انثى في عرين الوحوش الفصل الخامس عشر 15 - بقلم الاميرة ارجوان

الكاتبة الاسدية

جوري جريت نرجس واخذتها للغرفة الي احنا بيها ماريد اخليهم ياخذون حذرهم من عدنا بين ما اشوفلي حل ونكدر نطلع منا

طبينا للغرفة وسدو الباب ورانة شوية وكامت نرجس تعيط بخوفة وهي تشوف واحد بالغرفة

جوري شكو شبيج يمعودة

نرجس حرامي

جوري وين الحرامي

نرجس ولج هذا نايم شوفي

جوري وهي تصرخ حرامي ياناس حرامي

نرجس من شفت جوري هيج تصرخ وخايفة كلت خلي اصير سباعية واجيت على الحرامي واعيط وياها حتى لينهزم مافكرت هو شلون يكدر ينهزم والباب مقفولة علينا

جبارة وهو هم يعيط يمة مسودنات جيتن علية ولج منسية المسودنة بس تجيبين مسودنات مثلج اهنا

جوري انت منو وشسوي اهنا

عبد طب يركض وين الحرامي وينة خل اذبحنة

جبارة هوي هوي انت حرامي وامك حرامي يامسودن ابن المسودنة

عبد طاح حظك وحظهن طلعت انت يالمسودن

جبارة انت مسودن كلكم مسودنين وهذن هم مسودنات اريدن انام

عبد كوم منا روح نام بحجرة امك كوم

جبارة اطوني طابوكة خل افشخنة هاذ المسودن

عبد هاي فوكاها انة مسودن وانت شنو طباكات

جوري هسة شنو اني اخاف ماريد ابقة هنا

نرجس واني هم احاف

جبارة جا من اتي تخافين ليش جيتي علية مثل المسودنين حتى الحرامي يشرد منج

عبد كوم جبارة لا اروح على سلمان يجي يطكك بالحزام

جبارة لاتخافن من سلمان هاذ مسودن

سلمان هاذ ياهو المسودن ولك

جبارة على عبد اكول هاذ مسودن

عبد لا سلمان كال عليك مسودن

نرجس لا كال عليك مو على سلمان

جوري اي هو يكول سلمان حباب مو صحيح جبارة

جبارة اي صحيح عبن عبد مسودن وكلشي مايعرف

سلمان يلا جبارة اطلع روح الحجرة امك نام وياها

جبارة اريدن انام بحجرتي معلية

سلمان جبارة تشوف الحزام

جبارة انة ماشي بس اريدن حجرتي

سلمان شحجيت انة يلا دقيقة ماريد اشوفك يلا راح تخلص

جوري ماشوف الا جبارة ركض طلع من الغرفة
كتله عبد وين الاكل متنة جوع

عبد جنت اريد اجيب الاكل وسمعت صراخجن وجيت ركض

سلمان روح جيب الاكل وتعال اقفل الباب وراي خوش

عبد خوش روح انت وانة شواي وراجع

طلع سلمان وطلع وراه عبد وسد الباب شوية وسمعت سلمان يصيح يا منعول الوالدين ياجبارة اكيد انت طكيتني بحجارة وهو يعيط ويسب ويغلط ويصيح وين جبارة اليوم اذبحة

اتاخر علينة عبد وشوي وهدأ صياح سلمان وجان يطب علينة عبد جايب تمن ولبن كال هاكم اكلو

نرجس شكو شنو هذا العياط شبي سلمان

عبد ماعرف ياهو طك سلمان وفشخ راسة وخلة الدماية نجري منة حسبالة جبارة طلع جبارة نايم بحجرة امة وامة تحلف تكول هو اول ما طب الحجرتي نام

جوري حيل عساه بالموت

عبد نجبي بت الفصلية ترحين سبع فدوات اله

كعدنا اكلنا لان جنة ميتين من الجوع بس جان اللبن كلش طيب

كملنا اكل ورجعنا نمنة نرجس بحظني واني خليت راسي على الحايط وغفيت

فزيت الصبح على الهوسة لكيت نفسي نايمة بالكاع ونرجس يمي

شوي الصبح اكو ضوة احسن من الليل كمت اتفقد الغرفة

شفت بيها شباك مابي جام مخلين هيج تنكات مال دهن كاصيهن ومثبتيهن بدل الجام واكو زروف بيها كمت اباوع من الزروف ماكو شي مميز رجعت على الباب اريد اشوف اكدر افتحة لو مقفول لكيتة مقفول حاولت افتح ابد ماكو

رجعت للشباك واني استكشف المكان اشوف جهال هواي يلعبون ولا واحد يمهم جبير

شوي وسمعت صوت بيبي منسية وهي تصيح على الجهال وتسكتهم

انتبهت من صاحت عليهم كلها اطشرت ولا واحد ضل بمكانة وصار هدوء

هذا يعني ان الكل انخاف منها وتحسبلها حساب

نرجس صباح الخير

جوري صباح النور

نرجس ها جوري هسة شنسوي

جوري والله بعدني مادري اذا الباب مقفولة علينا وبس هذا الشباك وحتى سادي بتنكات وبس زروف قليلة نباوع بيها

نرجس يعني شنو راح نضل طول عمرنا مسجونين بهاي الغرفة بعد منشوف امي ومنرجع البيتنا

جوري لا اكيد منبقة هنا ولازم نلكي حل بس اصبري شوية
جان تنفتح الباب وطب علينة بنية يمكن بكد امي او ازغر

فريدة انتن بنات الفصلية

جوري احنا بنات هيلة ومحسن

فريدة لا انتن بنات الفصلية انه بس بت محيسن خاف امي ماكدرت اتموتجن وانتن ابطن الفصلية انة اموتجن على ايدي

جوري يعني انتي اختنا

فريدة انة موش اختجن انة الموت الاسود عبن اختي كريمة ماتت بسبة امجن وانة عنست محد خذاني جي اختي كتلوها وكالو عليها موش بت

نرجس جوري عفية اني خايفة

جوري ابد لتبينين الها انتي خايفة منها حتى لتستغل خوفج

فريدة شكاعد تحجين وياها ها

جوري انتي معليج اني واختي واحنا منخاف منج زين

لتنسين احنا اثنين وانتي وحدة اذا نريد نسحلج اهنا

فريد جا خوش خل اراويجن السحل شلون يصير

جوري كلت بيني وبين نفسي ماريد يحسون بينا ضعيفات وخايفات من عدهن شتريد تسوي هي وحدة واحنا اثنين اذا رادت تضربنا احنا بمركز قوة اكبر

صدك شفناها جنها ثور هايج هجمت علينة هي لزمتني من شعري جان نرجس تصعد على ضهرها وتملخ شعرها من وره

بعد عركة نسوان كلها من الشعر وتخرمش بس هي جانت مثل الجلب من حست روحها انكتلت كامت اتعض ههههههه

كون اكو موبايلات ومصورين العركة جان صارت من المعارك الشهيرة بالتاريخ 😂😂😂😂

اخر شي نرجس لزمتها من شعرها واني لزمتها من زندها وعضيتها لعد بس هي تعض

ضلت تغلط وتعيط وتسب امي نرجس من النوع الي تهتم بروحها وعدها اظافر طويلة استخدمتهن بالوقت المناسب سوت وجها خرايط

جبارة هي هي فريدة المسودنة طكوها هي هي 💃💃💃فريدة لمسودنة ملشنها تملش

جوري من شمعت جبارة هيج فرحان ويركص زاد الحماس عدنا وشعور الانتصار يخبل بس يافرحة مادامت

منشوف غير منسية ونورية فوك روسنا منسية لزمتنا بالعوجية مالتها تظربنا ونورية بس ترفس تكول حصان ويزاكط

احلى شي بالموضوع هو جبارة يهد على نورية وفريدة يصيح حبوبة المسودنة وهي تغلط وتسب بي وبامة

مافضت العركة الا من فات سلمان وهو يصيح علينا كلها سكتت بمكانها بس بيبي منسية لا

منسية ولك هاي عليمن اتصارخ يالخايس حسبالك كبرت وتصارخ علية

سلمان حبوبة موش عليج بس شهرتنا جدام الوادم صراخجن واصل الذاك الصوب شتكول علينة الوادم

منسية جب جب ماسمع منك حجاية

سلمان حكج علية حبوبة وهاذ راسج احبة وهاي ايدج احبنها بس اريدن اعرف شمالجن كابات للستار

فريدة شوف ابن عمي شوف شلون طكني وعظني وانة كلشي ماسويتلهن عبني جيت اشوفنهن يردن اكل يو لا

نرجس الله ياخذج ياجذابة هو منو الي جاي يهد ويكتل بينا واحنا اهنا محبوسات

نورية كون الله ياخذج الج انتي وامج واختج مالكيتي غير هاي الفقير. تجذبن عليها هاي المظلومة المسيجينة فوك ظيمها وظليمتها

جوري هاي منو الملاك الي تحجين عليها واحنا مندري

نورية ملج الي ركبجن وطير عكلجن جا شمالجن شديتن وياها

جبارة انة شفت فريفرة المسودنة طكتهن

نورية نجب انت المسودن حاط كورك وكور بنيتي

سلمان كافي ماريدن حجي زايد يلا عمة اخذي بتج وخلني اسولف وي بنات عمي وانت يالمسودن عبالك نسيت سوايتك من طكيتي البارحة وتسوي روحك نايم

جبارة انت مسودن وحبوبتي مسودنة وغضبان مسودن ابن مسودن

سلمان هاي احنا المسودنين جا انت شني امش جدامي روح الامك بساع خلها تساوي اكل للبنات

جوري اكلج نرجس هذا شعندة يحجي ويانة الله يستر

سلمان شوفن عدي اذانات تسمع دبة الدودة يعني لاتتبسبسن بيناتجن

انة جيت احجي وياجن عبن ماريد الصار كبل شوي انتن واختجن ينعاد من جديد

نرجس احنا كاعدين وهي اجتي تهد علينا شنو نسكتلها

سلمان انتي ام السان طويل اشوفن السانج راح يعم عليج اسكتي وسمعيني

كلت ماريد عركات ومشاكل وخلن ابالجن انتن طبيتن بيت ال شنون ماتطلعن منه لو جنايز لو عرايس مامش ثالث الهن

وانة ماعرف شلون عمي محيسن تكشمر وسوالجن جناسي وهاذ الشي خلاجن تورثن بحلالنا

وهاذ الشي لو تموتن مايصير خاف الجن نية تتمعشكن وتتزوجن واحد غريب ويجي يداعي بورثجن وحك الله وسماه ادفنجن انتن وعايشات خوش

احترمن قوانينة وتمشن عدل على عينة وعلى راسنا
لا والله تفرعنتن ومشيتن بطريج الاعوج اخليجن تمشن على الصراط المستقيم بطريجتي

جوري احنا منريدكم نريد نرجع يم امي

سلمان جا هي امج شحسبالج اخوتها يخلوها عايشة وهي شردت وكسرت وجوهم

نرجس امي شردت من ظيمكم وظلمكم وهمجيتكم الله ياخذكم منين طلعتولنا جنا مرتاحين بدونكم

سلمان وهو يضغط على ركبتها يخنكها انة شكلت موش كتلج السانج ضبي لا ادفنج

جوري عفية سلمان عوفها بعد متحجي اخر مرة عفية

سلمان شفتي ينرجس اختج اريدنج مثلها هيج خلي عكلج براسج تعرفين خلاصج

جوري هاي هية اني راح افهمها

عافنة سلمان وراح واني كلت هاي احنا وين ذبنة زمانة شنو هذول من وحوش كل هذا علمود ورث

لج نرجس كل هذا علمود الورث هيج سوو بينة

نرجس اني ماريد ورث كلشي ماريد منهم بس خلي يعوفوني اريد ارجع الامي والدراستي والبيتتا

جوري واني هم ماريد شي منهم بس متاكده ماراح يعوفونة فدوة نرجس السانج ظمي خلي نعرف شراح نسوي وياهم

احنا لازم نماشيهم ونطيعهم حتى ليضلون ياذونة بين منشوف طريقة نطلع بيها منا

نرجس زين انتي اخذتي رقم ماجد لو لا

جوري لا ما اخذتة كلت من نرجع من بيبيتي امر عليهم واخذ رقمهم ماجنت هيج مفكرة

سكينة ها يبنيات الله يساعدجن شلونجن امجن شلونها فدوة لله طالعات حليوات على امجن

جوري شكرا خالة انتي منو

سكينة انة مرت عمجن سكينة ام جبارة المسودن جنت احبن امجن هواي عبنها مضلومة مثل حالي

نرجس اي والله خالة امي كلش انظلمت واحنا هسة راح ننظلم مثلها

سكينة كل وحده ادش ابيت ال شنون اعتبريها انظلمت وبالاخص امج وانة عبنة فصلية

جوري خالة هذا جبارة خطية ليش هيج تكولين علية مخبل

سكينة خالة هاذ المسيجين ماجان مسودن بس ياهو الي يكوم ويكعد يعيرونة ابن الفصلية ويطكونة وصار هيج

نرجس خالة انتي امبينة حبابة ساعدينة نروح الامي

سكينة انتي مالج غرض بفريدة عبنها عنست ومامش وحيد من اولاد عمها ولا غريب دك بابها يريد يتزوجها

جوري ليش

سكينة عبنها اخت كريمة اختجن الجبيرة هاي بيوم عرسها ابن عمها ذبحها كال عنها موش بت بيوت استغفر الله

نرجس زين احنا شعلينة هيج تكرهنا شسوينالها غير احنا خواتها

سكينة عبن امها تحش براسها تكللها اختج ذبحوها جي هيلة شردت من عرس غضبان هيج انتكمو منها

جوري خالة فدوة خلصينة منا انتي حبابة

سكينة مو وكتها هسة اكلو شواي وخلنها على الله

نورية ولج سكينة شتساوين هين راح اكولن الامي منسية سكينة جاعدة تطك فجوج وي بنات الفصلية

سكينة لا انة ماطك فجوج وياهم جبتلهن الكيمة ياكلن

نورية كومي منا بساعج هذن انة دواهن اوجلهن سم اكومهن بكتلة واكعدهن بكتلة

سكينة عوفيهن خطية ماساون شي عمتي منسية كالت اخذيلهن اكل وكفلي الباب عليهن

طلعو من عدنا وقفلو الباب كعدنا نريد ناكل حتى نفس ما النا
شوي وطب علينا جبارة شايل دولكة مي

جبارة هاجن هاذ ماي عبنجن حبابات وماتكولن علية مسودن

جوري كلت خلي استغل جبارة كتلة لا هم مسودنين وانت عاقل وحباب وعفية لان كلش عطشانين

جبارة اي انة حباب جبتلجن ماي وكل يوم اجيبن ماي خوش

جوري جبارة شلون فتحت الباب

جبارة انة اعرف افتحها عبنهم يكفلوها علي من جنت زغير وتعلمت افتحنها

جوري اي عفية جبارة انت كلش حباب وراح تساعدما نطلع منا مثلك حتى ليكتلونا

جبارة خوش جا طلعن هسة انة فتحت الباب

جوري لا مو هسة من يصير الليل حتى محد يشوفنا زين

جبارة زين جا خل اروحن لا يجي سلمان المسودن

جوري اخيرا صار عدنا امل نطلع منا ونخلص منهم

مساء المحبة مساء السعادة عليكم حبايب كلبي

لتنسون التصويت على القصة بداعة منسية

اريد توقعاتكم راح يكدر يطلعهم جبارة وينهزمون وشنو مصير البنات

تحياتي الكم اختكم الاسدية

اليوم الاغنية ترجعنة الى ايام الطفولة
منو بينة ميريد يرجع الها ويحن الها

https://www.youtube.com/watch?v=LuYpHFs-iyA