#أنسام_اللهيب
بقلمي أنا زينب خالـد
(رجاءً بدون انتقاد الشخصيات
بطريقة غَير لائقة الغرض من ڪِتابة القصص نتعلم من اغلاطهم لا نتجاوز
عليهم بطريقة بذيئة ♥️.)
🔴 للمرة المليون أنتقو مُفرداتكم جَميلاتي 🦋.
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنــسام : أحدق بـجمود
؏َ منظرهن ڪلهن جانن فرحانات
بالخبر أيقنت ساعتها
أنو الموضوع يخَص لهيب
التفت عليها شهلحقد إلي تارسه روحَها
شنو هاي القسوة
والجبروت
أبتسمت بحقارة وهيَ
تباوع عليــة ڪالت موجهه ڪلامها للنسوان الي واكفات
- ڪلمن ترد لديرتها
بسچن ڪعدة هنا
ڪالت وحده بيهن
: نروح ڪلنا
مُهرة : لاع
تبقى سمر وياسمين وحنين
وانشدولي عن أخبار فرقان رايدتها بحجاية رأس
سَمعت صوت من
وراي
البـتال :- متأكدة عمتي ؟
رفعتله حواجبها
مُهرة : من شني يابن أخوي
ڪال وهو بعده مستمر
يأكل من الجكليت الي ململه بتيشيرته
: ؏َ إلي راح تسوينة بعد
شوي
مُهرة : شنهي
أبتسم بخُبث مثلها ڪال وهو
عيونة تتوزع ؏َ الي طَلبت منهن يبقن
البتـال : إلي حابة
تجرب أيد لهيب تبقى
مانتظرتهم يكملون ڪلام رأسا
صعدت فوك
دخلت لغرفتي قفلت المفتاح وسحبته
أباوع عليــه بأيدي ليش
جَان لهيب يخلي بالباب مَجنت
اعرف
مَرت فترة من الزمن وإني ؏َ كعدتي
ماتحركت انتظرة
يرجع صار صوت طرقات خَفيفة ؏َ الباب
بلعت ريگي تسارعت دگات گـــلبي
حسيت بشعور
غريب
أجاني صوت خَشن يشبهه صوت الزلم :- فچي
الباب اريدن احجي وياج
عضيت شفتي السُفلية
مارديت احتضنت رجلية لصدري
أحدق ؏َ الباب
صار صَمت رهيب ڪل ظني أيسن أفتح الباب وراحن
لكن الصَدمة
ڪانت من تحرك قفل الباب
دليل ؏َ أنو أحد ديفتحها
أكو مفتاح احتياطي !!!!!...
دفرت الباب برجلها شهگت
حطيت أيدي ؏َ حلگي ڪمت ؏َ حيلي أباوع عليها مرة سمينة حَيل وضخمة
طويل تخوف
لابسة أسود أبتسمت بـ شر
ڪالت : هلا بـ چنه الفصلية
باوعت وراي أكو مزهرية شلتها رفعتها
بتهديد
أنسام : لتوصلين !!
والله انيمها برأسج
طگتها بـ ضحكة بصوت عالي
ياسمين : حَتى فرخته
جانت تخوف مو مثلج مَــادري
من يا ملهى ملفيج
صدري يصعد وينزل تقترب
عليــة وإني رافعتها بـ وجهه رجلية ترجف
اقترب أكثر سحبتها من
أيدي رگعتها بالحايط تفلشت طَفر گزاز ؏َ خـدي انجرحت
سحبتني من شعري بدون حجاب تسحل
بية من شعري
نزلتني ؏َ الدرج سحَل وإني صوتي
راح من الصريخ
والبجي
شمرني بالاستقبال يم رَجل مُهرة
رفعت رأسي إلها
عيوني مملؤة بالدموع أبتعدت عنها سدن
الباب جَانن
تلاثة واكفات فوك رأسي وهيَ ڪاعد ؏َ القنفة بكل چبروت تنظر الية
بأنتصار
ماحَس الى إلي إسمها ياسمين
ضربتني ؏َ بطني قوي
برجلها صرخت صوت عالي بعدها نزلن ضرب عليه
ڪاني مرتكبة فدجُرم عظيم
ضرب مو طبيعي
مغطية وجهي بأيدي والضرب
طاح ڪل ؏َ جسمي ماحس إلى بعگازتها حطتها ؏َ رأسي ڪالت بـ فخر وكبرياء
:- هاي أنه بت الشيوخ
والدواوين ماتجي وحده فصلية
هي وأبنها تگسرني
گسرتها بالأول وهسه هوَ
أفتح عيوني وأسدهن ماتحمل
بعد خَارت قوتي وبديت أستسلم وافقد الوعي
فز جَسمي بهلع
بعدما سَمعته يصيح بصوت جـهوري هز أركان البيت اراهن بساعتها مو بس
مُهره إلي جَانت توها تتفاخر بصيتها وسمعتها
رَچفت حتى حيطان البيت
اهتزت من صوتة
دگ الباب قوي اباوعلهن
بالگوة لأن عيوني تغمض من وحَدها صارن يبلعمن وحَده تباوع للثانية
بـ خوف أبتسمت بـ فرح
أنگسرت الباب دفرها برجـلة
دخَل شعرة مخَربط وانفاسة مُبعثرة
جان بأيده ساطور گسر بي قفل الباب أبتسم لـ مُهرة بـ مكر ڪال :-
والله لـ أعيشچ خَوف
مامر ؏َ ابنادم بساعة اصبريلي
تقرب عليه شالني وهو وصاح بصوت عالي بيهن : الي تفكر بيجن تروح
وتفلت بـ عَملتها اطب لبيتها اسحلها
هي ورجلها فهمتتتتن
چلبت بأيدي الهزيلة قوي بدشداشته
ڪلت بخفوت : ل..هيب
نزل عيونة اليـه جان شايلني يصعد ؏َ درج
ڪال بحُب وحَنان : روحَه أنـتَ
نطقت بـ تعب وإني مغمضة
عيوني : لتحاجيني بصيغة ولد!
أبتسم هَذا ڪان آخر شي شافَته عيوني
بعـدها دخلت بـ سُبات
عميق أحس بجسمي حار ورأسي يأذيني
فزيت ؏َ حركة لهيب يحط گمادات
؏َ رأسي صارت عيني ؏َ ساعــة بـ ٢:٣٠ ماتحَملت رجعت غمضت
عيوني
حَسيت بانفاس حَـارة قريبة ؏َ خدي
فتحت عيوني بخمول
لگيته يطبع بوسات ؏َ أنحاء وجهي
ڪلت بـ صوت ضعيف بالگوة ينسمع :- لهيب شدسوي
حط أيده ؏َ عيوني مغمضهن
لـهيب : حَلم بنيتي تحلمين
بمُجرد ما نطقها حسيت بدفو شفته ؏َ شفايفي يقبلني بحُب ولهفة واشتياق
أيد مغمض بيها عيوني
وأيدة الثانية شبگها بأيدي قسى عليه ببوسته ونيت بوجـع : اممم .
أبتعد عني بسرعة وأيده بعدها
؏َ عيوني أحس جَسمي خدر
أكثر من قبل استسلمت
للنوم من جديد
أحس ببرودة ؏َ جسمي فتحت عيوني أرجف من البرد لگيته حاطني جوه
الدوش ومشغل المي ينزل عليـه
اطگ سن بسن وجسمي يرجف
باوعت ؏َ ملابسي تبللت ولزگت ؏َ جسمي هو لازمني من أيدي دفعته بـ خفة
ڪلت : لهيب روح عيب ..
ضحك بـخفة
لـهيب : مثل أختي مثل أختي
سحبني من جوه الدوش تبللت ملابسة حط أيده جوة رجلي شالني وإني
المي يگطر من ملابسي وشعري
دخلني للغرفة فتح الجنط طلع
الي ملابس وإني ڪاعدة محتضنة روحـي من البرد
تقرب گرفص ڪدامي
صارت أيده ؏َ ملابسي يريد ينزعني
لزمتها قوي
بالگوة مفتحة عيوني ڪلت :- لا لهيب
عيب أستحي
حَدق بية بصمت انطاني البجامة واندار ڪال : البسي يلا
لبستها بسرعة وإني أحس بروحي ؏َ ساعة اغفى
ردت انزع الدشداشة حتى
البس التيشيرت ماعندي حَيل
التفت الية ڪال : جيبي إني البسج
سحبه من أيدي قوي
نزعني الدشداشة غمضت عيوني مستحية
درت وجهي ؏َ جهه
ثانية دقايق وماكو أي شي واني ارجف مثل السعفة من البرد
فتحت عيني لگيته صافن
؏َ صدري باوعتله رفع رأسة الي غمض عيونه وفرگهن قوي
أنسام : حَ موت من البرد
لهيب ..
فتح عيونة وڪأنه أستذكر شنو ڪان يسوي لبسني
ضل صافن بضياع عليــه
جاب منشفة نشف شعري لفها بيها
حطني ؏َ السرير
غطاني زيـن
بعدها ماحَسيت بشي رحَت لعالم الأحلام مُتناسية الوضع الي حولي
فزيت ؏َ صوت طرقات
خفيفة ؏َ الباب ڪمت أحس بوجع برأسي خفيف التفت لـ جهه لهيب جَان
نايم مصلخ بس بالجامـة والغطه
مشمور ؏َ جَسمة بأهمال
ذبيت حَـــسرة مديت أيدي أريد أعدل
الغطة ماحس
الى لزمني من أيدي قوي مَــادري شلون وين وشوكت بأيد وحَده سحبني عليه
يباوع بعيوني
تنهد حط أيده ؏َ گصتي
هز رأسة ڪال بهدوء :- الحَمدُللّٰـه .
شال الغطة عن جسمة توجهه للباب فتَحها رجع شعرة ليورة توسعت عيوني
بـ ذهول من شفتها فرقان واكفة تباوع
عليه بأبتسامة
مدت رأسها من شافتني نايمة يمة
رجعت باوعت عليـــة
جحظت عيونها ماحَس إلى سد الباب بوجهه قوي
صَاح بصوت عالي :- ولي من
خلقتي لا أطلع غضب اللّٰـه ڪله بيج
ماصَدر أي صوت منها أول ردة
فعل أحس بشعور غريب شعدها جتي صفن عليه رفعلي حواجبة بـ معنى شنو
درت وجهي للجهه الثانية
أستحي أباوع عليه هو ومصلخ ڪلت اضيع الموضوع
: زين ليش مافتحتها
من تدري بيها تندگ
لـهيب : بكيفي
مر شريط البارحـة ؏َ عقلي تذكرت من باسني!!
صفنت عليــة جان
ديلبس التيشيرت ڪلت بتلعثم
أنسام : لهيب .
اندار عليه خَطف نظرة ڪال بهدوء : هاا
بلعت ريگي بـ فشلة ماعرف
شلون أحجي بالموضوع
أنسام : شَسمة البارحة
رفع حاجبة وأبتسم بـ خُبث سُرعان ما تدارك روحـة وحاول يخفيها ڪال : شبي البارحة؟
ڪلت بأستغراب
أنسام : أنـتَ بستني؟
حرك لسانة بخدة انتچه ؏َ الكنتور
باوعلي مقلص عيونة ڪال :- شوكت؟
: مَــادري أنـتَ بستني ..
- وين بستك؟
: هنا
حجيت وإني أشر ؏َ شفايفي نزلت عيوني عليهن تنتقل نظراته
بين عيوني وشفايفي ذب حَــسرة وڪال :- أنسام أنـتِ ماتستحين؟
فتحت عيوني مصدومة
أنسام : ليشش؟
لم شفته للداخل يحاول يخفي أبتسامته ڪال :- أنـتِ حلمانة بابا !
حَتى البارحـة تحجين أنـتِ ونايمة
تكولين لهيب لا تبوسني
توسعت عيوني بصدمة أحس وجهي صار يطلع نار هز رأسة بـ ندم أردف مڪمل :- عيب
بابا عيب تفكرين بية
هيج أفكار إني بگد ابوج
عضيت شفتي بندم حطيت أيدي ؏َ حلگي
وإني أحس دموعي ؏َ ساعة
تطيح ڪلت وإني اهز بأيدي بمعنى لا : ونبي والله لا لهيب مُستحيل أفكر
تسوي هيج لا والله
ذب حَــسرة طلع وهو يهز رأسة
لزمت رأسي قوي
بندم أفكر مُستحيل يكون حَلم يعني كُلشي أتذكر بتفاصيل حَتى ملمس شفايفة
لسة اتذكرهم
شلون حَتى يطلع حـلم !
مرت فترة مو طَويلة تقريباً جنت ڪاعدة ڪدام المراية اسوي بـ شعري
ندگت الباب
خَفت تذكرت البارحـة شصار لسة الوجع
بجسمي من الخَوف
حتى ماسئلت وين راحن
ڪلت بصوت متردد :- م.. منو؟
أجاني صوت ناعَم مار ؏َ مسامعي
من قبل :
- إني ديار عادي أدخل ؟
توجهت للباب فتحتها لكيتها واكفة
وبيدها صينية أكل
أبتسمت اليـة رديتلها الإبتسامة وإني صافنة بوجهه مثل الثولـة
ضحك ودنگت رأسها
ديار : مافوت يعني؟
استوعبت إني واكفة بـ طريقها تداركت الموقف أبتعدت عنها حَتى
تدخل وإني أريد اضرب رأسي بـ الحايط ؏َ هلفشايل ..
حطتها ؏َ الگاع سديت الباب
ذبت عباتها ؏َ متونها فگت الشال ڪعدت
متربعة بالگاع
أشرتلي بايدها حَتى اجي
أكعد يمها
تقدمت بهدوء ڪعدت ڪالت : أنـتِ بحساب
مرت أبوي ماستحي منج؟
أنسام : ياااا يامرت أبو يمعودة
طگتها بضحكة زرفت أذني
ديار : يلا حبوبة اصيحلج أنسام
ولا يهمج بس هساع
انه جوعانة اعذريني اريدن أكل وياج
حَدقت بيها بصمت فعلاً بدت تأكل
وتحط الأكل
ڪدامي ؏َ واهسها صرت أكل بس شوي مو هواي
ڪالت بعدما رفعت شعرها :- ماتدرين
البارحـة شسوة بيهن ..
غصيت باللگمه وهي تدگدگ ؏َ ظهري
ڪلت بـ فضول : شصار ؟
عوجت حلگها ڪالت : لعب بيهن
فلگ خله صريخهن
ماله والي
ديـار : واكفة ؏َ عتبة الباب
هستوني حطيت رجلي ماشوف إلى لهيب نزل ؏َ درج بسرعة توجهه
؏َ الاستقبال
لكاهن ڪاعدات مثل الحبابات
ومُهرة بالوسط رفعت رأسها من شافته
دَخل شكد
حاولت تبين أنو هي مامهتمه بس الخوف جَان متملكها وهي تَعرف بية
من يكون الموضوع أشياء تخَصة يگلب الدنيا
ماشوفلج إلى چر سمر وحَنين
بالمعنى الحرفي رگع رأس بـ رأس شمرهن ؏َ الگاع ڪدام عيون مُهره
دنگ ڪعد ڪدامهن ثاني
رگبته تفل عليهن وڪال :- انتن راح
أكتفي بـ هذا الجن لأن عربانات
تندفعن
ميل رأسة أبتسم لـ ياسمين إلي جَانت تباوع بـ ثقة ؏َ رغم من أنو لو تباوعين
؏َ رجلها فـ هيَ جانت ترجف
لـهيب : ليش سويتي
هيج وأنـتِ من طاري أسمي تتراجفين ؟
هز رأسة بـ فهم ڪال :- يمكن جَان
ڪل ظنج اتأخر؟
يعني أني ماعرف العابچن القذرة؟
ضحكت بأستهزاء
ياسمين : معرضك هذا
لـهيب : أخ بوية يروحلها
فدوة
رفعت حواجبها ثواني هيَ ثواني صار ڪدامها سحبها من حجابها يعت بيها
للمطبخ صاح بيهن بـ صوت عَالي كِلش :- جيبننن طشتتتت لو نجانه ايشييي
لتصفنن بخلقتي
انتيچت ؏َ الحايط اباوعلهن بأبتسامة حَقيرة مرسومة ؏َ ثغري
متشمته بيهن التفت لكيت البتال ڪاع
يگرز حَب ڪال وهو
يهز رأسة بـ حسافة مُصطنعة : حَذرتهن بس هنه ماسمعني
ضحكت ؏َ حجايتـه
جابن تقريباً شلون الحَوض الصغير ترسه مي وحطه بالگاع جَان المي بارد
فتح الفريز طلع قَالب الثلج
لـهيب : لجججج سَمرررر
ماشوف إلى اجتي تركض بـ خوف وهيَ صافنه ؏َ الوضع أشرلها برأسة ؏َ ثلج
سحَب الكرسي ڪعد ڪل هذا الحجي
وياسمين ڪاعدة
بالگاع مثل المسجون إلي ينتظر حَكم إعدامة أجتي مُهرة تباوع
؏َ الوضع بـ صمت وهي تعَرف
أنو هي هم حتأخذ حصتها ..
گبت سَمر الثلج ڪله بالحَوض
لـهيب : حَنيييين
اجتي ذيج الثانية حَتى مُهرة
من الخـوف دفعتها
ضحكت بصوت عالي ؏َ منظرهن أجاني صَوت من وراي ڪال :- وسَم .
لـهيب : حطي رأسها هنا
يلا من اكلج تسحبينه تسحبين افتهمتي لو لا؟
بلعت ريگها بـخوف ڪالت :- ماكدر .
لم شفته للداخل بتفهم حك
جَبينه بأطراف أصابعه ڪال وهو يحدق بيها مقلص عيونة :- ها چا اكوم الجن
اثنينجن ؟
هي خَافت مثل الحبابة صارت تغطس رأس ياسمين بالمي ولـهيب حاط
رجل ؏َ رجل يباوع الهن
صار صوت رجال عَالي :- شديصيررر
هناااا
گشول وجهه لهيب بقرف ڪال :- اهو اجه هَذا يچوعر
ركض عليها دفع حنين وسحَب
ياسمين يعاين ؏َ حالها
رفع رأسة خزر لهيب إلي يباوعلة بأستنقاص
:- متحَس نفسك طغيت هواي
تحب أخبر هِشام
عن سوالفك؟
لـهيب : شني خايف
يلا كله هسه يجرك بـزيج معدل
حَدق بي بـ ثواني ڪال :- أكلك دور صفح
طاحظ شواربك شيخ
شكدك شگبرك عگال ماتعرف تلبس؟
خزرة ذاك حَمحم عدل عگاله وهو يبوس برأس ياسمين ويتعذر منها
وهي تشكيلة طلع لـهيب من المطبخ وإني وراه اندگت الباب
فتحوها دخَل ولد يلهث ڪال :- عمي الحگنا بساتين الشيخ احترگت ڪلها
ضحك بصوت عالي رفع
أيده للسما وڪال : الحَمدُللّٰـه رب العالمين
شهگت مُهرة حطت أيدها ؏َ صدرها يمكن حتى ساعتها رادت تموت
من القهر ..
أنسام : هنه إذا هيج
يخافن منه ليش سون بية هيج؟
ديار : خية توقعن يتأخر
ويگتلنج ويخلصن ويكولن تجذب بس اجه وسوة طشارهن ماله والي
فرگت أيدي قوي هاي الحياة
متناسبني خَلصت عُمري حياتي مخربطة دائماً جنت ادور ؏َ الاستقرار والأمان
بس بليلة ويوم ڪِلشي تغير من خوالي إلي ماعرف منين طلعو لـ لهيب لـ عمي
لـ زواج أنهار وأخير شي والفاجعـة وفاة علي ..!
خلصت أكل شَالت
الصينية هيَ طلعت غَسلت حلگي من رجعت لگيته ڪاعد ؏َ الجرباية صافن
؏َ صورة
رفع رأسة اليــة أبتسم أشرلي بأيده تعالي
رحَت ڪعدت
قريبة عليه صار عَندي فضول أشوف ؏َ شـنو يباوع مديت رأسي
قربها عليـه ڪال :- هَذا أنـتَ بعيد ميلادك
أشرت ؏َ روحـي سحَبت الصورة
من أيده اباوعلها
جَان شكلي يخرع أكو نفخات معلگات حَولي واكفة ؏َ القنفة أباوع صافنة مَــادري بـ شنو
أنسام :- هاي النفاخة شمعنى مامعلگه
يم رجلي ؟
ضربني ؏َ رأسي خفيف ڪُلش وڪال :- نجب قشمر هاي طوبة مو نفاخة
ضحكت ؏َ غبائي ڪلت : لا والله شوف
جنها نفاخات حتى
نَفس الون
لـهيب :- هاي طوبة جبتها
الك بأول راتب استلمته بحياتي
أبتسمت وتوسعت عيوني بـ فرح
أنسام : هو ليش
أنـتَ تعرفني من جَنت صغيرة وإني لا
رفع أكتافة بمعنى ماعرف
لـهيب :- مَــادري انه جنت متعلق بيك
ڪل يوم اجي
اشوفك واطلع واشتريلك ومرة ڪتلي ..
قاطعت ڪلامة
أنسام : لهيب دنحجي موضوع
جَدي حاجيني مثل البنات
رفع حواجبة وضحك بصوت عالي ڪال :- تريد احاجيك مثل البنات
أنسام : والله شنو أريد
أحس نفسي أنثى !!
فتح عيونة ؏َ وسعهن وانفچر يضحك بهستيرية هو يضحك وإني أسمع
اصواتهم جَوة يتعاركون
أنسام :- لهيب أنزل
شوفهم شبيهم ..
لـهيب : ** خواتهم
معلينا نرجع لموضوعنا أكو أكثر من طريقة احسسك بيها أنـتَ أنثى شلون تحب ؟
أنسام : تحاجيني مثل البنات
هز رأسة بـ أي
لـهيب : تدلل ، نرجع وين جَنه نحجي
گلبت عيوني بملل مامنه
أي فايدة
لـهيب :- أي مرة جَنت شايلك
وضليت تهوس
؏َ الطوبة وماجان عَندي فلوس أنـتَ جَنت حباب محجيت بس اني ضلت بالي
رحَت اشتغلت واشتريتلك
أبتسم حط أيده ؏َ المخدة وسند رأسة ؏َ عگسة ڪال وهو مبتسم بـ سعادة :- بيومها
حَيل فرحتي حتى بوس بستيني
ضحكت أباوع ؏َ صورة والإبتسامة شارگة حلكي من الطول لـ طول
ڪلت : تريد الصراحة اني ماتذكر
أيشي من الي حَجيته بس أتذكر من جَنت صغيرة جان عندي طوبة أحبها ومرة
بابا طلع شافني إني وأنهار نلعب بيها جَان معصب فشها بالسچينة وشمرها
بيومها بجيت بجي مال وحَدة ميته أمها
جَنت أحجي ومندمجة عيوني ؏َ الصورة مركزة ؏َ تفاصيلها التفت
لكيته صافن عليـة ومبتسم لـ ابتسامتي
بلعت ريگي بـ توتر نظراتة
غريبة ڪلت : عادي أخذها
بحركـة سريعة منـه سحبها من أيدي وهز برأسة بـ معنى لا بوزت شفايفي ڪعد
ولطش رأسي قوي نيمني ؏َ رجلة فتح قراصتي بدة يلعب بـ شعري
رفعت عيوني الـة
أنسام : حَتسولف ؏َ حياتك
لـهيب - أي
أنسام : مو ماكدر أركز صوت
صياحهم جوه
مُزعج
رفعلي حاجبة
لـهيب : مضوجك ولك الزقچ
هزيت رأسي بـ أي مرات مُتتاليـة شال رأسي عن رجلة فتح الباب وصَاح صوت :- صوتتتتتتجننننننننننن .
اختفى الصوت خَلي أكون واقعية من صوتة حتى أني انخلست ڪعدت مثل
العاقلة انتظرة ڪلت :- همه ليش يخافون منك هيج؟
لـهيب : هسه اسولفلج
رجعت نمَت ؏َ رجلة يمشي اصابيعة بين شعري أيده تمسح ؏َ رأسي بـ حنية
بديت أستمع الـة وهو يسرد حَياتة
لـهيب :- نوعاً ما جَانت حياتي عن روتين
طول الفترة الي راحَت أكعد اسولف وية أمي أباوع ؏َ الولد اتمنى العب واتحسر
أكل أنام والاختلاف الوحيـد الي يصير هو أبوي بين الحين والآخر من تترس
أذنة سوالف مُره يهد يگتلني
زفرت نــفس بقلة حيلـــة
ڪمت ڪعدت صوب أمي وهي تعجن العجينة تسوي كيكة ڪلت امهدلها
الموضوع :- هي شني وين صايرة
هاي ماتستحين
ماتخجلين
رفعت حواجبها خازرتني
غمزتلها وأردفت مكمل : وين أكو كيكة تسوي كيكة
استحت غطت روحها بالحجاب
مالتها وتضحك
ركزت ؏َ ملامح أمي جَانت عراقية بحَته سمرة وسمارها يخبل العيون
وسيعة ومگحلة والدگه مالتها الي اموتن عليها
لـهيب : يُمه
- وطمه انه أدري هذا
الغزل ورة مصيبة الغي طرگاعة طاحَت ؏َ رأسك
لـهيب : يوووو يُمة هسه
انه شگايل وأكلتيني بگشوري
عوچت حلكها ڪالت :- دفضها يبزر بطني
چني ماعرفك
لـهيب : يمه ليش ماتجيبيلي فريخة
صغيرة أخت الي
حَدقت بية بـ جمود ڪامت بهدوء أنه ڪل ظني اقتنعت بسالفة راحت غسلت أيدها
ڪلت بصوت عالي :- هاي يمه
ڪونج دشت السالفة بعقلج؟
ماشوفها إلى وتطلع وبيدها الچفچير تركض وراي تريد تطگني وأنه أصيح
: اتغشمررر اتغشمررر ماريييدن
فتحت باب البيت انرگعت بشي لكيته أخوي هِشام واكف يدخن ويعاين عليه
احتميت بـ ظهرة أمي من شافته سكتت ڪالت :- ها يُمة هويشم شلونك
شلونها أميمتك الشيخ خوما بي شي
لزم رأسي يمسح ؏َ شعري
ڪال :- لا حجية ، اجيت اشوف
لهيب اشتاقيتله
خيرة خوما مسوي مگسورة
ضحكت بفشلة ڪالت : لا يمة هيج
سالفة
جَنت معصب منها مديت رأسي ڪلت : ڪِلشي مامسوي ڪتلها اريدن
أخت شلون ذيج البنية بت صاحبك
ماترضى تجيبلي أخت
أمي صارت حَمرة طماطة وهشام گفخني يسحبني وراه وأنه أحاول اتملص
من قبضة أيده بس ماكو مفر
اخذني ؏َ مكان وحدنــا ڪعد وكعدني يمة
لـهيب : وهرش شچاگ
گسرتها لـ أيدي
هِشام :- گرونك لمعهن
لـهيب : شني
هِشام :- ولك صرت رجال
شگدك شگبرك تحاجي أمك تكلها خلفيلي ماتستحي شلون تفتح وياها هيج
موضوع
لـهيب : مابيها شي ليش
تكبرون الموضوع ؟
ضربني ؏َ رأسي حيل ڪعد يسولفلي ؏َ زواج والعرس وشلون المرأة تحمل
بالطفل
أعصابي فارت گورت قبضة أيدي
صدري يصعد وينزل
ڪمت شلت طابوگه هديت ؏َ هِشام اضربة ڪونة أقوى وأكبر مني ڪدر يلزمني
من أيدي الي رافعها حَتى اضربة بيها ..
لـهيب : أحترم نفسك
أمي شريفة تسواك وتسوه الصخلة أمك
أمي ماتسوي هيج
سوالف عيب هاي أمك تسويهن
التفت اليـة سحب نَــفس من الجگارة ونفثة ڪال وهو مقلص عيونة صافن
علية :- چا أنـتَ منين اجيت
من زَرف الحايط؟؟
دفرته بـ رجلي قوي عطت بصوت عالي
: اميييييي ماتسووووييي
هيج هساع رايح اسئلها
لزمني من ياخة الدشداشة جنت لابسها فرحان بيها بيضة صارت ڪلها
طين وصخ رفعني عن الگاع كفخني ؏َ رأسي ڪال :- گرونك گرونك
لمعهن گبل لتروح
ارافس بأيده أريده يهدني وهو رافعني عن الگاع جنت طاير
رجعني للبيت وقبل لا أدخل
دنگ عليــة ڪال :- لهيب ميصير تحجي
وية أمك بهيج سوالف
عيب !
خزرتة وعگدت حواجبي
لـهيب : ليش مو هي أمي
ضربني راشدي سطرني سطر
هِشام : انجب مو ڪِلشي ينحجي
لتصير ثور
دفعت أيده عني دخَلت للبيت
أعصاب ماتحاجـة شفت أمي خزرتها رحت بالغرفة أدور ؏َ سبحة
صرت افتر بالبيت واسبح وكل شوي
صايح :- استغفر الله استغفر الله
لأن ماجَنت أعرف بس هيَ
أمي تباوعلي من فوگ ليجوة ممقتنعة بية صار اليلل وبطني صارت تزقزق من الجوع
بس اهمشي ڪرامتي
ماتنازلت ورحَت لأن زعلان
- تعال تسمم
: ماريد روحي
احجي وأشر بسبحة ومغمض
عيوني علساس عايش أجواء روحيـة أردد
" استغفر الله استغفر الله
عوجت حلگها وعافتني جَانت أمي تنام بـ سبعة ضبط مديت رأسي
شفت مالها حَس بلعت ريگي
طفرت للمطبخ طَلعت الأكل صرت أكل مثل المفجوع بثنين ادية حلگي ترسته
ترس
التفت أريد مي لكيتها واكفة
بالباب تباوعلي وتضحك من الصدمة ضلت اللگمه واكفة بزردومي حلگي
متروس أكل واباوعلها خَربانه ضحك عليها
راحَت وهي تهز بأيدها شربت مي ورجعت ڪاعد يم الباب خَاف أبوي
يدخل
طَلعت من الغرفة ڪالت :- لهيب تعال
نطمر
خزرتها ودرت وجهي ڪلت بثگل : مانام اليوم
اضل سهران للتسعة ونص
خاف عبالج حطيها ترچية بأذنج
باوعتلي بأستهزاء وطبت هيَ صارت
بـ سبعة ونص أنه نمت ؏َ روحـي فزيت عليها وهي تكعدني
: ڪوم يمة ڪوم للغرفة
خزرتها دفعت أيدها مثل الاثول افتر بالغرف أدور خاف فات أبوي آخر شي
زهگت من لزمتني گتلني گتل جنزتني ونمت مثل الحباب ..
غطيت راسي بالمخَدة أضحك بشكل
هستيري وهو
صافن عليـه مبتسم
أنسام : لهيب حَ مووووووت
ليش جَنت اثول
شال المخَدة ركعني بيها خفيق ڪال :- نجب ولك عيب أنه أكبر منك .
ڪل شوي أسكت أنوب ارجع انفجر
اضحك وهو حاط أيده ؏َ عيونة مبتسـم
لـهيب : تسكتين لو أبطل ماحجي!
أشرت بحلگي بمعنى
حسكت وماحجي رجعت نايمة ؏َ رجلة وحاطة أيدي ؏َ حلگي أكتم صوت ضحكاتي
لـهيب : أسكتي ولج
سحَب نفس عميق ڪال :- بيوم من الأيام
صَدفت ڪعدت قبل
أمي استغليتها فرصة رحت فتحت الباب ردت اتسلل بدون عَلمها
بمُجرد ما فَتحت الباب صار ڪدام عيوني طفل صغير ضعيف حاضن رضيعة
بحُضنة لامها قـوي لصدرة ڪاعد بالگاع مغمض عيونة يم رجَلهم
ورقة صغيرة
فتح عيونة الولد خَزرني بحَده ضم أخته لـ صدرة قوي عيونة تريد
تفترسني
انفتحت باب غرفة أمي طَلعت مخترعة تدور عليه سحبتني قوي
شافتهم وعگدت حواجبهم
- منين أنتو يُمه
مارد عليها الولد والبنية ڪعدت تبجي وهو يهز بيها يريد يسگتها
- جيبها يُمة اسكتها
خزرها وابتعد شلت الورقة ڪلتلها : يُمه شوفي هاي شني
ضربتني ؏َ رأسي تأففات بضجر الرايح والجاي يگفخني صاير مگفخة
- امشي روح صيح أخيك
يقراها الـنة
ماصدگت گضيت نعالي وركضت عليـه
دخلت لكيتها
مدخلتهم للبيت وماخذتها بحضنها تسكته سحب هِشام الورقة قراها
ذب حَــسرة وڪال :- ولد اخوج
رايح وعايفهم
حَدقت أمي بيهم بصمت بلعت ريگها دمعت عيونها وهي تمسح ؏َ خَد
الطفلة وذاك ڪاعد بزاوية يخوزر
هِشام : لهيب چبير
ليش مامدخلي مدرسة
رفعت رأسها أمي والدموع تلالي بعيونها
- يا يمة صدك
واشوفن أبني يعرف يقرة ويكتب
هز رأسة هِشام أبتسم الها بلطف صحيح جَنت متأخر سنة بس لحگ هِشام
يسجَلني قبل لا تبدي المَدارس ..
أنســام :- ندگت الباب توقف عن الكلام
شلت رأسي عن حَجره
نهض فتحها ماعرف منو جَان بس بعدها لبس وطلع مستعجل
ڪال قبل لا يطلع :- من أرجع
نكمل ..
حجاها وأبتسملي رديت الإبتسامة ڪمت رأساً سديت الباب وخليت القفل
بيها ماثق بيهن بعَد هذني
طلعت تلفوني دگيت ؏َ أنهار مرة
مرتين مجَاوبت
حطيته ؏َ جَنب أفكر بحياتي وشنو راح يصير بالمستقبل والسؤال
الي ڪان دائما يراودني طَوال هاي الفترة أم لهيب وين؟ مابيوم سمعت عنها
شي لا عرفت بيتها وين مكانها أي شي عنها غير إلي يسولفه الي هَسه
زفرت نــفس بقلة حيلـــة
الملل گتلني ڪلشي ماعرف بتلفون مخليته حَتى بس اخابر ماجَنت
مثل بنات وگتي البس وأكشخ
واحمل واعرف سوالف التلفون جَنت معتگفة حياتي ڪلها مگرستها لـ إخواني
وشغلي ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنــهار :- فزيت مخترعة ؏َ اثر ضرب ؏َ الباب بطريقة هَمجية جانت نوران
نايمة بحضني فتحت عيونها
والنعاس متغلب عليها متكدر تركز
غطيتها زَين توجهت فتحت
الباب صارت بوجهي
صبرية گلبت عيوني بملل ڪلت :- أخ
لو مصبحة بوجهه عثمان
ولا وجهج البومة ولو هو ثنينكم فگر
دفعتني من أيدي قوي صاحت
بصوت عالي : قيسسس ويييين
أصهب وييين
عوجت حلگي
أنهار : عليج العباس
مكعدتني من الصبح ؟ علمود تسئلين
؏َ ابنج
التفت الية خازرتني وعيونها
تجدح نار ڪالت :- لا تلعبين وياي
نصيحة لأن إذا
حطيتج بعقلي أفنيج !!
حَدقت بيها بصمت لفترة
طويلة رفعت أيدي وصرت اسوي نفسي ارجف وخايفة هي عگدت
حواجبها مستغربة حركتي طگيتها بضحكة ؏َ منظرها تقربت
منها
همست وإني بأصبعي ادفعها
من ڪتفها مرة ورة مرة :- أنـتِ الي ديربالج
إني مو أنسام
وأسكت إني محد يلوي ذراعي
إني احرگ الأيد إلي فكرت تلويني ..
ضحكت بأستهزاء طلعت اعصابها نار مجَان أكو احد بالبيت بس إني ودق
ونوران والولد طالعين رجعت شعري ليورة
زفرت نــفس بنفاذ صبر
راحت نومتي من ورة وحَدة
استغفر الله هسه أحجي حجايــة رحت ؏َ تلفوني لگيته داك عليه
أكثر من مرة
سحبت نَــفس بعمق
رجعت دكيت عليه حطيت التلفون ؏َ أذني
انتظرة يرد ما تأخر رأساً
فتح خَط حمحم ڪال :- صباح الخير
حضرة القاضي
أنهار : صباح النور
بسرعة أحجي شعندك عندي مشاغيل
سَمعته يذب حَــسرة
سكت شوي بعدها ڪال :- إذا اسولفلج ڪِلشي ترجعين؟
عگدت حواجبي بأستغراب وإني
اهز برجلي
ڪلت : شنو قصدك بـ ڪِلشي
عُثمان :- أنهار والله
تعبت انه شاريج يابت الناس اريدج
احبج احتاجج بحياتي!!
ليش ماتفهميني
گلبت عيوني بملل تأففات بضجر
أنهار : اوو نفس الحجي
عُثمان نفسة ڪل يوم؟
عُثمان :- لمعلوماتج
ڪاعد تچفصين هواي وساكت ومتحملج
شبيج تخبلتي ؟
حجيت وإني محترگ دمي
أنهار : شسوووي يعني شسسسوي
ماكدر انسى ڪلامك
الها وشلون تريد ترجعها حتى مانتظرت
يوم يومين بيوم عرسييي !!!
إسمع يضرب ؏َ شي بس ماعرف شنو
نزل فشار دوسة ونص
؏َ عُمر ولهيب ساعة ؏َ هذا وساعة لذاك
أخير شي صاح
بصوت عالي :- اررييييد أعرف
ليالييي بتتييي لوو لااا ارتاحيتييييي ..
هو نطقها واني جَمد الدم بعروگي
جانت روحـي
محترگة من الصدمة صفنت صرت ارمش بعيوني ممستوعبة هو ساكت
وإني ساكته
أسمعه يتنفس بصوت عالي
ويستغفر
السبـع :- بت الكو** جَانت
؏َ ذمتي وتنام وية غيري أريد الگفه
أريد اشوفة المن** فص ملح وذاب ماللله اثررر صار سنين عايش بلوعة اتخيلها
مو بنتي وساعة أكول مستحيل اكيد
بنتي وهاي انه عايش بدوامة من الأفكار ضاگت بية السبل ڪلت ارجع أحاول
وياها بـ الين بلكت تقنع تسولف
أنهار : ليش تزوجتك
السبـع - علمود الخرا الفلوس
تموت ؏َ الفلوس ربها دين الفلوس والن** ڪلها حبتها إلى انه هو هذا حظي الكوا**
صدري يصعد وينزل مامستوعبة
ڪلامة
أنهار : ڪول جَذب واصالحك
ڪال بقهر وصوتة ضعيف
السبـع :- وروحة لـ أبوي مو چذب
ڪلت بتردد
أنهار : عُثمان إذا طلعت
مو بتك شتسوي؟
سكت عم الهدوء أرجاء المكان بس صوت أنفاسنا تنسمع ذب حَــسرة وڪال :- صار
سنين أدور جواب لهذا
السؤال اغشم بروحي واكول الله ڪريم
ضحك وصوتة بي غَصة
عُثمان :- مرات أتمنى ما أوصل
الـه أخاف تطلع
مو بنتي ، أحبها روحـي هاي حُبها نزرع بگلبي عشت لخاطرها بوگت جَانت
الموت ڪدامي وإني أتمناه بس لخاطرها
عَشت
سكت شوي بعدها أردف مڪمل :- عن شعور الخيبة
الي راح اعيشها ساعتها
شلون ممكن غلطة من شخص غبي تهَدم حياة إنسان
إني احتاج ليالي ، ليالي بنتي
بغض النظر أن ڪانت فعلاً بنتي أو لا إني ماكدر بدونها إني إنسان متروس خَيبات
ماوصلت لهنا بسهولة ، هاي الصلابة دفعتها ثمنها غالي ..
سمعت صوته يشهگ حطيت
أيدي ؏َ حلگي
مصدومة منة مَاجنت أتوقع عنده هلكم الهائل من المشاعر لـ بنتة شخصيته
ماتعگس هيج
عُثمان :- أنه السبـع إلي يم طاريها أنهار ..
أبتسمت ردت الطف الجو
عليـه : حَتى بهاي إسم حاشرة
روحة وياكــم
مارد عليه إسمعة يتحرك بعشوائية
ماعَرف
شيسوي بعدها ڪال :- اجيبها الج
تريد تشوفج؟
أنهار : ايييي ، اشتاقيتلها .
نهيت الخَط وياه صفنت بالفراغ أفكر من جَان يحجي جـانت مشاعرة
صادقة رفعت رأسي للسگف أفكر هو ماستحه من صار يبجي ڪدامي ، معقولة
ڪلامة صدك ويطلع يحبني ؟..
ڪعدت ودق تفرگ بعيونها
باوعت عليــة وكالت :- صباح الخير
أنهار : هلا صباح النور
ودق :- وين الولد شو ماكو
رفعو أكتافي بمعنى ماعرف
: مَــادري ڪعدت لكيتهم ماكو
هزت رأسها بـ أي دخَلت للحمام سبحت
تأخرت طلعت لكيت
نوران ڪاعد تقرة ڪم يوم يفصلنا عن امتحانات نصف السنة ذبيت حَـــسرة
دخلت للغرفة انشف شعري
صار التلفون ڪدام عيني شفت أنسام داكه أكثر من مرة شلته
أتصلت عليها
أنسام : هلاو
أنهار : وجع ، هاي
شكد تتنعوصين أنسام غدي
أنسام : شو أنـتِ ماتحترمين
أنهار : لا صدك والله هو صوتج
حَلو بس
بي هيج خيط مال نعوصة مدري أنـتِ تسويها
أنسام : هاي أنـتِ عود أختي
شخليني للغريب؟
عوجت حلگي فكرت اسولفلها ؏َ الموضوع بعدين ڪلت وأن يكن يظل
رجلي حَتى عيب اسولف اسرارنه
أنهار : اكلج
- هَمم .
: عُثمان حاجاني أعتذر
يريدني أرجع ، شدوس إني بهاي الحالـة ؟
أنسام : أنـتِ شتردين
تحسي اتندم بعَد ميسويها؟
أنهار : مَــادري أنسام
بس بعدني شايلة بگلبي من موقفة
صحيح أني خَلصت
حياتي ضرب بـ ضرب بس هو يختلف مَــادري ليش
أنسام : هو هَاي أول مرة تزعَلين
عليه المفروض
صارت الـه چرة إذن ولهيب داس بالحچي وياه
هَلمره رجـعي وشوفي ماتغير
إني بأيدي أجي اخذج واطلگج منـه ..
رفعت حواجبي وإني اضحك
أنهار : انووووب أنـتِ تأخذيني
اسكتي حتى يضرب رأس بـ رأس
أنسام : مو شوفي مو إني الي اجي
لـهيب يعني
أنهار : أها أها خوش خوش
متطورين
أنسام : نوران وين
طگيتها بـضحكه بصوت عالي ڪالت :- وجع شبيج
أنهار : خوش تغيرين الموضوع
حجينه شوي وسولفت وية نوران وقفلت الخَط وصلتني رسالـة منـة
" العصر اجيبها الج حَتى
اطلعجن "
شفتها ومارديت خَلص اليوم مَــادري شلون لا قيس ولا أصهب الهم حَس
لا شفناهم ولا سمعنا عنهم خَبر
واكفة ڪدام المراية مقلصة عيوني
أباوع ؏َ ملابسي
سحبت نَــفس بعمق ڪلت :- مابيهن شي مُحتشمات خوش خوش
دگ تلفوني مارديت رفضته سحَبت
الجنطة ونزلت ؏َ سريـع لكيت السيارة واكفة ڪدام باب البيت أبتسمت
توجهت فتحت الباب لكيته ليالي ڪاعدة ولابسة فستان يجنن طالعة
تخبل
شلتها أبوس بيها وأشم نزل نظارته يباوع النا حضنتني بأيديها ثنينهم
رفعت رأسها من حَضني دخلت للسيارة ڪعدت بدت السيارة تتحرك
وهيَ تسولف
حَدقت بيه برائة ڪالت :- اني وياج
مو أصدقاء بعد
عگدت حواجبي بأستغراب
أنهار : ياا ليش
هزت رأسها بـ حسافة ڪالت :- بابا يكول
مامي بربروگة منحبها بعد
هيَ نطقتها وهو داس بريك قوي وإني أبتسم بأصطناع التفت
اليـة بلل شفته وأبتسم
أنهار : شكال بابا بعد؟
ليالي : امم
حطت ايدها جوه حنگها تفكر بصمت
أبتسمت رجعت حضنتني
تبوس بوجهي ڪالت :- بابي ڪال من تسوفين مامي بوسيها وحَضنيها
لأن أنـتِ متخلي
بعدها أبتعدت وضربتني براحة أيدها
ليالي : ترااا أحب بابي
لضوجين بابيييي
أنهار : بابي ضوجني إني معليه
ضربي الـة
لزمت رأسها قوي تتأفف ڪالت :- يووو تعبتوني راح اكول لعمو كليل يضربكم
حجاها وطنگرت مدت بوزها أبتسمت
؏َ سوالفها شكد حَلوه
التفت الـه جَان لابس أسود بأسود بلعت ريگي صديت عيوني عنه
أباوع ؏َ جامـة
أنهار : وين رايحين؟
السبـع : لمدينة الألعاب
سكتت مجاوبت وصلنا وليالي لازمة أيدي وايد أبوها وتتمشى فرحانــة
راح أبوها يجيب إلها تذكرة حَتى تلعب
أشرتلي بأيدها حتى أنزل
لمستواها
دنگت مبتسمة صافنة
؏َ ملامحها البريئة لزمت أيدي بهدوء ڪالت :- مامي لاتروحين وتعوفينا بعد
إني احبج واحب بابي هواي
حيل هواي
رفعت أيدها فاتحتهم تشرح مَدى حُبها بطريقة طفولي خلت الفراشات
ترفرف بگــلبي أردفت مكملة :- أفرح
من تصيرون يمي
تقرب طبعت بوسة رقيقة ؏َ خدي اجه أبوها لزمها من أيدها يلاعبها
صعدت تلعب بلعبة من الألعاب ڪعدنا ڪدام اللعبة نباوع إلها
عيوني تلمع إني وأشوفها وهي
تأشر بايدها النا
بمعنى هاي
السبـع :- تقرين؟
أنهار : التاريخ شگني شگ
تنهد بضيق ڪال وهو يحدق بية :- شوكت أنه ..
التفت الـة ارمش بعيوني ممستوعبة
ڪلامة ضحك
؏َ ردة فعلي كرص خدي وباس أيده استمرينا ؏َ هلحال نباوع الها وهي تلعب وفرحانــة
فتحت باب السيارة ڪعدت تعبانة
وهي من التعب نامت
بس افتر وراها تراويني هاي وتريد هاي وتلعب بذيج رجلية راحت من الفرارة
نايمة بحضني داخله بسُبات
عَميق متحس لو تنفچر قنبلة يمها صعد بالسيارة باوع الها بحُب
السبـع : هسه .
أنهار :- شنو
السبـع : ماناوي تفگيها وترجعين
مو بس ڪرامتي
انسحلت حَتى شواربي
طگيتها بضحكة خزرني ؏َ صوت ضحكتي
أنهار : عُثمان أتذكر
من سئلتني أنسام شحبيتي ڪتلها شواربة
السبـع :- أم الطليان
فتحت عيوني خَزرته ڪلت : شقصدك ترا
اليوم حَلو ليش تذكرني
بيها وتقهرني ..
السبـع : اهووو يحچاية
رجعي لـ مكانج
أنهار : عُثمان
السبـع :- ها يط**
أنهار : عُثممممممممممممان
شهلالفاظ السززز
طگها بضحكة زرفت أذني هو يضحك ومتونس وإني محترگ دمي زعلت درت
وجهي ڪلت :- والله ردت
ارجع بس هسه بطلت يلا رجعني لـ أختي
التفت اليـة ڪال : أنهار والعباس
ماعرف اصير رومانسي
شسوي هاي رومانسيتي وية جماعتي وهمه يحبوها
شديت ؏َ قبضة أيدي بـعصبية
أحس عيوني حينطن من مكانهن
أنهار : وانييييي مثلللل جماعتككك؟؟؟
عُثمان : لا والله احبج
أكثر من عُمر تخيلي
رمشت بعيوني ممستوعبـة صفنت ؏َ الجامة أحاول أكبت عصبيتي واقنع
نفسي هو فعلاً مايعرف تمنيت
لو يسكت ومايحجي
عُثمان :- ليش سكتي
ليش اجذب عليج بالبداية جَنت حاسبج مثل عُمر أحبكم نفس الحُب
بس هَسه أنـتِ أعز وداعت سمار خَدودج .
سحبت نَــفس بعمق أبتسمت
بللت شفتي
أنهار : عُثمان أسكت حبيبي
داس بريك قوي حضنت ليالي قوي
خَفت لا تطيح من أيدي
غمضت عيوني السيارات الورانة تدگ هورن وهو صافن فتح
باب السيارة نزل سجد بالگاع وإني صافنة عليه
وأهل السيارات شبعو مسبة وغلط
وهو بعالم ثانَي رجع صعد باوعلي مبتسم ڪال :- رحم الله والديك ياعلي إبن أبي
طالب ماقصر ابوالحَسنين
الطريق ڪله يصيح
اللهم صل على محمد وال محمد واني گوة لازمة روحـي ماضحك حَتى
لا يحس لِنت وياه
ماحَس إلى وكفت السيارة ڪدام بيتهم
خزرته وكلت :- عُثمان
رجعني لبيتي .
زفر نفس يباوعلي صافن بوجهي
السبـع :- أسمي عثمان من عوثمان
لا تجريها لا اغتصبج هنا
لطمت ؏َ خدودي بنفاذ صبر
أنهار : وتاللللليييييي !!
السبـع : امشي خلي ننزل
ونعيش حياتنا
مثل الأوادم شبيج نحسة بابا
أنهار : عُثمان عفية مو وكت سخافتك
رجعني ڪتلني التعب
السبـع :- يلا بس اليـوم
لخاطري
أنهار : هيج واثق عندك
خاطر عندي ؟
ماكدر اعوف نوران وحَدها بالبيت
السبـع : والبنية الي ڪاعده
وياها !
أنهار : تخَاف بدوني
ميل رأسة زمَ شفته ڪاتم
ضحكته ڪال :- أنه هم أخاف
بدونج
أنهار : يااااا
فتح باب السيارة تقدم ؏َ مقعدي شالها من أيدي دخـلها تمغطت جسمي
مگسر انتظرتة يجي ماكو مَرت فترة
طويلة من دخل
بالشارع وحَدي فتحت الباب رحت للداخل
اصيحـة يرجعني بمُجرد
ما فتحت الباب الخارجية مديت رأسي أنسحبت صرخت بـ فزع
أنهار : ييييُممممه
شالني وهو يهمس :- اشش لا تكعديهم
بروح أمج
شايلني ؏َ ظهرة وإني ارافس أريد
انزل وأيده محاوطتني قوي عضيته من چتفة قوي اريده يبتعــد
عني صرخ بوجع :- خرا بابوج مو هيج
صعد بسرعة ؏َ الدرج رُغم وزني مو خَفيف أبد بس ماعرف شلون شمرني ؏َ سرير
أبتسم بـنصر باوعتله بقرف نهضت واكفة رفعت إصبعي بتحذير
أنهار : لااا تفكررر ديربالك
وينها المزهرية انيمها برأسك من جَديد
الخايس الاجلح
ضحك ؏َ سوالفي والسعادة واضحة ؏َ ملامحـة قفل الباب جحظت عيوني
بدة الخوف يتسلل لداخلي ڪلت وصوتي يهتز : عُثمان رجعني لا تسوي شي والله
اكرهك بزايييد !
رفع أيده بأستسلام ڪال :- ماغصبج
أنهار إذا تخافين
ومتتجاوبين وياي اتركج
صوت أنفاسي صار عالي
دگات گـــلبي تسارعت والخوف دب بجسمي نزلت من الجرباية رجعت ليورة
انهار :- عُثمان حباب
بطل هاي سوالفك وطلعني والله
أخاف ماريد گـلبي ديأذيني
ڪل شوي يقترب مني وهو
رافع أيده وإني
حَتى بجي بجيت من شافني ابجي سحبني لحضنة يمسح ؏َ رأسي بـ حَنية
تنفس براحــة بعد ما صَرت
بحضنة
حضني قوي گسر ضلوعي واني اشاهگ اريده يبتعد عني خَايفة منه
عُثمان : تَنفرين مني؟
أنهار : أخاف ..
ماكدر أثق بيك بعَد ڪل الي صار
تريدني اسلم روحي الك شنو يثبت هَذا مو شهوة ؟
ضغط ؏َ خصري بقوة من نطقتها
أبتعد عني صفنت
بعيوني ڪلت : شنو ؟
عُثمان : تريدين ترجعين هسه
ارجعج لتخافين
حجاها ومَسح ؏َ رأسي بـ حنية
ڪلت بسرعـة : أريد أروح للحمام بالأول
هز رأسة بـ أي
بمُجرد ما دخلت طلعت تلفوني دگيت
؏َ أنسام أعصابي
تالفة أحس حنفجر ردت مانطيتها مجال تحجي رأساً ڪلت :- يريد يتمم زواجنا
شسوي؟
شهگت بصوت عالي
أنسام : أنهار بعدددج بنية؟
صوت أنفاسي مُضطربة أحس من ڪد التوتر والخَوف الي عشتهن
رجلية صارت خيوط ماعندي حيل ستندت ؏َ الحايط احجي وياها
انهار :- شسوي هسه ؟
أنسام : حَرام عليج هيج
تحصلين ذنب ، أنهار أسئلج سؤال
ليش زواجكم لسة مكامل شصاير ..
رادت تحجي سكتت سمعت صوت لهيب يحجي وياها رأساً سديت الخَط
راح أخاطر وأجازف مَرة وحدة شنو ممكن يصير
ولأن ساعتها ڪانت عقليتي عقلية
طفلة تنجرف ورة مشاعرها مافكرت بالعواقب أو النتائج إلي ممكن تلحگني
بسبب الي راح اسوي ..
طلعت من الحَمام جان ڪاعد يباوع بتلفونة مدنگ عيونة رفع رأسة اليـة
أبتسم أشر برأسة بمعنى يلا
قبل لا يطلع لزمته من معصم أيده
أندار عليه وكفت ؏َ أطراف أصابيعي
رافعة نفسي حَتى
أوصل لـ طولة قربت شفايفي ؏َ شفايفة غمضت عيوني صحيح ماجَنت أعرف شسوي
لو شكول بس هو من حَس بملمس شفايفي رأساً سحَب رأسي عليـه يقبلني بقسوة
أيد ورة رأسي وأيده الثانية ؏َ خصري ڪان ينتظرها مثل المتلهف
ڪل شوي يبتعد عني ويرجع يبوسني من جَديد من يحس انقطع الأوكسجين
عني يبتعد
مَــادري شوكت لو شلون جَردني من ملابسي صرت تحت أيده يتحكم بية ؏َ ڪيفة
وبمزاجـة برغم الخَوف الي ڪان مزروع بداخلي منه والرجفة الي جَانت
مسيطرة ؏َ جَسمي ڪدر بتصرفاتة وحركاته يمتصهن مني ڪدر ينسيني ڪل
شي ڪنت ابادلة ؏َ أمل أنو فعلاً نعيش حياة سعيدة بعيدة عن المشاكل ..
أبتعد عني يطبع قُبل ؏َ وجهي بعشوائية وإني مغمضة عيوني ڪال :- مو اكلج
بربوك أختج خطية هسه خايفة
يحجي ويضحك يحاول يبعد الخجل عني زفرت نــفس ڪلت :- وخر يلا تندمت
راح ابجي
ضحك ؏َ حجايته سحبني لحضنه ڪال :- غمضي عينج هسه تنامين وتنسين
ڪِلشي
انهار : الله ياخذك
إن شاءلله إذا گسرتني
عُثمان :- بربوك تكدرين تبطلين
تفاولين عليه
وتنامين ؟
أنهار : اكلك تقبل هسه افشر عليك
عُثمان :- فشري حتى ارجع
ابوسج ونرجع لنفس السوالف
حجاها وغمزلي دفعت وجهه بأيدي قوي ضامه رأسي بالمخَدة ماعرف
الي سويته صح أو غَلط نَمت مرتاحـة
صحيح ظَل بالي يم نوران رفعت عيوني من المخدة لكيته يباوعلي مبتسم
بعدني ماكدر أميز مشاعرة هل هو فعلاً يحبني يستاهل أنو سلمته نفسي؟
بدة جسمي يخدر استسلمت للنوم أحس بي ڪل شوي يبوسني لو يمسح ؏َ شعري
وارجع أغفى ..
فتحت عيوني متكاسلة لأن الشمس
بوجهي غطيت روحـي
بالغطـه أحاول أبعدها عني رفعت رأسي مجان موجود بس إني تأففات بضجر
ڪمت نظفت المكان دخَلت
غسلت وهو بعده ماكو نشفت شعري اباوعله وأبتسم بحُب ماگصيته لأن ماكرهته
ندكت باب الغرفة
فتحتها صارت زهور بوجهي گــلبي وجعني أستغفرت ربي ناقصني شعلان گلب
إني من الصباحيات
أنهار : شفوتج أنـتِ ؟
زهور : والله حُبي بيت
أبو بنتي أدخل شوكت مايعجبني
أنهار :- ولي من وجهي
لا اسطرج راشدي حليب امج انسيجيا وعلي
أبتسمت بحقارة فتحت تلفونها مدري
شتدور حَطته
ڪدام وجهي عگدت حواجبي تنهدت بضيق سحبته من أيدها
جانت صبا واكفة وراها هي إلي دخلتها
واضح جانت مُحادثة
الها ولـ عُثمان
اختل توازني احس معدتي گلبت صوت أنفاسي صار مسموع بلعت ريگي
والدموع تجمعت بعيني وإني اشوفة
ڪاعد يسولف وياها بليل البارحــة بالوكت الي جَنت إني نايمة بي
:- حَجيه جان بارد وياها
يرد ڪلمة لو ڪِلمتين بس حرگني
أحس نيران الدنيا ڪِلها شبت بصدري
انختتمت المُحادثه بسؤالها
" ترجعي
رد بـ أي
ڪالت وزوجتك
لتتدخلين موضوعها يمي .
سحبت نفس بعمق صرت اغلط ؏َ روحـي ماحس الى انسحبت من ڪدامي شفته
واكف يباوعلي وعيونة محاوطها الخوف دخل قفل الباب
عُثمان : لا أنهار لا
لاتصدكين مو ڪتلج چذبي عيونج
وثقي بي بس لتتسرعين بالحكم
اعصابي تفور أيدية ترجف بطريقة تخوف دفعتة قوي عنه صحَت وإني
گازة ؏َ سنوني : وخررررر لاتقترب
لا تلمسني
ماعرف شسوي أحس بگلبي ينهش بصدري
يريد يطلع من الوجع
ضغطت ؏َ أيدي صوت شهگاتي تعالت
وهو حَار شلون يهديني
خايف مني وعليـه يريد
يلزمني بس يعرف راح أصرخ
تقرب عليه ڪِلش جَنت أبجي منهارة بصوت عالي ضربته ؏َ صدرة بأثنين أدية
صحَت بصوت عالي :- گسررررتنيييي گسرررتنييي ...
- ريحة غَريب وياك تفتر
أول وتالي الخَان يعثر
شماله الملح وياك قصر
وية الغريب بساع غزر ..
يتبـع ..
الحكــاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حَبايب ردت أنشر هنا صورة أنسام من ڪانت طفلة إلي محتفظ بيها لهيب
لكن الشبكة ماتسمح وإني ماريد أتأخر عليكم
بالتنزيل
لهذا حَنشرها ؏َ حسابي بالانستا
وبالتلي وإذا صارت انشرها بالبارت الجاي ؏َ الواتباد 🫂💙.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!