انثى في عرين الوحوش الفصل العشرون 20 - بقلم الاميرة ارجوان

الكاتبة الاسدية

وين جنتي؟
وليش متأخره علي كل هالسنين؟
وليش ماطيفج اجه او فزز صفنتي؟
وين جنتي؟
كبل تسع سنين مريتي اعله عيني وما وكفتي
ليش من دك الجرس ما صارن عيونج فرصتي؟
ليش
ليش يا اول درس يفترض كنتي؟
ليش من كف العمر هساع ضهرتي؟
وين جنتي؟

بالعكس جان كلش هاديء يمي عبالك عنده شخصيتين
وية الكل جان انسان شرس ومجنون وعدواني بس وياية لا وحتى وية امة احس بي مثلي

عشت حياتي بس وية ذكرياتي قبل لا ادخل عرين الوحوش
اتذكر امي واتذكر اكرم واتذكر دراستي

اكول يجي يوم واصحة والكي كل هذا حلم

علي من يوم شفت البنية الي اتزوجها اخو جدي واني ماعرف شصار بحالي

بيت جدي غضبان الي جنت اتمنة الموت ولا امر عليهم صار اكو مثل المغناطيس الي يجذبني الهم

كمت ادور شوفتها بكل مكان

هسة عندي حجة اروح واشوفها علمود ايدها

زين بعد جم يوم من افتح ايدها من الجبس شلون

وانة ماريدن اجيب الشبهة ليها اخافنهم ياذوها مبين كلش متعبيها

كلت اخذ حمدان خلني اشوف اختها واسويلي ردة رجل العمامي

عبني صار سنين من رديت من بغداد وانة مبتعد كلش عنهم
اكولن حمدان خلنا نمر على حبوبتي منسية اشوفن صحتها شلونها

حمدان يازين متساوي عبنك كلش كطعت ويانة ماعرف شمالك ولا تكول اولاد عمومتك

علي شساوي يخوي الوكت ركض ركض دوام وعياده بس منا وغاد تلاكيني يمك كل يوم

وصلنة بيت جدتي منسية تلكانة جبارة المسودن

جبارة ها حمدان ابن ابو العرك المسودن

حمدان طاح حظك المسودن تروح فدوه ومنذر لبوي

جبارة هاذ ياهو المسودن الي وياك اضنك عليوي

علي هلا جبارة اي اني علي صاحبك

جبارة جا انت مو مسودن مثل حمدان

علي بكيفك الي تكول علية ماشي مسودن عاقل بكيفك

جبارة جا خوش انت عليوي المسودن الحباب جا مادريت انه عرست خذيت جوري المسودنة

علي اي على الخير غير تكلي اجي بعرسك

جبارة جا هاذ سلمان المسودن كشمرني كال البسنك دشداشة جديدة وعباية مثل مال الشيخ بس هو مسودن ماسوالي هيج

حمدان كبحك الله امش منا خلنة ندش نشوف الويلاد وحبوبتي منسية

جبارة منسية المسودنة اليوم طكيتة وشردت هههههههه

حمدان ليش ولك مو هي حبوبتك

علي لا جبارة حباب بعد ميسويها

جبارة جا هي ليش طكت جورية المسودنة وضلت بس تعوي

جوري جبارة جبارة وينك

طلعت من غرفتي ادور 6لى جبارة لان ماشفتة من ظرب منسية وهو شرد خفت ليصير بي شي

وية طلعتي شفت حمدان وياه واحد ثاني صار كبل بوجهي

حمدان ولج يالخايسة ماتستحين على وجهج جنج اختج المغسولة ماعدجن حية وتسترن جدام الزلم

جوري والله اني حرة وبكيفي مالك سلطة علية وبعدين لتدخل بشي ميخصك

حمدان وحك علي اجي اكسر راسج وراس الي يطلعلج

جوري من كون انكسرت ايدك وراسك والله من تمد ايدك علية اخلي جبارة يفشخك تفشخ

حمدان هم مصدكة عدها زلمة ويدافع عنها

علي ياخوي صلى على محمد كول يالله

حمدان جا ماشفتها لسانها شطولة ونوب تهدد بجبارة المسودن

جبارة شوف هاي الطابوكة اطكنك بيها من تحاجي جورية المسودنة خوش

علي جبارة هي هاي الي تزوجتها

جوري شنو هاي ها ماعندي اسم

علي اول مرة اعرفج اضنج بت جدي محيسن

حمدان هاي اخت مرت جدك غضبان بت الفصلية

فريدة يا يا هاذ ياهو الي وي حمدان

نورية وج هاذ علي ابن عمج حسين ابن فرج

فريدة يمة هاذ حلو ولج يمة هاذ عريس

نورية خايبة شمالج جا هو يصوم يصوم ويفطر على بصلة

فريدة وج يمة شنهي يعني

نورية يمة هاذ ماماخذ مرة ويدرس جان بغداد ولا وحيدة عجبتة جا ياخذج اتي

فريدة معلية انة اريدنة وج يمة حلو وج يمة انة حبيتة هيج دش كبل الكلبي

نورية ولج ستري على روحج لايذبحونج

فريدة مالي غرض اريدنة ورايحة اسلم عليه وج يمة شوفينة جنة العافية

نورية وج المسودنة تعالي وج وج فريفرة وج شهرتينا يا يا هاي مشت للزلمة

فريدة ياهلا بالجاي لينة هاذ ياهو حمدان وياهو هاذ الوياك

حمدان هلا بفريدة هاذ علي ابن عمي حسين جاي يسلم على حبوبتي وعلى الولد

فريدة كل الهلا ياريت يجي يومية خلنة نشوفة

علي هلا بيج خوية شلونج

فريدة انة موش اخت واحد انة اخت عبد ومويجد انة بت عمك

علي شمالج جا غير اتي بت جدي محيسن وانة اتذكرج واتي زغيرة شكد جنتي تبسطينة لان جنة ازغر منج

فريدة جا ماتذكرت غير بس البسط شمالك هسة كبرنا وكلشي نغير

تعال خل اخذنك الحبوبتي تشوفنك

علي خلني اشوفن الويلاد وانة وراها اروحن الحبوبتي

فريدة جا خوش انة اروحن اكللنهة ابني عمي علي جاي لينة

علي اكول حمدان شمالها فريده احسنها موش طبيعية كلة ولا تسودنت مثل جبارة

حمدان لا يخوي هاي على ساعة تسودن عبنها تريد رجل ومامش واحد يكلبها

علي شعجب عدنة البت من زغيرة ياخذها ابن عمها هاي عليش ماماخذة

حمدان شمالك مضيع صول جعابك جا ياهو ياخذ اخت كريمة

علي ها صدك تذكرت بس هي شلها غرض بذنب اختها

حمدان اشوفنك خليت عينك عليها

علي لا لا شمالك انة اخذ هاي جا اصومن وافطر على جرية

حمدان امشنا للزرع بلكت نلاكي سلمان لو عبد

علي خوش

فريدة حبوبة حبوبة اضن ربج فرجها علية وراح اعرس

منسية يافرج الله ياهو هاذ الي راح ياخذج

فريدة حبوبة هاذ علي ابن عمي حسين ابن جدي فرج

منسية يا عليوي جا هاذ مايرضى ياخذ شلون رضى بيج

فريدة لا حبوبة هو موش رضى بية بس انة حبيتة هيج دش كلبي كلش

منسية وهاذ وين لاكيتي عبنة منكطع عن العشيرة من زمان

فريدة حبوبة هو هسة جان جاي لينة وانة شفتنة وتولعت بي حبوبة بروح ابوي بروح جدي زوجيني عليوي

منسية ماضن عليوي يرضة يتزوجج هاي ينرادلها بخت

فريدة جا انة عليش جيت عليج اكللنج وهسة هوه جاي وراي يريدن يشوفنج

منسية شوفي يبت نورية شغلة عليوي موش سهلة بس

حبوبتج راح تفطننج على شفيلة تساويها وانة علي الباجي

فريدة حبوبة نسويلة سحر

منسية شمالج غمة جا عليش السحر والله حط بينة عكل نفكر بي ونساوي الي نريدة

نورية اي يمة عكلج يوزن بلد خلها تزوج وفكيني منها

منسية خايبة يالغمة شمالج تناطرين علينة وتتسمعين

نورية جا يمة اريدن افرح ببنيتي ومامش وحيدة تكدر تدبرها غيرج

منسية سمعني ولجن من كون عليوي جاي لينة اليوم حتمن ولابد يجي مرة ثانية وثالثة ومن يروح للزرع بكاعنة اتروحين وراه وتحاولين تتكربين منة لو تلزمينة

وبذيج الساعة انة ادزن وراج عبد اخوج لو سلمان ويشوفكم. وهنا بريد اخوج يذبحج ويذبحة لو يتزوجج ويستر عليج بالاخص من تصيحين وتكولين تهجم علية

فريدة كلللللش صكد هيج واعرس ماصدك

منسية شهرتينة خايبة شمالج تسودنتي

جوري عززة بعينجن شنو من بشر ذني كل هذا حتى يزوجن

فريدة بس خطية هذا الولد توكع براسة فريدة

اهوو مادام من ال شنون يطبة مرض كلهم نفس الطينة

جبارة ها ها تكولين انة موش مسودنة طلعتي كلش كلش مسودنة عبنج تحجين وية روحج

جوري اش اش ليسمعوك يكولون تصنت علينة

جبارة جا انة كلش جوعان اليوم مامش خبز اريدن اشرب حليبة واكلي خبيزة

جوري اني شكتلك مو كلت ناكل بوقت الاكل مو كل ساعة ناكل شي

جبارة معلية انة جوعان اريدن اكل

جوري ماكو اكل كتلك بعد شوية يصير الاكل

علي السلام عليكم شلونج جوري اختج نرجس تسلم عليج

جوري وعليكم السلام اختي نرجس شلونها شسوو بيها الوحوش صدك ابدها مكسورة وانت شمريك هاي اختي

علي على كيفج شوي شوي

جوري انت تحجي مثلنا

علي مو اني عشت سبع سنين بغداد درست كلية التمريض وتعين اهناك وبعدين رجعت للناصرية

جوري ماكتلي وين شفت نرجس شلونها هي شمسوين بيها الميخافون الله

علي نرجس زينة وانتي

فريدة هلا ابن عمي حبوبتي تريدنك هذيج حجرتها

وانتي وهي تضرب نرجس شعندج وية الزلمة مزش عرستي لو تريدين اكثر

جبارة فريفرة مسودنة شمالج وية جوريتي

جوري طلعت لساني اعيبب على فريدة واكللها موتي بقهرج عنوسة

فريدة يمة وج يمة تعالي الجوري تعيب علية وتكلي عنوسة

نرجس مرن ثلاث اسابيع على الكسر مالتي وبيوم الي لازم افتح ايدي واروح العلي هو اجاني للبيت

علي هلا بنرجس شلون صحتج ايدج شلون صارت

نرجس الحمد لله زينة بس ايدي بعدها توجعني

علي خليني افتحها واشوف اذا يحتاج نرجع نجبسها

ام حمدان شلج بهاي العيارة بعدها توجعج وجع الي ماتطيبين منه صارلج شخر جاعدة ونخدمج

علي ميخالف عمة لان هذا كسر يحتاج وكت يلا يطيب

غضبان هلا هلا عليوي كواك الله شعجب

علي صار مده امرن عليكم واسال وانت مامش شلونك جدي صحتك شلونها

غضبان انة زين جدك رد شباب من تزوجت الزغيرة وانة عال العال

علي يديمها عليك وعلى الوادم كلها يارب

غضبان جا شمالك لسة ماخذيتلك مرة خافنك معيوب بعد جدك

علي جدي الحجي هاذ مو وكتة جدام الاهل

غضبان ها ولك اشوفنك خجلت ايا ملعون

نرجس كلما اشوف وجه غضبان ازيد بالحقد علية ماطيق حتى اسمع صونة

علي جدي خلني افتح التجبيرة مال نرجس

غضبان من يمتة واحنة نجيب اسم نسوانة بحلجنة

علي اعذرني جدي انة تطبعت بطباع بغداد

خلي افتح التجبيرة وامشي اريدن امر للزرع مشتاك للكاع

نرجس كلش خفت من شفت بايدة مكينة ماعرف شلون تشتغل بس خفت ليروح يكص ايدي لو اتعور

غضبان اثكلي وخلج ثابتة لاتشلعين كلب الزلمة عبنج شالعة كلبي

علي اشوفنك كلبك رجيج عليها يجدي خافنك وكعت خوش وكعة

غضبان امش من جدامي لا جسرنك تجسر خلني امشي الوادم تنطرني

علي الله وياك رجعت على نرجس واشوف الخوف بعيونها تحس بيها مثل الطفل الي يشوف ابرة ويخاف منها

اول ماشغلت الجهاز مال الكص هي خافت وبجت وضمت راسها بحظني

نرجس ماحسيت على نفسي من سمعت صوت الجهاز مال كص الجبس بجيت وضميت راسي بحظن علي

حسيت بي كل الامان اتذكرت امي زدت بالبجي
سمعت صوت علي

عيناك كنهري أحـزان
نهري موسيقى.. حملاني
لوراء، وراء الأزمـان
نهري موسيقى قد ضاعا
سيدتي.. ثم أضاعـاني
الدمع الأسود فوقهما
يتساقط أنغام بيـان
عيناك وتبغي وكحولي
والقدح العاشر أعماني
وأنا في المقعد محتـرقٌ
نيراني تأكـل نيـراني
أأقول أحبك يا قمري؟
آهٍ لـو كان بإمكـاني
فأنا لا أملك في الدنيـا
إلا عينيـك وأحـزاني

خجلت ونزلت عيوني بس اخذني بعيد العالم مو هذا عالمنا عالم بس بالاحلام والخيال موجود

علي لتخافين بنيتي كلشي كملت حركي ايدج خل اشوفها

نرجس انتبهت على ايدي مفتوحة حركت اصابعي حسيت بوجع بس مو قوي

كتلة بيها الم واشرت على مكان الكف مالتي

علي ميخالف تهون ويرجع كلشي طبيعي بس لتشيلين ثكل ولا تحركيها زايد

نرجس وشلون اكيد باجر راح يطلعوني للزرع ونوب العجن والخبز

علي حاولي وياهم متعبين وباجر امر للزرع بلكت اشوفج

نرجس وليش تشوفني

علي اريد اطمن شلون صارت ايدج

نرجس خوش خل امشي وشكرا على كلشي

اول ما طلع علي من عدنا استلمني شغل غسل هدوم ومواعين لازم اخذهن للشط اغسلهن هناك

بالليل رجع غضبان المحاولاتة وياية ونفس الحال فشل ورجع علية ظرب بس هاي المرة ظربني على عيني احسها طفت

الفجر كعدتني مرت غضبان واخذتني سحل للزرع احوش

كملت حوش الزرع تعبت كعدت جوة شجرة النبك جان اسمع صوت واحد يغني صوت كلش حلو وحنين يجذب اي واحد

كمت اسمع مصدر الصوت منين وصلت قريب للشط واشوف علي كاعد وهو مندمج بالغناء

حسيت الاغنية شكد حلوة صح سامعتها قبل وبصوت المطرب بس ابد ماجنت احسها هيج حلوة

علي كاعد ومندمج اغني حسيت احد اتقرب مني رفعت عيني واشوف وردتي نرجستي وهي صافنة علية حتى ماحست بية اني شفتها

مانتبهت الا من كلت الها ها ينرجس اشوفج اهنا

نرجس سمعت صوت واحد يغني وجيت اشوف منو

علي احب اغني بس هاي المرة احس الغناء يطلع من كلبي مو من حنجرتي

نرجس واني احس الغناء دخل الكلبي مو الى اذني

علي نرجس اريد اكلج شي واذا ماكلتة الج هسة بعد ماكولة

نرجس كول شنو

علي نرجس انة تولعت بيج شغلتي بالي وتفكيري وكلبي ويومي مايكمل اذا مو انتي بي

مساء الورد والسعادة حبايب كلبي

شنو تتوقعون راح تنجح خطة منسية وفريدة وشنو الي راح يصير

حبايب البارت السابق طلبت من الي يحبوني يصوتون الي وكلت الخاطر الاميرة ارجوان توقعت راح التصويتات تعبر الالف
بس مع الاسف ماتجاوزت 80 تصويت هسة عرفت معزتي يمكم

هاي المرة ماريد احد يصوت ميحتاج لان بتصويت او بدونة اني احس هاي القصة ناجحة لان تحجي واقع محد متطرق الة من قبل

وعندي طلب زغيرون تقديم الدعم للكاتبة المبتدئة

zaza57937369. حبايب لتقصرون وياها

https://www.youtube.com/watch?v=fpSTIwOOzW4