انثى في عرين الوحوش الفصل الثامن عشر 18 - بقلم الاميرة ارجوان

الكاتبة الاسدية

كل عام وانتم بالف الف خير يعود عليكم بالصحة والسلامة يارب

شكرا لكل من سال علية وعايدني واعتذر منكم لان مارديت

سلمان تشوفين اختج بس بشرط اذا اتي هيج تحبيها يعني مستعدة تضحين الخاطر اختج

جوري شنو يعني اضحي الخاطرها

سلمان يعني تضحين بحياتج خاطر اختج تعيش مرناحة وتطلع منا تروح يم امج شكلتي

جوري يعني تكتلني وتعوف نرجس

سلمان لا موش كتل بس تزوجين جبارة شكلتي

جوري ههههههههههه والله عبالي تحجي صدك

سلمان خايبة عليش تتمضحكين جا انة احجي صكد

جوري لا اكيد انت مو صاحي يمكن العائلة كلها ضارب عدها فيوز مثل جبارة

سلمان شوفي يبت عمي انة راح افوتها الج هاي جلمتج عبني اريدنج تفكرين بحجيي زين والا انة على هاي الجلمة جا دفنتج ولا يرف جفني

جوري على اي اساس انتو تتحكمون بينا لو تقررون مصيرنا اني القانون هسة وياية صار عمري 18 سنة واني اكدر اقرر مصيري وامي اصلا موجوده شنو تزوجني لجبارة

سلمان اشوف غصبن عليج توافقين على الزواج

جميلة يبوووووو يبووووو تريد تزوج علية وحك علي اخلي ابوي يكطعك تكطع

فريدة ها شفتي يا جميلة موش كتلج وماصدكتيني

سلمان عليش هاذ العياط هس ماسمع صوتج

جميلة لا وحك علي اليوم اهجم الحوش على روسكم خاف انك نسيت ياهو ابوي

سلمان كتلج موش اني اعرس وانتي يافريفرة ابقي خربي علي لو تموتين ما اخذج

فريدة جا المن تريد تعرسها وانة موش بنيت عمك ما تشوفلي رجل اريدن اعرس وروح ابوي

سلمان ولج شمالج شهرتينا اريدن اعرس واتي جميلة لاتضلين تتناطزين هيج وهيج وتركضين وراي لو ناوي اتزوج لا اتي ولا عشرة غيرج يمنعني

جوري عوفوني بحالي حلو مشاكلكم بينكم وانتي جميلة مادري جمل كطنة وشيليها من اذنج اني سلمان ماطيق شوفتة ولا اطيق اي واحد بيكم ولو يبقة اخر يوم بعمري اطلع منا زين

سلمان على اساس انة جاتل روحي عليج على شني خايبة شايفة روحج علينة واتي ماتسوين بسوك الحريم صخلة

جوري اني ماسوه صخلة عوفوني بحالي خلوني اني واختي نرجع الامي وانسونة وانسو عدكم بنات عم احسبو ابوي ما اخذ امي فصلية وجابت بنات اثنين

سلمان شلون ننساجن وانتن عدجن ورث بحلالنا جا يجي الغريب ويداعي بورثجن من تاخذن غريب لو تموتن

جوري اني صار عمري 18 سنة اكدر اتنازل الك عن حصتي وعن حقي وامي هم تتنازل عن حقها ونرجس كلها سنة واني اجيبها بايدي تتنازل شتريدون بعد احنا كلشي منريد منكم

سلمان اخذ الشور من حبوبتي منسية واردنلج خبر

جوري طلعني منا اني مو حيوان وتحبسني بهيج مكان

سلمان طلعة منا مامش كتلج اشورن حبوبتي واشوفن رايها بحجيج

جوري رجعني سلمان للمخزن شكو حقد بالدنيا ترس كلبي الهيج اهل ياربي طول عمري ماعندي اهل ويعزتك وجلالك اريد اكمل عمري كلة بدون اهل

يارب ابعد عني شرهم وخلصني من كيدهم

سلمان حبوبة عدي الج بشارة

منسية كول يابعد حبوبة واهلها دومك تبشرني بالخير

سلمان اليوم جوري كالت تتنازل عن ورثها بحك ابوها من حلالنا وكالت تخلي امها هم تتنازل ونرجس هم من تصير ثمنطعش هم تتنازل

منسية خايب شمالك تتكشمر بساع هذن مكارات وعيارات تكول هيج ومن تطلع من هين تشتكي عليكم

سلمان حبوبة شمالج ماترضين علية جا انة اخليها تطلع من هين اذا ماتتنازل يالطابو

منسية جا ات مافكرت هي المن تتنازل جا هي لازم تتنازل لوحيد منكم وهاذ راح يسوي مشاكل عبن ليش تنازلت لفلان موش العلان وتصير كونبة بين الخوان وولاد العمام وهيج تهجم بيتنا فهمت ليش احجي عليك

سلمان جا شلون شوريني حبوبة

منسية انة خوفي من الجبيرة اشوفنها سكوتية بس عكلها جبير ومكارة وشردت مرة راح تسويها كل يوم

وغير هي شايفة روحها شوفة جبيرة وتريد تصير دختورة كلش ينخاف منها

بس الزغيرة فقيرة وبصيحة وحدة تساوي الي نريدة منها

سلمان خوش وشناوية تساوين وشنو شورج

منسية كون هنة وحيدة ماتعرف شي عن الثاني تكدر تساوم كل وحيدة على صفحة

سلمان على شنو اساومهن

منسية تروح للجبيرة تكللها اختج مريضة ومن يوم رجعناجن من شردتن وهي لاحس ولا نفس واخاف انها تموت اذا نحبيها صكد تزوجي جبارة وحنا نهدها تروح الامها

سلمان جا حبوبة عليش ما اخذها انة وأهي مهرة وانة خوش خيال الها

منسية اذا خذيتها انت وهي هيج كارهتك وكارهة العيشة ويانة اكيد تكسر وجهك وتشرد منك مثل ماساوت امها

بس من تذلها وتزوجها لجبارة وتكسر خشمها

اكيد هي ذكية وتعرف اذا شردت وهي على ذمة جبارة عمرها ما تكدر تاخذ رجل غيره

واذا نوت ترفع قضية طلاك راح نعرف وين هية ونردها من جديد

سلمان زين والزغيرة شنساوي ليها

منسية الزغيرة ناهي عليها بني عمها تنطيها ليه وتخلصنا

سلمان ماضن الزغيرة ترضى بغضبان وتخزينة وتشهرنا جدام السيد والوادم من نعقد ليهم

منسية مثل ما راح تساوي بالجبيرة تساوي بالزغيرة تروح ليها وتكللها اختج كتلها الندم عبنها شردتج وكدرنا نرجعج وعقاب الها راح نزوجها لجبارة بس تكدرين تساعديها وترضين تاخذين غضبان راح نعفو عنها ويجوز نردها الامج

سلمان خوش راي حبوبة بس اذا مارضن. اثنينهن وكل وحيدة تكول اختي الى جهنم شنساوي

منسية لا انة راكبتهن زين وشفتهن كل وحيدة بيهن تخاف على الاخرة وتريد سعادتها

سلمان جا خوش انه راح اجرب شورج واشوفن

بس حبوبة جبارة موش مال زواج هاذ مسودن وكلشي مايعرف رحمة لمج ماتخليني اخذها انة

منسية امش من جدامي مابيك كل خير سود الله وجهك اكلنله نذلها يريد ياخذها عينة ال شنون وتشيخ علينة

سلمان خوش حبوبة انة ماشي

منسية وعندي شي ثاني اريدنك وحيد منك ياخذ فريفرة لاتروح تكسر وجوهكم عبنا تريد رجل ذابحة روحها على رجل

سلمان حبوبة جا امشي بالسلف وعيطن بت عمي تريدن رجل

منسية جا وانتم شمالكم عدها خمسطعش ولد عم واحد منكم ياخذها

سلمان حبوبة جا نسيتي عملة اختها ياهو يرضى يشيل عار فريده وياخذها

منسية جا خوش انة افكر ليها بسالفة وزوجنها

سلمان وانة اعرفنج من تفكرين بسالفة لازم تصير الله اليستر

نرجس من انهزمنا اني واختي ورجعونة دخلت بحالة صدمة تفكيري انشل ودماغي توقف عن العمل

يمكن ضل بية النفس يصعد وينزل دخلت حالة صدمة يومين اني على نفس وضعي من شمروني بغرفة جبارة وراحو

لا صوت ولا حركة ولا اكل بعد يومين حسيت على نفسي من كد الراشديات

شفت عبد كدام عيني وهو يظربني ويكلي انتبهي كافي يمعودة يمعودة احس بلعومي متجرح هلكد ماصرخت

ردت فعلي الوحيدة هي ضليت اصرخ اخر شي حظنت عبد وكمت ابجي

طلعني من الغرفة واخذني كعدنا على حافة الشط بس هو لازم ايدي

ظليت صافنة على الشط واشوف المي شلون يمشي بهدوء اشوف شلون الطيور تحط تاكل وتطير اتمنيت اصير مثل هاي الطيور عندي جناح واروح بعيد عن كل الناس

انتبهت على عبد كاعد ولازم ايدي يمكن اول مرة احس عندي اخ من شفت الخوف بعيونة علية

عبد شلونج هسة

نرجس رجعت بجيت بقوة موزينة عبد فدوة خلصني منا احس راح اموت

عبد اسم الله عليج لاتكولين هيج انة خابرت ماجد وسولفتله على الي صار وهو وصاني عليجن

كال كلها يومين وجاي للناصرية ياخذجن وياه

نرجس صدك تحجي الله عليك ماجد راح ياخذنا زين شكال شوكت وليش مو هسة

عبد شمالج تسودنتي مثل حبارة كتلج هو يكول يومين ويجي عبنة عنده دوام ياخذ اجازة ويجي لينة

جبارة لاتكول مسودن لا اطكنك بطابوكة

عبد تعال طكني وشوف شلون اذبك بالشط واسبحك

جبارة انة اخافن من الماي وماحب اسبح

نرجس لا خطية جبارة

جبارة جا من تكولين خطية جبارة انة احبنج واتي خوش مو مسودنة بس جورية مسودنة ومنسية مسودنة وسلمان وعبد كلهم مسودنين

نرجس ههههههههه كلهم مسودنين واني وجبارة حبابين

رجعني عبد للغرفة مال جبارة ورة شوية جابلي اكل ومي حسيت نفسيتي تفيرت بس ضل بالي يم جوري

كل ما اسمع صوت جبارة اصيح علية مرات يجيني ومرات يغلس من يجي اسالة على جوري يكول شفتها جوري مسودنة سودنها سلمان

بيوم كاعدة فتح علية الباب سلمان واقترح علية اقتراح

سلمان سمعي نرجس اختج سوت عمله شينة بحكنا وبحك عشيرتنا من شردت منا

وبحكم عشايرنا البت الي تشرد مصيرها الموت تنذبح وتندفن مامش واحد يكدر يفتح حلجة ويكول عليش ذبحتوها

نرجس اني هم انهزمت وياها يعني لازم تذبحوني وياها

سلمان جا من تريدين تموتين وياها خوش ماكو اسهل منها
بس عندي ليج اقتراح لا اتي تموتين ولا اختج تنذبح

نرجس شنو اقتراحك

سلمان ابن عمج غضبان ناهي عليج يعني بحكم العشاير مامش زلمة يتجرأ ويمشي عليج وياخذج

نرجس واني من وراكم كرهت كل رجال بالدنيا ماريد اتزوج

سلمان سمعي ام السان احنا مانظلم واحد بجرم الثاني اختج هي الي هزمتج واتي مالج ذنب يعني اختج هي الي تنذبح

وجدام عيونج لو تقبلين بغضبان يصير زلمة الج ها شكلتي

نرجس هاي اذا متظلمون احد وهيج لعد لو تظلمون شتسوون

سلمان فكري زين عبن باجر الفجر اختج تنذبح وحياتها بيدج انة ماشي وراجع بعد ساعتين موش اكثر اريدن لو تكولين وافكت على غضبان لو حكمتي على اختج بالموت

نرجس لا اني هم عندي شرط

سلمان مالج شروط

نرجس لا اني اوافق على غضبان بس تعوفون جوري ترجع الامي وتكمل كليتها

سلمان خوش موافق هسة راح يجنج البنات يجهزنج راح يجيج السيد يكطع معرج على ابن عمج

نرجس راح سلمان وطبت علية جميلة وخالة سكينة جابولي ملابس دشداشة بيضة بيها ورد احمر طببوني للحمام وسبحوني واني احس روحي جثة من يخلوها على المغيسل مالها اي حركة كملو سبح مشطو شعري سوولي ظفيرة

وجميلة جابت كحل حطتلي سوتني مثل الفراعنة وجابت قلم حمرة هذا الي يسموه سحري زحطت الشفايفي وحطت لخدودي منه

فريدة يمة ولج يمة هاي الزعطوطة راح تعرس وانة لاله جا احرك روحي

نورية ولج شهرتينا عساج احتركتي مين اجيبلج عريس

فريدة ماغرف منين ماتجيبو اريدن اعرس وحك علي اشرد منكم ماتعرفولي طريج

نورية يمعزاية جا حسبالج مثل بنات الفصلية اتي من تشردين يعرسولج ولج يذبحونج

نرجس كل هذا واني جثة بلا روح افكر بجوري اموت اذا خليتهم يذبحوها

كعدوني بغرفة منسية واسمعهن يهلهلن ويصفكن شوية وخلولي بوشية على وجهي كالو السيد يريد يعقدلج شيكول انتي كولي موافقة وخلي اخوج وكيلج لان اتي قاصر

اجة السيد راد يعقد كتلهم اريد سلمان

سلمان شرايده

نرجس ماعقد اذا متنفذ اتفاقنة

سلمان شلون انفذ خاف اخليها تروح واتي متقبلين على العقد
نرجس لا اوافق بس طلعها منا

سلمان واني اطيتج جلمة مارد عنها

نرجس اجاني السيد وكال وكلي اخوج عبد وكيل لعقد النكاح نيابة عنج

كتلة موافقة وعبد وكيلي

راحو شوية وكلها كامت تهلهل وصار صوت الطلق والرمي

جوري اجاني جبارة يهوس ويهلهل ويصيح

جبارة جورية المسودنة كل البنات تزوجن واتي ضلي مثل فريفرة المسودنة

جوري منو الي اتزوجت

جبارة نرجس الحبابة راح تزوج غضبان

سلمان ها جوري اشوفنجن متوالمة اتي وجبارة

جوري المن زوجتو نرجس احرككم كلكم والله

سلمان من كونج خايفة على اختج جا ماتخلصيها وتخليها تروح الامج

جوري طبعا اخاف عليها هاي امانة عندي

سلمان جا خوش تكدرين تحافظين على الامانة وتخليها تروح الامج ها وبيدج توصليها بس تزوجين جبارة

لك انت مخبل شنو اتزوج جبارة هذا مخبل

جبارة انتي المخبلة ومسودنة وانة ماريدنج وماتزوج وحدة مسودنة

سلمان هسة فضيني كبل لا يزوجوها الغضبان. جا ماترضين بجبارة انة اعقد عليج

جوري والله لو تموت ماقبل بيك اقبل بجبارة وانت ماقبل بيك

سلمان هين يجوري من تفضلين جبارة علية هين

هسة شكلتي نكمل العقد مال نرجس لو نجيب السيد يعقد الج وجبارة

جوري ومنو يكول اذا وافقت على جبارة تخلي نرجس تروح
سلمان انة اكولن وجلمتي وحده

جوري زين ليش متخليها تروح واني اعقد وية جبارة

سلمان لا هذا الي عندي واتي تضيعين وكتي خلني اروح اكللهم يعقدون النرجس خلج تعيشين بندم لان ضيعتي اختج

جوري لا لا اوكف اني موافقة

سلمان هسة تزوجيني لو تزوجين جبارة

جوري لا اتزوج جبارة

سلمان خوش خل البنات يجهزنج واحنا نجهز جبارة كلها ساعة ونعقد ليكم

جوري اني احتاريت جبارة لان هذا فقير ومخبل حتى لا يتم زواجي ويكون طبيعي واكدر اقشمرة واخلي يهزمني ومن ننهزم نطلك اني وياه

بس اذا تزوجت سلمان اكيد راح يكون زواج طبيعي وهذا ماسوي لو اعرف اموت

جتني مرت ابوية وياها جميله اخذوني للحمام وهن يضحكن علية ويبسمرني لان قبلت اتزوج واحد مخبل

جميلة هاج هاي وحدة من دشاديشي لبسيها فدوة السلمان من الله خلصني منج وماتزوج علية

نورية هاذ يازواج الي تاخذ مسودن يلا هو المسودن للمسودنة

جوري اني ساكتة واكول هين يجي يوم وارد الكم كل الي سويتو بية وباختي

اجاني السيد اني عمري 18 سنة انطيت الوكالة للسيد يعقد الي على جبارة

ورة العقد اخذوني الغرفة جبارة بس زين منظفيها ومخلين ب بيها دواشك اثنين ومخلين بيها صندوك خشب ومراية زغيرة مكسورة

طبت علية خالة سكينة وهي الدموع بطرف عينها

سكينة سودة علية خالة كسرج جبير انة اعرف جبارة موش الزلمة الي تتمناه كل بت بس اوصيج علية هو فقير ومسودن سودنوه الميخافون من الله

جوري خالة هذا مو زواج هاي صفقة بس حتى اطلع اختي منا وراها اني اعرف شلون اخلص روحي

سكينة خابة الي يدش هين مايطلع الا للكبر واختج راحت الكبرها برجلها مثل مادشيتي الكبرج برجلج

جوري شتقصدين خالة نرجس ما راح تروح الامي

سكينة خالة يا امج واهي تزوجت غضبان ابو العرك

جوري شنو شنو تزوجت غضبان ليش مو واعدني سلمان اذا اتزوجت جبارة راح يعوف نرجس تروح الامي

سكينة هاذ سلمان ذيب مخاوي حية وهي حبوبتج منسية

جوري من سمعت نرجس اتزوجت غضبان صدك صرت مسودنة على كول جبارة

طلعت اعيط وهديت على غرفة منسية لكيتها امددة بفراشها لزمتها ردت اخنكها وهي كامت تعيط وخالة سكينة تجر بية واني اعيط واكللها اذا عزرائيل ناسيج اني اوصلج الجهنم

ماحسيت غير سلمان يجر بية ويوخرني منها واني استلمت سلمان ماخليت مكان بوجهة ماملختة

والحلو جبارة يهد وياية وشايل طابوك بس صار الرمي عشوائي حتى اني وامة اجتنة طابوكة سطرتني سطر

بهاي الهوسة دخل علينة ماجد وكوة لزمني هو ورشا

ماجد اش كافي حبيبتي شبيج شجاج ياعمري ليش هيج شسوو بيج لكم الله اكبر عليكم حتى هاي الدرة تريدون تخبلوها مثل جبارة

جوري عفية فدوة اروحلك خلص اختي زوجوها الغضبان الله يحركهم بنار جهنم

ماجد شنو زوجتو نرجس الغضبان صدك تحجون من كل عقلهكم ولكم حفيداتة بكدها

سلمان واحنا شلنا غرض هو نهة عليها وهي وافقت تزوج

جوري انت كلت اذا وافقتي على جبارة نخليها تروح الامج بعدين كلامك كله جذب هو هذا وعد وكلمة الرجال بس انت مو رجال

سلمان اني رجال وغصب عنج وبعد هاي هية دشيتي بعرين الوحوش وجبارة مايعرف يطلكج

ماجد شنو لج شنو جبارة مايعرف يطلكج من كل عقلج اتزوجتي جبارة

اليوم مابقيكم ولا دقيقة اهنا اخذكم يمي واشوف واحد يفتح حلكة

نرجس اخذوني بعد العقد البيت غضبان ومن طبيت اتلكوني بالعياط والصياح نسوان عجايز اتهجمن علية وكل وحدة انكول ايدها جنة كرك من يكفخن بية

طلعن هذني نسوان غضبان

سليمة ها ياغضيبان تزوجت موش هيج جا من تنام يمي تصير جنازة وكلشي ماكو وهسة تزوجت هاي الجاهل

غضبان جا هاي تريفة وزغيرة وترد الي شبابي موش انتن جنجن شجرة اليابسة

نرجس اخذني غضبان من ايدي حيل وطببني الغرفة بيها جرباية نفرين حديد وبيها كنتور بابتين وتلفزيون

غضبان ها ياعروسة منا وغاد هاي حجرتج

نرجس لعبت نفسي من كلشي من المكان ومن الي بي ومن غضبان بالذات وبالاخص من اتذكرت هو الي كتل ابوية

شفتة نزع العباية والعكال ونزع الدشداشة

اتهجم علية واني احاول اقاوم بكل قوتي وكل شوية جايبني بكفخة لو يجرني من شعري

جردني من ملابسي وسحلني للجرباية سحل من حاول يتقرب مني ماكدر واني هم اقاوم هواي

اخر شي فشل ان يسوي شي وياية كام مني وكتلني كتل

غضبان جنت اضن ارجع شباب وياج بس اتي فكر وجه بومة اسمعي ولج شوفي هاذ الخنجر اذبحنج واكولن عليج طلعتي موش بت واغسل عارج لو تسمعين جلمتي والي اكولن عليه يتنفذ

نرجس اي اي اسمع كلام لان بصراحة خفت منه كلت هو الي يكتل مرة يكتل مرات اتقرب مني واني متت خوف جان يقرب الخنجر من فخذي وجرحني بي

طلع دم من الجرح اخذ الثوب الي جنت لابستة وملخة علية ومسح الدم بي

غضبان راح اطلع ليهم واكولن انه خذيتج والي يسال كولي بلي تم وياويلج كون اسمع حجاية منج وكلتي ماكدر يساوي شي خوش

نرجس اي اي زين عافني واخذ ثوبي وطلع من طلع من الغرفة طبن علية نسوانة اثنينهم كطعني تكطع والغلط والفشار

واني بين ايديهن وجان اسمع صوت ماجد اخوية يتعارك وية غضبان وغضبان يصيح مالك حق هاي حرمتي على سنة الله ورسولة وهي صارت وتم كلشي وهاذ بياضها

ماجد لج جان صبرتي شوية مو كتلة العبد اني جاي بس اخذت اجازة اجيتكم اركض ليش ولج ليش سلمتي روحج الهذا النذل ليش ما رفضتي ليش

نرجس اريد احجي وعيني على غضبان واشوف الشر بعيونة واتخيلة شلون كتل ابوية خفت وسكتت

ماجد هسة تطلكها ماتبقة على ذمتك لحظة وحده

غضبان ماطلك لو تموت وكافي اطلع منا لا احط جيلة بكلبك واموتنك

ماجد بسيطة اني طالع هسة وراجع الم عمامي واشوفك شراح يصير

حبايب كلبي هذا بارت طويل لعيونكم

وربي لو تشوفون الصعوبة الي الكاها بكتابة البارت

بسبب الهجات المختلفة والحوار الي يصير بين ابطال قصتنا

يعني انتقل بين اللهجة البغدادية واللهجة الجنوبية بنفس الوقت

اريد توقعاتكم ماجد شنو الي راح يكدر يسوي الجوري ونرجس

البارت القادم راح تضهر شخصية جديدة واحداث جديدة

وانتظرو المفاجأة الي راح تفاجأ الكل

لتنسون التصويت والله كرهتوني بالقصة

تقبلو تحياتي اختكم الاسدية

https://www.youtube.com/watch?v=_zaaBm3Aqd0