- عبسي تعب؟ 

عفته ورحت كملت المشي ويه البنات خلصنا رجعنا للبيت ورحت بدون ما احجي ويه صهيد مع ان صاحلي اكثر من مرا بس ما رديت رحت لغرفتي وبديت اسفط غراضي الجبتهم دائما لمن اروح للسوگ احب اشتري عطور بحيث التحسريحه مالتي انترست عطور رحت طبيت سبحت ولبست دشداشه صايره على شكل فستان رشيت عطر وعطرت الغرفه سشورت شعري وبقيته مفتوح.  رحت على الجربايه فتحت تلفوني لگيت اشعار من صهيد كاتب

" وينج؟  ليش مجاي تجاوبين؟  شُجان شبيج؟  عبسيي احجي لك لا اطيح حضك بويه شُجان شنهي السالفه ميته عدله؟  " 

ضحكت هاذ شبي والله مخبل رديت علي

- جنت اسبح شتريد؟ 

رد عليَ بنفس الثانيه

- اطلعي اريد احجي وياج

- ويصير بيه فلاونزه من وراك؟  لا طبعا

- غسللل لهل وجهه

- احلا منك

- اطلعي يابهه

- ما

- لطلعين اني جايج

- اوكفف اني جايه نازله والله اعصابك كبر

طفيته ورحت لبست شالي نزلت بسرعه ماكو احد كلهم نايمين طلعت على كيفي لگيته واگف بالباب

صهيد- اهلهل لبت يوسف الصديق

شُجان- خلصني شتريد؟ 

صهيد- امشي

شُجان- وين؟ 

صهيد- مفاجأ

شُجان- اذا منك ايع ماريدها

صهيد- تمشين لو لا؟ 

شُجان- لا

صهيد- طبج هرش مو صوجج صوج المطي الكدامج الي فكر يفاجئج

شُجان- اوكف يلا امشي

رحنه لبيته واول ما فتح الباب لگيت الكل مجتمع ببيت صهيد ومسويلي حفله لعيد ميلادي

شُجان- صارله اسبوعين عيد ميلادي

كرار- كبرر فوك ما نسويلج عيد ميلاد؟

علوان- ردنا تصيرين زينه يالله نسويلج عيد ميلاد سعيد بنيتي

كنان- عيد ميلاد سعيد شجونه

وهبان- كل عام وانتِ بخير خويه

شُجان- الله يبارك بيكم كلكم خرب راح ابجي

مسحت دموعي لان اول مرا احد يسويلي عيد ميلاد رحت لصهيد

شُجان- شكرا

صهيد- يعني هاي هيه تصالحنا؟ 

شُجان- هههه ايي

ابتسم

جمره- يلا يمعودين ترا جعت

سلطان- همج على بطنج ام بطن

سلام- عوفها خلي تاكل جا انت ما تاكل؟

سلطان- هاي جديده انوب؟ 

علوان- كافي يمعودين يلا تعالي بنيتي شجونه

رحت يمهم وسلام صورنه صوره ودزها للمصور علمود يسحبها،  قطعت الكيك وگعدنا ناكل ونسولف لحد ما كلهم گامو من وراحو لغرفه صهيد وكل واحد جابلي هديه شكل وخلاها يمي اخر واحد اجاني صهيد جاب هديته وخلاها يمي

شُجان- والله ماكو داعي تجيبون هدايه

جمره- خايبه انجبي اكوو داعيي

سلام- صرتي منه وبينا اكيد نجيبلج

بديت افتح بالهدايه وصلت لهديه صهيد وقبل لا افتحها صاح بيه

صهيد- لااا اصبريي

باوعت علي اجه گعد يمي

صهيد- يلا افتحي

فتحتها وجانت سوار ذهب محفور علي اسمي
رجعته بالعلبه وانطيته اله

شُجان-ماگدر اخذه

صهيد- ليش؟ 

شُجان- ماريد

حسيت بشي غريب خليت العلبه وطلعت من البيت وهمه مستغربين شبيه فجأه طلعت. رجعت للبيت ورحت لغرفتي سديت الباب

شُجان- شجاي يصيرر ماريدد احبهه ماريدد احبهه هوو كسرنيي ماريدد احبهه ماريدد انسييي انسي ماريد تتعلقينن بيي ماريد شُجان انتِ متحبينه تكرهينههه ايي انت تكرهينهه ليشش تهتمم بيهه ماريددكك ..

ضليت اصيح ماريد احب صهيد صهيدد ضلبت ابجي ، قفلت الباب ورحت لفيت نفسي بالبطانيه حضنت المخده وضليت ابجي

شُجان- امييي وينج عنيي يمه صارلج هوايي بعيده عنيي اريدج يمي احتاجج يمي يمه اريدجج يمي
اريدجج يمي ماما بنتجج جاي تعيش بأسوء حالاتهاا

ضليت افضفض حسيت براحه شويه ونمت،  حلمت حلم او كابوس گعدت مفزوزه من الحلم سمعت ضرب على الشباك خفت وبده گلبي يدك بسرعه رحت على كيفي وخرت البرده وشفت صهيد. فتح تلفونه وكتب شي وباوع عليَ عرفته راسلني رحت فتحت تلفوني

- تعالي

- صهيد ماريدد كافيي ماريدك عوفنيي بحاليي

- تجين لو اصعد؟ 

- ميهمنييي ولي مني ماريدك

سديت التلفون وباوعت علي طب للبيت رجعت قفلت الباب والشباك علمود ما يطب شفت مقبض الباب يتحرك سمعت همس ووصلتني رساله منه

- افتحي الباب

- صهيد والله اصرخ

- لا كلش خايف منج صرخي؟ 

- اسويهاا !!

- فتحي الباب

ما رديت علي مل مني وراح رجعت للجربايه ونمت،  گعدت الصبح البيت هدوء رحت للحمام غسلت ورجعت للجربايه اگلب بالتلفون لگيت رساله من جمره

- باعي عدنا عزيمه يم بيت صهيد لمن تگعدين تعالي

- ما اجي راح اكمل نومي

ردت عليَ ورا ربع ساعه

- تعالي صهيد يريد يحجي ويانا كلنا

- جايه

رحت بدلت ولبست عباتي والحجاب ورحت لبيت صهيد فتحتلي الباب كنان جانت ملامحها غريبه

شُجان- شبيج؟ 

كنان- تعالي بسرعه يمكن راح يصير عدنا عرس

طبينا جوه لگيتهم گاعدين سوا كلهم گعدت بصف كنان وجمره تحمحم صهيد

صهيد- اني اريد اكلكم شي

علوان- احجي؟ 

صهيد- الصراحه اني اريد اتزوج

انصدمت منه هاذ صدك يحجي؟ 

علوان- على الخير بس مني؟

صهيد- وحده اعرفها

علوان- عرفها احنه؟ 

سعاد- على الخير من هسه نروح نخطبها الك

صهيد- ما تعرفونها غريبه بيت ابو مازن بنته مريم

علوان- عندك علاقه بيها؟ 

صهيد- الصراحه وما اريد اجذب اي احبها واريد اتزوجها

سعاد- ميخالف تدلل

علوان -شوكت تريد نخطبها الك؟ 

صهيد- اليوم اني اخذكم عمه رقيه والحجيه يروحون

علوان- هاي هيه تدلل امشن حضرن روحجن وروحلهم

گمنا واني بقيت بمكاني مصدومه طلعو كلهم بقيت بس اني ‏وصهيد

صهيد- شو ما باركتي؟ 

گمت وگفت واني حابسه الدموع حجيت بغصه

شُجان- مبروك

طلعت بسرعه ورجعت للبيت رحت لغرفتي وسديت الباب اجتي جمره تدگ الباب فتحته وطلعت جمره وكنان طبن جوه وهنه منصدمات

كنان- مريمم! !! عافف الدنياا كلها وراح على مريمم

جمره- مريم تغاااررر يا الله تغااارر

شُجان- منو هاي ؟

كنان- لجج مريم هاي وحده غواره تغاارر ومن زمان حاطه عينها على صهيد من جنه بالمدرسه وصهيد يجي ياخذنا ويجيبنا

جمره- وحده من جوه الجوه ماريد احجي عليها بس هيه تغار يعني تخيلي تغارر مني اني وكناان لان صهيدد ياخذناا ويجيبنا

شُجان- شعلينا بيهم؟  خلي يتزوجون ما عليه بيهم

ضلينا نسولف لحد ما اجن عمه رقيه وبيبي سعاد رحنه گعده يمهم واجه صهيد وباقي الولد
گعدنا التمينا وبدن يحجن

سعاد- البنيه تخبل صدقه لالله

رقيه- حلوه البنيه تتهنى وياها

صهيد- وافقتت! !!

حسيته جان مصدوم بس تغيرت ملامحه لفرح

صهيد- احمم اقصد اي وافقت؟ 

رقيه- لا بعدها كالو لمن ترحون ننطيكم خبر وهسه احنه ننتظرهم

گعدو يحجون وصهيد عيونه عليَ واني بارده ما ابين مشاعري بس من الداخل نارر سمعنا صوت التلفون مال عمه رقيه وعرفته همه الي اتصلو راحت تحجي وياهم ورجعت

سعاد- ها بشري؟ 

صهيد- ها عمه احجي؟ 

رقيه-  حجو وياي اهلها وكالو .....

________________________________

يتبع

موعد نزول البارتات يوم الثلاثاء والجمعه والاحد بس هل فتره راح اغيب يعني احتمال اسبوع ما انشر.
اشتركو بقناتي على التلي. 

fjaoio