انثى في عرين الوحوش الفصل السابع عشر 17 - بقلم الاميرة ارجوان

الكاتبة الاسدية

ضلينة نمشي وتعبنا هلاك مو مهم المهم عدنا طعم الحرية الي انحس بيها

حسينا اكو ضوة من بعيد يمكن هاي سيارة اي اكيد هذا ضوة سيارة

بين الفرحانين وبين الخايفين فرحانين يمكن اجانة الفرج وخايفين لا منسية حست بينا مهزومات وجوي يدورون ورانة

نرجس جوري خلينا نختل خاف جوي ورانة

جوري ويجوز غيرهم وبعد منحصل سيارة توصلنا

نرجس مادري خايفة

جوري بس توكلي على رب العالمين ونكول يارب يارب

شوي وتقربت السيارة من يمنا الدنيا كلش ضلمة كلشي مينشاف طلعت كدام السيارة مادري شلون وكفت بدون متدوسني

السايق دخيلك ياعلي شني هاي وهو ينزل من السيارة شني حيوان انسان شني هاي

جوري لا لا هاي اني وهاي اختي

السايق جا دعمتجن ومردتجن شمالجن طالعات بهليل وين موليات

جوري عمي صارلنا ساعات نمشي وتيهنا دربنا والله جابك النا

السايق عمي ميلن غاد هاي رضيعتي متخربطة واريدن اخذها للمستشفي

جوري عمي احنا داخلين على الله وعليك تاخذنا بطريقك

السايق عمي جفني شرجن اخافنجن شاردات وتبلني

جوري عمي والله احنا رايحين الاهلنا اجينا البيت جدنا وردنا نرجع وتيهنا الدرب

سمعنا صوت من السيارة اخ خوية دخيلك مصاريني تكطعت

السايق جايج خوية جاي ميلن مني مستعجل

جوري لزمت ايد نرجس وركضنا على السيارة شفنا بنات اثنين بيها وحدة تتوجع والثانية تفرك الها

كتلها فدوة اخذونا وياكم اي مكان بي ناس يوصلونة ومعليكم بعد دخيلكم

البنية الي تتوجع حجت وية السايق كالت صعدهن يجوز الله دزهن حتى يدفع بلوة من عدنا بثواب توصيلتهن

السايق اصعدن اخذجن بدربي

جوري صعدت نرجس يم البنات واني صعدت يم السايق
مشت بينا السيارة والسايق يباوع علينا بشك

البنية كل شوي تبجي وتصيح من وجعها وتكلة دخيلك خوية بسرعة راح اموتن

السايق اي اي خوية تحملي هساع نوصل

ماعرف من خبصتة وية اختة ماسالنا اي شي مشت بينا السيارة تقريبا ساعة اكثر طلع الفجر وصار ضوة قليل

وكف السايق كال شوفو هذا الكراج صعدن مناك وانة ماشي للمستشفى

نزلنا اني ونرجس وتشكرنا منهم ودعينالهم تكوم بالسلامة اختهم

عبرنا الشارع وصلنا للكراج طبينا مابي حركة كلش قليلة وتقريبا بس السواق مال السيارات موجودين

اول ماطبينا كل واحد من السواق ضل يصيح علينا هذا الي يصيح عمارة وهذا الي يصيح سماوة والي يصيح نجف والي يصيح كربلاء والي يصيح بغداد

نرجس هسة وين نروح

جوري نروح البغداد ومناك نروح الكركوك

نرجس ياكركوك انتي مخبلة غير يندلونة ويرجعومة من جديد

جوري لعد وين نروح اذا بيت ماجد ماندلة ولازم نروح الامي اول منوصل الكركوك ناخذها وننهزم بمكان محد يعرفنة بي

صعدنا سيارة تروح البغداد كعدنا بالاخير حتى محد يشوفنا تعب على خوف لا مو خوف رعب كلت النرجس اتلثمي حتى محد يعرفنا

كاعدين ننتظر تنترس السيارة حتى نكول هاي هية احنا بامان بس وين ننتظر وبعدها السيارة

نرجس خلت راسها على كتفي ونامت واني عيوني منا ومنا تكول واحد مطيرجي اخاف على لحظة اشوفهم كدامي

اباوع النرجس شلون مطمئنة ونايمة ضليت ادعي ربي
يامنجي يونس من بطن الحوت نجنا من عرين الوحوش

صعد رجال كعد بصفي احس نظراتة غريبة الي التفت وارجع اشوفة يتفحصني اني وجوري

اخر شي سالتة تعرفني مضيع شي بس تباوع بوجهي

كال لا ماعرفج بس عدنا بالسلف الحرمة ماتطلع بدشداشة وشيلة بدون عبا

كتلة احنا مو من سلفكم احنا من بغداد

سكت الرجال واني كلبي نار كل لحظة اكول هذا سلمان لو هذا عبد لو حمدان

يمكن ساعة يلا انترست السيارة صعد السايق صاح اوصل للنهضة الي يريد بجان كبل النهضة يحجي

كلها سكتت كال توكلنا على الله

مشت السيارة لو بيدي اهلهل اخيرا صرنا احرار كلت خلي اغمض عيوني من النعاس والتعب

طلعت السيارة من الكراج فجأة وكفت ببريك قوي فزيت من الضربة اباوع منا منا

شفت سلمان واكف كبال السيارة وهو شايل رشاشة بايدة وموجها للسايق

دنكت راسي كلت بلكت ميشوفني

سلمان جوري نرجس انزلن بساع

جوري ماننزل نريد نرجع الامي منريدكم هي كوه

سلمان وحك من نزل القران اذا مانزلتن الا افرغ الجيلات براسجن

حاولو الناس الي بالسيارة يدخلون بس سلمان وياه عبد وولد
ماعرفهم هددو كل واحد يدخل

سلمان امشن جدامي واريدن زلمة يمنعني اخذهن

نرجس ياناس ياعالم خلصونة هذول يردون يخطفونة

جوري من كامت نرجس تصيح ضربها سلمان على حلكها خلاها بس الدم يجري منها

سلمان العتب موش عليج انتي جاهل العتب على اختج الجبيرة الي علمتج تتهزمين بنصاص الليالي

جوري انهزمنة من ظلمكم من همجيتكم

سلمان بعدج ماشفتي شي من الهمجية يبت عمي بصيطة انة اراويج الظلم على حقيقتة

جوري اذا اكول سحبونة من شعرنة مثل الطليان هم الطليان يعاملوهن احسن من عدنا

صعدونا بالبدنيد مال السيارة وربطو رجلينة وايدينة سوة من غير الدفرات

نصرخ نريد اي واحد يخلصنا منهم ماكو

اباوع على نرجس بس الدم يجري من حلكها وخشمها حتى صوت ماطلع الها

وصلونة للبيت كامو يجرون بينا من الحبل

حتى الكفار بزمن الجاهلية ما عذبو المسلمين بهيج طريقة

نورية هلا باصحاب المراجل من تنخاهم بالكلفة

رجال والنعم منهم ماتهزهم منية ولا تفك وسفة

ها ها ها جابوهن مادنكو روسهم جابوهم

جبارة ها ها ها نورية المسودنة ها ها

منسية هلا هلا برفعة الراس

هلا بوليداتي النشامة

جا هذن بعدهن بيهن روح

سلمان اي حبوبة بعدهن يشمن الهوة اريدن اذبحهن جوه رجليج

منسية لا حبوبة خلهن خلهن الموت راحة وانة بعد كسرت وجهنا ماريدنهن يرتاحن هذن مثل امهن يشردن ويكسرن وجوهكم

عبد وحك علي اذبحهن وشمرهن للجلاب

منسية هاي الزغيرة بس السان كلشي ماكو بس كلة من هاي الحية الجبير هي بيت البلا

سلمان جا حبوبة شتامرين كولي وانة عد عينج

منسية شمالكم غمان وماتعرفن كيد النسة من هل ساعة تفركن بينهم كل وحيدة بديرة مايشوفن بعضهم

سلمان اي حبوبة خوش راي نحرمهن وحيدة من الاخ

منسية من هيج تساوي تذلهن ويصيرن عجينة بيدكم

جبارة جورية المسودنة جا انة موش شردتجن شمالجن رديتن المنسية المسودنة

سلمان لك جبارة المسودن انت الشردتهن اليوم اعلكنك بالنخلة

جبارة جا انة رطبة وتعلكني بالنخلة عبنك مسودن

سلمان طاح حظج من كون تمشين ورة المسودن هاذ المسودن يكشمرج وتشردين وياه جا خوش من كون هيج لكيتلج خوش حل

جبارة وهو يشيل حجارة ويشرها على سلمان لك سلمان المسودن لا تكول علية مسودن انت واهلك مسودنين

سلمان لك مسودن خبل اليوم الا اخلي جيلة بصماخك هاذ المايشتغل واخلص منك

جبارة لا لاتخليني اطكك يطابوكة يالمسودن انت وحبوبتك

جوري كافي افتحو رجلينة وادينا كافي احنا مو عبيد عدكم والله لو يضل اخر يوم بعمري انهزم وماضل يمكم

سلمان حبوبة كتلج خل اذبحهن هذن يجيبن العار لينا

منسية كتلك فركهن عن بعضهن ومالك غرض وكول حبوبتي كالت ونعم من شورها

عبد جا انة ماشي ونتم تفاصلو انه جزعت كل يوم جيبو بنات الفصلية ودو بنات الفصلية شردن بنات الفصلية

سلمان ضل ضل اغم مثل اخوك الجايلنا العار وتزوج بت بغداد المفرعة هي وبتها

عبد تلزم حدك ولاتكول اغم انة موش مثل مويجد كتلكم خل نذيحهن ونفض سالفتهن

منسية جا يمة عليش ذابحيهن وتروحون للحبس جا هن لا ناهبات ولا مصخمات جا غير يعدموكم

سلمان اي حبوبة حجيج كلة صحيح

جاسم خوية سلمان جا ماتنطوني جوري اريدن اتزوجها واخلصنكم من شرها

سلمان جا انت وعمك شجاكم ذاك يريد نرجس وانت تريد جوري جا ماشيعتو من نسوانكم

جاسم انة شماخذ هن ثلاثة واريدن اتم شرع الله

منسية جا من كون اكولن لا تكولون منسية فركت بين ولد ولدها وبين ولد شريجتها كون يرضى سلمان اخذها وفكنا من شرها شكلت سلمان

سلمان لا انة براسي راي الا اخليهن ستمنون الموت على هاي شردتهن كون شردت وي جبارة بسيطة من عيني

جوري كل هذا واني ونرجس بعدنا مربطات ومشمورات بالكاع بس ااي قهرتني نرجس ماعرف شبيها ولا نطقت كلمة وحدة

اخر شي فتحو رجلينا وجروني اخذني سلمان المكان مثل المخزن الزغير بي كواني وغراض هو مخزن بس مال زرعهم شلب وحنطة وكواني طحين

سلمان عايني بعيوني زين شوفي الغظب والحقد عليج وبالخص من شردتي جنت ناويلج على شي طلعتي

ماتستاهلي ياجوري الا اخليج تعضين اصبعج ندامة

وشوفي هاذ مكانج منا وغاد وي الجريدية والحياية والعكارب دشي مالج رحمة منا وغاد

جوري شمرني بالمخزن وقفل الباب وراح واني كمت اصرخ اريد اختي اريد نرجس لتفرقونة ولكم الله ينتقم منكم الله ياخذكم ياحقراء ياجلاب

ضليت اصرخ اريد واحد يجاوبني ابد ولا غبالك بشر اني كدامهم

شوي ورجع سلمان

سلمان شوفي هاي التنكة مال الماي اليوم الج كل يوم وحيدة دبري امورج بيها ويجوز انساج يومين ماجيبلج

وهاي كرصة الخبز وراس الفجل حتى مامغسول هم حسبي حسابج مالج غيرة والج روحة وحدة للخ..... لو تسويها على نفسج مالي غرض بين ماشوفلج مصيبة

جوري مصيبة الي تاخذك حسبي اللخ ونعم الوكيل بيكم

عافني وراح واني ضليت بمكاني افتر شنو الي راح يسوو بينا ونرجس وين اخذوها

والمكان الي اني بي صح هسة نهار واكو ضوة يطب هو كلة مبني من الطين والسكف مالتة سعف وجذوع مال اشجار بس زغير مكان يادوب اكدر اكعد بي

صار الليل واني محد اجاني ولا اعرف نرجس شنو حالها وين اخذوها

متت من الخوف واني اسمع صوت الفيران وهي تخطق مم يمي لو وهي تكرط ماعرف شنو

رجعت اصياحي من جديد ولا واحد عبرني

مو ليل مر علية لا تكول كاعدة بفلم رعب طلع النهار وامي نفس وضعي

مرن يمكن اربع ايام على هذا الوضع بس سلمان يجي ياخذني للحمام وينطيني الخبز والمي ويروح حتى ميحجي وياية

مرات اسمع صوت جبارة وصياحة على الجهال اصيح علية اريدة يجي اسالة على نرجس من يسمعني يعيط يمة جني يعرف انة جبارة وينهزم

اليوم الخامس اجاني جبارة من ورة الباب

جوري جوري يامسودنة عليش متردين

جوري ها جبارة وينك مو اصيح عليك ليش متحجي وياية

جبارة عبن سلمان كال اذبحنك انت وهاي امي المسودنة

جوري لعد ليش اجيت هسة تحجي وياي

جبارة اجيت اكلج اجونة خطار من بغداد وسلمان المسودن تسودن عليهم وشحتهم بالشارع

جوري منو ذول الخطار وليش شحتهم

جبارة هذول الناس وياهم عريس جاي عليج اسمة اكرم هم كالو جايين نخطب جوري وسلمان تسودن اكثر من ما هو مسودن وشحتهم وطلع الرشاشة مالتة وكال الهم بت عمي جوري اتزوجت

جوري يعني بيت اكرم جايين علية خطابة زين امي اجتي وياهم زين انت شفت اكرم

جبارة شمالج تسودنتي جا انة شلي غرض ياهو الجاي بس اتي صكد تزوجتي

جوري ولك شوكت تزوجت متشوفني محبوسة بهذا السجن بس كلي اكرم وامي اجوي وياهم

زين سلمان ليش ماقبل على اكرم هو جاي من كركوك حتى يخطبني

جبارة لا انتي مسودنة اكلج مالي غرض

سلمان لك جبارة شتساوي هين مسودن

جبارة كل ماتكول مسودن اطكك بطابوكة خوش

سلمان اذا انت زلمة تعال طكني

جبارة خل افلت

جوري فتح سلمان الباب علية وعيونة تطك شرار صراحة خفت منه

سلمان ها يبت الفصلية جتي تتمعشكين عد امج موش صحيح جارة الطلي وراج من كركوك للناصرية خوش يبت عمي

جوري اني ما اتمعشك ولد جيراني وجان اصلا خاطبني من امي

سلمان هينة يجوري هينة كل يوم غضبي وحقدي عليج يزيد انوب جبتي لهنا هاذ الي جنة حرمة

جوري اذا اكرم جنة حرمة

سلمان تعشكي موش تريدين تزوجي هين هين والله لاوريج الويل

جوري امي اجتي وياهم لو لا

سلمان شحدها توصل جا ذيحناها بعتبة الباب

اكفي اكفي امج جا هي الي جابتهم شمالني مافكرت امج الي جابتهم جا شلون وصلونة وشلون اندلو الطريج

مامش غير امج جا ماخافت على روحها نذبحها خلني اروحن الاخوج يلحك عليها يطم عار ابوج

جوري عزة بعيني اني شسويت انوب راح يرحون على امي يمة بس لا صدك يلكوها بس لا يلحكون عليها

عزة العزاني ضليت الطم على خدودي وعلى رجلية

شلون اكللهم امي جابتهم شلون اذا كتلو امي شلون ياربي دخيلك بس لا امي يصير بيها شي بسببي

مرن علية ساعتين هلكت من التفكير واللطم منا نرجس ماعرف اخبارها منا امي الي ماعرف لكوها كتلوها شسوو بيها

سمعت صوت الباب تنفتح وكفت كلن لازم اطلع منا لازم اروح اشوف امي واختي ماشفت منو فتح الباب بس اكيد هذا سلمان ماكو غيرة

هي نفتحت الباب واني ركضت خارج المخزن بكل سرعتي

سلمان ركض وراية واني اسرع منه يمكن لان جسمي خفيف

مافكرت بشي غير اشوف اختي وين وامي شصار الها حسيت سلمان قريب علية وشفت جبارة كبالي ختلت ورة جبارة

جبارة يمة اندعمت يمة تكسرت

سلمان ولج انتي مايصيرلج درس هم تشردين

جبارة هو وهي هو وهي شردت من سلمان وهو يضحك على سلمان وياشر علية

جوري عفية جبارة سلمان وعبد شسوو بامي

سلمان طيح الله حظج جا تنتخين بواحد مسودن خوش والله وهو يلزم جوري من شعرها

جوري اخ انكسرت ايدك ان شاء الله عوفني حقير

سلمان ولج شلون ماعندي شغلة وعملة غيرج ولك جبارة تعال تعال ماتريد تعرس اتة

جبارة انة اعرس انت مسودن

سلمان اي تصير عريس ونزوجك عروس حلوة وتلبس دشداشة وعباية مثل الشيخ

جبارة اي اي اريدن اعرس اريدن اعرس هسة اعرس

سلمان جا خوش روح الامك كلها سلمان راح يعرسني

جبارة بس انة ما اغسل امي تغسلي حيل وانة اخافن من الصابون

سلمان لا لتغسل خلك هيج

جوري سلمان اريد امي اريد اختي

سلمان تشوفين اختج بس بشرط اذا اتي هيج تحبيها يعني مستعدة تضحين الخاطر اختج

جوري شنو يعني اضحي الخاطرها

سلمان يعني تضحين بحياتج خاطر اختج تعيش مرناحة وتطلع منا تروح يم امج شكلتي

جوري يعني تكتلني وتعوف نرجس

سلمان لا موش كتل بس تزوجين جبارة شكلتي

حبايب كلبي مساءكم ورد وسعادة اتحملوني هاي الفترة على الانقطاع

اريد تنطوني توقعاتكم جوري راح توافق على جبارة في سبيل اختها

لو سلمان راح يسويها ويزوج جوري لجبارة

وخلي اغششكم شوية سلمان يحب جوري

مثل البارت السابق صاحب التوقع الصحيح اسويلة اضافة

لتنسوني بالتصويتات بداعت جبارة 🌟🌟🌟

تقبلو تحياتي اختكم الاسدية

https://www.youtube.com/watch?v=_rEBecEAmh0