أنسام اللهيب الفصل الثاني والعشرون 22 - بقلم زينب الشمري

#أنسام_اللهـيب

بقلـمي أنا زيــنب خالــد

علقو ؏َ البارت وصوتو الــة وضيفو
حسابي واتباد يحلوات 🥺🫶🏻

الغلاف الجميل المصكصك من تَصميم
وحَده من نبعاتي
الجميلات 😘♥️♥️♥️♥️♥️.

_________________✦ 𖥨 ✦_______________

المشـــهد الـ "1"

هرولت بسرعــة عجيبة
أركض بـڪل قوتي الدنيا ليل
ظلمـة ماينسمع حَس إبن آدم وإني اتلفت أحس
طيَفة يلاحگني
الخوف مسيطر عليــة عَثرت بحجارة طحَت بالگاع

؏َ وجـهي حسيت بشي
حار نزل ؏َ خدودي رفعت أدية امسح دمعتي
إلي حرگت گـــلبي قبل خدي

عصرت الفلوس بيدي قــوي
نهضت ؏َ حيلي مو وكت أنكــسر واطيح هنا
أبد مو وگتها

ڪملت مشي ماعرف وين رايحـة والمن
تلمست وجهي يأذيني وجسمي ڪله أحسه
يون من الألم

ماعرف وين صَرت منطقة أول مرة
أشوفها اتلفت ڪلها أشجار أريد بس طَريق
شارع عام المح بس سيارة
تأخذني بعيـــد

ڪعدت مستندة ؏َ شجـــرة
مديت رجلية تأذيني بكد ما مشيت
رأسي يسطرني سطر منايمة صارلي ڪم يوم
بس أفكر شلون أشرد
والخوف إلي أحتلني من هربت والقلق
بأن هوَ يلاحظ عَدم وجودي

سندت أيدي ؏َ الگاع وكفت ؏َ حيلي
ضليت امشي لــحدما
وصلت للشارع عَام واكفة متلفلفة بالعبايــة
صار ضوة سيارة بعيني

رفعت أيدي مخليتها احجب
الضوة عن وجهي گـــلبي نغزني وإني
أشوف السيارة وكفت يمي

بلعت ريگي أنفتحت
باب السيارة نزلو ولد إثنين باوعــو
عليــة وضحكو بـ شَر

:- هاي يحلو شجابك
هنا بنص اليل
حجاها وغمزلي حدق بصاحبة وضحكو
بـهستيرية

نطق ثاني بقذارة وعيونة
شخصتني تشخص
:- اويلييييييييي دشوف
الوجهه اليوم للصبح

بمُجرد ما حجاها شهگت
بخوف تراجعت ليورة ضليت أردد بداخلي
:- لا ربي لا
شردت من ضيم تذبني بضيم

ردت أركض عثرت وگعت ؏َ
ظهــري صرت ازحف بالگاع وأبچي
أتوسل بيهم يبتعدون
عَنـي

ماحَس إلى واحــد
بيهم هــجم عليــة نام فوگاي وريحة
الشَرب تفح منـه

هيَ ثانيــة وحده وصوت
طلقه اخترق مسامع أذني
أحس صوت صفير صار بأذني والدم صار
يسيل
غمضت عيوني بـ تعب
همـست بصوت واهن
: خَلص انتهى ڪُلشي ...

_________________✦ 𖥨 ✦_______________

المـــشهد "2"

دخَلت للغرفــة شفت تلفوني
يدگ عَفت ڪُلشي بيـدي ركضت شفته إسمه ؏َ شاشة التلفون

گـــلبي نبض بسعادة
فتحت الخَط
حطيته ؏َ أذني وصحت بصوت عالي

- راااااح اموووتتت
مشتاقتللك مووووت مووووت

سَمعت صوت ضحكته الرجولية
تحت مسامعي أبتسمت بسعادة والفرح غُمـر گـــلبي

:- ولك زقوچي گـــلبي
طاگ عليك

- هم تجي وأشوفك؟

:- وتحضنيني
حجاها وذب حَـــسرة
وإني أسمع صوت طگه الجداحـــة

عضيت شفتي وڪلت
- وأحط رأسي ؏َ صدرك

أسمعه يسحب نَفس من الجگارة
أخذ فـترة طويلـة
ساكت بعدها ڪال بحُب وهيـام
:- ساعتها يلتقن گــلبي وگـــلبي ...

_________________✦ 𖥨 ✦_______________

المــــشهد "3"

نايمـة أحس بروده بجسمي أحس ايدين حاوطت خصـري تفتح الروب فزيت
مخترعـة نهضت افرگ بعيوني أريد استوعب أباوعلة حاط رأسة على أيده ومدد يباوعلي
يبتسـم بأستفزاز

- شلون شلون فتت

ميل رأسة يباوع على ملامحـي
: ماكو شي يصعب علية حبيبتي
بس أنـتِ من ثولج شلتي المفتاح لو مشايلته من الباب جان مكـدرت افوت

خزرته دگ تلفونة حمحم وكــــام يشوف منو تغيــرت ملامـح وجهه بهت لونـة رفع رأسة
باوعلي ورجع دنگ راح للبلكونـة وسد الباب رغم الدنيا باردة برة البرد يصل
بالعظـم

أجانـي فضــول أعرف منـو يخابـر كمت بهدوء حطيت أذني على الباب اسمعة يكول
: شتردين ، اي تزوجت
أي وهي تربي بنتـج شنو رأيج شلون گــسرت عينج

ماحسيت بأي مشاعر ساعتها مُـجرد برود رهيب اجتاح مشاعري جسمي يرجف من البرد
ومشاعري تهتـز بسبب الكلام الي دتسمعـة ساعة يصيح ويغلط عليها ساعة يكلها
أحبج واطلكها بس رجعـي

روحـي صارت مثل الطيـر مذبوح الي يتلوع لحدما يمـوت نهضت بهدوء
أمشي بخطوات هادئــة نمت بدون حتى تفكـير يمكن وحده غيـري جان بجـت ودگتها
مناحـة لأن بليلة عرسها أحلى ليلة بعمرها وتسمـع هيج بس إني من يوم يومـي
گـــلبي ميت ..

_________________✦ 𖥨 ✦_______________

المشـــهد "4"

فتحت عيوني أحس بحرارة
الگاع الجواي رفعت عيني للسگف جانت سقيفـة والمكان مفتوح

نهضت ؏َ حيلي حدقت ؏َ المكان
لفترة طويلة ڪان عبارة ؏َــــن "چـــول"
صحراء فارغــة
والمكان إلي اني بي عبارة عن سقيفة فوگ رأسي بس التفت ؏َ جهه من الجهات

لكيته ڪاعد ؏َ الكـرسي
حاط رجل ؏َ رجــل وبصفة نرگيلة ينظر
إلي بتمعن ڪأنه
مستمتع بالمنـــظر إلي ڪدامة

نفضت ملابسي من الترابة الي بيها
حطيت عيني
بنص عينـه گزيت ؏َ سنوني نطقت والغضب يشع
من عيني
- مُمتع المشهد؟

ضحك وسنونة البيضة
برزت
: جداً جمليتي

- أنت تعرف بية متزوجة
ليش تحوم وراي؟

تغيرت ملامح وجهه واختفت
الإبتسامة إلي ڪانت مروسة ؏َ ثغرة
عيونة صارت تجدح نار
خزرني شمر النرگيلة بالگاع والكرسي دفعة

رفعت حواجبي بأستنكار
ضحكت بـ أستهزاء حطيت عيني بعينة
وڪلت : هسه عود
صرت رجاال؟ يلا خنصفگلك

تقــدم عليــه بعصبية
عتني من شعري قوي أحس شعري
ڪله وگع بيده

ضربنـي راجدي قوي أحس أذني صوفرت
أيده قويـــة
أبتسمت بأنتصار أريد أستفزة

- زوجي يذبحك
بس يعرف لمست شعري مني !

: شخبلتينييييي بيييي
شفتيييي بي متكليليييييي بشنو
احسننننن منيييي بشنوووووو شنو فرقي عنه

دفعت أيده قوي تفلت بوجهه
فتح عيونه خازرني
بغضب گوة لازم روحه مايذبحني
- رجال رجال هوَ
وهذا الفرق بيناتكم

مَــادري شصار بس ترابـة
صارت وكأن إعصار احتب المكان طب بعيني تراب اسمع صوت سيارة تدور
حول المكان بسرعــة
جنونية ماكدر المح شي منها من ڪد التراب

توقفت عن الحركـــة
فرگت عيوني ڪانت سيارته
الجديدة
بلعت ريگي أبتسمت بنصر
- هذا زلمتي الماعاجبك

توسعت عيونـه بصدمة
: وتفتخرين بي بعــد

نفتحت باب السيارة نـزل
من السيارة ملثم روحــة ولازم بيده سلاح
بس عيونة مبينه

شال اللثام من ؏َ وجهه ڪال
بصوت جهوري عالي
: حي اللّٰـه النشامــة الـ ** ..

_________________✦ 𖥨 ✦_______________

المــــشهد "5"

نايمـة ؏َ صدرة يمسح
؏َ شعري بـحَنية ڪأنه مو مصدك
إني يمة ڪل شوي
يبوس وجهي وأيدي

ضحكت دفعته وهو يطبع
بوسات ؏َ عيوني
- هاي شبيييك

باوع ؏َ وجهي مبتسم
بفرح أحس من ڪل گــلبة فرحان هل مرة

: ولج مامصدك مامصدك
رجعتيلي ونايمة
بحضني تدرين ردت حتى گبر اسويلج
ماكو الـحيوانة فص
ملح وذاب

حجاها وطبع بوسة ؏َ عيوني
- امم طلعت عزيزة عندك

جر حَـسرة صفن بملامحي
مشه أصبعة ؏َ وجهي يتأمل تفاصيلي
هايم بيـة
أول مرة فعلاً أحس يحبني

باسني من خدي
تقرب ؏َ أذني نطق بصوت ذايب
: عزيزة أنـتِ مثل آخر
نَفس قبل المـــوت ..

_________________✦ 𖥨 ✦_______________

المـــشهد "6"

دخلت ؏َ الغرفة رفعت رأسي
باوعت إلها عيوني مدمعة تلاقت عيونها
الحاقدة بعيون العالم
إلي حادين سنونهم عليها

ڪلها تريد تهجم عليها
بس خايفين من الي وراها يدرون
بيه بس يقربن
منها يذبحهن عدهن هوَ مخبل

وكفت مقابيلها عاطت بيها
- شعدج جايييية امشيييي منااا
لا احطج وأطلع غضب اللّٰـه بيج

حدقت بيها بجمود سوت بأيدها
اشش وهذيج عيونها تشع غضب شلون تسكتها
الكـل مستصغرها
وماحسبلها حَساب

نطقت بعد صمت دام ثواني
: من أكول اشش يعني
اشش لتحجن

حجت وحده من الڪاعدات
بصوت عالي بضحكة تريد تفشلها عـود
- ليش هوَ منو أنـتِ

من سمعتها ڪلامها صار بؤبؤ عيونها
يتحرك بين الحضور
يدور صاحبة الصــوت لمحتها تبتسم إلها بحقارة عرفتها هيَ صاحبة الكلام

وجهت بصرها الها وكفت مقابيلها
ڪالت بصوت مُفاخــر
وأبتسامة خبيثة ارتسمت ؏َ ثغرها بعد مانطقت ڪلام خلت ڪل الكاعدين
يحسبون الــها حَساب

: " انــه أنســـام اللـــــهيب "...

أنسـام من اللـهيب
خُلِقَت من دون وَعيـد
صدفة غريبة تقلب الأمور وتسبب ضَجيج
ارواح تائهه اقترب لم شَملُها البَعيد
نساء خُلقن من صُلب الجَليد
ورجال تكونوا بالحقـد المُخيف
وعود كاذبة وأوهام مُرعبة

تحت سَقف واحد تنَكشف الكَثيييييرررر من الأسرار
تحت ظل رجل واحد ليس لـهُ مَثيل
قوي
صَلد
صَعب
يُدعـى باللهيب .

_________________✦ 𖥨 ✦_______________

الحكايـــة تستمر إلى إحداث أخرى 🔥...

مرحــبا جميلاتي 🙋🏻‍♀️

إلي جايين جديد يدورن
القــصة وشافو هيـج فـ حبايبي القصـة
توقفت لفترة مو طويلة
أعدل بعض التفاصيل

وأضيف مشاهــد الها أعدل ؏َ سرد
حتى تكون تليق بالمُشاهــد

ڪُلشي ڪامل مُجرد حَتكون أحلى
وأحداث اني رفضت
أذكرها مدام بعدنا بالبدايــة حَرامات اظلمها وهي
ڪُلش حلوه

رجاءً أعرف الوقـت غلط بس ماكـــدر
لازم اضيف هاي الأحداث
هَسـه حتى من أكتب البارتات الجاية تتوضح
الكــم صورة

إني سولفت ؏َ الموضوع بـحسابي
انستا والتلي هواي ماداعي أحجي شُكراً
لكـل وحده تفهمت ودعمتني
وهم الي ماتقبلو حقكم عليــة ♥️.

حفظو القصـة يمكم حتّى من
ابلشششش أنزلها تشوفون أول بأول
أو من تخَلص تشوفها

لنا مُلتقى أخر جَميلاتي 🫂♥️...

حسابي أنســــتا 👇🏻