أنسام اللهيب الفصل الرابع وثلاثون 34 - بقلم زينب الشمري

#أنسام_اللهيب

بقلمي أنا زينب خالـد

علقو بين الفقرات وصوتو للبارت 🤭💙
تابعو حسابي بالواتباد + حسابي انستا موجود بالبايو اذا تحبون تضيفوني ⁦.♥⁩

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

الوقَت الحاضــر

أنسام :- لبست الگعب حطيت
الجنطه ؏َ چتفي
تنهدت براحة فتحت الباب طَلعت للخارج
أباوع ؏َ سما بأبتسامة

أبتعدت خطوات قليلة عن
البيت وسمعت صوتها تركض التفت
صافنة عليها وضعها مبهذل
تأخرت ؏َ الدوام ضحكت ؏َ منظرها عيونها تنتقل بالارجاء تدورني

سارعت خطواتي حَتى لا تلمحني
خلي يكون درس الها تهيلگت تسهر ليل
ڪله ؏َ المسلسلات الكورية واني الصبُح ينشلع
گـلبي يلا أكعدها

أكيد عدكم فضول تعرفَون شنو
صار بعد طلاگنا؟

إلي صار بأختصار :-

لـهيب أختار هذا الطريق فعلاً
وحكم علينه بالفُراق هو لازال يتردد لبغداد
بين فترة وفترة
لكن مو علمودي علمود نوران ينقل اشكال الوان الها وإني حَتى نظره ميباوعلي

يذبحني بتصرفاته هاي
مرت سنه ونص ؏َ الي صار وگلبه
لسة ماحَن عليه ڪلها تتوقعني نسيت وكدرت
أعيش بدونه
بالواقع هَو العكس أبين هَذا الشي بس بداخلي محتاجته محتاجه حَنيته
خوفه حُبه بعدني لسه أسمع الأغاني الي جان يغنيها الي رسائله دائما ارجع اقراها
الي يقهرني هوَ يعاملني ڪأني مو موجودة ولا يشوفني ..!

دَخلت للشركة التفت وراي أبتسمت
وإني أحدق بالدرج
هنا أول مره شفته ، نگسر تلفوني لسة منظره
ميروح من بالي شكله ولبسه وحتى
ريحته ڪله هاي الأشياء طابعة بعقلي

ذبيت حَـــسرة تمشيت بالشركة وصوت
گعبي يرن بسامع الكاعدين
توجهت ؏َ غرفتي فتحت الباب بهدوء وإني مدنگه

رفعت رأسي وگشولت وجهي بقرف بمُجرد ما لمحتها
واكفة تگلب بـ ملفاتي وشغلي
شمرت الجُنطة ؏َ الكُرسي وسحبت الملف من أيدها بقوة

رفعت حاجبها تباوعلي بأستنقاص

فُرقان :- شبييج وجع
هوَ هيج جان نگسر أظفري !

عضيت ؏َ شفتي أحاول أكبت غضبي
عنها وماسحلها
هنا گلبت أيدها تباوع ؏َ أظافيرها بقلق رفعت رأسها اليه باوعتلي بأبتسامه
خَبيثه درت وجهي أستغفر اعرف نيتها

حجت بتنعوص
فُرقان : تدرين بعد اليوم
لازم أكون أحلى مايكون عندي دَيت ويه الحُب ..

گلبت عيوني بتملل حطيت الملف
؏َ الميز ڪعدت ؏َ الكرسي فتحت اللابتوب
متجاهلتها ڪلت بعدم إهتمام

أنسام : تحترگين أنـتِ والحُب
مالتج ولي عني فُرقان صبحت بوجهج
الاگشر شيسوي بيه الله بعد

تخوصرت تهز برجلها معاجبها الحجي
فُرقان : ليش يـمه شبي
وجهي جنه العافية دباعي لخلقتج !!

نهضت ؏َ حيلي ضربت ؏َ الميز بيدي بكل قوتي
صحت بصوت عالي

أنسام : يابة وحگ الي طاح دمه غَدر بطف
الطش راسج
بالحايط إذا ماتسكتين

رادت ترد عليه لكن الباب ندفرت
بقوة دخل وعيونه تجدح نار خزرنا ثنيناتنا
عوجت حلگها هيَ
وإني عَدلت وكفتي سد الباب قوي بحَيث اثنيناتنا فَز جسمنا بخوف

هِشام : زعاااطيط زعاااطيط؟؟؟
عرگه من الصبببح الله وأكبر ؏َ روسجن ولجن
شني انتن ڪل يوم عركه ڪل يوم
عركه

لزم شعره بقوة يأشر ؏َ رأسة
هِشام : هذذذا شعرررري شوووفنن
شييييب منورررراجننن
ولجننن وين كاعدددين مو صخام وشركه
والوادم تريد تشتغل وإني جايبلي ضراير ذاك الچلب الي نايم مرتاح وانه الحاااييررر
بيهنننن

طگت بعلجها فُرقان حجت
وهيَ تتنعوص وتفر بخُصلات شعرها

فُرقان : شبيك شوشو
متشوفها هيَ تتحارش بيه من الصُبح
تكلي تحترگين أنـتِ والحُب مالتج

عض ؏َ شفته جَان أكو ڪرسي صغير
قريب منه شال رفعه
وتوجهه علينا وأحنا كمنا نصيح

هِشام : بره ثنينجننن بررره
ثنينجننن مطرووووداتتتت

شمر الكُرسي بقوة ؏َ الأرض انتفض
جَسمي بذُعر باوعتلها بحقد غميتها وطَلعت
تأففت بضجر هاي وضعنا
ڪل أسبوع إذا ماننطرد منرتاح هوَ يحجيها هيجي بس عادي نداوم ثاني يوم

خزرتها وطلعت أدردم عليها
هاي وضعي وياها من سنه ونص
بالبداية جانت تنرفزتي وتبجيني بس تعلمت أرد عليها وصارت ڪل أسبوع مگافش للروس

أنزل ؏َ درج وحاطه التلفون
؏َ أذني ادك عليه
فتح الخَط رأساً وصاح بصوت عالي زرف طبلة أذني

بتـال :- ممممممرت أخيي
تؤبرينييي شووو مشتااقلللككك

ضحكت بصوت عالي دفعت باب الشركة
وطلعت واكفة ڪدام السيارات
أدور تگسي واحاجي

أنسام : شعجب اليوم
داگ عليه أول تالي

حَمحم وكال
بتال : أكو واحد مشتاق يسمع صوتج
هو حجاها وسمعت
صوت ضربه قوي عگدت حواجبي بأستغراب

أنسام : شبيك بتاال شدتحجي؟

أسمع بصوته يصيح ويضحك بصوت
عالي وإني مثل الأطرش
بزفة

بتال : اششششاقه حُبي دُعااابه دُعاااببه
محد مشتاق گلبهم چلمود

حجيت وإني أتحرك
بعد ما أشرت لـ أبو تگسي يوكف الي

أنسام : هو إني ليش مدافهم شي؟

بتاال : عابت لهلفهاوه
گضيتي عمرج ثوله ضلي ضلي ..

عضيت ؏َ شفتي وإني أحس بگلبي
يوجعني ڪعدت بسيارة أباوع ؏َ جامه واحجي وياه

أنسام : بتال أريد أسئلك
سؤال بس مو تكول لهيب سئلت
هسه يكول گاتله روحها عليهه

طگها ضحكة بصوت عالي
بتال : افاااا خليييها يمي
ولا يدري سررررج بيررر لو يحط البندقية برأسي ويكلي سولف ماسولف

أنسام : شوف هاي فُرقان
اليوم تكلي طالعه ديت وية الحُب
وإني گلبي لعب أخاف طالع وياها أنوب
هيَ صايرة حلوه أحلى مني واني چني جبار أبو المي يببووو راح اااموووت

أسمع احد يمه ذب حَــسرة
لطمت ؏َ خدي قوي حجيت بصوت خافت

أنسام : صخاام بتال هذا لهيب
يمك؟ جنت اشاقه خيولي طبه طوب هو وياها

مارد عليه أسمع صوت حركه
يمه

بتال : لا ولج هذا السبع
يمي ، يجوز ماعرف
لأن لهيب اليوم جاي لبغداد ..

أحس گــلبي عصرني من ڪالها
فُرقان دائماً تلمح أنو لهيب يريد يرجعلها
أعرف بيها جَذابة بس مو بيدي أغار أحترگ عليه

خَفت لا يطلع يجذب غيرت
الموضوع رأساً
أنسام : شصار ؏َ موضوعك
لسه مانطاك البنيه؟

ضحك بخفة ڪال
بتال : لا هيَ تريدني ولا أخوها
مقتنع تكله معاجبها أنه

تنهدت بضيق
أنسام : هسه شچاك بس هيييَ
هاي العراق متروس نسوان وگفت عليها
بعدين هيَ صغيرة وأخوها
يجوز حجه الحجاية يخلصها من عمامها

بتال : نجبي نجبي شمعرفج
بالحُب تدرين شكد أحبها ؟ لدرجة
مستعد انطيها ڪل جگليتاتي

ضحكت ؏َ ڪلامه حجينا شوي
وسديت الخَط وياه نزلت أتسوگت للبيت
وأشتريت حلويات لنوران ورجعت
حطيت العلاليك بالمطبخ وبوجهي للغرفة أكمل نومي شتمت فُرقان گشخت
ولبست وفوك هذا رجعت للبيت مطروده

شمرت روحي ؏َ الجُرباية
چفي ؏َ المُخَدة نايمه والنومه نومهَ
ماحسيت إلى ؏َ أيد نوران
تهز بيه

فتحت عيوني بتثاقل
باوعتلها بطرف عيني

نوران : ڪومي أنسام باوعي
لهيب خابرني راح يجي يشوفني ويطلعني
طَلب مني أخذ أذنج تقبلين

طفرت رأساً من سمعت
إسمه خزرتها وأحس عطبت من العصبية جانت الساعة
بالأربعة العَصر باوعت ؏َ أيدها لازمه التلفون

سحبته قوي من أيدها
حطيته ؏َ أذني ڪلت بعصبية وبحَه النوم
واضحه بصوتي

أنسام : تكدر تخابرني أني
وتطلب مني خوش؟ مو زعاطيط
إحنا إذا تطلگنا نگطعها فدنوب أحترم الأيام واللحظات الحَلوه الي بينا

مارد عليه لدرجة صفنت
بعدت التلفون اشوفه قفل لو لا؟

لـهيب : شهلصوت؟ جَنتِ نايمة؟

عگدت حواجبي بأستغراب
حطيت أيدي ؏َ عيوني أحس
وجهي صار يطلع دُخان أكيد صوتي يلعب النفس جنهَ وحَده سكرانة

أسمع صوت السيارات يمه
ذب حَــسرة وڪال :- من تصحصحين
خابريني أرد عليج ، سيارتي جديدة مو مال أسوي حَادث من ورة .. استغفر الله

أنسام : شنوو؟
حجاها وقفله بوجهي شمرت التلفون ؏َ الجرباية عصرت رأسي بأيدي قوي
باوعتلها تگلب بالمكياج مالتي بهدوء

أنسام : هذذذا شبييي شبيي
ليش هيج رجع لشخصيته المُستفزه
استغفر الله ربي صبرني

انداريت عليه ڪالت
نوران : أنسام لو تدرين اليوم شفت!
بنيه ولد لازمين أيد بعض ويمشون سووووة
بنُص الجامممعه لازم
اييدهاا وباسسسها من رأسها كدامييي !!

شمرت المخُدَه ؏َ رأسها
وإني أحس أعصابي تالفه باوعت ؏َ المراية الي ڪانت قريبة مني
شهگت من شفت گفشتي واصلة للسگف
راح يشوفني هيج !!

گمزت بسرعة ركضت ؏َ الحمام وهيَ
وراي تمشي وتسولف الي
صار وياها بالجامعة نوران طلعت مُعدل عالي بالخامس سمحَلها
تسوي تسريع وحَتى مُعدلها بالتسريع ڪان عالي ڪدرت تروح طَب عام جامعة
المُستنصرية

حققت حَلم علي ٰ وصارت دكتورة ..

من نجحت لهيب
أكثر واحد فرح بيها يمكن حتى أكثر مني
جابلها أيفون هَدية
وكيكة وحفله والسبع انطاها فلوس والبتال طب يهوس يشمر جگليت ويسوي
نفسه يبجي يكول گلبي ينجعص من يوكعن جكليتاتي بالگاع ..

طلعت من الحَمام
لافه المنشفه ؏َ جسمي
وشعري مبلل نازل ؏َ متوني يگطر مي
تأخرت هواي بالحَمام هاي طبيعتي أغني ابجي وساعة اقره قصايد
يلا أطلع

رحَت للغرفه بدلت ومشطت شعري
مرات ماطلع ڪدامه أحبس روحـي بالغرفة
عود أعاقبه احرمه من شوفتي وهوَ ولا مهتم
ومرات بحجه أريد مي
لو أروح للحمام للمطبخ أنزل أشوفه يحجي وياها
عيونه تأكله أكل وهو حَتى ميرفعهن
حَتى يلمحني

يخليني اشيل روحي وارگعها بالكاع
ذبيت حَـــسرة باوعت ؏َ ملامحي صارت دموعي
تنزل ؏َ وجَنتي

غطيت وجهي بأيدية
أنسام : إني ليش أسوي هيج؟
سنة ونص ولا مره گلبه رف عليه ؟
ماحَن ماگسره فراگي شعندي اسويله هيج
وأريد بس أحجي وياه

نهضت امشي بخطوات بطيئة
أسحل بروحي سحل فتحت باب غرفتها
جانت نايمه ؏َ جرباية ڪدامها الملازم والتلفون
باوعتلها برود

أنسام : بس أنـتِ وياه تطلعون ؟

هزت رأسها بـ لا
نوران : ودق ويانا

أنسام : روحَـي وياه بس مو تتأخرين
نوران تَــمام حَدج
سبعة ونص !

اندارت تباوع للساعـة جانت خمسه ونص
دزتلي بوسة بالهوه
أبتسمت الها سديت الباب ورجعت لغرفتي
ظفرت شعري
ڪعدت ؏َ الجرباية أتصفح بگروب الشركة الي مسوي وضايفيني بالجديد

أگلب بالرسايل وأكل ككو
عگدت حواجبي من لمحت أسمي مذكور
رجعت شوي شوي
اقراهن

موظف قَديم ڪلش بالشركة
ڪاتب " أنسام إختيار موفق افكارها
ممكن تغير مصير الشركة "

جواه راده عليه فُرقان كاتبة

" أنسام اختيار موفق، ؟"
ويمها ايموجي لعبان نفسه عضيت
؏َ شفتي ردت أرد بس أستوقفني صوت الجرس
يدگ

تنهدت بضيق طلعت من المُحادثة
بكُبرها رحت ؏َ اليوتيوب أدور قصيدة لـ باسم أسمعها حَتى أنسى

شوي وأنفتحت الباب دخَلت نوران
گاشخه وريحه عُطرها سابقتها أبتسمت اليه

نوران : لهيب يريد يحجي
وياج جوه

رمشت بعيوني ممستوعبـة
هاي أول مَره !! أحس بدگات گـلبي وهيَ تتسارع
مهما أحاول أبتعد
عنه يصير شي يخليني أرجع لنُقطة الصفر

سحبت الحجاب وصاية
نزلت ؏َ درج بخطوات ثابتة لمحَته واكف
يم الباب منتچي
؏َ الحايط ويدخن رفع عيونه من سمع صوت خطواتي

عصرت ملابسي قوي نزلت
بسرعة صرت يمه عيونه ثابته عليه
ماشالهن وإني إتلافى أحط عيني بعينة
شنو نگلبت الأدوار !!

لـهيب : شبيج!
حجاها بفضول وعيونة أكلتني أكل
عضيت شفتي أغم بروحي نازله
بشكلي المرعبل هذا

رفعت رأسي الــة اباوع عليه
مَتغير هواي

أنسام : مابيه شي مو ردت تطلعها؟
طلعها بس خلي ترجع قبل سبعة ونص

جان تلفوني بأيدي لازمته قوي
أحس أدية عرگت من التوتر عيونه بعيوني
يباوعلي بجمود
هز رأسة بـ أيجاب راد يطلع دگ تلفوني
التفت صفن ؏َ تلفوني
رفع عيونة اليـة نظراته وترتني

باوعت لـ تلفوني أشوف منو يدگ
أتسعت عيوني بدهشه
من شفته نفس الولد الي ڪان يدافعلي بالگروب !
مابينا أي شي حَتى
بالشغل نادراً ما نتكلم ليش اليوم يدك؟

بلعت ريگي خطفت نظره
عليه حاط الجگارة بحلكه ينظرلي مضيگ
عينه أشرت برأسي بـ معنى شنو ؟

أنتهت المُكالمة ورجع يدك عضيت
شفتي ماحس الى صاح بصوت عالي
وصفگ أيد بأيد

لـهيب : هممم سووووتهااااا

چفلت من صوته العالي باوعتله
بأستغراب يفرگ بوجهه رفع عينه خزرني وڪال :- جيبيلي گلاص مي

تمشيت للمطبخ تسرت گلاص
مي قَدمته اله فتحت تلفوني دكيت عليه

أنسام : الو سلام عليكم أبو ڪرار

من حجيت هيج غص لهيب بالمي
باوعلي بصدمة تغاضيت عن نظراته رحت
؏َ جهه أكمل المُكالمة
سمعت صوته وهو يرگع الباب قوي
غمضت عيوني وأبتسامة ظهرت ؏َ ثغري

رجعت لواقعي من سمعت
صوته

- اني جداً أعتذر صار سوء
فهم فُرقان فهمتني غلط أعتذر
إذا سببتلج أحراجات ..!

عگدت حواجبي بأستغراب
أنسام : لحظة لحظة أنـتَ شنو تحجي؟

- ؏َ الحَديث الي صار
بالگروب ؟

سديت الخط وياه فتحت المُحادثة
صرت أقره الكَلام ودموعي بطرف عيني
دگيت ؏َ فُرقان مرة مرتين ماردت
شمرت التلفون ؏َ القنفة

ڪعدت لازمه رأسي
وصلت بيها القَذارة والدنائة تطعن
بشرفي الگلبه

أهز برجلي قوي وكلامها طبع بعقلي
بعد ڪلامه عليه أتهمتني
عندي علاقة غير شرعيه وياه ودليلها نَظراته اليه

المُشكله مو هنا المُشكلة نص
الشركه بهذا الگروب وهُمه الله يسلمهم
الحجايه من واحد لواحد
طَنطَن التلفون دليل ؏َ وصول أشعار سحبته بسرعة

جانت منه عَند حَسن "أبو ڪرار"

- إني جداً أعتذر إذا سببتلج
احراج نظراتي الج جانت من باب الإعجاب
راح أكون صريح وياج
إني مُعجب بيج من فترة طويلة اذا ماكو أشكال
ادز الوالدة تخطبج ..؟

قريتها من الاشعارات مافتحتها
صفنت أعيد الرسالة أكثر من مَره من الصدمة
حتى بجي وكفت ندگت الباب
قوي حيل چفلت من الصوت العالي

عدلت ملابسي وفتَحت الباب
وأخر شخص جنت أتوقع أشوفه ڪدامي

” أسرافيل „

أرتديت للخلف توسعت
عيوني بذهول هو رفع عينه اليه ومسح أنفه بقوة بأكمام القميص
ردت أسد الباب حط رجله دفعها
ودخل للبيت سد الباب أنتچه عليها يباوعلي برود

شهگت بخوف
ردت أرجع ليورة عثرت وطحَت بالگاع
وهوَ عيونه ماشالها
عَني ثنه رگبته گرفص ڪدامي جانت
رجلي قريبة منه سحبني من رجلي قوي عليه

جسمي يختض بمُجرد ما أتذكر
ڪلامه وتصرفاته جسمي ڪله يترعد خوف
شلون أذا هوَ هسه گبالي !!

بعَد الكبوس الى ڪان ؏َ
رأسة ظهر وجهه وبين الأثر ميل رأسه يحدق بيه بطريق تخوف

أسرافيل : مو ععععدددللل
مووو عععدددل فُرررقاااان غششششتتت

يحجي ويضرب برأسة قوي
وإني دموعي تنزل وصاده عنه أحس أصابعه
نبتت برجلي
رص ؏َ سنونة سحبني من ملابسي قوي
قربني عليه صرنه وجهه لوجهه

أسرافيل : لهيبببب غبيييي غبيييي

حجاها وذب حَــسرة
بلع ريگه حرك أصابعه ؏َ ملامحي
يتأمل تفاصيلي

حجيت بتعلثم وصوتي يهتز
أنسام : شش..شلون لكيتني
شتريد وخر ..

باوعلي بقرف ماحس إلى ؏َ راشدي
قوي صار صوت صفير
بأذني من قوة أيده فتحت عيوني وغمضتهن

باوعلي وأبتسامة حَقيره
أنرسمت ؏َ ثغره

أسرافيل : ماحس أكتفيت
أريد بعَد أريد أشوف لهيب يتأذئ بعَد
وماكو وسيلة غيرج !!

دفعني قوي ؏َ الأرض تمشى
للمطبخ يدندن وإني ؏َ الأرض أسحب النفس
بالالف ياعلي
ركضت بسرعة أريد أصعد فوك
أختل

بس وصلت للباية الثالثة أنسحبت
قوي من شعري وسچينة نغرست بطني قوي
خَلت الدم يجري ..

❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜

أنــهار :- جنت ڪاعده ؏َ القنفة
أهز برجلي متوترة
أندفرت الباب قوي دخل لهيب لازم خليل من ياخه
قميصه أشرت لـ أزهار تدخل
لـ أطفال للغرفة

ماحَس إلى لهيب ضرب
خليل بوگس ولزمه لطشه بالحايط

لهيب : حييييووووان شجااابكك
هنااا اخوك وييين

وخليل أنسطر من الراشدي يباوعلي
ويباوع لـ لهيب بدهشة

ڪال بثول
خليل : أشتهيت أيسكريم

هو نطقها وضربه لهيب گله برأسة
دفعه للگاع وصاح بصوت عالي إني من فزيت

لـهيب : اااخوووك وييين

خليل : واللعبااسسس مچتف
تاخذوني لأبوفاضل ماااعرررف وييينه
ونبييي مَــادري بس عوفوني شبيك عصبي

بلل شفته لهيب سحب نَــفس عميق
رجع خُصلات شعره
الي تبعثرت ليورة دنگ ڪعد ڪدام خليل

لـهيب : بوية أنـتَ شاخط؟
شافط؟ تتعاطى تعرف شنو معناها
من إني وياك هنا؟

رفع رأسة خليل للسگف يفكر
خليل : مَــادري ، معناها
إحنا جاييين نشوف أنهار غير؟

عض شفته رفع أيده يريد يضربه
رأساً خليل غطه رأسه وصاح

خليل : شبيييك هو أنتَ محترگ
دددمك من أنسااام لأن كالتلللك خووويه
وتطلعها بيه

جحظت عيون لهيب نهض ؏َ حيله يريد
يلزمه ويصيح
لـهيب : والله أذذذبحككك والله
إنه گتالك ارجعك لـ أمك بتااابوت

إني منا أعصابي تالفه
وهـمه يتعاركون ڪدامي صحَت بصوت عالي

أنهار : ڪااااافيييييي

حجيتها وشهگت ڪعدت بالگاع أبجي
بصوت عالي ممهتمه لردة لفعلهم ؏َ تصرفي

خليل : هسسسه غيررر
واااحددد بيهم يحجييي شنو صاير
أحس نفسي واحد رايح لعرس لگه نفسه
بفاتحة

لـهيب : ليش أجيت
احنا شمتفقين مو واحد بينا يروح الها؟
لو انه لو أنتَ لو ذاك الكوا** ميريام ؟؟؟

خليل : چا انه شعليه
غير ميريام عنده شغل وعُثمان ڪلي
أنتَ رايح لأيران ڪلت أروح اشوفها واشوف فريخاتها خطيه

رفعت رأسي أباوع لـ لهيب
وعيوني تلمع من الدموع غَمض عينه
وضرب گصته بقوة

أنهار : شوووفووو لـ ڪِلشيي جااان
مخططط حاسبب حساااب ضحك عليييكم
أثنينكممم راح ياخذذذذ جهاليي الله يخليك لهيب لا تخلي ياخذهم امووت والله

شهگت ومسحت دموعي زحفت
وصلت يمه لزمت أيده قوي أتوسل بي

أنهار : كوووله مو جهالك
حتى لو يذبحني يطلگني يحجي عليه
عادي لاتخلييي ياخذذهم ماااكدددر بدونهمم ورب

ڪعد ؏َ القنفة لازم رأسة يفكر
وخليل صافن ؏َ الوضع
وإني دموعي ماتوقفت ركضت ؏َ الغرفة فتحت الباب

لزمت جهالي حاضنتهم قوي وأناشغ
أزهار تباوعلي بقلة حيلة

أنهار : يمه اموووت والله اموووت
أذا ياخذككمم

ندگت الباب وصوت لهيب صار واضح
وهو ويكول :- أنهار
حضري روحج أرجعجج للعراق ..

باوعتلي أزهار بصدمة هزت رأسها بـ لا

أزهار : لالالاااا لاتسووويييهاا
رجلج ذكييي وهذا صاااحبه وهو يعرف
طريقه تفكير صاحبة
إحتمال تلكي واكفلج بمطار بغداد ينتظرج ديربالج أنهاررر !!!

دفعت أيدها قوي حاضنه جهالي
ودموعي تنزل بغزارة

أنهار : وذذذاا بببعددده
هنننااا شسسسوي ساااعتها ويين أنطي
وجهيي؟؟ إذا بليلة ظَلمه
فات عليه للشقة شلون مادخل ذاك اليوم وأخذهم
شسوووي منو يفيدنييي ساعتهااا

أزهار : هَذا شنو!!!! چنه دودة
الگاع يحفر يحفر ويطلعلج
يلا هاي زينه جان عبالي يذبحج الهمجي

سكتت شوي بعدها أردفت مڪملة
:- بس حَلو حبيت هاي طريقته
المُبتذلة شلون يهددج وخوفج أحسه مخبل
الله يشافي

رمشت بعيوني ممستوعبـة
صحت بيها

أنهار : ااااننننااا بيااااحاالل ودفان
ييغمزليييي تشششووفين هذا وقت مُناسب
ست أزهار حَتى نحلل بي شخصيته زوجي؟

عوجت حلگها ڪالت

أزهار : أنهار شلون بيج؟
أولادج مسميتهم ؏َ أسم ابوج
شلون إذا رجعتوو؟

تنهدت براحة هزت رأسها بـ أيجاب
أزهار : لييث شكدد ساعدننه!!
خطيه لازم نروحله

باوعتلها بنفاذذذ صبر
أنهار : أطلعييي برررهه ماكدددررر اتحملج.
بعدددثوانييي بسرررعههه

هزت أيدها طلعت عافتني وحَدي
وإني ڪل شوي أبوس واحَد بيهم ودموعي ماوكفت
ضلينا ؏َ هلحال أياام
إني ماطلع من البيت الباب ماشوفه من الخَوف
أخاف لا يطلع بوجهي
أنام وأفز خايفه لا ياخذهم مني ...

شلت داود وهو نايم
حطيت رأسه ؏َ چتفي وأزهار
شايله يحيى ولهيب ماخذ الجَنط نزل قبلنا
واحنا وراه دنيا الفَجر
ڪلها نايمه والشمس قَربت تشرق

ذبيت حَـــسرة التفت أباوع ؏َ العمارة
أزهار تجي وياي
ڪم يوم بعدها ترجع لهنا تعتبرها زيارة

هستوني أصعد للسيارة شخَطت
سيارة يمنا بكُل قوتها
أنفتحت الباب ونَزل ليث أيده ملفوفه
وجهه صاير خريطه
عضيت شفتي من شفته منظره

ليث : وووييين وييين ورايحات
ڪل عقلج تخافين
من فرخ مثله؟

ردت أرد ماحس الى باب
السيارة نرگع قوي نزل لهيب باوعله
رافع حاجبة

لـهيب : شبيك ياروحي
هاي أيدك گاسرها الفرخ الظاهر ،
شوف بعدروحي أنه رجال خير نصيحة
مني الك لا تلعب وياه انه صاحبه واعرفه
يخسف الگاع بيك فريخنا شوي مسودن عقله طابگ

باوعلي ليث متجاهل
وجود لهيب وكلامه أقترب مني
بلل شفته

ليث : ابقي هنا اني احميج

أزهار : يااا فلك
خاب دروح ليث شبيك
هو أنـتَ لزمت أيدها گسرها الك
تبقى وياك يحركنا ويسحلنا ذهاباً وإياباً

حجتها وغمزتلي صعدت بالسيارة
تقدم لهيب وكف ڪدامي صرت وراه

لـهيب : ماقصرت وليدي
بس احنه بناتنه يخصنا هاي عَرض صاحبي
واخت مرتي لا تندگ ويانا
احنه مسودنين من يصير الموضوع يخص عرضنا ..

التفت عليه مبتسم أشرلي
برأسة بـ معنى أصعدي باوعتله نظره اخيره
تنهدت بضيق صعدت
للسيارة وإني يراودني إحساس سيئ شي بداخلي يكلي أبقي هنا !!
وإحساس ثاني يكلي لازم ترجعين ڪافي بُعد !

وهذا إلي صار فعلاً
إني واكفة بمطار بغداد الدولي لازمه
أيد أبني قوي الي يريد يركض بين الناس ويشرد
أباوع ؏َ الناس

اجتي أزهار وراي تمشي بـ يحيى
وهو هستوه ڪاعد من النوم
وكفنا ننتظر لهيب واني عيوني تتنقل بين
الناس

اجه لازم الجُنط باوعلي أبتسملي
بأطمئنان

لهيب : لتخافين تبقين
هنا ڪم يوم قبل ليرجع واطلعج
لـ أربيل وراها نشوف حل

أزهار : وبعددين شيصير
نضل لعب مثل توم وجيري يعني لگفها
وأحتمال تسعة وتسعين بالمية يعرف عنده أطفال
وصراحة اني يراودني
إحساس هو يعرف أنـتِ هنا وكاعد حاط رجل ؏َ رجل يضحك علينا

حجتها بأبتسامة هادئة
وإني من وراها صرت اطك سن بسن من الخوف
أحس بجسمي ڪله يرجف
مو خوف منه خوف ؏َ أطفالي ..!

خزرها لهيب ڪال :- هَذا حلگج
ميعرف يحجي شي بي خيررر؟؟؟ انلصميي وكرمينا بسكوتج لأن من تحجين
تلوصين الدنيا

باوعتله صفح وهزت أيدها
خليل رجَع قبلنا للعراق حَتى يشوف
عُثمان وين والغريب بالموضوع عُثمان ماكو هنا
ومايرد ؏َ تلفونه !

نمشي واني لازمه جهالي ثنينهم
وعيوني ماثبتت ؏َ مكان
اتلفت مثل المخَبلة أعتقد ڪل الي بالمطار
لاحظو تصرفاتي الغريبة

أزهار تمشي وتشتم
بـ عُثمان جانت مدنگه وتباوع ؏َ ملابسها
نرگعت بواحـد رأساً صااحت

أزهار : شبيييك
انداريت عليها أباوع ؏َ الي ديصير
توسعت عيوني بدهشة وإني أشوف عُمر صديق عُثمان واكف ڪدامي !

عقج وجهه عض شفته
من نگبت الگهوه ؏َ ملابسها

سحبت نَــفس عميق تحاول تهدئ نفسها
رصت ؏َ سنونها ڪالت
بعصبية :- أعمممى أعمممى أثوللل؟؟؟

تغيرت ملامح وجهه خزرها
وصاح
عُمر : احترمييي نفسج!
مو قصدي .. يعني شنيه غايتي
أگب كهوه ؏َ وحده مثلج؟

گشولت وجهه بقرف
أزهار : هيَ هاي دروبكم زلم
ماعرفهااا قاابببل ؟

عُمر : هاي دروبنا
للحلوات مو للحولاات ..

صارت عينه بـ عيوني جَمد
بمكانه تصنم من شافني إني سحبتها من أيدها
قوي أسحل بيها وهيَ تريد
تتعارك گــلبي صارت دگات گـــلبي مثل طبول الحَرب
إذا ڪله ؟ وعرف اني هنا؟
زين إذا طَلع هو من البداية يعرف بوجودي هنا ودازه يراقبني ؟

وصلت يم لهيب
لزمته من ردانه قوي التفت يباوعلي بصدمة

أنهار : صص..صديق عُثمان هنا
شافني لهيب شافني

بلل شفته باوعلي بقلة حيلـــة
لـهيب : لتخافيين بابا مايصير شي
إنه بظهرج أگسره تگسر بس يفكر يطخچ لو يأخذ فروخج

ماكو أي ڪلام يكدر يسعفني
طول الطريق واني حاضنتهم بكُل قوتي
صار سبوعين لا ليلي ليل ولا نهاري نهار حَتى هم زهگو وضاجو مني مارضى لا يلعبون
ولا يتحركون حاطتهم بحُضني وكاعده

نزلت جان بيت صغير مأجري بأطراف
بغداد يعني تقريباً بـ بابل
عبارة عن حي قديم ودرابين صغيرة متفوت
بيها السيارات المكان يخوف
بس ماكو باليد حَيلة أزهار تروح لـ أختها
وابقى إني وأطفالي

دخلت للبيت جان قديم حيل وصخ
يمكن مامفتوح صارلة شي عشر تسع سنين
تنهدت براحة

أبتسمت وأخيراً وإني اشوفهم
يلعبون ويگمزون بالارجاء مكيفين تغير
مكانهم

زفرت نــفس بديت أنظف بالمكان
ڪله تراب جان أكو مسواگ عفته ؏َ جهه
نيمت الجهال جانو تعبانين من الطريق والسَفر

سويتلي أكل
وإني أعيد بـ ڪلامه بتلفوني القديم
أقره رسايلة اليه
من ضمنهن وحَده بـ تاريخ قديم كُلش
ڪاتب

- أنهار وصلت لخيط
الج

بعدها بخمس أيام داز فويز
يضحك بي من ڪل گـلبه ويكول
- لكيتج ياحلوه ..

حطيت أيدي ؏َ حلكي
يُمه هذا بلاشك مو صاحي مخبل
سديت التلفون أحس الأجواء صارت مشحونة
توترت ڪمت أغسل
بالمواعين واطگ أصبعتين

أنهار : خَشمه خشم ابو
حلكه حلگ أبو موووتي يااامرررت ابووو

ادندن وطگيتها بضحكة
مودي ماال ركص بس الوضع ميسمح
لليل ظليت ڪاعدة أراسل بـ أزهار تقريباً صارت بالوحَدة وصرت أسمع
صوت بزونة قريبة ؏َ البيت

تملكني الخَوف شمرت التلفون
كمت فتحت البردة أباوع ؏َ الوضع

حطيت أيدي ؏َ شعري لميته
بالگتر مالتي
هو قصير مو طويل بس يضوجني لأن ينزل ؏َ وجهي

أبتعدت أريد ادخل للغرفة صارت صوت
طرقات ؏َ الجامهة
تصنمت بمكاني بلعت ريگي التفت أباوع ؏َ المكان الي جنت واكفة بي
مصدر الصوت منه ..!

ضربت خدودي راشديات خفيفة همست
بيني وبين نفسي أحاول
أهدئ روحي

أنهار : أهدي أنهار أهدي ماكو شي
تتهومين لأن خايفة
وحَدج ممتعودة طبيعي

جان عندي علج طلعته من الجُنطه
اعلج بي حَتى يروح التوتر لحد ما حَسيت نفسي
هدئت قريت أيات
توجهت للغرفة وصار صوت ؏َ الباب قوي

چفلت وصحت بصوت عالي
أنهار : ماطبلهااا روحوو. روحووو !

حطيت الشال ؏َ رأسي فتحت الباب
بهدوء منطقة هادددددئة تذبين الإبر تسمعين حَسها
ماكو بشر ولا أيشي يوحي
إنو أكو ناس هنا لثواني تراولي المَنطقة
مهجورة

گــلبي لعب من شَتميت ريحه
عُطر قوية إني أعرفه فايخ ڪله فلوسه
يخلصهن ؏َ العطور يعشق شي إسمه عطر وثباتيه وريحه

لطمت ؏َ خدودي فتحت الباب
ڪلها طلعت أباوع عيوني تتفحص المكان
بـ تمعن

أنهار : ماكو شي شوفي
إذا رجال يطلع ماكوشي أنـتِ تتوهمين أنهار !!

سديت الباب ورحت ؏َ الحمام
غسلت وجهي باوعت لنفسي بالمراية أبتسمت
طلعت أنشف
حَسيت ببرودة الهوئ بالمكان رفعت
رأسي إني متأكدة سديت الباب منين يدخل هذا الهوئ

التفت أباوع ؏َ الجامة إلي جنت واكفه
يمها چمدت بمكاني وإني أشوفة
ڪاعد ڪدامي بزي العكسري حاط رجل ؏َ رجل
مارفع عيونة جانت حاط ڪل تركيزه
؏َ جگارة الي بأيده حطها بين شفايفي وشغلها يدخن بهدوء

نفث الدُخان بالهوئ أبتسملي وبرزت سنَونة
ڪال بهدوء غريب

السبـع : هلا بالحلوه يا يابة مشتاقيين ..

أنفاسي مُضطربة ودگات گـلبي صارت تقرة مليون حطيت أيدي ؏َ
عيوني أفرگهم قوي عسى ولعل يطلع تخيل
والي ڪدامي مو حَقيقي

يباوعلي مضيگ عيونه
گصني گص من فوك ليجوه رجع أيده ؏َ القنفة
عض شفته ڪال

السبـع : أشتعل الخليفة وعشيرته
صايره حاااااته اويلي يابة تطگييين بالگاع ..

الدموع تجمعت بعيوني
عصرت أصابيعي عَصر تغيرت ملامحه
عَدل ڪعدته ڪال بتصنع

السبـع : لاااا لاااا لتببجييين بعدچبدي
هسه اكوم أحرگ لهيب واخوي الكوا**

حجيت وصوتي يرجف
الكلمه بالگوه تطلع من حلكي

أنهار : عُثمان ..

تغيرت ملامح وجهه من نطقت أسمه
صار يباوعلي بجمود ويدخن صد عني يحدق بالجامه
المفتوحة والهوئ الي يداعب
خَصلات شعره

ضحك بأستهزاء ڪال بهدوء
السبـع : خربعرضي مره وحَده
طگيتج بثنين ، شكلتي لروحج من سويتي
ڪل هذا يابنية عدها الجُرأة تخلف وتسمي جهالها
بأسمها وتعيش
بدولة غربيه ؟

باوعلي والحَقد يطلع من عيونة
واضح نيته مو خير

السبـع : بگد مرار گــلبي أمرمرج
أصبري عليه

أنهار : والله أندمك والله العلي العظيم
مو ڪتلج أبجيك دممم؟؟ وبجيييتك
وحق شكو حَرف مذكور بالقرآن أسوي أكثر من هذا اذا الموضوع يمس أطفالي لتدخل
ڪل هلسنين مو يمهم لا توصل !!

نهض ؏َ حيلة صاح بي صوت خَنسني
عُثمان : أكللييي تبببن عايييفهممم برضاتييي
يعنييي ليش هو أنه أدري عندي
نعلللل شمدريني

بلل شفته حجيت بتلعثم وإني أشر
؏َ الباب

أنهار : خوش دريت هسه
يلا روح عوفني وحدي اني وجهالي عندك
مرتك وبنتك روحلهم

نطقتها وأبتسم تگ صار يقترب
مني بخطوات بطيئة وإني أتراجع للخلف هذا هدوئة يخوفني وإني أعرف بي
مُستحيل يسكت ؏َ تصرفي
حاصرني بزاوية لزمني من زندي قوي سحبني عليه

حرك لسانة بخدة
عُثمان : تخَبلت؟ صرت مثل المسودن
أدور عليج بكل مكان
تردييين من الكاااج أعوفج بحالج ؟

حط أيده ؏َ شفايفي ضغط قوي
لزگني بالحايط قوي لدرجة ظهري تأذئ عقجت وجهي بألم
تقرب طبگ جسمه ؏َ جسمي يباوعلي بسُخرية

عُثمان : شلون دبرتيييها عليج بداعة
اخوج ماحَنيتي بيوم؟ مارف گلبج ماذكرتيني؟
تخيلي يعني المرحلة الي وصلت
الها بسببج تركت الشرب وصرت أصلي

حجاها ورفع رأسه للسگف يضحك بصوت عالي
عضيت شفتي أباوع
؏َ باب الغرفة لا يكعدون جهالي منورهَ صوته

أنهار : هَذا الصحيح بس أنتَ
مقرف خلصت عمرك مدلل ڪلها تحبك
وتحترمك الخاشوگه تنحط بحلگ طبيعي تطلع عن الطريق ومتحَس بنعم رب العالمين عليك

رفعلي حاجبة ڪأنه ماسمع
ڪلامي ميل رأسة يحَدق بيه وأبتسامة
خَبيثه مرسومه ؏َ ثغرة

أبتعد عني فتح حَنفيه المي
حط رأسه جواها يغسل وجهه وشعَره
أبتعد نشف شعره بأيده

أنتچه ؏َ الباب مكتف أيده
السبـع : امشي ڪدامي ..

گــلبي وجعني من حجايته
أنهار : وو..ين ؟

أبتسم بأنتصار وڪال

السبـع : حضني جهالج لـ أخير مره .!

هزيت رأسي بـ لا لا إرادي صرت ابجي
تقربت لزمت أيده أباوعله والدموع بعيني تلالي
وهو نظراته جانت جامدة تجاهي
ماهتز منه شي ڪدام منظري هَذا

أنهار : لا عُثمممان لا تسسويها
أنـتَ أبو مثليي وتعرررف الضناا شكدد عزيز
لا تحرمني منهم عُثمان
عفييه عندك بنتك عوف جهالي فدوة

دفع أيدي قوي باوعلي بصدمة

السبـع : تخبلتي !! ولأن عندي بنية
لازم أعوف ولدي ؟؟ الغلللط منج أنـتِ الغبييه
الي أخذتييهم ورحتي ماكلفتي
نفسج حَتى تكولين إليه ماحَسبتي حساب لـ أي شي مافكرررتيي ذولللع أذا كبررووو
مايسئلون ؏َ ابوهمم ميدوورووونه

ضربته ؏َ صدرة قوي وصحت بصوت
عَالي الحي ڪله سمعه

أنهار : عساااهم ڪل عمرهم ظلووو يسئلون
ولا يكبرررون بييت أبوهم بس يضرب أمهم بي ويخون بيها ماريييد شخصيتهمم
مثللل شخصيتتتك

لزم أيدي قوي صاح بصوت أعلى من صوتي

السبـع : ماخنتتتج ماااخنتتتج
بت الـ أستغفر الله ماااخنتتتت وروحه لـ أبوي

دفعني قوي طحَت بالگاع ابجي بصوت
عالي أتمنى لهيب
يجي هسه صرت مثل بلاع الموس لا إني الي أكدر اخذهم واروح ولا إني الي اكدر
اشوفه يأخذ جهالب ويعوفني بحيرتي

أنفتحت باب الغَرفه
طلع دواد يفرگ بعيونه خزرني
وصاح بصوت عالي :- ماممممه بيعع ناام نام
( ماما ايع أنام أنام)

وصوت يحيئ بالغُرفة يبجي
أبتسم عُثمان لانت ملامحه گرفص ڪدامه
فتحله أيده
ذاك باوعله بأستغراب تمركزت عيونه ؏َ رتبته ركض يريد يلزمها وگع ؏َ وجهه
قوي صار يبجي وصار بص صوت صراخهم ينسمع بالبيت

عُثمان شال دواد يسكت بي
وذاك خنس من لزم رتبته أبو بأيده يلعب
بيها متونس

طلع يحيى يبجي باوع لـ أخو أستهضم
وصار يشاهگ دنك
عُثمان شاله هوَ الثاني صارو ڪل واحد بيهم نايم ؏َ چتف لازم رتبته أبو

أندار باوعلي أبتسم بأنتصار

السبـع : هسه صار وكت
نصفي الحَسابات أنـتِ ترجعين لخواتج
وانه أخذ جهالي

شهگت وحطيت أيدي ؏َ حلگي
وكفت مقابيلة أمسح بدموعي

أنهار : لا عُثمممان الله يخليك
لا لاتحرررمني منهممم ايشي ترييده أسوي عوفف جهالي أنت غصبتنييي أسوي
هيييج عُثمان جيبببهم

حَدق بيه بجمود
السبـع : ڪافي أعذار
إنهار تعبت من أعذاركم كلكم صرتو
ضدي وحرموتني من جهالي ..

- كُل مره ترجعلي بعذر
توجعني منه صفاحي
ما مقتنع بي وابتسمَ
يَمك عشت دور الثمَل
بس انه كلش صاحَي ...

يتبع .
الحكــاية تستمر إلى إحداث أخرى .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆