أنسام اللهيب الفصل الرابع عشر 14 - بقلم زينب الشمري

#أنسام_اللهيب

بقلـمي أنا زينـب خالــد

حبايبي صوتـو على البارت + علقــو بين الفقرات ؏َ كــد ما تكدروووون هيـج ترسو تعليقات 😹💖 + تابعـــو حسابي ؏َ الواتباد متخسرون شي

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

- صبـا : مشاعـر غريبة ستوطنت گلــبي بعـد موت علـي
شڪد بسهـولة ممڪن الانسان يمـوت برمشة عين نمنا ڪعدنا
؏َ خـبر موتـة صار ترڪيزي ؏َ أخوي ومرته أڪثر علاقتهم
غريبـة

أڪو شي يحاولون يخفـونا زفرت نـفس دڪيت باب الغرفـة
انفتحت البـاب صارت عيني عليـها لازمـة ڪِتاب تقـرة
رفعـت عيونـها اليــة أبتسمت بـرقة

سوت مجـال أدخـل خطفت نـظرة جان وجهه شاحـب ضعفانة
حيـل ومتغيرة

- صبا ::- ميلوڪلج الضعف

أبتسمت بتصنـع تجاملـني
فرگت أيدي بتـوتر شلوت راح أڪدر اكوللها الموضوع

- أنـهار ::- ليش تباوعيـن هيج

- صبـا ::- اليـوم راح تجـي ام ليالي
تشوفها هنا بالبيت

- أنـهار ::- جنـت طول ما أحجـي وياها مدنڪه عيني ؏َ الڪتاب لكـن سُرعان ما حجـتها رفعت رأسيّ
اباوع ؏َ ملامحـها

بلعت ريگي رجعت دنڪت للڪِتاب
- أنـهار ::- هلاا بيها

- صبا ::- يعني عادي تشوفيـها

هزيت رأسيّ بـ أي اردفت بثقة
::- كُلش عادي

طلعت بهدوء بدون ماتنطق شي ڪانت منصدمة من ردة فعلي
صارت عيني ؏َ ليالي الي نايمـة ؏َ السرير ڪدامي

ماڪدرت أركـز وأني اتخيل شڪلها وشلون راح تڪون
وڪفت ڪدام المراية أعاين لملامحي هلا فعلاً هيّ حتڪون
أحلى منـي

زفرت نـفس بقلة حيلة مراح أڪـدر أشوفـها راح أطلـع
للدرس سجلنا أني وخليل بـ درس للرياضيات لان قربت أمتحانات نصف السـنة ومستوانا بي
هابط

لفيت الشال شلون ما جـان وطلعت لڪيته ڪاعد حاط رجل
؏َ رجـل ينتظري من سمع صوت خطواتي ؏َ الدرج التفت
وڪف ؏ حيلـة يباوعلـي من فوڪ ليجـوة

طلعت حليمة من الغرفة باوعتلي هزت بأيدها ومشت
ڪلبت عيوني بملل مالـي خلڪها طلعنا نتمشى

- خليل ::- بسبس
باوعتلـه بأستنڪار
-أنهار : ها

-خليل : تغششيـني؟

رفعت حواجبـي بأستهزاء
-أنهار : وشتنطيني

غمني بأيده وندار يمشي دخلـنا يم المدرسة مسوية
اسئلة نمتحن بيـها ڪاعد مقابيلي يحل وأني احل

اسمعـة يهمس بخـوفت بـ أسمي
رفعت رأسي الـة
- خليل : السؤال الاول شڪد طلعتي

رفعت أصابيعي أشيـر الـة بأنو تسعة ميل براسة بأستغراب ؏َ ورقتة
رفع عيونة وڪال
- خليل :- ليش طلـع وياي خمسين مليون

هزيت أيدي ورجعت أحل خلصت أنطيتها ورقتـي وڪعدت أنتـظرة
يخلص فڪرة تجيبني وفڪرة توديني وڪلهن ؏َ اخـوي

ذبيت حسرة طـول الطريق وهو يدردم يڪـول جوابو صح وأني
غلـط مالي خلڪ أرد واناقش عليــه أحس بشي خانگـني
وڪأنما أكو شخص نايم ؏َ صدري وخانگـني بقـوة

هذا الشعـور حسيت بي مرتين مرة قبـل لا اسمع عثمان يخابر طليقته
ومرة من مـات علـي

هوَ راح لغير اتجاه وأني مشيت للبيت فتحت الباب دخلـت
البيـت هدوء شفت أمـه باوعتلي وڪالت
- بلقيـس ::- ها بنيتـي
شلونـج جاوبتي لا؟

أبتسمت الها
- اي خالـة الحمدلله

هزت راسها ودخلت للمطبخ صعدت فوڪ نزعت الملابس باوعت
مڪان ليالي فارغ معقولـة أخذتها أمـها وياها بلعت ريگي

شعور بالخـوف بدة يزداد رغـم ماڪو شي نزلت دورت عليها
بڪُـل مڪان مالڪيتها طلعت من الاستقبال باوعت
الها تقدمت عليــه تبتسـم

ليالي ::- هلووو
فتحت الها أيدي أجتي شمرت روحـها بحضنـي عانقتني
أيديها الناعمـة التفت حـول عـنقي

أبتعدت تباوع لوجـهي ساحبـتني من أيدي قوي
ليالي ::- امشي نلعـب

عيني ؏َ باب الاستقبال باوعت الها أبتسمت بتصنـع
- أنهار ::- ليلي حبيبتي وين بابي؟

حجت وهي تفتر تلعب هي ومحاوطه أيدي
ليالي ::- ڪاعد يم مامي
أبتسمت بهدوء خليـتها تصعـد فوڪ وڪالعادة فضولي

ماخلاني أڪعد وأسكت مشيت بُطئ فتحت الباب ؏َ ڪيف
شعـور غريب خدرت رجليـة من المنـظر والبرود أحتل
معاني وجهي يشرح مـدئ قساوة المنـظر الـ ڪدامي ؏َ گلــبي

واڪفة طليقـته حاضنته ضامه رأسها بصدرة نازعـة الحجاب
وهوَ واڪف يباوع بالفراغ والجڪِارة بيده بلعت غصتي
مادري شلون وبدون قصـد سويت صوت بحيث أنتبهلي
ࢪأساً طفرت سويت الدرج خطوتين من الخوف

فتحت باب الغرفة بـسرعة نزت ليالي مخترعـة ترمش بعيونها
تباوعلي حطيت أيدي ؏َ گلــبي يدك بسرعـة

مو بس هذا الشعور الوحيـد الي سڪن گلــبي ساعتـها حسيت
بوجـع أني ماحبـة ولا أطيق وجودة بس صعبـة أحس نفسي
بديل ؏َ أحد طول عُـمࢪي جنت أحلـم بـ قصة حُب

كُلش حلـوة جنت اتوقع العوض من اتزوج بشخص يحبنـي وههه ڪانت
الصدمـة أنو اتزوج شخص أصلاً ميرغبني وجايبني بديل بمڪان
أحد ثانـي عضيت أصابيعي نـدم

زفرت نـفس ماڪو حل شسوي سحبت الغطـة ؏َ جسمـي
مغطية روحـي ڪلياً مايبين من عنـدي شي اسمع صوت
خطوات ليالي بالغرفـة تقدمت شايل الغطه داخلـة
بحضني

- أنهار ::- ليلي ليش متروحين
تشبعين من مامي قبل
لا تروح

ليالي ::- ماحب مامـي
أحبج أنـتِ أنـتَ صيري مامي
أبتسمت امسـد ؏َ شعرها بحنيـة نمنا سوة وهيّ بحضني غمضت عيوني براحـة رغم الوجـع الي أحسـة أخترق گلــبي حاولت
اتغاضـئ عنـه بدت عيوني تستلم للنـوم شوي شوي

بين الغافيـة والصاحية أسمـع صوت الباب أنفتح أنرفع
الغطـة من ؏َ رأسي عفست عيوني بنعاس ليالي نايمـة وجهه بصدري
مچلبة بقميصي قوي أريد انگلب للجهه الثانية مو طايقة أشوف وجهه

لڪن ماڪو مفر ضليت ؏َ وضعيتي مغمضة عيوني
ماعرف شديسوي ذب حسرة صار يتحرڪ بالغرفة أخير شي شمر
روحـة يمنا نايـم سحب الغطه تغطة
ونـــام

فزيت ؏َ حرڪه ليالي يمي وهي تهزنـي
فتحت عيوني تمغطت
بعدنـي نعسانة بس أنجبرت افتح عيوني لخاطرها
- أنهار ::- ها حبيبتي

برطمت شفايفها بزعـل تسحب بالدشداشة من جهه الصـدر
وتكلي
ليالي ::- دومي (كومي)
نهـضت ؏َ حيلي درت وجهي اشوف الساعـة بيش ڪانت بـ ٧

ياعلي شڪد نمت باوعت ڪدامي جانت غرفتي تصميمها جرباية
ومقابيلة التسريـحة ؏ اليسار الڪنتور واليمين محطوطه قنف
ومقابيلها ميز صغير

لڪيته ڪاعد مرجع نفسة ؏َ القنفـة يرمقني بـنظرات غريبة
والجڪارة بحلڪه حاط النفاضة ڪدام ومبين شڪد
طاحن جڪاير من طحنـو روحك ڪون

نزلت جوه سويت أڪل ليالي وڪعدت تأكل يم عمتـي رجعت صعـدت فوك فتحت الباب ڪفختني ريحـة الجڪاير رفع راسة
باوعلي أنتبهه الريحة خنڪتني طفاها ورجع يشتغل والحاسوب بحضنه

اخذت ڪِتابي ونمت ؏َ الجرباية ؏َ بطني والڪِتاب جواي اقرة واهز برجليـة بالواقع أصلاً ماجنت
اقرة جان تفڪيري ڪله شلون
انتقـم منه واسود عيشته

دگ تلفوني رفعت رأسيّ اباوع صارت عيني عليـه هو همّ يباوع للتلفوت أبتسمت بأستهزاء
سحبت التلفـون
والڪِتاب وطلعت نزلت جوه بالاستقبال يم ليالي دتلعب ڪدام عيني
قفلت الباب

رجعت دڪيت عليها اجاني صوتها التعبان
أنسـام ::- الو انهار

أنهار ::- زينة والله عاش من شافج
ماڪلتي عندي حمارة أسئل عليها اخخ ليكول مامصدگه خلصتي منا هااا مو بلاااا

أنسـام ::- شبيج هوببب دوسي بريك
أكلتني بگشوري

أنهار ::- شلونج نوران شلونها

أنسام ::- أنهار اريد أحجيلج
فدشي ماعندي أحد اسولفله والسالفة تحوص بگــلبي

تربعت بالگـــاع أسمع الــها
أنسام ::- تدرين أستاذ لهــيب
عنده بنت وأسمها شهيناز وميته

عگدت حواجبـي بأستغراب
أنهار ::- شنووو أسمها؟؟؟
شهيناز شنو؟؟ منو ڪلج هذا الحجي؟

أنسام ::- بتـول ومرة عمـو ڪدامي
صاحلة أبو شهيناز
ليش شڪو

صفنت بالفراغ الي أتذڪرة بعرسي عثمان ڪال الـة أبو أنسام أسمع صوتها
بتلفـون تردد بأسمي
أنهار ::- هااا هااا شبيج شڪو؟

أنسام ::- وين صفنتـي ترا مو هنا
السالفـة ؟

أنهـار ::- اي ڪملي أسمـع
سمعت سالفتـها وگضيتها أضرب صفنات ماعرف شديصير أجاني فضـول
مثلها حـول لهيب سديت الـخط فتحت الباب أريد اصعـد لـ عثمان ليالي
طلعت من فترة طويلة

صار بوجهـي باوعلي مقلص عينــة
أنهار ::- شڪد تشرب
جگاير

رفع حاجبـة
السبـع ::- ليش تدققين هيج بتصرفاتي ؟

أنهار ::- لا يا محور الڪون
مدققة وياج غير الريحـة تخنگني خنگ

حرك لسانـة بخدة دفعني للداخل وسد الباب
أنهار ::- ها خير شڪو وخر
لا افلش رأسك

ماحس إلى طگها ضحڪة اخترقت مسامعي
السبـع ::- يلا فلشي
خلي نشوف شلون تفلشي

ضحڪت بأستهزاء لميت شفتي للداخل عبالـة اتشاقة لحظات
شلت المزهريـة إلي يمي ولطشتها تگسرت برأسة وصار الگزاز بكـل مڪان بأرجاء
الغرفة

صفن ثوانـي ملامحـة تبين ڪمية الصدمة الي عاشها يباوع بالأرض يحاول يستوعب
الي صار عضيت شفتي أخفي أبتسامتي رفع عينـة خازرني

- السبـع ::- بربوك طلعتي مو هينـة
تقـدم عليـــة لزمت مزهرية ثانية صعدت ؏َ القنفة رفعت أيدي بتحذير

أنهار ::- ديربالللككك توصل
وروحة لـ أخوية انيمها برأسك نفس ذيج

يتقدم بثقة حاط أيده بجيب البجامة ولا ڪأن رگعته بشي يرمقني بنظرات أستهزاء
- السبع ::- يلا تعالـي نيمها شبيج

شمرتها قوي بالگاع نگسرت يم رجلـة هوَ ثابت ماتحرك ولا رمشت عينه
بللت شفتي بتوتر التفت داير مدايري أباوع لـ شي أريــد أخذه أضربة
بي ماڪو ماحس إلى نسحبت قوي من خصري نزلني

أنهار ::- مو رجال اليمد أيده ؏َ مرة
ماشوف إلى طگها ضحكة لدرجة أجتاحته نوبة سُعال من بعدها

انفتحت الباب أشوف حليمة واڪفة ترمش بعيونها ؏َ الگزاز الي بالگاع
ماحس الى المرة ڪعدت بالگاع شگت ثوبها

- حليمة ::- يابوووووووووي راحنننن
أنگسررررن يبوييييي راااححح ورث جدتتتييييي راححححح ولججج يُمه حمدددددية يبويييييي ؏َ حظججججح

أبتعد عني عثمان واڪف مڪتف أيده يباوعلها مضيگ عيونـة
أنهار ::- ديـلا هسه هنه مزهريات

باوعتلي وعيونها تجدح نار وحقـد وكراهية
- حليمة ::- ياهييي أنـتِ ڪاسرتهن؟؟؟
شنهييي حاطه عينج ؏َ ورث بنيتي

السبـع ::- لازم مصنوعات
من ذهب وهيج معتزه بيهن

دخلت بنتها تباوع للـ اجواء وتنصدم بالمنظر
ڪعدت يم أمها
تلطم ؏َ خدودها
حمدية ::- يييييااااايمةةةةة راح الوررررثثثث

أنهار ::- شبيجن تخبلتن تراا هي مزهرية

- حليمة ::- لاااا موش أي مزهريةة
عاديةةة هايييي نتوارررثهاااااا بين امهاتنا حتى نعررررسسسس بيها من تراب الحمزة

حك أنفة عثمان وڪال
السبـع ::- أي والحمزة ماعنده لا شغلة
ولا عمله ڪاعد رگبه ونص الجن يزوج بيجن

سحبنـي من أيدي قـوي تحت أنظارهن وحليمة تخزرني متعودة اليــة
جانت بيبته ڪاعده تباوع الـة وهو يسحبني فوك

فتح الباب جانت ليالي تباوع بتلفزيـون باوعت الـنه صفگت بأيدها بـ فرح
ليالي ::- تعاللووو شوفوووو وياي

عاط بيها بصوت عالي خنسها وخنسني
- السبـع ::- بسرعة جوه يمممم عمتج

رمقته بعيونها بنظرات غاضبة تخوصرت الـة
ليالي ::- أنجب

توسعت عيونـي بصدمة باوعت الـة تعابير وجهه متخلـو من نفس الصدمة
الي احتلتني درت وجهي للجهه الثانيـة گوه لازمـة روحي ماضحك

هد أيدي تقدم عليها ثنه رگبته صار بمستواها
- السبـع ::- أنـتِ منين
متعلمة هسوالف أنهار علمتج؟

باوعت الـة برود من ڪل عقلة هذا ديحجـي يوم عن يوم يثبتلي شڪد هو أنسان
متخلف وعقليته محدوده وتفڪيرة واعتقادة بأنو ڪل الناس نفس طبعة الحقير

رفعت حاجبها
ليالي ::- عمو كليل

نزل رأسة يهز برجلة صار بارود ميتحاجـة بس تدوسة يگب بوجهك شالها
بأيد وحده نزلـها وسد الباب قافلها عليــة والغسل ڪون

ڪعدت ؏َ الجرباية مدنگه رأسي مدري شبيـة أحس بخنگه من يوم مات أخوي
ولحـد هسه أي شي أي موقف بسيط يصير وياي أبجي مجان طبعي هيـج
أبد ولا يمـة جان عمي يجنزني من الگتـل ودمعة متنزل من عيني

بلعت ريگي انفتحت الباب رفعت رأسي الـة لگيته واڪف خازرني
رفع حاجبة من شافني أبجـي
- السبـع ::- أنـتِ زاعيتها للمستحة فردنوب ها
شو صلفة أنـتِ ؟؟؟؟؟

أنهار ::- معليك بية تفتهم لو لا ؟
متريدني طلگنـي وفضها

ضحك لعب بشعرة بحرڪة عشوائية راح ڪعد ؏َ القنفة حاط رجـل ؏َ رجل
يباوعلي
- السبـع ::- منظرج حلـو هيج وڪأنما
تشتغلين عندي بدون مُقابل

غمضت عيونـي رجعت فتحتهن أباوعلـة بثقة
- أنهار ::- هاي حجايـة وتذكرها
للأيام باجـر إلى أخليك تبچي دم ؏َ فراگي

أنفجـر يضحك بهستيرية وإني اباوعلـة بثبات ماتغيرت ردة فعلي
گح دگ ؏َ صدرة وكال
- السبـع ::- أنـتِ ڪد حجايتج هاي ؟

ضحڪت بأستهزاء وعضيت شفتي
- أنهار ::- ڪدها

هز برأسة بـ توعـد وطلـع من الغرفة صحيح ماعرف طبعـة ولا شخصيته لكـن أمثالة
متڪدرين تغلبيهم بالحيلة والمڪر لأن هاي ملعبـهم وساحتـهم مثل
ميڪولون يلعبون بالڪُرة براحتـهم برهاوة متأڪدين النصر الـهم

رفعت رأسي للسڪف نهضت ؏َ حيلي توجهت للمراية سحبت قلم الڪحلة
اخط بي عيونـي خلصت رمية بعشوائية ساحبة حُمرة حَمره
أرسم بيها واتفنن ؏َ ثغري

رمقتني نفسي بنظرات أعجاب
- أنهار ::- من ذا يُخـبر أبناء أدم
بأن ڪيد النساء سيَغلُب مڪرهم حتى ولو بعـد حين

ضحكت بصوت عالي الطريقـة الوحيدة إلي اربح هاي الحرب بيـها هي "الحُب" أخلي
يحبني ساعتها الملعب يصير بيدي وأني الي اقرر وين يڪون اتجاه الڪُرة

أنسـام ::- تراجعت خطوات ليورة وإني اسوف أم بتول تقدمت عليها تريد تحرگها انسحبت قوي ودق تمشي وتعت بيـة واني عيني وراه اسمـع صوتها تحاول
تهجـم ؏ بنتها واستاذ لهــيب واڪف بوجهه مانعها
دفعتني قوي برة باوعتلـي
رفعت أصبعها بتحذير

ودق ::- لتوصلين لهنا بعــد أنسـام ديربالج
نهائي لتوصلين

صدري يرتفـع وينخفض بسرعــة من الصدمة والمنــظر الي شفته اتلفت يمنى
ويسرى العالـم حولي كلـمن ملتهي بروحــة بلعت ريگ بعدنـي واڪفة
بالباب

تحركت بخطوات بعيـدة عن البيـت متوجهه لبيتي ماحس عنـدي طاقـة بعـد
اداوم واشوف احـد ڪافي الي شفته قبـل شوي
فتحت الباب بسرعــة
شمرت المفاتيح والجنط بأهمال صعدت بـ ارهاق
رميت روحـي ؏ السرير

فاتحة عيوني اباوع للسگف غمضتهم بتعب رحت حتى أخلص من التعـب زدت الهـم
قاطيـن دڪ تلفوني
شلت الخـط بدون ما اباوع منـو

أنسـام ::- الووو

بتـول ::- أسفة مادري جنت
خايفـة واول وحده صارت عيني عليـج هي أنـتِ

ذبيت حسرة وحجيت
أنسـام ::- بتول شديصير
شبيها امج شبيڪم انتو كلكم احسكم غريبين

سڪتت شوي ماڪو جواب عبالـي فصل الخط باوعت هذا رقـم خالها
أنسـام ::- بتول هذا تلفـون خالج

بتول ::- اي اعرف ، تلفونـي أنڪسر
باوعـي باجـر احجيلج
كُلشي تعاي للدوام

::- وايدج؟

بتـول ::- ماعليـها شي مَتعودة اني
ليظل بالج

وافقـت لان احس أڪو هواي اسرار وراه بيتـهم أڪو هواي شغلات تثيـر
فضولـي وماعرف انطي اسباب ومبررات الها

غمضت عينـي متمنية من الرب انام وأشوفـة هناك
روحـي تلوب ؏َ شوفتـه

فزيـت من ڪابوس مُرعب صوت أنفاسي واني الهث بحاجـة للأوڪسجين
عيونـي المدهوشات بسبب المنظـر الي شفته

غمضت عيوني افتح وأسد بيهم بسرعــة باوعـت ؏َ ايدي زفرت نفس براحة
حطيت أيدي ؏َ گـلبي
أنسـام ::- حلم حلم ميخالف

شفـت مَـنام جـنت واڪفة قريـب ؏ بيت عـمو هشام
احدق بالبيت بخـوف داخلي شعور بـ تردد شي بداخـلي يريد
يروح يدخـل وشي ثانـي يمنعنـي وهو خــوفي من شي داخل
البيـت

انفتحت الباب طلـعت طفلة صغيرة أقل ما يُقال عنها اشبهه بالملائڪه
ڪانت تدور بعيـونها شـي لحـد ما لمحتنـي أبتسمت
بحُب وأشرتلي بأيدها

ضحڪت ؏َ ضحڪتها تقـدمت بخطوات مُسرعة الها اريد
اوصـل دخلت للبيت ڪانت واڪفة بزاوية وأنـي بزاويـة

ثنيت رجليـة ڪاعد ؏َ رڪبتي فاتحة أيديه الها تغيرت ملامحـها
بخوف وهزت رأسها بـ لا

عگـدت حواجبـي بأستغراب باوعت وراي مجان أڪو شي حتى تخاف منه
حجت بهمس وبصوت
ناعـم طفولـي
: تعالـي هنا يمي ، اخاف اروح هناك

نعصر گـلبي من حجايتها رغم كُلشي مفاهمه تقدمت عليها
حاضنتها قـوي بتعـدت عنـي أبتسمت ساحبة ايدي ؏َ ڪفها
حطـت حبايتين صغار بيهـم وسدت أيدي قـوي

تغيـرت ملامحها وڪأنها شافت شـي ؏َ درج فوگ عيونها متمركزة
ضغطت ؏َ أيدي بايديها الناعمـة وڪأنها تڪلي أحميهم بروحج

: لتخسريهن ابد لتستلمين
مثلي ضلـي حاربـي للنهاية احميهم منـها

أريـد أسئلـها منـو هي شهگت بخوف حاطـة ايدها ؏َ حلڪها
رڪضت مُسرعـة وڪأنها شايفة وحش التفت وراي

طحت بالگـاع واني اشوف صبريـة لازمة چدر حار البخار يطلع
منـه لحظات تباوعـلي وتضحك ماحـس الى تشمـر الچــدر
؏َ وجهـي

عصرت مابيَن عيونـي بوجع ذبيت حسرة باوعت الساعـة بـ
تسعـة بليل صايرة شڪد أنام

طلعـت نزلت صار منـظر نوران ڪدام عيني وهي حاطه ڪتبها
ڪدامها تقرة وترجـع ليورة أعرفـها حالها من حالـي وحال
أنهـار نهلك روحنـا حتى نتناسـئ ونتعب من نجـي نام منفڪر
من التعب

رفعت رأسها الـي نزلت خـصل شعرها ؏َ عيونـها
نوران ::- صح النـوم

أنسـام ::- يا صح ڪعدت رأسي من
رجلي ماعرفة
أحلـم ڪوابيس

لمت شعرها بقراصـة تمغـطت وڪامت ؏َ حيلـها
نوران ::- خاف ماڪله قبل
لتنامين

أنسـام ::- لڪمه محاطه بحلگـي

نوران ::- اني هم مماڪله
خناكـل سوه

هزيـت برأسي بـ أيجاب بقيـة اليـوم خلص بدون أحداث طبيعي بس
تفڪيري ڪله جان بالحلـم

صحيـت ثانـي يوم الصبـح عندي نشاط غريب ماعـرف ليش يمـكن بسبب
حلمـي زاد فضـولي حتئ أعرف عن حياتهم أڪثر وأڪثر

فتحت الباب أمشي بخطوات مُسرعة ڪلها مشغولة بالشغل توجهت
لمڪتبي ڪعدت أشتغل وفرقان فوڪ رأسي خبلتنـي بس تريد
تدورلها زلـة او خطأ عليــه حتى تهيني وترزلني

أبتعدت عني شوي سحبت نفس براحـة رجعت بالڪرسي خلصت
بديت أسفط بالملفات وأرتبهم بعدت ڪوب الگهـوه عنهم أخاف ينچفي
عليـهن ويضيع تعبـي

حسيت بأيد ناعمة حاوطت رسغي ساحبتني
وراها باوعـت الها بخوف
عيوني تتجول ؏َ ملامح وجهه انتقلت لـ ايدها عصرت عيوني بوجع
واني اشوفها ملفوفة ومنظرها أمس ميروح عن بالـي

دخلتني لمڪتبها مدت رأسها تباوع يمين ويسار مَـــادري شافت غمتـه بأيدهـا وقفلت الباب
صارت عيونها متمركزة علية
باوعتلي مبتسمة بتصنع تقدمت ڪعدت ؏َ الڪرسي ڪعدت مقابيلها

بتول ::- الڪلام الي راح احجـي ميصيرر اي أحد يعرفـة تمام؟؟؟

بلعت ريگي متوترة حجيت بأستفهام
أنسـام ::- ليش؟

سحبت نفس عميق رجعت جسمها بالڪرسي ليورة باوعتـلي ونطقت
بتـول ::- أنـتِ تعرفين امج صح أنسـام؟
تغيرت معالم وجهي
ذبيت حسرة وهزيت رأسيّ بـ اي

بتول ::- بس متعرفين هـيّ شتصير لـ خوالي

عگدت حواجبـي بأستغراب رفعت عيوني الها بللت شفايفـها
بتول ::- امج تصيـر بت خالـة خالـي لهيب

عدلت ڪعدتي عيوني تشرح مدى صدمتي وأستغرابي
أنسـام ::- وليش بس لهــيب؟

بتول ::- لان هو من غـير أم
خالـي لهــيب أبن فصليـة

توسعت عيوني بصدمة شهگت حاطه أيدي ؏َ حلڪي تباوعلي
وشاده ؏َ أيدها قوي عيوني تتجول بالارجاء تباوع بكـل شي
الى عيونـي

بتـول ::- جنت اسمع أمي دائما تصيح عليــه وتغلط لان هـو
أبن فصلية جنت اشوف ودق وقيس شلوت قريبين منـه
وشلون يحبهم ومدللهم جنت أتمنـئ أصير مثلـهم وأتقرب منه
بس بس أمي جانت بڪـل مرة احاول أحجي وياه تچويني
تخلي روحي تشوغ لله صرت اني وسيلتها حتى أستفزة تدزنـي عليــه
اغثة بالڪلام وأرجـع

تحجـي والغصة بلعومها مسحت دموعها الي هطلـت ؏َ خدها
بدون سابق أنذار أردفت مكملـة
::- جان دائماً ما يضحك وضايج وتحسي مقـهور لحـد ما بيوم
رجـع للبيت فرحـان وطاير من الفرح خالي هشام ماصدك
جان خالـي هشام روحـه بـ لهــيب ؏َ رغم من التفرقة الي ڪانت
بينهم وشڪد قارنوهم بعض بس ظلـو متمسڪين بخوتهم
الي سمعته خالـي لهــيب شايفله بنية وحابها ويريد يتزوجـها

::- من عـرفت أمي بالموضوع ماتقبلت وصارت تصيح
وحتئ ضغطها شڪل من القهر مجانت تتمنئ الخيـر الـة
راحت بدون علمـة خطبتله بت عمهم وغصبته عليها لسة اتذڪر
المشاڪل والصياح الي صارت بالاخير استسلم وقبـل
لان حتى خالي هشام ڪاله
" أنساها صعبـة تصير الك "

::- تزوجـها فعلاً وعاشو طبيعي لڪن مڪان يحبها ولا حتى
يتقربلها الى بليلة عرسـهم جانت أمي تدوس بطنه وتڪله
مو رجال وهو ميـرد شڪد حجه وياه خالي هشام وجان
جوابـة الوحيـد

لهــيب ::- أذا جنت بنظركـم
مـو رجال لان مداخونـها فـ ميخالف انه قابل تشوفوني هيـج

::- مجانت تحجـي شي زوجته لحـد ما أمي حجتلها كُلشي وصارت
تسوي مشاڪل وترجـع ليورة تخيلي جان يطلع يوڪف بسيارته من
بعيـد حتى يشوفها ومن درت مرته گلبت البيت ؏َ راسة

مشاڪل بمشاڪل لحـد ما صار الشي الي محـد متوقعه
مرتـه حامـل

ساڪته أباوعلها وارڪز بلي تڪولة عاصرة أيدية قوي
خطيـة شڪد يحبها لعـد شڪد تعذب لخاطرها

أنسـام ::- هي شسمها مرتـة

سكتت مانطت ردة فعل صار الجو هدوء وهذا الي يسمـو
هدوء ماقبـل العاصفـة فعلاً لان الڪلمات الي نطقتـهم
خلتني ڪفيلة بأنو أدخل بحالة صدمـة

بتـول ::- فرقان
صوت طرقات خفيفة ؏َ الباب صحانـي من الصدمـة الي أني
بيـها عيوني بعيونـها نهضت ؏َ حيلـي تقدمت بخطوات
بطيئة فتحت الباب صار بوجهي أديم عاگد حاجبة باوعلي
ارتخت ملامحة وجهه
أديم ::- يابة وين جنتِ وأني أدور
عليج
مد راسة باوع لـ بتـول خزرته

أديم ::- كولي الها هي همّ يردوها بغـرفة الاجتماعات

عضيت شفتي السفلية وهزيت برأسيّ أبتعد يمشي برهاوه
ظلت عيني ورا خطواتـة حتى أختفئ من تحت بصري
صديت بعيوني للجهه الثانيـة لڪيته واكـف يباوعلي
مقلص عيونـة دنڪت عيني احس بروحـي أريد أبجـي
عليــه

رجعت دخلت للغرفـة اباوعلـها ترتب بالغراض الي تأخذهم
عدها فڪرة مشروع تريـد تعرضها عليهـم

أنسـام ::- تكدرين تشرحين بوضعج
هذا عادي؟

هزت رأسها بـ أيجاب رادت تطلع وڪفتها وأني انطق
أنسـام ::- شنو أسم بنتـه لـ استاذ لهــيب؟

التفت تباوع بعيونـي نزلت عينها وهمست
بتـول ::- شهيناز

زفرت نفس طلعت وراها فاتت هي قبلـي للغرفة ودخلت أني
جان بس استاذ لهــيب ڪاعد بالغرفـة عين ؏َ الفايل الي ڪدامة
ما القى بال لوجودنا

تقدمـت ڪاعده مقابيلة رفع عينـة خطف نظرة اليـة يتأڪد أنـي لو
لا صارت عينـة ؏َ بتول تحديداً ؏ أيدها احس يريد يسئل
بس متردد بينهم حزازيـة

نفتحت الباب دخـل أديـم ڪعد قريب ؏َ لهــيب اجـوي ڪُلهم
جان أڪو مشروعين مُقترحات مشروع بتـول ومشروع أديـم

صراحـة جان مشروعـة أقوئ بس من صار وڪت التصويت أختاريتها
هشام ::- هاي هـيّ مشروع أديـم أقوئ عن نفسي مشايف أحـد
مطرق لـ هاي الفڪرة وأغلب الاصوات الـة

تأفأفت بتـول طلعت تتعارڪ وية ذبان وجهه
أنسـام ::- يلا ميخالـف ترا صدك
فڪرة أحلئ

باوعتلي مصدومـة
بتول ::- صدددك تحجين؟؟؟

عافتنـي تمشـي وتتعارك وية الهوئ الي يفوت من يمـها هزيت
بأيــدي

علياء ::- أنسام حبيبتي
بلازحـمة عليج بس هاي الورقـة وديها لـ أستاذ لهــيب فدوة

أخذتها من أيدها وراحت رڪض هاي شبيها مشيت بهدوء
عيني بالگـاع أفڪر بالكلام الي حجته بتـول مراح من بالـي

راحـت من عقلي أدك الباب فتحتـها راساً توسعت عيونـي من المنظر
الي شفتـه جانت فرقان ڪاعده ؏َ المڪتب أستاذلهــيب ورجليها ڪُلهن
طالعات

وهو ڪاعد ؏َ الڪرسي يباوعلها بأستنڪار فز من شافني
فتحت الباب من الصدمـة ظليت واڪفة بمڪاني أرمش بعيونـي

تغيرت معالـم وجهه وڪف ؏َ حيلة التفت بعـدم مُبالاة من لمحتني
عيونـها صارت تجدح نار بسرعـة نزلت تعدل بفستانها
رمقتني بنظرات حقـد

فرقان ::- شبيج أنـتِ
أڪو شي أسمة خصوصية عليمن حاطين الباب؟؟

تنرفـزت من أسلوبها ما عرت الها أي أهتمام تقـدمت ؏َ استاذ لهــيب
رفعت رأسيّ خازرته شلون يخـون البنية الي يحبها هُمه
ذولة الزلـم مالهم أمان

فرقان ::- اني ويامن داحجي؟؟

أنسـام ::- أعتقـد احنا بالشرڪه
مو بغرفـة نـوم أنـتِ الي موقفج غلـط لاتجين تطلبين مني تبريـر

رفعت رأسيّ اليـة من الصدمة فگ حلڪه وهي عيونها توسعت
صار الدخان يطلـع من رأسها طلعت وسديـت الباب وراي

أحس براحـة يمڪن فعلاً بديت أتعـود ؏َ غيابـة بس گلــبي يعصرني
ڪلما أفڪر هيج احس روحـي حقيرة شلون اضحك وأبتسـم
ووليدي چوه التراب

ذبيت حسرة أحس روحـي بهلفترة أختنگ هواي طلبت أذن اطلع بشغلة
وارجع للشغل لأن بعـد وڪت انزل ؏َ الدرج وصارت صوت خطوات وراية التفت
شفتـه ينزل لابس نظارة شمسية سوة الدرج بايتين من وصل يمي
نزل النظارة باوعلي وڪمل نزل وراه أديم سريع ضرب بية بالغلط

تحت أنظار أستاذ لهــيب وڪعت الأوراق من أيده تطشرت بالگـاع
أديم ::- أعتذر ست مامنتبه

ضحڪت بخفـة
أنسام ::- شنو سالفتك يوم ست
يوم مدام يوم آنسه

ڪال وهو مدنگ يلم الورق من الگاع
أديم ::- شنو يعجبج

حجيت بثبات
أنسام ::- صيحلي أنسام بس أنسام مو غيـر شي شالهن من الگاع باوعلي
مبستـم وڪال بهدوء ورزانـة والابتسامة مفارقت ثغرة
أديم ::- تدللين أنسام

سحبت نفس براحـة هزيت رأسي اباوعلـة اتجهه لسيارة أستاذ لهــيب صعد

رحت خلصت شغلتـي وگضه اليـوم طبيعي ماڪو حدث مهم صار بس الغريب
لا استاذ لهيب ولا أديم ڪأنو موجودين

فتحت الباب توسعت عيونـي بـ ذهول دڪات گـــلبي تسارعت بلعت ريگي عطت بـ نوران
بصوت عالـي
- أنسام ::- اصعددددي فوگ نوران بسرررعة

چفلت من نبرتي وصوتي معترضت صعدت رأساً ڪعدت مقابيلها أيدية ترجف
من الخوف ڪلما أتذكر منظرها والسچينة الي جانت بأيدها زفرت نفس أحاول
أهدى روحـي

- انسام ::- ليش جاية

باوعتلي بـ أستنكار
- صبرية ::- هاي هيج تستقبلين ضيوفج بت أيناس

رجفت شفايفي بخـوف صدري يصعـد وينزل
غمضت عيوني أباوع فوگ
- أنسام ::- امشي أطلعييي بررررة ماريد
اشوفج هناااا

ماتحرڪت من مگانها ولا تزحزحت واڪفة أباوعلها بقلق دموعي غدرتني ونزلت
؏َ خدي
- صبرية ::- شڪد غبية أنـتِ
تتوقعين ماعرف ؟

ضغطت ؏َ أيدي بقـوه حجيت بقهر
- أنسام ::- شتعرفين

وڪفت تباوعلي بقوة حجت بجبروت وخُبث
- صبريـة ::- السر الضامته عن
اخوتج صارلج سنين

بلعت ريگي أحاول أسيطر ؏َ دگات گلبـي المُضطربة
- أنسام ::- أطلعي منها
أذا قصـدج تخوفيني فـ أني ما أخاف اصيحهن الج تڪوليلهن ؟

أبتسمت بـ ثقـة ڪعدت تباوع اليــة
- صبرية ::- شنهي ماراح تضيفيني أنسام

عضيت شفتي بنفاذ صـبر عطت بصوت عالي
- أنسام ::- برررررااااا بيتييييييييي
تقدمت بسرعــة سحبتها من أيدها أجر بيها ليبرة وهيّ هادئة مانطت أي
ردة فعل وصلت للباب ونترت أيدها من أيدي

باوعت اليــة وڪالت
- صبرية ::- تَــمام تَــمام راح أطـلع

أبتسمت بخُبث ونيتها بينت من عيونها تقربت اليـة تعاين بعيونـي
- صبرية ::- متحبين تشوفين أمج؟

جمد الدم بعروگي أحس أطرافي خدرت بس صوت أنفاسي مسموع عيونها بعيوني
تنتقل من عين لـ عين تشوف مدئ تأثير ڪلامها عليــة

- أنسام ::- أنـتِ شيطان مو أنسان
أطلعي مارييييد لا أم ولا أب اطلعييييي ڪافيي لتفتحييين دفاتتتررر قديمة

رفعت أكتافها بعدم مُبالاه طلعت طحت بالگــاع حاطـه أيدي ؏َ حلگي أڪتم صوت
شهگتي

نهضت أسحل بروحـي رحت فتحت الجنـطة طلعت التلفـون أگلب بالأرقام
لگيته ثواني وأجانـي صوتـة مبين نعسان
- ميريام ::- ها أنسام

- أنسام ::- تتذكررر مرررة من كتلللك تدوررر
عليهاااا وكلتتتت ماكووووو فصصص
ملححح وذااااببب

تغيرت نبرة صوته لقلق
- ميريام ::- وعلي ماڪو شكو أنسام
شبيج شصاير اجي؟؟

شمرت التلفـون بقهرررر أعصابي تالفــة لزمت شعري قوي أفتر بالبيت اروح ارجع
شلووون شلووون عرفت نقطة ضعفي عرفت منين تضربني عرفت الأيد التوجعني

صوت خطوات ؏َ الدرج صحاني من بحيرة الأفكار الي جانت روحـي غرگانه بيها
رفعت عيوني إلها خزرتها تقربت بسرعة ساحبتها من ڪتفها أعت بيها

- أنسام ::- جمممم جمممم مرة
ڪلتتت لاتفتتتححححييييننن الخررراااااا لـ اااحددددد جمممم مررررة هااااا

باوعتلي بخوف الدمعـة صارت تلالي بعينها
دفعتها قوي طاحت بالگاع
تشاهگ أحس ماعندي طاقـة أتحمـل بعد

- أنسام ::- أسكتيييي أسكتييييي

ڪعدت بالگاع أبجي لامـة رجلية لصدري نعادت عليــه ڪل الذكريات
الي حاولت جاهده أنساها روحـي الفرفرحت ذاك اليـوم واني مچلبة بـ خيط
العباية

- نوران ::- آسفة مَــادري هيج
حتضوجين

حجتها وصعدت فوك تࢪڪض صوت المُكالمات ماتوقف سحبت تلفوني
من الگاع أعرف الي داسـوي غلط وميصير بس أدري بس عمو مراح يسوي
شي محد غيرة يڪدر يخلي حدود إلها

صوت الرنين أخترق مسامعي افرگ بأيدي قوي أنتظرة يفتح الخـط
- لهــيب ::- ها يابة

- أنسام ::- اللّٰـه يخليك لا تخليها
توصـل يمي بعـد ماعندي أحد غيرك انخاه رجاءً كللها لا تهـدم الـي بنيته إني من
سنين

- لهــيب ::- أوكفي شبيج منو وياج
أنـتِ شصاير؟

حجيتـله ملخص ؏َ الصار ماذڪرت بـ شنو ذڪرتني ولا بـ شنو حجت مُجرد انطيته
فڪرة هي جاية تأذيني باوعت ؏َ التلفون انتظر جوابة لكيته ساده بوجهي

تلفت عليـه وشمرت التلفون فرگت مابين عيوني سحلت روحي سحل وصعـدت
فوگ

دخلت للغرفـة شمرت روحـي نمت ؏َ وجهي چفي مغمضة عيوني مستسلمة
لشريـط الذكريات بأنـو ينعاد ويطحن روحـي طحن

- نوران ::- مــن يــوم وفاة علـي وإني
الراحـة ماشفتها أتصنـع القوة ڪدام أخواتـي وإني مثـل الطيـر المذبوح
الـ يتلوئ يمنئ ويسرئ يـدور من ينقذة بس ماڪو ڪلها مامتبه الـة

أول يـوم داومت بي بعـد وفاة عزاني أصهب ومدار بينه أكثر من هذا الحديث
البنات بالمدرسة ڪلها متعاطفـة وياي جانت صديقتي صابرين تحضني وتكعد
تبجي وياي

هيّ تحبني هواي لكن يراودني شعـور غريب إتجاها زفرت نــفس يـــوم سخيف
ثانـي أيامي تمشي بـ لا روح أهلك روحـي بالدراسة في سبيل احقق حلمي
وحلمـة دائماً ما أتسائل هل هوَ يباوعلي من فوك يشتاقلي نفس ما أني
أشتاقلة

فتحت الباب أنتــظرة يجي ماڪو رحت دكيت الباب ؏َ بيت أنهار طلعتلي أم رجلها
من الباب
- بلقيس ::- ها حبيبه أمريني

- نوران ::- ها خالة بس شيسمونة أريد
أختي راح نداوم يعني
وهذا شيسمونة

باوعت إلها بفشلة حجي ماعرف أحجي أبتسمت اليـــة تحاول متضحك وتحرجني
- بلقيس ::- لا حبيبة ماتداوم اليــوم روحـي تعبانة سهرت وية ليالي مريضة
عمت عيني عليها

هزيت بـ رأسي ورجعت وڪفت قريب ؏َ بيتنا انتظرة يجي طلـع حماها لـ نوران
باوعلـي مسوي شعره رافعـة ليفوك كُلش عفست وجهي بقرف شڪله طالـع
يخزي

ماتذكر جان يسوي هيـج بشكله بس مَــادري شبي اليــوم يمكن يريد يقلد
باقـي الشباب

صديت عنـه أجتي السيارة صعـدت
أفكـر طول الطريق بـ أنسام من بعـد هذاك اليــوم ماتتصرف طبيعي حالها حال الجثة
الخامــدة رجعت لحالتها من مات علـي يوم يومين صارت طبيعية
وبعـدها صارت حالتها من الـ سيئ للـ أسوء

زفرت نفس
- نوران ::- تڪدر بس اليـوم تمر
؏َ بيت صابرين نأخذها خطية ماعدها أحد يوصلها

باوعلي بسرعـة بالمراية مجان متوقع مني بيـوم أني أبادر بالحديـث نزلت عيني رأسا
وافق دليتـه ؏َ البيت فعلاً صعدت من أول مصعدت وهيّ عيونها ؏َ أصهب مانزلت

- صابرين ::- شلـون صرتي؟

حجيت وإني رأسي ؏َ الجامـة
- نوران ::- بأحسن حال شتشوفين يعني ؟

سكتت ماردت عليـــة شوي ورجعت ڪالت
- صابرين ::- ميخالف بالاخير
تتخطين

أبتسمـت بأستهزاء أباوع ؏َ الطريق
- نوران ::- اتخطاه بحالـة وحده شـلون
ما يتخطى الجنـدي جثث اصدقائة الميتين .

أحس بعيونهم تُرمقني بنظرات تجاهلتهم گوه لازمـة روحـي مابجـي ڪدامهم
نزلنا للمدرسة بنُص الدوام أستدعتني المُديرة
ڪالت غيابات أنهار هواي عدها أنذارين الثالث تنفصل أڪلت رزالة وإني لا بيها
ولا عليــها

رجعت للبيت ومثل ڪل مرة أحس بنظراته إليــة طول الطريق بس اتجاهله مالي
خلگ هلسوالف ڪل تركيزي شلون أطلع معدل عالي حتى يفرح بية علي

رجعت بدلت ونظفت البيت وصعدت لغرفة أنسام أنظفها نفسيتها تعبانة أساعدها
خلصت وهلگت ڪعدت تغديت وصعدت نمت حتى أڪعد أقرة

فتحت عيونـي ؏َ أثر صوت أنسام وهيّ تهزني
أباوع نايمـة ؏َ القنفة بدون ماحس ؏َ روحـي

- أنسام ::- كومـي دخلي جوه
اجه زوج أنهار ليشوفج

هزيت برأسي صعدت فوك غسلت عيوني ولبست شال نزلت أشوفـة شبيه
اول منزلت طاحت عيني عليــة بالزي العسگري مبين توه راجــع من الشغل
حتى وضعة مبهذل ومبين تعبان

ڪعدت مقابيلة رفع رأسة أبتسم اليــة
طلـع ظرف من جيبة
وحطه ؏َ الميــز عفست وجهه أنسام بأستغراب

- أنسام ::- شنو هذا أبو ليالي ؟

سحب نفس وڪال
- السبـع ::- لاتحسبيني نسيبج
أحسبيني بمڪانة علـي ولا ترديني وهاي رجعتي من الشغـل بوجهي الجن مصرف الج
ولنـوران

باوعلي مبتسم باوعت أنسام بـ جمود ؏َ الظرف رفعت رأسها الـة تباوع
- أنسام ::- مالـها داعي هلسوالف أبوليالي
أنهار كالتلك عليها

رفع أيده مبتسم وجهه بشوش
- السبـع ::- لا حرااام لا تدري ولاهم يحزنون اللّٰـه شاهد عليـــة هسه اذا تهموها
تڪلي طلگني سترن عليــة

أبتسمت الــة وأنسام ؏َ ردة فعلـها نفسها ماتغيرت دگ تلفونــة طلعـة من جيبــة
أبتسم ورفع عيونـة الــة ڪال
- السبـع ::- هذا أبن الحلال بذكرة

رفـع تلفونـة مڪتوب أنـهار
حمحم وفـتح الخــط والبسمـة ؏َ ثغرة سُرعان ماختفت بعـد ما اجاه صوتها
وهـيّ تشاهگ وتصرخ

- أنهار ::- عثمــان الحكنيييي گتلتهااااا
حليمـــة گتلتهاااااا لـ روديييينااااا ...

يتبـع ..
الحكايــة تستمـر إلى إحداث أخرى .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

حسابي انستا للتواصل 👇🏻