رواية ان كان غيري جاز لك في غيابي .... غيرك تعنى لي وانا صدّيته الفصل الثامن والأربعون 48 - بقلم ساس الحلا

اثنان لا تنسهما: ذكر الله والموت، واثنان لا تذكرهما: إحسانك للناس وإساءتهم إليك.

......

ليه المحبـــه تســرق الروح وتروح
وليه المعزه مالها شخـــص غيــرك
وليه المسـا دايــم تباريـــح وجروح
وليه الجروح ان جات ماتستشيرك

........

عند ريم
كانت تشاهق وتبكي من كثر الخوف ... واكثر حاجه خوفتها اصوات الكلاب .... كانت تقرا المعوذات وتناظر حولها

عند غازي
كان موقف فمكان بعيد ... هوو يحبها لكن كرامته وغروره ما يسمح انه يعترف لها ..... حس انه زودها وخاف عليها ... رجع بسيارته للمكان اللي كانت فيه .... اول ما شاف شكلها كيف خايفه .... نزل سريع من السياره وراح لها ... ريم اول ما شافتها نزلت تبوس رجوله
ريم برجى وهي تبكي : تكفى اخر مره ... والله ما اعاندك ... تكفى يا غازي الا الظلام .... ابوس ايدك ورجولك طلعني من هنا انا خايفه
غازي بسرعه جلس جنبها : خلاص يا قلبي .... هدي ولا تخافين انا جنبك
ريم بجنون : ارجوك اذبحني ولا تخليني ف الظلام
غازي خاف عليها : لا ما بذبحك انتي روحي وانا ما اقدر اذبح روحي
ريم وهي تسكر اذونها بايدها : الا صوت الكلاب
غازي وهو يسحبها لحظنه : تعالي لا تخافين انا جنبك ... سمي بالله
ريم شدت على حظنه بقوه : لا تتركني
غازي : مارح اتركك مارح اتركك
( كان يريد يفكها من حظنه عشان يروحون للسياره ... لكن ريم ما رضت تفكه خايفه انه يتركها )
غازي : ريم امشي نرجع
ريم وهي تهلوس : لا تتركني ف الظلام ... انا اخاف بروحي ... تكفي لا تتركني هنا
غازي خاف عليها وحملها وراح فيها للسياره وفتح الباب وكان يريد انها تجلس ف السياره لكن ما رضت تفكه
غازي : ريم وش فيك خلاص ما بتركك بس اركبي عشان نرجع
ريم برفض وهي تشده لحظنه : لا مابي انا خايفه
غازي : يا بنت الحلال مارح اتركك شلون تبيني اترك قلبي
ريم : ادري اذا فكيتك بتت كني هنا ف الظلام
غازي : وعد وعد ما اتركك
ريم : انت كذاب ادري بتتركني
غازي احتار ونزلها من السياره وجلسوا جنب باب السياره ف الرمل وخلاها تجلس فحظنه وهو يسمي عليها ويقرا المعوذات
ريم كان راسه فصدر غازي : لا تتركني والله امرت ف الظلام
غازي وهو يمسح على راسها : مارح اتركك بس انتي هدي وابعدي الخوف

بعد دقيقه حس غازي هدوء ومافي بكي وايديها ما ترجف خاف عليها ... لما ناظرها شاف تنفسها منتظم ... عرف انها نامت وابتسم من شكلها البريئ ودموعها اللي تسيل للحين ... مسح دموعها وشالها للكرسي وخلاها تنام فيه وسكر بابها وراح يركض لمكان السايق عشان ما تصحى وما تناظره جنبه

وصلوا للمزرعه وشاف المكان مظلم وشكلهم كلهم نايمين ... ما عرف اي غرفه تنام فيها ... وفكر يشيلها غرفته .... سدحها ف السرير وفسخ العبايه وشيلتها وسحب اللحاف وغطاها ... وراح يبدل ملابسه ويلبس بيجامه وراح انسدح جنبها ... سمع صوت رساله فجواله من دانه ( ذياب معي بينام ) ... يووه شلون نسيت ذياب .. ارسل رساله لها ( طيب وغطيه زين ... تصبحين على خير ) وقفل تلفونه والتفت لريم اللي كانت ف احلامها مسك ايدها وباسها وقربها لحظنه ونام

ف الصباح
الكل صحى ... ما عدا ريم وغازي
ام طلال وهي تتفقد البنات : وين ريم يا بنات
الكل ناظر دانه
دانه كانت تاكل التوست ولما شافتهم يناظرونها خافت : خير ليش تناظروني كذا
رغد : لانها ريم معاك ف الغرفه
دانه توترت : هاااه ايه ريم تاخذ شاور وبتطله
حلا كانت جنبها وههمست لها : ما تمشي علي انا ... بعدين بتخبريني
دانه بهمس مثلها : اوووش بعدين

عند غازي وريم
صح ريم بسبب اشعه الشمس اللي ازعجت وجهها ... وهي تحس ديزاين الغرفه تغير التفتت جنبها وحصلت غازي نايم جنبها .... اول ما شافته فزت من مكانها
ريم وهي تصارخ : اااااااااااااااه
غازي فز من نومه وهو خايف : خير شو صاير منو طاح
كتمت ريم ضحكتها من شكله ... بس بعدين تذكرت انها فغرفته : انا ليش هنا
غازي : امس نمتي بدون لا تدرين ... وانا ما دريت اي غرفه
ريم تذكرت احداث امس ونزلت دموعها خافت لا يكررها مره ثانية... غازي انصدم من دموعها  وقف قدامها
غازي بحنيه : ليش الدموع ( رفع ايده عشان يمسح دموعها لكن ريم رجعت لورا وبعدها طلعت من الغرفه وهي تبكي ) 
انزعج غازي من حركتها يعني لسى تكرهني .... راح للحمام ياخذ شاور عشان يطلع للشباب

عند ريم
دخلت غرفتهم وجلست فوق السرير وهي تبكي .... دخلت دانه الغرفه عشان تتصل فريم وتعرف وينها وانصدمت لما شافتها تبكي ... اقتربت منها وجلست جنبها
دانه بخوف : ريمي وش فيك
ريم حضنت دانه : اكرهه لانه يكرهني ما احبه لانه ما يحبني اخاف منه لانه يخوفني ... اعشقه لانه قلبي تعلق فيه ... اموت فيه لانه كل ما اشوفه اتوتر ... ساعديني يا دانه ما ابيه بس قلبي مو راضي يتركه
دانه فهمت انه السالفه فيها غازي : خلاص يا ريم اذا ما تبيه اتركيه ... ماهو غصب تتعلقي ف واحد ما تحبيه
ريم فكتها وهي تضرب على قلبها : وهذا وشلون افهمه اني ما ابيه
دانه مسكت ايد ريم اللي تضرب قلبها : طيب اذا  تحبيه ليش تبين تتركيه
ريم : لانه ما يحبني ... تفكيره لسى ف زوجته الله يرحمها .... لسى على غروره واذا قلت له طلقني يقول هذي الفكره طلعيها من راسك لانه مستحيل ... طيب اذا هوو ما يحبني ليش ما يريد يتركني
دانه ابتسمت على غباء صديقتها : لانه يحبك يا غبيه
ريم انصدمت : شنو
دانه : ايه يحبك بس مو راضي يعترف ... انا لما قلت انك مريضه ما تدرين قد ايش خاف عليك .... واذا بعد تدرين لما اطري اسمك يبتسم ...يبيك يا ريم .. لا تخليه يطير من ايدك ... فكري اكثر شي فذياب اذا شافك كانه شاف امه ... بس تدرين غازي لسى على غروره من المستحيل انه يتركه ... اهزميه خليه يعترف بحبه لك لا تستسلمي
ريم وكانه الامل رجع : جد دانه هوو يحبني
دانه وهي تمسح على شعرها : ايه يا قلبي يحبك ولازم نعمل شي يخليه يعترف
ريم وهي تبتسم : اكيد وهذي خليها لي
دانه : طيب الحين اخذي شاور عشان نطلع لانه الكل يسال عنك
ريم قامت : دقيقه وبخلص ( وراحت )
دانه ابتسمت على حماسها : الله يجمعك انتي وغازي بالخير

......

عند الشباب
مشاري : شباب شنو خططكم اليوم
طلال : ايه والله نبي شي حماسي
محمد : شرايكم نركب دبابات
مازن : يا خطير انت والله فكره كويسه
عبدالعزيز: متى النيه ان شاء الله
منيف : العصر وش رايكم
الشباب ما عدا غازي اللي يفكر : حلووو
احمد كان جالس جنب غازي شافه سرحان لكن ماحب يتدخل ف امور ماله دخل ....
سعود شافه : يالحبيب وين سافرت
غازي انتبه له وابتسم ابتسامه ساحره : ابد وياكم
مشاري : اهاا اجل وش كنا نقول
غازي تورط : هااه تقولوا تبون تسافرون ف الاجازه
الشباب : اووووووه
غازي : شفيكم
مازن وهو يغمز : اجل كنت سرحان هااه
منيف وهو يغمز بعد : اذا تبي تشوفها هذي هي نفس المكان اللي انت فيه
طلال : الله يعينك ياختي تزوجتي واحد نشبه
غازي بنص عين : وش قصدك
طلال : اقصد حتى ف التفكير اكيد تقول وش تاكل وش تشرب هيي وينها الحين
الشباب ما عدا غازي : هههههههههههههههه

ابو محمد بصوت عالي : وش فيكم تضحكون
مشاري بصوت خفيف يسمعوه الشباب : خذ اجل الحين بالله تقولوا منو النشبه
محمد بمزح : عندك الا ابووي
مشاري : لا يا شيخ اقول ابلع لسانك
منيف : شباب منو بيتمشى معاي
الكل رفض ما عدا عبدالعزيز : انا بطلع معاك
منيف :/كفوو والله امشي اجل

عند البنات
عند الاسطبل
ربى : بنات شرايكم نركب خيل
رنا بنص عين : اقول اكرمينا بسكاتك
رغد : ايه والله قال تركب حصان قال
ربى : بنات تكفون ابي اجرب
حلا : يا بنت هذول خطر
ربى بتاكييد : ما رح اسرع شويات بس
دانه : هيي انتي لا يكون انجنيتي
ربى : لا لسى فيني عقل ... بالعكس هذي مغامره حلوه
نور : ترى بتندمي من الحين
ربى : مارح اندم انتوا اللي رح تندمون
ريم : هيي انتي انجنيتي هذا خيل مو لعبه
ربى :وعشان كذا ابي اجرب ( نادت للعامل اللي يحرس الخيول )
العامل : يس مدام
ربى : ابي واحد همجي
البنات شهقوا : أكيد طار عقلك
ربى بغرور : بتشوفون شلون ... بالله امسكي دانه وصوري لي سناب
دانه : غبيه انتي لا حشى بيقولون هذا وحده من المجرمين
ربى باستغراب : شدخل الجريمه
دانه : يا خبله اذا قدر الله وطحتي اكيد بتموتي بعد عمر طويل وبيشوفوني انا اصور وبيشكون اني انا سبب الجريمه
ربى شهقت : يا حيوانه الله يطول بعمرري ... وش ذا التفكير (  راحت عند رغد ) رغوده قلبي بالله انك تصوريني ولا ترديني
رغد بحماس وهي ودها تشوف هالمغامره : من عيوني ( واخذت الجوال عشان تتجهز للتصوير )
رغد التفتت لما سمعت صوت العامل وشهقت والبنات كلهن شهقن
ريم : حدك يا ربى الا هالفرس
ربى ضحكت بحماس لكن من داخلها خايفه : ياااي حماس
كان الفرس ملك لغازي وهو اهمج فرس من بين الخيول ... ماحد يعرف له الا غازي ... سمين وشكله يخوف
رنا وهي خايفه على اختها : لا يا ربى الا هالفرس ارجوك اخذي فرس ثاني
ربى : لا تخافين انا قدها
حلا : بليز ربى لا تورطي عمرك
ربى : يا بنات وش فيكم بس دقيقه وبنزل
ليان : سمي بالله وتشهدي تدرين الاحتياط واجب
رغد كانت خايفه بس كمان متحمسه وهي جاهزه للتصوير

منيف :/بالله وين نروح
عبدالعزيز: احلى مكان نرفه على عمرنا
منيف : شرايك نركب خيول
عبدالعزيز تحمس : معاكم خيول
منيف : ههه ايه امشي عشان نشوفهن ونجرب كمان

ربى سمت بالله وطلعت للخيل بطريقه احترافيه ... البنات كانوا يهدونها ويهدونها تتراجع لكن ربى حبت تكمل اما رغد كانت نص خايفه ونص متحمسه ورنا كانت تبكي وتدعي انها ما تتاذها اختها

بالاول مشت الخيل بهدوء وكانه الوضع ايزي ... ما حبت ربى هدوئها وشدت على السياج عشان تسرع لكن اللي ما فكرته انه الخيل اذا احد ضربه يجن ويعمل اي شي عشان ينتقم من الشخص وهذا ميزه علمها غازي عشان اذا احد بغى يسرقها لازم تدافع على عمرها وماحد يعرف يهديها غير غازي

البنات وهم يصارخون عشان تسمعهم ربى : ربى انتبهي
ربى كانت تحاول تهدي الخيل لكن كانت هايجه بشكل مو متوقع وبكت من الخوف وهي تتشهد