#أنسام_اللهيب
بقلـمي أنا زينـب خالــد
صوتو ؏َ البارت حبايبي وعلقو بين الفقرات ؏َ ڪـد متكدرون وتابعو حسابي واتباد 🙈❤️❤️
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
- أنســام ::- الوضـع هدوء صنتـه ڪلها رفعت رأسها تباوع أصهب الأكل طلع من خشمة
مصدوم ولـهيب مستمر يأكل ڪأن ماسمع رفع رأسة شافنا شلون هدوء ونوران فاتحة
عيونها بصدمـة
لهيب ::- شبيكم؟ يا لهيب ؟
أنسام ::- مالـه داعي هلحجي حچيه
هو جم يوم ورايحـة بين ما يأمن الوضع زوج أختي
:: خايبـة ويهد ڪون أن شاءلله
و أنـتِ تضلين طول عمرج معنسة ولج يمصرگعه شكد عمرج أنـتِ وماتزوجة خايبة
إنه بعمرج حتى أحفادي شفتهم
ڪال وهوَ يعدل ڪعدتة ويأكل
لهيب ::- هسه ما ڪتولي يا لهيب هذا
:: وجعــة هلييي ڪون غير أنـتَ
ياهو غيرك
باوعلها يرمش بعيونة مصـدوم دفع خالي محمد يباوعلي ويباوع إلها غمزلها
وطگها ضحكـة من ڪُل گــــلبة
أنسام ::- ماريـــــد اتزوج إني
ولاسيما أستاذ لهــيب ماكــــدر أتزوجــة
عوج حلگه لهيب ڪال : لاسيما أنوب
خزىه خالي محمد وڪال
محمد :: ليش تكولين أستاذ؟
أنسام ::- مُديري بالشغل ؏َ العموم تركت
الشغل إني هسه
لهيب ::- تركتي لو انطردتي
باوعتله مصدومـة مدري شبي فعلياً مبين مرتاح يضحك ويسولف ويشاقة
أول مرة أشوف شخصيــته هاي خلصو أكـل استحيت ردت أساعدهن ماقبلن هنـه يشتغلن وحدهن أخذونا ؏َ غرف حتئ نرتاح
صعدت الجـنط جانت غرفة جبيرة بيها سرير واحد أبو نفرين شمرت روحـي عليــــة صافنة
بالسگف رفعت رأسي لكيتها واكفة بداية الباب تباوعلي
أنسام ::- لتباوعين هيـج ماكو شي بأيدي
نوران :: ليش ماجبتيها ويانا
ليش عفناها هناك وحدها ؟
وكفت أتقدمت عليها حاوطت وجهه بأيدي أتامل ملامحها عيوني تتنقل بين عيونها
أنسام ::- حبيبتي نونو هي هناك زوجها
يحميهااا !! أنـتِ أنـتِ تحتاجين أحد يحميج يعني تتوقعين إني أكدر اعوفها لوما أعرف احسن الها هناك
نترت أيدي من وجهه نزعت الحجاب ونامت ؏َ سرير سحبت الغطه غطت ڪل جسمها
نزلت عيني للگــاع ليش ميكدرن يستوعبـن إني ڪاعد أحميهن ؟؟
ندگت الباب خفيف ضربت ؏َ خدودي حتى أصحصح فتحتـها صار بوجهي خالـي محمـد
أبتسملي
محمد :: نڪدر نحجي شويــة ؟
رديتله الإبتسامة وهزيت رأسي بـ أي سديت الباي وراي نزلت وياه دخلني بالاستقبال
وحدنا ڪاعدين جان ڪلش جبير زفر نفس يباوعلي
ڪعد ؏َ القنفة قريب عليـــــــة
بلل شفته يباوع اليــة بـ توتر ڪأنه موعارف شلون يفتح الموضوع
محمـد :: أذا فعلاً خطبج لهــيب توافقين ؟
توسع بوبؤ عيوني بـ صدمة عدلت ڪعدتي
أنسام ::- أجيتي احتمي بيكم من عمي
تجون تكلولي نزوجج والمن لواحد بڪد أبوية وفوك كل هذا عصبي وبس يصيح
وماعنده أسلوب ؟
سكت يباوع وراي التفت شفت لهـيب لمحني اباوعله وأبتسم بـ تصنع رفع تلفونة بمعنى
ناسي هنا طلـع وسد الباب بلعت ريگي باوعتله
أنسام :: سمعني؟
ذب حَــسرة وڪال
محمـد ::- اللّٰـه يساعد گلبك
روحـي خالي روحـي محد يزوجج بس جنت أريد اشوف رأيج وعساني لا شفته
عضيت شفتي بـ ندم ليش حجيت هيج يمكن لأن ضوجني موضوع الزواج موقصدي
اجفص بالحجـي زايـــد
طلعت البيت هدوء ساعــة بالعشرة ڪلها قفلت وراحت لغرفها ماندل بالبيت
شفت أصهب طلـع يفرگ بعيونــة وراه أستاذ لهــيب يمشي لابس الجنطـه
؏َ چتفـه تخطاني ڪأن ما لمحنـي
حجيت بـسرعــة
أنسام :: أستاذذ
ألتفت اليــة باوعلي بعــدم أهتمام
أشر برأسة بمعنى شكو ضليت صافنه بوجهه لا أخذ ولا أنطي بالحجـي اباوعله ويباوعلي
لهـيب ::- فضيها أنسام وراي شغل هواي
مفارغ الـج
أنسام :: هيجي ولاشي بس وين
راح تروح بهليل؟
رفع حاجبة بـ أستنكار
لهـيب ::- وأنـتِ شعليج؟
اباوعلــة بجمود توقعت عنــدة جانب ثاني من شخصيته بس هوَ هوَ نفســة
أنسام :: معلية صحيح مُجرد خفت عليك
حجيتها وصعدت للدرج بخطوات بطيئة اروح للغرفة أستوقفني صوتــة يڪول
لهـيب ::- مرت لخ لتخافين ؏َ واحد
بگد أبوج
حجاها وراح طلــع برة ضليت الوب وين راح يروح بسلا يرجعون لبغــداد بهل ليل ڪعدت ؏َ
درج صافنــة حاطه أيدي ؏َ خــــدي سمعت صوت خطوات وراي التفت جانت بنية
صغيرة تقريباً بعمــر نوران تطلع ڪعدت قريب عليـــة أنتچت ؏َ الحايط صافنة
بالفراغ مانطقت أنتظرتها تبادر عيني صارت عليها
حيــل حلوة ملامحها حاده وبيضة لمحتني أباوعلها أبتسمت بـ حزن ڪالت
::- راح تتزوجين لهــيب ؟
فتحت عيوني مصدومة صاحتله لهيب وهوَ بكد جدها تغاضيت ؏َ الموضوع
هزيت رأسي بـ لأ باوعتلي ظهرت أبتسامة ؏َ محياها زفرت نــفس براحــة حطت
أيدها ؏َ گلبها
::- يمة اخترعت عبالي راح تتزوجينة ؟
رفعت حواجبي بتعجب
أنسام :: ليش ؟ أنـتِ منو
أبتسمت حطيت أيدها ؏َ صدرها حنت رأسها بأحترام تعرفني بـ نفسها
بان ::- إني بان بت خالج أحمــد
وشسمة إني أحبة
توسعت عيوني بصدمـة أباوعلها أرمش بعيوني
أنسام :: تحبيينن منووو؟
باوعتلي بدهشة حطت أيدها ؏َ حلگي عضت شفتها بنـدم تتلفت يمنى ويسرى البيت
اظلـم وهدوء مُخيف
سوتلي بأيدها اشش بعدت أيدها عن حلگي راودني شعور غريب أحس بوچع
بگـــلبي احس روحــي أريد أبجي صارت وياي أحداث هواي اليــوم بـ ولاوحــدة فكرت أبجي وانهار مدري شچاني من سمعتها
تحجي هيچ اختنگت ڪِلش
أبتسمت بخـجل وكالت تلعب بأصابيعها
بان ::- من إني وصغيرة أموت عليــة
أتمنى اتزوجــة
ذبت حسرة تغيرت ملامح وجهه للحزن وكالت
:: بس هوَ يحب غيري
مارديت عليــها ظليت ساكـتة أباوع ؏َ الحيطان واحس بنـغزات بگـــلبي ماعرف من شنو
لو ليش ڪلت لأن تعبانــة
أنسام ::- عادي أطلع للحديقــة
هزت رأسها بـ أي دلتني ودخلت جوه تڪول باردة جان أكو شال ؏َ رگبتي نزعته من
طلـع لهيب لفيت بي روحـي جانو حاطين شلون الڪعده برة وڪراسي أثنين
واحد مقابيل الثاني يفصل بينهم ميز صغير حلو
الهوئ بارد يگفخ وجهي ڪعدت ؏َ الكرسي سحبت رجلية لصدري أباوع ؏َ سمـا والنجــوم
الي مزينتهن ومطيتهن جماليــة
صار صــوت عالـي جاي من الباب الرئيسية إلي دخلـنا منها صوت أغنيــة لسعد البياتي
شدتنـي بدون ماعـــرف منو ڪاعــد يسمعها
- يا نبـِعـــــــة آلـرِيـٰــحـٌــان
حِـــني ؏َ الولهــان حِــــني
جِـــسمـي نحـل والــــروح ذابـــت
وعــظمـي بان وروح ذابــــت
اندمچت وية كلمـات الأغنية والجــو روحــي انطحنت طحن لڪيت نفسـي أبجــي بدون سبب وماعـــرف ؏َ شنــو
رجــع صوت الأغنية لكــن ڪأن أكو صوت ثاني وياه ڪدرت أميزة صوت أستاذ لهــيب
ڪمــت بسرعـــة أمشي بخطوات بطيئــة باوعت لمحتـــه ڪاعد ؏َ الگاشي وهوَ
بارد ومشـغل الأغنية ويدَندن وياها سارح بالفضاء
- لـــهيب ::- ما عِــــندي ڪـل ذنوب
ألا هــــوئ المحَـــبوب
لا لـــي ذنب لا تـــوب مِـــتصبر الرحـمــٰــن
يا نبـِعـــــــة آلـرِيـٰــحـٌــان
حِـــني ؏َ الولهــان حِــــني
صفنت عليـــة و؏َ صوتــة شـــڪد حِـلو ظليت واكفــة أباوع انفتحت الباب
الخارجــية دخل أصهب يــلث حط أيده ؏َ رگبه وڪال
::- اشتغلت يلا تعال
رجعت بخطواتي للخلف أخاف يلگفوني بالغلط دست ؏َ عود شجره طلـع صوتة غمضت عيوني بسرعــة صرت ورة الحايـــط
أسمـــع صوتهم يحجــون
أصهــب ::- هاي شنـو هاي
منـــو هنا ؟
مديت رأسي شــوي اشوفه شديسوي جان ينفض بنطرونـة من التراب
دنگ أخذ تلفونه من الگاع يمشي برزانــة ألتفت عليــة لمحني شافني
غميت گصتي مغمضــة عيوني بفشلــة
لهــيب :: عوفــها هاي نبـِعـــــــة آلـرِيـٰــحـٌــان
أصهب ::- شني هاي نبعة ريحان
لهـيب :: أكل تبن شعرفك بهسوالف
أغنية هاي حبيبي من تگبر اسمعك ياها
طلعـو وسدو الباب وراهـم أحس بروحـي صرت ارجف بشكـل رهيب دخلت
لـيجوه بسرعــة ركضت ؏َ الغرفة دخلت بالبطانيــة واني نبرة صوته مراحت
مِن بالي
هـذا لعــد شڪد يحبها خطية الله يزوجها الــة أن شاءلله بس مَــادري ليش گــــلبي
مقبوض لـبت عيوني طـلب جسمي وأستسلمت للنـوم رايحــة لعالم ثاني بعيد عن الألم
صحيت ؏َ أثـــر نوران تهــز بـ ڪتفي فتحت عيوني بڪسل تمغطت بعدني نعسانة
نوران ::- ڪومي الباب ڪاعد تندك
شوفي منو
نهضت أسحــل بخطواتي سحـل فتحت الباب صارت بوجهي بيبيتي أبتسمتلي ڪالت
:: شوف يمـه شلون صباح تستاهلين
أصعد الدرج لخاطر هلوجهه الزفر
ظليت اباوع عليــها مصدومة ما مستوعبة تمدحني تذمنـي هايــة
:: يلا جيبي خيتج وتعاي اكلن
الساعة بـ سته شعدجن نايمات للظهاري
حجتها ومشت عايفتني صافنـة فرگت عيوني بنـعاس ألتفت اباوع لـ نوران
گالبـة خلقتها ومتحجـي أي شي ضايجـة
مالبست حجاب لأن ماشفت أكو ولد بالبيت بس للاحتياط حطيته ؏َ رأسي
لفيته بدون دنبوس ونزلت هي وراي ڪعدت أباوعلهم ماشاءلله هذا بس خال واحد وهلكـد مخلف ومتزوج أربعـة
خمس أيـــام ڪاعدين يم خوالـي الوضـع هدوء لا سمــعت ولا شــفت شي أنهار شكد
أتصل عليها ماترد أخذ أخبارها من زوجـها ولهـيب لا وصل ولا شفته وحتئ خالي
أحمد ماڪو الأجواء دافيـة بيـتهم تحسسك بالأمان والطمأنينة
ظلت عيونـي تلحگ بـان تراقب تصرفاتها وتحركاتها بدون سبب
- خلــيل ::- بيـوم من الأيام جان
أكو اميرة صغيرة ماسمـعت ڪلام عمها والله حولها لمطي صغيرونييي
حجيت وإني الم شفتي للداخل غمضت عيوني أهز برأسي اشرحلها مدئ صدق الموقف
رمقتني بنظراتها البريئة إلي أخذت ڪلامي ؏َ محمل الجــد
ليالي :: امم امم إني اثفه عمو كليل
راح أسمع كلامك
حطيت أيدي ؏َ رأسها أمسح عليه
خليل ::- القديــر يباركلك يا بنتي أخذتي
بركاتـي روحي بوگي من أبوج فلوس وجيبيهن اليــة اني محللهن الج
ماحس إلى ؏َ دفرة بخاصرتي گمزت شفته دفرني برجلـة
السبـع ::- يا صخل يا ** إني أكول يا **
يأخذ فلوسي طلع أخوي الـ **
مسحت ؏َ مكانة الضربة
خليل :: شنو هذا لسانك وليش ينگط غزل
حط أيده ؏َ رأســة
السبـع ::- تدلل تگي الثاني
رفعت أديـة اثنينهن وصحت بصوت عالي
خليل :: هااا يعني تعترف أنت نعال
غمض عيونة يهز برأسة ڪال
السبـع ::- مو محترمك ليش تخليني اهينك؟
أمشي انــزل جوه أكــو واحد يڪول
يعرفك يريد
أستغربت منو يجي بـ هيج وكت نزلت ؏َ درج صارت بوجهي أنهار خزرتني
وعبرت هزيت بأيدي هو إني صاير مگفخه والمشكله أحب خناگي
فتحت الباب صار بوجهـي صاحبي واكـف ؏َ جهه يدخن باوعلي تقرب
سلمنا سلام حااار
خليل ::- عاش من سمع شافك مات من عاش عرفك
طگها بـ ضحكة وڪال
:- شتحـي أنـتَ شاخط أكلك
جايك بطلب لا تردنـي أنه بهذا الشارب
ضربت ؏َ چتفة قوي وڪلت
::- افااااا أمرنييي عد عيناگ
حگ أنفة بحرگه سريعـة وباوع ليورة ؏َ سيارة جانت صافــة بالركــن
:- هذا صاحبي هو أكبر منا يعني وشسمة
ڪال أريدك تفزعلي مَــادري متعاركين ويردون يأخذون الثأر ڪتلهم اني عندي صاحبي خليل فدشيي فوت بزودك
وهوَ بظهرك
أني من سمعت هيج نفشت ريشاتي حميت مامصدك واحد مدحني دگيت
صدري ڪلت
خليل ::- وينـة شو يلا أمشيناا
باوع ؏َ باب البيـت
:- ماتكول لـ أخوك طالع إني
ضحكت بأستهزاء
خليل ::- حبيبي إني محد يتحكم
بية بالبيت أخوي الجبير فدنوب يحترمني ويحسبلي ألف حساب
باوعلي بعـدم تصديق وهز رأسه تحرڪنا بتجاه السيارة نزل منها
زلم ثنين ڪبار لابسين أسود واحد بيهم جان منتچي ؏َ السيارة
يدخن يباوع للسما ضخـم وطويل ماميزته بسبب الظلمـة
لكن الثاني ڪدرت أعرفة هو نفســة إلي يوصل أنهار وأختها للمدرسة
باوعلي هوَ هم بنفس الصدمــة مامتوقع وجودي
ضرب ؏َ چتفي صاحبي وڪال
:- هذا صاحبي إلي كتلك عليــه أصهب
التفت الرجال ذاك صار ضوة من الشارع عليــة بينت ملامحـة خزرني
من لمحني عرفــته رأساً جان موجــود بالعرس مال أنهار
حكيت شعري وڪلت بهمس
خليل ::- أشتعلت روحچ أنهار كلها
ڪرايبج
لــهيب :- هذا شني؟
خليل ::- شنية خوية شبيك ماعاجبك
لا عبالك ترا المظاهر خداعة
أنت مشايفني من أتعارك
حرگ لسانة بخده اردف وهوَ
يباوع ؏َ صاحبـة
لهــيب :- موخوش سالفـة
اني وأخو مو صحبة أمشي رجعه منين ماجبته كتلك بس إني وياك
نكفي
أصهب :- شسالفة خالي مبين
ولـد مرتب ومراح يسولف يعني إحنا دگينه بابه مراح يردنا
لميت شفتي للداخل بأسف
خليل :- ازيييينه ازيييينه لشاربيي
ڪون خيبت ظنكم
باوعلي الرجال الجبير بنظرة أستصغار أشرلي أصعد ؏َ سيارة
توادعنا إني وصاحبي ڪعد الولد يسوق وهو بصفـة واني ورة بنصهم
أباوع
خليل :: إحنا وين رايحين
لــهيب :- معليك
خليل :: شراح نسوي
لــهيب :- معليك
خليل :: أنتو شسمكم
ردو ثنينهم بنـفس الوقت
:- معليـك
هزيت رأسي بـ فهم وصلنا يم شركه كلش جبيرة اباوعلها فاتح حلگي
اخاف اكول مال منو هاي وأعرف الجواب شنو
تقــدم الولد سحب شي من السيارة من ورة
طلـع بيده جوارب نسائية
لــهيب :: لا تخليني امك اشتمها
هسه هاي شنو
أصهب :- غير نخفي هويتنا خالي
شبيك
لزم رأسة قوي يفـتر
لــهيب :: أي يا سبع يا ذيب
ونخفي هويتنا بـ جواريب نسائية لا تخلوني أكفر
خليل :- لا تكفر لا هذا إختبار
باوعلي يريد يلزمني يكتلني بس مَــادري شنو واكف بعينـة ڪعد ؏َ الصبة
طلع جگارة شغلها يدخن ڪال
:- مالبس خرا ڪل هلشوارب واللحية
تاليتي اتستر بـ جواريب نسوان؟؟
باوعت ؏َ الشركه ڪاميرات هواي بس بالجهه إلي احنا ڪاعدين
بيها ملتزمنا الكاميرات
خليل ::- هسه احنا نعتبر أهل مو؟
لـهيب :- لا
معليـك لا تسئل بروح أبوك
اباوعلــة هذا شبي الله يساعد گلب مرتك شكد غثيث لبس الكبوس
؏َ رأسـة ولبس ڪمامة سودة
أصهب :: جا والجواريب
لهـيب :: حطهن بـ **
شمر ڪمامة آلية و ڪال
:- هاك البس أنت الثاني وهاك
هاي شفقة
أصهب :- خاب وانه إبن البطـة السودة
لـهيب :: حير بـ جواريبك النسائية
هاي
ضل صافن يباوع للوضع أستغفر وطلع شمرله شفقة وكمامه
لبسهن يمشون ڪدامي طبيعي بس إني اتلفت أحس أحد ورانا
التفت وراي اباوع بـ شك ماحس إلى گفخه ؏َ رأسي لزمته بوجع باوعت
لـهيب ::- خاب والكـفل زينب
إذا ماتمشي أحطك واطلع قهـري بيك
هزيت رأسي وفتت وراهم
خليل :: هسه دكلولي شسمكم عاد
أصهب :- إني أصهب وهذا لـهيب
باوعت ؏َ لهـيب باوع للكاميرا وسوا هاي بـ أيده للكاميرات
دخـل ؏َ غرفــة من الغُرف ظل يگلب بالـمجرات طلـع ملف مال
أوراق فتحـه باوع لـ أصهب أبتسم بـ رضا
سحبـة آخذة وجم ملف وياه جنت واكف برة الباب أباوع خاف
أحد يجي خلص سحبهن وطلـع يدفعني ننزل بسرعــة صارت
بوجهنا سيارة نزل منها رجال تحمم توجهه للشركـة
همه شافو لو خرطـو العافية بسرعة رجعنا صعدنا
لهــيب ::- بسررررعةةة بسرعةةة
للمخزننن لا يلگفناااا
همه طفرت رأساً إني عثرت ؏َ وجهي باوعلي لهيب وضرب ؏َ گصته
لهـيب :: خرب بالـ **
صوج الـ ** الي جابك وياها
شالني يسحلني سحل ويركض دخل قبل لندخل لمحنا هو جمد بمكانة
لازمني من ياخته القميص يسحل بيه واني مدد بالگاع باوعتله
يباوعلنا عگد حواجبـة بأستغراب
هشـام :- أنتو منو شدسون هنا ؟
نترت أيده مني ردت اصلح الموقف
لوما أني جان هسـه مصار هيـج
خليل :- لازم الشركـة مال خلفوك وجاي
تسئلنا شتسوي انت هنا
لزمني لـهيب صمم حلگي قـوووي بأيده توسعت عيون الرجال بـ صدمة
وكـأن شاف شي يعرفة
لهـيب رأساً تدارك الموضوع سحب أيده من ؏َ ثغري ذاك شغل الفلاش يباوع
بـ استفهام تغيرت نظراتـه
خزرني وڪال
هشام :- منطيكم مجال هواي بسرعة
لو تحجون منو انتو لو أتصل ؏َ
الشرطـة هسه اسوحلكم
سكتت ماعرف شسوي شو خفت هسـه من سمعت إسم الشرطة
إذا يسمع بيه عثمان يذبحني ؏َ القبلة تقربت ؏َ لهيب أريد اهمس بأذنـه
ماحس الى شي أحمر فوگ بسگف صارر يضوي وكام مي ينزل من السگف
جهاز إنذار مال حريق أشتغل
بسرعــة سحبني لهـيب وبلمح البصرر راح من طريق ثاني طلعنا
لكينا أصهب ڪاعد بسيارة ينتظر بيده الملفات مَــادري شوكت أخذهن
صعدنا مبللين
خليل :- انت شوكت جيت
لـهيب ::- خرا بـ شكو ** و ** بالعراق
بعددد اذا اعتمدتتت عليك يا أصهب يا ابن النعولة
ألتفت عليـه خزرني بحده عض شفته ڪال
:- إذا فگيت حلكك وحجيت
لـ أخوك وحگ داحي الباب أسوي طشارك ماله والي احرگ گلب أمك بيك
بلعت ريگي بـ خوف سكتت مارديت هسه احنا شسوينا بالضبط كلشي
مامفتهم نزل ؏َ جهه حط الملفات بالگاع حرگهن بالجداحة
بنفس الوقت وكف ؏َ جهه طلع جكارة ورثها يباوع الهن يحترگن
ويدخن داس عليهن وصعد بالسيارة من جوه الكشن
سحب ملفات نفس تقريباً نفس الحجـم
أصهب :- هسه وين ؟
لـهيب ::- هسه نرجـع هذا لبيته
ونرجـع للبيت وين يعني
هز رأسة وصلوني للبيت نزلت ذبيت الكمامة باوعتلهم لحـد ما أختفت السيارة من ڪدام عيني
دخلت للبيت لزمني عثمان رزالة غسل ولبس لأن أتاخرت
ودنيا ليل بلعتـها ورجعت لغرفتي شمرت روحـي ؏َ السرير مغمض عيوني
- أنســــام ::- ذبيت الماعون من أيدي
ركضت ؏َ التلفـون بعد ما
نبرته اخترقت مسامعي نشفت أيدي بـ ملابسي مكتوب
- السبـع رفعت الخـط متلهفة
أنسام :: الـو
السبـع :- هلا يابة أنسام
شلونج شلون نوران شلونها محتاجين شي تريدون اجيكم؟
بلعت ريگي
أنسام :- لالا الحَمدُللّٰـه إحنا
هنا زينين أنهار شلونها شصار ؏َ سالفتنا؟
أسمعـة ذب حـسرة سمعت
طگت الجداحـة
السبـع ::- السالفـة داچه يا أخت العزيزة
عمج الـ أستغفر الله ماكدر أحجي
ظهره قــوي بـدولة ماكدرلة حتى لو أشمره بالسجن يطلع بـ رمشة عين
الخـطر عليج و؏َ نوران كلش چبير
غمضت عيوني بـ تعب أحس صعبة
اتنفس أختنگت ماكدر
حجيت بـ صعوبة
أنسام :- يعني شنو شسـوي
سحب نفس وڪال
السبـع ::- من خلال إلي عرفتـه
من متابعتي لـ عمج هو ذكي ويعرف بالعراق نظام العشائر فوگ كلشي
أراهن أنو الخطوة الجايــة الـة يلزمج من الأيد التوجعج
صدري يصعد وينزل دخلت بان باوعتلي تغيرت ملامحها انصدمت
من وجهي لأن أحس حتى الدم بعروگي جمد
أنسام :- شيسوي مثلاً
السبـع ::- يسحب نوران منج
أكيـد يعرف أنـتِ يم خوالج أنـتِ بتهم منهم وبيهم طبيعي يخليج بنصهم
لكن نوران يا عزيزتي مو بتهم تُعتبر غريبة هنا راح يأخذها منج بالغصب
اذا مو بالغصب يجيب العشاير وتنجبرون تنطوها
شهگت بوجع ماكدرت أسيطر ؏َ روحـي وإني اشوف روحي ضيعت
خواتـي بيدي مَــادري شلون احميهم وين أضمهم
أنسام :- شلون أخليها يمي
السبـع :: يريد يلزمج من الأيد
التوجعج أكسريها أنسام لاتخلين أبنادم يلزم عليج زلة
أنسام :- ماعرف ماعرف
سكتت أبجي طحت بالگــاع حطيت أيدي ؏َ حلگي أكتم صوت شهگاتي
وگع التلفون من أيدي
تقدمت بسرعة عليه بان تباوعلي تهزني
بان ::- شبيج أنسام شكو
شصاير
أسمع صوتـه من التلفـون سحبت التلفون تريد تشوف سحبته
منها خزرتها أبتعدت طلعت برة بالحديقة أشتم نفس
سديت الـخط ماكدر أسولف وية أحــد جريت زيج الدشداشة أريد
اتنفس الهوى إلي يدخل لريتي أحسة يخنگني
كعدت بالگاع منتچية ؏َ الحايط لامة رجلية لصدري شتحمل بعـد
لخاطر مُحمد
فزيت بسرعـة من حسيت أكو احد ڪعد يمي
رفعت رأسي لمحته أبتسملي يسويلي اشش بأيده كعد نفس ڪعدتي
محمد :: شبيج بعدخالج ؟
مسحت دموعي استجمعت شُتات نفسي
نطقت بعد صمت دام
دقايق
أنسام :- زوج أنهار أختي
يكول راح يأخذون نوران مني
حجيتها وانهاريت أبجي من جديد ماتحملت الفكرة شلون لو صارت
واقع
باوعلي بيأس نزل رأسة
محمد :: أمج جانت أقرب وحده اليـة حيل أحبها أكثر من ما تتصورين
دائما سوة جنه مو اخوان چنه خوات كلشي تسولفلي بدون متتقيد
ذب حَــسرة وڪال
:- من نخطبت إني أول واحــد
رفضت الفكرة مو لأن ماريدها تتزوج بس أبوج جان إنسان سيئ
ميصير أحجي عليــة ڪدامج لكن هذا الواقع جان قاسي حتى ملامحة قاسية ماشفته يوم أبتسم
لا بزواجة ولا من حبلت أمج بيج وحتى من اجيتي للدنيـا ماشفته فرح
صديت للجهه الثانية دموعي تنزل بغزارة عشرة عشرة ماكدر عقلي
رافض يتذكــر
محمد :: بـهذاك اليــوم من شفت ڪوثر
عرفت نيتها هي إنسانة
طماعة وين ما راحتها تصير تروح متهتم مثل أبوج بضبط
::- من دخلت بين أمج وابوج وصلت لغايتها
وكدرت تلعب بعقلة أختي
ترتبت بيناتنا عزيزة نفس وكرامـة مانذلت ولا نهانت بيوم إلي صار
بي الحدث ذاك اني متأكد مجانت متقصدة تتركج
بلع ريگه الغصة مبينه بصوتة ماشوفة
بس متأكدة مية بالمية
ڪاعد يبجي مثلي
محمد :- أختي ماشردت اني
متأكد صارلها شي وأختفت أختي حنينه
ماتعوف ضناها وتروح
سحب نفس عميق عدل ڪعدتة أردف بهدوء بعد العاصفة
إلي خاضها وهي تشرح مشاعـرة تجاه اخته
محمد :- اني حجيت هذا
حتى اشوفج معزة اختي بگلبي وأنـتِ عزيزة بكد معزتها جنت أخذ اخبارج
من شخص قريب عليـــة جنت خايف نوصل يمج وتعتبينا أكثر من مرة
حاولت اشوفج وعمج طردني وهاني ڪدام العالم
ساكتـة أستمع لكلماته بأصغاء
محمد :: لهذا لا تتوقعين الحل
إلي راح أعرضة عليج هسه حتّى اخلص منج لا وحگ الكافل وجفوفة
بس ماكـو إلى تتزوجين وتزوجين اختج وياج
توسعت عيونـي بـ صدمة انداريت اباوعلة يباوع بجـدية
أنسام :: لحظة لحظة اختييي شعليها
ازوجهاا لتخبلونيييي شتت إخواني بيدي وحده زوجتهااا وعايفتها وحدههه واحددد دافنته بيدييي وتردوني هاييي ازوجهااااا
تقرب حط أيده ؏َ حلگي انفتحت الباب
الخارجية دخل لهـيب أنصدم
بمنظرنا رأساً صارت عيوني عليــة شافني بدون حجاب
اندار خالـي شافه خزره هو رأساً دنگ راسه وتراجع للخلف باوعلي
محمد :- دخلي چوه بعدين نحجي
سحلت بروحـي سحل دخلت سديت الباب انتچيت عليها اسمع اصواتهم
محمد :: خيرك كليوم بيتنا
يا مطي هذا يوديك ويجيبك من الناصرية لبغداد روحة وردة
تحركت أباوع الهـم من الجامه بعدت البردة
دخـل أصهب حط أيده ؏َ
رأسة وڪال
أصهب :- وياك المطي شخصياً
لم شفته للداخل خالي سحبه عليــه سلم عليهم فززني صوت من وراية
التفت حطيت أيدي ؏َ گـــلبي عيوني حُمر
جانت وحده من زوجات
خالـي
:: شتسوين ؟
بلعت ريگي مسحت ؏َ گصتي تقدمت بهدوء كتلها
أنسام :- ردت أشوف منو اجهه
باوعتلي بعـدم تصديق عبرتني متجاهلتني كلهن مطايقاتني هنا
الحَمدُللّٰـه بس بان معبرتني وإني مو گادرة ابلعها مدري شچاني
رغم البنية حيل حبابة
صعدت بسرعة فوگ فتحت باب الغرفة صارت بوجهي نوران لازمة كتابها
تقرة وتفتر روحـة
وردة
ڪعدت ؏َ السرير فتحت التلفون صار ڪدامي رقم أنهار
أتصلت عليها حطيته ؏َ أذني رفعت عيوني للساعـة جانت
دنيا الصبح
كالعادة ماكو شي مختلف ماردت نزلت التلفون من أيدي
لكيتها تباوعلي صارت عيونها بعيوني
نوران ::- امتحانات نصف السنة مابقالها
شي شوكت نرجع وامتحن ؟
بللت شفتي بتوتر عيوني عليها تباوعلي بـ جدية اندگت الباب
حطيت الشال ؏َ رأسي صارت بوجهي طفلة ڪالت
:- عمو محمد يريدج جوه
راحت هستوها تنزل أنوب رجعت ڪالت
:: وها عمو لهيب هنا لبسي
حجابج عود خاف
تكولين
أبتسمت الـها نزلت وراها دخلت ؏َ الإستقبال وإني أتذكر
اخر موقف بينا شلون جان والوضـع شلون متوتر بلعت ريگي
رفعت عيوني أباوع جان أصهب ولهـيب وخالي وبيبيتي ڪاعدين
بالاستقبال
دخلت صارت الأنظار عليــة إلى هـو مارفع رأسة ولا باوعلي
جان يلاعب الطفلـة الصغيرة إلي صاحتني
دنگت رأسي كعدت يم بيبيتي ماحجيـت شي اهز برجلي بـ قلق
ماعـــرف شسوي لو شكول ڪلها ساكته والجو مشحون
لـهيب ::- منرخصتكم أريد أحجي
وية أنسام لوحدنا إذا
ماتصير زحمة
رفعت رأسي الــة مصدومة هم مباوعلي جانت عيونة متمركـزة ؏َ خالي
محمد الي يباوعلي بـ نظرات غريبة أبتسم وڪال
محمد :- واثق بيك عضيدي
لا تگسر بثقتي
ڪامت بيبتي طلعت وخالي هم بقة بس أصهب والطفلـة عيوني عليهم
لابسة دشداشة سودة مخصرة بس مو كلش يعني وربطـة سودة حاطتها
؏َ رأسي بدون دنبوس بس ممبين شعري
لهـيب :: اللّٰـه بالخير حجينا
رفع رأسة أصهب وهو ديأكل من الفواكهه
أصهب :- ها شتريد؟
لهـيب :: شلون راح أكوملة
امشي اطلع بكرامتك لا اسوحلك هسه
أبتعدت الطفلة من حضن لهيب تقدمت ؏َ أصهب سحبتها من أيده حط
التفاحة بحلگه وهز أيده طلـع وسد الباب
أحس رجلية بعد متشيلني منورة المراجف الي رجفته رفعت رأسي
الـة وأخيراً باوعلي رفع حاجبة من باوعتله أبتسم تك خد
رجع جسمه ليورة ؏َ القنفة حط رجل ؏َ رجل سحب باكيت الجكاير
شعل وحــدة وشمر الباكيت ؏َ الطاولة إلي مقابيلة وعيونة متمركزة
عليه و؏َ تحركاتي
ضغطت قـوي بأيدي لازمة الدشاشة
ذب حسرة كل هذا مانطق
ولا حرف يباوعلي وأباوعله هو نظراته مخترقتني مانزل لا رأسة
ولاشوي بس اني مثل الثولة كل شوي أرفع راسي أباوعلة إذا اشوفه يباوعلي
ادنگ بسرعــة
نطق بعـــد صمت طويــل
لـهيب :- ليش ترجفين هيج
تخافين
أنسام :: لاااااااا
أبتسم لكن سرعان ماخفاها تحولت ملامحـة لجدية ڪال
:: أنسام قبل شوي جان يخابرني السبـع
زوج اختج سولفلي ؏َ الوضـع
ڪله شنو تردين بابا؟ شنو الي يريحج ؟
عيوني بعيونة ماعندي جواب حجيت بأستفهام
أنسام :- مافهمت شنو قصدك
عدل ڪعدته يباوعلي بتمعن ڪأنه يحفظ معالم وتفاصيل وجهي
لهـيب :: تردين اختج ترجع هناك وأنـتِ تبقين هنا أو تحبين ترجعون سوة
ماعرف شنو تشوفينه يناسبج ؟
أنسام :- ولا واحظ بيهم يناسبني
إني ماكدر أكعد بعيده عن خواتي اني خسرت واحد ماعندي استعداد أخسر الباقين ڪافي عليه ألي عفتها هناك گـــلبي محترگ ؏َ شوفتها
حگ لحيتـه زفر نفس يباوعلي
لم شفته للداخل يهز برأسة صارت عيونة بعيوني سكت مانطق
حرف لا إني الـ حجيت ولا هو الـ حجه
تدارگ الموقف ڪال
لهيب :: إذاً تعرفين الحـل الوحيد
أنسام :- اني اييي اتزوج والله كُلشي
أسوي كُلشي أتحمل بس لا تحرموني من خواتي نوران صغيرة كُلشي متعرف
شلون ازوجها اللّٰـه يخليك أستاذ فدوة دبرلي حل
خزرني بحده خنست مسحت دموعي أراجع الكلام بعقلي محجيت شي
غلط شبي خزرني
لـهيب :- لتكولين خرا أستاذ
باوعتله بـ صدمة خلي تشوفة هسه أنهار جان رأساً ڪالت
: أنا بياحال والدفان يغمزلي
تغاضيت عن تصرفة منتظرة جواب يريح گـــلبي تغيرت نظراتة
وكأنه يتصنع الحزن بـ عيونة
لهــيب ::- هو أكو حــل واحد
بس يعني إحتمال متقتنعين بي إني أكدر اخلصج منـه
عگدت حواجبي بأستغراب
أنسام ::- شلون ؟
لهــيب :- معليج بيها هاي سالفتها
يمي كليلي أنـتِ موافقة ؟
أنسام ::- اوافق ؏َ شنو أستا..
حجيتها وعضيت شفتي بنـدم ركز ؏َ حركتي نزلت عيونة لـ شفتي
فرگ وجهه يستغفر رفع رأسة خزرني
لـهيب :: أنعل ابوك محمد
لتعضين شفتج بااببااااا
نزيت من صوته العالي من صاح دنگت رأسي مرفعته بعد
صرت أخاف حتى أتنفس لا يرزلني مَــادري شبيه مثل الثولة
ارجف رجف منـه
لــهيب :- توافقين ؟
أنسام ::- ؏َ شنـو مكاعد افتهم
هز رأسة صفگ أيد بأيد وكال
لهـيب ::- ايي هو الثول مينزل عليج بس من تڪعدين يمي يول يـ زمالة تقبلين تتزوجيني ؟
رفعت رأسي اباوعله رمشت بعيوني مرات متتالــية مامستوعبة كلامـة
تختلف من سمعتهم يكولون زوجها الـه تختلف لمن هو طلب من الزواج
عيونه تتجول ؏َ ملامحي يدور جواب ؏َ سؤالـة
روحـي تفرفرح تجاهلته أسلوبة السزز بطلب الزواج لأن صراحة
أحس تعودت عليــة ميغير طبعــة
حجيت بـ ثول بدون ماركز
أنسام ::- شنسوي نتزوج ؟
رمقني بنظرات مصدومة عيوونة تشرح مدى ذهوله من كلامي
نهض ؏َ حيلة يفتر بالاستقبال يستغفر يمشي ويستغفر
لـهيب ::- شكو حسنة مجمعها
بحياتي طيرتها حظرتج هسه خاف قبل جان بيهى مجال نفوت للجنه
هسه منورة سوالفج هاي حتى النار يستحسفوني يحطوني بيها
ولج بابا جيبييي ايدج أبوسها تحجييننن عدل وماتجفصينن
بلع ريگه ڪعد ؏َ مسافة مني ثنة رگبته صار بـمستواي يباوع اليــة
لـهيب :: مُجرد زواج مؤقت ؏َ الورق
بين ما زوج اختج المعدل يلزم عليه لزمة يشمرة بعد محد يكدر
يطلعـه تتزوجيني
من نطقها رجف گـــلبي بخوف أحس رعشة سرت بجسمي أردف مكمل
:- تعيشين وياي أنـتِ واختج بغرفة
واني بغرفة تكعدين بيتي نسولف ناكل سوة هيج فهمتي ؟
ضغطت ؏َ أيدي قوي كلت بـ غباء بدون تفكير
أنسام :: أي هيج حلو عبالك متزوجين
أصلاً شنو فرقنا عن المتزوجين ؟
عم الهدوء أرجاء المكان صار الجو هادئ بشكل يخوف ثواني استوعبت
كلامي رمشت بعيوني اباوعله يباوعلي بـ برود فرگ وجهه حيل
أشر ؏َ الباب وڪاال
لـهيب :- امشي طلعي برة
بسرعة يلا أنسام أنـتِ بلاء من رب العالمين يشوفني أكفر من وراج واطلع
من الدين الإسلامي لو اتحمل
بسرعة أنسحبت من يمــه طلعت صارت بوجهي بان واكفة ؏َ جهه من بعيد
تباوع ؏َ الباب بقلق هزيت أيدي والله بطرانه هاي
صعدت ؏َ الدرج أفكر بلي ڪالة زين هو مو هم يعتبر غريب
شلون راح يحلها من يتزوجني ونوران تجي يمي هم يأخذونها مني أيدي
لزمت رأسي قوي أحس بوجع مو طبيعي مابيـة أفكر تعبت ڪعدت
؏َ الدرج إني عندي استعداد اسوي كلشي كلشي
عسما ابيع روحـي للشيطان بس ما أخســر بعد واحــد من إخواني فراگ
علي هدني هد رغم أبين هسه يمكن تناسيت الموضوع بس متمر ساعة إذا مافكر بيـة وبحالة
ذبيت حَـــسرة روحي مفرفرحــة ؏َ شوفته شهلضياع الماله
تالـي تايهين ڪلنا حتى هنا مو كادرة أحس بالراحـة واني ادري أنهار
أخذت بخاطرها مني
شـوي ونزلت بديت اساعدهن بـ الطبخ گضه اليوم طبيعي ماشفته
بعــد لـ لهيب حتى بوكت الغدة والعشا مالمحته بان تفتر وراي
تريد تأخذ حجاية من عندي بس إني مانطقت بشي
بعدت الغطه عن جسمي صارت عيوني ؏َ الساعــة بـ ١٢:٣٠ بليل فتحت
عيوني بالگــوة أحس بعطش مو طبيعـي نزلت للمبطخ
أخذت ڪوب شرب مي تنفست براحة نزلته من أيدي تحركت
أريد ارجـع للغرفة تخلل لمسامعي صوت من الخارج
فتحت الباب ؏َ الخفيف الشال ؏َ رگبتي اتبعت مصدر الصوت
جان ڪاعد لهيب بالحديقــة ؏َ الكرسي منطيني ظهره ممنتبه لوجودي حاط رجل ؏َ رجل يدخن ويسمع
اغنيـة يا نبـِعـــــــة آلـرِيـٰــحـٌــان
حطيت الشال ؏َ رأسي تقدمت كعدت مقابيلة باوعلي بأستغراب
ماتوقع وجـودي عدل ڪعدته
طفه الأغنية وصار يباوعلي باوعت ؏َ النفاضة إلي ڪدامة يمكن مخلص باگيت جكاير
حجيت وبحه النوم مبين بصوتي
أنسام ::- شنو اول طيحة
الجكاير وهلكد شارب
ظل يباوعلي ساكت ذبلت عيونة رجع نفس بالكرسي يباوع للسما
لـهيب :: شعدج ڪاعد هيج
وكت بابا بعدين الجو بارد موزين دخلي جوه
زفرت نــفس أحاول استجمع نفسي حتى أنطق الكلام إلي يدور
بمُخيلتي
عيونـة ؏َ السما يدخن مايباوع اليــة عيني علية بلعت ريگي حجيت
بـ تعلثم
أنســام :- إني موافقــة
رفع حواجبة بأستنكـار
صار يباوع عليـــة عيونــه بعيوني
لهــيب :: موافقـة ؏َ شنو ؟
أنســام :- موافقــــة اتزوجك لهـــيب ..
- أتذكر أول مرة من ڪال أسمي
دگات گـــلبي بڪل مكان بجسمي .
يتبـع ..
الحكايـــة تستمـر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!