انثى في عرين الوحوش الفصل الحادي والعشرون 21 - بقلم الاميرة ارجوان

الكاتبة الاسدية

علي نرجس اريد اكلج شي واذا ماكلتة الج هسة بعد ماكولة

نرجس كول شنو

علي نرجس انة تولعت بيج شغلتي بالي وتفكيري وكلبي ويومي مايكمل اذا مو انتي بي

نرجس ها

علي سمعتي الي اني كلتة

نرجس ها

علي شبيج نرجس اكلج سمعتي الي كلتة لو اعيد

نرجس لا ماسمعت

علي كتلج اني تعلقت بيج انتي شغلتي كل تفكيري وشاغلة عقلي وبالي ودخلتي بكلبي واذا مر يوم وماشفتج بي

مينحسب من عمري نرجس اني احبج ولتكولين شبسرعة لان الحب مينحسب بالايام والاوقات

نرجس بس انت ماكلت هيج بالبداية كلت نرجس اريد اكلج شي واذا ماكلتة الج هسة بعد ماكولة

نرجس انة تولعت بيج شغلتي بالي وتفكيري وكلبي ويومي مايكمل اذا مو انتي بي

علي يعني سمعتي الي كلتة وحافظتة كلمة كلمة ليش اتكولين ماسمعت

نرجس حبيت اسمعة منك اكثر من مرة ومتاكدة اذا رجعت اتعيد الكلام من جديد راح تضيف احاسيس وكلمات اكثر واكبر

علي زين هاي المشاعر والاحاسيس الكي الها قبول يمج

نرجس الي انت حسيت بي اني هم حسيت بي اكلج هيج وماهتم شنو راح تكول علية بس الاحساس الي احسة واني وياك عمري ماصاير وياي ولا حاستة من قبل

علي نرجس صدكيني راح اصونج واحافظ عليج وعمري ما امسج بسوء وان شاء الله ربي يقدرني وانقذج من المستنقع الي وكعتي بي

نرجس اني من اكلك عن احساسي مو غايتي استغل مشاعرك حتى تنقذني لا يكفيني مجرد احساسي بالحب

علي واني ماكلت انتي تستغليني يمكن حتى لو ما حبيتج واشوفج بهيج وضع افكر اساعدج

نرجس علي اني وغضبان زواجنة مامكتمل

علي اكيد مامكتمل لان هو رجال جبير وصحتة مو تمام

نرجس علي انت هواي تختلف عنهم الي موجودين اهنا

علي طول عمري ماحبهم ولا حب تصرفاتهم وشكد جنت مبتعد عنهم بس انتي الي رجعتيني الهم

نرجس ماحسيت بالوكت واني وياه رجف كلبي من سمعت
نجاة تصيح بسمي وتدور علية كتلة علي خاف يشوفوني وياك شلون

علي انتي روحي منا واني راح اغط بالشط محد يشوفني
نرجس زين اني رايحة

علي وهو يشمر روحة بالمي اني يومية اجي انتظرج هنا شوكت ماتكدرين تعالي

نرجس عفت علي ورحت اركض على صوت نجاة مرت حمدان شفتها متوجهة للشط خفت لاشافتني اني وعلي سوة

نجاة ها ولج نرجس شتساوين هين شايفتلج شوفة لو نويتي تشردين

نرجس لا بس عجبتي اباوع على الشط اجيت ارتاح من التعب

نحاة يمعزاية اخافنج حبلة

نرجس شنو يعني حبلة

نجاة دهر لفج جا ماتعرفيم شنهي حبلة يعني عندج جاهل ابطنج

نرجس لا شنو حامل لا اصلا علية الشهرية

نجاة جا خوش لو جنتي حبلى جا عمتي كطعتج تكطع

نرجس هم مصدكين روحهم عفتها ورجعت للبيت واني افكر بعلي اخ ياعلي ليش ماجيت من البداية ليش ما انت الي نهيت علية واخذتني

زين هسة شنو مصيري اني وياه اكيد اذا عرفو بينة راح يذبحوني لازم بعد ماشوفة ولا اروح للشط

جوري مشينة للزرع كلنة واني الطريق كلة عيني على جبارة احاف يروح يزل السانة ويكللهم على اتفاقنا

نمشي وهو يركض ورا الجهال ويتعارك وياهم وين ميشوف حيوانات يركض وراهن ويقلد اصواتهن

امشي واسمع فريفرة تحجي وية امها

فريدة يمة جا هو عليوي عليش مايمر الكاعنا ومخلصها بكاع بيت عمي غضبان

نورية وانة شدراني بعليوي اشوفنة شايفلة شوفة غاد

فريدة شتكصدين يمة يعني عاشك وحيدة غاد وياهي هاي الي خذتة مني الا ارفس ابطنها وامرد جلاويها مرد

نورية خايبة شمالج تزاكطين جنج حصان حبوبتج كالت نوكعة يعني نوكعة بس انتي راجبي يمتة يمر بكاعنة

جوري منو الي توكعو

فريدة شلج غرض اتي

جوري اتقصدت اسويلي مشكلة حتى ارجع اني وجبارة ومن نرجع نمر على بيت غضب وشوف اختي

شلون شلي غرض وانتي وامج تسون مؤامرة تريدن توكعن ماعرف منو الا افضحجن

نوري شو اتي طلعت عينج من تزوجتي هاذ المسودن جنج ماخذة قايمقام البصرة تسكتين لا اجي امرعدج

جوري على الاقل اتزوجت العتب على الي اتدور رجال وماكو واحد يقبل بيها حتى المسودن

فريدة وج تعالي اتي ماتجين الا بالبسط

جوري هجمت علية فريدة وضلينة نتعارك بس هي اقوة مني اذتني هواي لوما يتدخل جبارة وضل يشمر حجار

وكل مرة لازم اخذ نصيبي من الفشخة بطابوكة عشوائية من ايد زوجي المصون

بعد هاي المعركة الي طلعنة منها باقل خسائر نورية كامت تعرج وفريدة نفشخت وطلع من راسها دم بس جرح مو قوي

واني الطابوكة زوركت ايدي المهم زعلت وضليت ابجي وكتلة جبارة اني راح ارجع للبيت بعد معلية بالزرع

سكينة شمالج خالة تزعلين جا موتشوفين جبارة مايتحمل يمر على خشمج الهوة شوفة عينج فشخ النسوان تفشخ

نورية خلها خلها اليوم اشوفن عمتي منسية ترضة على هالوضع الا اخليها تخلي سلمان يكطع جبارة تكطع

جبارة انة كاخافن من سلمان المسودن ولا من منسية المسودنة افشخكم تفشخ

جزري جبارة اني راجعة للبيت

جبارة وانة راد وياج بس اريدن خبيزة حنونة تساويلي يو لا

جوري اي اسويلك

فريدة اي اي ردي عساج ماوصلتي

جوري بطريقنا واحنا راجعين للبيت من وصلنة قريب على كاع بيت غضبان غيرت طريقي اريد اروح اشوف نرجس

من وصلت قريب شفت نرجس وياها وحدة تكللها اخاف انتي حامل احس صاعقة وكعت على راسي

معقولة نرجس تصير ام الطفل من غضبان زين يعني مابيها مجال ننهزم منهم واذا انهزمنة شنو مصير هذا الطفل وشنو مصير نرجس

جبارة شمالج تسودنتي موش هاي اختج تنوحين الليل كلة عليها جا ماتروحيلها

جوري شروح شريد اكول بس دموعي تجري صحت بصوت مبحوح كلة قهر وحزن نرجس

نرجس بعدني احجي وية نجاة وصدمتني من كالت انتي حامل سمعت صوت جزري اي هو هذا صوت جوري بس جان مخنوك التفتت على الصوت شفتها كدامي

ركضت عليها وية ركضتي جرتني نجاة

نجاة وين وحك علي عمي غضبان يذبحنج

نرجس ماهتميت الكلامها استمريت اركض الها ماشوف غير سلمان كبالي

سلمان هلا هلا انة كلت شغلتج موش خالية من رديتي للبيت جا انة شكلت

جوري سلمان الله يخليك اريد اشوف اختي كلب طاك عليها حرام عليك تحرمني منها

ركضت النرجس واني احظنها وابوس بكل مكان بوجها وهي نفس الشي

نرجس لج جوري راح اموت على شوفتج شفتي هذول الجلاب شلون قشمروني

سلمان مو اشوفنج الجلاب شراح تساوي بيج

جوري هاي شبيها عينج ليش هيج مزوركة

نرجس هذا غضبان الله يشيلة يومية يظربني

سلمان وهو يجر بجوري نجاة خذيها للبيت لا اخلي حمدان يشبعج كتل

جوري اخ على كيفك خلي اشوف اختي

جبارة لك مسودن عوف جوريتي لا افشخنك

سلمان هو ياهو المسودن ماتستحي من تكشمرك مرة وتجرك وراها ياطلي

جوري كوة سلمان جرني من نرجس ونرجس جرتها البنية الي وياها وضل يسحل بية من شعري

جبارة ولك سلمانو المسودن عوف جوريتي

جوري ماعافني سلمان الا من جبارة شمر علية طابوكة اجتي بظهرة ضل يتوجع منها وركض ورة جبارة بس وين تكول مو جبلرة بيب بيب بس العجاجة ضلت وراه

سلمان انة الج جبارة يطكني مت وراج هو هاذ الزلمة الي فضلتي علية انة سلمان زينة العشيرة

جوري تف على هيج عشيرة الي تصير انت زينتها

سلمان اسمعي ولج راح اشوفج الي ماشايفتة خافني سكتت وكسرت خشمج اليابس وزوجتج من جبارة بس اشوفنج تفرعنتي علينة اكثر

من باجر اخذنج تتنازلين لية عن حصتج خوش

جوري والله لو تموت ماتنازلك عن فلس احمر على شنو اتنازل ماكو شي تساومني علية

سلمان ههههههه لا اكو وانتظري المفاجأة الي تخليج تتنازلين ورجلج فوك راسج خوش يبت الفصلية

جوري يمكن اول مرة كلبي يحس بالخوف من هيج مفاجأة شنو هي الي انخليني اتنازل وهيج مطمئن الها

وصلني سحل للبيت وشمرني بغرفتي

منسية خايب شمالك شسوت مرت المسودن وجبتها سحل

سلمان من جني النسوان للزرع ماشفتها وياهن

من سالت عليها كالو تعاركت وية فريدة وامها وردت هي وجبارة للبيت

انة كلبي لعب عبنها موش راحة وكلت اكيد راح تشرد رحت وراها ركض شفتها راحت لختها

همزين تلاحكت ليها كبل لا تعلمها وتتفق وياها على الشردة

منسية جا جسرت ركبتها لو جسرت رجلها وسكطتها

علي السلام عليكم يا اهل الحوش

سلمان دشي ولج الحجرتج وانة الج

وعليكم السلام هلا هلا بعليوي تفضل

علي جيت عليكم للكاع مالكيتك وعبد كالي رجعت للحوش
سلمان تعال ياخوي دش اي انة رجعت بشغيلة وهسة اردن للزرعات

علي شلونج حبوبة كواكة ( يعني زينة )

منسية حبوبة شلوني تغيبانة وجعانة حبوبتك موش كواكة

علي لا ان شاء الله كواكة اشوفنج خديداتج مورة جنج بت العشرين حبوبة خافنج تردين تعرسين

منسية ههههه يا خايب شمالك انة اعرس انة بزفري ماخذيت عكب جدك هسة تريدني اعرس

علي اتي بس كولي وانة اشوفنلج عريس مالج غرض

سلمان صار زمان ماشفت حبوبتي تضحك والله يعليوي اشوفنها ردتلها العافية من شافتك

منسية جا شعندي غير عليوي احبنة هيج من الله هيج بمعزتك

علي الله يعزج حبوبة امشينة سللمان للكاع

سلمان اي نمشي بس اريدن ادور جبارة اريدن ازوجة فريدة عبن تعرف كل واحد بينة يتزوج اثنين وثلاثة جا جبارة وحد عنة واريدن اكسر خشوم ناس بزواجة

جوري سمعت هيج واني احس روحي طلعت ماعرف ليش
ضليت احجي بيني وبين روحي شنو يعني واذا تزوج

علي شمالك يسلمان جا جبارة موش متزوج جوري بت جدي محيسن وفريدة اختها مايجوز

سلمان ها جاصدك مايجوز الله يلعنك ياشيطان ماخلاني افكر عدل

بس هم ميخالف اشوفنلة وحيدة حتى لو مسودنة

جوري ردت بس اطلع حتى احرك كلب سلمان لان الخطة مانجحت مالتة

كلت حبوبة ماشفتي جبارة مارجع للبيت

منسية لا ماشفتة ولا رجع عليش تسالين موش جنتي وياه
جوري اي جنت وياة بس من ظرب سلمان بطابوكة وشرد بعد ماشفتة

منسية طكاه البين هاذ المسودن صكد حبوبة طكك هاذ المسودن
سلمان بس كون اكظة

جبارة هو هو تعال انت زلمة تكظني

جوري راح سلمان يركض ورة جبارة ومنسية راحت وراه تصيح

منسية عوفة حبوبة لاتعب رويحتك رد

علي جوري اني شفت اشسوو بيج انتي واختج من رحتيلها اليوم ورجعت لهنا خفت ليأذوج كلت اتلحك عليج

جوري قابل شتكدر تسوي هم دمرونة مو بس اذونة شفت اختي شلون مطلعين عينها واني هيج

علي لتخافين على اختج اني موجود احاميلها

جوري ياماخاف عليها اذا هي يمكن حامل من هذا المجرم غضبان

علي لا لتخافين اختج محد لامسها غضبان كلشي ماكو رجال جبير

منسية ها عليوي اشوفنك تعرف بت الفصلية

علي اي بيوم جيتكم كالتلي فريدة هاي بت الفصلية
اكولن حبوبة انة ماشي تحتاجين شي

منيية لا حبوبة بس اريدنك دوم تمر للزرع خلك وية اخوتك وخواتك عينك عليهم

علي خوش حبوبة انة ماشي ليهم

جوري اتذكرت من منسية ونورية وفريدة اتفقو على علي حتى يوكعو ويتزوج فريدة

خطية هو ميستاهل هيج يلعبون علية لعبة من شفتة طلع من البيت رحت وراه

صحت علية كتلة بدربك شوفلي جبارة

علي اي تدللين اشوفة بدربي

جوري من شفت منسية راحت تقربت على علي وحجيت وياه دير بالك تروح للزرع لان بيبيتي ونورية وقريدة ناصبيلك كمين ويردون تتزوج فريدة

علي شنو منو ناصبلي كمين وشنو يزوجوني فريدة
جوري مثل ماكتلك من تروح للزرع راح فريدة تتلزك بيك ويشوفوها اهلها ويجبروك تزوجها لو يكتلوك

علي لا مستحيل يعني هيج توصل بيهم يسوون

جوري اكثر من ماقشمرونة وزوجوني جبارة وزوجو اختي غضبان كلة بالحيلة

علي اني اشكرج لان نبهتيني واني اكول عمرة ذيل الجلب ماينعدل بس كلت ميخالف اهلي وناسي ورجعت عليهم
جبارة جوري جوري انة شردت من سلمان المسودن
جوري اي عقية جبارة

جبارة جا انة واتي مو تزوجنة عليش واجفة يم عليوي المسودن

علي لا هي كالت دورلي على جبارة بطريجك

جبارة اي موش انة شردت من سلمان المسودن عبني طكيتة حيل

جوري عفية جبارة كل يوم اضربة

جبارة لا انة ما اضربة انة اطكة بطابوكة

علي انة ماشي مشكورة خوية

جوري الله وياك وضل عينك على نرجس

جبارة اي خطية نرجس مسودنة فقيرة كل يوم غضبان ابو العرك يطكها

جوري الله ينتقم منة

راح علي وضليت افكر بنرجس زين علي شمدري هو ما لامسها وليش يكلي اني احميها ليش

اوف افكر بعلي لو بنرجس لو بسلمان الي ماعرف شنو

مفاجئتة الي يخليني اتنازل عن حقي بسببها

ماعرف حقيقي دخت

حبايب شتتوقعون سلمان شنو ضام مفاجئة الجوري حتى يجبرها تتنازل عن حقها

لتنسوني بالتصويت فديت كلمن صوت 🌟

تقبلو تحياتي اختكم الاسدية

https://www.youtube.com/watch?v=Rf3hp22rCdc