انثى في عرين الوحوش الفصل السادس عشر 16 - بقلم الاميرة ارجوان

الكاتبة الاسدية

تـعال ارجـع اليـه غيـابك عذب احـوالي
اذا بعـدك عليـه طول شـ راح يصيـر انا بحـالي

بالحلم مرات اشوفك شويه ترجع بيه روحي
من ردت بايدي المسك ثاري المس بس جروحي

حنيني الـ بيه مجنون يوديني على بابك
يسـأل وين الاحباب مايتحمل غيابك

عيوني راحت من بجيها روحي مدري شصار بيها
تحلم تشوفك ثواني كولي يمتى تحن عليها

جوري اي عفية جبارة انت كلش حباب وراح تساعدنا نطلع منا مثلك حتى ليكتلونا

جبارة خوش جا طلعن هسة انة فتحت الباب

جوري لا مو هسة من يصير الليل حتى محد يشوفنا زين

جبارة زين جا خل اروحن لا يجي سلمان المسودن

جوري اخيرا صار عدنا امل نطلع منا ونخلص منهم

اتفقت وية نرجس نسوي كل الي يريدوه حتى يطمنون النا وتقل الرقابة علينة

ضلينا اسبوع احنا محبوسات بالغرفة بعد الاسبوع فاتت علينة مرت ابوية وهي تصيح وتغلط

نورية كومن بنات الك.... بنات الفصلية السا..... شني حاسباتنة خدامات بيت ابوجن بس اكل ونوم كومن بساع وياي

جوري استكشف الدنيا بعدها ليل كتلها شكو وين نروح بهذا الليل

نورية كومن طلعن حوشن الزرع ورعن الحلال وحلبن وشجرن التنور وخبزن

نرجس مو احنا خدامات الخلفوج

نورية جا انة خدامة الخلفتج ويجيج كلشي على الحاضر كومن لا اسحلنجن

جوري وهي تهمس النرجس اسكتي ميخالف كلشي نسوي بس المهم نطلع من هذا السجن ونشوف طريقة ننهزم بيها

نورية ولجن شتبسبسن بينجن كومن يلا طلع النهار وانتن جاعدات

جوري اي اي كمنا جايين وياج

كمنا نريد نروح وياها وهي جان تعيط بينا

نورية ياااع هيج تطلعن جدام الوادم بهاي شعفتجن وهاذ التاسكود الحصر جا غير سلمان يسويجن وصل وصل

نرجس منعرف استاذ سلمان يشتغل كصاب لو شنو

نورية وج فريده تعالي البنات الفصلية شوفيهن الويل عبنهن يحجن على بني عمج سلمان

فريدة جا من رحتن فدوة ونذر لبو طول الهيبة انتن الخايسات بنات الفصلية تحجن على سلمان

نرجس من كون هيج اتحبي ما اتزوجج ليش عايفج محمضة على كلوبنا

فريدة وهي تبجي يممممممة شوفيهن يعيرني جي انة عانس ولج يمة شلون

نورية شمالج يالغمة بس تصارخين حطيهن وعجنيهن عجن جا بس علية كدرتج

جوري اسمعي فريفرة ماعرف شسمج بس اتمدين ايدج علينة انكطعج اني واختي لو نسيتي

نورية اذا انتن صكد نسوان مدن ايديجن على بنيتي الا انسيجن امجن

امشي جدامي جيبيلهن شيلة خل يلبسن وجيبيلهن دشاديش من سكينة لايخزنة ويشهرنة بهاذ لبسهن

جوري جابتلنا فريدة كل وحده دشداشة حتى نلبس بس شنو لو اني ونرجس نلبس وحدة اثنينا بيها هم جبيرة ونوب طويلة

وخلتنا نلبس ماعرف يسموها شيلة على روسنا طلع شكلنا يخرب ضحك

نمشي ونجبح على وجهنا

جبارة هو وهي مسودنات هو هي

جوري ليش جبارة تكول علينا مسودنات

جبارة عبنجن تشبهن منسية المسودنة

نرجس اني زعلت منك بعد ماحبك

جبارة هو انة مامش وحيد يحبني انتي صكد تحبيني

نرجس اي احبك اني وجوري انت ابن عمنا مثل اخونة

نورية شوفن بلا لغوة تعالن تعلمن تحلبن الهوايش

كعدت اتعلمنا شلون نحلب واني ونرجس كلما نتقرب على البقرة نضل نعيط ونخاف وننهزم

وهي تضل تسب بينا وتغلط

كملت هي وخالة سكينة الحلب وياهن بنات شابات ماعرفتهن منو هذني

اخذونا الكاع كلش جبيرة بيها زرع هواي كالو كل وحدة تحوش شغلة

سكينة تعالن خالة خلنا نحوش البرسيم هاذ سهل عليجن

نرجس اي خالة نجي وياج رحنا وياها بيدها ماعرف شنو لا هو سجينة لا هو حديدة وانطتنا مثلة كالت هذا اسمة منجل وكعدت اتعلمنة شلون نحش الزرع

كاعدين نحش ونضحك اني ونرجس وخالة سكينة تعلمنا وتضحك علينة منشوف غير وحدة اجتي تركض على نرجس دفعتها بالكاع وهي تسب بيها

جميلة شوفي بت الفصلية لاعدالج اسكت ليج اذا خذيتي زلمتي مني خوش

نرجس هاي شبيج منو يمج

جوري دفعت البنية الي هجمت على نرجس وكتلها شنو تاخذ زلمتج انتي منو زلمتج منو ومنو تاخذة منج

نورية اي خالة جميلة هذن مثل امهن ياخذن الزلمة من حرمتة وفروخة

جوري على اساس اموتات روحنا على زلمكم هو منو معترف بيهم

جميلة جا ماشفتي اختج شلون حاطة ثوبها بلباسها ومطلعة رجليها جدام زلمتي سلمان

نرجس شسوي الدشداشة جبيرة وتسحل بالكاع وكل شوية اعثر بيها واوكع شلتها هيج

جوري روحي حبابة روحي 9لي زلمتج لا يصفن على بنات عمة وهن يشتغلن كون هو عينة مليانة ميباوع على وحده

سكينة تعالن خالة خل نكمل شغلنة عبن ورانة خبز

جوري خالة هاي شبيها

سكينة خالة هاي مرت سلمان الزغبرة هي موش غريبة بت خالة وهو كبلها ماخذ بت عمة بس هي عشكتة وخذتة على مرتة الاولية بت ابن غضبان ابن عمج

نرجس يعني سلمان متزوج اثنين

نرجس عدنة بالسلف الزلمة يتزوج اثنين وثلاث واربع ذاك من ذاك الي يتزوج وحيدة

جوري زين وفريدة عبالك انحب سلمان

سكينة فريدة تعشك سلمان تعشك الكاع الي يمشي عليها بس اهو مايطيكها من سواية اختها

جوري وهذني البنات منو

سكينة هذيج حرمت سلمان الاولية وهذيج حرمت اخوج عبد وهذيج حرمتة الثانية وذيج حرمة صكر اخو سلمان

نرجس خالة دخنا كومة نسوان ولا تذكرهن هههههه

سكينة شوفن جدجن ماخذ نسوان اثنين حبوبتجن منسية

ووحيدة كبلها جابتلة ولد واحد اسمة فضالة الي هو ابو فرج وابو غضبان

وبقية خلفتها بس بنات جدجن تزوج حبوبتجن منسية عبنة يريد ولد حبوبتجن جابت ابوجن محيسن وجابت طويلب ابو سلمان وجابت فاضل زلمتي ابو جبارة وجابت حسين

جوري زين خالة وينهم عمامي ماشفت واحد بيهم

سكينة ابوج وعمامج كلهم ماتو مجاتيل

جوري شلون يعني مجاتيل

سكينة يعني عمج حسين جان بعدة ماماخذ حرمة طلع يجيب حلال من العمارة صديجة الي هو ابن عمي عرف بي شايل فلوس ترصد لية وجتلة

من عرفو عمامج ابنهم مجتول عرفو جتالة ابن عمي وابن عمي ماعدة خوات كلهن ماخذات انطوني فصلية العمج فاضل

نرجس خالة يعني انتي هم فصلية

سكينة اي خالة وبعدين زلمتي راد يعرس عبن هو ماخذ فصلية لازم يتزوج غيرها تخلف اله كبل عرسة بيومين لكو مجتول بكاعنا وراح دمة ماعرفو ياهو جتالة

جوري وعمي طالب خالي كتلة واخذو امي فصلية ونوب ابوية هم كتلو

سكينة اي وابوج محد عرف جتالة مثل زلمتي

نرجس ابوية نعرف كتالة

جوري من سمعت هيج خليت ايدي على حلك نرجس وسكتتها مابينا حيل مشاكل ويجيبون سمعة امي ويتهموها باطل

سكينة وين تعرفن جتال ابوجن وانتن جنتن زغيرات من مات

جوري لا قصدها نعرف بي مات مكتول الله يلعن الي قتلة

سكينة تدرن هواي حجينة اليوم عمتي منسية تجسؤ العصة علينة عبنهن كلشي يوصلن ليهة

جوري خالة من انتي رجلج مات ليش مارجعتي الاهلج مو احسن من عيشتج هنا

سكينة خالة انة اول وتالي اضل فصلية وحتى لو رجعت الهلي محد ياخذني واصيرن منبوذة من عشيرتي وكرابتي عبنهم انكسرت وجوهم من خذوني منهم فصلية

وانة كلت ميخالف ماريدن بعد رجال خلني اضلن على وليدي جبار لاجن عمتي منسية والولد كلهم كالو اذا رديتي الهلج تنسين ابنج وانة ام جا اضلن لا زواج ولا وليدي يمي غير اطكن واموت

فضليت تحت رحمة ال شنون الخاطر الولد وفوك كل هذا سودنوه المايخافون الله

جوري رجعنا للبيت وكعدت خالة ام جبارة تعلمنا على الخبز بس شفت سلمان عيونة ابد مانزلت من عندي

هم مصدك روحة اني اباوع علية لو اهتم بي

وكل شوي جميلة تتعارك وياه ويلزمها يشبعها كتل ماشايفة هيج مره تغار على زوجها

زين هي ليش متغار من فريدة وهي تحبة وتموت علية

غضبان السلام عليكم هلا ببنيات عمي شلونهن الحلوات اي هيج تعلمن على طبايعنا وعوايدنا عبن انة احب البت المعدلة التعرف كلشي

سكينة هلا بحجي غضبان شلونك اهلك شلونهم ولدك فروخهم عساهم بخير

غضبان جاشمالج انتي غمة ومسودنة جنج جبارة شني حجي هاز كاروكج

سلمان هلا بابو حمدان شصاير عليش وي ام جبارة شمالك

غضبان جيت اسلم على بنيات عمي وهاي المسودنة تكلي حجي تتكصد تساويني شايب جدامهن

سلمان جاشفايتلك تصير حجي وتمحي ايامك السود من سكر وعربدة وركضك ورة الكاولية ليل نهار

واذا على انت شايب شوف راسك تارسة الشيب

جوري حسيت سلمان تنرفز من غضبان ويريد ياكلة بسنونة لان شايفة هيج يباوع علينا نظرات قذرة مثلة

نرجس اكول جدو انت جدي لو ابن عمي

غضبان لاااه شنهي تضحكون علي واتي ام السان اذا ماكصيت السانج وعلمتج شلون تحترمين زلمتج

سلمان ابو حمدان مو وكت حجيك هاذ البنات تونة جبناهن وبعدهن مايعرفن كلشي من عوايدنا وحبوبتي الها راي ثاني الهن

غضبان حبوبتك منسية اكيد تريدهن الويلاد اولادها واحنا اولاد اولاد ضرتها ماتريدلنا الخير

جبارة ها غضيبان المسودن ابو العرك

غضبان اليوم اكضك امرعدك تمرعد مسودن ابن المسودنة

سلمان جا اتة جاي الحوشنا وهاد علينة عليش

غضبان شوف سلمان انة ناهي على بت عمي نرجس واريدن اشوف زلمة يوكف يوجهي

سلمان عمة نورية اخذي البنات الحجرتهن بساع

نورية صار عمة واكفل عليهن الباب

سلمان اي كفلي

جوري شنو تقفل الباب واحنا هنا مو خدامات عدكم ولا مشترينة وتتحكمون بينا

فريدة والله حظ الكح...... بنات الفصلية كاعد حظهن ويتعاركون الزلم عليهن وانة عنست محد دك بابي

نورية ولج فريده خزيتينا وشهرتينا جا اتي ذابحة روحج على العرس شمالج

جوري اخذتنا نورية وطببتنا للحجرة وسدت الباب علينة وراحت وبس نسمع صياح منسية على غضبان من كون غضب الله علية وغضبان

غضبان انة اليوم اروحن على جبير عشيرتنا واكلة انة ناهي على بت عمي موش تريدين هذن الحلوات المعدلات الاولاد ولدج

نرجس عززة لج جوري خاف هذا يسويها صدك والله اموت نفسي ولا اخذ هذا الشايب ولا اي واحد منا

جوري اش كافي حبيبتي مستحيل اخليهم يسوون الي براسهم لازم ننهزم منا اليوم كبل باجر

نرجس بس كليلي شلون ننهزم منا واحنا قافلين علينة الباب مثل المساجين

جوري اصبري خل اشوف رحت يم الشباك شفت جبارة يتعارك وية الجهال وياخذ الخبز منهم صحت علية جبارة جبارة

جبارة يمة جني يصيح جبارة يمة خلي اشرد هاذ جني مسودن

جوري شفتة يريد ينهزم صحت علية جبارة اني جوري تعال حباب

جبارة اي انة جبارة الحباب وانتي جوري هم حبابة

جوري اي انت حباب واني حبابة ونرجس حبابة بس عفية افتحلي الباب

جبارة اي جيت افتحها ليجن

جوري شوي وجبارة فتح الباب النا وكدرنا نطلع شافتنا بيبي منسية وهي صاحت على نورية

منسية ولج نويرية جا هذن البنات ليش ما غفلتي الباب عليهن ترديهن يشردن

نورية لا يمة وبو فاضل كفلتها بيدي بس هذن كحا..... ماينكدر عليهن كلشي يكدرن يسوون

منسية جا خوش من يكدرن يفتحن الباب هسة يشردن وين نلكاهن

من اليوم يباتن بحجرتي وياي وعيني عليهن

جوري من سمعت هيجي واني متت شلون راح انام بغرفة منسية معناها ماراح نكدر ننهزم واني واعدت نرجس اهزمها منا

يوم ثاني وسمعنا هوسة رياجيل جنة ستونة راجعين من الزرع من جوي الرياجيل سلمان صاح على خالة سكينة تقفل علينة الغرفة

من يوم الي طلعنا من غرفة جبارة صرنا انام وية منسية تضل حارس علينة ولا تنام ابد

بس تنام من المغرب وتكعد نص الليل وتجرها سهر للفجر وراها من يكعدون كلهم هي تنام

الي فهمتة من الهوسة مال الرياجيل غضبان جايب كبارية العشيرة حتى ينهي على نرجس وخلص بعد النهوة صارت

نرجس شفتي جوري مو كتلج بعد ما النة طلعة منا ابد شفتي راحت انتهت حياتنا والله اموت روحي وماصير الهذا الشايب

جوري كافي حبيبتي لازم اليوم بالليل ننهزم

نرجس اي عفية جوري

جوري وهي تهمس نرجس نرجس اكعدي اليوم فرصتنا لازم ننهزم منا

نرجس وين ننهزم وشلون وهاي منسية نايمة بعتبة الباب

جوري تعالي وسوي مثلي بس المهم لبسي هاي الشيله وتلثمي بيها

نرجس جوري اني خايفة وين نروح زين وامي وين نعرف طريقها

جوري بس اسكتي وامشي وياي فتحنا الباب على كيف واحنا نمشي على اطراف اصابيعنا

ضلينا نتلفت منا ومنا الى ان طلعنا من بيت ابوية

لكيت جبارة منتظرنا يم الشط بس خطية نايم وهو كاعد بمكانة

جبارة جبترة اكعد

جبارة ما ما اريدن انام

جوري ولك جبارة اكعد اني جوري وهاي نرجس

جبارة اي جوري حبابة وسلمان مسودن

نرجس وهي حيل تضرب جبارة لك اكعد راح يلزمونة

جبارة وهو يفز شمالج اتي مسودنة تطكيني

جوري جبارة حباب طلعنا منا لا يلزمنة سلمان ومنسية بساع

جبارة اي تعالن وياي منا نمشي

جوري ضلينا نمشي وية جبارة وبس الجلاب تنبح علينا حسيت هذا المنظر شايفتة قبل

كل لحظة تمر علينا كان شايفتها بحلم مر بينا

وصلنا الشارع جبارة كال انة اروحن انام وانتن اي سيارة صعدن خلهم يوصلوكم للولاية

عافنا جبارة وراح والدنيا كلش ضلمة وماكو ولا بشر

نرجس جوري هسة راح يلحكونة بس نضل اهنا براشدي جبارة يدليهم علينا

جوري هم صدك خلي نمشي وابد منوكف وين توصلنا رجلينا

ضلينة نمشي وتعبنا هلاك مو مهم المهم عدنا طعم الحرية الي انحس بيها

حسينا اكو ضوة من بعيد يمكن هاي سيارة اي اكيد هذا ضوة سيارة

بين الفرحانين وبين الخايفين فرحانين يمكن اجانة الفرج وخايفين لا منسية حست بينا مهزومات وجوي يدورون ورانة

حبايب كلبي تتوقعون البنات اجاهم الفرج لو اهلهم كشفو هن مهزومات واجوي عليهن

اريد توقعكم واي وحدة توقعها صحيح اسويلها متابعة

لتنسوني بالتصويتات بداعت شيبات غضبان هههههههه
حلفتكم بالغالي

تحياتي الكم اختكم الاسدية