#أنسام_اللهيب
بقلـم :: زينب خالد
صوتو للبارت علقـــو شكــد متكدرون بين الفقرات وتابعـو حسابي واتباد 🫶🏻❤️
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
-أنـــهار ::- عيونـي تغفي ڪُل شوي من النعاس
والتعـب رفعت عيوني
الــة ڪاعد مقابيلي لازم أيد بنته يحدق بيها بقلق ذبيت حَـسرة عيوني انتقلت
عليـها تعبت هلگتنـي مرضها مُزعج ماتفگها الصخونة بسرعــة
باوعت الـة يباوع اليـة خزرته بعدين صفنت تذكرت لازم اخلي يحبنـي ڪمت أرمش
بعيوني عگد حواجبة
- السبـع ::- هاي شبيـها عيونج مشگله؟
گلبت عيوني بملل شكد ذوق سززز ڪامت تون رحت يم رأسها دسته نزلت حرارتها
باوعت الـة بفرح چفلت من أندفرت الباب قوي حطيت الشال ؏َ رأسي رأساً
متداركـة الوضع
- أنهار ::- نزلللتتت واللله نزلللتتتت
- خليل ::- شنية
- السبـع ::- زربتـي
عفس وجهه بقرف خليل باوعلي بتوتر حگ شعرة وڪال
- خليل ::- أڪلج أنهار تعاي سويلي أكل جوه
ڪمت بـ عجز أسحل بروحـي سحل وهوَ يمشي وراي يهمس بصوت واطـي
- خليل ::- هيو نهـر
ألتفت عليه
- أنهار ::- وصمخ أسمي أنهار شنهي
نهر
- خليل ::- جبتـي ١٩
واني خمسة
شهگت بـ فزع انداريت عليـــة حاطه أيديـة ؏َ حلگـي رمشت بعيوني بـ أستمرار
لزم رأسة يباوعلي بقلق
- خليل ::- شايفة أذا يدري بيـنا
راسبين وهو دافع ڪومة فلوس بعلي يلعب الحزام ؏َ ظهرنا
عضيت شفتي بنـدم أجتي بالي فڪرة باوعتله بللت شفتي ونطقت بتردد
- أنهار ::- راح أڪول درجتـي ٩١
توسعت عيونـة بصدمـة اتلفت يباوع بالمكان خاف أحد سمعنا زفر نفس
- خليل ::- إني هم راح أڪول ٥٠
سويتله أكل وكعد يأكل رجعت صعدت فوك مالكيت عثمان بعد أحسن
خلي أخذ راحتي بالغرفـة أوي بدلت ملابسي وتمددت بصف ليالي
مغمضة عيوني رايحـة لعالم ثانـي ماحسيت إلى ثاني يـوم الصبح وڪالعاده
ضربت الدوام جلاق نزلت بعدهي ليالي نايمة الأدوية الي انطيها الها تخليها
تنام وترجع ليورة
تعـودت من جيتي لهذا البيـت ولليوم أتريگ برة وية بيبيته طلعت برة
صرخت بـ ذُعــر وإني اشوف المنـظر إلي كدامي
- أنهار ::- ايييييع هذاااا شنووو
- جميلة ::- ههههه تعاي حبوبة
متشوفينه طلـي
- أنهار ::- عفية بيبي طلعو برة أيع
تلعب روحـي أخاف
ماحس إلى باوعلي يريد يجيني طفرت بسرعـة صرت بظهرها رفعت أيدي أشر الـة
- أنهار ::- روححح روحححح بعييييد
- جميلة ::- خايبة شچاچ هسه شنهي
هو طلـي دباعي شحلاته
عفست وجهي أفكر أبتعدت من خلف ظهرها ڪعدت يمها بالگاع تربعت نباوع الـة
حجيت واللگمه بحلگي
- أنهار ::- متحسينه يشببه عثمان ؟
أنفجرت تضحك بشكل هستيري
- جميلة ::- خلي يسمعج يذبحج بدال
هذا طلي
بوزت شفايفي نهضت ؏َ حيلي حسيته ڪيوت حاولت أتقرب منـه بس أخاف
ڪعدت قريب من عــندة أباوع الـه يأكل بزرع
- أنهار ::- بسبس مياو
- جميلة ::- ترا طلي موش بزونة
أشرلتها بأيدي أوكي ورجعت أباوع الـة باوعلي ميلت برأسي وصحت بصوت عالـي
- أنهار ::- عُـــــمررررررررري
حبييييتتتتتتتهاااااااا ڪيوت بيبي باوعييي
غمتني بأثنين أيديها
- جميلة ::- خايببببةةةة ذكررر ذكررر هذا طليييي
هزيت برأسي بـ لا
- أنهار ::- گـــــلبي حاسني هاي بنيـــة
وراح أسميها روديييينااااا
صفگت بأيديه مقتنعــة أباوعلها بحُب
- أنهار ::- بيبي متحسيها تشبهه الطليان
باوعتلي وهـي تضحك وتهز بأيدها
- جميلة ::- اريد من الله يعقلج يُمه
خلصت ريوگ واني أتاملها دخلت الصينية جوه أغسل بالمواعين وأفڪر
شمرت الصحن من أيدي وأني أسمع صوتها أخترق مسامع أذني وهي تصيح
- ليالي ::- ناناااا
طلحت والزاهي بأيدي أباوعلها بقلق
- أنهار ::- ها حبيبتي منو تدورين
ڪعدت مطفية متندل دربها رحت غسلت أيدي بسرعـــة واجيت ڪعدت مقابيلها
أبعد شعرها عن وجهه
- أنهار ::- شبيج ماما؟
خزرتنـي ومدت براطمها
- ليالي ::- شنيـة ماتعرفين شبيــة
أريد سـممممم
تحجي بحرگه أبتسمت براحـة طابت رجعت ليالي إلي أعرفها حمدت رب العالمين
- خليل ::- ها ولج الفصعونة شلونج
رفعت عيونها صفگت أيدها بسعادة
- ليالي ::- عموووو كليللللللل
گعد ؏َ رگبته فاتحلها أيده واكف قريب ؏َ الدرج ركضت الــة حضنها قوي وكف شالها
يفترر بيــها وهي تصرخ بفــرح
أبتسمت مَــادري ليش تذكرت علي ودمعت عيني ترحمت الـة ورحت أسوي
ريوگ ومشهدهم ميختفي من عقلي ينعاد ڪُل شوي
حطيت أكل وصحته شايلها ڪعد مقابيلي وليالي جتي ڪعدت بنص أسوي لگمه
صغيرة وأوكلها
- خليل ::- عمي أريد اتزوج زوجوني
اجاه صوت من وراه خلاه يغص باللگمـة
- السبـع ::- خاب دگـــم
ابو الوصخ منيهي تقبل بيك
دخـل كعد يأكل ويباوع لبنتـه بـ فرح
- خليل ::- ياهو عزمك أنت؟
- السبـع ::- أكل تبن أبن القنادر البيت بيتي
ذب اللگمه خليل وعاط
- خليل ::- اهووووو
دخلت حمدية بت حليمة تباوع بطرف عينها
باوعلها خليل من فوگ ليچوه
تقرب عثمـان ؏َ خليل وحجه بصوت خافت محد يسمـع بس القريب
من عدهـم
- السبـع ::- شوف هاية هاي هيّ بالضبط
الوحيدة إلي تقبـل بيك
گشول وجهه خليل أكـل شوية عثمان وطلـع برة البيت ذبيت حسرة بلشت
روتيني وية ليالي تگمز من وتروح منا بس اليـوم إلي يختلف
رودينا موجـــودة ڪُل شوي نطلـع نلعب يمها وإني أقرة أقرة ڪلمتين وأحجي وية
رودينا عشرة
عثــمان أختفـئ يومين ماكو يفطس يفطس انوب يطلـع رأسة من رجـع أول
مادخـل صاح بصوت عالـي هز البيـت هززز إني بالغرفة ونزيت
بلعت ريگ بخوف طلعت ركض فتحت باب غرفة خليل لگيته گمز عباله عثمان
- أنهار ::- بشاااااااررررببببك انييييييييييي
- خليل ::- مممزينههههه من باجررر
امشييي ولييييي
- أنهار ::- ولجججج يييييمممه
نزيت من شفته واڪف ڪدامي يخوزر والحزام بيده وعيونه تجدح ناررر
بللت شفايفي بخـوف
- أنهار ::- بس نتفاهممم كُلشي
ينحل بتفاهم
صرخ بصوت عالي
- السبـع ::- أي ولد القنادر من أخابرة أبن الك** يكلييي جاببببببتتتتت تسعييين
وانييي بالخمسين ولد القنادر ذاب عليكم طن فلوس من مدرس لمدرس
يحجي بحرگه يحجي ويتقدم عليــة
دخلت لغرفة خليل الي واكف ؏َ الجرباية يباوع عليــة بخوف
تنرفزت من أسلوبة تخوصرت الـة وڪلت
- أنهار ::- معاجبك طلگنييي
حجـه خليل بدون تفڪير وبسرعـة
- خليل ::- أي صحيح معاجبك طلگنيي
باوعت الـة بأستغراب عثمان يباوعله وهوَ يباوع الـنا يستوعب مدئ غبائة ماحس
الى لحظات وعثمان صاير ڪدامي وسلخ خليل بضربة ؏َ رجلـة بالحزام
شاغت روحـي من يمي رجعت ليورة وعثمان مرگز وية خليل الي صرخ بوجع لازم
مڪان الضربة
- خليل ::- لا بروح أبوك عثمانن لااااا
رجـع ضربة ؏َ أيده إلي حاطها فوگ رجلـة ڪُـل هذا وإني محشورة بزاوية أباوع الـهن
لحـد ما صاح خليل بصوت عالـي ڪعد ڪُل الي بالبيت
- خليل ::- أنهاارررررر حاملللللل
صفنت أباوع بالوجوه مصدومة أشرت ؏َ روحـي بعدم فهم
- أنهار ::- إني حامل؟
باوعلي عثـمان بأستغراب
- السبـع ::- أنـتِ حامل ؟
خليل واڪف ؏َ جهه يفرگ برجله يباوع عيونة تتنقل بيناتنا ڪال
- خليل ::- أنـتِ حامل؟
رفـع رأسة عثمان للسگف عض ؏َ شفته بنفاذ صـبر ماحس إلى نهـل بضرب
؏َ خليل أستغليت الوضـع رُغم أحس بحقارة لأن تركته وحـده ينگتل
طفرت بسرعـة لكيت حليمة توها صاعده تريد تشوف شكو عوجت حلگـــي
وركضت للغرفة بس سديــت الباب أندفرت قوي
عضيت شفتـي بنــدم سد الباب قافلـها أشرتله بعيوني ؏َ الگــاع جانـت دنيا
ظهـر ساعــة بـ ٢ ليالي غفت هيّ وتلعـب بالگـاع
باوعلها وخزرني
- السبـع ::- ليش بالگاع؟
- أنهار ::- مَــادري أنت من اجيت إني ردت
اشيلها وخفت
باوعلي بعـدم تصديق تقرب شالـها بلُطف حطها ؏َ السرير وغطاها رجـع رأساً
باوعلي خازرني
- أنهار ::- شبيك تخوزر ؟
- السبـع ::- فوگ شينها گوات عينها مو بلا؟
بلعت ريگي أحاول أخفي توتـري عنـه نهض من ؏َ السرير تقـدم عليـة
دنگت رأسي وكلت
- أنهار ::- معليـــة إني ترا أنت ماسئلتني
وخليل من وحــده جذبببب
تقـرب أكــثر وأكـثر لحــد ما حشرني بزاوية واكف مسافة بعيده عني بس إني
نحشگت بزاوية أباوعلـه بخوف
- السبـع ::- الخوف حلــو ها؟
- أنهار ::- مخايفة ترا شحدگ
تمد إيدك عليـــة اراويك فدشي ميعجبك
حجيتها بجديـة وإني رافعـة إصبعي بتهديد خازرته
- السبـع ::- أي يـالرعنة شتسوين ؟
- أنهار ::- أبجي
ماشوفة إلى ڪعد بالگاع يضحك ويحاول يگتم صوت ضحكته حتى لأ تگعد بنته
صفنت عليــة وهزيت أيدي
- أنهار ::- يلا وخر عني المحمض
ردت أبتعـد ڪُل ظني نسئ إلي صار بس صرت قريبـة ؏َ الجرباية
سحبني قوي شگت بذُعر من صار فوگاي
- انهار ::- گوم لا تشوفك أختي
هسه تطلعك ساقط وحيوان
باوعلي رافـع حاجبة
- السبـع ::- واني شنو بنــظرج؟
- أنهار ::- ساقط وحيوان
لطمني ؏َ حلگي خفيف بأيده حتى أسكت ضربته قـوي من جوه برچلي أبتعد
متوچع گعد بالگاع يتمرغل ڪدامي من الألم
- السبـع ::- ليش هيچي ولج بربروك
بتـي تريد أخوان حيوانة
يحجي ويتگلب بالگاع من الألم أحسه نسئ الي صار أستغليتها فرصة وطــفرت
نزلت جـــوة ماكو أحد ڪلها نايمـة
طلعـت برة ڪعدت أباوع لرودينا هي وتعلس بالخضرة
- أنهار ::- شكد شعـور صعب من
تحسين هذا المڪان مو مڪانج مو صحيح أكدر أفتهمج حبيبتي
ذبيت حسرة أباوعلها تعلف وترجع ليورة ممهمته لكلامـي صفنت أحدق بالسـما
فوگ أتاملها وأفكـر بحياتي يا تُرئ لوين راح أستمـر أني وياه
فزيت ؏َ صوت جداحه التفت وراه شفته ڪاعد منتچي ؏َ الحايط
يباوعلي ويدخن
- السبـع ::- أنـتِ مخبلة ؟
أكو واحد يحجي وية طلي لا ونوب بصيغة بنية
- أنهار ::- أحترم نفسك ترا عدها
مشاعـر وأحاسيس وأسمها روديناا
باوعلـي بعـدم تصديق
- السبـع ::- هواي تحبين تزعططين بروحج
حجاها ونفخ الدخان يرمقني
بنـظرات غريبة
- أنهار ::- أنـتَ شتريد مني ؟
مدافتهمك لأ أنت الـ تحبني ولا أنت الي تكرهني أنـت مو تحب زوجتك روح رجعها
وخلي هي تربي بنتك شلك بيـة
- السبـع ::- ليش تراقبين وراي
مو عيب بس لا تحبينـي ؟
عيوني بعيونـة تشرحلـة مدئ كُــرهي الـة لكن شفايفي تحركت ونطقت
مشاعـر تختلف
- أنهار ::- مُهم؟
- السبـع ::- حيل
فرگت أصابيعي أحاول أبين نفسي متوتـرة وخجلانـة
نعمـت صوتي باوعلـه بحنية
مُصطنعة
- أنهار ::- أي أحبك
صفـن بوجهي ثوانـي عدل ڪعدته يباوعلي والجگارة بحلگه لثواني ڪلت
صدك بكلامي نزل رأسها طفه الجگارة ڪتف أيده يباوعلي
- السبـع ::- تعرفين شنو أكثر
شي أكرهه؟
هزيت رأسي بـ لا لم شفته للداخل يهز برأسة
- السبـع ::- الجـذب
مانطيت ردة فعل رجع ڪال
- السبـع ::- تعرفين شنو أكثر شي
أعرف أسوي؟
رمشت بعيوني مادافتهم غايته وين هزيت رأسي بـ لا منتـظرة جوابـة
- السبـع ::- الجــذب فـ هاي
الدروب متمشي عليـــة دوري غيرهن
حجاها وصد عني رجعت أباوع لرودينا ضايجـة أحس دمي فاررر كلت أحبة
وفشلني المعفن
- أنهار ::- ديلا هو أنت محمض منو تحبك
هم عوزك تصدك روحك حلو وتنحب غدي أيع أصلا مبين جنت أضحك عليك
لتعيش الدور خوش؟
- السبـع ::- تسكتين لو تعرفين
شلون أسكتج مثل ذيـج المرة
حجاها وغمزلي غمضت عيوني بقهـر أحس صخنت ڪمت بسرعــة أريد
أصعــد مريت قريب من يمــة سحبني من أيدي
باوعتلـه خازرته
- أنهار ::- هد أيدي
نهض ؏َ حيلـة نفض التراب من بچامته چلب بأيدي حيل عناد بيـة شلون
ڪلت هدها يعت بيـة عت ؏َ درج أحس شوي وأعثر ؏َ وجهي
فتـح باب غرفــة صايرة بنهايـة بعيده عن الغُرف دخلني ودخـل تقدم
ڪعد ؏َ جرباية سوالي مڪان يمة توسعت عيوني بصدمـة
- أنهار ::- عيبببب عليكككك هاي السوالف
لا عبالك شفتني أخذ وانطي وياك بالحججججي عبالك إني صدك احبك لو هسوالف ..
تقـدم عليــة بسرعة لزم حلگي قوي ساده بأيده
:: شبيج تروعنتي عليــة
تعاي انثبري بمگانج وانطمي وهاي نيتج الزفرة نضفيها
صفنت عليــة أرمش بعيوني ماستوعبـة تحرگت ڪعدت بالمكان إلي أشر
عليــة فتح مجـر من الجرارات الي جانت بالغرفـة مطلع ڪومة ڪُتب
حطهن ڪدامي وصار هو يدرسني حسيت من الفشلة أريد أطب بنُص هدومي ؏َ
تفكيري السزز هـذا
- أنـــسام ::- باوع الـنا أبتسـم بفشلة سد الخـط بسرعـة حگ شعرة وڪال
السبـع ::- من رخصتكم
لازم أروح
نوران ::- منووو رودينا؟
لم شفته للداخل يباوعلها بـ حيرة ڪأن مولاگي جواب لسؤالها عيوني
متمركزة عليـــة أنتظر جواب
السبـع ::- بزونـة ليالي هيّ مسميتها
رودينا وهاي مرت عمي تموت من البزازين ولهـذا
هزيت رأسي أعرف أختي تحب هيج سوالف تسمي حيوانات وتعتني بيهم عدها
شغف الـهم من يوم إلي أجتي بي صبريـة ولهذا يومي حالتي حالـة
ڪأني ڪنت بعملية ومبنجـة وصحيت مستوعبـة واقعي أتذكر مرورة أيامي
وقساوتها عليــة بالأحداث الي تصير بحياتي هلفترا صرت أحس روحـي عايشة بـ مسلسل تركـي
توجهت بخطوات بطيئة للمطبخ سحبت گوب المي بلعت حباية وكعدت ؏َ كــرسي
لازمـة رأسي وكالعادة مثل أي عقبة بحياتي لازم أتجاوزها وأتخطى
وحتى حزنـي ما أعيشـة
صحيت وجسمي كُــله خمول راودني شعــور غريب اتجاه اليـــوم أستغفرت ربي
طلعت للشركه أمشي مغمضة عيوني أحس أحتاج أجازه
أول مدخـلت صارت بوجهي بـتول واكفة تسولف وية علياء باوعلي ڪالت
بـتول ::- خالـي يريدج روحـي شوفي
ورجعت تحجي وية علياء تقدمت ؏َ غرفة أستاذ هشـام أريد افتحها دگ تلفوني
أستغربت طلعتـهة من الجنطـة جان رقـم غريب زفرت نفس باوعت بتوتر ؏َ الكاعدين
أنسحبت لجهه وحدي فتحت
الخـط
أنسام ::- الـو
::- روحـي بعيد أنسام عمج ناويلج ؏َ نية سودة أنـتِ ونوران ميوصل لـ أنهار
يخاف من رجلها
ڪالت كلماتها وسكتت تصنمت بمكاني بعد ڪل هلفترا هسه جاية تسئل
أنسام ::- شتردين شنو يضمن عمي مو يمج تتذكرين أخر مرة طردتينا بيها ؟
أسمعها جرت حسـرة وكالت
::- معليـج بية مچبورة الحڪم القوي ؏َ ضعيف هسه سمعي حچايتييي وروحييي للناصرية
توسعت عيوني بصـدمة
أنسام ::- شبيج عمة لازم تخبلت أولي
لهناك المن اولي
أسمعـة صوت عمي يعيط حجت بـ توتر وبسرعــة
مبينه خايفـة من عنده
::- روحـييي أنسام لووو تدورين أحد يحميج من بطش عمج نفس أختج
لو ترحين للناصرية ميوصل لهناك يخاف يندگ بيهم
قفلت الخـط بوجهي مانطتني مجال أرد عليـها ضليت صافنــة أباوع
أعرف بس اروح للناصرية أول حل وأحسن حل عدهم يزوجونا ههه إحتمال
ينجلطون أذا يعرفون بيــة مامتزوجـة لسـة
هزيت بأيدي بـ لامُبالاة شنو مُمكن يسوي مولهلدرجـة رجعت أشتــغل هلگت روحـي
فوگ تعبي النفسي أتعب جسمي حتى أنسئ
رجعت ليورة ؏َ الگرسي بتعب بعد ما خلصت أبتسمت بأنتصار
ضربت ؏َ گصتي نسيييت أستاذ هشام رادني ومارحت ڪمت سريــع
دگيت باب الغرفـة سمحلي أدخــل باوعلي جان معصـب
هشام ::- ها أنسااام
باوعتله طگيت صفنة انتظرة يحجـي
هشام :: متحججججين شبيج
نزيت من عاط بية
أنسام ::- مَــادري بتول ڪالت تريدني
أشرلي بأيده برة عفية عائلة ڪلها تجيب وتفشل بيــة
فتحت الباب أريد أطلـع استوقفني صوتة
هشام :: خلصتي شغلج؟
أنسام ::- أي خلصته هسه ثواني
أجيبـة ألك
طلعت بسرعـة ركضت لمگتبي مبتسمة ولـ أول مرة من بعـد فترة أحس تعبت عليــه
وهسه راح يشوفون شغلـي وترتيبي لأن عنـدي فكرة مشروع وأريـد أعرضها
عليـهم بلكت يقتنعون بيها من بعد ما يشوفون شغلي هذا
تغيرت معالم وجهي بثواني طشرت الأوراق بسرعة أدور عليـهن ملف ڪامل شغل
أيام وتعب ساعات
ماهوه أختفئ !!!!!
ضليت أدور مثل المخبلــة ڪُلها انتبهت عليــة طلع أستاذ هشام من الغرفة يباوعلي
ڪال
:: ها وينه
باوعت الــة وأحس بروحـي راح أبجـي ڪدامهم رمقني بنظرات تسأول
عيونة تفتر ؏َ أيدية يشوفني حاملتهم بأيدي أو لأ بلعت ريگي
رفعت عيوني نظرت بيأس وأني بسببي بعد وفاة علي خسرنا صفقة كُلش چبيرة
جانت راح تگُلب الموازين لصالحنـا بس التهو وياي وتركوها توسعت عيونـة بغضب
رجعت أدور عليـها بسرعة عسى ولعل ألكاها طلع أستاذ لهيب شافني
شسوي وشلون الكُل يباوع اليـة وأستاذ هشام إلي مركز عليــة ومبينه عصبيته
زفرت نفس مستسلمة ماڪو أمل ماهنـة أختفن
أنسام ::- والله جانن هنه وروح أخوية
ماڪو مَــادري وين راحـن ونبيي ماعرف
جانت الباب مفتوحــة وهوَ لازمـها رگعها قوي نزيت من الصوت العالـي يمكن حتئ الباب
نگسرت
هشام ::- شللللج بهااااييي الكلاوتتتت
انساممم معتمدددد عليج تكليلي ماكوووو شسوييي بيجح هسهههه بعد ساعتين لازم هنه
يتسلمن وهسه تكليليييي ماكوووو شكوللل للـ أوادم بس العتتتتبب مو عليج ؏َ الجلب الي معتمد عليج
ذب حسـرة أستاذ لهــيب وڪال
لهــيب ::- أي والله أنسام لاتنقهرين ولا تضوجين
الخطأ مو منج من الجلب الي معتمد
عليـج بس اكلكم هوّ يا مطي يعتمد ؏َ وحده مثل أنسام
انداريت عليــة فاتحة عيوني مصدومة هربت دمعة مني باوعت جانت فرقان
واڪفة بزاوية تباوع اليــة بشماته ماعرف ليش اجه بالي هيّ سوت هيج
أستغفرت ربي
هشام ::- لهيب أطلع برة الشركه بسرعة
إذا شفتك بالشركـة أنه چتالك
لهيب ::- عيب هاي أمور عائلية لتناقش
بيها هنا تريد تفضحنا بين
العربان
خزره أستاذ هشام هوَ صاير أعصاب
نارر وهذا يحشش براسـة
تقدم أستاذ لهــيب لزم بأيده قوي يتصنع الحزن بوجهه
لـهيب ::- بروح أمك لاتفصلنيي
أستاذ وين أنطييي وجهييي
نتر أيده أستاذ هشام صار يصيح ويصرخ ؏َ الكـل تقدمت فرقان من النهاية صارت
قريبة عليهم حطت الملف بوجهه أستاذ هشام تقربت ؏َ أستاذ لهــيب أشوف الملف
نفسسسة مالتيييي !!!
باوعلها أستاذ لهــيب من فوگ ليجـوة بأشمئزاز
لهيب ::- اهو أجتي السعلوة
سحبه أستاذ هشام منها الملف بـ نترة فتحة ملامحة أرتخت حس بالراحـة رمقها بنظرات
أطمئنان أخذ الملف وتشگر منها ڪداك الكُل ومدحها وهي تباوعلي وتضحك
بدون ماحس ؏َ روحـي بجيت من القهـر حتى مافتحت حلگي وكلت ملفي
لهيب ::- بجت أم دميعـة
تحولت أنظار أستاذ هشام اليـة أشرلي وراه كلمن رجـع لشغلة بعد ما ماصدكو الخبر
وأخيراً شي يحجون بي دخلت واكفة مثل الطالب الي يعاقبو وهو ڪاعد ؏َ
الكرسي يهز برجلة ويباوعلي
أندفرت الباب قوي حيل دخل أستاذ لهيب رأساً توجهه ؏َ المكتب أخذ
الگهوه مال أستاذ هشام شربها عفس وجهه بقرف حطه أصبعة بالگوب يخوط بي
صاح أستاذ هشام بصوت عالي
هشام ::- اببببن القنادررر شتسوي ؟؟؟
تجاهله أستاذ لهــيب وشربها من جديد وهز رأسة بـ رضئ وڪال
لهيب ::- أي هسـه شوف جانت مُرة
حطيت أصبعي بيها صارت حلوه
أبتسم يسوي نفسة خجـل گوة لزمت روحي ماضحك منظرة يضحك وأستاذ هشام فدنوب
صار أعصاب گام ورگعة بوكس من يمي أحس سنوني تگسرت
باوعلي أستاذ لهــيب وڪال
لهيب ::- شنييية أنسام طرف ثالث بنصنا دطلعها شعدها تباوع مشاكلنا العائلية
أبتعــد عنه استاذ هشام نفض ملابسة رجع بكُل هدوء ڪعد ؏َ الكرسي نطق
برود وبدون ميباوعلي
هشـام ::- ثنينكم أنتو وأنسام مطرودين
من شده دهشتي ظليت واڪفة أباوعلة أرمش بعيوني ذبيت حَسرة
أنسام ::- أني ڪملت شغلي ؏َ التمام وخلصته بس غيري أخذ تعبي واتجازه بي ؏َ العموم مابري
الذمـة رحم الله والديك ؏َ السنين الراحت لأن إني مو بت حرام وأنگر العشرة بس الي صار اليوم مو قانوني سنين أني يمك ولا مرة غلطت تحاسبني ؏َ غلطـة وتفصلني ؟
شمر القلـم بعصبية وأشر ؏َ الباب زمخ بية وڪال
هشام ::- أتفضلي برة لو سمحتي !!
أنسام ::- عساها أحترگت بيكم ڪون
مَــادري شلون طلـعت من حلگي وهاي أول مرة أسويها بس فار دمي وأحس نار بگلبي تسعـر بسرعة سحبت جنطتي وتلفوني
ونزلت أركض ماطاحت ولا دمعـة مني محد يستاهل تعبت من البجي
أمشي بخطوات سريعـة أحس روحـي صخنت من القهـر سمعت صوت وراي
لهـيب ::- خابببب هيوووو أنسااااام
التفت أباوعلـة وكف يلهث عاط
أنسام ::- ها أستاذ
باوعلي وعض شفته بتوعد
لهيب ::- ديلا هسه مو نفصلت وياج
شنية لزومت الـ أوستاذ بعد؟
خزرته وكلــت
::- شنو تريد
باوعلي من فوگ ليجـوة ممقتنع بكلامي ڪال
لهيب ::- أعذري هشام
ترا هو يحبج وحاسبة بمعزة بنتـة لتضوجين منه بس هو شوي تجي الحالـة لو هاي طاگي
بسحر كلش طبيعي
أنسام ::- لا هلمرا تختلف ميخالف إني أدور
غيـر شغل ماكو أشكال
لمحت طيف بتـول من ورة تمشي ولابسة جنطه تأشرلي بأيدها هلو صار وراها
أديم وعلياء يمشون بهدوء
بتـول ::- هلوووو أني هممم نفصلللت
علياء ::- وإني هم
تقدم أديم صار واكف ويانا لم شفته للداخل ورفـع أيده بمعنئ أني هم
لهـيب ::- هذا شاربي أزينة إذا بقئ
موظف بالشركة منا للـ ٢
حط أيده ؏َ چتف بتول وڪال
لهيب ::- ليش تغارين مني
بتول ::- ايع منو يغار منك
لهيب ::- إني انطردت رحتي وراي
انطردتي شهلغيرة حبيبتي ميخالف أعرف اني قدوتج بالحياة بس لهلدرجة
تقربت عليـــة علياء تهمس
علياء ::- ههه شبي أستاذ لهــيب
اليوم شو چنه مرتاح يضحك ويسولف اول مرة اشوفة هيج
مارديت عليها نفسيتي صفر سبقتهم أمشي لهيب صعد هوَ وبتول بالسيارة مينحزرون
ساعة يتگافشون وساعة صحبان علياء صعدت تگسي ورجعت وأديم يمشي وراي
بهدوء
دخلت للبيت بدون روح بدلت ملابسي أكل وأحس بدموعي تنزل ؏َ خدي شهلذلة
الي داعيشها شهلعيشة هايَ أحس اللگمه وگفت بنص زردومي صرت أشهگ من البجـي
فكرت أخابر ميريام أطلب منـه يدورلي شغل لكن قاطعني صوت الباب
هي وتندگ
نهضت مسحت دموعي توجهت للباب حطيت الشال ؏َ رأسي فتحتها أباوع يمنى يسرى
مجان أكو أحد صارت عيني ؏َ نهايــة الشارع جان عمي واكف يبتسلمي
بشكـل يخوف رچف گــــلبي بلعت ريگي أشرلي بعيونة ؏َ الحايط
باوعت حاط ورقة صغيرة سحبتها فتحتها مكتوب بيهـا "نبلش من نوران"
يا يابة روحـي شاطت لله تراجعت للخلف رأساً سديت الباب ڪعدت بالگاع
أريد أسحب النفس ماڪدر أختنگت كل الي بالي أنو اني خسرت واحد مولازم أخسر
ثنين گوه سحلت بروحـي سحـل صعدت فوگ الم بغراضي وبغراضها
طلعت برة وية طلعتي أجتي سيارة أصهب نزلن البنات مستغربات يباوعن ؏َ الجنط
إلي بأيدي نزل أصهب من السيارة يباوعلي بأستغراب
ڪال
::- ها خويــة خيرج وين؟
حجيت بأستعجال
أنسام ::- تعرف وأحد يأخذني للناصرية
هسـه؟؟
باوعلي بـ ذهول أشرلي بـأيده بمعنى أصبري راح يخابر ؏َ جهه تقدمت عليــه
أنهار لزمتني من أيدي حجت بـ تـوتر
::- يا ناصرية أنسام ويننن رايحــة الله عليج تأخذني وياجن متعوفيني أنسام موو؟
باوعتلها بـقلق ماعرف شڪول إلها دفعت أيدي قوي وصاحت
أنهار ::- لااا أنسام لاااا متسويهااا متعوفينييي
اللّٰـه يخليج لااااا
أنسام ::- ماڪدرررررر ماڪدر أخذج
أنهار أنـتِ متزوجـة ماڪو خوف عليج بس نوران شلون أحميها والله والله أموتتت أموتتت
أذا يصيرلها شي
عگدت حواجبها بـ استفهام
أنهار ::- تحميها من شنو ؟
ذبيت حسرة وڪلت
::- من عمج
صفنت بوجهي وضحكت ڪالت
أنهار ::- هسهه هسهه عثماننن يحلها والله
لترحون
عضيت شفتي بنفاذ صـبر سكتت مقدرة وضعها أعرف متكدر تستوعب أنو إني أكدر
أبعد عنها دقايق واجـه السبـع مصدوم يباوع لحالتنا حجيتله كل الصار حتى مكالمـة زوجته
الصبح
السبـع ::- وين ترحين بالناصرية أنسام؟
منو عندج ؟
نزلت رأسي نظرات أخواتي أخترقتني رفعت عيوني أباوعلـة ماكدر أجذب بعــد حــبل
الجذب طول وياي وأستمر فترة كُلش طويلة وهسه صار لازم ينگص
أنسام ::- أمي
رفع حواجبـة بأستنگار سحب نفس من
الجگارة وڪال
السبـع ::- مثل متوقعت ڪوثر مو أمج مو؟
ضحكت أنهار بأستهزاء دفعته بعيد
أنهار ::- هايشبيك شنو مو أمها غير احنا
خوات وهي تصيحلها ماما أصلا أنسام أكثر وحده تشبهه امي
يعلج يباوعلها وڪأنة كأن متوقع هذا الشي ماعرف شلون عرف رغم اني حتى بالجنسية
من أختفت أمي تسجلت بأسم ڪوثر زفرت نفس
أنسام ::- حللل حللل أريد حللل
توسعت عيون أنهار بـ ذهول
أنهار ::- دتسمعينه شيكوللل؟ يكول كوثر مو أمج
غمضت عيوني بيأس بللت شفتي أباوعلها بقهر تراجعت للخف رافضة تصدق
الفكرة نوران كانت واكفة ؏َ جهه تباوع النـا بجمود
هز رأسة السبـع بـ أي
::- أفضل حل هسه أختفو من الانظار وبعدها أني من أمن الوضع أجيبكم هنا لتخافون
حتى نوران أخذلها أجازة من المدرسـة
أنهار ::- خليني أروح وياهم اللّٰـه يخليك
عثمان ماكدر بعيد عن خواتي والله ماتحمل عفية
باوعلـها برود تجاهله وتقـدم ؏َ أصهب يحجي وياه لزمت أيدي قـــوي تتوسل بيه بعيونها
أخذها وياي ماكدر ماعرف الوضـع هناك شنو إني المفروض رايحـة لخوالي بس هنه غربة
تقدم السبـع بأتجاهنا وكال
::- يلا أصهب يوصلجن هوَ يريد يودي خالـة للـ ناصرية
حجيت بأستغراب
::- يا خال ؟
ذب الجگارة بالگاع وداس عليها رفع عينه اليـة وكال
السبـع ::- لهــيب
تذكرت ڪلام بـتول من ڪالت يصير إبن خالـة أمج يعني يعرف خوالي صعدنا بالسيارة
ليورة تحرگ بالسيارة لبيـتهم دگ هورن أكثر من مرة طلع لهيب شايل
جنطـة ؏َ چتفة لابس أسود بـ أسود ونظارة سودة
منظرة يجذب أستغفرت ربي
أني بـ شنو أفكر
صعد بالسيارة باوع الـنا ونصدم لدرجة نزع النظارة يباوع انوب رجع لبسها يباوع
يتأكد باوع لـ أصهب مصدوم
لهـيب ::- هاي شنو
أصهب ::- ؏َ نفس طريقنا للناصرية
يم ربعـك
توسعت عيونة بصدمة ماعلق ظل ساكـت لحـدما گسر الهدوء وڪال بعد صمت دام
لوقت كُلش طويل
لهيب ::- تعرفين وين رايحة؟
أنسام ::- لا
لهيب ::- تعرفين المن رايحة؟
أنسام ::- لا
لهيب ::- عفية سباعية أريدج هيج دائماً مطفية
سكتت مارديت عليـــة
نوران هدوئها مُخيف ماحجت ولا علقت حتى ؏َ دراستها طول الطريق نايمة
لحــدما وصلنا بليل ڪدام بيت كُلش چبيــر مثل القصـور
الاضوية تارسة المكان وسواد اليلل المُخيف المنطقة باردة حيل تختلف عن بغداد
لأن بيها بساتين وزرع الهوئ بيها كُلش قوي وبارد
تقدم أصهب ولهيب ڪدامنه خطية أصهب تعب من الطريق لأن ساق فترة
كُلش طويلة واحنا وراهم أصهب شايلة جنطنا
دگو الباب نوران لازمـتني من چتفي نايمة عليـه أنفتحت الباب طلـع رجال طويل
ضخم البُنية أبيض حلو شواربة ولحيته مرتبات لابس دشداشة بيضة أستقبل لهيب
أستقبال حاررر حضنه قوي لامـة لصدرة لمحت لهيب تقرب ؏َ أذنة مَــادري
شهمس رفع رأسة الرجال رأساً لمحني تصنم بمـڪانة
يباوعلـي بنظرات غريبة سلم ؏َ أصهب وعيونة عليــة و؏َ نوران أشرلي لهيب بأيده
بمعنى تعاي
توجهت عليهم أقدم خطوة وارجع عشرة ونوران تخوزر بيهم ڪلهم
محمـد ::- هي هاي بت أيناس ؟
هز لهيب رأسة بمعنى أي بدون وعـي وبسرعة بلمح البصر سحبني من أيدين نوران
لامني لـ حضنه حضني قوي غصت بحضنـة ضعت ريحة عطرة گفختني ماعرفة
منو رأساً صاحت نوران
::- شكد ماتستحي أنت شلون تحضنها هيج
مو حرام عليك جيب أختي
مَــادري شبية وشصار من حضني أنهاريت يمكن جنت محتاجة أحس أكو احد عنـدي ووياي بجيت بشكل هستيري
وگعت بالگاع وهوَ ڪعد وياي حاضني وإني أبجي الجو مشحون بالعاطفة يمسد
؏َ كتفي بحنية شعور غريب بي من ريحـة أمي لسة ريحتها بخشمي من
حضنتني أخير شي وطلعت
لهيب ::- اكلكم أني جوعان
صار الجو هدوء وكلها تباوع لـ لهيب الي يحجي بـ جدية ويباوع ؏َ رجال الي لزمني
من أيدي مدخلني وياه للداخل يسحب بيـة صاح بصوتة الخشن
محمد ::- يُـــمة شوفييي منووو اجانااا
عيوني تتجول بالبيت بُرغم من البيت چبير إلى أنو مبين فارغ ومابي أشخاص هواي
طلعت مرة عجوز تمشي ؏َ العگازة باوعتلي بتركيز تريــد تعرف منـــو
::- يييياااااهييي هايي بت أيناس بنيتي
فتحت أيدها اليــة تبجي وتصيح بت بتي دفعني الرجال عليها حضنتني قوي تشاهگ
وتشم بية قوي رغم ماشوف نفسي اشبهه أمي هو فعلاً اني أشبهه ڪوثر أكثر من أمي
لهذا جانت تكرهني ڪوثر زفرت نــفس ماريد أذكر هاي الأيام
دخل لهيـب ڪال
::- ها خالتي شلونج عوفو البنية ماشبعتو
تمطگ كل شوي واحد بايسها
حطت أيدها ؏َ حلگها نوران وكالت
::- عزااا عزاااا عزاااا شكد ماتستحييييي
باوعلها من فوگ ليجوه وهز بأيده
لهيب ::- أريد أكل يمعودييييييييين
محمد ::- سحررر صبيلة أكل راح يبجي علينا
باوعت للـ اجواء أحس بمشاعر غريبة أول مرة أحس بيهج إهتمام وحُب وكلها تحضني
وتسئل عليــة ماعمري عشت هيج شغلات أشياء ڪنت محرومــة منها
ڪعدت نوران قريبة عليــة الدمعة بطرف عينها
نوران ::- صدك لو كالو من لگه
احبابة نسى اصحابة إني بعدني عبالي هذا مقلب وتكولين اضحك عليجن شنو صدك امج غير عن أمي
ضحكت بفرح إلها أمسح ؏َ وجهه
إنسام ::- بنتيي أنـتِ شلون الواحد ينسى بناته انطيني تلفوني أخابر أنهار هسه
بالها يمنا
رفعت رأسي لـ لهيب ڪاعد كدامي يسولف هوَ وأصهب معقولة يدري
بتول ڪالتلي هوَ يصير گرايبي دگيت ؏َ أنهار رفضته بوجهي ودزتلي رسالة
أنهار ::
- لتدكين بعد علية خوش لأن اني
بت البطة السودة گضيت عمري وحدي وكل اهتمامج وتركيزج بـ نوران وعلي
ظليت أباوع بالرسالــة لحــد ما صاحوني كالو الأكل صاير أستحي اتحرك ڪلها تباوعلي
الي عرفته عندي خوال أثنين أحمد ومحمد
محمد الي أستقبلني وأحمد طالـع جانن أكو اربع نسوان يطبخن وينقلن
وأكو أطفال وبنات هواي
أخذني خالي محمد ؏َ جهه أحس بغرابـة حتى من أفكر بيها خالي باوعلي يتأمل ملامحها
أنسام ::- ههه شبيكم حسستوني
ملاك نازل من السما
محمد ::- والكافل أحلى بيج من أختي
الي راحت من أيدي مترحين منا لا أخلي أخوي يطلگ نسوانة
عگدت حواجبي وكلت
أنسام ::- هذني ڪلهن نسوانه أنت ممتزوج
أبتسم وهز رأسه بـ لا أخذني نأكل ڪعدت ؏َ السفرة ونوران لاطشة بيه وتخوزر بالعالم
وخصوصاً خالي محمد لأن ڪل شوي يحط أكل ڪدامي لو يكلي أكلي
جان بالاكل يسولف ؏َ الصار ويحجي لـ أمة الي هي بيبتي وتصير خالــة لهيب
عن إلي صار اليـــة وشلون اجيت وليش
ڪالت وهي تباوع لـهيب وهوَ ڪاعد يأكل بعالم موازي
:: سهلــــة نزوج أنسام للهــــــــــيب ..
- أضَل لوين
أناطــر بيك
جَيلِي تزوجـــو مرتيــن .
يتبـع ..
الحكايـــة تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!