رواية أنه أبي بقلم مريم السيد | كاملة

هو يعني يا أبيه آدم لما أكبر أنتَ هتتجوزني؟ قلتها بطريقه طفوليه لسن بنت عندها ١٢ سنه، هو ابتسم ليا وهو بيداعب خدودي وقال: -ولما تكبري يا بطه عارفة انا هيبقى عندي كام سنه؟ بصتله بجهل فكمل بإبتسامة وهو بيقعدني جمبه ومحاوطني بكتفه: -هيبقى عندي ٣٠ سنه يعني أنتِ يبقى عمرك ١٩ وأنا ٣٠ متخيله الفرق!! قلت ببراءة: -أنتَ مش قلت إنه السن ملوش لازمه! ضحك بصوت عالي بعدها رجع بصلي وقال: -أنتِ متأكده عندك ١٢ سنه؟ هزيت رأسي بإيجاب بابتسامة هادية، وقفت قصاده وأنا بقف على طراطيف صباعي: -وكمان بقيت كبيره شايف؟ هز رأسه وهو بيضحك وبيقول: -آه شايف شايف! غريبة الحياة اوي لدرجة إنها تشدك في ثواني تكبرك، ويعدي الوقت وتعيش بذكريات منفرده، عمرك جربت يعني إيه تعيش في بلدة صغيرة بها عادات وتقاليد مقيدة، كإنك طير من العصافير الملونة أتحكم عليك تبقى في القفص علشان تبقى مجرد زينه متعلقه وسط الشبابيك والشرفات والبيوت، زي البنت إللي يبقى...