رواية ان كان غيري جاز لك في غيابي .... غيرك تعنى لي وانا صدّيته الفصل الثاني والأربعون 42 - بقلم ساس الحلا

‏﴿وَرَفَعْنَاهُ مَكَانًا عَلِيًّا﴾.
- اللهم ارزقنا المنزلة العالية في الدنيا والاخرة💕🍃

........

ذوبتني وأنا ماني بـ ناقص غرام !
والقصايد تجيني بس من شانها !

أعذروها ليا من لخبطت فـ الكلام !
كل حرف يموت أن غادر لسانها !

.......

بعد مرور اسبوع

* غازي ما عاد شاف ريم من بعد الملكه كل ما يشوفها كانه يخون زوجته وبعض الوقت يحس باشتياقه لها ..... كان كل يوم يزور مشاري ويخبره يرجع البيت عشان امه لكن مشاري ما كان يتكلم

* ريم اشتاقت لغازي كل ما تشوفه يفز قلبها او بالاصح دقات قلبها ما بتنفجر من شوقها له

* دانه اشتاقت لاخوها مشاري من ليلة موت مها وهو مختفي ... وكل ماله يكبر حبها لطلال ما تركها كل يوم وكل ساعه وكل دقيقه وهو جنبها .... وبعد تحس غازي متغير صاير ابد ما يتكلم وتحس كل هموم الدنيا عليه

* ام غازي كانت كل يوم تبكي على اختفاء ولدها مشاري وهي خايفه عليه لا يكون صار له شي

* طلال كان كل يوم عند دانه وما يتركها ابد يدري انها حساسه ويدري معزة مها ف قلبها عشان كذا كان يزورها يخفف حزنها

* ليان كانت تتنتظر رجوع مشاري وهي ودها تشوفه عشان تخفف عليه بسبب وصية مها الله يرحمها توقف جنبه وعشان بعد تعطيه الوصيه

* مشاري كان ف شقه وما احد يدري مكانها غير غازي ..... كان ذقنه طويل شوي والهالات تحت عيونه وشعره طول شوي .... تمنى لو مات قبلها ... تمنى لو كان يقدر يعطيها من عمره عشان تعيش .... تمنى لو انها تبقى معاه

* منيف وربى كل يوم يزيد حبهم لبعض ومنيف ينتظر يمضي شهر عشان سكلم امه تخطب له ربى

* حلا ومحمد كل ماله حبهم يزيد عن قبل واشتياقهم لبعض وقرر محمد يفاتح امه على موضوعهم لكن كان ينتظر يخلص حزنهم على موت مها

* رنا ومازن صار معاهم موقف ف العزا وزاد حبهم لبعض
كانت رنا عند الورود ودموعها ابد ما وقفت وشلون ما تبكي وكانت معاهم جوهره ثمينه فجاه اختفت كانت مثل البلسم على الجرح

مازن كان معاه اتصال وطلع من المجلس بسبب الازعاج اول ما خلص مكالمته سمع صوت شهقات انثى راح باتجاه هالصوت خاف لا يكون اخته حلا صار معاها شي اول ما وصل لمصدر الصوت تفاجا ما يدري كم مضى من الوقت وهو يتاملها اشتاق لها من زمان ما شافها كان يريد يحضنها يخفف عنها ولو شوي ........... رنا حست احد قدامها رفعت راسها وتفاجات من الشخص اللي اول ما رفعت نظرها عطاها ظهرها رفعت شيلتها وهي تغطي شعرها وهي منصدمه من جرائته
رنا وهي تعطيه ظهرها : خير منو انت وبعدين ما تستحي وشلون ما تصدر صوت عشان اعرفك
مازن ابتسم : هههه ابد ما تغيرتي
رنا كانت بتروح عند الحريم لكن اول ما سمعت ضحكتها وقفت مكانها وعيونها ممتليه دموع وقلبها من كثر سرعته تحسه وده يطلع من جسمها
مازن استغرب لما ما سمع صوتها لا يكون راحت اول ما التفت لورا شافها واقفه بدون حركه خاف عليها كانت ابد ما تتحرك
مازن : رنا فيك شي
رنا وش كثر اشتاقت لهالصوت : هااه لا ابد ما فيني شي
كانت بتروح لكن لكن صوت مازن وقفها
مازن : رنا
مازن : هلا
مازن : احمم .... الصراحه انا معجب فيك وابيك لي
رنا تقاجات من كلامه وبفهاوه : هااه
مازن ابتسم : ايه انا احبك يا رنا .... وابي اطلب ايدك لكن مو الحين تدرين انتي بالظروف بس بغيت اعرف رايك قبل ... هااه وش رايك
رنا بخجل ( ياااي وش كثر انتظرت هاللحظه ) : الله يقدم اللي فيه الخير
مازن : يعني موافقه
رنا: نقول ان شاء الله ههههه ( وراحت )
مازن ابتسم : الحمدلله يا رب

........

بعد مرور شهر
دانه : خلاص يمه ان شاء الله بيرجع
ام غازي وهي تبكي : وين يرجع ..... تخيلي مضى شهر وعيوني ما شافته ... ليش كذا يعمل ... ما يدري فيه ام يحترق قلبها لما تبعد عن ولدها
دانه وهي بعد تبكي لانها من جد اشتاقت لاخوها
غازي وهو يدخل : السلام عليكم
ام غازي بصوت بكى : هلا ولدي
غازي ركض وجلس جنب امه : يمه خير وش صاير
ام غازي بحسره : من وين يجي الخير واخوك مو مبين ولا ادري وين اراضيه يشرب او ياكل عايش او ميت
غازي من جد عصب على اخوه كثير زودها : لا تخافين يمه انا متاكد بيرجع وبتشبعين منه
ام غازي بحسره : ايه متى ؟
غازي قرر اليوم يروح ويخبره عشان يرجع

..........
المسا
راح غازي لعند اخوه ف الشقه ..... اول ما دخل شم ريحة سجاير ... استغرب من وين هالريحه واخوه ما يدخن ..... شاف اخوه وشكله المبهذل منسدح على الصوفا وقاعد يدخن
انصدم مشاري من اخوه : مشاري
نقز مشاري لما سمع صوت اخوه وما عرف وين يخبي السجاره : هلا غازي
تقدم غازل لاخوه ومسك ايده اللي فيها السجاره واخذها منه بالقوه : شنو هذا
نزل راسه مشاري وما عرف وش يقول او وش يبرر لان الحقيقه مبينه
غازي مسك مشاري من ياقة ثوبه : تدخن يا مشاري تدخن
رفع مشاري راسه لاخوه وعيونه عمرا وشكله يكسر الخاطر : ليش وش فيها ..... مو التدخين يضر الصحه وانا ابي اضر نفسي
غازي رفع ايده وضرب مشاري كف عشان يصحيه ويذكره هوو وين : خبل انت .... مجنوون ..... تبي تموت عمرك ... وشلون بتقابل ربك .... اصحى يا مشاري اصحى ولا تتهور
مشاري انصدم من نفسه كان يدخن عشان ينسى مها .... لكن ادمن التدخين ومها ما طلعت من مخه ... نزلت دموع الندم من عيون مشاري
غازي ما تحمل منظر اخوه وسحبه لحظنه وشده اكثر
غازي وهو يفك مشاري لكن مشاري ما رضى يفك اخوه عشان لا يشوف ضعفه
غازي وهو لسى حاظنه : تكفى يا مشاري خلاص .... روح جهز اغراضك عشان بنرد البيت
مشاري وهو يمسح دموعه : لا ما ابي ارد
غازي : لا تخليني ارتكب جريمه فيك .... انت شنو ما تحس ... ما عندك ام واخت مشتاقين لك ..... تدري اليوم امك ما وقفت بكي وهي مشتاقه لك ... انت ما عندك قلب فيه ولد يسوي بامه كذا ..... ( وبحنيه ) خلاص يا مشاري مها الحين ما تحتاج غير الدعا .... البكي يعذب الميت
مشاري انصدم من نفسه وشلون نسى امه واخته .... وش كثر تشتاق لهم ومحتاج حظن امه ..... ( بدون شعور ) ركض لغرفته واخذ اغراضه وراح ... وبعد دقيقه رجع ومعاه اغراضه
غازي ابتسم : جاهز ؟
مشاري : ايه
غازي : اجل كشينا
( وراحوا )

.........

ليان وريم ورغد وحلا ونور ورنا وربى راحوا لبيت دانه عشان يجلسون معاها .... اما ليان كانت رايحه عشان دانه ومشاري ...... سلموا على دانه وعلى ام غازي وجلسوا ف الصاله يسولفون
ام غازي وهي تناظر ريم اللي سرحانه : ريم يمه
ريم انتبهت لام غازي : هلا خالتي امري
ام غازي وهي تبتسم : وش فيك يمه ليش سرحانه
ريم ( ااه يا خالتي ليتك تحسين فيني انا سرحانه عشان ولدك اللي معذبني ) : ابد يمه مو سرحانه ( وابتسمت عشان تغير الموضوع ) هاه دانه ما حددتوا متى العرس ؟
دانه  : لسى ما اتفقنا .... وانتوا ؟
ريم وهي تخفي حزنها : مدري تصدقين شكله مطول هههههه
حلا : شنو مطول .... لا انتي وهي احنا نبي عرس قريب نبي نغير النفسيه شوي
ربى : والله صادقه حلا ..... ترى زودتوها اخذتوا واجد وقت
رغد : لا تخافين احنا مقررين الشهر الجاي عرس ريم
ريم وهي تشاهق : هئ هئ ليش بكيفك هوو .... زوجك ولا زواجي
رنا : يا حبيبتي يا ريم ندري انه زواجك وندري انه زوجك الحلوو الوسيم اسمه غازي بس نبي عرس
ريم طلعن عيونها لما قالت هالكلام ...... نور لما شافتها ماتت من الضحك
نور : هههههههههههههه بالله شوفوا ريم .... تغارين ريوومه
ريم بثقل : ايه حبيبتي اغار مو زوجي
ام غازي فرحت لما شافت دانه تضحك : الله يوفقكم يا بنات ونفرح فيكم اليوم قبل باكر
البنات ما عدا دانه وريم وليان : اميييييين
ام غازي فتحت عيونه : وجعع ف العدوو ما تستحون انتوا ..... خبري البنات اول ما يشمعون طاري الزواج عيونهم ما تفارق الارض
ربى : هذاك اول خالتي الحين البنات يروحون يدورون على الرجال
البنات :هههههههههههههههه
ام غازي التفتت لبنت كانت تطالع الارض ومو  معاهم ابد : ليان قلبي وش فيك سرحانه
ليان ما انتبهت لخالتها ..... الكل استغرب وش فيها ..... رغد طانت جنبها وضربت ليان على كتفها : وش فيك
ليان وهي تنقز وتحط ايدها على قلبها : بسم الله الرحمن الرحيم .... خير انتي ماغي اسلوب
رغد : لا مافي .... والحين خبرينا وش فيك
ام غازي: وش فيك يمه
ليان بدون شعور: خالتي وين مشاري
البنات انصدموا ليش تسال على مشاري ..... ليان التفتت حولها حصلت الانظار عليها 
ليان : بسم الله وش فيكم
رغد وهي تهمس ف انها : بتخبريني على كل شي
قاطعهم شخصين : السلام عليكم

الكل انصدم