رواية انا انثى ولكن الفصل الرابع عشر 14 - بقلم lxvcr3

** البارت الثالث عشر **
**
**
**
**
**
**
**
**
**
**
**
**
**
**
**
مالك .. اها .. طيب مو حابه تدخلين ..

الجازي .. لا راح اجلس شوي ..

مالك .. اوك براحتك انا راح ادخل عن اذنك ..

الجازي بابتسامه ...اذنك معك ..

مالك لف بيمشي بس انصدم لما شاف البراء واقف وراهم وباين على ملامحه العصبيه .. البراء ؟!!..

الجازي لفت بسرعه لما سمعت مالك يقول البراء ووقفت وبصدمه من عصبيته .. البراء ؟!!..

البراء كانت عيونه مركزه على مالك وكان يناظره بقهر .. تكلم من بين اسنانه .. هذي نهايه ثقه عمي فيك يا محترم ..

مالك توه بيتكلم بس الجازي سبقته ..

الجازي .. البراء وش جالس تقول .. هذا انت ما تغيرت للحين تحكم من غير ما تسمع ..

البراء لف عليها بعصبيه .. انتي اسكتي حسابي معك بعدين .. ورجع لف على مالك .. وتوه بكمل كلامه بس الجازي قاطعته ..

الجازي وقفت وصارت قدام البراء .. وليه تكلمني بهالاسلوب ان شاء الله ايش شايفني قدامك ..

مالك .. ممكن اعرف ايش مناسبه هالكلام .. ليه وش شايفني اسوي مثلا ..

البراء .. بالله مسوي نفسك بريئ يعني .. جالس مع البنت لحالكم وتقول وش مسوي ..

الجازي انصدمت من تفكيره .. براء براء لحظه وش جالس تقول انت .. اذا كنت مواثق بمالك لانه غريب عنك انا ما تثق فيني ؟؟!..

البراء لف عليها والغيره عاميته .. تبيني اشوفك جالسه معه لحالكم وتبيني اثق فيك .. بالله اي واحد غيري ايش راح يفسر هالمنظر ..

الجازي اللي مصدومه من تفكير البراء جلست تناظره ما تدري ايش تقول ..

مالك .. فيه شي اسمه صدفه يا اخ البراء .. هذا اولا وثانيا لو كنت راعي خرابيط مستحيل اني راح اسوي شي في مكان مفتوح والكل يقدر يوصل له بسهوله .. صح ولا انا غلطان .. وبعدين العم عبدالعزيز ماوثق فيني واعتبرني ولده عشان اغلط هذي الغلطه السخيفه واخرب كل شي ..

الجازي لفت على مالك . لا تتعب نفسك وتتكلم معه اللي يفكر مثل تفكيره مستحيل راح يقتنع بغير كلامه .. ومشت عنهم وهي متضايقه من تصرف وتفكير البراء ..

البراء لف على مالك .. اسمعني كويس لو شفتك مره ثانيه مقرب عند الجازي او مكلمها ماراح يصير لك طيب .. وعطاه ظهره ومشى لداخل ..

مالك ناظر البراء باستغراب لما اختفى عن نظره .. استغفر الله ودخل للفله ..

..
..
..
الجازي اول ما دخلت للفله طلعت للغرفه شالت عبايتها ورمتها على الأرض ورمت نفسها على السرير وصارت تفكر بالبراء وتصرفه .. ..

..
..
..
اما عند البراء هو الثاني طلع لغرفته وانسدح على السرير وهو يحاول يستوعب اللي صار من شوي وليه تصرف هالتصرف الغبي ..

..
..
..
ومالك راح لعند الرجال اللي كانو جالسين عند المسبح ..

بسام .. فيصل اتصل على البراء خله ينزل ..

فيصل .. طيب ليه ما تتصل عليه انت ..

بسام .. ما تشوفني مشغول بالاكل ..

مشاري .. اي مرررررره مشغول لدرجه انك ما تقدر تحك شعرك تخاف الصحن يخلص ..

الشباب . ههههههههههههههههههههههههههههه ..

بسام .. مالت بس قولو ماشاء الله لا تصكوني بعين ..

عزوز .. على ايش نعطيك عين .. تاكل ولا يبين فيك شي ..

بسام .. تف تف تف بسم الله علي .. لا ششكلك انت اللي راح تعطيني عين ..

الشباب .. هههههههههههههههههههههه ..

مشعل .. هههههههههههههههههه وش فيك انقلبت ابله عطيات .. بس جد كلام عزوز ماشاء الله الأكل ما يبين بجسمك ..

بسام .. عاد وش اسوي انا كذا ..

.........................................

عند فله الحريم .. عند المسبح بالتحديد ..

ريوف .. بنات وحده منكم تروح تنادي الجازي اتصل عليها جوالها مقفل ..

ديم وقفت .. انا بروح اناديها .. مشت من عند الحريم ودخلت للفله وطلعت للغرفه اللي فيها الجازي .. فتحت الباب بهدوء وانتبهت بالجازي على سريرها وكانت مغمضه عيونها .. قربت لها .. الجازي نمتي ؟؟
..

الجازي فتحت عيونها .. لا .. ولفت عليها .. تبين شي ..

ديم .. جايه اناديك عشان تنزلين معنا تحت كلنا متجمعين عند المسبح نشوي .. وشوي راح نخلص ونتعشى ..

الجازي .. معليش بس احس بشويه صداع ماراح انزل راح انام .. وقولي لجدتي طيب ..

ديم .. سلامتك تبيني اجيبلك بندول ..

الجازي .. لا مو متعوده عليه راح انام وان شاء الله يروح الصداع ..

ديم .. ان شاء الله .. اجل اخليك ترتاحين ..تبين اطفي النور ..

الجازي .. اي اذا ما عليك امر ..

ديم ابتسمت .. لا وش دعوه .. يلا سلام . وطلعت من الغرفه بعد ما طفت النور ..

الجازي رجعت غمضت عيونها وبنفسها .. وش فيك يالبراء وش اللي صار لك فجاءه ليه سويت كذا ..
..........................

صباح اليوم الثاني ..

الساعه 7 الصباح ..

صحت الجازي ونزلت لتحت وما شافت حد صاحي .. راحت للمطبخ وشافت الخدم قالت لهم يسوون لها قهوه وشي خفيف تاكله .. طلعت للصاله وراحت للباب اللي يطل على البحر وشافت ان الجو حلو رجعت للغرفه واخذت عبايتها وشيلتها ونزلت لتحت شافت الخدامه توها طالعه من المطبخ وبيدها الصينيه .. اخذتها منها وطلعت عند البحر وجلست في الجلسه الموجوده هناك .. حطت الصينيه على الطاوله وبدت تاكل وهي تناظر البحر .. حست بحركه وراها .. لفت وانتبهت بالبراء توه طالع من فله الرجال ما عطته اهتمام ورجعت تناظر البحر .. بس شافته جلس قدامها ..

البراء .. صباح الخير ..

الجازي من غير ما تلف عليه .. صباح النور ..

البراء .. الجازي انا اسف على اللي صار امس بس صدقيني مو بيدي لما شفتكم مع بعض لحالكم عصبت على طول ومدري ليه ..

الجازي لفت عليه .. انت تذكر كلامك اللي قلته امس ..

البراء نزل عيونه .. ايه .. صدقيني مدري كيف طلع مني ..

الجازي رجعت تناظر البحر .. اتوقع انك كبير وتعرف تتحكم باعصابك .. كلامك اللي امس ابد ماكان له اي داعي .. والحين جاي تتاسف .. بعد ايش .. بعد ما شككت باخلاقي وباخلاق مالك .. بالله هذا شي سهل ؟..

البراء واللي للحين على وضعه .. لا والله مو شي سهل وانا مستعد اني اعتذر من مالك بعد بس سامحيني ..

الجازي توها بتتكلم بس قاطعها صوت من وراهم ..

مالك كان واقف قريب منهم ومتكتف ويناظر البراء .. امس عصبت علي لاني صادفتها بس .. وطلعتني انسان خاين وما اعرف بالاخلاق شي والحين انت جالس معها على نفس الطاوله وش هالتناقظ ولا انت تشوف انك احق لانك ولد عمها بس ... اذا هذا تفكيرك ف اسمح لي انت جاهل ..

البراء وقف .. وناظر الجازي .. مو امس تقولين لي افهم قبل ما تحكم .. ليه ما تقولين له شوفيه وش يقول ..

الجازي وقفت ولفت على مالك .. البراء جاي يعتذر مني وكمان راح يعتذر منك ..

مالك .. ما يهمني اعتذاره لاني ما اهتميت لكلامه اصلا لاني عارف نفسي وعارف انا ايش اسوي ..

البراء .. حتى لو ما يهمك انا راح ارتاح لما اعتذر منك .. انا اسف على اللي صار امس ..

مالك .. طيب .. عن اذنكم .. ولف عنهم راجع للفله ..

الجازي لفت على البراء .. حاول بس تفكر انك تعيد تصرفك اللي امس يا البراء صدقني ماراح اسكت .. ولفت عنه .. عن اذنك .. ودخلت لفله الحريم ..

اما البراء جلس وهو متضايق من نفسه على اللي سواه ..
..
..
..
..
عند الجازي اول ما دخلت طلعت لفوق ودخلت على غرفه البنات بس ماشافت حد صاحي .. طفت المكيف وفتحت الستاير .. يلا يا بنات قومو الجو مره رهيب عند البحر .. قومو ترا كلها يوم وراجعين للرياض ..

رغد ترفع الحاف على وجهها .. طيب طيب .

رهف تنقلب على الجهه الثانيه .. يوووه كم انتي مزعجه ..

الجازي .. هههههههه .. حلمانا بمسلسل كوري مدبلج انتي .. يلا قومو عاد ..

ريماس قامت .. صباح الخير ..

الجازي ابتسمت لها .. صباح النور .. ايه هذي الشيخه .. يلا قومي وصحيهم معك انا بروح اصحي ديم وريوف ..

ريماس وهي تقوم من السرير .. اوك ..

الجازي طلعت من الغرفه وراحت للغرفه الثانيه وسوت نفس الشي طفت المكيف وفتحت الستاير .. ياهووو يا حلوات يلا قومو الجو خطير برا .

ديم اللي نومها خفيف قامت .. طيب ترا تقدرين تصحينا من غير ازعاج .. وقامت من السرير متجهه للحمام ** الله يكرمكم **..

الجازي .. ههههههههههه .. يازين اللي معصبين .. ولفت على ريوف .. يلا يا بنت قومي ما بقى الا انتي ..

ريوف تنقلب على الجهه الثاني .. طيب الحين بقوم ..

الجازي .. ريوفوه تقومين ولا اجيب لك بسام يقومك بوحد من حركاته ..

ريوف فزت .. لا لا تكفين الا بساموه .. قمت .. اوف ..

الجازي .. هههههههههههههههههههههههههههه .. ياحليلك ..

في هالوقت دخلت ريماس الغرفه .. ها صحو ..

الجازي . ايه واللي عندك ..

ريماس .. ايه صحو .. اجل تعالي خلينا ننتظرهم تحت بالصاله ..

الجازي .. اوك .. شالت عبايتها ورمتها على السرير ونزلت مع ريماس لتحت وشافو الحريم صاحين .. سلمو عليهم وجلسو معهم ..

ام محمد .. الا وين باقي البنات ..

الجازي .. الحين راح ينزلون يمه ..

شوي نزلو باقي البنات وسلمو على الحريم وجلسو ..

ام سعد .. يلا قومو الفطور جاهز .

قامو الكل ما عادا الجازي ..

ريماس لفت عليها .. يلا قومي وش فيك ..

الجازي .. لا انا افطرت من بدري .. روحو بالعافيه ..

ريماس .. الله يعافيك ..
...........................

بعد ساعه ..

الساعه 8..

البنات كانو جالسين عند البحر وطبعا كانو لابسين عباياتهم ..

الجازي .. بنات دي اركب طراد ..

رهف .. ايه والله حتى انا ودي ..

ديم .. اقول انتي معها احلمو بس ..

الجازي لفت عليها باستغراب .. وليه ..

ريوف .. لان الشياب مستحيل يوافقون ..

الجازي ابتسمت .. اها المساله فيها الشياب .. اجل راح نركب ..

البنات لفو عليها باستغراب ..

رغد .. وكيف ان شاء الله .

الجازي وقفت .. الحين تشوفون .. راحت لجهه فله الرجال وانتبهت بالشباب توهم طالعين ..

الشباب انتبهو لها ..

بسام .. صباح الخير وش عندك جايه هنا هاه ..

الجازي بابتسامه .. ممكن واحد فيكم ينادي لي جدي ..

مشاري .. وليه ما تتصلين عليه انش اء الله ..

الجازي .. كنت راح اتصل بس مادام انتو موجودين ليه اتعب نفسي ..

بسام .. انا مالي خلق ..

مشاري توه بيتكلم بس قاطعته الجازي .. ادري الحين كلكم راح يصير مالكم خلق .. مالت بس ..

مالك ابتسم .. انا راح اناديه .. لحظه .. ودخل ..

الجازي .. كفو هذا احسن واحد فيكم ..

البراء لف عليها وهو مقهور بس ما يقدر يتكلم ..

الجازي تذكرت شي ولفت على بسام .. هيه بساموه انت وش مسوي لريوف هاه ..

بسام باستغراب يناظرها .. ريوف !! .. ما سويت لها شي .. ليه ؟..

الجازي تذكرت شكلها .. هههههههههههههههههههه .. اليوم ابي اصحيها وما صحت ولما قلت لها راح انادي عليك بسام فزت من السرير ..

بسام .. هههههههههههههههههه .. بالله .. ههههههههههههههههه فاتني شكلها .

الجازي .. ايه من جد فاتك .. بس ايش مسوي لها ..

مشاري .. من كثر المقالب اللي يسوويها لهم صارت تخاف منه ..هههههههههههه ..

بسام .. يمكن مع اني ما توقعت ان ريوفوه بيوم راح تخاف مني ..

الجازي .. اجل ياويلك لو قلت لها اني قلت لك السالفه لان باين انها تسوي قويه قدامكم ..

بسام ابتسم بخبث .. ابشري ..

الجازي .. وش هالابتسامه بعد وش وراها ..

مشعل .. الكتاب باين من عنوانه ..

فيصل .. اكيد مقلب ..

الجازي .. هيه بساموه لا تنسى كلامي امس انتبه هاه ..

بسام اختفت ابتسامته .. ليه صرتي بنت انتي اوف ..

الشباب .. هههههههههههههههههههههههههه ..

الجازي .. احسن ..

في هالوقت طلع ابو محمد مع مالك من الفله ..

ابو بمحمد ابتسم لما شاف بنته كيف صارت طبيعيه ولا تتحسس من جلستها مع العيال .. راح لهم .. السلام ..

الكل .. وعليكم السلام ..

الجازي راحت تسلم على جدها .. صباح الخير يبه ..

ابو محمد صباح النور .. سمي يبه يقول مالك انك تبيني ..

الجازي ابتسمت .. ايه يبه .. بصراحه انا والبنات ودنا نركب طرادات بس قالو لي البنات ان جداني ماراح يوافقون وانا جيت استاذن منك وانك تقنعهم ..

ابو محمد سكت شوي يفكر بعدها ابتسم .. تامرين كم جازي عندي الحين اقول لهم ..

الجازي حضنت جدها .. تسلم لي يبه .. بروح ابشر البنات ..

ابو محمد ابتسم .. طيب يبه ..

راحت الجازي للبنات وابو محمد دخل للفله ..

عزوز .. شباب شفتو وسمعتو اللي شفته وسمعته ..

مشاري .. تتوقعون جدانا راح يوافقون ..

مشعل .. لو وافقو انا راح انجلط ..

مالك .. وليه تنجلط بسم الله عليك ..

فيصل .. لان من عمرنا والبنات كانو يحاولون بجداني انهم يركبون بس دايم يرفضون ..

بسام .. تخيلو يوافقون الحين عشان الجازي ..

البراء .. انا ما استبعدها صراحه .. ولا نسيتو ايش صار من قبل لما كانت سلطان ..

مشعل .. من جد ..

عزوز .. قهر ..

مالك بنفسه يكرر كلام البراء.. لما كانت سلطان .. لما كانت سلطان .. ايش السالفه ومين سلطان هذا وايش دخل الجازي فيه ..

مشعل .. اقول تعالو خلونا نجلس ونشوف ايش يصير ..

راحو الشباب جلسو بطاوله بعيده عن طاوله البنات بشوي ..

..
..
..

عند البنات..

ريوف .. الجازي ما كان عمي طول ..

الجازي .. ياختي اصبري هو راح يقنعهم اكيد راح ياخذ وقت ..

رهف .. يارب بعد هالأنتظار يوافقون ..

البنات .. يارب ..

دق جوال الجازي ورفعته .. هذا جدي ..

البنات بحماس ..ردي بسرعه ..

الجازي ردت .. هلا يبه .. ايه برا .. جد .. والله .. وناسه .. شكرا يبه .. احبك .. سلام .. قفلت من جدها ولفت على البنات .. قلت لكم الجازي ما ينرفض لها طلب ..

البنات بصوت واحد .. هيييييييييااااااااا ..

..
..
الشباب لفو جهه الصراخ ..

بسام .. مبسوطين ..

عزوز .. يعني جاتهم الموافقه ..

مشاري .. بديت اكره الجازي ..

الشباب .. ههههههههههههههه ..

فيصل .. الا يا حظها جد مثل عمي عبدالعزيز ..

الشباب .. ايه والله ..

مشعل .. طيب انتو ما تبون تركبو طردات بعد ..

بسام وقف .. انت مجنون اشوف البنات يركبون وانا لا .. طبعا بركب ..

وقامو الشباب كلهم ماعدا مالك والبراء ..

فيصل .. وانتو ما تبون ..

البراء.. كان ودي بس تعرف ممنوع علي عشان رجلي ما تتعرض للمويه كثير ..

فيصل .. ايه صح نسيت .. وانت مالك ..

مالك ابتسم .. مالي خلق وراح اجلس مع البراء عشان ما يجلس لحاله ..

مشاري .. جاك سلطان الثاني ..

بسام .. ايش قصدك ..

مشاري .. اقصد لو سلطان هنا كان هو اللي قال هالكلام ..

مشعل .. من جد سلطان مثال لتضحيه من اجل البراء ..

الشباب ماعدا البراء ومالك اللي مو فاهم شي .. ههههههههههه ..

البراء .. اقول انت مع ما تبون تنقلعون ازين لكم ..

عزوز .. الا راح ننقلع ..يلا شباب

..
..
عند البنات راحو للطرادات وكل وحده اخذت لها طراد وقبل ما يركبون انتبهو بالشباب جايين ..

ريوف .. يا حبهم للتقليد ..

رهف .. من جد ..

بسام .. ها اخذتو طردات ..

الجازي .. ايه .. وبعدين ايش تبون تقلدون ..

فيصل .. كيفنا ..

مشعل .. ههههههههههههههه وش فيكم انقلبتو بزارين .. اقول يلا بس خلونا نركب ..

بعدها ركبو كلهم الطرادات وبدو يلعبون ..
..
..
عند سلطان والبراء .. كانو يناظرونهم وهم يلعبون ومبسوطين ..

مالك لف على البراء .. ممكن سؤال البراء ..

البراء لف باستغراب منه كان الصباح بحاله والحين بحال ثانيه .. اسال ..

مالك .. اسمعكم كثير تقولون سلطان .. مين هذا ماشفته ..

البراء بنفسه .. معقوله ما يعرف ان الجازي كانت ولد من قبل .. غريبه .. لف يناظر البحر .. وجات بباله فكره وابتسم ..وبنفسه .. خليني اقوله ان الجازي كانت سلطان يمكن يبعد عنها ولا يتقرب منها .. رجع لف عليه .. ليه انت ما تدري ..

مالك باستغراب .. ادري بايش ..

البراء .. مع انك شخص قريب من عمي عبدالعزيز ويعتبرك ولده وما تدري عن خصوصياته ..

مالك .. اي مدري لان العم عبدالعزيز دايم يفصل بين الشغل والخصوصيات .. بس ايش اللي ما دريت عنه ..

البراء .. سلطان اللي تسال عنه هو موجود بينا الحين .. واشر على جهه البحر .. وهو يلعب هناك معهم ..

مالك لف يناظر اللي يلعبون باستغراب .. مين ما اشوف حد غريب ..

البراء .. هو موجود بس اسمه مو سلطان وحتى شكله ..

مالك .. ايش قصدك ..

البراء اشر على الجازي .. شوف هذا هو سلطان .. او بالأصح اللي كانت سلطان ..

مالك صار يناظر وين ياشر البراء .. الجازي .. ولف عليه .. كيف كانت سلطان ..

البراء .. بسبب خطا طبي فكرو انها ولد وعاشت نص حياتها سلطان وتوها من كم شهر صارت الجازي ..

مالك بصدمه .. تمزح ..

البراء .. هذا اللي صار واذا مو مصدق اسال عمي بدالعزيز ..

مالك لف يناظر الجازي وهو يفكر بكلام البراء ..

البراء ابتسم وبنفسه .. يارب يبعد عنها ..

..
..
في البحر ..

كانو البنات مبسوطات وهم يلعبون بالطرادات .. وكانو الشباب يهبلون فيهم ..

بعد ساعه خلصو لعب ونزلو . راحو كلهم للطاوله اللي فيها البراء ومالك ..

البراء بابتسامه .. انبسطتو ..

رهف بحماس .. يوه ونااااسه ..

بسام .. اي لانكم اول مره تركبونه عشان كذا تحسون بهالوناسه الكبيره ..

ريوف .. ايه انتو متعودين .. مالت .. ولفت على الجازي .. شكرا جزوي ..

الجازي .. العفو ما سويت شي ..ولفت على البراء ومالك .. غريبه ليه ما ركبتو ..

البراء .. انا ما اقدر عشان رجلي ما تتعرض للمويه ..

الجازي .. ايه صح .. ولفت على مالك ..

مالك اللي كان يناظرها طول الوقت وقف .. عن اذنكم بدخل احس اني صدعت ..

الكل .. اذنك معك ..

البراء ابتسم ومن داخله فرحان ..

الجازي .. يلا بنات خلونا ندخل نريح ..

البنات .. يلا ..

وحتى الشباب دخلو عشان يتجهزون لصالاه الجمعه ..
.........................

اقتباس
  {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 213 
قديم(ـة) 05-03-2016, 03:30 PM
الوعد _ ALWAAD
الافتراضي رد: انا انثى ولكن !!...

الساعه 4 العصر ...

عند البنات ..

كانو جالسين عند المسبح ويسولفون ..

الجازي .. بنات فكرو بشي نسويه بالليل عشان ما نطفش ..

ريوف .. ترا من امس وحنا قايلين نبي نسبح بالمسبح ولا سبحنا ..

الجازي .. بصراحه انا ما ابي اضيع وقتي بالمسبح وانا عند البحر وبعدين ببيوتنا فيه مسابح .. خلونا نفكر بشي ثاني ..

رهف .. لحظه بنات وش رايكم نرد مقلب العيال اليوم ..

الجازي لفت عليها .. من جد عاد المكان يسمح للمقالب .. يلا نفكر بمقلب خطير ..

ريماس .. انتي موجوده ليه نفكر .. يلا طلعي لنا مقلب خطير مثل المقالب اللي كنتي تطلعينها للشباب ..

الجازي .. ههههههههههههه .. طيب اصبرو افكر ..

ديم وقفت .. بنات بروح اجيب لي مويه حد يبي شي ..

الجازي تناظر الساعه .. ذكرتيني وقت علاجي الحين .. معليش ديوم جيبي علاجي من الشنطه وجيبي لي مويه بعد ..

ديم .. اوك .. وراحت ..

اريف .. نبي مقلب فيه بحر عشان نستغل وجودنا هنا ..

الجازي .. امممم طيب فكرو معي ساعدوني ..

رغد .. وش رايك نغرقهم بالبحر ..

الجازي .. بالله واذا فيهم حد ما يعرف يسبح نتوهق فيه ..

ريماس .. من جد .. لا هذي خطيره ..

الجازي .. بنات خلونا نبعد عن البحر نسيتو ان البراء رجله للحين مجبسه وما ينفع تتعرض للمويه ..

رهف .. من جد خلونا نمقلبهمبشي ثاني ..

ريوف .. مثل ايش طيب ..

في هالوقت جات ديم وعطت الجازي علاجها والمويه ..

الجازي .. مشكوره حبيبتي .. اخذت العلاج وشربت المويه .. الحمد الله .. بنات جاتني فكره ..

ريوف بحماس .. وش هي ..

الجازي توها بتتكلم بس رن جوالها رفعته وكانت المتصل نوف .. وقفت .. عن اذنكم دقايق .. وراحت بعيد عنهم تكلم نوف ..

ديم لما شافت الجازي بعدت لفت على البنات .. بنات بقولكم شي قبل ما تجي الجازي ..

البنات باستغراب .. ايش ..

ديم وانا ادور بشنطه الجازي على العلاج انتبهت ببطاقه الأحوال حقتها كانت مرميه ولما اخذتها لقافه شفت ان باقي على يوم ميلادها اسبوع يعني راح يكون الخميس الجاي .. وش رايكم نسوي لها مفاجاءه ..

رهف بحماس .. واو يعني راح نسوي حفله وحركات .. وناسه ..

رغد .. من جد خلونا نفرحها بعد اللي صار .. خلاص نتفق على الترتيبات بعدين عشان ما تسمعنا ..

ريوف .. جد .. اسكتو جات ..

الجازي .. ايوا وش كنا نقول .

ديم .. كنتي تقولين انك لقيتي فكره ..

الجازي .. اي صح .. اسمعو ..
.......................

عند الشباب ..

كانو جالسين عند البحر ما عدا مالك ما كان معهم ..

بسام .. الا وين مالك من بعد الغدا ما شفته ..

مشعل .. يقول انه بيريح ..

بسام .. اا .. تصدقون شباب احس اننا جد ظلمناه لما حكمنا عليه من البدايه ..

فيصل .. من جد احسه غير لما جلسنا معه ..

مشاري .. الجازي هذي داهيه تعرف الناس من اول نظره ..

عزوز .. قول ماشاء الله لا تصكها بعين ..

مشاري .. ماشاء الله ..

البراء سرح .. وبنفسه .. ايش موضوعي انا ليه صاير افكر فيها بزياده بزياده ليكون اللي قلته قبل كم شهر صحيح .. لا مستحيل اكيد الموضوع بس لاني متعود عليها لما كانت سلطان والحين هي مو معي .. اكيد هذا السبب .. اوووف خلاص اطلعي من بالي خلاص ..
......................

عند البنات ..

ريوف .. يس هذا المقلب ولا فلا .. طيب متى ننفذه ..

الجازي .. وش رايكم الحين ..

رهف .. ايه الحين احسن وقت لان الشياب كلهم يريحون ..

الجازي وقفت .. اجل يلا ..

قامو البنات كلهم وطلعو لغرفهم ولبسو عباياتهم ونزلو للجهه البحر لما تاكدو ان الشباب هناك .. طلعو وجلسو على طاولتهم ..

الجازي .. كلهم موجودين ؟؟..

ديم .. ايه .. لحظه مالك مومعهم ..

الجازي .. احسن لاننا مانبي ندخله بالمقلب ..

ريوف .. طيب مين راح يروح لهم ..

ديم .. طبعا الجازي مين غيرها يقدر يقنعهم ..

الجازي .. كنت عارفه .. ووقفت .. يلا بروح .. وراحت لعند الشباب .. مرحبا ..

الشباب .. هلا ..

الجازي . امم طفشانين انتو ؟؟..

بسام .. ايه كانك حاسه فينا .. بس ليه تسالين ؟..

الجازي .. لان حنا كمان طفشانين وقلنا نلعب معكم ايش رايكم ؟..

مشاري .. قدام .. بس ايش اللعبه ..

الجازي .. مادامكم موافقين دقايق انادي البنات ..وراحت تنادي البنات وجاو كلهم وجلسو على الأرض مقابل الشباباللي كانو جالسن على الأرض كمان ..

الجازي .. اللعبه عباره عن تحدي .. يعني حنا نطلب منكم طلب وتسوونه وانتو نفس الشي واللي يسوي اكثر طلبات هو الفايز ..

فيصل بحماس .. حلو حلو ..

الجازي .. جاهزين ..

الشباب .. ايه ..

مشعل .. مين راح يبدا ..

ريوف .. راح نسوي قرعه .. راح نلف علبه المويه هذي واللي يجي عليه الغطا راح يبدا ..

الكل .. اوك ..

ريوف اخذت العلبه ولفتها ووقفت عند الشباب ..

عزوز .. حلو دورنا .. بس لحظه نتشاور كلنا ونطلب ولا كل واحد منا يطلب طلب ..

الجازي .. لا كلكم تطلبون طلب واحد وعادي لو تطلبونه من وحده منا او كلنا ..

بسام .. اجل لحظه نتشاور ..

والتمو الشباب على انفسهم وصارو يتشاورون ..

الجازي .. لا تطولون ترا فيه وقت ..

البراء .. خلصنا .. الطلب هو او اول شي بقول مين اللي راح تنفذ الطلب .. الجازي ..

الجازي .. توقعت .. مدري ليه حاقدين علي .. يلا قولو ..

البراء . لا تخافين طلب خفيف .. جيبي لكل واحد فينا قهوه ..

الجازي .. قلت حاقدين .. ووقفت ..راح اجيبها من الاله ماراح اتعب نفسي ..ولا تقولون شي خلص طلبكم .. ومشت ..

الشباب .. ههههههههههههههههههههههه ..

بسام .. اكلتنا ..

دقايق وجات الجازي وبيدها صينيه فيها اكواب القهوه وحطتها قدام الشباب .. خذو ..

فيصل .. طبعا بالعافيه علينا ..

الجازي بحقد .. جعله ما ي.....

مشاري قاطعه .. اوص اوص اوص تبي تدعي بعد ..

الجازي .. احسن .. يلا الحين دورنا ..

البنات التمو على بعض ..

ريوف بهمس .. نطلب الحين ولا بعدين ..

ديم .. بصراحه انا حبيت اللعبه ودي نطول فيها ..

رهف .. خبله انتي شوفي ايش سوو بالجازي هذول يبونها من الله يذلونا ..

رغد .. من جد خلونا نطلبه الحين ..

الجازي .. اوك .. ولفت على الشباب اللي ينتظرون .. كل واحد فيكم يجيب بوكه .. اي محفظته .. بسرعه ولا تتاخرون ..

الشباب يناظرون بعض مستغربين ..

مشعل .. وش هالطلب ..

الجازي .. مافيه اعتراض يلا ..

قامو الشباب كلهم وكل واحد جاب بوكه وجا .. وحطوهم على الأرض قدام البنات ..

الجازي اخذتهم .. وبدت تفتح وحده وحده .. فتحت بوك البراء وشافت فيه 50 ريال واخذتهم .. وفتحت بوك بسام وشافت فيه 100 ريال واخذتها ..

الشباب مستغربين ..
بسام .. هيه وش جالسه تسووين انتي ..

الجازي .. اشش هذا تبع اللعبه ما يحق لكم تعترضون .. وكملت فتحت البوك اللي بعده وشافت فيه 500 ريال واخذتها .. وكملت على هالحال لما خلصت كل الأبواك .. ولما جمعت المبلغ اللي معها طلع 2150 .. رجعت الأبواك على الارض ولفت على البنات .. يلا ..

الشباب يناظرون البنات اللي وقفو باستغراب ..

مشاري .. هيه انتو على وين .

ريوف .. تذكرون المقلب اللي سويتوه فينا لما كنا نبي نتعشى وسحبتو علينا ..

رهف تكمل .. وبما اننا كان ودنا فيه قررنا الأتي ..

رغد تكمل .. اننا نلعب عليكم وناخذ فلوسكم ونروح نتعشى فيهم تعويض على هذاك اليوم ..

الشباب بعد ما استوعبو لفو على الجازي ..

الجازي رفعت يدينها باستسلام .. مالي دخل هم اللي يبون ياخذون حقهم منكم ..

البنات لما شافو الشباب وقفو .. النحشه .. وركضو كلهم جهه فله الحريم ودخلو وراحو للغرفه وهم ميتين ضحك على الشباب ..

اما الشباب مقهورين حدهم ..

مشعل .. كنت عارف ان الجازي مو سهله ..

بسام .. ووجع وهم للحين حاقدين علينا على سالفه المطعم ..

البراء .. طبعا السالفه فيها مطعم واكل تبونهم يشكرونا مثلا ..
مشاري وهو ياخذ بوكه .. ووجع عليهم عاد توي ساحب الفلوس مصروف لي الحين كيف ادبر عمري هنا ..

بسام .. وانتو تتوقعون ان بسام راح يسكت .. اكيد لا .. انا اوريهم ..

..
..
..
عند البنات ..

ريوف .. خطيييره الفكره ..

رغد .. شفتو اشكالهم وهم يناظرون الجازي وهي تطلع الفلوس ..

ريماس .. هههههههههههههههههه .. تصدقون هذا اجمد مقلب سويناه .. على الاقل وراه فايده ..

ديم .. من جد ..

الجازي .. عشان تعرفون ان معكم كنز ثمين ..

ريوف .. في هذي صدقتي .. وبمناسبه هالنجاح وش رايكم ننزل نسوي كيك ..

الجازي .. انا ما اعرف ..

رغد .. نعلمك .. يلا قومو ..

وقامو البنات كلهم ونزلو للمطبخ وبدو يحوسون فيه ..

....................................

الساعه 8 المساء ..

عند البحر ..

طانت الجازي تتمشى على الشاطئ وتكلم صاحبتها نوف .. وبعد ما خلصت جلست قدام البحر تنتظر البنات اللي قالو لها راح يجون بعد شوي .. شوي سمعت صوت من وراها صدمها ولفت بسرعه ..

مالك اللي كان طالع يتمشى عند البحر انتبه بالجازي وراح من وراها .. سلطان ..

الجازي وقفت وصارت تناظره باستغراب وبنفسها كيف عرف اسم سلطان ..

مالك ابتسم .. يعني اللي سمعته عنك صحيح ..

الجازي .. وايش اللي سمعته ..

مالك .. انك كنتي ولد وكان اسمك سلطان بسبب خطا طبي ..

الجازي نزلت عيونها .. ايه صدق بس مين اللي قالك ؟؟..

مالك .. البراء قال لي ..

الجازي رفعت عيونها له بصدمه .. البراء .. وليه ايش جاب الطاري ..

مالك .. سمعتهم يكررون اسم سلطان كثير ومن كلامهم عرفت ان سلطان هذا عزيز على البراء بشكل كبير فاخذني الفضول وسالت عنه وقالي البراء كل السالفه .. انا ما صدقت من البدايه لان شكلك ابد ما يوحي انك كنتي بيوم من الأيام ولد ..

الجازي .. طبيعي لاني بالأساس انا بنت ..

مالك .. يمكن .. بس انا جلست افكر بشي واحد من عرفت الموضوع ..

الجازي باستغراب .. ايش هو ..

مالك .. تصرفات البراء عرفت الحين ايش سببها .. هو للحين مو متقبل انك تكونين بنت ومتعود انك له لحاله يعني صديقته لحاله مايبي حد يقرب منك .. يحس انه متملكك عشان كذا هو سوى اللي سواه هذاك اليوم ..

الجازي اللي توها تفكر بالموضوع .. من جد انا كيف ما فكرت فيها .. يعني المفروض ما استغرب حركاته ..

مالك .. بس هو المفروض انه يستوعب انك خلاص صرتي بنت ومو من المفروض انه يعاملك كذا .. اتمنى انك تفهمينه هذا الشي عشان ما تصير لك مشاكل ..

الجازي .. ايه اكيد راح افهمه لو كان جد هذا تفكيره ..

مالك .. طيب انا اخليك الحين بس جيت اقولك هذا الكلام .. عن اذنك ..

الجازي .. مشكور واذنك معك ..

راح مالك لفله العيال وقبل ما يدخل انتبه بالعيال طالعين .. اهلا ..

الشباب .. هلا ...

بسام .. وين داخل تعال معنا ..

مالك ابتسم .. اوك ..

ومشو الشباب وجلسو على جلستهم ..

البراء انتبه بالجازي واقفه بعيد شوي عنهم بسرعه لف على مالك وشافه يسولف وهو مبتسم .. انقهر وبنفسه .. اكيد كان معها .. اوف ياربي ليه الجازي مصره انها تكون معه دايم ..

..
..
عند الجازي .. رجعت تجلس على الشاطئ وهي تفكر بطريقه تغير نظظره البراء لها .. شوي جاو لها البنات ..

ريوف .. ها تاخرنا عليك ..

الجازي .. ماصار حلى ..

رغد .. احمدي ربك ماكنتي معنا صارت حفله بالمطبخ ..

الجازي .. هههههههههههههههههه.. ما استبعد منكم شي من بعد اللي شفته لما سوينا الكيكه ..

ديم .. من جد .. هههههههههههههههه ..

الجازي .. عطوني اذوقه .. واخذت قطعه .. اممم كويس لابئس بها ..

رهف .. بالله حسنا كل هالحوسه بالمطبخ والحفله اللي صارت وفي الأخير تجين حضرتك وتقولين لا بئس به ..مالت بس ..

الجازي .. عاد انا ما احب اجامل بالأكل تحملو ..

ريوف .. على اساس راح يهمنا رايك .. المهم وحده توديه للشباب يذوقونه ..

ريماس .. وليه حضرتك ما تودينه ..

ريوف .. معهم مالك وانا استحي منه ..

كلهم لفو على الجازي ..

الجازي .. ايش بعد تراه مو وحش ..وبعدين انتو ماراح تجلسون معهم كلها بتعطونهم الصحن وتجون ..

رغد .. اجل قومي انتي سوي هالشي البسيط .. وبعدين حنا تعبانات لنا ساعه نحوس بالمطبخ ..

الجازي .. يوووه بيذلونا الحين على هالحلى .. وياليته حلو بعد .. اشوف .. واخذت الصحن ووقفت ..

رهف .. ودي اسطرها ..

الجازي وهي ماشيه .. هههههههههههههههههه .. انا اكبر منك ما تقدرين ..

..
..

الشباب اللي كانو يسولفون انتبهو بصوت الجازي القريب مهم ولفو جهه الصوت وشافوها جايه لهم ..

الجازي .. سلام .. وحطت الصحن على الطاوله .. خذو حلى ..

بسام .. مقلب ثاني بعد ..

الجازي .. وليه انت متوقع ان الجازي تمقلب المقالب البسيطه هذي . خذو بس ترا البنات تعبانين عليه ..

مالك بابتسامه .. تسلم الأيادي ..

الجازي .. شكرا .. هذا الكلام مو انت .. وتناظر بسام ..

مشاري ياخذ الصحن .. تدرين لو صار فيني شي ايش راح اسوي لك ..

الجازي .. ما اتوقع يمديك .. لان الشي الوحيد اللي ينحط في الأكل هو السم ف اكيد راح تموت قبل ما تسوي فيني شي ..

مشاري .. وجع وجع على طول الرد جاهز .. انقلعي بس ..

الجازي .. نعم اخ مشاري كانك منت بزياده ..

مشاري .. جد .. ما حسيت .. ياخي للحين مو مستوعب انك صرتي بنت احسك للحين سلطان لان مافي شي تغير فيك الا شكلك وصوتك ..

الجازي .. يمكن كلامك صح بس لازم تتعودون اني انا خللص صرت بنت وتعاملوني مثل ما تعاملون البنات الثانين لا تحسسوني اني غير عنهم ترا هذا الشي يتعبني ف لو سمحتو ساعدوني ..

مشعل .. ان شاء الله ابشري راح نحاول وصدقيني مع الأيام راح نتعود انك بنت بس اصبري علينا ..

الجازي ابتسمت .. طيب .. عن اذنكم .. وراحت ..

بسام .. ترا صادقه الجازي حنا للحين مو مستوعبين انها صارت بنت ودايم نعاملها كانها سلطان وهذا غلط ..

عزوز .. مثل ما قال مشعل يبي لنا وقت على ما نتعود ..

البراء كان ساكت ويفكر بكلام الجازي وبنفسه .. الكلام يشملني انا كمان يعني لازم اغير معاملتي معها .. بس انا ما اقدر .. الله يعين بس ..

..
..

عند البنات ..كانو يسولفون شوي جا اتصال للجازي من رقم غريب طنشته مره ومرتين بس الرقم مصر يتصل .. استاذنت من البنات وراحت بعيد عنهم وردت ..

الجازي .. نعم ؟!..

.. .. هلا بالجميله ..

الجازي عرفت الصوت .. خير وانت كل يوم لك رقم ..

عادل .. اكيد ولا كيف راح تردين علي .. اوه الجو مره جميل عند البحر صح ..

الجازي بنفسها .. الله ياخذه اكيد عارف اننا بالشاليه .. خير وش تبي بعد ..

عادل .. ليه دايم تمثلين انك القوي اللي ما تخاف من حد ترا الدور هذا مو لايق عليك .. ارضي بالواقع واعرفي انك بنت ضعيفه ..

الجازي ببرود .. شكرا على المعلومه فيه شي ثاني ..

عادل انقهر من برودها .. ابتسم بخبث .. وليه تمشين بعيد عن البنات خايفه يسمعونك ويشكون فيك او ايش ..

الجازي استغربت كلامه وصارت تلتفت حولها ..

عادل .. لا لا لا تتعبين رقبتك وانتي تدوريني لفي يمين وامشي خطوتين وتشوفيني ..

الجازي سوت مثل ما قال عشان تتاكد .. وشافته واقف ويبتسم .. انقهرت .. انت وش تسوي هنا ..

عادل .. وانتي تتوقعين اني راح اتركك بعد حركتك الاخيره .. حتى لو كان ماعندي دليل ضدك انا متاكد انك انتي ورا السالفه وراح انتقم ..

الجاي .. وانت تتوقع ان البلد مافيها قانون .. على كيفك راح تنتقم ..

عادل .. مو عادل اللي يهتم للقانون ..

الجازي .. اخلص روح من هنا قبل ما اسوي لك مصيبه ..

عادل .. هههههههههه .. ما تقدرين يا بعدي .. وبدا يمشي باتجاهها

الجازي صارت تناظر وراها خايفه حد يشوفه وتصير مصيبه بس ما شافت حد لانها كانت بعيده عنهم .. ورجعت لفت عليه وشافته قريب منها مره .. نزل الجوال من اذنه .. وش فيك كانك خفتي ..

الجازي بحقد .. وليه اخاف ما سويت شي غلط .. والحين انقلع قبل ما اسوي لك مصيبه ترا انا للحين اعاملك بطيب ..

عادل .. ههههه .. وليه ايش راح تسوين ياشريره راح تضربيني مثلا ..

الجازي .. لا طبعا ماراح اوصخ يديني فيك .. ورفعت جوالها فيه ناس يعرفون كيف يتصرفون معك ..

عادل كان يناظر بالجوال وانتبه انها تتصل بالشرطه سحب الجوال من يدها ورماه على الارض ولف يدها لما صارت ورا ظهرها قرب منها ومن بين اسنانه .. مو عادل اللي يتهدد فاهمه .. تدرين لو اخذتك الحين محد درا عنك ..

الجازي حاولت تفك نفسها بس ما قدرت .. صرخت باعلى صوتها .. الحقووووووووووووووووووووووووووووووووووووووني الحقووووووووووووووووووووووووووووووووني ..

..
..

عند البنات والشباب اللي كانو بعيدين عنهم بشوي كانو يسولفون .. فجاءه سمعو صوت الصراخ ..وبما ان الصوت كان بعيد ماقدرو يميزون مين صاحب الصوت ..

الشباب وقفو بخوف ..

بسام .. ايش هذا ..

عزوز .. صوت صراخ بنت ..

البراء لف على البنات بس ما شاف الجازي معهم .. قال بسرعه وهو يتجه للبنات .. الجازي ...

الشباب لحقوه ..

البنات اللي كانو واقفين وباين عليهم الخوف .. شافو الشباب وهم جايين لهم ..

البراء .. الجازي وينها ..

رهف بخوف .. ممدري هي كانت تكلم جوال وراححت ممن هنا .. واشرت على المكان اللي راحت مه الجازي ..

شوي سمعو نفس الصوت وهالمره قدرو يميزون الصوت ..

ديم بخوف .. هذا صوت الجازي انا متاكده ..

بسام .. شباب يلا تفرقو خلونا ندورها .. وانتو يالبنات ادخلو داخل بسرعه ..

البنات بخوف دخلو لداخل اما الشباب توزعو وصارو يدورون الجازي .

..
..

عند الجازي .. كانت تصرخ وهي تحاول تفك نفسها منه .. اتركني يا حيوان ..

عادل تنرفز منها خلاص .. طلع المسدس من جيبه ووجهه على راسها .. لو ما سكتت راح اذبحك ..

الجازي .. حقيييييييييييييييير .. اتركني ..

..
..

مالك قدر يميز الصوت وراح اتجاهه وانتبه بالجازي وكان واحد ماسكها .. لف ينادي الشباب .. شباب هنا تعالو هنا .. وراح يركض لهم وانصدم اول ما شاف المسدس على راس الجازي ..

الشباب اللي وصلو كلهم بعد ثواني كمان انصدمو مثل مالك واكثر لانهم شافو عادل ..

عادل .. ياويل حد يقرب ..

البراء بعصبيه .. انت ايش تبي بعد ماكافاك اللي سويته .. اتركها .. اذا انت رجال تكلم مع الرجال مو تتقيوى على بنت ..

عادل بعصبيه .. انا رجال غصبا عنك .. انا انا اتعامل مع اللي ضرني بس وهي اللي ضرتني فا لاحد يتدخل ..

بسام .. مو بكيفك .. اتركها الحين ولا اتصلنا بالشرطه ..

عادل .. ما يهمني شي اهم شي انها ما تعيش ..

البراء قرب منهم ..

عادل .. قلت لك لا تقرب ..

الجازي .. البراء تكفى ابعد ..

البراء .. مجنونه انتي تبينا ننتركك بين يدينه .. وصار يقرب اكثر ..

عادل .. ترا راح تكون انت سبب موتها ..

مشاري .. البراء وقف .. ولف على عادل .. انت ايش تبي منها طيب ..

عادل .. هي عارفه ايش ابي ..

البراء وقف مكانه .. قول ايش تبي منها ..

عادل لف على الجازي .. قول لهم ايش ابي وانتي رافضه ..

الجازي .. الحقير يبي يتزوجني ..

عادل ضغط على يدها اكثر لانها سبته .. ها وش قلنا ممنوع السب .. ولف عليهم.. سمعتوها .. اذا اقنعتوها انها توافق راح اترككها الحين ..

البراء بعصبيه .. باحلامك وقرب منهم اكثر.. وراح تتركها الحين غصب عنك ..

عادل .. هههههه .. انت اللي باحلامك اني اتركها ..

البراء يقرب اكثر لين ما صار بينهم الا خطوه ..

الجازي بخوف على البراء .. براء تكفى لا تقرب ..

عادل .. اسمع كلامها ولا تقرب ..

بسام .. براء ارجع ..

البراء مطنش نداء الكل وتحذيرهم وتقدم خطوه ومع الخطوه انطلقت الرصاصه من المسدس .. وشخصين طاحو على الارض ..

الكل .. لااااااااااااااااااااااااااا ..
**
**
**
**
**
**
**
**
**
**
**
**
**
**
**
**
** انتهى البارت الثالث عشر **