أنسام اللهيب الفصل الثالث 3 - بقلم زينب الشمري

#أنسام_اللهيب

بقلمي أنا زينب خالـد

علقو بين الفقرات وصوتو للبارت
وتابعو حسابي في الواتباد 🫂💙.

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

أنـــهار : رَجف گــلبي
من الحجايــة الـ حجاها
بلعت ريگي أحاول المح عيونـــة أشوف
شي منــة ماكو

حجيت بتلعثم وخوف : شتريد مني

حط أيده ؏َ رجــلة ونهض
يفتر بـ أنحاء المكان
ڪال بفضول : شيقربلج الخلــيفة

عگدت حواجبي بأستغراب
واني أحاول افگ
الحبل إلي ملفوفة بي أيدي
أنهار : منو الخلــيفة ؟

ضرب برجــلة ڪرتونه
جانت بالگـــاع
من الخوف الي بيـه حتى الوجع
إلي جَنت اتلوى
بسببه اختفى من الخوف

- لتستعبطين
بعيوني إلي ياكلها الدود
شفته طـلع من البيت الي أنـتِ
عايشة بي ..

أنهار : عمي عمي
هذا
هز رأسة وهو بعــدة يفتر
بالمــكان

ذب حَــسرة وڪال : خرب بالحظ
الـكو** إلي خلاني
أوصل لهيج مواصيل

مافهمت ؏َ شــنو يحجـي
بس انخلست
من شفت سلاحــة بخصرة بعد ما انطاني
ظهره طلع تلفون
ودگ ؏َ شخص فـتح سبيگر حط التلفون
؏َ جهه

سحب گلينسه ومدري شيسوي
بيها أسمع
صوت رجال خَشن جاي من التلــفون

- لك ضلعييييي
مشتاقلك
اندار عليـــة جنت اباوع ؏َ
تلفون رأساً دنگت عيني
: لتحجي حجي زايــد
البضاعــة يمي

تغيرت نبرة صوت المُتصل
ڪال بجمود : مقتنع بلي سويتة
ماكو غير طرق

- ** اخت الطرق
ماتجي إلى هيــج بس عنــدي
لعبــة برأسي إذا
نجحت اعزمك ؏َ طلي يلوگ لحلگ الخايس لأن مبين ؏َ السالفـة
سهله بسرعة تخاف

طگها بضحكة بصوت عالي
أبتعد عني ماعرف
شحجو احس صوت إلي ڪان يحجي
بتلفون مؤلف
عصرت مخي حَتى أحاول أتذكر وين سامعته بس ماكــدرت

مرت حوالي الـ ربع ساعــة
وهو ماكو اختفى
بعــد ما أيست أنو يرجـــع حسَيت بصوت
خطوات مــن وراي ..

چمدت بمكاني صرت
حتى النفس أخاف اسحبــة
شهگت من أيده حاوطت نحري رجع
رأسي للـخلف
حط الگلينس ؏َ حلگـــي
بس هلمره قاومت سويت نَفسي غمضت
عيوني وإني گاتمــة نفسي

سمعــت صوتــة بوضوح أكثر
ڪال بنبرة غريبة ؏َ مسامعي : شلت
حالي هلبربوك ..

بعدها ماكدرت أحبس أنفاسي
أكثر من هيــج استسلمت وفقدت الوعي من
بعـــدها

حسيت ؏َ ضربات خفيفة ؏َ خــدي
فتحت عيوني أشوف
ميريام ڪاعد ڪدامي وعيونة الخوف واضح عليها
رفعت أدية باوعت الــهن

گفخني ؏َ رأسي قوي ميريام
وڪال : ليش نايمة
هنا صدك تحجين أنـتِ ؟؟؟

رمشت بعيوني ممستوعبـة ڪلامة
أنهار : شنو نايمــة هنا
ميريام شبيك جنت مخطوفــة والله !!

صفن بوجهي لثواني بعدها
تغيرت ملامح وجهه وأنفجــر يضحك
سحبني من أيدي
طببني للداخل وإني أحس روحي دمي
فايــر

أنهار : ليششش تضحك
ميريام إني انخطفت !!!!

طلعت لارا من الحمام تنشف
أيدها أبتسمت ألية
وڪالت : حبيبتي بدون
متدرين مدري شموصلج للباب ونايمة
بيها فات صديق ميريام من
يم البيت وشافج خابرة وكله

أعصابي تلفت احس أيدية
ترجف من العصبية ڪلت
واني گازة ؏َ سنونـي
أنهار : لعد إلي عشته هذا شنو ؟

مسح عيونــة إلي دمعت
من الضحك ڪال بجدية
ميريام : حلم بابا

نزلت أنسام تفرگ بعيونها
؏َ درج باوعت ؏َ جــو شلون مشحــون
: شبيكم شصاير

ڪام ميريام گرصني
من زندي تقرب عليــة همس بصوت
خاف : لتكولين سالفه
حلمج هذا وتروح تصدك وتخاف عليج

رفعت عيني الــة خزرته رحت ؏َ الحمام
سديت الباب
رحت ؏َ المراية أباوع ؏َ وجهي
تلمست رگبتي بأيدي
واني متأكدة أكثر من أسمي أنو
الي عشته قبل ساعات مو حَلم ڪان واقع
ڪلماته طبعت بالي

فتحت باب الحمام رحت
ڪعدت ؏َ ميــز الأكل دخل ميريام للحمام
شوي وطلع شعره ينگط
مي ينشف بي

حطت الأكل لارا ؏َ السفرة وأنسام
تسولف وياها
حدقت بميريام عينه ؏َ لارا وتصرفاتها
أنهار : تحبها
ميريام : چؤ

ضحكت بأستهزاء وإني
بداخلي براكين من الغضب لأن مو راضي يصدكني
أنهار : والعباس أبو فاضل
تحبها

رفع حاجبــة اليــة بعدم تصديق
تجاهلته رجعت
عيني ؏َ لارا زوجـته ميريام إبن خالـي
ودائماً من ننطرد نجي
هنــا

نزلت رأسي وتنهدت
أفكر معقولــة إلي صار حَلــم مستحيل
ليش هيج ڪان
واقعي فكرت اسولف ڪُلشي لميريام ؏َــن إلي صار وياي والي سمعته
من عمي واسولف إلي صار بلكت يصدك

ڪعدت قريب مني أنسام
هَمست بهدوء بأذني
: الراتب وين ؟
- اخذه عمج الشفيــه
ذبت حَـــسرة بقهــر حطت الماعون لارا
ڪدام ميريام وكالت : العصر
أخذنا للسوگ اني وحده من البنات
أريد أشتري فستان ..

رفع رأسة الها ڪال بفضول : علمود شنو؟

لارا : خطوبة حَمزة
شرگ باللكمـه وهي تطبطب ؏َ ظهره
ملامحـها طبيعية خاليـة
من أي ردة فعــل ماعلقت أنسام ڪانت شاردة بالفراغ

خلصت أكل أخذت تلفون
أنسام صعَدت فوگ للغرفـــة حافــظة
رقمها بعقلي
ڪتبته ودكيت عليها
حجينا شويــة وسولفتلها مختصر عن الي صار مو ڪُلشي ضحكت عليــة هم
وماصدكت شلون انخطف وارجع
بنفس اليوم وهو شنو غايته من سوة هيج
مُجرد سئلني سؤال واحــد ..

بديت أقتنع بـ ڪلامها فعلاً
بس الكلام الي ڪاله إلي ڪل ما اتذكرة
أحس مستحيل يكون
حَلم تنهدت بضيق

- متدرين شصار ؟
حجيت بأستغراب وإني أگلب باظافيري
: شصار خير ياطير
- هذا صديق أبوج هَشام أتصوب
متدرين

وكفت ؏َ حيلي لطمت ؏َ صدري
: صخاممم شصوبة
- شمدريني سمعنا أصواتهم
تعاركو هو وأخو وبعدها صارت صوت طلقــة

سديت الخـط وياها وركضت ؏َ
أنسام سولفت إلها الي
صار جانت ڪاعدة وية لارا يسولفون

طلعتني لارا من الغرفــة
حتى نخليها ترتاح
نزلت ؏َ درج رحت ؏َ مكتب ميريام
عنده مكتب بالبيت
مسوي الــة ماعرف شنو الغايــة منــة

طرقت طرقات خفيفة ؏َ الباب
أجاني صوتة يكول : ادخل

فَتحت الباب دخلت ڪعدت
ڪدامة نزع النظارة وحط ڪل تركيزة وياي بديت أسرد من ڪلام عمي الغريب
للي صار بالمدرسة لحـد ما ختمتها بالخطف

فرگ عيونــة قوي لم شفته للداخل
ڪال بشك : متأكدة من سالفة
بت عمج تبيع مخدرات
ترا هاي چبيرة !!

أنهار : شنو مصلحتي
أجذب

حگ ارنبة أنفه
ميريام : أكو ضابط عدنه
هو لازم ملف
الخــليفة إلي انصدمت حالياً من عَرفت هو عمج

أنهار : بس ماريد أحد
غيرك يدور بالموضوع اللّٰـه يخليك ميريام

رجع بالكرسي ليورة لزم تلفونة
يگلب بي ڪال : هذا اذكى
مني داهيـة الطير الي يطير فوك
رأسة يميزه فحَل لو نثية

ذبيت حَـــسرة بخيبة
ڪلت : ومنو هذا صاحبك
شســمة ؟

رفع عينــة اليـة وحط التلفون
؏َ اذنــة ڪال بأبتسامة مُفاخــرة : السبـع
يصيحولـة السبـع ..

انفتح الخط رأسا عاط
ميريام : حي اللّٰـه إبن الملحــة

طگها ميريام بضحكة رنت بمسامع
أذني ڪاعدة أسمع
الـة رفع حاجبــة
ميريام : لا حالتك ميؤس منها
يرادلك مرة أنت

رجع ضحك أردف بتسأول
: لازم ببالك وحــدة ؏َ الخير
؏َ الخيـر أمها داعية عليها التاخذ واحد
مثلك

أشرلي بأيده اطلـع برة هزيت
أيدي فتحت الباب وطلعت صعدت ؏َ درج بخطوات ضعيفة ليش هيج حياتنا
مُتلخبطة

گــلبي يأذيني احس بنغزات
رحت ؏َ الغــرفــة لكيت نوران ڪاعــدة صافنة بالسگف

حدقت بية بنظرة غريبة
سديت الباب ونتچيت عليها رفعت حواجبي الها
أنهار : احجي شضامة

بللت شفايفها تعصر بأيديها
ڪالت بخوف : اني ضميت ؏َ
أنسام فدشي

أنهار : سولفيلي ..
عضت شفتها بـ ندم وصار تڪول :
من جَنت بالمستشفى
أول ما فَتحت عيني

هَمست بصوت واهَن
نوران : أنسام ..

جنت أون بوجع
درت ؏َ جهه الثانيــة لكيته
ولـد يباوع عليـــة صافن بوجهي

ڪال وهو يحدق بعيوني : هاي عدسات؟

ونيت بألم
نوران : أنسام ..

: حلوات .
- شننة
: عيــونج ..
مارديت عليه صفن شوي وبعدها
رجع ڪعد بعيد
عني ڪل شوي يرفع رأسة يخطف نظرة

أنهار : فاتتج ما ڪلتي
أنابياحال والدفان يغمزلي

سكتت ماردت عليـــة
قريت شويــة وبعـــدها بدلت حتى
أروح وية لارا للسوگ

دخلت ؏َ غرفة أنسام هزيتها
من چتفها
تمغطت بنعاس وكالت : امممم

أنهار : راح اروح وية
لارا خاف تكولين
فتحت عيونها بوزت شفايفها
وڪالت : منو أنـتِ

هزيت أيدي سديت الباب
عليها ونزلت لكيت علـي هَم ڪاعد
مبدل

باوعلي ميريام ڪال
: خلصتو نروح

نزلت لارا طلعنا علي صعد
وية ميريام بصدر وإني وياها ڪاعدين
ورة

حاطــة رأسي ؏َ الجامــة
استذكر الأحداث الي صارت والجمــلة إلي علگت برأسي
" عاشگج عشگ الزلف للترچية "

گـلبي يكلي مستحيل
يطلع حلمي وعقلي مقتنع أنو حلـم
وكل الأسباب المنطقية تثبت أنو حَلــم

وكفت السيارة باوعت ؏َ المــكان
الي احنا بي وصلنــا للسوگ
تنهدت ونزلنا وكف علي يم ميريام ولارا نزلت تريد تمشي

استوقفني صوتـة قبل لا اتحرك
التفت عليــة
ميريام : تعاي رايدج بحجاية

اخذني ؏َ جهه جر حَـسرة
طلع فلوس من جيبة
قدمهن اليــة

خزرته دفعت ايده قوي
أنهار : شجاك ميريام
ميريام : لخاطر العشرة والاخوة
اخذيهن اشتري هديمات
الج ولـ خواتج ..

: مستحيل تذبحني أنسام
اخذهن اللّٰـه يخليك
- سهلة سهلة أنسام مكدور
؏َ زعلــها

دائم النقاش لفترة
طويلة وهو ما استسلم سحبتهن
من أيده ومشيت
صاح وراي
- ڪون مالگه فلس
أحمر بيهن خَلصيهن

انداريت خَزرتة امشي وية لارا
تختار فُستان
؏َ راحتها عفتها وحــدها رحت اشتريت
مَلابس

طلعت وإني أفر بالخصلة مالتي
إلي طلعتها
من الشال وإني اتذمر عجبني
فُستان بس مالاگ عليه لأن بشرتي حنطاوية

ڪلت بتذمــر
أنهار : شهلحظ يربي
أنسام بيضة ونوران بيضة لعـد
توصل يمي وتوكف
صدُك ڪذب ربي ..

سمعت صوت واحد يدندن
من وراي :

- حُـــوريــةً عـِربيـةٌ فـِي عَينـها
دُررُ ألجَــمال الفــَاتنِ ألعــدنانـيْ
سَمراءُ تَــقتُل حُــسَـن كَـــلُ صَــِبيةٌ
اَخَّـــاذَهٌ عَـسِليـةُ العيـَنـْانـي .

انداريت خَزرتة معقولة
يقصدني؟ بلعت ريگي أخاف أحجي وياه
ويطلع مو وياي وأفشل
روحـي

جان ڪاعد ؏َ ڪرسي وبصفة
طاولة محطوط
عليــها چاي وهو بيده چگارة يدخن
بيها وعيونة ؏َ تلفون

ملامحــة مو غريبة
عليـــة ركزت بي جان نفس الي
شايل يم بيتنا نهض ؏َ حيلة ضم تلفونة بجيب البنطرون

نزع النظارات وشال گلاص
الجاية شربة دفعة
وحَدة وڪال :
تحبين تأخذين صورة؟

عگدت حواجبي وأشرت
؏َ نفسي : هاي وياي تحجي؟

- أي وياج قابل
منو گصني گص غيرج
: ههه صدگت روحك مو محد
گلبتك غيري مو

رفع حاجبــة خزرني ڪال :
الأيام الجايــة
طويلة

حجاها وأبتسم بأستهزاء مسح ؏َ شواربة
وراح هزيت أيدي شلون
شگــول يالله

رجعت ؏َ سيارة لزمني
علي من زنــدي قوي غرس أصابيعة غمضت عيوني بوجع

علـي الأكبر : منيلج فلوس ؟
رفعت عيني الـة
نترت أيده حطيت عيني بعينه
أنهار : أنسام ، أنسام انطتني

صعدت بالسيارة ورجعنا ؏َ البيت محظرة
روحـي للرزالة مال أنسام
لأن اخذت فلوس من ميريام

❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜

أنســام : نزلت على الــدرج لكيت الصالــة متروســة علاليك لارا كاعــدة تسولف
وية أنهار وميريام كاعد يدخن على جهه عيونة بـ تلفونـة وعلـي ديشرب مـي

رفعت عيونــها أنهار خطفت نظرة عضت شفتها لزمت گلبـي
حسيت سوت فدمصيبــة من شافنـي ميريام

كـام عدل روحــة ڪال :
تعال وياي علـي
نجيب عشه من برة

لارا : أي فدوة مابيــة حيل

هز رأســة علــي وطلعو اجيت كعــدت يمهن
أنسام : شنو صاير هنا

بلعـت ريكــها أنهار تباوع علــى البيت
ڪالت بثول :
يا لارا هاي عدكــم سگف
ليش مكتولي شوكت بنيتو؟

عقجت وجهه لارا مستغربــة شوي واستأذنت شالت علاگتين

لارا : حروح لغرفتي
احط الغراض

فرگــت وجهـي حيل ڪلت موجهه ڪلامي للارا
الي دتصــعد الدرج
: وهذول العلاليك لعد ؟

لارا : هذنـي مو اليــة حَبيبتي
مالت أنهار

كامت تگحگح أنهار وإني احس راح أنفچر نهضت بسرعة ڪعدت يمها گرصتها
من زندها قوي
أنسام : منيلج فلوس!
مو ڪلتي أخذ الفلوس ؟؟
- شبيج أنسام أيدي

عضيت شفتي أكتم غضبي
عنها حجيت گازة ؏َ سنوني
أنسام : احجييي
أنهار - ميريام غصبني
اخذهن والله هو ماقبل !!

لطمت ؏َ خدي وعطت
: شنو ماقبل لتخبليني

باوعتلــي مصدومـــة من
رده فعلي
: ڪال أنسام مگدور
؏َ زعلها اخذيهن

دفعتـــها قوي وكعــت على القنفة جسمي يرجف من العصبيــة دفرت العلايك برجلـي
: ليششش ليششش أنهار ليش هيچـييييي
- ميريام كالـي سوي هيـج
ومعليـــج

فتحت عيونـي مصدومـة ضحكــت بستهزاء
: ويعنـي أنـتِ ماعرفتي
ليش هيـج كلـج تسوين أكيد حتى بعدين
يكول أصرف عليهن
ويصير صاحَب فضل علينا !!!

جانت تباوعلـي وتعض بـشفتـها وعيونــها على شي وراي التفت لازمـة رأسي
شفت ميريام واكف

صفنت عليه مابدر منــة أي تصرف ضل ساكت رغم أني متأكدة أنو هوه سمع حديثنا
دخل بعــده علــي يباوع علينـــا
أشــر برأســـة شكو

التفت لـ أنهار زعلـت استغفرت ربي
ضربني وبكى سبقنؤ واشتكى

هزيت أيدي
صعدت لغرفتي شوي ودخل علـي
علي الأكبر : أنسام عشه
نوران لتنسين أريد أدرس ماعندي وكت الها ..
- تَــمام حبيبي

نزلــــت أخذت اكــل ولا أنهار ولا ميريام يباوعون بوجهـي تجاهلت الوضع

صعــدت يــم نوران أوكل بيـها وهي تباوعلـي
خايفــة كأنو ضامـة شي
أنسام : شبيج حبيبي نونو
ليش هيج تباوعين صاير شي ؟

بلـعت اللكــمه وهزت رأســها بـ لا مرت متتالية
باوعــت عليـــها متعــرف
تجذب لهذا اصدكــها عكـس ذيج

إني وداوكــلها انفتحـت الباب دخلت أنهار
شمرت روحــها على
الجربايــة تباوع على اظافيرهـا

أنهار : نوران ترا اكو غراض الــج
جبتهن شوفيهن
نوران - صدك

هزت رأســها بـ أي بدون متباوع عليــنا
: عــود قبل لترحـين لدوامج
باجــر لبسي من عدهن ما تعبت روحـي واشتريت حتى ترحيـن بنفس ألبس

حجت نوران بغباء
- بس إني باجر ما داوم وهمه ميقبلون نبدل

غمـتها وشالت الغطة وتغــطت خلصــت أكل نزلت غسلــت المواعــين
رحـــت للمكتـب مال ميريام واكفــة كـــدامــة مترددة افوت لو لا

دكيـت الباب مرتين بعــدها ڪال
: أدخل

فتحـت الباب رفع عينــة خطف نظرة بعد
ما تأكد أنو إني
رجع صاب جَم إهتمامة وتركيزة ؏َ الملفات الي ڪدامة

حجيت وإني ألعب بأصابيعي
: ميريام موقفك ماله داعي ...

قاطعنـي وهوه يرفــع ايدة يستوقف
كلامـي شمر النظارة
بعصبية ؏َ الميز ڪال بغضب
ميريام : ليش مالــة داعي ؟
مالي علاقة بيج وشنو تقربين الية بس الي أعرف
الي ڪاعدين بيت هسه ولد
عمتي واني أريد اصرف عليهم رجاءً لتدخلين!!!

رفعت حاجبي بأستنكار
أنسام : اها يعني هسه أنت أقرب
منهم اليــة ؟؟

رجع بالكرسي ليورة يباوع عليــة
ينتظر منـي أكمل كلامـي وإني واكفــة مخَنزرة
بوجهه

أنسام : من رخصتك
حجيتها وماشفت ردة فعلــة طلعت
وسديت الباب وراي
صعدت فوك
بس دخلــت
شفت علاليك هواي على الجربايــة

رحت فتحتهن جانت ملابــس ومكياج هواي ذبيت حَـــسرة شسوي بعد انگسر
الكلاص وميرجع المي لمجراخ

كعــدت أكلـــب بيهن اشوف شجايبة
دخل علـي ينام يمـي ونوران وأنهار بغرفـة
بيتهم كُلش چبيــر بي تلاث غرف فوك
شمر روحــة علــي يم
على الجربايـــة

يباوع على الغراض
: هاي أنهار منيلــها الفلوس ؟
حجيت ابررلها
: إني انطيتـها

هز رأسة
: بس مو كأنـــو هواي ؟
شكد كـــلفن هذنـي كلـــهن
- لالا هي أنهار تعــرف تختار
الرخيص والحـــلو

ظل صافــن يباوع بوجــهي
: أنسام بس أكبر راح أصير أحسن
دكتور بالعراق واعيشجن أحلى عيشــة

أبتسمت بحنيــة على كلامـــة شكــد دافـي
مسحت علــى وجهه
وهوه غمض عيـــنة نزل الغراض بالكــاع وتقرب نــام على رجـلي وتغطه

علـي : لعبي بـ شعري
خلـي أنـــام
كعدت ألعب بشعرة وهوه مغمض حجيت بصوت ناصـي
: علـي متريد تعرف شي عن أمك ؟

عقج وجهه بنزعاج
: أنـتِ أمي ماعندي أم غيرج

أبتسمت أحس بــسعادة فرحانــة على حجايتــه هاي غـفى بحضني وشوي وإني هــم
نمت حيــل تعبانــة من هـــبطـة نوران
فزيت بنُـص اليلل

على علـي يعدل نومتـي ويغطيني ونام بصفـي رجعت غفيــت

رجعــت نمت فزيت الصبـح علـى صوت المنبــه كمـت كعدت علـي ولكيت أنهار كاعــدة
كامو يبدلــون اليــوم الجــو بارد مو مال البس شلون ما جـــان

لبسـت بنطرون أسود وفوكـاه ستـرة
رصاصيـة بس ثخينــة كُلش
وشال رصاصـي ظليت صافنــة علـى روحـي أول مــرة اطلع هيــج حلــوة

صارت عينـي على المكيــاج أحط لو لا
إني اصلـي وملتزمـة بصلاتـي ونادراً ماحط مكياج واذا كُلش كُلش أصير جريئــة احط
كحلــة

فتحت تلفونـي باوعت ؏َ ساعة
وحطيته بس جريته گحلة وحمرة فاتحـة ڪلش

ضحكت بصوت عالـي ؏َ منظري
وهزيت أيدي
؏َ تصرفاتي

نزلت ليجوة
ميريام جان طالع قبلنا لارا محضرة الريوگ جانت تأكل وياهــم طلعت اني
بدون ماتريــك

زفرت نفس واكفــة كدام باب الشركــة أخاف افوت ويشوفني بهذا لبسـي أحس روحـي
غريبــة شدعـي عليج يا أنهار لو مخليتني بـ صايــة هم أحسن اني شگول
هيــج لبس

دخـــلت اباوع عليــهم أحاول اتجاهــل نظراتهم المتعجبة والمصدومة
وقعــت ورحــت صارت بوجهـي بتول فتحت عيوني مصدومة
أنسام : ؏َ گولتج مورنگ مورنگ

صفنت عليه باوعت من
فوك ليجوة ڪالت
بتول : لج گيمـــر خوما گيمـــررر شطالعة تموتين
تعاي الفج بصمونـة واعضج

حضنتني حيلل
أبتعدت عــنها مبتسمــة
أنسام : أخ اسكتي ؏َ هبطة نوران
حتى عقل برأسي ماضل ..

بتول : سمعت من خالي
هشام مابيها غير العافية

ردت اجاوب بس شفت أستاذ لهــيب واكف منتچـي على الباب يباوعلـي خازرني
ضربتــها بـ جتفـها
: روحي بعدين نحجي روحي

التفت تباوع عكدت حواجبها مصدومــة متوقعت تشوف خالــها هنا
بلعت ريگـي أمشي خطوة واحس روحـي راح أعثر على وجهـي

وصلت لـي يمة باوع على الساعــة وهوه يهز برجلة
رجع باوعلــي وكال
: بيش ساعــة ست أنسام ؟؟؟؟

أحس روحـي حصرتني البجيــة وعلى ساعــة راح انفجــر ماحس الى بـ ضربة
على جـتفي التفت جانــت بتول تباوع لخالها مـبتسمـة
: هاي خالو

حجتها وهــي عيونها عليه مبتسمة بـ خُبث خزرها خزرة
يمـــة متت بمكانـي هوه يخوف حيل

ماحــس الى سحبــها حيــل
ليجوة ودفعــها وكعت بالگــاع
التفت عليـــة
خزرني خفت نزلت عيوني ڪال بعصبية يحاول يخفيها
: أنسام روحــي لشغلج
وعينــج على ملفاتــج
حجاها مركز على كلمــة ملفاتج

رحت ركــض كعدت بس ماكــدر ادير وجهـي شسوي كُلشي اكــدر اشوف شلون أمنــع نفسـي
أصلاً وين اكو واحد
يخلي مكتب السكرتيرة مالتــة يمة غير برة هوه لو بغير غرفــة

ڪامت من الكــاع نفضت ملابسها وباوعتلــه وعيونـها تجدح نار يهمسون هــمس
كُلشي ماكــدر أسمع هي ثوانـي بسيطة نطقت بيهن بتول كلمــة وماحــس

الى خنگــها قوي بأيد وحده وهي لازمـة بيديناتها ثنيناتهن حتى تحاول تفلت
أيدة بس ماكــو

شهــگت بخوف وحطيت ايديـة علـى حلگـي أكتم صوتـي التفت عليــة مصدوم
الظاهر ناسـي وجودي أصلاً أبتعد عنــها وهي تتنفس فتح الباب وأشرلـها تطلع

كامــت بسرعــة وطلعت إني احس كل جسمـي صار يرجف ماكدر اسيطر على روحـي بعد

ســد الباب وحط راســة عليــها شويـــة وراها أبتعد يروح ويرد بالغرفــة إني من الخوف
أحس ماكدر حتى اطلــع اخاف افوت من يمــة ويخنكني مثلــها

كعدت على الكرسي أباوع لـ رجفة أيدي أريدها تستقر ماكــدر مدري
شچانـي واخيراً قرر يبطـل يفتـر كعد على الكرسي مرجع جسمـة وراسة
ليورة

شوي وصاح بألــم
: أنساممممم

فزيت مخترعــة طفرت يَمـــة
رحت وكفت كدامــة باوع بوجهـي شويـة بعدها ڪال
: اريــد گــهوه
روحـي جيبلي گــهوه

هزيت رأسي بـ أي وطلعت اكو كافتريا عـدنا بالشركــة رحت جبت الــة
شكد دورت بــتول بس مالكيتــها ماعرف وين خفت أتأخر عليه

اول مدخلـت جان يبلــع حبوب
اجيت حطيت الكــهوه يمـة ورحت رجعت أشتغل
طول اليوم جان خانــس
لا حركــة ولا صوت أصلاً خفت أطلب منـة ويرزلني بس مابيـها مجال

لازم اكولــة شيسوي يعنـي أقصى
شي يكـول لا وهاي هـي أي عفيــة تشجعي
أنسام

وكــفت كدامــة رفع راسـة باوعلـي
انوب رجع دنگ عيونـة على
الصفقـة الي بيده كُلش مهمـة وتغير هواي شغلات لو صارت
: أستاذ
- نعم أنسام ؟
: احتاج فلوس

رفع راسة مقلص عيونــة
ميل راسـة ڪال
- اييي ؟

: قبل من جنت اشتغل عـند أستاذ هشام
جنت اشتغل شغل اضافي
وأوقات متأخــرة وينطيني فلوس

غمض عيونـة مبتسم رجع رأسـة على الكرسـي
ليــورة ڪاال
: يعني هسه شنو

ضليت صافنــة لا أخذ ولا انطــي بالحجي
فتح عينــة باوعلـي ڪال
: احجي بابا شبيج خانس
تردين فلوس؟

عضيت شفتي بندم لأن طلبت منه
لو رايحة لـ أستاذ هشام

لهيب : انطيني مـجال أفكر بيــها
واشـوف
أنسام : بس إني أحتاج الفلوس ضروري
هسـة

رجع جسمـة ليورة ڪال
: وين كاعــدة أنـتِ هسه أنسام ؟
- بالشركـة
فرگ وجهه حيل ڪال
: أقصد البيت
- ها يم إبن خالـي ومرتــة
: ها حلــو مكلولي متزوج
عفست وجهـي
- شنو منو مكلك ؟

: كتيـلي يشتغل ضابط ؟
- لا
: شنو لا مو ضابط
حجاها مستغرب
- لا اقصد إني مـكلت هوه ضابــط

هز رأسة بـ أي وهوه كاتـم ضحكته أحسة
غريــب

أشرلـي أرجع للـ شغل ومانطاني حجايـة خفت
احجـي ويـاه بعــد انوب
يخنگنـي مَــادري يخوفنـي رجعت اشتغل وافتر منــا وادقق منـا رفعت عينـي

اباوع للساعــة توهـا بـ ١٢ غمـضت عيونـي بـ تعب
أحس ظهري بعد ماحـس بـي
وأستاذ لهـيب كُل شوي يفتر ويرجع ڪل شوي يطب ويطلع

الشركــة كُــلها مخبوصة هاي الصفقة اذا نحصلـها
يتغير وضع شركــة للأحسن بهواي وخصوصاً أنو احنـا خلال الفترة الي راحت
خسرنا أكثر من تلاث صفقات بسبب الشركـات المنافسة

طگطگـت أصابيعي ورجـعت اشتغل
شوي ودخـل أستاذ لهــيب حدق بيه أشرلي
بايده بمعنى تعاي
: أنسام عايني

رحـت يمــة كعد يشرحلـي على الشغل الي فهمتـة أنو باجــر راح يجي وفـد ويطلعون ولازم إني واستاذ لهـيب نروح نجيبهم
ورة مخلـص
رفع راسـة صفن بوجهي

لهيب : أنسام باجر اريدج أنـتِ
تفتحين الشركــة اول وحــدة أنـتِ اشوفج هـنا متفقين ؟؟؟

هزيت بـ رأسي بـ أي وراها كمـلنا شـغل وطلــعت للبيت اتمشـى وافكر
هـل راح يخليني اشتغل ويضاعفلي الفلوس

هوه مانطاني كلمـة وماينحزر وتصرفـة
اليوم كُلش غريب مصار عنـدي وكــت زفرت نَفس بقلة حيلة

مَــادري شسـوي وصلـت يـم البيت
توسعـت عيونـي بـصدمــة وإني اشوف
عـمي واكــف خانگ أنهار
ويصيح متوعـــد
الخـليفة : اذبحچ أنهار اذبحچ
إذا طلعتـي أنـتِ

ركضـت عليـها هستونـي أريد اوصل ماحس
الى صوت طلقـة اخترقت
مسامع أذني خلت كُــل ذرة بـ جسمي ترجف ....

يتبع ..
الحكـاية تستمر إلى إحداث أخرى .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

حسابي انستا للتواصل 👇🏻