#أنسام_اللهيب
بقلمي أنا زينب خالـد
حبايبي علقو بين الفقرات هواييي ترسو
تعليقات وصوتو حگ تعبي
ولكم 🙈🔪🔪🔪 + تابعـــو حسابي بالواتباد
انتقو مُفرداتكم بأنتقاد
الشخصيات ♥️.
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنــسام : سحَبت نفس
أحس ريتي انترست من عطرة
فتحت عيوني بهدوء لگيت نفسي داحسة
رأسي بـ رگبته وهو نايم
ومحاوط خصري بأيده
بلعت ريگي بـ فشلة غمضت
عيوني ورجعت لوضعيتي نفسها اغم
بروحـي تذكرت
ڪلامة أخير مــرة من ڪال احجي وإني نايمة
حَاولت اتحرك حتى اتحرر
من قبضة أيده
بس جان لازمني بأحكام ماكو مَهرب
حس ؏َ حركتي عگد حواجبة بـ غضب ڪال وبحة النوم واضحة بـ صوتة : لتحوصين
من الصباحيات
خَلينا نايمين بت الأوادم
رفعت رأسي الــة مغمض عيونــة ويحجي
گلب روحة نيمني ؏َ صدرة
لازم گتفي بأيده
أنسام : لـهيب أريد
أكوم صار
الصبح
فتح عيونة رفع رأسة اليــة ڪال : شتسوين
رجعي نامي
أنسام : زين
بس وخر إيدك دتعورني!
طگها بضحكة بصوت عالي
لـهيب : اوي حبيبي جاي اعورك
هو اني شمسوي
وأخيراً بعَد أيده عـن ڪتفي ڪمت عدلت
گعدتي نزلت گفشتي
أعدل بالتراگ ڪلت وإني أمسح ؏َ
مكان أيده : والله لهيب شبيك!
إيدك قوية تعور
نهض سند رأسة ؏َ تاچ
الجرباية سحب باكيت الجگاير إلي
جَان ؏َ الميز
الي بصفة عگدت حواجبي وڪلت : تدخَن
من الصُبح!
فتح عيونة ضحك بخفة ڪال : من
الصوبح؟؟؟ شسوي وليدي
اشتهي غير شغلات وماكو بس الجگارة ..
حجاها ولم شفته للداخل يهز برأسة بـ حسرة
وهو گوة لازم روحـة ميضحك
تمغطت وكمت من
الجرباية لميت شعري بالقراصة
أنسام : شمشتهي من الصبح؟
تريد اسويلك بيض ؟
راد يحط الجگارة بحلكه
سحبتها رأساً باوعلي رافع حاجبة مبتسم تك خد
مد أيده ڪال : رجعها لك
عفستها بأيدي قوي ڪلت : لهيب
موزينة من الصُبح
لزم عيونة قوي عاط بية : بس لتكولين
الصوبح هاي مالتج
مو عمي اشتعل من وراج
أنسام : يووو هسه
عمك شجابة بنص
- اششش
أنسام : لهيببب
- اششششش
ردت أحجي طفر عليه أيده ضاغط ؏َ شفايفي
يمنعني أتكلم تقرب
عليــة ڪال : أنسام خلي نحجي
بـ جدية شوي ..
تغيرت ملامح وجهي بللت شفتي عبالي نسى سالفة أسرافيل بس الواضح
لا ضغطت ؏َ أيدي قوي أبتعد عني
سحَب نفس عميق ڪعد مقابيلي ڪال : منين
عرفتي أسمة أسرافيل بدون
جَذب ماحب الي يجذبون !!
أنسام : من نَدعمت نوران
تتذكر؟
هز رأسة بـ أي وعيونة تترقبني تنتظر جواب يشفي غليلها ..
أنسام : بليل أنـتَ انطيتني
تلفونك حتى اخابر
أنهار بي من خَلصت المُكالمة وصلت
رسالة وبلغط والله بلغلط
فتحتها! جانت صورتة بنفس ذيج المنطقة ورسالة مكتوب بيها
أسرافيل رجــع"
واخوك يدري بس ساڪت ...
ضحك بأستهزاء وبلل شفته تغيرت
ملامح وجهه يهز برجلة بعصبية أشرلي بـ رأسة بـ معنى ڪملي
أنسام : هاي هيَ
تقرب عليه باوعلي بعدم تصديق
ڪال وهو يمشي
أيده ؏َ خصري عصرة بأيده قوي : واذا
اكلك ڪاعد تجذب؟
أنسام : اني؟
هز رأسة بـ أي يباوعلي بتركيز
ذب حَــسرة وڪال : ليش
ما ڪلتي أسرافيل جان بالبيت
دنگت عيوني أبتعدت عنه
أنسام : خَفت ، لا يصير شي أكبر
إني ساعتها ما ڪلت
الك ؏َ رسالة لأن توقعتك حتكول تفتش بتلفوني استحيت
هز رأسة بـ أي ڪام ؏َ حيلة
مدلي أيده رفعت رأسي أباوع لـ عيونة
: شنو
- يلا ننزل؟
: هيج بدون لا حجاب
ولا أيشي؟
- ماكو زلم هنا
ڪلهم بالمستشفى
شبگت أيدي بايده ڪلت : أريد أغسل
فعلاً أخذني غسلت
ومشطت شعري يلا نزلت لازم أيدي قوي
البيت يعج بالنسوان ومجان
أكو ولا رجال يباوعلي وبعيونهن حجي بس خَايفات من لـهيب
تقدم وهو يسحبني وراه
وإني عيوني تتجول بين الواكفات
باوع ؏َ المكان بأستنكار
لـهيب : وين الأكل؟
- يا أكل خوية
هو إحنا النه نَفس نأكل
حتى نسوي أكل چا هاي سوايتك
خلت بروسنه عقل غير تخبلنا
حجت وحده ثانية شايله
أبنها وتخزر بيه
- چا موش خبصونا عضيدك
وعضيدك چا وين دايرة وصاير تغدر بصاحبك
فرگ مابين عيونة قوي
باوعلها من فوگ ليجوة ڪال : تحبين
انيمج بالمستشفى بصفة؟
طَلعت مرة من غرفة من الغرف تمشي
؏َ العگازه حَانية
ظهرها ڪبيرة بالعمر ضمني ورة
ظهره
ڪالت بجبروت وبصوت عالي : وين
صايرة هاي يبن الفصلية
عاينت البيت مابي زلام ڪلت اشيخ
؏َ الحريم
ضحك بأستهزاء حَدق بيها بجمود
وڪال : الفروخ الـ عَندج
حَاسبتهم زلام ؟ وهُمه خَيرهم
يتراجف من طَاري أسمي ..
سكت شوي يتأمل ردة فعلها بعدها أردف مكمل : لاتحَسبين الوكت يگدر ينسيني
ثاري حچية أنه
ثاري ينوخذ والدم الطاح اطلعه من رواحتكم وحگ إلي طاح دمه غَدر بطف
صفگ أيده وڪال : مرتي
مريضة تريد أكل فضنهاااااااااا
- وماعدها أيدين ماتسوي لروحها
التفت عليها خزرها سحب أدية باسهن
لـهيب : لا تخاف لا أظافرها
تتگسر ومن ينگسر اظفرها اگسر رگابگم .
حجاها وضحك وهنه عطبن
من الغَضب والمرة
چبيرة تباوعلي ممقتنعة بيـة صعد ؏َ الدرج واخذني وياه دخلنا للغرفة
لـهيب : يلا لبسي
افرج بالبساتين
صفگت بأيدي فرحانة مثل
الجهال ڪلت بحماس : عليك العباسسس!
خاف تضحك علية
ضربني براحة أيده ؏َ رأسي
لـهيب : دمشي عچلي لا أبطل هسه
لبست شلون مَاجان وطلعت وياه قبل لا نطلع صَاح بيهن : ارجع الكه الأكل
ڪامل لا أعرف شلون ألعب الغالي ؏َ الغالي .
لازم أيدي قوي عيوني ؏َ ايدينا شلون
متشابگه ويمشيني
ويفتر بية جَانت الدنيا صافية والسما
حَلوه حيل
افتر بيه هَواي أخير شي ڪعدني
؏َ چرف ڪدام النهر
سحب نَفس عميق يحدق بجمال المكان
أنسام : ماخابرت خواتي
ماشفتهم شلونهم
أكيد هسه ضايجات بدوني!
ضحك بصوت عالي : بعدروحي
حيل متأثرات من
التخايم إلي تخمنها من رحتي لليوم
عگدت حواجبي
أنسام : شنو تخايم؟
فتح عيونة ؏َ وسعهن مصدوم
لـهيب : شني حتى هاي
متعرفيها شتعرفين چا؟
أنسام : لا صدُك والله
شنو يعني؟
لـهيب : يعني طلعة يطلعن هواي
أنسام : امم ، وين طلعن
رفع أكتافة بمعنى ماعرف سكتت ڪلت
من أرجع اخابرهن وأشوف
لـهيب : أسئلي إلي بنفسج
تعرفي عني
لأن بس بهاي اللحظة ممُكن اجاوب ..
بلعت ريگي تحمست بينت بعيوني
المعة عندي فضول
رهيب اتجاه حياتـه قبل لا اتزوجة مجَنت أهتم بس بعَد ڪُل هاي الأحداث
أريد أعرف أريد ارضي فضولي
أنسام : ليش شرد منك
أسرافيل ؟
لـهيب : گايله انه وين
ماشوفك أنه چتالك افضلك تشرد مني
أنسام : شنو سووة
حَتى هيج أنـتِ ضايج من عنده؟
رجع أيده ليورة مستند عليهن
يباوع ؏َ سما مقلص عيونة ڪال بـ حَزن : سالفة
چايدة ماتتسولف
أنسام : ميصير أعرفها ؟
لـهيب : حياتي تخوف شلون ادخلج
بيها؟
أنسام : فرقان جانت تعرف؟
عدل ڪعدتة
باوعلي عاگد حواجبة : تعرف بـ شنو؟
أنسام : أقصد عن حياتك ..
أبتسم بـ هدوء ڪال : أي لأن هيَ
بلأصل بت عمي
بس مجانت تعرف كلشي جانت تعرف الي شافته عيونها هيَ ماسئلتني بيوم عن
عيوني ششافت .
أنسام : شافت عيونك ؟
لـهيب : سر صغير بيناتنا متفقين؟
هزيت رأسي بـ أي وإني اباوعله ومركزة وياه بكل حواسي
لـهيب : راح اسولفلج ؏َ شغلة
منظرها مايروح
من عيوني
أنسام : شنية؟
لـهيب : عيونها .
چمدت بمكاني مجَانت اكو ردة فعل ؏َ ملامحي هدوء غريب بعد عواصف
مرت ؏َ مشاعري
سكتت دنگت رأسي ألعب باصبيعي
حَاولت مابين أنو
إني أهتم بالموضوع حَمحمت وڪلت : إسم بنتك
شهيناز؟
ذب حَــسرة وڪال : لا ، ؏َ إسم الي حَبيتها .
فتحت عيوني مصدومة
أنسام : عمو ڪلك أبوشهيناز
مرة ڪدامي !
لـهيب : شهيناز الإسم
الي الكل يصيحلها بي بالبيت ، أما
بالجنسية اسمها يختلف اني اصيحلها بي بس وهيَ جانت تحبة ..
لميت شفتي للداخل بـ حَـــسرة
أنسام : هاي هيج تحبها؟
لـهيب : اووو بعد أكثر
بس هيَ متحس بية مطفية خاصية
المشاعر يمها
أنسام : وين صفى بيها الدهر ؟
لـهيب : حَنخلصها اسئلة
عليها وتضيعين الفرصة ؏َ روحج؟
أنسام : حَباب الله يخليك
لـهيب : موجودة شفتها
قبل فترة
سحب نَفس عميق أبتسم وڪال : طاحَت
شعرة من شعراتها تخيلي
أخذتها يمي لأن من عدها
طلع محفظته من جيب الدشداشة
فتحها شال گلينسه صغيرة فتحها راوني فعلاً ڪانت شعرة لـ بنية صافنه عليها
رفعت عيوني الـه شنو من حُب هذا
بلعت ريگي بللت شفتي
أنسام : ڪل هذا الحُب وبالاخير
متزوجتها؟
أبتسم بسعادة غريبة مسح
بأبهامه ؏َ شعره إلي بأيده رجعها لفها وضمها بالمحفظة
لـهيب : محَد فرض قانون
ڪلشي نريدة نحصله هاي الدنيا بَعد
أنسام : متكدر تتزوجها
هسه؟
باوعلي وماعرف ليش هيج يضحك ويسولف رغم الموضوع من يمي يأثر
مقهورة لأن أحس نفسي عائق بنُص حُبهم
لـهيب : متحبني
بس انه احبنها حُب بت العرب للدگه .
أنسام : اممم
ڪلام حَلو وغريب أحس بشعور
غريب ماعرف اواسي
أنسام : زين خَ نغير الموضوع
أسرافيل شيصير منك؟
لـهيب : أبني ، إني ربيته
هو وديار ؏َ أيدي
أنسام : ديار هي البنية إلي
تحَبها
ضحك بخفية وڪال : لا يمعودة
هاي حالها حَال بنتي
أنسام : هي شتصير لـ أسرافيل
لـهيب : أخته
حجاها وڪام مد أيده الية حطيتها بايده وكمت يمشي گايد أيدي
: ڪافي أسئلة عرفتي
هواي نرجع لحياة الفضول أحسن
أنسام : ترا اضوج
أحس روحي مطي
صفگ أيد بأيد وڪال : خرب نسيت
المحفظة اجيبها واجي
انتظريني هنا
أبتسمت وهزيت رأسي بـ أي وكفت انتظرة
واهز برجلية بسعادة
صحَيح ضجت شوي بس
سولفلي شغلات ماسولفهن لـ فرقان
ضحكت ؏َ تفكيري رفعت
عيوني ؏َ النخـل إلي حَولي أتاملة
جَمدت أطرافي شهگت بخوف وإني أشوف
أسرافيل واكف منتچي ؏َ نخلـة من النخل إلي قريبة عليـه حاط أيده بـ جيوب
البجامة يحَدق بية بـ صمت
رجعت بـ خطواتي ليورة قلص عينه وڪال : شلون تثقين بـ قاتل؟
عضيت شفتي والخوف
احتلني صرت اطگ سن بـ سن منظرة
يخوف
أسرافيل : ؏َ فكرة هو قاتل
سارق ويسمع أغاني هواي
يحجيهن ويضحك حگ رگبته من الخلف قوي حيل تقرب عليــة فتح
عيونة ڪال : ويباوع عليها هواي
حيل هواي
حجيت بـ تلعثم
أنسام : منية؟
توقف عن الحركة بـ تجاهي
باوع ؏َ الإرجاء
أسرافيل : ميقبل أكول !
بس وڪفتي هاي وياج إذا يسمع بيها
ينحرني
حجاها ودار جسمة يمشي بعيد عني وأيده ؏َ رگبته يحگ بيها قوي جسمي ڪلة
يرجف ماعرف شبية
لزمت أيدي افرگ بيها قوي قبل
لا يجي لهيب وتصير
مشكلة
حسيت بأيد لزمت ادية قوي
فزيت خايفة رأساً سحبتها التفت لكيته
عاگد حواجبــة ويباوعلي
لـهيب : شبيج ليش
ترجفين شفتي؟
أنسام : ها لالا
ماكو شي بس خلي نرجــع
جعت
باوعلي بعدم تصديق دگ
تلفونة فتحه ماحجه أيشي بس يسمع الطرف
الثاني شيحجي
وصلنا قريب ؏َ البيت سد الخَط
دخلنا أخذني ڪعدني بالمطبخ سحَب الكرسي ڪعدت كعد يمي
قريب جان المطبخ تصميمة حَديث
وأكو ميز مال أكل تارساته
أكل ڪل الأنواع جاي وأجبان وقشطة وگيمر وبيض مو ثنين عبالك
عشيرة ..
صارت عيني ؏َ الگيمر باوعتله
يباوعلي هز رأسة بـ لا
أنسام : ميصير أكل گيمر؟
لـهيب : چؤ ممنوع
من ينزل سكرك إني اجيبلك
ساعتها
بوزت شفايفي ڪلت : لهيب عفية
فتح عيونة خزرني ڪال بحدة : لا لا
يلا هاج
گلبت عيوني بملل فتحت حلگي
هو يسوي لفات صغار ويدحس بطني واني ضايجة من تمرضت لليوم
ما ڪلت شي حَلوه أحس حلگي فاهي
لـهيب : أنسام
راح احجي وياج بموضوع
حطيت عيني بعينة خَفت
من نبرة صوته من تحَولت السالفة لموضوع جَدي ..
جان أكو أكل بطرف شفتي
مسحَه وڪال : وعدتج احميج أنـتِ
وخواتج من عَمج
مجنت متوقع راح توصل بينا المواصيل لهنا
حط اللفة بحلگي وڪال : تحملي
بس هَلفترا هنا واني اوعدج
بعدها ترجع حياتج طبيعية بس هلمرة أنسام لتضيعين تعَب سبع سنين عليه .
بلعت اللگمه عيوني تنتقل
بين عيونة
أنسام : هو شنو ديصير؟
لـهيب : اسولفلج ڪلشي
بس العافية درجات شوي شوي انطيني
عطوة
أنسام : خواتي ؟
لـهيب : بأمان
أنـتِ الي حياتج راح تتخربط
بسببي موافقة؟
أنسام : ليش تتخربط؟
لـهيب : لأن صرتي يمي
أيشي يقترب مني ينَفر بسبب الهوسة
الي تارسة حياتي ..
دنگت عيوني ڪلت بدون
ما أفكر بـ مسؤولية ڪلامي : موافقة
اهمشي خواتي بأمان
واشوفهم بين فَترة وفترة
اريدهم بعيدين عن عمي بس يروحون اله
يتأذون واني ماريد .
خَلصت لزم أيدي صعدني فوگ
والعيون اكلتنا أكل غير الڪلام وهمساتهن
عرفت حَ شوف الويل
وياهن
صعدني وقفل الباب
انتچه ؏َ الباب ڪال : إحنا بيت مرت أبوي
فتحت عيوني مصدومة
أنسام : عايشة؟
لـهيب :- اي أم هِشام
عايشة المرة العچوز الي شفتيها
چوة هيَ أمه هو وصبرية أنه إبن مرة ثانية
حگ أنفة بسرعة يتحرك بالغرفة
يدور ؏َ شي مستعجل حتى من يحجي بسرعة ڪأنو وراه شي !!
لـهيب : النسوان
الچوه يعودن النه بس من بعيد
يعني نسوان ولد عمامي وبنات عمي وگرايب
إلي عايشات بهذا البيت
مرت أبوي
وخواتي إثنين
وأخوي
رمشت بعيوني ممستوعبـة
أنسام : عندددك بعددد خوان؟؟؟
الي اعرفة بس صبرية
وثنين خوات وياها
لـهيب : أي هذولة ڪلهم من
مرت أبوي هاي
مو الشيخ ماكتفى بثنين تزوج
بعد خلف منها هذوله الچوة
تقدم لزمني من أكتافي قوي هزني وڪال بتحذير : شوفي الكل يتدخل بحياتنا
هنا ماكو خصوصية صيري قوية فهمتي
المشيخة بيد أخوي الصغير
لأن هشام ماردها وأنه هم ماردتها
وهو رايدها من الله
أنسام : لهيب دتخوفني
ميصير نبطل ونرجع
لـهيب : تريدين
ارجعج وحدج مارجع وياج!
هسه اخابر اصهب يجيج ..
راد يمشي لزمت أيده قوي
ڪلت : لا وياك وياك
صفن بـ ملامحي سحب رأسي بأسني من گصتي مسح ؏َ خدودي بأيده
وطلع بسرعـة
ضليت صافنة ؏َ الحيطان
القرار الي اخذته صحيح؟ يمكن بوگتها
عقليتي مجَانت ڪادرة تستوعب هذا الكم الهائل من الحَقد الدفين عرفت
بوگتها ليش ڪال اسولفلج يوم ؏َ يوم
عن حياتي جَان فعلاً يحاول يخَفف عني من الصدمات إلي هَو عاشها ..
لليل إني ڪاعدة بالغرفة
تلفوني مَــادري بي وين ماعندي الجُرأة أنزل
بنصهن وهنَه عيونهن
تراقب ڪل تحركاتي
أنفتحت الباب دخل تعبان
رفع عيونة لمحني أبتسم وڪال : أنسام
- ها
أشرلي بـ أيده بمعنى تعاي
بلعت ريگي بخوف جان شعَري مفتوح طايح ؏َ متوني جنت امشط بي
جَانت ساعة حوالي الـ 11 بليل
تقربت عليـــة ماحس الى شمر روحــة بحضني فتحت عيوني مصدومة
حاضني قوي حيل أحس ضلوعي گسرها
مانطيت ردة فعل ولا بادلته
ركزت ؏َ ملابسة ڪانت ڪلها تَراب
أنسام : وين جَنت؟
لـهيب : يمها .
أنسام : شتسوي
لـهيب : ردتها ترجع
عيوني تنتقل بأرجاء الغرفة
ڪلت بـ تردد : اجتي ؟
- لااا
: ليش؟
- ماگدرت اقنعها دنياي
أحلى من الگبر الـ ضامها عني ..
تغيرت ملامح وجهي
بلعت ريگي بـ توتر أبتعد عني ڪانت ردة فعلة عادية وجهه خالي من التعابير
ڪانه مايحَس بشي
لـهيب : منو ضربلج
الإبرة الظهر
بعَدت عيوني عنه أباوع ؏َ الغرفة
توجهت ڪعدت
؏َ الجرباية
: إني
رفع حواجبة وهز راسة بعدم تصديق
كعد يمي سَحبني
عليـه قوي بأيده أحس ادية انخلعت
لـهيب : مو ڪلت
لتجذبين !
أنسام : ماجذبت
إيدك لهيب دتأذيني
دفعني قوي ؏َ جرباية مسح گصته ڪال وهو مغمض عيونه : ليش منزلتي
اكلتي وعوفي الجَذب لأن
ماطيقة
التفت الية ڪال بتحَذير : هاي
أول واخر مرة
اسمحلج متاكلين موزين أنـتِ ليش متفتهمين؟
بيج سكر وخفقان متخافين ؏َ روحج؟
حجاها وطلع
شلون يعني ما جَنت مشتهيه
أكل شوي ودخَل بيده صينية أكل وبطل مي صغير
أنسام : خليني إني أكل
ماهَتم لـ ڪلامي ڪعد هو يوكلني
وإني مثل العبد المأمور شيكلي أسوي
أنسام : لهيب خليني
أكل الله يخليك ليش توكلني
مثل الجهال
ڪأنه مايسمعلي بس يسوي
لفات ويوكلني تنرفزت من أسلوبة سكتت بعد ما حَجيت حتى ماعندي
حرية من أشبع أكوم لحد ما هو
يقتنع !!!
لبست حَجابي طلعت غسلت
وجهي إني ودارجـع سمعت حَديثهن بالغلط
- خايبة چا وين بتال
: ياا ماتدرين غير لهيب طاگه
منيمنه بالمستشفى
لطمت ؏َ صدرها ذيج وڪالت :- ليش حبوبة
موش صَحبان وگلب ؏َ گلب
: أي صحبان الروح بالروح
من همه وصغار بس عبن الـبتال مجَذب
؏َ إبن الفصلية ذاك تسودن
ڪلشي عنده ولا واحـد يجذب عليه ضربة طلقه بفخذة
حطيت أيدي ؏َ حلگي
بعَد ما هربت مني شهگه بسبب صدمتي
من ڪلامهن تداركت الموضوع وركضت ؏َ الغرفة طبيت وسديت الباب
قوي نز عگد حواجبة يباوعلي يتفحص الخوف الي مرسوم ؏َ ملامحي
لـهيب : شبيج؟
هزيت رأسي بـ لا وعضيت شفتي
معقولة اذا أجذب عليه يذبحني!! ممعقولة
هو ليش حَتى يگتل
صاحبة زين منو هذا ليش ماعرفة ..
انطاني تلفوني خَابرت سئلت ؏َ خواتي
باوعت ؏َ ساعة
صارت بـ 12 أشرلي ؏َ رجلة جان مادها
لـهيب : تعاي نامي
هنا اسولفلج
تقدمت بتردد حطيت رأسي ؏َ رجلة غطاني ڪلي وصار يلعب بـ شعري
بهدوء
ذب حَــسرة وبده يحجي
لـهيب :- بيوم من الأيام
عمي أخو أبوي تگاون ويه زَلمة وطگه حيل تلازمو وهذا الرجال جَان
أضخم وأكبر من عمي فـ گتله
ذبح موت ..
سحب نَفس عميق أردف مكمل :
الرجال هَذا خالي
صارت سالفة شگبرها شگدها عمامي تحلفو
يذبحونا وين مايشوفو ينذبح
حلاً للنزاع انطو طفلة صغيرة فصلية عن أخوها .
طفلة بريئة اعتبرو روحـها
رخيصة مُقارنة بـ روح أخوها البطل
السبـع مشو ؏َ مبدأ هاي من تكبر تجيبلنا العار أبنا يفيدنا خلي ننطيها
قحط بنات نخَلف غيرها
يحجي بحرگه گلب واعصابة فايرة
رغم هَذا يحاول
يبين العگس
لـهيب : وراحَت ونگصت
گصيبتها ودفنو طفولتها وگتلو أحلامها
تحت مُسمى الفصلية
تعذبت اشتغلت انهانت واتحملت
أبتسم بـ سخرية ڪال : جان
الشيخ مايدنه عليها مايتقرب الها لان طفلة طفلة
ڪل عمرها ١٤ لحَد ما بيوم
تعارگ وية حُرمته مُهرة ورادن يحرگ
دمها دخل ؏َ أمي
أو بالأحرى وبصريح العبارة
اغتصبها يا قانون هذا الي يحلل طفلة
تدفع ثمن غلطة زَلم
مشوربة
والمصيبة الچَبيرة حبلت بيه
وهنا جَانت الصدمة سوت المايسوي إبليس
الخاطر تطيح الطفل
مُهره بس ربج رادها
وأجيت إني بليلة ظَلمة
جانت ليلة گشرة ؏َ مُهره وخلفتها
شلون الفصلية تحَبل
لا وبعد تجيب ولد ..
فَي إحدى المناطق الجَنوبية
في العراق تحَديداً جنوب الناصريـة الحَبيبة
عام 1991 صَباحـاً ..
طَلعت أركض للشارع انهزمت
من أمي فرحَان ماراح تلزمني دائما جَنت
اشوفن الفروخ تطلع
تلعب بالشوارع بس أنه اميمتي حابستني بالبيت
وماتقبل اطلع وبس تعرف بيه
طالع تگطع الخيزرانه ؏َ ظهري
وصلت يم مجموعة ويلاد
ڪاعدين يلعبون
بس لمحو طيفي واحد بيهم ضحك وصَاح بصوت عالي : هذذذذا إبن الفصلللليييية !!!
حسيت بوجع
بأذني نداريت اشوفن أمي لازمتني
من أذني قوي ومتلفلفة بالعباية
شال زعطوط حجارة من الگاع وشمرها ؏َ أمي
- هااا الفصلية أخت
القاتل الشيخة مُهره تسواااج
يحجون ويطلعون لسانهم يعيبون
عليهم ذبت حَـــسرة أمي بقهر تسحل بيه وانه دمي فار ؏َ امي شلون يكولون
عليها هچي
شمرتني بالگاع وصاحَت
: توووب ولكك يمه لهيب
عاجبكككك منظرييي وانه اتعايررر
خلينا بيتنا أستر علينا مشي عليك العباس أبوفاضل
لزمت أذني قوي أفرگ بيها
زمخت بيها : هسه شني رجال
شگدني شكبرني حابستني مثل النثية عندج
بالبيت عايني ڪل
الويلاد بشوارع حتى هذا أخوي
هشام شمالني أنه
شفرقي عنهم ؟
ڪعدت بالگاع تنوح بصوت عالي ڪالت : فرقك
يمه أنت إبن الفصلية
تندمت ؏َ چلمتي
تدنيت عليها حَبيت رأسها ڪلت : أعتذر
يمة موش قصدي اضيگ
خاطرج
لزمتني تبوس بية وانه اكره البوس
وهي تردد : اوف يمه احبنك
لبة گـلبي أنـتَ يابعدامي وأبوي
وحگ الي طاح دمه غَدر بطف أنه عايشة لخاطرك يمة
ابتعدت عنها أمسح بـ خَدي
ڪلت بـ فضول : هو ياهو نغدر شني
الطف يمة
ڪامت لفت عبايتها مَــادري شلون
سحبتني وراها للتنور
ڪعدت تخبز وانه ڪاعد چدامها ألعب بالتراب
: يمه هَذا العباس
عمت عيني عليه رادن شربة مي
يُمة وغدرو
- چا يمه هو مو زَلمة
شلون يغدرو
الزلمه ماينغدر
ماحس إلى ؏َ دفرة بخاصرتي
لزمتها افرگ
بالمكان ڪلت بألم : شبيييج يمه
: عابتلك هلبچم
ولك يمة ماينغدر بس الزلم الدثو
واشباه الرجال ذولة يبعيون رواحتهم بس عَبن
العباس صَاحب غيرة
ونخوة ماباع أخو وماشرب المي چيفن
أخو عطشان وگتلو
لميت شفتي للداخل هزيت
رأسي بـ حَسرة
لـهيب : گونها بـ مهره الصخلة
ولا بيه
- يافلك ولك أسكت لا يسمعونك
ويذبحونك هساع
تغيرت ملامح وجهي وأنه أشوف
أخوي هشام واكف يباوعلنا من بعيد شلت العَودة خازرة عَطت : شتريييد حيوان
گفختني أمي ؏َ رأسي
لزمتني من ياخة القميص وانه اصارع اريدن أنزل اهد عليه
وهي شايلتني عن الگاع
- ها حبوبة هويشم
يمة الشيخة محتاجـة شي
هِشام : لا ، ضاگ خلكي
ڪلت اجي يمكم
أبتسمت إله بـ حَنية
: تعال يمه اگعد صوب أخيك
رفعت رجلية أريد اضربة بس ما اوصل
ذبتني أمي بالگاع
طفرت عليه أريد اضربة واتعارك
سطرني براجدي نيمني بالگاع
راح حَدر أمي يأكل
من الخبز
وكفت أعدل بـ روحـي نفضَت
التراب من ملابسي خزرته هِشام
لـهيب : امشي ولي
منا ترا گوة گاض روحي عنك
ماذبحك
حَجيتها بـ ڪل برائة
طفل يحاول يستعرض القوة ويبهر أمه
صارت عيوني ؏َ أمي الي صارت
ڪلها خَوف
؏َ شخص خَلفي التفت جَانت مُهره واكفة تعاينلي
صاحت أبنها وراحَت
ومثل متوقعت إني وأمي ماطَول
أبوي بس خَلصت الگعده
هَد علينا بلعت ريگي من اندفر
الباب جرني من ياخة القميص يسحل بية وانه مغمض عيوني وأسمع صريخ
أمي وصوتها إلي راح من ڪثر العياط
قفل باب البيت عليها
سحبني ؏َ مكان بعيد عن القصر وبيتنا
أخذني يم الحظيرة
ونزل عليّ بـ سوط ضرب مَــادري الوجع
منين يجي
وصلت بية من الوجع اناشغ
وابجي واصرخ بإسم أمي لچن قرت برأسة مُهره لحَد ما ڪال
بس
تعب مني ڪعد بالگاع يلهث
وأنه أسحب النَفس بالالف ياعلي أحس
بروحـي انمردت
هستوني بديت اتعايش وية
هذا الألم دفرني قوي صرخت بـ ڪل قوتي
داس ؏َ رجلي قوي
برجلة
: لا تفكر تقارن نفسك
وأنت إبن فصلية بـ ولد الشويخ
گحيت وذبيت دم من حلگي
مسحته بسرعة
ڪلت بأستفزاز : چا أنه من
زرف الحايط أنه هم إبنك
داس ؏َ حلگي قوي وصار أعصاب
بس مابي
حيل يضربني تعَب
: تخسى أنه ولدي
رفعة رأس شنهو أنـتَ
- غصباً ؏َ رأسك أسمك
مكتوب بظهر أسمي
حجيتها وإني أضحك أستفزه
أنهال عليه بالضرب
مَن جديد جانت الگاع طينه لأن قبل بيوم
زخت الدنيا مطر
والجو بارد وملابسي مو ثخان
بعَد مرور فترة
من الزمن تَعب مني أبتعد دخل
للقصر خلانـي
هنا اتلوئ بالگاع من الألم
وجهي وجسمي ماكدر حَتى
أتنفس غير الجوع والعطش الي جَنت أحس بيهم
أخذت وضعية الجنين
بالگاع جو بارد وديرتنه ريف الهوى
بيها يصير أبرد من المدينة
أحاول أدفي نَفسي حسيت بأحد
يسندني فتحت
عيوني بوجع جَان أخوي هشام ملامحة جَامدة عاينت ؏َ طولة چبير
وطويل جنت دايم اشوفة واتمنى
اصيرن مثله قوي
دفعت أيده عدلت
ڪعدتي وأنه عظامي تصيح الغوث
گرفص ڪدامي ڪال : طرگاعة طاحَت ؏َ رأسك
زلمة شگدك شگبرك تنطگ
لـهيب : چا استحيت ؏َ شواربك
اخوك ينطگ
ڪدامك وأنت ساكت أنه لو منك
اطم روحي
ضحك بصوت عالي ڪال :- هسه لو
يطگوني چدامك شتسوي
ڪلت وإني أمسح الدم
من طرف شفتي : اگض نعالي
وأشرد
طگها بضحكة ڪومني ڪال :- يلا صير
سبع بس تطيب
اخذك اراويك فرخة صاحبي
لـهيب : شني صاحبك
عَرس وأنت بعدك
هِشام : نطم
حجيت بأنفعال وعصبية
لـهيب : سليمة تطمگ أنـتَ وأمك
ضحك من ڪل گلبة لدرجة أجتاحته نوبة سُعال من بعدها وداني لـ أمي
لكيناها ڪاعدة صوب الباب تتنطرني
من شافتني ماعت روحها
وتخربطت
شمرت روحي ؏َ فراشي بالگاع
وهشام حاير
بيها
الموضوع هَذا گرزات عندي جنت
بين فترة وفترة انطگ
من أبوي عادي أتذكر لسة صَدمة أول مرة من الألم
فعلاً مَر ڪم يوم وصرت
أحسن رغم طبع السوط بعَدة ؏َ ظهري
ندگت الباب
ركضت فتحتها جَان هِشام واكف
يدخن باوعلي
هِشام : ؏َ الوعـد
امشينا
لـهيب : خَـ نكولن لـ أمي
أبتسملي رحَت ڪتلها مارضت بس من
سمعت هشام وياي
اقتنعت ..
يمشي واني أمشي وياه
متساوين بلعت ريگي ڪتله : هِشام
اريدن چگارة
هِشام : أنجب
لـهيب : هِشام شكد عمرك
هِشام : ميخصك
لـهيب : وين رايحين هِشام
هِشام : معليك
وصلنا يم باب بيت قديم قبل ليدگ الباب نفتح طلع ولـد تقريباً بـ عمري
رأساً طگ اصبعتين ڪال : حي الله
إبن خالتي الضلع أحلى تحية
لـ احلى ..
ماخلاه يكمل كلامة گفخه هشام ؏َ رأسه وهو
واضح شكد ماطايق لا وجودي ولا وجود هَذا الولد
اقترب عليـه ضربني
بـ چتفي وڪال : شسمك
- لـهيب
هز رأسة مدلي أيده ڪال : تشرفت
إني الـبتال
ماصافحَت كفة گور قبضة أيده بفشلة
لـهيب : أسمك غريب ، شنو معناه؟
نفش ريشاته بـ فخر وڪال : بتال
معناه ڪثير العبادة والطاعـة
نقطع حَديثنه لمن
وصلنا لـ بيت دگ الباب هشام
شوي وأنفتحت فتحها رجال يطلع بعمر أخوي
تسالمو سلام حار
وإني وبتال صافنين
دخلنا ڪعدو يسولفون شوي
بَعدها ڪام الرجال
جَاب بنته الصغيرة شَالها
هِشام بأيده وعيونة تلمع من منظرها
رفع عيونة اليـة وإني صافن
ڪال : احطها بحضينك
لهيب؟
لـهيب : إني؟
گمز بتال من يمه يصيح
- إني الله عليك
دنگ هِشام لـ مستواي جَنت ڪاعد ؏َ الكرويته
حطوها ؏َ رجلي جَانت
صغيرة ڪِلش ومغمضة عيونها
نايمة أبتسمت ؏َ منظرها
مشيت إصبعي ؏َ خدودها
فتَحت عيونها بـ نحاسة نعسانة تريد
تنَام رفعتها شوي
شوي اخافن لاتطيح من أيدي
ڪد ما صغيرة بوستها من خدودها
تقرب الـبتال عليه يريد يچيسها
مد أيده ضربتـه
قوي عليها وخزرته
رفعت رأسي الــة ڪلت بأستغراب
أنسام : ليش مخليته
يلزمها خَطية
دنگ عيونه اليـة أبتسم وڪال : خيولي
هلسربوت هَذا
هو غير مد اصابعة الخمسه راد
يفعص وجهه
أنسام : هو منو صديق
عمو هذذا
صار يمشي أصبعة ؏َ خدي بهدوء
ڪال : أبوج
رمشت بعيوني ممستوعبـة عَم الصمت
أرجاء المكان
هو مَبتسم عليه وصافن وإني اباوعله لـهيب يعرفني من جَنت طفلة؟
ڪمت ؏َ حيلي وهو مد رجلة ونام
؏َ المخدة
أنسام : شنوهاي !
فتح عيونة بعدما جَان
مغمضهن والإبتسامة مرسومة ؏َ ثغرة
لـهيب : شنو بنيتي
أنسام : صدُك عود لو
تشاقة يعني أنـتَ شلتني من جنت بعدني بالگماط
لـهيب : وبستج هم
وشميتج وضحكتيلي
حجاها وطگها بضحكة وإني صافنة
عليـه
أنسام : لـعد أنـتَ شكد عجوز
لـهيب : مو راح اكوملج
اراويج العجوز شيسوي
أنسام : لا جديات ليش
هيجي چبير؟
رفعلي حاجبة بأستنكار
لـهيب : شنوة؟
أنسام : عُمرك ، يعني
تخيل أنـتَ شلتني إني وطفلة
وهَسه إني مرتك ..
صفن بوجهي بلع ريگه ومسح وجهه
: نامي نامي
- حَطيت رأسي ؏َ المخدة
منطيته ظهري تذكرت ڪل ڪلامة
وشلون نضري عصرني گلبي عليه ..
التفت جان نايم ؏َ ظهره
وحاط أيده ؏َ عيونـة ڪلت : لهيب
يوجعك ظهرك ؟
رفع أيده عن عيونة أبتسملي
وهز رأسة بـ لا ورجع نزل أيده جَان
نايم بدون غطه
سحَبت الغطـة غطيته زين تحَت نظرات عيونة إلي اخترقتني
لـهيب : ليش تسوين هيج؟
أنسام : تدفه الجو
بارد
لـهيب : تخافين عليّ؟
أنسام : أي ، منو يحميني بعد
ويوكلني
ضحك وڪال : أوف أبو الـ لـعد
تعود ؏َ دلال
أبتسمت بهدوء غمضت عيوني
مَر عليـه شريط ذكرياته الي سولفها
اليـة مقهورة
عليه طفولته صعبة رغَم هـذا هو بعد ماكَمل
أنسام : لَهيب
- هااا
: شصار وراها
- ورة شنو؟
: ورة مابستني ، أقصد
يعني حياتك وهسوالف
حجيتها والتفت عليه
لكيت ڪتفة يتهز من الضحك التفت الية عيونة
مدمعة
أنسام : يا شبيك!
لـهيب : شصار وره ما بستج؟
خوش تعرفين
تحجين
ماحس إلى شال المخَدة
وضربني بيها ؏َ رأسي بخفة ڪال : نامي
لا انتحر بيج
أنسام : ماكَدر أنام
من الفضول الله يخليك
سولفلي
لـهيب : ؏َ غير يوم
بنَيتي
بوزت شفايفي أحس صدك
الفضول أكلني
ردت أرجع أنام استوقفني صوتـة من ڪال : اسولف
بس بشرط
الإبتسامة شرگت حلكي
من الطول لطول
: شنووه؟
صفن بـ ملامحي شوي لم شفته للداخل ڪانه نَدم لأن تكلم صارت
عيونة ؏َ ساعـة
لـهيب : تأخر
الوقت عوفيها يلا نامي
استسلمت للأمر الواقع وفعلاً نَمت وإني
بداخلي الوب
أريد اعرف شصار بعدها
بدت عيوني تغمض من وحَدها
غرگت بعالم الأحلام بعيدة عن الواقع
الي حَولي ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنـــهار : سَحبت
التلفون من أيده بعَد ما مده اليـة
ڪتبت رقم
قيس التفت اله جَان يدخن ويباوع من الجامة ؏َ شوارع
اهز بـ رجلي متوترة
انفتح الخَط أجاني صوت قيس
المُضطرب : الو ..
بللت شفتي
أنهار : هاي اني قيس
قيس : بتتتتتت الأوادم
وين رحتي ماخليت مكان ماخليت
صخام مادورت
عليج بيييي وينننننن ترحيييين!!!!!
التفت الية عُثمان باوع
بطرف عينه لأن صوت قيس عالي
أنهار : عُثمان أخذني
ضحك بصوت مُرتفع
ڪال :- اها وڪدامج طرن
مو حبيبتي ڪولي أكو كو** وراي
أجي احجيلهمممممم أختج هاي تبجي
من الخوف عليج
أنسحب التلفون من أيدي حيل
ڪال عُثمان : شو أنـتَ ماخذ
خاوة؟ شنو حبيبتي تحترم نفسك لو
اجي ..
حجاها وفتح الباب طـلع رگعه وراها
غطيت وجهي
بأيدي أسحب نَفس ڪل
شوي يمر اعترافة ؏َ بالي راودني نفس الشعور قبل مَوت علي ..
من حَسيت بـ مشاعر غريبة
اتجاه ڪنت أحس نفسي راح أفقده
بس هلمرا أحس نفسي راح أنخذل
ورة تقريباً دقايق انفتحت
الباب دخل شمر تلفونــة التفت ؏َ الگشن
الورة جاب قرآن
انصدمت ضحكت بأستهزاء
: شعجب حاط قرآن
بسيارة لو نسته صاحبتك
رفعلي حاجبة بأستنكار
عُثمان :- ليش تخليني
ابوسج هنا هسه
عوجت حلگي وسكتت
حط أيده ؏َ القرآن وڪال :- والله العلي
العظيم وحق هَذا القرآن
إلي بأيدي مامجذب بـ حَرف من
إلي راح احجي ..
عگدت حواجبي بأستغراب
التفت عليــة سحَب نفس عميق ڪال :- بيوم
من الأيام وصلتني أخبار
بنت الخــليفة تداوم بهاي المَدرسة
بدون مُقدمات توجهت بسيارتي ؏َ المكان
وكفت ڪدام المدرسة ؏َ مسافة
أنتظر رغَم
لا جَنت أعرف شكلها ولا إسمها
بمُجرد ما حلو البنات حركت السيارة وكفت ڪدام بيته
أنهار : تعرف البيت؟
هز رأسة بـ أي ڪلت بفضول :- اذا تعرف بيته
ليش متحبسو
: ماعَدنه دليل عليه
أنو هو يشتغل وياهم قبل فترة مو طويلة
من شَرد من بيته لزمنه عليه دليل
زفرت نــفس انتظرة يكمل
تاليتها وين صافن يباوعلي أردف مكمل :- أجتِ بنية تتعارك وية ذبان وجهه
الجنطه حالتها حالة وحجابها مضروب شرچي
وترددم وية روحها
دخَلت للبيت نرفزني مظهرها
هي مو بنية غير تهتم بروحـها ؏َ الرغم من
مظهرها إلى أنو ملامحها
جَانت حيل حلوه
رفعت حواجبي صفگت أيد بأيد
أنهار : صدك تحجي؟
جايبني تسولفلي ؏َ بنات عمي
وملامحهن
فتحت الباب ماتنفتح التفت
عليه خَزرتة
ڪلت : أفتح الباب خلي أرجع
مابية حيلك ، مصارلك ساعة من اعترفت
تحبني وهالله هالله شبسرعة
بعت لو گلبك گوستر
ذب حَــسرة وڪال : أخ گلبي
گوستر ومامصعد
غيرج بي أوف
عُثمان : المُهم اسمعي
استمريت ؏َ هلحال فترة طويلة
اعاين عليها
من بعيد وهي ماتَدري مثل الثولة
بالبداية جَنت أعتقد الموضوع طبيعي لحَدما
أجت فترة صرت أشتاگ
أروح اراقبها
گورت قبضة أيدي بـعصبية
عطت بي : هسسسه إني شكاعد
استفاد من الخرط هَذا
ماهتَم الية
عُثمان :- إلى أن انگشفت
الورقة المخفية واحترگ الدفتر
والقاتل شَرد
صار الموضوع جَدي
طبعاً بعد فترة اكتشفت هيَ مو بنته
بنت أخو
وعايشة هي واخوانها يمة
جَمدت أطرافي رفعت رأسي الــة داير وجهه ؏َ جامة يحجي ويسولف
عُثمان : جَانت شخصيتها
هجومية يعني إذا أطلب منها مستحيل
توافق قررت
أستعمل وياها غيَر أسلوب ..
:- خَطفتها ڪعدتها ڪدامي
نايمة ماتدري بالدنيا وانه مقابيلها
أتأمل ملامحها وسمَارها
وخصلات شعرها إلي ساقطَه ؏َ وجهه
أحس بـ مشاعر غريبة الها رغم ساعتها جَنت رافض فكرة أنو انه أكدر أحب
غير زهور
لحگتها لحگتها لحدما صدت الطيرة
لحَد يوم العرس أنه أقنع روحـي
ماحبها هيج
حَتى أرضي الرغبة إلي بداخلي اتجاهها
أحس گــلبي عصرني
غمضت عيوني ڪلامه مثل السچاچين
وتغرس بگلبي
: وتزوجتها .
- وبليلة دخلتها خابرتك
طليقتك وتوسلت بيها ترجعلك
وتطلگني
حَط عينه بـ عيني أبتسم
: ماحَبها ولا أريدها وداعت ليالي
عنَدي چزة نفس هلمرا
لا زعل ولا مراضى حَچت ؏َ أبوي
وأنه اعز من روحـي
أبوية
رفعت حاجبي وضحكت بأستهزاء
ڪلت : شنو سر هلمكالمة
لعـد تحجي شگل وافعالك شگل
عُثمان : مو كِلشي
ينحجي أنهار اصبري عليه
وتعرفين ليش سويت هچي!
أنهار : ماريد أصبر
ولا أريد أعرف أريدك تصير انسان
عاقل وتستوعب نفسك
شجاي تسوي وتطلگني
ماحس إلى بحركة سريعة منه صار ؏َ الكرسي
مالتي رجعه ليورة
وصار فوگاي
غمضت عيوني بيأس
فتح الدنوبس مالتي وبعَد الشال
عن شعري سحَب
خصله شمها قـوي
ڪال : ما ڪملتلج ورة ماتزوجها
شصار
ردت أحجي ضربني بأصبعة ؏َ شفتي وضحك
عُثمان : جَنت مادخل للبيت
ولا أوصل لأن أشتغل ؏َ ملف عمها
بس جَنت بليل من ڪلها تنام أرجع للبيت أفتح
باب الغرفة
دنگ رأسة ضحك بخفة ڪال :- جَنت
أكعد ڪدام خلقتها
صافن وابرر لروحـي هاي هيَچ
تصرفاتي مالها معنى
اراقبها بدَون ماتدري من تمشط من تقرة
من تأكل من تتنرفز
مني
رفع رأسة ضحك بصوت عالي
وڪال :- نسيت اسولفلج
؏َ سالفة
تقرب عليه كِلش حلگه يم أذني
ڪال : وبستها ، وحَرام
إن ضگت شي أطيب من شفايفها
گشولت وجهي دفعته من صدرة
قوي ڪلت :- بطل سوالفك هاي
أبتسم ميل رأسة ڪال : ؏َ طاري
هلسوالف ماتنطيني
حلگ
أنهار : الفاظك سوقية
تثقف
هز رأسة بـ تفهم ڪال : هَل لي
بحلگ يا آنستي
أنهار : وخررر وخرر
ماتستحي حاصرني بنصاص
اليالي شنو تايهتلك
دخل أيده جوه القميص
يتلمس بطني فتحت عيوني بسرعة أحاول أدفع بأيده
ضحك ڪال : أنهار عندج
شامة بطنج هنا شفتها من فتت
عليج وجنتي تبدلين حفظتها
مارديت عليه صافن بوجهي تنهد أردف مكمل :- طفولتي نوعاً ما جانت
متوترة تعلمت أيدي ؏َ ضرب بس للولد
بس بحياتي مافكرت
أضرب بنية! بس من تزوجت زهور وروحـة لـ أبوي هيَ جانت تطلب مني
اضربها
أنهار : جَذاب والله
عُثمان : وداعت سمار خدودج
مامجذب
تنرفزت دفعته قوي من صَدرة
: عُثثثثمااان تكدر
تحجي بعيد عني ليش نايم
فوگاي
رد بسرعة بدون إهتمام
- لا عاجبني منظرج
جواي
گلبت عيوني بملل وإني مستمره أحاول أبعده عني
وهو يجبل ميهزك
ريح أخير شي زهگ مني
لزم أيدي قوي مقيدهن بأيد وحَدة
عُثمان : مو دنأكل خرا
بت الحلوه أي أسمعي وبيوم يجيني
واحد جنه ثور
هايج دربة مايندله منين ما وين ياخذها مني؟
يحجي وملامحة متنرفزه
واعصاب : والله لو تخلي كلامك
؏َ گدك لو تصير گد كلامك
خااااب دكمممممم **
فتحت عيوني مصدومة قبل لا أنطق
بأيده الثانية
سَد حلگي قوي عصرة عصر
عُثمان : دين ماظل برأسي
ومرتي البربروكة هيَ الـ ڪايلتله
من تطلع تبتسلمي منتصرة اخخخ يابة
لو لازمج
ذب حَــسرة وڪال : المشكلة
حتى وية سوايتها
هاي اشتاقيتلها وتندمت لأن ضربتها
ساعة أكول ختولي هلبربروك تستاهل
بعدين اكول لا خطية احبنها
يحجي وميباوع بوجهي يحجي بحرگة گــلب ويشرح بذمة وضمير
بعدها سَحب نفس رجع يحجي
: خَابرت صاحبي عمر كتله
ضايج ڪلي تعال اونسك نَشرب
شربت شربت وصلت مرحلة اتخيل عمر أنـتِ
ماتحَملت ضحكت
باوعلي مبتسم ؏َ ضحكتي بعَد
أيده انفچرت أضحك وهو يباوع ؏َ ملامحي
عُثمان : والعباس شبيج
أركض ورة أكله نطيني حلگ
گشولت وجهي بـ قرف ڪلت : ايييع
ماتخيل
عُثمان :- تناقشنا أنه والعار
المحَسوب
صاحبي ڪلي نزل شي خليها تغار
وتجاهله البسها مثل النعال هي تجيك تركض
رفعت حواجبي وڪلت : وشصار
لم شفته للداخل بـ حَـــسرة وڪال :- صرت أنه النعال
ضحكت بصوت عالي
أنهار : خلصت ؟
هز رأسة بـ أي مرات مُتتالية
والإبتسامة مرسومة ؏َ ثغرة
أنهار : هسه شتريد؟
عُثمان : اريدها ، احبها اموتعليها .
هزيت رأسي بـ أيجاب
ڪلت : تحبك العافية أن شاءلله
باوعلي بـ جمود ڪال : ** أمي
أبتعد عني رجع لمقعدة
عُثمان : وهَسه شنو
أنهار : رجع الكرسي
تقرب عليــه ڪِلش رجعه لوضعة الطبيعي
ڪلت : حَجي يفيدك
إني مامقتنعة
عُثمان : تَــمام
رفعت عيوني الـة جانت ردة فعلة
طبيعية مامبين
عليه زعل لو فرح لو أيشي وجهه خَالي من ردة الفعل
وصلني للبيت رَدت
أنزل الباب مقفولة انداريت
عليه يباوع ليكدام ڪلت : عُثمان الباب!
صارت عينه عليه بدون مُقدمات
سحب رأسي بأثنين أدية باسني من شَفايفي قوي جريت نَــفس بقوة ماتوقعت
حرگته أبتعد عني يسحَب نفس بعَد مانگطع عنه
يچر النَفس بالالف
ياعلي شعرة خربطـه بايده
نزل ؏َ وجهه باوعلي بـ ضعف ڪال :- حَيل
احبج والله
حَيل هواي بس لو تثقين بية
رفعت أيدي أريد امسح حلگي
لزمها قوي
عُثمان : وعلي بس تمسحين
حلگج ابوسة من جديد
نترت أيده قوي
أنهار : فَض هاي المهزلة
وخليني أروح !!
فتح الباب نزلت بسرعـة جَانت الباب
مَردودة ؏َ الخفيف
فتحتها ودخلت ؏َ البيت انتچيت ؏َ الباب
حاطه أيدي ؏َ گــلبي
الي دگاته صارت وڪأنما طبول حَرب ..
صارت عيني ؏َ نوران ڪاعدة بالحديقة
تباوعلي بـ خوف
عين علية وعين على الباب
ركضت عليـــة لزمتني قوي
ڪالت : أنهار وين جنتي
خَفت والله خَفت لا تطلع صبرية وتحرگني
ڪلت وإني أسحب أنفاسي
أحاول استجمع شَتات نفسي :- شنوو؟
نوران : لتعوفيني بعد
أخاف والله ش
شلون بية بــعد
تركتها تحجَي صعدت فوك
محد موجود ڪلها بالغرف دخلت لـ غَرفتي
غطيت رأسي باللحاف
مغمضة عيوني أستذكر ڪل
إلي صَار بـ تفاصيلة وگــلبي بعدها دگاته تقرة مليون ...
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنســـام :- نزيت مخترعة ؏َ صوت
صراخ جـوه
نهضت من السرير
أباوع حولي ماكــو أحد بـالغرفة بس اني
لــهيب جوه
خَفت أطلع هستوني فـڪرت انزل أنفتحت الباب دخَل أيده ڪلها
دَم ..
جَان معصب من شافني رخَت
ملامحة
ضم أيده ورة ڪال :- صباح الخير
يولد
أنسام : شبيها إيدك
مسح ؏َ شعري ڪال : مابيها شي
تعال خننزل نتريگ
لزمته من طرف الدشداشة قوي
: لهيب ليش
متراويني إيدك
باوع ؏َ أيدي الي مَجلبة بطرف دشداشته
لـهيب : مو شي چبير
جان جايب مُعقم وشاش وياه
تنهدت لميت شعري بالقراصة جَان ڪاعد
؏َ القنفة إلي بالغرفة
گرفصت ڪدامة رفع عيونة اليـة
اخذتهم من أيده عقمتها
وإني أحس بالوجـع رفعت رأسي الــة ڪلت :تعورك؟
هز رأسة بـ لا وهو
ڪل حواسة مركزة وياي
بلعت ريگي لفيتها بشاش أبتسمت بـ إنتصار
أنسام : لهيب شلون
بيه هنا أخاف منهن ؟
مسح ؏َ خدي بهدوء بدون وعي
مني ميلت
رأسي ؏َ أيدة
لـهيب : أنسام لاتشوفين
شخصيتي
وياج هيج أنه صگارهم
يرجفون من يسمعون بطاري أسمة
بس إلي عاجبة يموت يندگ بيه هنا ..
ڪلت بـ ثول : لــعد مو مُهره
تكتلك وتخاف
منها أنـتَ ؟
طگها بضحكة بصوت عالي
صوت ضحكته رجت أركان المكان
گرص خَدي قوي
لـهيب : أنـتِ الفاهية الوحيدة
المتحملها گــــلبي لو غير وحَده جان
سطرتها راشدي ؏َ هلثول
أنسام : يااا
لـهيب : هو غير جَنت زعطوط
وطبيعي أخاف
مومنهم ؏َ أمي لا تتخربط
عوفينا من هَاي السيرة يلا لبسي ننزل نأكل
هزيت رأسي لبست حجاب
وعباية إسلامية
أخذني من أيدي جَان أكو رجال ڪاعد ؏َ كرسي مُتحرك مبين من
عُمره بعُمر لهيب ملامحة هادئة
حلوة ماعنده لحية بس شوارب
من شاف لـهيب ڪال :- أخ ولج
يمة الـكو** ضربني
بـ فخذي لو شوي رافعها جان راحت ؏َ **
رأساً سَد أذني لـهيب دخلني للمطبخ
ڪال : أكلي هسه
اجي
أنسام : يااا متوكلني
رجع عليه يضحك ڪال :- شوف الزقچ
طلعت عينه من الدلال
عندي شغل والله ماكدر
عقجت وجهي بأستغراب ڪلت :- أول مرة
اسمعك تحلف بالله
رفعلي حاجبة
لـهيب : أي مو لازم يهودي
ڪدامج
حجاها وطـلع مالي نَفس أكل
اكلت شوي
بعدها دَخلت الـ مرة الچبيرة گلبت عيوني بملل كرهتها من عرفت
تحقر وية لهيب
شربت مي والبنات ڪلهن واكفات
بالباب يتسمعن
مُهره : أنـتِ ياهو
منين ما وين شني حبلة منه؟
بلعت اللگمه رفعت
عيوني إلها بعد ما جَانت ؏َ الماعون
رفعت إصبعي
الي بي حلقة ڪدام عيونها : لا ، مرتة إني
رفعت حاجبها ضربت
بعگازتها ؏َ الگاع قوي ڪالت : چنچ ماتعرفين
شنهي سواياته
نهضت ؏َ حيلي مَسحت أيدي من الأكل
أنسام : مايهمني
مُهره : گاتل ابنادم
مايهمج ماتخافين ؏َ ساعة
يذبحج نفس ما راد يذبح حرمته
تنهدت بهدوء حطيت
عيني بـ عينها ماعرف منين
اجتني الجُرأة والشجاعة أحجي هيج
ڪدامهن ڪلت بـ فخر
: يحبني يموت عليه
ميهمني أي شي ثاني ..
حجيتها وطلعت من المطبخ والعيون گصتني
گص سحبت نَــفس
براحة بعدها صرت أفكر
إذا كالت لهيب هسه شيكول عليه أفكر بي هيج تفكير ضربت ؏َ خدي
وكمت اعضعض بأصابيعي بندم
فززني صوت من وراي
- شنهي ويامن تسولفين
خبلة أنـتِ ؟
التفت وراي جَان الرجال الي ڪاعد ؏َ كرسي
يأكل جگليت
ويباوعلي
أنسام : وياي ؟
- چا ويامن ماتكليلي
ركز بـ ملامحي عدل ڪال : خايبة
دهر فرچ أنـتِ بت عبدالله ؟
هزيت رأسي بـ أي فتح عيونة
يباوعلي من
فوك ليجوة ڪال : عزه بعينك
لهيب
حطيت أيدي ؏َ خدي أكتم
ضحكتي من ردة فعلة حسيت بأيد عصرت أيدي التفت جَان لهيب
واكف ويخزر برجال
- ومرض مشايف وشاف
شبيج مچلب بالفرخة
دنطيها عطوة تتنفس
يحجي ويباوع ؏َ جگليته
گشول وجهه ڪال :- طعمها زربة مطي
لـهيب : بندقيتي موجودة
تحَب
تاخذلك بعد طلقة؟
حط أيدي ؏َ صدرة ودنگ
رأسة ڪال : ممنون ضلعي ماتقصر
شمتت الوادم بية
جَنت أمشي واكلهم هذا مثل لبا** ماعوفة ولا يعوفني
هز رأسة بـ حَـــسرة وڪال :- ماكلك
بس شغلة وحده
تف ؏َ شواربك
ماتحَملت ڪلامة ونبرة
صوتة ملامحة توحَي بأنو هو شخصية والشوارب منظرة من يكول تَف
طگيتها بـضحكه بصوت عالي
حيل
لهيب فَتح عيونة سحبني سد حلگي وإني عيوني دمعت من الضحك
لمني لصدرة يسگت بيه
أسمعة يكلة : هايشبيها فرختك
سحبني لهيب ؏َ مكان وحدنا
فتح عيونة خزرني وڪال :- ڪافي بابا شبيج!
حجيت بنص صوت ضحكاتي
- راح اموت لهيب
ماشفت شكلة من يكلك تف
حجيتها وحطيت أيدي ؏َ صدرة انفجرت أضحك من جَديد وهو مبتسم
؏َ صوت ضحكي مسحت
دموعي ڪلت بـ جدية : صدُك
لهيب إني سويت
شغلة بدون ماتدري واجيت
اكلك حتى ماتكول جذبت عليه
رفعلي حواجبــة
لـهيب : أي ، اطربيني بوية
رفعت عيوني للسگف
كلت بـ تردد : يعني شوف هو
شسمة هذا باوعلي
تسمعني؟
لـهيب : شنو؟
أنسام : شنو؟
طگها بضحكة ڪال : من رخصتج
عوفي الثول
؏َ جهه أحجي
بلعت ريگي حطيت عيني بـ عينه
ڪلت : شوف جنت أكل
طبت هاي مُهره كالتلي أنـتِ ماتعرفين
شمسوي من تزوجتي
أحجي منفعلة وأشر بأيدي
أحاول اقلد
ردة فعلها وهو صافن عليه مبتسم ؏َ سوالفي
أنسام : المهم إني تنرفزت
ليش تحجي
عليك ؟ يعني أنـتَ خوش ولد الله يحفظك
حط أيده ؏َ عيونة وأكتافة
تهتز من الضحك
أنسام : يو لهيب شبيك
ماعرف أعبر
شلون
لـهيب : ڪملي بوية
خوش وليد وبعد؟
أنسام : أي ، جَان
ڪتلها لا يحبني يموت عليه
ماهتم
بس إني مقصدي أنـتَ صدك
تحبني قصدي بجذب حتى اضوجها
عيونة تحَدق بية بـ صمت
مركزة بكل تفاصيل وجهي ساعة يباوع بعيوني ساعة ؏َ شفايفي
راد يحجي ماحَس الى صوت الباب
الخارجيـة انفتح
قوي
ركض لهــيب ؏َ الباب
ڪلها طلعت حَتى الرجال الي ڪاعد ؏َ الكرسي
طلع
ومُهره واكفـة ؏َ الدرج من فوك
تباوع مقلصة عيونها
دنگ الولد يلهث النَفس ويباوع ؏َ لـهيب
بـ قهر ڪال :- عمي معرض السيارات
احترگ
جحظت عيوني لهيب
طلـع يركض ضليت صافنة
لا أخذ ولا انطي
فززني صوت من وراي هلهولة
اخترقت مسامع أذني
التفت ؏َ مصدر الصوت جَانت مُهره
فرحانة تهلهل
ڪالت والفرح غُمر صدرها :- حــل بأبن الفصلية ..
- قل للذين على الجراح تراقصوا
طرباً تدورو بأهلها الأيام ..
يتبع .
الحكــاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي أنستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!