انثى في عرين الوحوش الفصل الرابع عشر 14 - بقلم الاميرة ارجوان

الكاتبة الاسدية

السلام عليكم حبايب كلبي

اشكرك دعاءكم الاخوية ماقصرتو ربي يحفظكم من كل سوء
الحمد لله تعدة مرحلة الخطر

وشكرا الكم لان تحملتو فترة غيابي وانقطاعي عنكم بس اكيد تعذروني لان الوضع الي كنت بي كلش صعب

وشوي وجان يجرني سلمان مثل ما جرروني من اخذوني من بيتنا واشوفهم يسحلوني اني واختي واحنا نتوسل ونعيط حتى نمشي وياهم عادي

طببونا الغرفة كاعدة بيها مرية كلش جبيرة بالعمر جان يشمرونا حيل دفعونة بالكاع وكعنا على وجوهنا كدام هاي العجوز

سلمان كتلج اجيبنهن جوة رجليج يو ماكلت وانة عد جلمتي

منسية عفية سبع طالع على ابوك هذن هنة بنات الفصلية

عبد حبوبة هذني بنات محيسن جبناهن من اخر الدنيا خليناهن جوة رجليج

منسية جا ماعرفتو تستروهن جايبيهن فرجة للزلمة وهن مفرعات

جوري عرفت هاي بيبيتي كلت خلي احرك مشاعرها وشوي اتلوك الها بلكت تخلصنا من هذول الهمج

جيتت وخليت روحي بضهرها واني اكللها بيبي عفية خلصينا منهم اذونا هواي

منسية وخري عني لاتلبدين وراي عكب سواية امجن وكسران الوجه الي حطتنا بي انة موش حبوبتجن انة جحيمجن

نرجس معقولة انتي صدك بيبية وهيج تحجين

منسية ها يالغمة جا انتي اشايفة بعدج والعباس ابو فاضل لا اوريجن نجوم الضهر

جوري على شنو تشوفينة نجوم الضهر رجعونة الامي وهي هاي الي تكولون عليها تريد تموت وتريد تشوفكم

سلمان جعل يومج كبل يومها جا شلون اجيبنجن وماتفضحنا جدام السيطرات والجيش والانضباطية تارسة الشوارع

نرجس والله انتو مو رياجيل ولا عد كلمتكم

سلمان وهو يضرب نرجس راشدي احنا زلم غصبن عليجن

نرجس هجمت على سلمان وخرمشت ركبتة لك الرجال مايضرب بنية

سلمان يجر بنرجس من شعرها اليوم اشوفج الزلمة شراح يسوي بيج

جوري شفت هذا المتوحش هيج يسوي بنرجس واني ركضت اضرب بي واحاول اوخر اختي منة عوفها حقير همجي

جاسم بوياي والله فرسة حبوبة هاي ينرادلها خيال حوك مثلي

سلمان نجب انت الثاني هاي مال نذلها ونطيها لجبارة المسودن ابن فصلية ياخذ بت فصلية

منسية والله خوش هيج تحجون جدامي ولا جني واجفة ماخليتو كل احترام

اخذو البنيات وحبسوهن بحجرة امهن العتيجة

جوري شنو يحبسونة شنو كدامكم حيوانات والله العظيم اروح اشتكي عليكم واكول خطفونة واذبكم كلكم بالسجن

عبد سويها يابت الفصلية خلي اذبحج حتى مو على القبلة

جوري عبد انت مو اخوية ليش تقبل هيج يسوون بينا

عبد انة موش اخوجن انتن بنات الفصلية

سلمان لاتعب رويحتك وياهن يلا جروهن للحجرة واذا ماقبلن يجن بالعيني واغاتي شدوهن بحبل مثل البهايم

نرجس احنا مو بهايم بس انتو بهايم ومتعرفون تتعاملون بس وية البهايم

سلمان شو تعالي خلي اشوفنجن البهايم شتساوي

نرجس ماعرف منين كامت تجيني الدفرات وبس احس جوري تريد تحاميني وهي هم اخذت حصتها من الدفرات والضرب

والمشكلة رغم كل هذا اكو وحدة اسمعها تهلهل وتصيح حيل طلعو حوبة بتي بيهن

منسية خايبين هو هو موش هيج وياهن ولكم لايفطسن بيديكم وانة اريدن اشوفهن العذاب شواي شواي

نورية خلهن عساهن بابو زايد ماتشوفيهن شلون يلاسنن مثل امهن الك..... بس ليش نعتب تلكيهن رابيات وية الكاوليات

جوري والله ماكو غيرج الكاولية لاعبالكم راح نسكتلكم

عبد هاي على امي تكولين كاولية يا بت الفصلية الي شردت ويامن ماندري وحك القران اكصصج وذر وذبج للجلاب

نرجس معقولة انت اخوية وماجد اخوية شنو هذا الفرق

سلمان وسفة ماجد من ال شنون اخ لو بيدي اتبرة منة ونكسر عصاتة عبنة نزع ثوب هلة وعشيرتة وصار من اهل بغداد

جاسم اصطبر ياخوي حمدان راح يصيح ابوه خلنا نشوف شيقرر عبنة هسة هو جبيرنا

سلمان هاذ ابن عمك ينحسب جبيرنا ياحيف وانة الي شايل مسؤولية ال شنون كلها فوك راسي شني انة خراعة خضرة

منسية شمالك خايب هو كل جبير جبير اكو شكثر منهم غمان واولهم ابن عمك غضبان

جوري انتي شتحجون شتقررون اني وراية كلية راح اصير دكتورة

سلمان هههههههههه هههههههههه والله ضحكت من كل كلبي تريد تصير دكتورة

جوري اي اصير دكتورة غصبن عليكم طلعت الثانية على العراق

منسية اكلج نويرية هاي منهي الي تصير دختورة

نورية يمة هاي بت الفصلية تريد ادش للكلية وتكسر وجوهنا مثل امها عبنهن مالهن رداد يردن يلعبن شاطي باطي

عبد يمة مالج غرض بيهن هذن يغنن بكيفهن هي الي ادش ابيت ال شنون ماتطلع منة لو البيت رجلها لو الكبرها

نرجس كون الكبر الي يلفك

عبد جا اتي ماتوبين الا اكص السانج وهو يلزم نرجس من شعرها حيل

جوري انكسرت ايدك ان شاء الله لك انت شنو من بشر الله منين جابكم علينا

نرجس هم ذول الاهل الي خلصتي عمرج اتدورين عليهم الله ياخذهم كلهم

جوري وهي تهمس النرجس كافي نرجس هسة الحجي مو الصالحنا متشوفيهم شلون ياذونا خلينا نفكر بعقل

غضبان السلام عليكم

الجميع وعليكم السلام

غضبان اكللكم صدك جبتو بنات الفصلية

سلمان اي ابو حمدان جبناهن وهذن جوة رجل حبوبتي منسية

غضبان جا انة ابن عمهن وامهن شردت مني اخذ وحدة منهن انة اولى من الغريب

منسية غضيبان جا انت ماتشوف روحك فروخ فروخك بكدهن

غضبان جا انة ناهي عليهن وسويها دم للرجاب موش انتي ترديهن الفروخ ولدج عبنج مرت جدي وموش حبوبتي

منسية طول عمرك اغم ومايغزر بيك الربة جا موش انة الي ربيتك وكبلها باريت ابوك واخوه عبنهن يتامة

غضبان هاذ الي عندي وحيدة من بنيات عمي اريدنها لو حك العباس ابو فاضل لا اسويها دم للرجاب

جوري هي هي انت يا جدو مادري شكلك شنو تاخذ وحدة منة شنو هي بكيفك ماكو قانون ماكو دولة

غضبان هي هاي تربية الفصلية هيج علمتجن تحجن وي ابن عمجن

جوري والله امي ربت والنعم منها شوفو الفرق بيناتنا شكد انتو ناس همج متخلفين واحنا ناس واعية مثقفة

منسية ولك سليمان اريدنكم تعيدون تربيتهن بنات الفصلية وخذوهن من جدامي عبنهن راح يموتني

سلمان يلا امشن عمة نورية تعالي وياي هذن البنات بمسؤوليتج اذا شفتهن اباب الحجرة انتي المسؤولة بين ما نشوف صرفة بيهن

نورية اخليهن يحلمن يشوفن ضوة الشمس اخ منجن بنات الفصلية الا اربيجن من جدة وجديد

نرجس اخذونة بغرفة زغيرة بيها بس كلوب اصفر ومروحة كوة تفتر والدنيا حارة موت

الكاع صبة خالين بيها جودلية وحدة عليها مخدة كاتلهن الوصخ

نورية هاذ مصيرجن احبسجن بحجرة جبارة المسودن عساجن مثلة تصيرن اذا ماسودنتجن ماتسمة نورية

جوري شوفي يا مرت ابوية وداعت ابوية الي ماذكرة وداعت امي وكل دمعة من عينها اذا ماندمتج على سوايتج ويانة ماتسمة جوري

سدت الباب علينا وراحت وهي تفر بايديها ركضت اشوف اذا اكدر افتح الباب لو لا

لكيت الباب مقفول من برة يعني منكدر نطلع

نرجس وهي تبجي هسة شلون بينا راح نضل هيج هي هاي تاليها ننحبس بغرفة والله العالم شنو مصيرنا وامي شلون بيها اريد امي

جوري كافي حبيبتي خلي نكدر نفكر زين لازم نلكي حل وامي اكيد متكدر توصل اهنا لان راح يكتلوها

كعدنا بالكاع من التعب والطريق واكل ماماكلين من الريوك مال الصبح ابيت اخوية ماجد

نرجس جوري اني جوعانة

جوري واني هم جوعانة خلي ننتظر ونفكر زين

نرجس نعست اريد انام خليت راسي بحظن جوري ونمت بالكاع

جوري نامت نرجس بحظني واني هم من التعب كمت اغفي خليت راسي على الحايط ونمت

فزيت على صوت الباب وهي تندك حيل وتنرفس وواحد يصيح اريد انام فتحو حجرتي بس بصياح وعياط

شوي واسمع صوت مرة تسكت بي مثل الجاهل وتقشمرة

نرجس اكلج هذا بس لا المخبل الي يكولون هاي غرفتة هسة يكتلنا ويجيت علينا

جوري لتخافين هاي اكو وحدة جاي اتسكت بي

جبارة ماعلية انة اريدن انامن بحجرتي معلية راح افلش الحوش على روسكم

سكينة لا يمة حبيبي انت وليدي لاتسوي هيج لاتخلهم يطكوك ويكولون عليك مسودن

جبارة انة مسودن واريدن اسودنهم كلهم

سكينة يمة تعال وياي انة انيمك اخافن يسمعك سلمان ويطكك

جبارة خلة يطكني اريدن افشخنة بحجارة هاكبرها اريدن حجرتي معلية

سكينة شلون بية ولك يمة شلعت كلبي هي هاي قسمتي ولد ومسودن

جبارة لاتكولين مسودن انتي المسودنة ومنسية مسودنة وكلكم مسودنين خوش لا اطكج هسة بحديدة

سكينة ليش يمة جا فوك ضيمي وكهري هيج تساوي

نرجس هسة شلون بينا جوري خاف هذا المخبل يكتلنا

جوري لا امبين هاي امة وشوي هدئتة اكلج نرجس يمكن هذا المخبل راح يفيدنا

نرجس شلون يفيدنا وهو مخبل

جوري مادري خليني افكر وبعدين اعرف

بعدها ماسمعنة صوت المخبل ولا امة ولا اي صوت بس شنو الجوع موتنة ومحتاجين نروح للحمام

نرجس جوعانة وكتلني الحر واريد اروح للحمام

جوري شبيدي عليج ياعمري

نرجس ركضت للباب وكامت ادك بي حيل وهي تعيط وتصيح افتحو الباب يامجرمين الله ينتقم منكم الله ياخذكم وهي ترفس وتظرب الباب بكل قوة

منسية خايبين شوفو البنات خافن كرصهن عكرب لو طلعلهن حنش شمالهن يتصارخن

جوري حظنت نرجس اريد بس اسكتها لان حسيت بيها كلش انهارت اش حبيبتي كافي صدكي الكي حل واطلعج منا بس اهدئي شوية

نرجس ما اهدأ على شنو اهدأ متشوفين حالنا بعد هاي هية حبسونة لحد منموت احنا هنا والله اليعلم شراح يسوون بينا

جوري كتلج وعد اطلعج منا بس اسكتي

جان تنفتح الباب

عبد شمالجن عليش تصارخن مامش مستحة مامش خجل شهرتنا جدام الوادم

نرجس مافهم منك شي بس اكيد اني عندي مستحة انتو متستحون اريد ادخل للتواليت وجوعانة

عبد طلعة الى اي بجان مامش لا تواليت ولا غير مجان

حبوبتي ماترضى تطلعين من الحجرة موش تروحين للتواليت

جوري لعد والمحصور شلون وين يسويها على روحة

عبد جا اتي تريدين ترحين البيت الراحة كولي هيج جا التواليت شنهي

نرجس سمعتة يحجي وية جوري عفتهم وطلعت اركض ادور على التواليت وعبد ركض وراي وهو يصيح موش منا ولج موش منا تعاي وراي

رحت وراه وصلني اشرلي طبيت بسرعة وسديت الباب

جوري ركضت ورة نرجس شفتها وين راحت وعبد واكف ويانة اليشوفة يكول مجرمين ونريد ننهزم

طلعت نرجس واني طبيت وراها من طلعت كتلة عبد عفية جوعانين شنو متعرفون بالكرم ولا باكرام الضيف

عبد جا شلون مانكرم الضيف جا ماجابولكم اكل

نرجس وين جابونة اكل اذا انتم حابسينا من وصلنة الى هسة ولا عبالك كدامكم بشر يعطش ويجوع ويقضي حاجة

عبد اصطبريلي شوي رجعي الحجرتج وانة اجيب اكل بس خلني اردنجن الحجرتجن

نورية دهر صابجن بنات الفصلية ملعبات جنهن امهم من فرت عكل محيسن وخلتة خركة بايديها انوب لعبتن على وليدي

عبد يمة جا شنهي زغير جدامج ويفرن عكلي البنات جوعانات اريدلهن اكل وبس لا فرن عقلي ولا شي بس لاتنسين هذن خواتي بنات محيسن

صخام بوجهي عبن ابن بطني هيج يرطن وياي الخاطر بنات الفصلية

عبد استغفر الله يمة شمالج شجاج شسويت انة

جوري كل هذا علمود اخونا يريد يجيبلنا اكل

نورية تاكلن سم وزقنبوت شوفن بنات الفصلية وليداتي خط احمر ماتوصلن يمهم ولا الجن حجاية وياهم خوش واذا على الزقنبوت انة اجيبلجن وطلعة من حجرتجن مامش

نرجس وانتي شنو وهيج تحجين ويانة ومنو سمحلج

نورية انة الموت الي اخليجن تتمننة يلا جدامي الحجرتجن يلا بساع لا اجي اسحلجن مثل الصخول

جوري جريت نرجس واخذتها للغرفة الي احنا بيها ماريد اخليهم ياخذون حذرهم من عدنا بين ما اشوفلي حل ونكدر نطلع منا

طبينا للغرفة وسدو الباب ورانة شوية وكامت نرجس تعيط بخوفة وهي تشوف واحد بالغرفة

حبايب كلبي ليش هيج التصويتات قليلة ماعرف شراح تخسرون اذا صوتو

كلمن متصوت كون الله ينطيها عمة مثل منسية 😁😁😁😁😁

https://www.youtube.com/watch?v=RGwwuGfXK5A