رواية انا انثى ولكن الفصل السابع 7 - بقلم lxvcr3

** البارت السابع **
**
**
**
**
**
**
**
**
بالليل ..
الساعه8 ..
بالمستشفى ..
صحى ابو محمد من الغيبوبه والكل عرف بالموضوع وجاو له يزورونه ..
سلطان كان جالس عند جده ويسولف معه ومبسوط انه صحى من الغيبوبه ..
بس في هاللحظه جا اتصال لسلطان ..رفع الجوال وشافه رقم غريب .. استاذن من جده والجماعه وطلع لبرا .. مرحبا ..
الطرف الثاني .. مرحبتين .. معي سلطان محمد عبدالعزيز ال... ..
سلطان باستغراب .. اي نعم ..تفضل ..
الطرف الثاني .. تعرف حمد بن فهد ال.. المعروف بابو فهد ..
سلطان زاد استغرابه .. ايه اعرفه خير ان شاء الله ؟؟..
الطرف الثاني .. انا فاعل خير واعرف ان جدك راح يتنازل عن الصفقه .. بس انا اقولكم لا تتنازلون لان ابو فهد مدبر لجدك مكيده راح يدمره حتى لو تنازل انا جاي احذرك منه وماحبيت اكلم جدك لاني عارف انه توه صاحي من غيبوبه وما يتحمل اي صدمات .. فاتمنى تنتبه من ابو فهد .. عن اذنك ..
سلطان .. لحظه لحظه .. وانت ايش مصلحتك عشان تحذرني ..
الطرف الثاني .. قلتلك فاعل خير .. مع السلامه .. وقفل ..
سلطان صار يناظر الجوال باستغراب .. وبنفسه .. وهذا كيف عرف اننا راح نتنازل والخبر للحين ما وصل للشركه صاحبه المناقصه ..
صحاه من تفكيره البراء اللي لما شافه تاخر طلع له .. سلطان وش فيك ؟؟..
سلطان لف عليه ..تعال برا عشان اعرف اتكلم ..
البراء حس ان الموضوع خطير ويخص المناقصه ..يلا ..
وبعد ما طلعو لحديقه المستشفى ..
البراء.. مين المتصل ..
سلطان .. يقول فاعل خير يحذرني من ابو فهد ..
البراءباستغراب .. يحذرك .. ومن وين يعرفك هو ..
سلطان .. مدري بس قال انا فاعل خير ..
البراء.. وش قالك .. ليكون هو من طرف ابو فهد ومسوي عليك لعبه ..
سلطان .. مدري .. بس قال لي لا تتنازلون عن المناقصه لان ابو فهد ناوي يدمركم ..
البراء .. بس حنا مو ناوين نتنازل ..
سسلطان .. وهذا اللي يخليني اصدقه .. بس اللي مستغرب منه كيف عرف اننا راح نتنازل .. تتوقع ابو فهد راح خبر الشركه صاحبه المناقصه ..
البراء.. ما اتوقع يسويها لان هذا الشي راح يكون ضده وراح يفكرونه الشرطه انه ضغط على جدك عشان يتنازل ..بس شوف انا راح اعرف لك كل السالفه امس قدرت اخترق بعض حساباته الشخصيه باقي حسابات الشركه لو قدرت اخترقها راح اعرف اذا فاعل الخير هذا صادق او لا ..
سلطان .. ايه تكفى انا ما ابي جدي ينضر بسببي ..اخاف ان ابو فهد يحقد علي ويضر جدي ..
البراء .. ماعليك انا حاسب حسابي لكل هذا انت راح تشوف كل شي يوم اعلان النتائج ان شاء الله ..
سلطان ابتسم له .. بصراحه مدري كيف اشكرك ..
البراء .. اذا جد حاب تشكرني اعزمني على عشا ..
سلطان .. وش فيك انقلبت بسام بس يفكر ببطنه ..
سلطان والبراء .. هههههههههههههههههههههههههههههههه ..
سلطان .. خلاص ابشر ونعزم كل الشباب بعد ..
البراء..لا لا ابي انا لحالي بس ..
سلطان .. لا باين انك طماع .. بس تستاهل .. خلاص بعد ما تخلص الزياره راح نروح اوك ..
البراء .. اوك .. يلا نرجع ..
سلطان . يلا ..
ورجعو للمستشفى ولغرفه ابو محمد دخلو وكملو سوالف ..
بعد نص ساعه انتهت الزياره والكل راح لبيته ماعدى سلطان والبراء طلعو بسياره سلطان للمطعم ..
سلطان وهو يجلس ..ها وش رايك بالمطعم ..
البراء وهو يجلس مقابله .. لا والله تعرف تختار ..
سلطان .. اكيد ولد عمك ذويق بس انت ما تدري ..البراء.. لا ماشاء الله باين عليك ..
البراء.. لا ماشاء الله عليك باين عليك ..
سلطان .. تسلم تسلم .. يلا اطلب ..
البراء .. مو لازم اشوف المنيو اطلب كل المنيو ..
سلطان طالعه متروع .. هاه كل المنيو ليه مين راح ياكله ..
البراء .. هههههههههههههههههههههههههه .. شوي شوي لا تطلع عيونك كنت امزح بس حبيت اختبرك ..
سلطان .. ايه اشوه .. ها نجحت بالأختبار او راسب ..
البراء.. لا تطمن نجحت .. ومسك المنيو .. اممممم ..
سلطان يمسك المنيو الثاني .. انا ابي باستا دجاج ..
البراء رفع عيون له .. اجل انا مثلك ..
سلطان وقف .. قول من الأول انك تبي تقلدني ..
البراء .. هههههههههههههههه .. كشفتني .. وين رايح ..
سلطان .. بروح لدوره المياه انت اطلب ..
البراء..طيب ..
مشى سلطان لدوره المياه وبعد ما طلع وقف عند المغاسل يغسل يده وتفاجئ بالشخص اللي دخل نزل راسه عشان ما ينتبه له بس للاسف ..
عادل بابتسامه .. اوه سلطان يا محاسن الصدف ..
سلطان ابتسم له مجامله .. اهلين عادل ..
عادل .. جاي لحالك ولا مع حد ..
سلطان .. اكيد مو جاي لحالي .. جاي مع واحد من الشباب ..كان ودي اقولك تفضل معنا بس للاسف خلصنا ..
عادل .. لا عادي اصلا انا كمان جاي مع الشباب والحين راح نطلع .. المهم لا تنسى بكرا ..
سلطان .. ايه اكيد ماراح انسى .. يلا عن اذنك اشوفك بكرا ..
عادل .. اوك اذنك معك ..
سلطان طلع من الحمام بسرعه راح للبراء .. قوم خلنا نطلع من المطعم ..
البراء باستغراب .. وش فيك ليه نطلع ..
سلطان .. قوم الحين وانا اقولك بالسيار ..
البراء وقف .. طيب بس انا طلبت ..
سلطان .. ناخذه تيكا ويي .. يلا تعال ..
البراء .. طيب ..
وطلعو من المطعم وسلطان حرص ان عادل ما ينتبه لهم .. ركبو السياره وسلطان نادى واحد من العمال اللي بالمطعم وقاله يجيب لهم الطلب ..
البراء.. والحين قول لي وش السالفه ..
سلطان توهق وش يقوله ما يبي يقوله عن عادل .. امممم ..
البراء .. وش فيك .. شفت حد ما تبي تشوفه .. وسكت شوي .. ليكون شفت حسام ..
سلطان وكان الحل جاه على طبق من ذهب .. ايه بالضبط شفته وما حبيت اني اقابله لاني عارف اني راح اتهاوش معه .
البراءء.. طيب لا ما خليتني اكلمه يمكن اقدر اقنعه ..
سلطان بسرعه .. لا لا مو وقته ما ابي انشغل بسالفته الحين خلني اخلص من سالفه شغل جدي ..
البراء.. وانت الصادق خلنا نركز على سالفه المناقصه احسن ..
سلطان ارتاح انها مشت على البراء..
شوي جا لهم الطلب اخذوه وحاسبو وحركو من عند المطعم ..
سلطان .. وين نروح الحين ..
البراء.. مدري ..
سلطان .. نروح للاستراحه ..
البراء.. بس المفاتيح ماهي عندي ..
سلطان .. يوه اجل مافي الا نروح للقصر ..
البراء .. يلا عادي ..
وانطلقو لقصر ابو محمد ..
وبعد ما وصلو ودخلو للمجلس ..
البراء.. تبينا ناكل هنا ..
سلطان .. لا طبعا بغرفه الاكل بس بروح اخلي الخدم يجهزونه ..
البراءوهو يشوف ساعته .. انت شايف الساعه كم تبيهم يكونون صاحين لهذا الوقت ..
سلطان .. توها الساعه 12 ..
البراء.. بالله يعني ما تعرف خدمكم متى ينامون ..
سلطان .. يوووه من جد هم ينامون بدري .. خلاص تعال معي نجهز لانفسنا ..
البراء .. يلا واول شي نسويه نحميه لانه اكيد صار ايس كريم ..
سلطان.. من جد ..
وراحو للمطبخ وبدو يحطون اكلهم بصحون ويحمونها ..
البراء . تصدق اول مره احمي اكلي بنفسي ..
سلطان .. حتى انا .. اتوقع لو كنا بنات كان جربناها كثير ..
البراء .. هههههههههههههههههه من جد البنات هم المكروفات دايم حتى بوجود الخدم ..
سلطان .. بالضبط مثل الشباب مكروفين حتى بوجود السواقين ..
البراء .. من جد صدقت ..
حمى الأكل و وكل واحد شال صحنه وراحو لغرفه الأكل ..
بعد ما جلسو ..
سلطان .. تخيل انك تكون بنت وش راح تسوي ..
البراء .. اممم بصراحه ما اتمنى ولو صرت اول شي راح اسويه ابي اروح السوق واشوف المتعه اللي يحسون فيها البنات لما يدخلون للسوق ولا يطلعون منه الا بعد ساعات ..
سلطان .. هههههههههههههه .. لا انا لو صرت بنت ودي اجرب المكياج ابي اشوف اطول وانا احطه مثلهم ولا لا ..
البراء .. ههههههههههههههههههههههههههههههه .. واللبس كمان ..
سلطان .. من جد .. بس ابد ما اتمنى اني اجرب دخلت المطبخ وانا بنت واسوي حلى وكب كيك وخرابيطهم ..
البراء .. ههههههههههههههههههههههه .. من جد حنا نبي ناكل وبس ما نبي نسوي .. وابصم لك بالمليون لو عرفنا الأشياء اللي يحطونها بالطبخات اللي يسونها تاكد ان نص الأكل اللي ناكله ماراح ناكله ..
سلطان .. من جد .. اممم تصدق مدري ليه احس ودي اصير بنت ..
البراء .. بعد كل اللي قلته ووديك تصير بنت ..
سلطان .. اممم لما افكر فيها بشكل جدي احس لو اصير بنت بكون افضل من اني اكون ولد ..
البراءنزل الشوكه .. قصدك على شكلك يعني ..
سلطان سند يده على الطاوله وحطها على خده واليد الثانيه ماسك الشوكه ويلعب بالأكل .. اممم يمكن عشان شكلي يميل للبنات اكثر .. وكمان احيانا احس بشعور بداخلي غريب ..
البراء .. شعور ايش ..
سلطان .. مدري .. ما اعرف كيف اوصفه لك ..
البراء وقف .. الحمد الله .. قوم هذي يبيلها جلسه .. الموضوع بدا يصير خطير ..
سلطان وقف .. هههههههههههههههههه .. وش دعوه تكبر الموضوع يمكن مجرد اوهام .. وبعدين وين رايح وتارك صحنك تراك الخدم نايمين ..
البراء لف عليه .. قصدك اني اغسله ..
سلطان .. بالضبط .. اخدم نفسك بنفسك ..
البراء شال صحنه .. انا غلطان اللي سمعت كلامك وتعشيت معك هنا لو متعشي بالمطعم ارحم ..
سلطان .. ههههههههههههههههههههههههههه .. اقول امشي بس امشي لا تهرج كثير ..
راحو اثنينهم للمطبخ وصارو يغسلون الصحون مع بعض ..
سلطان يناظر البراء وهو معقد حواجبه ومو عاجبه .. ههههههههههههههه تعلم عشان تساعد زوجتك بالمستقبل ..
البراء .. على اساس ان زوجتي راح تدخل المطبخ ..
سلطان بعد ما خلص وصار يجفف يدينه .. وليه ناوي تجيب لها خدامه ..
البراء ياخذ منه المنشفه .. لا مو انا اللي راح اجيب الله يسلمك تجي الخدامه مع العانيه ..
سلطان .. ايش يعني عانيه .. اها قصدك الهدايه اللي يجيبونها للمعرس ..
البراء .. بالضبط ودايم تكون الخدامه من ضمن الهدايا ..
سلطان .. اها .. ياحليلكم ..
وطلعو من المطبخ رايحين للمجلس ..
البراء .. شفت اهلنا كيف مدلعين بناتهم ..
سلطان . من جد ..
البراء يجلس على الكنبه .. يلا تعال اجلس وقولي وش الأحساس اللي تحسه ..
سلطان جلس بجنبه .. مدري ياخي قلت لك يمكن اوهام ..
البراء .. والأوهام تجي من سبب وش اللي يخليك تتوهم ..
سلطان لف عليه .. اممم ..
البراء حط عيونه بعيون سلطان ودق قلبه .. ايش ..
سلطان وللي للحين عيونه بعيون البراء .. بقولك سر ..
البراء وهو مركز بعيون سلطان .. اسمعك ..
سلطان بعد عيونه عنه بس هذا سر خطير مو اي سر ما عمري قلته لحد انا وبس اللي اعرفه ولا عمري فكرت اقوله لحد حتى جدي وجدتي بس راح اقوله لك ..
البراء .. وليه قررت تطلع هذا السر الحين وليه لي انا بذات ..
سلطان .. اول شي ممكن .. ورفع عيونه له ..
البراء فهم عليه وابتسم وضبط جلسته .. اكيد ..
سلطان انسدح وحط راسه على رجول البراء وناظره .. اول شي بخصوص ليه راح اطلعه الحين .. لانك فتحت الموضوع .. وثاني شي ليه اقولك انت بذات .. لان انت اقرب شي لي من الشباب ومن كل الناس ..
البراء فرح من كل قلبه على كلام سلطان وانه اقرب شخص له .. على انه يعرف هذا الشي بس لما سمعه من سلطان حس بفرحه اكبر .. طيب قول ..
سلطان غمض عيونه .. انا من صار عمري 12 سنه وكنت الاحظ جسمي يتغير ..
البراء .. هذا طبعي لانها مرحله البلوغ ..
سلطان فتح عيونه .. صح بس انا كان جسمي يتغير بشكل غريب ..
البراء عقد حواجبه .. كيف يعني بشكل غريب ..
سلطان نزل عيونه .. مدري كيف اشرح لك بس ما احسه يتغير بشكل طبعي كا جسم ولد او بالأصح شاب ..
البراء .. سلطان مو فاهم شي وضح لي .. انت فيك اي عيب خلقي بجسمك ..
سلطان رجع يناظره .. مدري ..
البراء .. كيف ما تدري يعني شاك ولا ايش ..
سلطان .. كمان مدري مو عارف كيف اقولك شي مره حساس مو متعود اني اتكلم بهالموضوع قدام حد ..
البراء .. طيب حاول تفهمني لو بالألغاز ..
سلطان قام وضبط جلسته ولف على البراء.. يعني كيف اشرح لك امممم يعني فيني .....
قطع كلامه صوت رنه الجوال ..
البراء وهو يطلع جواله من جيبه .. يوه مين متصل مو وقته .. وشاف المتصل امه .. رد عليها .. هلا يمه .. ايه انا عند سلطان .. اي ادري بكرا دوام .. طيب شوي وارجع .. يوه يمه وش فيك ماني ولد صغير .. يمه يمه طيب لا تعصبين خلاص ان شاء الله جاي الحين .. يمه وش فيك ما تصدقيني .. طيب راح اوعدك اني اجي الحين .. ايه هذي الدقيقه .. طيب .. خلاص يمه راح اجي انا وعدتك .. طيب طيب .. مع السلامه .. قفل ولف على سلطان .. الله يهديها امي للحين تعاملني كاني ولد صغير ..
سلطان ابتسم .. يمكن لانك ولدها الوحيد .. خلاص قوم روح ..
البراء .. كمل وش كنت تقول واروح ..
سلطان .. لا يالبراء انت وعدتها انك تجي الحين ووعد الحر دين وخلف الوعد من صفات المنافقينن ..
البراء وقف .. يوه وش فيك صفيت مع امي .. طيب راح اروح بس عشاني وعدت امي بس تكمل لي السالفه الليله .. لما اوصلل راح اتصل عليك ..
سلطان وقف .. لحظه الحين انت مين راح يوديك سيارتك مو معك ..
البراء يضرب جبهته .. يوه نسيت .. اسمع عطني مفتاح سيارتك ..
سلطان ياخذ المفتاح من على الطاوله .. خذ وانتبه عليها .
البراء .. طيب .. يلا سلام .. وانتظر اتصالي ..
سلطان .. اوك ..
وودعو بعض وطلع البراء لبيتهم وسلطان لغرفته ..
سلطان اول مادخل اخذ له شاور ولبس بجامته وانسدح على السرير جلس ينتظر اتصال البراء ومن غير ما يحس على نفسه نام ..
...................................

على الساعه 6 الصباح ..
صحى سلطان مفزوع وعلى طول اخذ جواله فتح وشاف عشر مكالمات من البراء .. شاف الساعه وانصدم انها 6 الصباح .. يوووه راحت علي نومه شكل البراء معصب علي الف الحين .. خلني اقوم اتجهز واقابله بالجامعه .. قام دخل للحمام ** الله يكرمكم ** غسل وتوضى وطلع صلى الصبح اللي فاتته وراح لغرفه الملابس بدل ملابسه ولبس البدله الرسميه اللي تعود يلبسها بالجامعه .. وراح للتسريحه ضبط شعره اللي تعود انه يخليه كله على ورا بشكل مرتب .. ولبس ساعته اللي ما يستغنى عنها .. اخذ جواله ونظراته الشمسيه وصار يدور مفاتيح سيارته وتذكر انهم مع البراء .. كان راح يتصل عليه عشان يمره بس قال اكيد راح يعصب علي وما اقدر اتفاهم معه بالجوال .. نزل لتحت وماشاف حد بالصاله لانه صاحي بدري مره .. طلع للحديقه وراح للسواقين واخذ سياره من سياراتهم واتجه للجامعه .. حس انه مبكرا مره وقف وهو ما افطر للحين وقف عند كفي ونزل طلب له كابتشينو ودونات افطر وجلس شوي لما شاف الساعه صارت 7 حاسب وطلع من الكفي وركب السياره واتجه للجامعه وطول الطريق يفكر اذا البراء زعلان عليه او لا .. بعد ربع ساعه وصل للجامعه وقف السياره بالمواقف ونزل .. دخل للجامعه ورفع جوال عشن يتصل على البراء وهو يطلع اسمه حس بحد يوقف قدامه فكر انه البراء ابتسم ورفع راسه بس انصدم لما شاف عاد قدامه .. عادل ..
عادل بابتسامه .. اكيد كنت راح تتصل علي .. القلوب عند بعضها هذا انا جيت ..
سلطان بنفسه .. يوه هذا انا نسيته تماما .. رجع ابتسم له .. ايه صح ..
عادل .. كيفك ..
سلطان .. بخير .. انت كيفك ..
عادل ..بخير دامك بخير .. عندك محاضره الحين ..
سلطان .. لا محاضرتي الساعه 8..
عادل .. اوه جاي بدري مرا .. اكيد عشاني صح ..
سلطان بنفسه .. وش عنده ذا مرا واثق بنفسه .. لا بصراحه بس عندي شغل ابي اخلصه ..
عادل باحراج .. مو كانك صريح بزياده كان جاملتني على الأقل ..
سلطان .. ما تعودت اجامل .. طيب عن اذنك ابي اخلص شغلي ..
عادل .. بس اكيد ما نسيت الأتفاق ..
سلطان بابتسامه مزيفه .. ايه اكيد اخلص شغلي واجيك ..
عادل .. اوك بانتظارك ..
سلطان لف بيكمل طريقه وانتبه بالبراء واقف قريب منهم وكان يناظرهم وباين عليه العصبيه .. سلطان انبسط انه شافه راح له .. توي كنت راح اتصل عليه ..
البراء وكان يناظر عادل اللي مشى وبنبره غضب مبوت وش طلعه ذا قدامك .
سلطان لف يناظر عادل اللي راح ورجع يناظر البراء .. ماعليك منه المهم انا اسف....
البراء قاطعه بحركته لما لف وعطاه ظهره ومشى ..
سلطان لحقه .. البراء .. لحظه .. ادري انك زعلان بس اصبر خلنا نتفاهم ..
البراء ولا كان ح يكلمه ..
سلطان مشى بسرعه لما قدر يصير قدامه ووقفه .. البراء اتوقع مو من الأدب انك تترك شخص يكلمك وتعطيه ظهرك وتمشي صح ..
البراء .. ولا من الادب انك تسحب علي ..
سلطان .. بس انا ما كنت اقصد والله راحت علي نومه من غير ما احس ..
البراء اللي كان صاد عنه لف عليه .. طيب مو من المفروض انك لما تصحى وتشوف مكالماتي تتصلي علي وتعتذر ..
سلطان .. صح بس انا قلت اقابلك افضل من الكلام بالجوال ..
البراء .. طيب تقابلني و المفروض اول ما توصل للجامعه تتصلي مو تروح تسولف مع عادل ..
سلطان .. والله كنت راح اتصل عليك بس عادل جا بوجهي وصار يتكلم معي ..
البراء .. ووش السالفه السعيده اللي كنتو تسولفون فيها .. ابتسامتك مافارقت وجهك ..
سلطان .. البراء .. وش فيك تبيني اعبس بوجهه وهو ما ضرني بشي طبيعي اني راح ابتسم وكان يسالني اذا عندي محاضره او لا وبس ما اتوقع فيها شي ..
البراء.. بالله .. اجل وين كلامك هذاك اليوم .. مابي حد يقرب لي ولا يتعرض لي .. اشوفك نسيته وصرت تسولف معه عادي ..
سلطان .. البراء وش فيك صاير حساس بزياده كل هالسالفه اللي مسويه بس عشاني نمت ومارديت عليك امس ..
البراء .. اها الحين انا صرت حساس ..طيب مشكور .. ولف عنه .. وتذكر شي ورجع لف عليه وطلع المفاتيح من جيبه .. هذول مفاتيح سيارتك .. رماهم بالأرض ولف عنه ومشى ..
سلطان يناظره باستغراب مستغرب من تصرفاته .. نزل اخذ المفاتيح ومشى وهو يفكر وش فيه البراء..
..
..
..
اما البراء مشى وهو مقهور من سلطان ما يدري ليه حس باحساس غريب لما شاف سلطان يبتسم لعادل حس وده يذبح عادل .. اتجه لمحاضرته وهو يفكر بسلطان ..

بعد ساعتين ..
سلطان توه طالع من المحاضره .. مشى يدور على البراء عشان يكلمه ..راح للمبنى اللي يتجمعون فيه الشباب دايم دخل وراح لمكانهم المعتاد شاف الشباب كلهم ماعدا البراء .. سلام ..
الشباب .. وعليكم السلام ..
فيصل .. زين شفناك يقول البراء ان جدولك اليوم متاخر مو من الساعه 7 ..
سلطان .. ايه محاضرتي تبدا 8 وتوي طالع .. الا وين البراء..
مشاري .. توه كان هنا بس من شوي قام قال بيروح للمكتبه عنده بحث ..
سلطان .. اها .. طيب انا بروح له ..
مشعل .. ليه حنا ما نعجبك مثلا ..
سلطان ابتسم .. لا وش دعوه بس ابي اساله عن شي يخص الماده الجايه ..
مشعل .. اها .. اجل روح واذا خلصتو تعالو هنا ..
سلطان .. طيب .. يلا سلام .. مشى من عندهم وطلع لبرا المبنى واتجه للمكتبه .. وهو في الطريق اتصل على البراء بس رن ورن ولا مجيب .. وبنفسه .. اكيد ماراح يرد .. وصل للمكتبه دخل وصار يدور عليه ..دار المكتبه كلها تقريبا ومالقاه .. طلع من المكتبه .. وبنفسه . اكيد كان عذر لانه عارف اني راح اسال عنه .. بس وين الاقيه الحين .. مافي الا اني ادور بكل المباني ..كمل طريقه ووصل لواحد من المباني .. توه بيدخل بس طلع بوجهه عادل ..
عادل بابتسامه .. توي كنت راح اتصل عليك .. يلا خلننا نتمشى ..
سلطان بنفسه .. ياربي كيف اصرفه الحين ذا .. ابتسم .. بس انا الحين ادور على واحد ابي منه شغله اخلصها ونتمشى ..
عادل .. ايه مو مشكله ندوره سوا ..
سلطان بنفسه ..وش فيه نشب لي ذا ويبي يدور البراء معي بعد مو كافي انه معصب علي بسببه كيف الحين لو شافه معي ..
عادل .. هيه سلطان وش فيك سرحت .. يلا نمشي ..
سلطان .. هاهه .. بس ما ابي اتعبك معي وكذا لاني ما اعرف وينه ..
عادل .. مو مشكله راح اعتبرها تمشيه معك ..
سلطان باستسلام .. طيب يلا .. ودخلو للمبنى وصارو يمشون بالأسياب يدورون البراء..
سلطان .. شكله مو موجود هنا خلنا نروح للمبنى الثاني ..
عادل .. اوك يلا ..
وطلعو من هذا المبنى وراحو للمبنى الثاني ..دخلو وصارو يدورون فيه بس نفس الشي مالقوه وهم طالعين قابلوه كان بيدخل المبنى ..
سلطان ابتسم اول ما شافه .. واخيرا لقيتك ..
عادل لف على سلطان باستغراب .. هذا هو اللي تدور عليه ..
سلطان طنشه وصار يكلم البراء .. انت وينك من اليوم وانا ادورك .. ليه مقفل جوالك ..
البراء يناظر عادل ورجع لف على سلطان .. باين انك كنت تدورني ..
سلطان .. البراء خلنا نتفاهم ..
البراء.. مافيه شي نتفاهم عليه انا قلت كل اللي عندي الصباح ..
سلطان .. بس انا لسا ماخلصت كلامي معك ..
البراء وهو يلف عنهم .. كمل اللي كنت تسويه ازين .. ومشى عنهم ودخل للمبنى ..
سلطان .. البراء لحظه .. ومشى بيلحقه بس مسك يده عادل .. لف عليه .. اتركني ..
عادل واللي لسا ماسك يد سلطان .. لا ماراح اتركك هو ما يبيك ليه تلحقه .. تعال معي بس ..
سلطان لف يناظر البراء وماشافه رجع لف على عادل ووسحب يده منه بهدوء ومشى من غير ولا كلمه ..
عادل لحقه وصار يمشي بجنبه .. لا تضايق نفسك وتزعل على ناس ما يبونك ..
سلطان ساكت ويفكر بالبراء..
عادل .. ولو كان هو ما يبيك ولا يبي صداقتك انا ابيها .. والحين تعال اعرفك على مكانا السري ..
سلطان يمشى ومن غير ما يتكلم ..
وعادل يحس انها فرصه وجات لعنده عشان يقدر يكسب سلطان له مادامه محبط .. مشى وسلطان يمشي معه وهو عقله مو معه .. وصلو لقاعه شبه مهجوره مايكون فيها محاضرات ابد كانها مستودع يعني .. دخل عادل ودخل سلطان معه وشافو شله عادل موجودين ..
عادل .. هلا ..
الشباب .. اهلين .. استغربو لما شافو سلطان داخل معه لانهم ما يعرفون السالفه ..
نواف .. اوه سلطان هنا ..
ثامر .. وش السالفه عادل ..
عادل ابتسم وقرب من سلطان وحاوط يده على خصر سلطان .. سلطان من اليوم يكون صديقي ..
الشباب يناظرونهم وهم مصدومين ..
سلطان صحى على حركه عادل وانتبه بالشله قدامه .. تدراك الموضوع وابتسم وبهدوء نزل يد عادل من عليه .. مرحبا شباب ..
الشباب .. مرحبتين ..
منصور .. عادل وش السالفه ..
عادل .. ولا شي حبينا نكون اصدقاء صح سلطان ..
سلطان .. ايه صح .. عادل انا عندي محاضره الحين ..
عادل .. اوك يلا اوصلك .. يلا شباب سيو ..
طلعو من القاعه ومن المبنى كله وراح للمبنى اللي فيه محاضره سلطان وهو نفس المبنى اللي فيه الشباب اللي هم عيال عمان سلطان ..دخلو ومهم متجهين للقاعه مرو على المكان اللي يجلسون فيه الشباب ..
سلطان انتبه لهم ووقف .. ها شباب للحين جالسين ما عندكم محاضرات ..

الشباب انتبهو بعادل اللي كان واقف بجنب سلطان ومبتسم ..
مشاري .. سلطان وش السالفه .. وكان يناظر عادل ..
سلطان ابتسم وتوه بيتكلم بس عادل سبقه ..
عادل .. ليه ما دريتو .. ورجع سوا حركته اللي من شوي ولف يده على خصر سلطان .. انا وسلطان صرنا اصدقاء ..
الشباب كانو يناظرونهم بصدمه ..
في هاللحظه جا البراء كان يبي يجلس مع الشله لانه عارف ان سلطان عنده محاضره الحين بس انصدم من اللي شافه ..
فيصل وقف .. سلطان وش هالمسخره وش السالفه ..
سلطان اللي للحين مبتسم وما انتبه للبراء اللي كان واقف وراهم .. نزل يد عادل ولف عليه ورجع لف على الشباب .. صح اللي قاله عادل انا وهو صرنا اصحاب ليه مستغربين ..
عزوز .. سلطان من جدك تتكلم ..
سلطان .. اي...
البراء قاطعه لما جا ووقف قدامهم مع الشباب .. ايه يا عزوز صدق مو هو تغير علينا خلاص ..
مشعل .. البراء انت بعد وش تقول فهموني وش اللي صاير ..
سلطان اختفت ابتسامته لما شافف البراء وسمع كلامه ..
عادل مسك يد سلطان .. السلالفه بسيطه انا وسلطان اتفقنا نصير اصدقاء من اليوم ورايح ..
مشاري .. وعلى اي اساس مو انت هذاك الاسبوع كنت ما تدانيه وش صار بالدنيا ..
عادل .. عادي كل الناس يتغيرون محد يبقى على حاله ..
مشعل .. سلطان تكلم وش فيك ساكت ..
البراء وهو يناظر سلطان بقهر ..اكيد ماعنده كلام يقوله وش يقول بعد ..
سلطان اللي كان منزل عيونه رفعه وناظر البراء وتلاقت عيونهم ..
البراء ارتبك شوي لما جات عيونه بعيون سلطان بعدها على طول .. انا ماشي ..
سلطان حس بارتباك البراء ماكان يدري ليه بس فرح شوي من داخله اني قدر يعرف من وين يدخل له عشان يقدر يكلمه ..
البراء مشى ..
سلطان من غير اي سابق انذار مشى ورا البراء ومسك يده من غير ما يتكلم وسحبه معه للبرا المبنى ..
والشباب وعادل كانو يناظرون باستغراب ..
اما البراء من المفاجاءه ما قدر يسوي شي ما حس بنفسه الا وهم واقفين بالمواقف وعند سياره سلطان .. لف عليه .. وش فيك انت وين ماخذني ..
سلطان ما رد عليه فتح السياره وركبه وراح من جهه السياق وركب وحرك السياره بسرعه قبل ما يفكر البراء انه ينزل .
البراء لف عليه .. هيه انت وش فيك جنيت وقف السياره ..
سلطان من غير ما يلف عليه .. اذا هذا هو الاسلوب اللي ينفع معك ماعندي مانع اسويه وتزعل علي بس اهم شي انك تسمعني ..
البراء .. وش باقي عشان اسمعه كل شي واضح قدامي ..
سلطان عصب من كلام البراء اللي فاهمه غلط دعس بريك بقوه مما خلت البراء كان راح يصدم بالقزاز اللي قدام ..كل الناس اتوقع منهم انهم يفهموني غلط الا انت ..
البراء لف عليه وهو الثاني معصب .. ومين قالك اني فاهمك غلط انا اكثر واحد يفهمك صح ..
سلطان .. واضح انك فاهمني صح كلامك كله يقول انك فاهمني صح ماشاء الله عليك ..
البراء .. تتمسخر .. اذا كلامي مو صح اجل قولي ايش هو الصح ايس اللي ممكن افهم من مصداقتك مع عادل غير انك صفيت معهم ضدنا ..
سلطان عصب زياده وتوه بيتكلم بس سمع اصوات هرنات وراه لانه كان واقف بنص الشارع .. حرك السياره باسرع ما عنده وراح لطريق مافيه حد طريق صحرا .. وقف السياره على جنب واخذ نفس يحس انه تعب من العصبيه والقلق من اليوم وهو يفكر كيف يرضي البراء ووش الجريمه اللي مسويه اللي تخلي البراء يعصب عليه كذا ..وسند راسه على ورا ..وقال بهدوء عكس العصبيه اللي كان يسوق فيها .. عيد وش كنت تقول ..
البراء كان مصدوم من سواقه سلطان ومن عصبيته اللي اول مره يشوفه فيها كان يناظره وهو ساكت ولما سمع كلام سلطان .. صار يتذكر وش كان يقول نسى كل شي قال وكل عصبيته لما حس ان سلطان تعبان .. قال بنبره ماليها القلق .. سلطان انت بخير ..
سلطان لف عليه وهو مستغرب كميه الحنيه اللي كانت بنبرته .. ومستغرب تحوله السريع مع عصبيه الا حنيه ..صار يناظره وهو ساكت ..
البراء رفع يده وحطها على يد سلطان .. انت بخير ..
سلطان حس بكميه الدفئ اللي تملك جسمه بمجرد ما حط البراء يده على يده ..وابتسم لا ارادي .. سامحتني ..
البراء دخلت ابتسامه سلطان ونبرته اللي حس فيها الندم لقلبه مثل السهم .. ابتسم تلقائيا .. على ايش ماكنت زعلان منك اصلا ..
سلطان نزل عيونه ... بس انت كنت معصب علي ..
البراء تذكر وشال يده من على يد سلطان وسند راسه على ورا وغمض عيونه .. انا اسف اني عصبت عليك بس تصدق مدري ليه عصبت عليك كل هذي العصبيه .. بالبدايه انا كنت بس متنرفز منك عشانك سحبت علي ونمت بس لما شفتك مع عادل انقهرت وتضايقت مدري ليه .. يمكن لان عادل عدونا ولا ابي اشوفك معه .. صدقني مدري ليه كل هالعصبيه ادري مالها داعي بس ماكانت بيدي ..
سلطان .. فهمتك الحين .. انت يالبراء طول عمرك ماعندك صديق قريب منك ولما انا طلعت بحياتك وصرت مقرب منك تولدت فكره بداخلك اني انا ملكك ولا يمكن اكون لغيرك عشان كذا لما شفتني مع عادل وابتسم له انقهرت ولما شفت حركه عادل لي لما كنا عند الشباب حسيت ان حد متعدي على املاكك عشان كذا انت عصبت كل هذي العصبيه .. انا ما الومك لان هذا شي متولد بداخلك بسبب الحرمان ولانك ما تبي تخسر اقرب صديق لك ..
البراء فتح عيونه ولف عليه بابتسامه .. صح يمكن هذا هو اللي حسيت فيه .. واسف مره ثانيه ..
سلطان رد له الأبتسامه .. قلت لك انا ما الومك ولا تعتذر ..والحين خلاص تصافينا ..
البراء .. اكيد بس فيه شي محيرني ..
سلطان عدل جلسته وناظر لقدام .. اعرف ايش .. صداقتي مع عادل ..
البراء .. يعني صدق الكلام ..
سلطان لف عليه .. لا مو صدق انا راح اقولك كل السلافه .. اسمع .. تذكر هذاك اليوم لما قلت لك خلني انا راح اتصرف وطلعت بسيارتي ..لما حذرتك ما تلحقني ..
البراء .. اي اذكر ..
سلطان .. هذاك اليوم انا رحت لعادل وهو اللي ساعدني وعطاني معلومات عن جده ..
البراء مصدوم .. من جدك .. وكيف ..
سلطان حكى له كل السالفه حتى سالفه اتفاقهم ..
البراء .. بس كذا انت راح تتورط فيه كيف راح تفتك منه لما يخلص كل شي ..
سلطان ما عليك هو كله اسبوع بس راح اتحمله بعدها راح اعرف كيف اطيره من طريقي ولا اخليه يتعرض لي ..
البراء.. طيب .. بس انتبه منه وغير كذا رلا تخليه يمسكك مثل ما مسكك اليوم ..
سلطان .. هههههههههههههههههههههههههه .. اشوف بديت تغار .. ياحظي بصراحه ..
البراء .. اي غيره انت بعد .. انا بس كل قصدي عشان محد يفكر فيك بتفكير شي .. اتوقع فاهم قصدي ..
سلطان ابتسم .. اي فاهم .. ولا يهمك راح انتبه .. والحين نرجع ..
البراء ناظر الساعه .. الحين الساعه 11 يعني محاضراتنا خلصت ..
سلطان .. كذا خليتني اسحب على المحاضره ..
البراء .. لا بالله مو كانك انت اللي ساحبتني وحتى انا بعد فاتتني المحاضره ..
سلطان ابتسم .. اجل تعادلنا .. وصار يناظظر حوله .. الا الحين حنا وينا ..
البراء يناظر الصحرا اللي حولهم .. شفت عصبيتك وين ودتنا .. الحين كيف نعرف حنا وينا ..
سلطان ولا يهمك الحين نعرف نسيت ان العم قوق موجود ندخل قوق ايرث ونوف .. وفتح جواله وعرفو هم وينهم ..زين عرفت طريق الرجعه ..
البراء .. الله يخلي الجوال ولو عليك كان رحنا وطي ..
سلطان وهو يحرك الياره .. اهم شي اننا راح نرجع ..
ورجعو للجامعه والفو لشباب قصه وكملو يومهم عادي ..
.................................................. ..
بنفس اليوم بالليل ..
الساعه 9 الليل ..
سلطان كان جالس على سريره وقدامه اللاب يرتب بعض الاشياء اللي راح تفيده ضد ابو فهد .. انتبه لجواله يرن رفعه وشافه البراء ..رد عليه .. اهلين ..
البراء.. هلا بك .. باين ان كلام فاعل الخير صدق .. انا قدرت امسك على ابو فهد بعض المستندات اللي تبين انه جد يبي يدمر عمي عبدالعزيز ..
سلطان .. حلو حلو .. خلاص انت رتتب كل الادله الللي عندك وانا راح ارتب اللي عندي نبي كل شي يكون جاهز قبل يوم الخميس.. انا لازم ادمره الحقير قبل ما يدمر جدي ..
البراء .. ولا يهمك انا الحين اجهز كل شي .. يلا سلام ..
سلطان .. اوك .. سلام .. قفل منه ورجع يكمل شغله ..
.......................................

مر اسبوع ومافيه احداث جديده الا ان عادل صار ملازم لسلطان طول الوقت واغلب الطلاب يفكرو ان بينهم شي مو صداقه بس سلطان كان يتسرف طبيعي مع عادل عشان ما تتشوه سمعته .. وابو محمد صار احسن وطلع من المستشفى اليوم ..
يوم الخميس .. وهو اليوم اللي راح تنعلن فيه نتائج المناقصه ووقت الاجتماع الساعه 1..
الساعه 12 الظهر ..
بالجامعه ..
سلطان كان توه
الع من محاضرته ورايح للقاعه اللي فيها محاضره البراء.. ولما وصل شافه توه طالع .. هلا ..
البراء.. اهلين .. ها كل شي جاهز ..
سلطان .. ايه تطمن كل شي جاهز .. يلا نمشي ..
البراء .. لحظه وش راح نقول للعيال ..
سلطان .. ماراح نقولهم شي الحين خلنا نطلع منغير ما يعرفون وبعد ما نخلص كل شي راح نعلمهم .. ويلا بسرعه قبل ما يشوفني عادل خلاص انغثيت منه ..
البراء .. ههههههههههههههههههه .. صار يبين عليك لما تكون معه .. يلا يلا مشينا ..
طلعو من الجامعه وركبو بسياره البراء .. وانطلقو للشركه اللي راح يكون فيها الأجتماع وهي الشركه صاحبه المناقصه ..
بعد نص ساعه وصلو للشركه .. نزلو من السياره بعد ما اخذو كل الأغراض اللي يحتاجونها ..
سلطان .. خلاص انت روح لغرفه العرض ..
البراء .. اوك وانت حاول تدخل قاعه الأجتماع قبل ما يجتمعون عشان تعطيني خبر متى ابدا ..
سلطان .. اوك .. يلا ..
وتفرقو ..
سلطان وصل لقاعه الأجتماع وشافعند الباب حارسين .. بنفسه .. والحين كيف راح ادخل من غير ما يشوفوني هذول .. اممم .. لقيتها .. راح يركض لهم .. وعمل حاله خايف .. لو سمحتو ساعدوني صاير حادث قدام الشركه بسرعه لو سمحتو ..
الرجال صدقوه وبسرعه طلعو لبرا الشركه .. وسلطان عمل حاله انه راح يركض وراهم بس اول ماشافهم طلعو بسرعه دخل لقاعه الأجتماع الكبيره وصار يناظرها ويدور وين يتخبى .. شاف مكتبه كبيره على جنب وفيها دولاب من تحت راح بسرعه له وفتح وحمد الله انه فاضي دخل فيه بسرعه وهو يسمع اصوات برا القاعه .. ارسل رساله للبراء انه قدر يدخل القاعه بسلام ..
شوي امتلت القاعه برجال الاعمال وبدا الأجتماع ..
ابو فهد اللي كان داخل وابتسامته مافارقته وهو متاكد وضامن ان المناقصه له بس انصدم اول ما شاف ابو محمد جالس وكله ثقه بنفسه مثل عادته .. جلس وهو مستغرب ومو فاهم شي .
سلطان اللي كان داخل الدولاب قدر يفتحه شوي عشان يقدر يشوف وكان يشوف الكل بشكل واضح بس مافي حد انتبه له ..
بدا الاجتماع وكل واحد مشارك بالمناقصه قام يعرض اللي عنده .. واخر اثنين كانو ابو فهد وابو محمد ..
جا دور ابو محمد وقام يعرض اللي عنده وبعد ما خلص وصفقو له جا دور ابو فهد ..
سلطان اول ما عرف ان دور ابو فهد جا .. ارسل للبراء انه يبدا .
واول ما قام ابو فهد وبدا يعرض على شاشه العرض كان الوضع طبيعي فجاءه طفت الشاشه لمده ثواني والكل مستغرب ومو فاهم شي .. بعد ثواني اشتغلت وكان مكتوب فيها بالخط العريض .. خطه تدميري لك ياعبدالعزيز ال..
ابو فهد مصدوم ومن الصدمه مو قادر يسوي شي ..
تغيرت الصفحه واشتغل عرض فيه كل المستندات اللي تبين ان ابو فهد مخطط يدمر شركه ابو محمد ...
ابو فهد صرخ .. ايش هذي المسخره وش هذا ..
مدير الشركه ابو حامد .. يا امن روحو شوفو وش السالفه ..
سلطان بسرعه ارسل للبراء انه يطلع من المكان ..
القاعه صارت ازعاج والكل يتكلم من جهه ..
ابو حامد مسك المايك .. هدوء هدوء ياجماعه ..
ابو محمد وقف .. وبانت نواياك يا ابو فهد ..
ابو فهد .. احترم نفسك مو انا اللي اسوي كذا اكيد هذي مخططاتك ..
ابو محمد .. وايش مصلحتي باللي اسويه ..
ابو حامد .. خلاص يا جماعه اهدو..
ابو فهد .. وش اللي اهدى ما تشوفه وش يقول ..
ابو محمد .. انا وش قلت كل شي شفناه قدامنا ما جبت شي من عندي ..
سلطان لما حس ان الموضوع اشتد وشاف ان الرجال كلهم واقفين ولا حد راح ينتبه له بسرعه طلع وراح عند جده ..
كل الرجال استغربو مين يكون ووش دخله هنا ..
ابو محمد باستغراب .. سلطان ..
سلطان .. ايه سلطان يا يبه تبيني اسمع ناس يهينونك ويكيدون لك واسكت مستحيل ..
ابو فهد صار يصفق .. برافو برافو لعبتها صح ..
ابو محمد مو فاهم شي .. وش اللي لعبتها صح ..
ابو فهد .. لا تسوي فيها مو فاهم شي . ترس لي خحفيدك قبل اسبوع وتقول انك متنازل عن الصفقه وتسوي كل هذا من وراي عشان تحطني امام الأمر الواقع هنا وتفضحني ..
سلطان . جدي ماله دخل كل هذا انا اللي سويته انا اللي كشفتك على حقيقتك .. اجل تبي تضر جدي .. انا اللي يرش جدي بالمويه ارشه بالدم تفهم ..
ابو فهد عصب .. عبدالعزيز سكت حفيدك ازين قبل ما افضحك ..
ابو محمد توه بيتكلم بس سبقه سلطان .. وش السر الخطير اللي جالس تهدد جدي فيه .. افضحه اذذا تقدر يلا اافضحه .. اصلا ما عندك الشجاعه انك تقوله ليه ؟؟.. لان هذا الشي هو سلاحك الوحيد ضد جدي واكيد ماراح تفرط فيه بكل سهوله .. وانت اكثر واحد عارف انك لو فضحت السر ماراح تستفيد لان ماراح يكون فيه شي تهدد جدي فيه وتاخذ اللي تبيه .. بس للاسف جدي ماكان فاهم هذا الشي عشان كذا يسوي لك كل اللي تبيه مقابل انك ما تفضحه .. صدق انك نذل ..جدي وثق فيك وامنك على سره وانت بكل بساطه وعشان مصالحك جالس تستغله ..هذي الرجوله بنظرك ..
الكل كانو يناظرون سلطان وشجاعته بذهول ..
ابو محمد .. سلطان خلاص ..
ابو فهد افحمه كلام سلطان ولا قدر يرد عليه وطلع هو وورجاله من القاعه ..
ابو محمد لف على ابو حامد .. انا اسف استاذ عبدالله على الشوشره اللي صارت بس ..
ابو حامد قاطعه .. لا تتاسف يا استاذ عبدالعزيز بالعكس لو ماصار اللي صار كان الحين ابو فهد اخذ المناقصه بالغش .. الحمد الله ان الله كشفه وبكذا المناقصه راح ترسي عليك انت وبجداره لانك انت الأحق فيها ..
سلطان .. مبروك جدي ..
ابو محمد لف عليه وهو معصب .. انت اسكت حسابك بالبيت ..
ابو حامد .. والحين انتهى الأجتماع مشكورين ..
طلعو الكل وكان ابو محمد وسلطان اخر ناس ..
ابو حامد .. لحظه يا ابو محمد ..
ابو محمد وسلطان لفو عليه ..
ابو محمد .. سم ..
ابو حامد وهو يناظر سلطان .. بصراحه احسدك على هالحفيد اللي عندك ماشاء الله تبارك الله عليه على ان باين ان عمره صغير الا انه قدر يخلصك من مصيبه ..
سلطان .. تسلم ياعم ..
ابو محمد .. تسلم من ذوقك ..
ابو حامد .. واتمنى انك ما تهاوشه او تسوي له شي تراا اللي سواه يشكر عليه ..
سلطان .. ايه يا عم قول له ترا جدي متوعد لي ..
ابو محمد يهمس لسلطان . اسكت .. ولف على ابو حامد .. عشانك بس .. يلا عن اذنك ..
ابو حامد .. لحظه ابو محمد حاب اتكلم معك بموضوع عندك شي بكرا ..
ابو محمد .. لا فاضي ان شاء الله ..
ابو حامد بابتسامه .. خلاص ان شاء الله راح اجيك للبيت بعد صلاه العشا ..
ابو محمد رد له الأبتسامه .. حياك تشرف ..
ابو حامد .. الله يحييك ..
ابو محمد .. عن اذنك .. وطلع هو وسلطان .. ولما طلعو لبرا الشركه قابلو البراء ..
ابو محمد باستغراب .. وانت بعد وش جابك هنا ..
سلطان .. يبه البراء شريكي بكل شي ..
ابو محمد لف عليه .. لحظه سلطان الحين انت تكلمت عن السر من شوي انت تعرف السر .. كان يترقب الأجابه بقلق ..
سلطان .. لا يبه ما اعرف ولا ابي اعرفه بس حبيت اعلمه درس الحقير ..
ابو محمد ارتاح .. طيب يلا تعالو قولو لي وش سويتو وكيف عرفتو كل هالمعلومات عن ابو فهد ..
................................................

بالليل ..
الساعه 8..
الكل كانو متجمعين بقصر الجد سعود .. كان مسوي عزيمه بمناسه طلعت ابو محمد من المستشفى وكمان بمناسبه كسبه للمناقصه الكبيره ..
بمجلس الرجال ..
كان ابو محمد يسولف لهم عن اللي صار اليوم بالشركه واللي سواه سلطان .
الجد خالد .. ماشاء الله عليه سلطان رجال من ظهر رجال ..
الجد سعود .. والله وطلع خسيس هالأبو فهد ..
ابو محمد .. الحمدالله ان الله كشفه ..
..
..
عند الشباب ..
بسام يهمس لسلطان .. اها عشان كذا انا مصادق عادل ..
سلطان بنفس الهمس .. بالضبط بس ماكنت ابي اقولكم الا لما تضبط الخطه ..
فيصل بنفس الهمس .. وليه البراء هو الوحيد اللي يدري ..
البراء يهمس .. ببساطه لاني صديقه ..
عزوز . لا بالله ..
سلطان بنهمس .. اوش قصر صوتك يا خبل .. وبعدين انا لت للبراء لانه كشفني ..
الشباب .. اها ..
..
..
..
بمجلس الحريم ..
وصلتهم كل الأخبار طبعا من العيال الصغار ..
عند البنات ..
ريوف .. اوف والله ثدمه هالولد العم ..
رهف .. من جد كل فتره يطلع لنا بشي جديد ..
رغد .. تصدقون ما كان باين عليه ابد انه راعي خطط وجرايم ..
ديم .. بسم الله عليه وش جرايمه هو سوا كذا عشان يساعد عمي عبدالعزيز ..
ريماس .. ندري وش فيك اكلتيها .. هي قصدها انه باين عليه طيوب ماعنده الخطط الشريره بس خانها التعبير ..
رغد .. بالضبط خانني التعبير ..
ريوف .. الا اقول بنات مو كاننا من زمان عن المقالب ..
ديم .. وش مقالبه انتي بعد هذا وقته ..
رهف .. كلام ريوف صح من زمان ما تحرشنا بالعيال ..
رغد .. من جد بعد هذاك المقلب السخيف اللي سووه لنا .. وغير كذا ليه ما نخرب فرحه سلطان ..
ريماس .. ههههههههههههههههه.. وانتي للحين حاقده عليه ..
رغد .. ولبكرا بعد ياختي قاهرني ..
البنات .. ههههههههههههههههههههههههههههههههههههههه ..
ريوف .. اسمعو خلونا نفكر بمقلب نسويه لهم الأسبوع الجاي لان اليوم ما يمدي ..
رغد .. يوه قهر.. طيب يلا ..
ديم سرحت بعيد بسلطان تحس انها مشتاقه له من زمان ما شافته ودها تشوفه بس ما تدري كيف ..
..........................................

انتهى اليوم على خير والكل مبسوط وحتى ديم اللي لمحت سلطان لما جات تركب للسياره وانبسطت انها شافته بعد غيبه ..

اليوم الثاني ..
في قصر ابو محمد ..
الساعه 8 المساء..
كان ابو محمد وسلطان جالسين بالمجلس ينتظرون ابو حامد ..
دقايق ودخل عليهم .. السلام ..
ابو محمد وسلطان .. وعليكم السلام ..
وبعد السلام والسؤال عن الحال ..
ابو حامد .. سلطان وليدي ممكن تخليني مع جدك لحالنا ..
سلطان وقف .. سم .. وطلع
ابو محمد .. خير يابو حامد اقلقتني ..
ابو حامد بابتسامه .. لا لاتقلق ول شي الموضوع ما يخوف بس انا ماحبيت سلطان يسمعه الا بعد ما اخذ رايك ..
ابو محمد .. اسلم اسمعك ..
ابو حامد .. يقولون بالأمثال القديمه .. اخطب لبنتك ولا تخطب لولدك .. وانا مثل ما انت عارف ماعندي الا بنت وحيده مالي غيرها بالدنيا وكثير خطبوها بس للحين ما شفت اللي يستاهلها ويقدر يحافظ عليها .. بس بصراحه بعد ما شفت اللي سواه حفيدك سلطان وايش كثر يحبك ويخاف عليك اعجبني كثير وقررت اني اخطبه لبنتي .. اقصد اني ابي ازوجه بنتي .. ما اتوقع اني راح الاقي شاب راح يحافظ على بنتي مثله .. وادري انه صغير انا اقول لو وافقت يخطبون الحين والزواج بعد سنه او سنتين ..
ابو محمد اول ما جاب ابو حامد طاري الزواج تذكر طفوله سلطان وايش كان وليه هو خلاه كذا وهو اصلا كان ناسي ان سلطان اصلا بنت .. كان يسمع لابو حامد ويفكر برده فعل ام محمد لو تعرف وايش راح يقول لابو حامد اصلا .. كل الأفكار اجتمعت براسه ..
**
**
**
**
**
**
**
**
**
**
** انتهى البارت السابع **