انثى في عرين الوحوش الفصل التاسع عشر 19 - بقلم الاميرة ارجوان

الكاتبة الاسدية

حبايب كلبي الي مامتابع حسابي يتابعة حتى يوصل كل شي جديد

ولمتابعة حسابي على انستكرام

mlkh.ltybh

ملكة الطيبة الاسدية

نرجس اريد احجي وعيني على غضبان واشوف الشر بعيونة واتخيلة شلون كتل ابوية خفت وسكتت

ماجد هسة تطلكها ماتبقة على ذمتك لحظة وحده

غضبان ماطلك لو تموت وكافي اطلع منا لا احط جيلة بكلبك واموتنك

ماجد بسيطة اني طالع هسة وراجع الم عمامي واشوفك شراح يصير

رشا ياعيني ياجوري هيج سوو بيكم شكد متخلفين ميخافون من الله شكد بابا جان يحجي بيهم بس متوقعت هيج

جوري شكد ما اريد احجي واكول عنهم وعن حقارتهم وهمجيتهم ماكدر اوصف جزء منها

توقعي هيج لعبو لعبة علية وعلى اختي وزوجونة بهاي الطريقة

اكلج رشا عندي طلب منج

رشا كولي حبي عيوني الج

جوري اكتبي رقم امي يمج ومن ترجعين البغداد اعرفيلي اخبارها

رشا ميخالف بس على حجي بابا ميروح منا اذا مياخذج انتي ونرجس ويانة

جوري بعديش رشا شتحجين انتي

كاعدين ونسمع الهوسة برة

طلعنا نركض ونشوف الولد ملتمين على ماجد كلهم والصياح والصوت الا شوية حمدان وغضبان يكتلون ماجد

حمدان شوف مويجد انت موش منة واحنا كسرنة عصاتك من زمان وكلنة مالنة غرض بيك عبنك تبغددت وصرت من اهل بغداد

بس بعد سوايتك هاي من هاي الساعة انة ناهي على بتك والحين اجيب السيد واعقد عليها

ماجد والله وروح ابوية الي يمس شعرة من بنتي الا اسوي جنازة

جاسم احنا ولد عمها والنا جلمة عليها وهاي هية بتك منهي عليها واذا تحسب نفسك زلمة اكسر النهوة واذا خذيتها منا تاخذها جنازة

ماجد لك عبد اسمع الحجي

عبد ماجد اتة طول عمرك بعيد عنة ولاتعرف بينة بفي لو بشمس وهسة جاي تتحكم بينة وتفرض رايك هاي بعيده

ماجد وسفة انت اخ

غضبان اسمع مويجد بعد كلام اولاد عمك مامش كلام بس انة راح اساعدنك

مالك دخل بينة ولا لك دخل بيني وبين حرمتي ولا بين جبارة وحرمتة وانة انطيك جلمة انك تاخذ بتك وتروح من هين واذا كلت لا وانة جاي مشان بنات الفصلية تروح منا وبتك حرمة حمدان خوش

ماجد رشا رشا بابا تعالي نرجع البغداد الضاهر اني جنت غلطان وكلت اتغيرو بس عمر الوحوش ميصيرون اوادم

رشا سمعتي جوري جان صار مصيري مثل مصيركم

جوري الله ليكولها احمدي ربج عندج اب يدافع عنج ويكون سند الج لان بهذا وكتنا لا اخ ينفع ولا عم

رشا فدوة جوري لتزعلين من بابا شوفت عينج اذا ينقذكم راح يخسرني واخسر خياتي ومستقبلي

جوري زين واني واختي وحياتنا ومستقبلنا واحلامنا كلها سراب وهم جان املي بماجد بس هسة ماعندي غير رب العالمين

ماجد جوري اعذريني شفتي كدام عيني شلون يساوموني على بنتي الغلط مني جبتها وياي بس هي اصرت الا تجي تشوفج انتي ونرجس

جوري اني مو مهم المهم نرجس خلصوها من غضبان هذا الي قتل وسكتت

ماجد المن قتل غضبان

جوري اقصد قتل اختي ودمر حياتها

راح ماجد ورشا ورجعنا النفس الوضع

لازم استسلم اني صرت زوجة جبارة صح هو مخبل بس احسن من كل الصاحين الموجودين

نرجس بعد ما زوجوني الغضبان وكال اني اخذت نرجس وطلع الهم بثوبي كلة دم دخلت بعذاب جديد

كل يوم غضبان يحاول يتواصل وياية ويعجز يرجع يضرب ويسب ومرة من المرات كسر ايدي

ومن يطلع من يمي يسوي روحة كلشي تمام يدخلن علية نسوانة يستلمني كتل يموتني تموت

يعني فوك الكسر مال ايدي لزمني ضرب وتملخ كل ضنهن اني صدك صرت زوجتة وهو ينام وياية وعايفهن

كمت اصرخ وابجي من الوجع

اول مرة احس بهيج الم احس حتى النفس كوة اسحبة

حمدان شمالج تصارخين شهرتينة

نرجس راح اموت الوجع مينحمل فدوة الحكولي

ام حمدان يمة يمة عيارة النسوان ماتحمل وجع ايدها جا بس تحملين النومة وية الزلم

حمدان يمة عيب هاذ حجيج شهرتينا عيب على شيباتج

ام حمدان جا انة شكلت وتكلي عيب اريدن اعرفنك عيارة النسوان عبنك غشيم

نرجس ياناس بعد ماتحمل وجع ولكم حرام خافو الله

حمدان امشينة اخذنج الابن عمي علي هو دكتور كلشي يعرف

نرجس وين متاخذوني اخذوني المهم اريد اهدأ شوية

حمدان جا لبسي شيلة وعباية وامشينا

نرجس ماعرف البس عباية وايدي منا توجعني

ام حمدان هلا هلا تريد تطلع مفرعة جا شدو كرون ال شنون بعد عليمن

حمدان لو تلبسين عباية لو مامش روحة شكلتي

نرجس اي اي البس المهم اتخلص من الوجع

اخذني حمدان وكل ضني صدك ماخذيني للدكتور صعدوني بالبدي مال السيارة هيج عدهم تخلف المرية ميصير تصعد يالسيارة وانما مثل الحيوان يخلوها بالبدي

شوي وصلت عيادة مال مضمد مكتوب عليها المعاون الطبي علي حسين فرج

حمدان ضلي هين ديري بالج تتحركين وتبوشي لاتخلين الوادم تتفرج عليج

ضليت انتظر بالسيارة شوي واجاني حمدان وياه ولد يساعدوني انزل من السيارة

علي هي وينها مرت جدي غضبان

حمدان هاي جدامك بالسيارة تثغب من الوجع

علي حمدان بدون شقة هاي البت الزغيرة مرت جدي غضبان

حمدان جا وروح جدي فرج ماجذب هاي مرت ايوي

علي استغفر الله جا شلون هيج صارت لا سمعت صار عدنا فصل وخذو فصلية لا شي شلون هاي الحديثة تاخذ جدي غضبان

حمدان جا غير هاي بت عمي محيسن نرجس بت الفصلية وابوي نهة عليها وخذاها

علي استغفر الله

نرجس راح تضلون تسولفون واني الوجع كتلني

علي انتي بغدادية

نرجس لا من كركوك فدوة هو وينة الدكتور بعد ماتحمل

حمدان يمة يعيارة النسوان على كولة امي توج تسولفين شبساع توجعتي

علي على كيفك وياها خلي انزلها من السيارة واشوف ايدها شبيها شو تعالي على كيفج انزلي

نرجس من حاول ينزلني علي من السيارة وايده طخت بايدي ماعرف شنو الاحساس الي صار عندي

ماكدر افسرة ولا اعرف شنو هذا الشعور كان تيار كهربائي سرة بشراييني وكبل وصل الكلبي

علي اباوع على البنية سبحان الله احس بيها ملاك بين ايدي الشيطان شنو هذا الظلم والكفر

معقولة هيج واصل بينا الحال طفلة ياخذها شايب صح هو اخو جدي فرج بس مادري ليش ابد ما احبة

حمدان لا تستحي خلنة ننزلها جا هي بحسبة عمتك هي هم بت جدك محيسن

علي اي اي ساعدني بيها

جوري نزلت من السيلرة واني صرخت من الوجع وية صرختي شفت علي نظرة الخوف بعيونة علية

دخلوني للعيادة مالتة مال التضميد

علي شو وخري عباتج خلي اشوف ايدج

وخرت العباية وهو لزم ايدي اول ماشافها كال هاي عدها كسر وايدها مورمة شلون انكسرت ايدج

حمدان وكعت وانكسرت

نرجس لا ماوكعت ابوك وامك ومرت ابوك كتلوني

حمدان جاماتعرفين اتصمين حلجج هاي اسرار بيوت

علي وانة موش غريب يا ابن عمي

حمدان جا من تعرف انت موش غريب واين عمنة عليش ماتجينة لو من رحت البغداد تكبرت علينة مثل مويجد

علي انة ماتكبر على احد وهاذ انة رجعت الهلي وديرتي وشتغلت ليهم بس تغرف الصبح دوام المستشفى والعصر اجي للعيادة وارجع بالليل هلكان

بس منا وغاد امر عليكم واسال تدلل

حمدان جا شنساوي هسة عبن البت مكسورة

علي لازم انجبس ايديها ونعلكها بركبتها ومتحركهة ولا من جديد توكع عليها حتى تطيب

نرجس عفية منو يجبسها اخاف توجع

علي لا بالعكس من تجبس ترتاحين وانطيج مسكن واهم شي متحركيها

حمادان اريدنك تروح للصيدلية تجيبلي هاي الادوية ومواد التجبير وتجيني

وانتي تكعدين بالانتضار علما يجي حمدان

حمدان موش خوش شغلة انوب نخدم بت الفصلية

علي كول يا الله كلنا بشر

حمدان انة ماشي واتي جعدي هنا وتبوشي لاتضلين فرجة للوادم موش كل ساعية اكللج

نرجس راح حمدان واني ضليت كاعدة بغرفة التضميد اشوف علي كعد بالانتضار وانتيهت علية يباوع علية من جوه الجوه ويكول استغفر الله

سالتة انت شتصير من غضبان

علي غضبان ابن اخو جدي فرج اني ابن حسين يعني ابوج وجدي اولاد عم

نرجس يعني انت مثلهم كلهم وحوش وظلام

علي لتحكمين على الناس بدون متعرفيهم اني كل الي يربطني بيهم امي الي مالها غيري وهي مترضة تطلع من الناصرية تكول اني مثل السمجة اذا طلعت من الماي تموت

نرجس الله ياخذعم كلهم واولهم غضبان

علي تدعين على رجلج

ادعي علية بكل لحظة بالموت ولو يموت ماصيرلة مرة

علي وهذا السبب الي يخلي يظربج

نرجس وانت شعليك ليش تسال

علي بت عمي واسال عليج

نرجس اني بريئة منككم ومن عشيرتك ومن اي صلة دم تربطني بيكم

حمدان جا شعدج جاعدة وتظربين فجوج وتحجين حجي زايد

علي جبت كلشي

حمدان اي جبت من الصيدلية كونها مكسورة ركبتها مكسورة سنونها ولا تضل تدردم علينة

نرجس اباوع بحقد على حمدان وبدا علي يشتغل بهدوء احس عيونة تسولف وية عيوني

كمل ايدي جنت اتمنة ميكمل وابقة اكبر وقت يمة

علي كملت هيج تعلكيعا بركبتج وهاي الحبوب تاخذيهن 3 مرات وتجيني ورة 21 يوم افتح الجبس ونشوفها

حمدان خوش امشينا يلا

نرجس طلعت من العيادة راد حمدان يصعدني بالبدي

علي حمدان كول يالله وين تصعدها وهي مكسورة شلون تصعد شلون تنزل

حمدان تريد الوادم تضحك علينة جا هي صاحبتي لو كح.....

علي استغفر الله خوية خلها تصعد ليورة والوادم مالها غرض خلهم يحجون هي يايوم الوادم ماحجت

حمدان تعالي امري لله كل البلاوي من وراج من يوم ابوج خذه امج فصلية والبلاوي حلت فوك روسنا

نرجس صعدت بالسيارة ليورة ومشت بينا السيارة واني عيني ضلت تباوع على علي وهو عينة ضلت ورانة

رجعت للبيت وهم استلموني غلط ومسبة بس حمدان ماقبل اي واحد يظربني كللهم اتطيب وبعدين

مرن يومين على الكسر مالتي واني جنت انظف بالبيت سمعت
صوت حمدان يصير يا الله تسترن عدنة خطار

كل النسوان طفرن واني هم مثلهم

شوي وصاح حمدان علية كال تعالي

رحت بس نسيت البس شيلة مامتعودة عليها وشفت علي كدامي

حسيت الصدمة بعيونة وكان واحد متفاجأ بشي

حمدان طيح الله صبغج وحظج بت الزمالة ماتعرفين تتحشمين

نرجس ها شمسوية

حمدان روحي تستري ولبسي شيلتج

نرجس رحت اركض للغرفة اخذت الشيلة وحطيتها على شعري وطلعت من جديد الهم

حمدان علي جاي يشوف ايدج

علي شلون صارت ايدج خاف بعدها توجعج

نرجس لا متوجع احسن هسة

علي والعلاج اخذتي

نرجس اي اخذت

علي خليني اشوفها خاف بعدها وارمة

نرجس اتقربت من علي لزم ايدي وتفحص بيها وشوي عيونة بعيوني وشوي عينة على ايدي

علي لا الحمد لله الورم راح

ام حمدان هلا بعلاوي شلونك عمة شخبارك ينرادلك ذبيحة عبنك جيت لينة

علي هلا عمة شلونج صحتج شلونها رجعت من المستشفى من وكت كلت امر اشوف مرت جدي شلون صارت ايدها واشوف جدي والولد

حمدان كل الهلا بيك تنورنا وياريت كل يوم تمر لينة ونشوفك

علي ان شاء الله

ام حمدان جا عمة بعدك ماناوي تتزوج الي بحلك ولدهم بطولهم

علي اللله كريم عمة من الكي بت الحلال

حمدان جا هاي النسوان الضالة اشمر نعال يوكع على مرة وتكول من الكي بت الحلال شوفنا كل واحد بينا ماخذ ثنين وثلاثة واربعة شمالك اته

علي اني كون من اخذ مرة اخذ وحيدة الي تكلي عيني وكلبي وتصير بس هي وكل النسوان هيج

حمدان اشوفنك راح توكع بوحيدة تراويك نجوم الضهر

جوري رجعت من الزرع تعبانة ونوم مانايمة واني بالي يم نرجس ميقبلون اروح اشوفها ولا يقبلون تجي تشوفني ضليت ابجي بحركة

طب علية جبارة وبيدة برتقالات اثنين

جبارة جورية المسودنة هاج اكلي برتقالات اعرفنج مايطوج اكل

جوري شكرا

جبارة شني هاي شكرا

جوري يعني اني اتشكر منك لان اتذكرتني

جبارة جا انة شكثر تذكرت امي المسودنة ماتكلي شكرا اشوفنج انتي مسودنة حبابة مثل امي

جوري هم مقبولة منك مسودنة حبابة

جبارة جا شمالج تبجين جنج جاهل

جوري ابجي على نرجس مشتاقتلها

جبارة اي خطية نرجس المسودنة طاكها غضبان ابو العرك وكاسر ايدها

جوري صدك الله يكسر ايده ليش هيج الله ياخذه فدوه

جبارة اريد اروح اشوف اختي

جبارة جا غير سلمان يطكني ويطكج

جوري اني اروح بس انت دليني عفية جبارة

جبارة جا خوش امشينا

جوري طلعت اني وجبارة نريد نروح النرجس اتلكتنا نورية

نورية خايب هو يسلمان بت الفصلية ماخذة جبارة وتريد تنهزم

جبارة نورية المسودنة مانشرد ماشين النرجس

سلمان مامش روحة النرجس اليمشي منا اكسرله رجلية

جوري انت شعليك اريد اشوف اختي

سلمان مالج اخت تنسيها هي ابيت رجلها وعايشة احسن منج عبنها اختارت زلمة موش مسودن

جوري المسودن الي تحجي علية عندة انسانية اكثر منكم

جبارة اي عنده انسسيسينة موش مثلكم مسودنين

جوري انسانية

جبارة اي مثل ماتكولها المسودنة جورية

سلمان ردي الحجرتج ون مشيتي ال اي بجان اكسرنج تكسر

جوري رجعت الغرفتي ورجعت للبجي

جبارة لاتبجين مامش فايدة من البجي

جوري لا بي فايدة على الاقل يرتاح كلبي من ابجي

جبارة جا انة ياما ويامة بجيت من جنت ازغير مارتاح كلبي

جوري جانت علاقتي بجبارة سطحية مو علاقة زوجين بس جنت اعتني بي وارتبة وادافع عنة

جنت ماشوفة الشخص المجنون الي يكولون علية

بالعكس جان كلش خاديء يمي عبالك عنده شخصيتين
وية الكل جان انسان شرس ومجنون وعدواني بس وياية لا وحتى وية امة احس بي مثلي

عشت حياتي بس وية ذكرياتي قبل لا ادخل عرين الوحوش
اتذكر امي واتذكر اكرم واتذكر دراستي

اكول يجي يوم واصحة والكي كل هذا حلم

حبايبي شنو توقعاتكم بمصير نرجس وعلي

ولتنسون التصويت هاي المرة اكللكم الخاطر الاميرة ارجوان

تقبلو تحياتي اختكم الاسدية

https://www.youtube.com/watch?v=9QeYmxibs2g