رواية ان كان غيري جاز لك في غيابي .... غيرك تعنى لي وانا صدّيته الفصل الرابع والثلاثون 34 - بقلم ساس الحلا

لا تزال الملائكة مشغولة ببناء قصرك ما دام لسانك رطباً بذكر الله.

...........

عطني قلبي شوي وارده عليك
ودي آشم الهوى واستنشقه
- من كثر ما هاجسي مشغول فيك
لو يناديني احد قلت اعشقه

..........

عند ليان
طلعت تكلم امها اللي كانت تسألها متى بيردون .... بعد ما خلصت سكرت المكالمه وكانت تريد ترجع الغرفه بس شافت مشاري وشكله مهموم ويبكي .... ما تدري ليش رحمته وبدون شعور نادته

ليان : اخووي
مشاري انتبه لها وعصب ليش شافته يبكي مسح دموعه ولف وجهه عنها
ليان ما عصبت كذا الرجال يكرهون احد  يناظرهم وهو يبكي : انا اسفه (وكانت تريد تروح )
مشاري ناداها قبل لا تروح : لو سمحتي اختي
ليان وقفت : هلا
مشاري : اعذريني .... بس ما احب احد يشوفني وانا ضعفان ... وش كنتي تبين
ليان ابتسمت : معذوور .... بس كنت ابغي اقولك انت محظوظ بمها .... والله انها تنحط على الجرح يبرى ... وانا والله هذي اول مره اشوفها حبيتها وحبيت طيبتها .... فهذي نصيحه من اخت لاخوها الحين هي ما يفيدها الحزن .... بالعكس خاطرها يكون مكسور لما تشوف احد حزين عليها ... الحين هي تحتاج الدعاء قال الله سبحانه ( ادعوني استجب لكم ) ..... ويمكن الحين الله يختبر صبرك وابتلاه فزوجتك فلا تستسلم .... لا تحسسها بمرضها اضحك معاها تكلم معاها حسسها بالقوه .... اصبر وخلي عندك ايمان ان الله رح يشفيها من المرض ..... ( وحست زودتها ) ادري زودتها بالكلام فالسموحه منك .... استأذنك ( وراحت )

مشاري كان يسمعها .... انصدم من نصيحتها .... حسسته بالامل وانه الله يمكن صدق يختبره .... حس بالقوه بعد هالكلام كان يريد يشكرها بس راحت عنه ..... ابتسم لازم يبدي مع مها بدون حزن لازم يحسسها بالامل والقوه

بعد ما راحوا البنات ..... دخل مشاري عند مها وهو يبتسم لها ويسولف معاها ويضحك معاها .... فرحت مها لما شافته فرحان واستغرب فنفس الوقت وش غيره ... بس دعت ربها تدوم فرحته وما تفارقه

........

كان غازي يريد يأجل الملكه عشان مها .... بس مشاري خبره انه مها ما عندها مانع ورح تزعل اذا اجلها

يوم الملكه
طبعا ريم كانت متوتره ... والبنات كانو جنبها
كانت جميله بشكل ما يوصف .... شعرها كان مرفوع بتشكيله حلوه وينزل منه خصل بشكل حلوو ومنزله غرتها من قدام مع تاج ذهبي يزين شعرها ..... اما مكياجها كان الايشدو باللون الاسود مع الذهبي ومكثره كحل من داخل .... مع بلاشر وردي .... مع روج احمر صارخ
البنات انصدموا صح هي جميله بس ما اعتقدوا انها بهذا الجمال

دانه كانت مروله شعرها وبف من قدام مع تاج ذهبي صغير .... مسويه ايشدو ذهبي مع كحل وبلاشر بني وروج احمر ( كانت مثل ريم .... طالعه ملكة جمال )

اما باقي البنات كانوا مطقمات فكل شي ( تسريحه مخليات شعرهم على جنب ورولات شعرهن ومنزلات غرتهن ..... مع مكياج ناعم وروج وردي )

دخلت ام طلال وانصدمت من جمال بنتها وجلست تسمي بالله وتقري عليها الاذكار .... قاطعهم طرق الباب
ام طلال : مين
طلال ومعاه الدفت : انا يمه ابي اعطي لريم الدفتر عشان توقع

هنا ريم ارتفعت حرارتها كانت تريد تصرخ وتقول ما ابيه ابعدوه عني هذا وحش .... بس شافت فرحت امها واخوها فما قدرت تخربها

اخذت ام طلال الدفتر : انتظر عشان تاخذه
طلال : حاضر يمه

اخذت الدفتر وراحت لريم : اخذي حبيبتي وسمي بالله ووقعي
ريم اخذت الدفتر وهي ترجف وكل شوي يطيح القلم
دانه ضحكت : وش فيك يا ريم ترى اخوي حنون ما ياكل .... سمي بالله ووقعي ولا تخافي انا جنبك
طلال ابتسم لما سمع صوتها ( يا حبي لك .... وش كثر مشتاق لك ... بس انتظر تخلص ملكة ريم ... وبعطي حبر لامي تخطبك لي )

اخذت ريم القلم وسمت بالله ووقعت
تصاعد اصوات البنات بالصراخ
اخذت ام طلال وباست راس ريم : الف مبرروك يمه
ريم كانت شوي وتبكي : الله يبارك فيك
اخذت ام طلال واخذت الدفتر واعطته طلال وبشرته بموافقة ريم
طلال من ورى الباب : مبرروووك حبيبتي ريم
ريم بحب : الله يبارك فيك
طلال بتلطيف الجو : ااااااااااه وعقبالي يارب
ريم وهي تغمز لدانه : لا تخاف جاهزه العروس
دانه ولعت وعرفت انها تقصدها
ام طلال : والله يوم المنى اللي اخطبلك بنت الحلال
طلال بهيام : قريب يمه قريب ( وراح )
دانه خجلت .... بس لما سمعت طلمة قريب فرحت
البنات لريم : مبروووووووك
ريم بغصه : الله يبارك فيكم
ام طلال : وعقبالكم
البنات ما عدا ريم : اميييين
ام طلال انصدمت : صدق بنات ما يستحوون
البنات : هههههههههههههههههههه

.........

عند الرجال
كان جالس وهو يحس عمره خاين .... اعطى وعد لزوجته الله يرحمها انه ما ياخذ غيرها

مشاري شافه سرحان والكل يبارك له وهو ولا على باله : غازي
غازي كان لسى يفكر ..... ضربه مشاري على كتفه : هيي انت
غازي انتبه لاخوه : شتبي
مشاري بهمس : وش فيك سرحان
غاازي : مافيني شي
قاطعهم صوت عمهم ابو مازن : يا ولدي تجهز الحين بتدخل على مرتك

........
عند ريم
ام طلال: يلا يا بنتي الحين بتدخلي
ريم الحين حست بتوتر: يمه مابي
ام طلال : شنو ما تبين .... يلا بسرعه الحريم منجنات يبن يشوفنك
وقفت ريم بعد محاولات من ام طلال

نزلت الدرج بكل هدوء وجاذبيه
ام طلال كانت تسمي على بنتها وتذكر الله
الخريم منجنات على شكلها .... اللي تقول ما شاء الله .... واللي تقول وش هالجمال بجون لا تذكر الله ..... واللي كانت تتمناها لولدها

جلست ريم بمساعدة دانه والبنات
ريم كانت خايفه وكل جسمها يرتجف .... حلا شافت حالتها
حلا : بنات شوفوا ريم
ربى : بروح اخفف عليها
البنات : احنا معاك ( وراحوا لريم )
جلسوا معاها يخففوا عنها التوتر ويضحكوا واللي ترقص كانوا كل الانظار عليهن
قاطعهم نداء دخول غازي
هنا ريم كان ودها تذبحه وتخلص منه .... راحت لها امها عشان توقف

دخل غازي وكل الانظار عليه .... البنات خقوا على جماله وامه كانت تسمي عليه
غازي كانت عيونه مركزه عليها .... انصدم من جمالها .... لكن هوو ما يهمه غير ينتقم منها ...
غازي فنفسه ( والله وطحتي وماحد سمى عليك يا ريم ..... نشوف الحين منو بيمسكك )
ريم واقفه ومنزله راسها .... شافت اثر روجوله وتمنت تموت هاللحظه ولا تجتمع معاه
غازي لما وصل باس راسها وهو يهمس ف اذنها : مبرووك ( وبسخريه ) يا حرم المصون غازي
ما ردت عليه عشان يتادب
غازي انقهر لهدرجه الخجل مو مخليها تتكلم ... مسك ايدها بقوه وجلسوا على الكرسي
ريم وجعتها القبظه همست له : لو سمحت اتركني

غازي وهو يتصنع الابتسامه : ف احلامك يا حلوه
ريم تحملت الوجع وهي ترسم ابتسامه مزيفه عشان لا يشكون فيها وبعلاقتهم وبصوت منخفض ما يسمعه غير غازي : كسر ف ايدك ... جعلها الوجع من اولها لاخرها
غازي ضحك بصوت عالي .... والبنات يفكرون قالت له كلمه حلوه ومنجنات على غازي

قاطعتهم  دانه ومعاها الشبكه والدبل: هيي انتوا فضحتونا ... يلا غازي لبسها الخاتم
مسك غازي دبلة ريم ..... رفعت ريم يدها عشان يلبسها وهي تسب وتشتم فنفسها ... مسك غازي ايدها النحيفه مع ايده الكبيره ولبسها الخاتم .... اخذت ريم الدبله .... وغازي رفع ايده عشان تلبسه .... مسكت رسم ايده ولبسته
غازي هذا اللي ما حسب حسابه .... مسك العقد عشان يلبسها فنحرها
ريم توترت من قربه .... وما عرفت شتسوي : مو مشكله انا بلبسه بروحي
البنات ضحكوا على توترها : ههههههههههههه
غازي اكتفى بابتسامه وهو ناوي يكسر راسها : عادي مو مشكله انا بلبسك
ريم وهي تعطيه نظرات ناريه وودها تكفخه
دانه : ههههه حبيبتي ريم وش فيك .... ترى ما ياكل اخوي .... صح شوي عصبي لكنه شوي حنون
غازي لدانه ؛ اذا ما تعرفي شلون تسكتين .... انا بسكتك على طريقتي
دانه خافت من لهجته : لا خلاص بسكت
ام غازي : يلا ريم خليه يلبسك
جارت ريم واعطت غازي الظهر عشان يعرف يلبسها
غازي اقترب منها وانفاسه اخترقت ظهرها .... ريم وهي ودها تخلص منه ... واخيرا لبسها
ام غازي وهي تعطيه الحلق : امسك
مسك غازي الحلقه الاولى وهو ناوي يادبها .... غرزها ف المكان الخطا ..... هنا ريم وجعتها
ريم بالم : ااااااه
ام غازي : شوي شوي يا ولدي ناظر مكان ما تلبسها
غازي بسخريه : اسف يمه ما انتبهت
انتهى كل شي مع احراجات غازي لريم وتصفير وصراخ البنات عليهم
وصلت المرحله اللي انوا ما يبونها بس هذا غصب عليهم
ام طلال : يلا يا جماعه العشا جاهز .... خلوا العرسان وحدهم مع بعض
دانه لغازي : غازي من الحين احذك بشويش عليها ( وهي تغمز له )
غازي كان يناظرها بنظرات خلتها تسكت
جانه من شافت نظراته خافت منه ففكرت تهرب : خلاص بروح