#أنسام_اللهيب
بقلمي أنا زينب خالـد
علقو بين الفقرات وصوتو للبارت 🤭💙
تابعو حسابي بالواتبــاد + حساب انستا موجود بالبايو اذا تحبون تضيفوني .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنــسام : ترك شعَري وسحَب
السچينه بقوة من بطني احس بجسمي
خَدر بديت أفقد التوازن
طحَت ؏َ الأرض حطيت أيدي فوك الجَرح
الدم ترس المكان
رفعت عيوني الـه واكف ڪدامي لازم السچينه وأبتسامه حَقيرة مرسومة ؏َ ثغرة
ماصرت أسيطر ؏َ نفسي
أحس بجسمي نمَل الوجع قوي
الرؤية بدت تصير معدومة أمامي آخر شي أتذكره
أسرافيل گرفص ڪدامي أشر
بسچينه ؏َ الأثر الي بوجهه
أسرافيل : ليش سوه بيه
هيچي؟!! أستاااهل انييي؟
حجيت بتقطع وصوت مو واضح
أنسام : الله يلللعنك ..!
نطَقتها وغَبت عن الوعي ماصرت أحس
بشي توقعت هاي هيَ
نهاية
فتحَت عيوني بتثاقل واني أحس
الوجع راح يموتني فقدت دم هواي
ريحته عطره ترست ريتي ترس شايلني ويركض بي
رجعت غمَضت عيوني
ماكدرت أبقى مركزة وياهم ..
أسمع صوت أجهزه حَولي
وناس تحجَي قريب مني بين الصاحية والفَاقده
فتحت عيوني بُطئ أجهزه
حَولي هواي أيده حاطين بيها كانونة
أحس بتعب مو طبيعي
أحس بثقل ؏َ أيدي اليمين درت وجهي ؏َ الجهه
الثانية شفتَه لهيب
ڪاعد ؏َ كُرسي محاوط أيدي بأيديه ونايم عليها
أبتسمت بتعب ؏َ منظره تذكرت
أول يوم بزواجنا من طَحت هم جان هيج
وياي
رفع رأسة مامنتبهه اليه عيونه حُمر
صارت عيونة عليه توسعت بصدمه
تقدم بسرعة جنونية حاوط وجهي بأيده يتفحص ملامحي
حجيت بصوت مبحوح ضعيف مهزوز
أنســام : ل..لهيب
لانت ملامحه زفر نفَس براحة
لـهيب : روحـه أبني روحـه
سحب رأسي بقوه ضمني بصدره عصرني بحُضنه
أحس بوجع بطني بس مانَطقت
مشتاقتله مشتاقه لحُضنه ..
أنــسام : حَرام الي دتسوي
إني ماحَل عليك يلا وخر
بعَد رأسي من حُضنه عض شفته
تقدم باسني من خَدي قوي
لـهيب : نجب لك قشمر أنـتَ فاقد
الذنب عليه لأن أنـتَ ملعون
خدران إذا أغتصبك هنا متحَس ..
دفعته بأيدي قوي خَزرته
حطيت أيدي ؏َ بطني عقجت وجهي بألم
الدموع تجَمعت بعيني وإني أتذكر
الي صار
أنسام : ردت أمووت لهيب ردت
أموت تدري ؟؟ شالل السچينه وطببها بطني
هيج قوي
أحجي وأشر بأيدي ؏َ مكان الطَعنه
وهو يتأملني بهدوء عيونه بعيوني بلع ريگه
وصد عَني حسيت
بشعور غريب عگدت حواجبي أحسه ضام عني شي
باوعت ؏َ مكان الجَرح جان
أسفل بطني رفعت رأسي الــة
أنسام : لهيب شنو صارر
إني بييه شي ليش تباوعلي بهاي
الطريييقة ؟؟
التفت أبتسم بأطمئنان
لـهيب : شبيك زقچ مالي خلكك
فـ درت وجهي
هو حَجاها طبيعي بس إني گـلبي
نخَمش گرهت نفسي وحَقدت ؏َ روحـي
لأن حجيت وياه بعد ڪل الي سواه بسرعة نسيت
وهو ماله خلگي
باوعلي بنظرة أخير مانتبهت
اله جَنت صادة وجـهي حَتى لا أشوفه
وأضعف زفر نفس بضيق طَلع وسد الباب وراه
غمضت عيوني بألم ماعَرف
أبجي من الألم من الوضع إلي إني بي
لو من تصرفات لـهيب
أنفتحت باب بقوة دَخلت نوران
تشاهگ وتبجي ركضت عليه شمرت روحها بحُضني
أنسام : اااه ، مو هيج شبييج
أذيتيني !!
أبتعد تمسح بوجهي ودموعها تنزل بغزارة
عيونها حُمر وشفايف حُمر
حَتى خشمها أحمر
تقربت تطبع بوسات ؏َ أنحاء وجهي
نوران :- انسام متتت من الخوف عبالي
راح تموتييين واضللل وحَدي
أبتسمت بتعب دفعتها من چتفها بعيد عني
باوعت ؏ بطني بحُزن
رفعت ايدها مسحت دموعها
نوران : انسام لو تدرين ششَفت !!
دخَل لهيب وياه علاگه اكل سد
الباب أبتسم وضربها براحة ايده ؏ راسه بخفه ڪال :- بابا عوفييها ترتاح
لاحگه ؏َ سوالف
حجَيت برود واني مغمضة عيوني
أنسـام : أريد أنام عوفوني وحَدي
سمعتَه يذب حَــسرة
عافنا وطَلع ضلينا بس اني وهيَ
نوران : تخَبل حرفياً
صراحة أنسام إني اول مرَه بحياتي
أشوف هيج انسان هوَ إني أختج ماتأثرت بكده
رفعت حاجبي اباوعلها بصَدمه
أنسام : صدك تحجييين؟؟؟!
نهضت من ؏َ سرير راحت فتحت
العلاگه طلعت الأكل
وبدت تحجَي
نــوران : من رجَعنا وشافج
تخَبل أنسام يريد يشيلج ميكدر لازمج قوي
وضام رأسج لصدرة وأيده ترجف رجَف طفل ؏َ أمه
لو حضنج يريد يكوم
ميكدر رجليه متشييله يباوع عليَّ
إني ودق ويحجي وصوته يرجف !! يكول ماكدر أشيلها أريد حَيل ماعندي ماضل
بيه حَيل عينوني
صافنه عليها وهيَ تتحرك سارحه
بخيالي ڪل هَذا الحُب ليش بَعد عني
نـوران : إني ماعرف شنو صار
بينكم والسالفة صارلها سنة حَ يصير سنتين
بس من شالج جان يردد جُمله
وحَده
عقجت وجهي بأستغراب
أنسام : شنييه!!
نوران : عشت لوعه فراگها
لخاطر أشوفها عايشة ڪدامي تشم
الهوئ ماتموت أموت وراها ..
أنسام : شنو قصده؟؟؟
رفعت أكتافها بعدم مَعرفه
أنفتحت الباب دخَلت ودق باوعتلي وأبتسمت بتصنع تحاول تخَفي حزنها تقرب وكفت
ڪدامي
ودق : الحَمدُللّٰـه ؏َ سلامتج
حَبيبتي مابيج غير العافية والله أنقهرت عليج
متستاهلين الي صارلج..
سكتت من تحَولت أنظارها ؏َ نوران
باوعت لـ أختي خزرتها
وعضت شفتها عكدت حواجبي عيوني تنتقل بينهن ڪِلشي مافاهمه
أنسام : شنو بيه ودق
شبيج نوران ليش تغمزين عيونج مشگله؟
أبتسمت بثول ڪالت
نوران : يعني شيصير بيج
أكثر متكليلي واحد مخبل دچچ بسچينه
شتردين بعد أكثر من هَذا
أنسام : نووووران عوووفي الجَذذذذب
ششششبيييه لتخبلونييي
مامرتاااحهه احجن
دارت وجهه ودق ڪعدت ؏َ القنفة لازمه
رأسها وتستغفر عدلت ڪعدتي
أنفاسي مُضطربة أحس بدگات گـلبي وهيَ تتسارع
عيوني تنتقل بين عيون
أختي الي تباوعلي بقهَر
نـوران : السچينه صارت قريبة ؏َ الرحم
أنسام شالو واحَد من المبايض
بحَلقت بوجهه صافنة أحس صوت
صَفير بأذني باوعت لـ ودق الي تباوعلي بقلة حيلـــة
رمشت بعيوني ممستوعبـة
ضحكت بأستهزاء
أنسام : شششنوو يعني
ماكدر أصيرر أمممم؟؟؟ شتحجون
ليشش ليشش يشيلوونن لتخبلوني شبييه انييييي؟؟؟
تهسترت أحس بجسمي يرجف
وگـلبي دگاته صارت أشبهه بطبول الحَرب
ماكدر أسيطر ؏َ نفسي الوجع موتني وأحس روحـي أنطحنت طَحن
صحت بصوت عالي
أنساام : ششششششبيج صااافنه
جاوبييينيييي نوووررران !!
ندفرت الباب فات لهيب يباوع بدهشة علينه
توسعت عيونه بصدمة
من شاف وضعي تقدم باوعتله بخوف
الدموع بطَرف عيني
خزر نوران وصاح بيها بصوت عالي
خَلاها تنز
لـهيب : مو ڪلللت لحدددد يحجيييلهااا
انننه شككللللت !!!!
صفنت نوران بوجهه خايفة زفر نفس
لـهيب : برررة ثنينجننن
عوفنييي وياها وحَدي
رفعت أدية اهز بيهن بمعنى لا
تقرب عليه بخَطوات حذرة بطيئة
ڪعد ڪدامي
لـهيب : مابيج شبي حَبيبتي
ڪِلشي ماسووو !
شهگت وصارت دموعي تنزل ماكدر أسيطر ؏َ رجفه
أيدي رأساً لزمني عصرهن
قووي
أنسام : شسولي شنو لهيب
احجي شبيه اني؟
لـهيب : مابيج شي ياروحَ لهيب
ماكو شي وحگ الي تلوع گـلبي بفراگها
ماسوو شي بس تضرر مبيض من مبيايضج وشالو بسبب الضَربه تكدرين تخلفين
منو ڪال متكدريين
هزيت رأسي بـ لا ودموعي تجري ؏َ خدي
أنسام : جَذاب جَذاب
ضغط ؏َ أيدي قوي حَسيتهن
تگسرن بأيده
لـهيب : ڪافي أنسام أنعل ابو الجهال
لابو الخَلفه لو ميته شتحصلين منهم اهمشي عايشة
ڪافي بنيتي ڪافي حبيبي ..
تملصت من أيده بالقوه أحتضنت
أيدي لصدري خزرته صدري يصعد وينزل
أحس الكلام عجز
عن وصف حَالتي
أنسام : لتحجييها بدددم بارررد أنسانة
مثلي عاشت ڪل حياتها قهر بحَزن ماتتمنى من تتزوج ترتاح علاقل بمحَطة من
محَطات حياتي أريد أكون مرتاحة بدون قهَر وحزن
شهگت ومسحت دموعي بسرعة
لزمت بطني حجَيت والكلام يطلع يرجف من حلكي
أنـسام : شووووف نفسسك لهيب
أنـتَ رحت وعشت عفتني علقتني بيك ورحَت
حتى ماكلفت نفسك تكول
أكو حيوووانه أشوفهاااا حَتى نظره أستكثرتها عليييه تعبتت لللهيببب تعبببت ڪل ما أكول
ميخااللف تحمللي تفرج تجيني مُصيبة أقوى
صرت الهث ماكدر أتنفس لزمني قوي
يباوعلي بخَوف سد حلگي مانعني من الكلام عيونة بـ عيوني
لـهيب : حَميتج وعلي حَميتج
ما ڪارررهج ماكررهج إني ، أجت عليه
أيام روحـي ڪرهتها وحُبج مثل الإدمان يمشي بدمي أنسام أنه بشر عايش لجل عيونج أنجبي ولتحجين حجي ماصخ
زفر نفس أبتعد عني غمض عيونه
وفرگهن قوي ڪال : بعَدتج عني أحميج
وحَتى بُعدي عنج أذيتج حُبي الج أذييه؟
چمدت بمكاني التعب أكل روحـي أكل
مكان الجرح يأذيني نمت ؏َ السرير فاتحه عيوني
أباوع ؏َ السگف بجمود
ماعـندي أي ردة فعل خَسرت ڪِلشي بحياتي
أنـسام : تَمنيتك ماعَفتني الاذية
وياك ولا حياة من دونك
أكرهك من ننفصل اكرهك تتجاهلني تستحرقني تحجي وياي بأسلوب مُستفز
ضحك بخفة ڪال بسُخرية
لـهيب : صدك تحجَين هذول ناس ماتعرف
الرحَمه يسون أشياء ماتخطر
؏َ بال أبليس اهمشي عَدهم الإنتصار ويدمرون الشخَص الي يوكف بوجهم ، تدرين شنو أسوء شي
بالموضوع هُمه يعرفون أنو أنـتِ نُقطة ضعفي !
ماعندي استعداد أفرط بيج
أنـتِ أخر شي بقالي أنسام ماعندي أهل ولا بيت يحتويني
سحَب نفس عميق غطيت رأسي بالغطه
دموعي تنزل من ڪلامه
لـهيب : من ماتت بنتي لليوم
ماشفَت يوم بي خير غير وياج ماضحكت
بس يمج ، أنسام جنت أسولفلها عليج طفله عُمرها
ست سنين ابوها نايم بحُضنها
يسولفلها ؏َ حُب حياته واعدتها من يصير عندي فلوس أشتريلها لعبة من أشتريها
وفرحت بيها طارت من الفرح حرگوها ڪدامي حرگو بنتي شلتها محترگه روحي مفرفرحة
عليها
سكتت شوي ذب حَــسرة وڪال
لـهيب : انه جَبان خايف لا ينعاد
المشهد عليه للـ مَره الثالثة والله مو حَمل هلقهر
روحـي تلوب عليج أشتاق
لريحتج لسوالفج فهاوتج وعيونج
ومالكاج سهل عليه؟ حبيتيني سنة وهيَج أحترگتي أنه عاشگج 12 سنة شكول !!
بعَد هل ڪلام عم الهدوء أرجاء المكان
مارديت عليه دموعي بللت المُخدة الغلط مو مني ولا منهَ شكد تمنيت أكدر
أشمر نفسي بحُضنه ونرجع بساطة
لكن الموضوع أعقد من هيجَ ..
مرت تلاث أيام ؏َ الحادثة
بدت العالم تتردد ؏َ المُستشفى تزورني ..
حطيت الحجَاب ؏َ رأسي بـ أهمال
فاتحه تلفوني أگلب بي بعد ڪم يوم ويسمحولي أطلع مابقه شي أكرهه المُستشفى
وريحتها الـ تلعب الروح
لهيب واكف يمي يحط الأكل
؏َ الميز هاي الشغلة الوحيدة الي يسويها ڪل يوم يدخل يحط الأكل يمي ڪل
وجبة بعدها ماشوفه نهائي ..
أنفتحت الباب رفعت رأسي أباوع
توسعت عيوني بذهول وإني أشوفها فُرقان داخله
دخَل وراها حَسن شايل
بوكيه ورد أحَمر حقيقي
صفنت ؏َ لهيب رفع حاجبة بأستنكار
وهو يحَدق بـ حسن
عوجت حلگها فُرقان باوعتلي بأبتسامة مُصطنعة
فرقان : اوي بيبي الحَمدُللّٰـه ؏َ سلامتج
مابيج غير العافية
تقرب سحبتني قوي تبوسني
لازمتني من طَرف ردني عبالك وحَده لاعبه روحها
بادلتها الإبتسامة
أنسام : أن شاءلله بعدويني
بالـ يكرهوني
باوعتلها بقرف وكفت ؏َ جهه
تقدم حَسن حط البوكيه بيدي حاولت أخفي أبتسامتي ماكَدرت مو ؏َ الورد
لا ؏َ ردة فعل لهيب و ؏َ ملامحه وهو يشوف تصرف حَسن !!
ڪتف أيده يحَدق بينا بجمود
نظراته متمركزة ؏َ حسن بذات خازرة وعيونة الغَضب يتطاير منهن
حَسن : الحَمدُللّٰـه ؏َ سلامتج أنسام
والله حيل أنقهرت من سمعت
بالخَبر شعجب صار هيج يعني منو الي سوه بيج هيج؟
ضحك لهيب بسُخرية ڪال مستهزاء
لـهيب : ليش يعني راح
تروح لبيته وتبسطه حَبيبي ؟
أنصدم حَسن من تدخُل لهيب
بس هو بطبعة خجَول ومُحترم حتى الي يقلل أدبه وياه يكف عنه
تجاهل ڪلام لـهيب أبتسملي بهدوء
فُرقان : شبيك لهيب يعني غير
زمَيلها بشُغل وحَب يطمئن عليها
لـهيب : نجبي أنـتِ
ماكدرت اسيطر ؏َ روحـي ضحكت
وعضيت شفتي أحاول أخفي ضحكتي
گلبت عيونها فرقان ڪالت
فرقان : صدك حسن بـ أما أنـتَ هنا
ليش متحجيلها عن
الموضوع الي جنه نحجي بي؟
باوعلها بحَيره حك رگبته مستحي
ڪال بهدوء : أحس الوضع مو مناسب ؏َ غير مره
يلا أني أستاذن عندي شغل
ضروري مابيج غير العافية أنسام ..
حجاها وطَلع ضلينا بس احنه
الـ تلاثة بالغُرفة بلعت ريگي انداريت اباوع ؏َ لهيب الي مضيگه عيونه وخازرني
بعده ؏َ نفس وضعيته عيونه
مانشالت عني انتبهت ؏َ فرقان تباوعلي بـ غيره
فرقان : أكوووولج أنسام !
گشولت وجهي بقرف من نَبره
صوتها
أنسام :- كوليلي
باوعت ؏َ لهيب بـ مُكر وكالت
فرقان :- هذا حَسن مُعجب
بيج وطَلب مني رقم واحد من اهلج
حَتى يتقدملج
باوعتلها رافعة حاجبة
ڪل الي بالشركة يعرفون إني وياها مالخ للروس وإني متأكدة حَسن ميسويها تنهدت بضيق
عَرفت غايتها وين
باوعت ؏َ ذاك الثابت بمكانه ماتحرك حتى مانطه رد فعل ؏َ كلامها كان هادئ بشكل مُخيف ..!
سحبت نَــفس عميق وأستجمعت
كل قوتي حتى أنطق هذا الكلام
أنسام : أنطي رقم لهيب
خلي هو يتعامل وياه شلون ما لهيب متكفل
بأمور نوران هو متكفل بأموري
أصلاً لهيب بمثابة أبوي ! إذا يريد يخَطبني
خلي يخَطبني منه ..
حجيتها وإني عيني بعينة
صافنة ؏َ ملامحة الثابتة ڪان أشبهه بالحجارة
ماهتز منه أي شي عن كلامي
لدرجة لثواني حَسيت مالي تأثير عليه ٰ
لـهيب : صحيح كلام أنسام
اي واحد يريد يخطبها خلي يجي
عليه حَتى أزوعه حليب امه
حجاها وأستقام عدل ملابسه فَتح
الباب وطَلع باوعتلي والخُبث يتطاير من عيونها
فرقان : هاي بس البدايات
شلووون ما خلييته يعوووفج ويطلگج
اخلي يرجع الي
وكفت لبست جُنطتها طگت بعلجها
كالت
فرقان : أنسام أنـتِ طرف ثنين
أنـتِ هجمتي بيتي وأخذتي رجلي عوفينا بحالنه !
ضحكت بصوت عالي
أنسام : لهيب ما حلالج إلى من تزوجته
أنسام ، خاب دروحـي ولي عني
مالي خلگج طالعه من حلك الموت وهاي شتحجي وياي
طَلعت ورگعت الباب وراها غميتها
بثنين أديه
صارت عيوني ؏َ الورد ومنظَره قربته لـ أنفي استنشقت ريحَته
ماحس الى الباب ندفرت جفلت بمكاني
چفت لهيب حاط الجگارة بحلكه تقدم بسُرعة سحب بوكيه الورد من أيدي بقوة
اخذه وطَلع
ضليت صافنه عليـه ضحكت بأستهزاء ؏َ تصرفاته ..
بعد يومين طَلعوني من المُستشفى
ورجَعت للبيت
وإني لسه الي صار طابع بالي أخاف أدخل وأشوف الدمَ والدرج روحـي مفرفرحة
ڪاعدة بسيارة وره حاطن رأسي ؏َ الجامه
صافنه ؏َ شوارع والسيارات الي تَمُر
والناس الي تَمشي
فززني من صفنتي صوت قصيـدة باسم
إلي شَغلها لـهيب
- نَسيتك ثواني ، خَيالك أجاني
اخذني شاطي حُبك ، أريد أعطش وأكتبك
خَيالك أجاني
أريد أرسم عيونك حَتى احاجيها
شرط دم أو تراب أو عطش مابيها
على صدرك علامه وصافن عليييها
أخاف أكتبها والعباس يمحيهااا ..
أبتسمت نـوران ڪالت بشقة
نوران : أول مَره صعدنا وياك
شغلت أغنية اليوم قَصيدة
سحب نَــفس عميق عدل المراية
خلاها عَليه تلاقت عيونه
ڪال بهدوء
لـهيب : تبنا بعدگلبي
لا نحب ولا نشغل أغاني نخلص يومنه
صلاة وصوم ..
نوران : بتــول ويين ؟
ما شفتها أبد
تنهدت بضيق وغمضت عيوني أسمع حَديثهم
لـهيب : سفرها هِشام خارج
العراق يحميها من أمها وبَطشها
نـوران : صبرية بعدها مريضة
ماتعالجت
لـهيب : تؤ ، الدكتور يكول
مابقتلها بس أشهر قليلة متطول سرطان بالدماغ
نـوران : استغفر الله تستاهل
من وراه أفكارها المسودنــة طبيعي يصير هيج بيها !
صار الوضع هَدوء لفترة
بعدها گسر لهيب الصمت وڪال
لـهيب : أصهب يريد يتزوج ..
فتحت عيوني أباوع ؏َ وجهه نوران
جانت هادئة
نـوران : ماعَندي أي ذرة مشاعر
الـه أعرف بيكم كلكم تردوني أتزوجه بس اني ماريد أتزوج بهذا العُمر أريد
أكمل دراستي وأستقر إذا ينتظرني لذاك الوقت أكدر ساعتها هَسه مُستحيلة أريد أكون
نفسي وأشبع من حياتي يلا أتزوج ماريد أتقيد برجال وبيت وأطفال ودراسة
ماحَب
أبتسم الها بلطف
لـهيب : تفكيرج صحيح وأحسن شي
تسوينه انه وياج
أي شي تحتاجي موجود بس كولي ..
وصلنا للبيت وإني الي صار ماينمحي من بالي
ترددت أدخل لزمت أيد
نوران قوي
دخَلنا جان المكان نَظيف ماكو أي أثر
لـ ايشي صار زفرت نــفس براحــة التفت اباوعله لـ أخير مره قبل ليروح
صارت عيني بعينه ميل رأسه
جر حَـسرة صافن بـ ملامحي من شافتنا نَوران هيج تركتنا وحَدنا
هو ساكت وإني ساكته
وعيونه تحجَي
بلل شفَته كال وهو واضح عليه التَوتر
لـهيب : أنسام أريد اسئلج سؤال ؟
ماجاوبت ضليت ساكته أباوع عليه
تنهد بضيق فتح الدگمه
الأولى من قَميصة
لـهيب : اذا يخطبوج تقبلين؟
غمضت عيوني وعضيت شفتي أحاول أخفي
أبتسامتي
فتحَتهن باوعتله بجمود
أنـسام : أي ، أريد أعيش
حياتي ماريد أبقى عايشه ؏َ أثر شخص
خايف يبقى وياي !
توسعت عيونه بصدمة ضحك بأستخفاف
لـهيب : خايف يبقى وياج
لو خَايف يخسرج ! أنـتِ ذات نفسج جنتِ
خايفة ؏َ نفسج مني ترديني إنه ماخاف عليج؟
دمارت وجهه بينت رص ؏َ سنونة
لـهيب : شعندي غيرج إنه؟ بس أنـتِ ضليتي الي
فضلت أشوفج من بعيد
حَتى أحميج
لزمت الباب قوي موزَين أضل واكفة
هواي
أنـسام : ميهمني حجَي يفيدك
هذا باوع لوضعنا بسببك بعد ماكدر أخلف !
جان لازم رأسة قوي باوعلي بدهشة
من ڪلامي
لـهيب : صح صح ڪلامج صحيح
لو انه مداخل حياتج مصار هيج
يحجي ويهز برأسة بمعنى أي
عضيت شفتي بوجع أريد اضرب رأسي بالحايط
أنـسام : لحظه أوكف مو هذا
قصدي لهيب أصبر خلي نحجي
راح وعافني وحَدي صحت
بصوت عالي
أنسام : لهيييب خلي أبررر
انتظررر شبيك تعبانة ماكدر أضل واكفة
اندار خزرني وڪال :- ماحب التبرير انطمي
ورجعي أدري بيج غبره
حجاييتين متعرفين تحجين ولي ليجوه فضيني ..
تنرفزت من نبرته صحت بصوت عالي
أنسام : هووو صوووجييي اني
ابررللك ياااحقييررر
روح روح ؏َ شنوو گاتله روحي عليك هو أنـتَ شااايب رج..
ردت أكمل التفت اليه يريد يرجعلي رأساً
سديت الباب وقفلتها
ضليت واكفـه بمكاني أسمعه يدگ بالباب
لـهيب : راجعلج أنسام أصبريلي
بس خلي أربي لهذا السگط واجيج أصبري عليه !
صارت عيوني ؏َ درج
حطيت أيدي ؏َ بطني والدموع تجَمعت بعيني
أنـسام : أتمنى أصير أمُ
ماريد انحرم حَتى من هذا الشعور ..
ضليت بالبيت ڪاعدة مادومت
لـ أسبوع ڪاعدة أصبغ أظفري أجرب هَذا الون
جانت الساعـة بـ تلاثة
وربع نوران ؏َ جيه
ماحس الى باب الغرفة أندفعت
قوي دخلت تلهث بالگوه تجر النفس عگدت حواجبي
اباوعلها بـ صدمة
أنـسام : شبييج شكووو!!!
نـوران : بس أسحب نفس اوكفي
حطت أيدها ؏َ ركبتها شمرت الجُنطة والمَلازم
سحبت نفس عميق بعَدها
ڪالت
نـوران : صَبرية صَبرية أحترگت
ماتت محترگه مُهره أمها راح تموت صارت
مثل المخَبلة ماتصدك بتها
ماتت محترگه
زفرت نــفس حجته ڪله دُفعة وحده
نـوران : أنسام صارت تمشي وتكول
هاي حوبة بت لـهيب انه هم راح أحترگ ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
البتـال :- حطيت الكرسي ڪدامه
ڪعدت وفتحت جگليته اباوع عليه
مربط من رجلي وأيده ومغطي رأسه
بعلاگه سودة
ضحكت بصوت عالي ؏َ منظره
أسرافيل : عرض السگط
وخرهن عني وخنصير رجال ورجال وجهه
لوجهه مو شاد أيدي وتطلع عضلاتك عليه
ندفرت الباب دنگ رأسة
ودَخل بسبب طَوله المُبالغ بي
رجال ڪبير بالعُمر أكبر من لـهيب باوعلي برود
جان لابس دشداشة سودة وگلاده
لـ سيف ذوالفقار حَلوه
خطف نظره من أسرافيل الي جان يتلفت مفاهم شي من الي يصير ..!
نهضت ؏َ حيلي تقدم عليه ڪتف أيده
أبتسم بخُبث
- هوايتي المُفضلة ياعلي
بيه شووگ اليوم الى أخلي يصيح الغَوث
رجعت للخلف سندت جسمي ؏َ الحايط
أكل جگليت بهدوء وأحدق بي
جان أكو بوكس مُلاكمه بي سحابه فتحها
وتوجهه لـ أسرافيل رفعت تگ حاجب عرفت نيته وين وشنو راح يسوي
تقدم شاله بأيد وحده وحطه بوكس المُلاكمه
بعد ما شال العلاگه من ؏َ رأسة
حطه بداخلها
ودفره برجله قوي حيل
إني من يمي غمضت عيوني
بتـال : ليش تركتها إذا تحبها
جان مستمر بالضرب ويضحك بأنتصار
ڪأنه يتغذى ؏َ أصوات
صُراخه وهو يتصارع وية الألم
- زوجـي مانعتني تكرهه العُنف
بتـال : هاي هيج تسمع ڪلام مرتك
ضحك بصوت عالي
- المايسمع ڪلام مرته مو رجال
ڪعد ؏َ الكرسي يلهث مسح العرگ
الي ؏َ جبينه الجو جان حار والغَرفة خنگه
فتحت السحابة
حَتى يتنفس لا يروح يموت علينا
صار صوت ضرب ؏َ الحايط هزيت أيدي باوعتله بقلة حيلة
بتـال : شَطيحك بيدددهم؟؟؟
لك ذووووله مسودددنييين وراح يسودنوووك
دخل لهيب لازم بأيده جاگوج
وبحلگه جكاره يدخَن أسرافيل يتلوئ بالگاع من الوجع تقدم عليه لهيب
داس ؏َ رأسه بالحَذاء تحديداً ؏َ مكان الأثر
گرفص ڪدامه
حط الجاگوج ؏َ وجهه
لـهيب : حَذرتك مرة وفيت بوعدي
وشوهت وجهك ولوما أخوي يوكف بوجهي ساعتها جان ذبحتك سكتت وتحَملت
ورغم سوايتك ضليت واكف ويه اختك وأصرف عليها ومهتم بيها بهاي جازيت تعبي عليكم؟
سحب نَــفس من الجگارة ونفثة بالهوئ
باوع اله مضيگ عيونة
لـهيب : بـيا أيد ضربتها؟؟
مارد ذاك جان فاصل مايستوعب شي جسمه
ضعيف مايتحمل
ضرب وثنينهم ثيررران بس ذاك جان أقوى من لهيب گسره تگسر
لـهيب : بـياااا خررررا أيددددد
ضرررررربتتتتتهاااا
رفع أيدع اليسرى بسرعة بدون مُقدمات
لزمها لهيب وضربه بالجاگوج
؏َ أيد قوي صوت صياحة زرف طَبلة أذني
أنسحبت من بيهم لعبت روحـي
ڪاعد يتفننون بتعذيبة
رحت للمحل أشتريت بطل مُي شربته ڪله أحس سنوني توجعني
بتـال : اول تالي عُمر أكل جكلييت
هسه تتگسرن استرن عليه
ماكدر بدونه
دگ تلفونه سحبت التَلفون من جيب البنطرون
بتـال : ها سبع سبوعيي مشتاقيين
يالگاطع زوجني أختك
السبـع : لـهيب وين؟ ڪله السبـع
جايك راح يعب بيك فلگ
ضحكت بصوت عالي
بتـال : لعبوني وياااكم بشرفكم
السبـع : جااييكم جاااييكم
أطلع ضيم سنتين من حلوككم ولد الكوا** ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنــهار :- شهگت وكفت بوجهه
اباوعله والدمَوع بعيني لزمت أيده قوي
أتوسل بي بـ نظراتي
أنـهار : زيين باوع باوع
بس اليوم بقيهم هنا الله يخليك بس
اليوم أصلاً وين راح وعايفني بنص اليلل وحَدي
ماتخاف عليه ؟..
رفعلي حاجبة
عُثمان : بربوك نمتي سنتين
وحَدج بتركيا ماينخاف عليج أنـتِ عرمة منو
يكدرلج تشگين حلكه وتبجينه
دم
رصيت ؏َ سنوني حجيت بقهر
أنـهار : لتفشررر لتفشررر
لم شفته للداخل هز رأسة بـ أيجاب
عُثمان : صحيح أتذكرت
مافشر عليج أبوسج ..
توسعت عيوني بذهول گــلبي يأذيني
خايفة يسويها صدك ويأخذهم أحاول أشغله حتى أضيع الوقت
رفع رأسة يحيى مبوز شفايفة مبرطم
فتح أيده بمعنى شيليني
باوعله عُثمان خازره
عُثمان : شبي هذا يسوي سوالف
البنات هيَ ليالي اجت للدنيا تجر زياجه
ڪول يالله بويييه استرجللل
هو أستهضم لأن صاح بوجهه صار يشاهگ
شمر روحه عليه
يبجي بصوت عالي شلته اطبطب ؏َ ظهره حَتى يسكت حاضنته بكل قوتي
واشم بي ودموعي ماوكفت
تنهد عُثمان نام دواد ؏َ أيده
حطه ؏َ القنفة طبع بوسه ؏َ جبينه يداعب خُصلات شعره بأيده
ضليت أفتر بـ يحيى لحد ما نام هو ثاني
بمُجرد ما حطيته بصف
أخو نسدت الجامه قوي فزيت وهربت مني صرخَة
التفت ؏َ جامه جانت مفتوحة الهوئ
يدفعها بلعت ريگي تحولت انظاري ؏َ الـ كاعد ؏َ قنفة يدخن ويباوعلي
أنـهار : شنو هسه!
عُثمان : سويلي أكل جوعان
أبتسمت بسعادة معناتها حَيضلون أطفالي
يمي نهضت ؏َ حيلي
رجعت خُصلات شعري خلف أذني واكفة ڪدامه شارگه حلكي
أنـهار : محتاخذهم مني مو؟
فتح تلفونه عيونه بتلفون
ومامهتم اليه جاوب بدون ميباوعلي
السبـع : تؤ تؤ أخذهم بس
ماكدر اعوفج وحَدج بليل هنا أنـتِ أنثى
رقيقة شلون بيج ؟
بعدين ششايفتني طرن أعوف حاته مثلج هنا ؟
تغاضيت عن ڪلامه رحت للمطبخ أسويله
أكل وهو ڪاعد أسمعه
يخابر ببنيه ويحجي وياها مامنتبها ؏َ حديثهم
أطبخ وإني مبتسمة جهالي حَيضلون
مني أدري بي جَذاب يكدر ياخذني وياه ويوديني
لـ أهلي بس ديسوي هيج حَتى يقهرني
حسيت بشخص واكف ورايه
وأنفاس برُگبتي أيده أنحطت ؏َ الكاونتر محاوطتني
مانعتني من الحركة
جمدت بمكاني ماعندي الجُرأة أتحرك
سحبت نفس عمييييق
استنشقت عُطره أبتسمت وإني أتذكر بـ فتره الحَمل شلون جنت راح أموت بس
حَتى أشتم ريحته
أنداريت صرنا وجهه لوجهه أشرت برأسي
؏َ الأكل هو عيوني تتنقل بين عيوني
ثابت ماهتز
صرخت بخوف من طفه ضوة المَطبخ وصارت
ظلَمه چلبت بملابسه قوي
خايفه حَتى هو عدل وكفته يباوع بحَيره
؏َ المكان أسمعه يستغفر
السبـع : إذا مانعل والد والديه
مكعدها يم السكارة والسحارات بسيطة
توسعت عيوني بصدمة من ڪال سحارات
لطمت ؏َ خدي حشگت روحـي بصفة
انـهار : يمممه جهاليي عُثمان خنجيبهم
لا ياكللهمم الجنييي
صرخت وكمزت مجلپه بي
أنـهار : يمممه هسه يسحبني عبوب
من رجلي عُثمااان احمممينييي جهالليي
رجع الضوه وإني مچلبه بي مثل المخَبل
وهو صافن عليه
منصدم من ردة فعلي دنگ حط رأسة ؏َ چتفي أكتافة تهتز من الضحك عضيت شفتي بفشلة أريد أغم روحـي ؏َ هلغباء !!
دفعته قوي عدلت ملابسي وتمشيت لـ جهالي أرجعهم
للغرفة تحت نظراته الي
اكلتني أكل
غطيتهم وسمعت صوت يصيحني
فتحت الباب جَان ڪاعد يأكل وتلفونه ؏َ فخذه يباوع بيه رفع عينه اليـة
أشر برأسة ؏َ مكان بصفة بمعنى تعاي ڪعدي
تقدمت عليه بخطوات
بطيئة وحَذرة ڪعدت اباوعله مانطه أي ردة فعل ڪان هادئ وبس يباوع ؏َ تلفون
وإني مدنگه رأسي العب بأصابيعي
عُثمان : الي نَام بحضني شسمه؟
أنهـار : دواد والي بأيدي يحيئ
هز رأسة بـ تفهم يأكل وعيونة تتجول ؏َ فراغ
عُثمان : تحَبيهم أنهار؟
أنـهار : شنوهلسؤال السخَيف
أموت عليهم جهالي ذولة قطعة من روحـي
أفرط بروحـي ومافرط بيهم ..
أبتسم وكال
عُثمان : شتفرطين رُمان
رُغم سخافة ڪلامه إلى أنو ضحكت
إني الفطَيرة باوعلي صار يضحك ؏َ ضحكتي
هز رأسة بـ يأس حط الماعون
؏َ جهه دار جسمه صار يباوعلي
عُثمان : مانطيهم الج راح أسجلهم
بأسمي وإخذ الوصاية منج !
تغيرت ملامحي والإبتسامة الي جَانت
مرسومة ؏َ ثغري أختفت
وتحَولت الى حَزن واضح ؏َ محياي
أنـهار : لاتسويها ماكدر عُثمان
بعثر شعره بأيده
عُثمان : أكو حاله وحَده
تكونين بيها وياهم !
بللت شفتي ڪلت بأستعجال
أنهار : موافقهه موافقه أيشي بس أبقى يمهم
عُثمان : ترجعين تعيشين يمي!
تصنمت بمكاني أباوعله يحجي
ونظراته تتوزع بين شفايفي وعيوني
حرك لسانه بخَدة
وأستقرت أنظاره ؏َ تلفونه الي صار يطنطن
فتح التلفون يرد ؏َ رسالة
أردف مكمل :- نسيت أكلج شي
انه راح أتزوج فـ لازم تتقبلين وجود زوجتي
الجديدة وتحترميها
فتحت عيوني مصدومة
انـهار : هاي هم حُب جديد !!!
أدري گلب كوستر حتى التگسي مو هيج
هز رأسة بدون ميباوعلي
عُثمان : اشش اشش لا أبوسج
هنا مو مال أنحراف وفروخج ناييمين
ذبيت حَـــسرة
أنهار : لهذا سبب شردت لأن أدري بيك
حَيوان راح تساومني
بجهالي مُقابل أبقى أعرف أساليبك قذرة ومُبتذلة !!!
حجيتها وكمت بسرعة ماحس
الى سحبني من معصم أيدي قوي جرني
عليه خزرني عاگد حواجبة
نهض ؏َ حيلة تقرب مني حَيل رفع حاجبة بأستنكار
عُثمان : حيوان شنو اساليب مُبتذلة شنو ؟
بعدج مشايفه شي حَبيبتي
أيده تسللت لخصري جاذبني الـ أكثر
أختلطت أنفاسنا خازرني يباوع بعيوني
عُثمان : عندي أساليب من نوع
أخر نجربها حـُب؟
هو نطقها وصار صوت طَرقات
خفيفة جايه من المطَبخ أحس الدم چمد بعروگي من الخوف نسيت إحنا شنو وضعنا شنو
لزمته قوي أباوع بعيونة
الي تحدق ؏َ الي صار بدهشة
أنهار : والله أكو شي عُثمان
راح راح راح يعضني الجني
حجيتها وشهگت ضامه رأسي بصَدرة صرت أرجف من الخوف صوت البزازين
يمنا عالي ڪلش يتعاركن والاضائه بالبيت
زبالة الگلوب يرمش
مسد ؏َ رأسي بحَنيه
عُثمان : كافي أسكتي ماكو شي
تتوهمين من الخَوف
صرت أبجي بصوت عالي وأناشغ
أنهار : ردت تأخذ جهالي وتعوفني
هنا ياكلني الجني والله
شدد ؏َ حُضني همس بخفوت
عُثمان : أنطمي ماجنت راح أعوفج
جنت العب بأعصابج ماجنت راح أسويها مو كوا**
أنهار : راح تتزوج وتجيبني
خدامه ومرتك تگفخ بيه ومن يكبرون
جهالي تحضرهم عليه ويكرهوني
رفعت رأسي أباوع لملامحـه بظلام
زم شفته للداخل يحاول يخفي ضحكته ڪال بهدوء
عُثمان : ماتگتلج أكسر ايدها
وجهالج يحبوج عوفي الدراما
مسحت دموعي باوعت ؏َ باب الغرفة
أنهار : يلا شوف اني رايحه أنام
أنت أكعد هنا بصف الباب أحميني إني وجهالي
من الجني
هز رأسة بـ أي وهو حَاير يباوع بأرجاء
البيت يدور تفسير للي صار
دخلت للغرفة سديت الباب باوعت ؏َ جهالي شمرت روحـي بنصهم حاضنتهم
الغرفة ظَلام ڪلشي ماينشاف منها
أنهار : عُثمان تسمعني!!
عُثمان : اسمعج انطمي جهالج
نايمين راح تكعديهم ڪافي
أحس تأنيب الضمير أكلني أكل اني فعلاً عندي فوبيا من هاي السوالف حتى
من جنت طفله أغطي كل جسمي بالغطه
أخاف لا الجني ياكلني ولسه الرهَبة بيهَ
فراش بالگاع نايمين عليه إني وأطفالي
قريب ؏َ الباب لهذا أكدر احجي براحتي ويسمعني
أنهار : ضجَت؟
عُثمان : من شنو؟
أنهار : مَــادري عُثمان هسه تكول
عليه زعطوطة بس والله أخاف لا ياكلني الجني
أسمع صوت طگه الجداحة سحب نَــفس
ڪال
عُثمان : انجبي هو أنـتِ خلگ 98 وينج
وين الكُبر بعدج فريخه صغيره
لعبت بأصابيعي عَدلت ڪعدتي سندت رأسي ؏َ الحايط ڪلت
أنـهار : صدك راح تتزوج؟
عُثمان : وداعت ذاك الي بالي أي
أنهار : عمت عينه يلي بالك
طگها بضحكة بصوت مسموع بعدها سكتنا ثنينا بده
النعاس يتسلل لعيوني
ماصرت أركز غمضتهن أحاول أنام
أقل الدقايق وغَفيت بدون ماحس ؏َ نفسي
فزيت مذعوره
من حَسيت بأيد نحطت ؏َ خصري
وشي خَشن حاوط ثغري مانعني من الكَلام
همس بأذني
عُثمـان : ليش سويتي هيجي
أنهار ليش خليتينا نوصل لهذا الطريق
تنهد بضيق سحبني عليه أرتطم جسمي بجسمه
- عُثمـان : رجعَيلي أنهار
همست بصوت خافت وإني مو واعية
؏َ روحـي مغمضة عيوني
أنـهار : ماكدر عُثمان ماكدر ماعندي
أي مشاعر الك ..
- شگد ضحيتلَكَ
بس أنتَ ماضَحيت
ولا مرة بحياتَك حَابني شوية َ
وألف فرصة إنطيتَك
بس أنتَ ماحسيت
باقي ومُستمر تُگسرني يومية
عمر خلصتَه إلَك
وبعمري ما ظَل
بس هالشوية وهم إلَك هيَ
ولك مالَك بگلبي بعد ذرَة حُب
گُسرتني ودمرت گلبي إليّة .
يتبع ..
الحكــاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!