#أنسام_اللهـيب
بقلمي أنا زينب خالـد
حبايبي علقو بين الفقرات وصوتو للبارت استاهل حگ تعبي بالكتابة مو
صحيح 🙈🙈💙؟ + لتنسون
تضيفون حَسابي واتبـاد .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنســام : الخَوف
والرهبة إلي عَشتها ساعتها
مُستحيل ڪلام يكدر يوصفــة
بلعت ريگي من شفته شال
عيونة من لـهيب وأستقرت عليــة رفع أيده
بأكمام القميص يمسح
قوي ؏َ خشمه
أبتسم بحقارة أشر عليــة
وڪال موجهه ڪلامة لـ لهيب : هاي هيَ ؟
التفت عليــة لهيب حسيت عيونة
راح تذبحني لأن ماسمعت ڪلامة
بمُجرد ما صد عنه لهيب وصارت عيونة عليــة ماشوف الى أسرافيل يركض بكــل قوته
طحَت بالگاع اشاهگ ماكدر أتنفس
لازمة گـــلبي قوي
انتبهه عليــه لهيب تخبل ركض گرفص ڪدامي
يباوعلي بخوف ولهفة
لـهيب : ليششش
ليششش تنزلين وتحرگين
گــلبي ليشش
غمضت عيوني بألم ڪلت بنص
شهگاتي إلي صارت يتردد صداها بالمكان
أنسام : لـهيب گــلبي
يأذيني خلي نرجع
نزل دوسة ونص فشار ؏َ العالم
ڪلها لزمني
قوي صعدني بالسيارة صعد وياي
أيده ترجف من العصبية شرايين رگبته برزت
فتح بطل المي قدمة اليـه
شربت منــة وإني
خوفي ڪله من لــهيب
شمر الخنچر ڪام يسوق
بسرعــة جنونيــة لزم تلفــونــة
دگ ؏َ واحــد فاتح السبيگر
: أبو أ..
ماسمحلــة يكمل قاطعـة
زمخ بية بصوت ؏َـــالي
لـهيب : يا كو** يا إبن الـ **
أخو الـ ** جايكم جايكم أخلي عاليكم
واطيكم الـمن** الـكو**
ماكو ن** بيكمممم ڪاللل الـسگط رجع
بسيطة تخافون بسيطة
حجاها ولف السيارة بطريقة
تخوف بحيث رأسي
انرگع بالجامــة
سد الخط بوجهه مانتظرة يجاوب
وهو ماخلى واحــد
بعشيرته ماشتَمة
حولت بصري ؏َ الطريق الي عبارة
عَن بساتين والدنيا
ليل تخوف ڪُلشي ماشوف ظلمة هندس
قُرابة العشر دقايق وكفت السيارة
فتح الباب نـزل
مدري شيسوي ورة شوي صعد
وبيده بُندقية ڪُلها تراب مبينه جَانت مدفونة
حجيت بـ تلعثم
أنسام : ل.. لهيب هاي شنو!!
صارت عينـه بعيني
يباوعلي بـ جمود تغير 180 درجـة
مو نَفس الي جان يضحك ويشاقيني من شافَ أسرافيل اتخربط ڪُل وضعة
بلل شَفته تقرب عليـة
حيل متفصلنـا إلى سانتيمات بسيطــة
لـهيب : مَن ندخل
للبيت راح ادخلج لـغرفة تكعدين وتسدين
أذنج أن ماسويتي إلي ڪلت
عليه يا أنسام وحگ إلي تلوع گـــلبي بفراگها اندمج اخليج تكرهين تسمعين الأحرف
الي تنكتب بأسمي
رجعت ليورة دموعي تنزل واني سن
يطگ بسن سد
الباب قــوي عاگد حواجبــة بعصبية
طلع جگارة يدخن
ويطحن بروحــة طَحن
نزلت رأسي وطاحَــت دموعي ؏َ العباية
ڪلت بـ ضياع : مَاريــد .
ضرب بأيدة ؏َ الستيرن قوي
عاط : شنوووووة إلي ماتردييييينه!!!
شنووووة أنسام
تعالى صوت بُكائي مثل الأطفال
أنسام : ماريييييد أكرهك .
داس بريگ قوي صافن ؏َ الجامـة مصدوم من ڪلامي التفت اليــة
رفعت عيوني الـة من بين ڪل الدموع المتجمعة بعيني ڪدرت المح عيونة
الي تباوعلي بـ نَدم
لـهيب : ليش تسوين بيه
هيجي!!
أنسام : شسويت؟
ذب حَــسرة گطعت انياط گــــلبي تقرب لزم وجهي بأيده صفن بعيوني
يمسح بأبهامه ؏َ خــدي بهدوء
ڪال بحَنان : ثأر هذا بنيتي
ثأر برگبتي مانام اليلل إلى وإنه متذكر الصار!!
لازم اضوگهم من نفس الكأس
الي شربوني منه غَدر ...
برطمت شفتي
أنسام : أنـتَ ليش متسولفلي
ليش حياتك مثل
المسلسل الأكشن!! إلي لازم اصبر
للحلقة الأخيرة يلا أعرف
أبتسم من بين ڪل الحزَن الي
مرسوم ؏َ وجهه
أبتعد عني رجع يسوق شمر باكيت الجگاير عليه
لـهيب : دوريلج واحـد
يسولفلج الأحداث
فريت باكيت الجگاير بأيدي
طلعت وحده
شفتــه خمدت النيران إلي چانت گابة بصدرة ماعرف هو يخفي عصبيته
عني حتى لا أنهار ..
ڪلت بغباء بدون مانتبه
؏َ روحــي : تدري أكتشفت اني
ما خَفت من أسرافيل
خَفت منك أنـتَ
صفنت ؏َ شارع صار صوت نفسي عالي ودگات گـــلبي تسارعت واني استوعب
نفسي شحجيت
ضحك بأستهزاء حَدق بية بنظرة تمنيت الگاع تبلعني بهاي اللحظـة
عض ؏َ شفته ڪال بغَضب : أنسام
انيييي ماكلت أسمة أسرافيل!!!!!!!!!
شلون عرفتي؟؟؟
بلعمت صار صوت نفسي عالي
هز رأسة متوعــد
اليــة وكفت السيارة نزل منها بارود ميتحاجــة
تقدم ؏َ بابي فتحها عتني
من أيدي قوي يسحلني من أيدي قوي
جَان أكو بيت چبير ڪُلش
أخذني ورة البيــت جان أكو بيت صغير محترگ
ماضاال منـه بس الهيگل
أيدي عاصرها قوي بأيده
مشينا مسافـــة جَان أكو بيت بنص البساتين ؏َ جهه معزول وحده دگ الباب قوي الجگارة بحلگه
اباوعله بـ خوف أحس ؏َ ساعــة يذبحني هنا
فتحتها بنيو حَلوه حيل
مبينه صغيرة من شافته لـهيب توسعت عيونها بـ ذهول رادت تنطق
مانطاها مجال شمرني جوه يمها
وراح يمشي بسرعـــة
صحَت وراه : لـهيببببب
مارد عليــة شهگت أمسح
بدموعي رجعت صحَت بصوت أعلى : لـهيببب
لتعوفني هناااا وحَدي
ماهتزت شعَرة منه ؏َ صوتي راح
تركني
التفت ؏َ البنية تباوعلي بـ صدمة ڪانها مو متوقعة
بللت شفتي ڪعدت ؏َ الگاع
حطيت أيدي ؏َ وجهي اسمح لـ روحي
ابجي بـ حرية
: يا حَبيبه شچاج شنهي
صاير شتقربين لـ لهيب؟
رفعت عيوني إلها ركزت بـ ملامحها
جانت ڪِلش حَلوه
ماعرف ساعتها شلون خطرلي معقولة هي البنت إلي يحبها!!
جايبني يمها زدت بالبجـي وهي احتارت
شلون تسكتني
فز جسمي بـ ارتعاب من سمعت صوته
من بعيد يصرخ عليه
شفَته راجع وبيده البندقية گومتني البنية
دخلتني جوة بسرعـة هو دخَل
ورگع الباب صعد ؏َ درج مَــادري شيسوي
اني خَنست من صاح بية
جابتلي البنية گلاص مي
شربته ڪله من الخوف أحس ريگي نشف
نزل ولازم البندقية
خزر البنية وڪال : ديار دخليها
ليجوة ماريد تسمع
شي
ديار : شنهو صاير شمالك
جاي هَداد ؟؟؟
رفع عينه إلها بعد ما ڪانت ؏َ السلاح الي بأيده تقرب عليها خازرها قرب أيده
؏َ عنقها ڪال بفحيح غضب : أنـتِ هم
مراح تخلصين حسابج
عسير حالج من حالهم ...
حجاها وطلـع بسرعة غَمضت عيونها
فتحتهن والندم غيم عليهن
ڪالت موجهه ڪلامها اليــة : شفتو أسرافيل ؟
هزيت رأسي بـ أي طاحَت ؏َ
الگاع تلطم ؏َ صدرها وتشهگ ماعرفت
شسوي لو شنو أتصرف انتفضت بـ خوف من سمعت صوت طلقات وصوت لهيب يصيح
بصوت عالي حيل عالي
غطيت أذني قوي رغم هَذا ما اختفى
الصوت أسمع نسوان تصرخ
وأطفال تبجي
روحـي تلوب صرت مثل بلاع الموس
لأ إني الـ ڪادره اطلع واشوف
شكو ولا إني وحـدي وماسمعهم
البنية تهسترت صارت تفردش غَراض
البيت تدور ؏َ شي
واني عيوني تراقبها ؏َ ڪل تحركاتها
طرقات خَفيفة ؏َ الباب خلتها
تتوقف عن الحركــة
توجهت نحَو الباب فتحتها ؏َ ڪيف شهگت من شفته أسرافيل واكف
وملابسة ڪلها متربة
دفعها قوي من صدرها
لطمت ؏َ خدها ودفعته برة البيــت
ديار : امشييي امشيي
اطلع برة شتسوي هنااا ولك أنت ماتوب
گلب عيونة بملل
أسرافيل : تدرين مرة لهيب
ڪلي أحسن مكان تختل بي من العدو
تقرب عليها دفعها بأثنين
أدية هَمس بـ مكر وحيلة : هو بيـته ..
دخـل مامنتبه ؏َ وجـودي من لمحني أندار
عليــة وإني من الخوف
أحس رأسي راح يطگ أيدي إلي ترجف صوت أنفاسي العالية
اندار عليه صفن بوجهي يتأمل ڪل
تفاصيلة أبتسم الية
ڪال بفضول : أنـتِ مرت سوميا؟
ماحس إلى سحبته من أيده قوي
ڪالت بغضب : امشيييي اطلع منااا
يابة والعباس أبوفاضل انه مطلعتك منا لخاطر الدم الي يمشي بعروگنا
ولا من زمان جان خليته يذبحك ويخلصنا منك ..
ماهتم الها صعد للطابق الثاني وهو
يردد : سوميا تزوج .
أنسام : م... م..منو سوميا؟
فرگت وجهه قوي انصدمت من سمعت
صوتي ذبت حَـــسرة وڪالت : لـهيب
بس أسرافيل يصيحلـة سوميا
دنگت رأسي اهز بـ رجلي ؏َ الخوف إلي عَشته
اليوم مَــادري شلون بعدني صاحية
ڪل شوي اكول هسه اتخربط
واطيح وأنصدم بـ قوتي
وقَت طويل مر وأحنا ؏َ هذا الحال
هي تبجي بهدوء
دمعتها تطيح وتمسحها بسرعـة
سمعنا صوت طبـة قوية من فوك تحرك قفل الباب دليل ؏َ أنو شخص ديحاول
يفتحها
دخل لـهيب والدم تارس دشداشته
رفعت عيوني لـ وجهه إلي ڪانت قطرات دم قليلة
متوزعـة ؏َ انحاه
صارت البنية بوجهه خزرها
راد يتقدم عليه
رجعت وكفت بطريقة عاط بيها : ديار
فگي ياخة عني گوة گاض روحي
عنج ما اذبحج وادفنج هناك ..
دفعها قــوي وگعت ؏َ الگاع ماحَس
إلى خيالـه مخيم
فوگ رأسي رفعت عيوني الـة عيونة جامدة خالية من أي ردة فعل اتجاهي
لزمني من زندي قوي حيل سحبني وراه
ديار : بغلاتها عندك لاتطلع
وأنـتَ شايل بخاطرك
مني
جان يمشي سريع ويجرني وراه من سمع
ڪلامها توقف
عن الحركــة سحب نَــفس عميق رفع رأسة للسگف ڪال بـ نَدم : عيب عليكم
تعضون الـ أيد إلي نَمدت الكم
إنه أعرف بي هنـا أعرف بي سمع نصيحتي
بذاك اليــوم بس مراح اسويله
شي ولا يظن خايف منه لو عليـه لااااا خايف ؏َ حرمتي يصير بيها شي وأن صار بيها شي
ضحك بأستهزاء التفت عليها ڪال بـ نبرة تحَذير : ساعتها أخسف الگاع بيكم
خَسف وحگ الي طاح دمه غَدر بالطف
إنه چتالگم سلف واهل السلف احرگهم بـ نار گـــلبي الـ ماخَمدت بيوم ..
نطق ڪلماتة وشبگ اصابيعة
بأصبيعي سحبنـي وراه نمشي والهوى يگفخ
وجهي أخاف أنطق
بـ حرف وأتندم
صار صوت ورانا صَاح بصوت
عالـي ڪِلش :- خَمس مرات .
غمض عيونه لـهيب بنفاذ صبر لزم أيدي قوي عصرها عصر توجعت بـس ماحجيت
خَفت سارع بخطواتــة رجعنا
للقصر
سحب أيده من أيدي راح ؏َ السيارة
نزل الجنط وڪف ڪدام
الباب يحَدق بالقصر لفترة طويلة ڪال بـ حَقد : أعتقد جنت غلطان راح
تطول ڪعدتنه هنا ...
تقدم دفر الباب برجـلة
دخل ؏َ البيت وإني امشي وراه البيت
چبير حيل والأثاث والترتيب
ڪُلشي نظامي
عيوني تنتقل من مكان لـ مكان
نظيفففف لدرجـة
ماكو ذرة وصخة ؏َ أي مكان
نسوان هواي واكفات
يباوعن عليــه و؏َ لـهيب أخذني
للطابق الفوگ
حط الجنط بالگاع دور بالغراض
لگه مفتاح ذب حَــسرة
فتح باب الغرفــة ؏َ الرغم من أنو هيَ مقفولة
لكن من الداخـل ڪانت نظيفة
تلمع لمع
أشرلي بـ أيده حَتى أدخل
صفنت بعيونة وهو ينظر اليـة برَيب عضيت شفتي ودخلت دخل الجنط
دخَل وقفل الباب وماشال المفتاح
نزع الغترة شمرها ؏َ جرباية
حط الخنچر
؏َ الميز راد ينزع الدشداشة صحَت بسرعة
أنسام : حَتبدل ڪدامي؟
التفت عليه رفعلي حاجبة
خزرني وڪال
لـهيب - لتسمعيني صوتج!
أنهضمت من حجايته نزعت العباية
والشال
شمرتهن بالگاع بأهمال نمَت ؏َ جرباية وغطيت روحـي
غمضت عيوني غصب أجبر روحـي
أنام
أسمع صوتة يتحرك بالغرفة
ماعرف شيسوي!!
بس يذب حَــسرات اخير شي شمر روحـُة يمي
ضربني ؏َ چتفي وڪال : ڪومي بدلي
الفستان يضايقج بـ نوم
مارديت عليّ سكتت
ماحس الى گرصني من زندي قوي
حيل التفت عليـــة وصرخت بوجع : مو هيج!!
ضربني بـ ڪف أيده خفيف
؏َ حلگي انقهرت بزايد
بجيت بصوت عالي طلعت ضيم اليوم ڪله وهو ڪعد ؏َ حيلة ماتوقع
ردة فعلي حَتكون بـهاي الطريقـة!!
لـهيب : لالا ، آسف
مو قصدي
غمض عيونه نَدمان رجع فتحهن
سحبني قوي من رأسي نيمني ؏َ صَدرة ..
أدفع بأيده قوي ومايوخر
لـهيب : لتحوص ولك
مجاوبته رفع رأسة يباوعلي ڪال : عبالي
نمت شو خانس المستهتر
هم مجاوبت مطنگرة ومادة البوز
وأيدية اثنينهم أدفع
بأيده وهو قافل مايوخرهن
بحركـة سريعة منـه رفع أدية
اثنينهم ليفوگ صار فوگاي أبتسم وڪال : شوف
إذا ماتحجي هسه اخليك
تبجي وداعت شامتك الحلوه هاي
خزرته وغرست اظافيري
بأيده الي مقيدتني
أنسام : ليشش احجي ليش
مو ڪتلي لتسمعيني صوتج!!
حجيتها بأنفعال وعصبية وهو صافن ؏َ شفايفي من أحجي أبتسم ودنگ رأسة
لـهيب : زعلت ولك زقوچي
أنسام : وخر لهيب وخر
إني أجيتك خايفة من الدنيا ڪلها
ردتك تحميني اني وخواتي يمك
هيج تسوي بية!!!
تغيرت ملامح وجهه صفن بعيوني ڪال بقهر : أنسام انتبهي لـ ڪلامج أنـتِ متعرفين
إني شسويت هسه لخاطرج أنـتِ بس ،
لج ثأر سنين ، دم طاح غدر ، وبيت نهجم
وانسان تدمر ، ڪلها طاحَت بعيني
لخاطر عينج لخاطر ماسوي شي وأنـتِ تخافين
ويصعد سكرج ..
ڪام من فوگاي
ذب حَــسرة توجهه
للباب فتحها صاح بصوت عالي إني من يمي فزيت وخَفت منه
لـهيب : ڪدامجنن نص
ساعة صينية أكل
تصعد فوك لا وحگ الي تلوع گـــلبي بفراگها ڪلجن تنامن مگتولات اليوم .
حجاها وسد الباب عضيت
شفتي نسيت
أجيب إبر الأنسولين!
أنسام : لهيب نسيت
ادويتي بالبي..
جان مگرفص ڪدام الجنط يدور
شي سكتني من رفع العلاگه مال
الإبر والادوية لـ عيني
شالهن ڪعد ؏َ جرباية
يفتح بالعلاگـه
لـهيب : انه هواي حَميتج
حميتج من نفسي مرات متكدرين تحسبيها
حَميتج من ناس قريبة
عليج ماتعرفين نيتها الحقيقة الج
حميتج من ناس تريد تأذيج أنـتِ ماتعرفين بوجودهم .
رفع عيونة اليـة صارت عيني
بـ عينه ڪال : أنـتِ ڪِلشي ماتعرفين
أنسام : شوكت لحگت تحميني
من هذولة ڪلهم
ضحك بخفية
لـهيب : تستهزائين؟
هزيت رأسي بـ لا
أنسام : أنـتَ متعرفيني
صارلك هواي
ليش دتكذب وتكول حميتني من ڪل هذول!
رفع حواجبة ڪال يأشر
؏َ نفسة : يعني هسه أنه چذاب؟
صافن بعيوني وإني أحسه مو
صادق سحبت نَــفس
عميق لم شفته للداخل هز رأسة بـ ندم
حط أيده ؏َ رجـلة وڪال : حچاية زَلم
بَنص ديوان ماتنگسر چلمتك .
أنسام : شنو يعني؟
جان واكف قريب ؏َ الباب
أيدة ؏َ المقبض أندار عليه أبتسم وڪال : يعني
إنه چذاب وأنـتَ صح!
دنگت عيوني فعلاً أقل الربع ساعـة
وصل الأكل
ڪعد ڪدامي يوكلني رغم ماهوَ
مبين عليه شايل بخاطرة
مني
حجيت بعَد ما حط اللگمه بحلكي
: أريد أبدل ملابسي
- هسه اخلص واطلع
بدلي براحتج
: لهيب
رفع رأسة اليــة
: أنـتَ هسه زعلان؟
- جؤ
مسحت طرف شفتي
حط الخاشوگة قريب ؏َ حلگي دفعتها حَدق
بعيوني رفعلي حاجبة
سحبت نَــفس ونطقت بعــد صمت
دام الفترة طويلة
أنسام : اني آسفة أعرف
من دخَلت لحياتك لهذا اليوم واني اخربطها
مَرة بتول ڪالتلي جَنت
تحب بنية حيل وماكدرت تتزوجها
من ذكرت إسمها رفع حاجبة وأبتسم
بلعت ريگي حجيت بـ قهر
والغصة بنص بلعومي
أنسام : إني آسفة لأن خربطتلك
حياتك ڪلها
آسفة لأن عرقلت هواي شغلات بسبب وجودي...
ذب الخاشوگة دفع الصينية
بأيده بلل شَفته قرب وجهه ؏َ وجهي
ڪال : شكد تخيلتج ثولة
بس مو لهاي الدرجـة
توسعت عيوني بصدمة دفعته قوي
أنسام : فوگاها يعني
لزمني من ڪتفي قربني عليه
لـهيب : تصرفاتي الج
هاي شتعتبريها ؟ بدافع شنو
رفعت عيوني للسگف
أفكر هو فعلاً ليش يتصرف وياي بهلطريقة
أنسام : معقولة تعتبرني
مثل بنتك!
رمش بعيونة ممستوعب ماحس
الى دفعني قوي ليورة
فرگ وجهه قوي ڪال : صبرني يابوالحَسن
أنسام : يااا
تجاهلني تماماً شال الصينية
فتح الباب وطلـــع استغليت الفرصة ڪمت
بسرعـة بدلت ملابسي
البس واتلفت أخاف يفوت
چفلت من انفتحت الباب رأساً نزلت التيشيرت
مانطق حَرف
يتحرك بهدوء حَتى
مباوعلي طَلع الإبرة وضربني
عيوني ؏َ أيده أشوف شيسوي
حَتى أتعلم
جر حَـسرة أبتعد مني
رحت ؏َ الجرباية غطيت جَسمي بالكامل
غَمضت عيوني
جان أكو شلون القنفة نفر واحد
بالغرفة هو ڪعد عليها
يدخن وصافن عليه
بديت استسلم للنعاس
جَسمي ڪله مُنهك من الأحداث إلي
صارت اليــوم
آخر شي سَمعته قبل لا أنام
صوته وهو يڪول : نامي نامي
باجر نصفي الحسابات ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنـــهار : شكــد ما أحاول
امنع عقلي
أفكر بي أرجع لـ نَفس الدوامة
من أول وجديد
ڪاعدة بزاوية الغُرفة اتلمس
الگلادة إلي جابها
الية وعيوني ؏َ رجلي إلي بيها
الحجـل منو سمحَلة يتصرف بهلقذارة؟
مرة يعيشني مشاعر غريبة
يغرگني بالحُب والغزل
يصعدني لسابع السما بعَدها
بأيده إلي صعدتني فوك فوك للغيم
يدفعني ويخليني أطيح وحَدي
نزلت دمعتي الحارة چوت خَدي
مسحتها رأساً
كبريائي رافض فكرة أبجي علمود
شخَص مثلة
إذا هوَ هيج ميحبني
ليش عيونة تحجي عگس تصرفاته
ليش يصفن بوجهي
ساعات ليش يسرح بـ تفاصيلي
گمت ؏َ حيلي گــلبي طگ ؏َ ليالي
مشتاقتلها ولسوالفها
افتر بالغرفة ماعرف شسوي لا طايقة
سيرة الدراسـة
ولا المدرسة الامتحانات ؏َ الأبواب وإني آخر هَمي
فتحت باب الغرفة طَلعت
ڪعدت بصالـة
ذبيت حَـــسرة ماعرف ليش خَطر
؏َ بالي ذاك الشخص
بعدهن ڪلماته بالي نبرة صوته والبحَة
أيده إلي حاوطت رگبتي
استوعبت نفسي شكاعــد
أسوي استغفرت ربي إني مرة متزوجـة
حرام أفكر بشخص
غيرة
خَطر ؏َ بالي سؤال هو ڪال : عاشگج .
معقولة عرف تزوجت! شنو ڪانت
ردة فعلـة بلعت ريگي
مسحت وجهي شنوهاي الأفكار
انفتحت الباب رفعت عيوني جان قيس داخل تعبان باوعلي أبتسم وڪال : شعندج ڪاعدة
هنا ؟
أنهار : معليك .
ضحك بصوت عالي حيل
تقدم ڪعد قريب مني رجع رأسة ؏َ القنفة يباوع ؏َ السگف
قيس : ليش هنا؟
تعاركتي أنـتِ وزلمتچ؟
أنهار : معليك
قيس : رحم الله والديج .
التفت عليــة : أي والله معليك
رجال ومرتة شكو
أنـتَ
قيس : عمي بالعباس تطلعين
أنـتِ مهججه الرجال
بليلة ظلمة
ضحكت بأستهزاء وأحس
بس واحد يطخني بـ چتفي أكوم أبجي
قيس : تحبينه .
باوعتله بـ قرف ڪلت : لا
أبتسم بـ هدوء عدل ڪعدته بعدها
ڪال : مو سؤال هذا أنهار
هاي مشاعرج إلي
مرسومة ؏َ محياج ..
صفنت عليـــة ماعندي ردة
دگات گـــلبي تسارعت مستحيلة مستحيل
أحب شخص مثـلة
عضيت ؏َ شفتي رافضة الفكرة بس فعلاً ڪل تصرفاتي
الـة بدافع الـ حُب وغيرة
غميت روحـي بأثنين أدية
قيس : هاي شبيج يمعودة
عليش تبجين بوية؟
أنهار : ميحبني يحَب
طليقته
يحاول يخَفي ابتسامة إلي سُرعان
ما ظَهرت ؏َ ثغرة من سمع ڪلامي
لعب بشعرة بـ عشوائية ڪال بأستغراب : معقولة
مايحبج!! أنـتِ هيج
تتوقعين؟
بعدت أيدي عن وجهي رفعت عيوني الـة
عگدت حواجبي
من شفته واكـف يحجي بـ استهزاء
نهضت ؏َ حيلي
أنهار : دروح هو اني صوجي
احجي وياك ولي
ضحك بصوت عالي وكف
بطريقي ڪال وهو رافع أيده : لا والله
تعاي ماشاقة بعد
غيرت اتجاهي صار بوجهي من
جديد عَطت بي : وخر لا ادفرك
هسه اخليك بحضن
أصهب
انفتحت باب غرفة اصهب
مَد رأسة ڪال : شعلية إني
بت الأوادم
تجاهلته عبرت قيس
رأساً ڪال : بس اسمعيني شراح
أكول
انداريت خَزرتة زفرت نــفس
واكفة اهز بـ رجلي انتظرة يحجي باوع ؏َ اصهب أشر برأسة بمعنى شكو
أصهب : ليش تعاينون
عليه
دفره قيس للغرفة وسد الباب
أشرلي اروح أكعد بصالة ڪلت بس أسمع
شعنده صارت عيني
؏َ ساعـة بـ ٩:٣٠
ڪعد مقابيلي ڪال : من اجيت
من الشغل سيارته
شفتها ڪدام البيت الأخ مگابل البيت
وكاعد ..
توترت من سَمعت واكف
ڪدام البيت ڪلت بـ نتر : يطبه
هَرش شعنده مگابلني ذيج
مرتة يروحلها
رفع حواجبة وطگها ضحكـة
قيس : تغارين
أنهار : فضهااااا أعصابي
تالفة
فعلاً أحس أعصابي تلفت
أحجي واهز برجلي من الغيرة
حتى أيدية صارت
ترجف
قيس : امشي لبسي
أنـتِ واختج اطلعجن تغيرن جو
إذا تبقين هيج راح تضلين تأكلين بروحج
أصهب : خوش انه
هم جاي أمشي ڪولي لـ أختج
التفت ؏َ مصدر الصوت شفته اصهب
واكف يباوعلنه
قيس : إبن القنادر منو عزمك
أنـتَ امشي ولي
أصهب : ودددددق لبسي
راح نطـلع .
قيس - نعالل ؏َ أمك عزمها
ڪلها منيلي فلوس ابن الـكو**
حجاها وشَمر الگوشة
؏َ أصهب إلي واكف يضحك
أنهار : أنسام شلون!
قيس : هسه نخابر خالي
يلا ولجن وين لاگياتها
أبتسمت بـ فرح ڪمت
بسرعـة دفرت نوران جَانت نايمة
هي طبيعتها تنام من
وڪت قبل جانت تنام بـ سبعة أصلا
فرگت عيونها بأيدها ڪالت بـ ضجر : شكو!
أنهار : كومي خلي نتعشى
؏َ حساب قيس
سحبتها من أيدها قوي وهي تتذمر
تريد ترجـع
تنام فتحت الگنتور صَفنت شألبس
هو ڪال واكف ڪدام البيت
يعني حيشوفني!!
بسيطة إذا ماحرگ دمك
فلا اتسمى أنهار أبو الملاهي ..
طَلعت قميص أسود قصير
وبنطرون أسود بس جان شوي ضيگ
وشال أسود
لبستهم نفسيتي متسمح
أحط مكياج فـ أكتفيت بـ أنو أرسم عيوني
بالگحلة
حَتى حُمرة ماحطيت جَانت
أغلب البنات بـهلفترا الحجاب يلبسونة
ويحطون قراصة ڪُلش ڪبيرة
بس أبد مجانت تعجبني
جنت الف الشال بدنبوس بس ڪُلش
خفيف بسرعة ينفتح
ونص شعري طالـع جان عاجبني
تلوگ لوجهي
التفت ؏َ نوران إلي متخوصرة
تباوعلي بـ عَدم
رضى ڪالت : أنهار حَرام
تطلعين شعرج هيج!
تأفافت وگلبت عيوني أدفع بيها
أنهار : ديلا ميخالف
الذنب عليه مو ؏َ أحد!!
دفعت أيدي قوي ڪالت بـ حَدة : متعرفين
شوكت تموتين هيج
سهله عندج توكفين ڪدام الله
بهذا حجابج
هزيت أيدي ضحكت بـ استهزاء وڪلت : أوووو
يمعودة بعددد هواي
بعدني شباب لاحگه ؏َ الموت
ذبت حَـــسرة ممقتنعة بـ ڪلامي طلعنا
جانو الولد ڪاعدين
ينتظرونا صارت ودق بـ بوجهنا
لابسة عباية ومبتسمة
أنهار : خابرتهم؟
رفع رأسة اليــة ڪال : أي
- وشكالو
: رد عليه خالي
- ايي؟
: فشر عليه وسده
نوران : عزه لا عمو
لهيب خوش
رجال يصلي مستحيل يفشر
ضحك اصهب من ڪل گلبة لدرجة نام
بالگاع من الضحك عكس
قيس الي ضحك بالخفية
عقجت وجهه نوران
ڪالت : شكد غثيث!
طلعنا للسيارة وإني عيوني تتلفت
منا ومنا تدورة مثل المخبلة ماكو!!!
خابت آمالي لمن شفت
الشارع فارغ بس احنا موجودين مجان أكو أي أثر الــه گلبت خلقتي ڪعدت بسيارة
ردت احرگ گـلبة ليش إلي احترگ كـلبي
ماعرف شلون لو شوكَت
وصلنا للمطعم نزلت من السيارة
دخَلنا ؏َ المطعم
ڪال قيس نصعد للطابق الفوگ
عائلي حتى ناخذ راحتنا
فعلاً صعدنا فوگ
جانت أكو طاولة قريبَة ؏َ الشباگ
ڪعدنا بيها
عيوني ؏َ جامة تراقب الناس
وشلون يمشون
اسمعهم يحجون بس مامركزة ذبيت حَـــسرة رفعت عيوني صارت بعيونة
چفلت ڪل ظني داتوهم
بس فعلاً جانت الطاولة الي مقابيلي
ڪاعد بيها السبـع "
وعيونة عليه والغضب واضح عليه
توترت بللت شفتي انتبهت
أكو بنية ڪاعدة ڪدامة بس مطيتني ظهرها
صرت الوب أريد أعرف
منو وهو عينة أبد مانزلت مني ڪل
مارفع رأسي الكاه صافن بيه
ضرب ؏َ طاولة قيس بأيده
ڪال : يمعودة وين
ويانا!!
أنهار : أي أي وياك شنو؟
أصهب : واضح ويانا
بعدروحي
شتردين سم الحَسن ؟
عقجت وجهي
أنهار : سم الي يسمك
ليش تسممني
ضحك قيس وضرب ؏َ چتف أصهب
: متكدرلها هاي ...
قيس : شتردين تأكلين
فرگت وجهي بأيدي ڪلت بعدم إهتمام : ماعرف أي شي بكيفكم
رفعت عيوني الـة
جانت عيونة ؏َ باكيت الجگاير إلي بايده
سحب وحَده
حطها بين شفايفة طلع الجداحـة شغلها
لمحني أباوعلة
وصافنه رفع حاجبة
رأساً دنگت رأسي ؏َ طاولة
حطيت ايدية ونمت عليهن ڪل شوي ينعاد
مشهد عيونة ڪدام عيني
وأحس بشعور غَريب
لثواني خَطر ؏َ بالي شي
رجعت رفعت رأسي ركزت بعيونة
ضحكت بـخفة ؏َ غبائي
مستحيلة يكون هو!! يعني أني مشايفه عيونة لذاك ولا اعرفة
جان قيس ڪاعد
ڪدامي نهض ؏َ الخفيف ضربني
؏َ رأسي حَتى معورني
مُجرد طخني بأيده حتى أركز وياه
حطيت أيدي ؏َ رأسي
قضبت حواجبي ڪلت : شبيك
قيس ؟
ودق : صار ساعة
يحجي وياج أنـتِ ماكو
رجع بالكرسي ليورة ڪال : شبيج
بابا أنهار طلعتج توونسين
تالي گضيتيها علينا صفنات
عزمت هذول الصخول ؏َ حسابي لخاطرج مو بعينج ولج !
حط أيده ؏َ صدرة أصهب
ڪال بعد ما بلع الأكل : رحم الله والديك .
قيس : تدلل حبيبي
تنهد أصهب ضرب ڪتف قيس وڪال : يكلك
الگرعة تتباهى بشعر أختها
عگد حواجبة قيس
: وين الربط بالموضوع
- ماكو ربط بس المثل حضرني
استأذنت من يمهم
أحس الدوخـة لزمتني رحـت ؏َ الحمام أغسل
وجهي
دخَلت مجان أكو أحد فارغ بس إني
استغليت الوضع
نزعت الشال دنگت ؏َ المغسلة اشمر المي ؏َ وجهي
سديت الحَنفية
حطيت ايدية ؏َ المغسلة أتنفس
نَشفت وجهـي هستوني البس الشال انفتح
الباب
رجعت بـ خطواتي ليورة تسارعت دگات گـــلبي
أبتسم بـ حقارة سوالي
بـ أيده هلو
أنهار : شتسوي هنا
اطلع! حَمام البنات هذا
باوع ؏َ أرجاء المكان الجگارة بحلگه
نزل عيونة عليه
حط أيد بجيوبة يتقدم اليو وإني انحشرت
ردت أطلع صار بوجهي سحب نَفس
من الجگارة نفثة
بوجهي هَفيت بأيدي أبعد الدخان عن وجهي
حطيت أيدي ؏َ صدرة دفعته قوي مابتعد
طفه الجگارة
بالمغسلة رجعني بحركة سريعة منه ؏َ الحايط لزمني من زندي قوي رفعني عليــة
السبـع : شنو هذا التبربك
الي يمشي بدمج
حَبيبتي
حجاها يمشي أيده ؏َ وجهي
وإني عيوني ؏َ الباب أخاف يدخل أحد ويشوفنا هيج !
أنهار : وخر عثمان
لايدخل أحد
ماكوشي نحجي بي
رفع حواجبـة اليـة لزمني
من فگي قوي دار وجهي عليه حط عيونة بـ عيوني تقرب عليــة هَمس بأذني
السبـع : منو ڪال أقبل تطلعين
طلعتي بدون أذني؟
تعرفين المرأة إلي تطلع بدون عَلم زوجها اللّٰـه شلون يعاقبها ؟
تنرفزت من نَبرة صوتة
وأسلوبـة التفت عليـه صار وجهه قريب
؏َ وجهي انفاسة تلفح خَدي
وعيونة تنتقل بين شفايفي وعيوني ڪلت بنفس طريقته : ماكلولك اللّٰـه شلون راح
يعاقب إلي يروح للملاهي ويشرب بنص
النسوان!!
أبتسم وبينت سنونة وڪال : ها لازم
ضامتها بگلبج
من ذاك اليــوم !!
ردت أنطق ماحس إلى حَط گلينسه
؏َ أنفي توسعت عيوني
بـ صدمة باس عيوني وڪال : اسف
نهـري بس هلمره
حجاها بأنتصار بعدها ماحَسيت
بشي غفيت وطحت ؏َ أيدة
رايحـة لـعالم ثاني ..
أحس بملمس شي خَشن ؏َ خَدي
وشفايفي بين الخيال والحقيقـة أسمع
صوت هَمسات
داير مدايري أشخاص ثنين يحجون
بعَدة فترة فتحَت
عيوني حاولت أحرك أيدي ماكــدرت
أحس جَسمي مگسر
وخَدران حاولت أركز أكثر سندت أيدي ؏َ الگــاع حطيت أيدي ؏َ رأسي
بدون حَجاب !!
حجيت بصوت ضَعيف : عُثمان .
رفعت رأسي أدور عليـه بالمكان
لگيته واكف مگتف أيدة يباوعلي صارت عيوني تتجول ؏َ المكان إلي احنا
جانت الدنيا ليل ڪُلشي ماكدر
المح منه بس هيئته وضوة خفيف ؏َ ملامحة تجاهلت الموضوع
عضيت شفتي بألم
أنهار : ليش دسوي هيج؟
رفع أكتافة بمعنى ماعرف دنگ
رأسة بالگاع لم شفته للداخل گرفص ڪدامي يباوع ؏َ عيوني
السبع : انه هم ماعرف
ليش أسوي
وياج أنـتِ هيج بذات ؟
جانت أكو حَديدة طويلة ڪعد ساند ظهره عليها
صار ڪدامي يباوعلي
شالي لازمة بأيده قوي
أنهار : عُثمان
المكان يخوف رجعني هسه
يظل بالهم يمي!
مسح ؏َ شواربة قلص عينه وڪال : شلون
تخلي يلزمج
أنهار : شنو؟
بلع ريگه تقرب لزم المكان
الي ضربني بي قيس ڪال : ليش
تخلي يلزمج؟ عادي أي واحد يلزمج؟
نترت أيده قوي دمي فار
أحس اعصابي صارت نار نزلت دموعي ڪلت بحركـة گلب
أنهار : مو مثلك انييي!
ابيع بسرعة ورخيصة ياهو الجان
لزمني مو مثل الگحاب الي تروح اله..
ماخلاني أكمل قاطعني
سحَب وجهي الـه انخفضت أنفاسي
من حَسيت بدفو شفايفة ؏َ شفايفي قرب جسمة عليه دامجهم سو
يحركني ؏َ مزاجـة قسى
عليـه بوسته ونيت بوجع وإني اضرب بصدرة بأيدي خفيف لأن أحس ڪل
قوتي خَارت
أبتعد عني يتنفس بصعوبة
يتأمل تفاصيلي ڪلت واني مغمضة عيوني : ليش سويت هيج
أبتسم وهو يمسح
؏َ طرف شفتي بأبهامه ڪال : أخذت
عهد ؏َ نفسي بعد ما
أمد أيدي عليج ومن تچفصين ابوسج!!
فتحت عيوني ؏َ وسعهم دفعت
أيده
أنهار : صدُك تحجي!!؟
وين جايبني أنـتَ وتبوس بية
رجعني حيضل بالهم
السبـع : أشتعلو
هُمه وبالهم اهمشي إني وأنـتِ
باوعتله بـ قرف غمزلي وڪال : ليش
تباوعين هيج منو جان
خَدران بيدي
أنهار : لا اله إلى الله رجعني
أنـتَ شتريد
ترا لهيب مايقبل!!
تغيرت ملامح وجهه جَان
يضحك ومرتاح من سمع اسم لـهيب
خزرني وڪال : أنعل أبو لهيب
لأبو عشيرته منين طلعلي هذا
لزم وجهي بأيده باس عيوني
وخَدي وطرف شفايفي ڪال بـ هَيام : جبتج
هنا اليوم حَتى اسولفلج
سالفة
رجعت ليورة الگاع باردة حيل
ڪلت بأستغراب : وشمعنى هنا !
ميل رأسة ضوة خفيف ؏َ وجهه
يخليني أشوف ملامحـة
بلعت ريگي
السبـع : هنا أول مرة شفتج!
أنهار : هو إحنا وين؟
ذب حَــسرة وڪال : أنهار اريدج
تثقين بية
أنهار : ماكــدر .
السبـع : أنه أحبج .
ڪلمة وحَدة ڪادرة تخربط ڪيان
شخص ڪامل
تسارعت دگات گـــلبي غمضت عيوني ؏َ عكس
الضعف إلي حَسيت
بي ساعتها بينت غير شي
حجيت بـ غصة وقهر
أنهار : تحبني؟ سمعت تخابر
طليقتك تريدها ترجع بليلة عرسي!! تحبني؟ استغليتني وضحكت عليه!! تحبني؟ حرمتني من شوفته أخوي قبل لا يموت!! تحبني؟ ڪل
حجاية والثانية رفعت إيدك وضربتني!
نزلت دموعي ؏َ خدي رأساً مسحتهن
مستحيل اسمحله
يشوف ضعفي أردفت مكملة : تحبني عُثمان؟
من شلت بخاطري منك ما
اجيت وراضيتني تنشر ستوريات أنـتَ وسكران
وبنص البنات والملهى والركص .
عَدلت گعدتي ماعرف شلون
أستجمعت قوتي أحجي ساعتها وإني حتى روحـي جانت ترجف
أنهار : هَذا تسمي حُب؟
من خرا ؏َ هيج حُب إلي يحب ميأذي
الي يحب ميقسي
أنـتَ شتعرف عن الحُب شفت مني وحبيت
بي؟ هَذاااا موو حُب أنـتَ مكاعد
تتقبل فكرة إني أكون بعيده عنك تريد
تسيطر عليه جاي تقنعني أنـتَ تحبني؟؟
جنت احجي منفعلة واعصابي
نار من شفته يباوعلي جان حاط أيده ؏َ خَدة وصافن ڪال بـ صوت ذايب : شكد حلوه
أنـتِ وعصبية أحبج حتى من تعصبين ..
خلاني أشيل روحـي وارگعها بالگاع
صار ساعــة أحجي
وهو بعالم ثاني وكفت ؏َ حيلي
أنهار : رجعني أريددد
بسررررعة
السبـع : أنهار ثقي بس
هلمرة بس هلمرة وعــد ! وحچاية زَلم هاي
اريدج تثقين بية ثقة عمياء
عيونج تچذبيهن وتصدكيني وغلات بنتي
عندي أنه عاشگج .
من نطقها سرت رعشة بـ جسمي
بديت أركز أكثر وتوضحَت عندي الرؤية هذا نَفس المخزن والمكان !!
فتحت عيوني ؏َ وسعهن ڪلت بـ ذهول : عُثمان أنـتَ ..
ماخَلاني أكمل دفعني ؏َ الحايط إلي
وراي باس خَدي
وڪال : أي أنه الـ عاشگج عشگ
الزلف للترچية .
اختل توازني ردت اوگع لزمني من
خصري يردد :- اللّٰـه اللّٰـه ..
أحس هواي صدمات ؏َ عقلي اليوم
ضحك راد يحجي
بس صوت قوي صار بالمخزن خله ملامحـة تتغير رأساً شمر الشال عليــه
ضمني وره ظهره
ڪل حيلي باد جسمي صار يرجف
مثل السعفة وإني أسمع صوت
عمي يصرخ بأعلى صوته ويڪول :- وييييينة
السبــع يطلعلي .
مسح وجهه عُثمان ڪال بنفاذ
صبر :- إبن الـن** گطعت
عليه اللحظة الحاسمة متعرف تجي
الى هَسه !
حَطيت أيدي ؏َ حلگب
بعد ما صار صوت طلقات عالي
ماتحملت گعدت بالگاع سادة أذني بـ ڪل قوتي
لزم أيدي قـوي
راد ياخذني من الجهه الثانية
تطلعني بس ماكو مَهرب جانو محاوطيـن
المكــان من ڪل جهه
صرنا بالوسط عمي واكف
يباوع بأنتصار وبيده سلاحـة ڪال بخُبث :- هيَ
نهايتك ؏َ أيدي
طگها بضحكة عُثمان ڪال وهو
يحطني ورة ظهَرة : يخسى واحـد
مثلك يذبح واحـد مثلي
فرق بينا من السما للگاع ..
رفع سلاحـة عمي موجهه
؏َ عُثمان
الخـليفة : خلي اسويلك
مثل الافلام الأجنبيـة الي تشوفهن
وتتخيل روحك مثلهم
دنگ رأسة عُثمان مبتسم
لم شفته للداخل يهز برأسة
الخـليفـة :- شنو أمنيتك
قبل لا تموت ؟
أبتسم بحقارة عُثمان
شدد ؏َ قبضة أيدي بلع ريگه وڪال : أشوف
ردة فعلك هاي من جديد
عگد حواجبـة عمي بأستغراب
إني أحس ڪل حيل ماظل بية زلم هواي
محاوطينه والاسحلـة
الي موجهينه علينه ؏َ ساعـة أطيح
مچلبة بأيده قوي خايفة عليه وعلى روحـي
چفلت من صارت صوت
طلق من الخَلف
تقَدم رجال من الخَلف يضرب
طلقات بجو بـ عشوائيـة يضحك ويصيح
ڪدرت أميزه من صوتـه
عُمـر : سَبراييييييز ولـد الـكو**
ضحك عثمان بصوت عالي همه
صار طشارهم ماله والي من شافو اجوي ضباط بعـد وهوسة سحبني عُثمان
من الخَلف طلعني وأسمع صوت
رمي وطلقات
أريد امشي بعــد ماكَـــدر
حيلي باد رجلية متعيني التفت عليه باوعلي بـ خَوف ڪال : شبيج !!
أتنفس بسرعة دموعي تنزل
ڪلت بـ ضياع : خايفة عُثمان ..
دنگ ڪعد ڪدامي
السبـع : احويي تخافين
وانه وياج ؟
رفعت عيوني تلاقت عيونا ڪلت بتردد : وأذا
ڪلت إني خايفة منك!
صفن ؏َ ملامحي شوي بعدها
ذب حَــسرة لزمني سندي ڪعدني بسيارته وراح مدري شيسوي !!
ضليت الوب گطعت روحـي
من البجي ماعرف أتصرف شي ماعرف شسوي
لأ إني الـ گادرة اعيش
وياه ولا گادرة أبتعد عنه دخَلت بدوامة حَرب
نفسية ما إلها نَهاية
فتح الباب ضايج وعاگد حواجبة
حرگ السيارة
يسوق واني ساكته ابجي بدون صوت
دگ تلفونة فتح الخط
: عليييك العباس شفتنييي
شلون طبيت
عليهم جني جاگي شان
السبـع : ** أمك
دكلتبن ڪل ظني عندك
سالفة
عُمر : لا بروح أبوك
بمعزة بتك شلون جان الدخول
ضحك عُثمان بصوت عالي ڪال : يشك الـ **
خليتهم يتطافرون ميندلون
منين يشردون
السبـع : أي سولفلي شلونة
الخليفة؟
گح ذاك بصوت عالي حَمحم وكال : ها
الخليفة أي والله خوش
رجال بس هذا نسيت اكلك
فلت من أيدنا
ماحس الى داس بريگ قوي
انرگع رأسي بـ جامـة بشكل قوي حيل لدرجـة سال دمَ ؏َ جبيني
عفست وجهي بألم وعُثمان
نزل بيهم دوس ونص غلط وفشار
رگع التلفون گسرة اندار عليــة
من شاف وجهي ارتخت ملامحـة
السبـع : شو باوعيلي
أنهار : خلي ننفصل ..
ضحك بأستهزاء حَدق بجبيني معار لـ ڪلامي
أي انتباه وڪانو ماسمعة أصلاً
حط أيده ؏َ مكان الجرح
عطت بصوت عالي :- عثماااان
السبـع : ها هسه ابوسج
ديربالج تچفصين !
أنهار : نهايتنه وحَدة وهي نفترگ
لا تطولها وطلگني
السبـع : خوش أنه أغير نهاية
الرواية ؏َ مزاجي
أنهار : مو بكيفك!!!!
تقرب عليه مقلص عيونــة يرمقني بنظرات غريبة ڪال : أنه بطل روايتي
إنه الي اصنع النهاية ونهايتي انه وياج
فريخ يندب حظه ؏َ ساعة
الي صرنا بيها إنه وياج امه وأبو
ضحكت بأستهزاء
أنهار : من ڪل عقلك إني اخلف
منك؟ وشخلف طفل
السبـع : چا شتخلفين بعير
فتح عيونة ڪأنه استوعب شي ڪال رأساً : ها مو ڪافي واحد تردين اطگج بفرخين؟
ركزت ؏َ شعره هو ويحجي
ڪلت بـ شقة : دشوف روحك شيبت
وينك وين الخلفة بعَد
ڪال بعد ما مَيل رأسة
يباوعلي بـ لهفة : اي وعلي شيبَت
بگد ما أفكر بيج ..
- أشيلك مِن خيالي وتَرد
مثل الشيب ، تعبت وياك
ڪل ماتنشلع تَگثرّ .
يتبع ..
الحــكاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!