انثى في عرين الوحوش الفصل الثاني والعشرون 22 - بقلم الاميرة ارجوان

الكاتبة الاسدية
حبايب الي يحب يتابع حسابي على الانستغرام هو
ملكة الطيبة الاسدية
mlkh.ltebh

وفضلا وليس امرا متابعة حساب كاتبة مبتدئة وتشجيعها

وتقديم الدعم الها اكون ممنونة والي يتابعها يكتب من طرف الاميرة ارجوان 1_lblx

راح علي وضليت افكر بنرجس زين علي شمدري هو ما لامسها وليش يكلي اني احميها ليش

اوف افكر بعلي لو بنرجس لو بسلمان الي ماعرف شنو

مفاجئتة الي يخليني اتنازل عن حقي بسببها

ماعرف حقيقي دخت

علي شكد احاول اتقبل اهلي وعمامي ماكدر وكل يوم اكول ميخالف ويبقون اهلي رغم ما اقبل بكل افعالهم

بس توصل بيهم ينصبون كمين حتى لو بشرفهم هاي ماصدكها

اني لازم اخلص هاي البنات منهم لان خطية مالهن ذنب حرامات يضيع مستقبلهن وحياتهن

لو اعرف اهزم نرجس وخليها تضل على زواجهة من غضبان قابل شيريد يعيش سنتين اربعة عشرة اول وتالي يموت وتصير حرة

لازم افكر بطريقة اكدر اهزمها بيها وياريت اختها وياها

سلمان حبوبة انة هددت جوري خاطر تتنازل لية عن ورثها

منسية وشلون هددتها وهي بعد مايهمها شي اختها وراحت

سلمان اكو بعد ويعد كل يوم اخضنها خض واطلع مايها
راح اجيها بدرب امها

منسية شمالها امها

سلمان تذكرين من الوادم اهل كركوك جونة مشاية على جوري وانة طردتهم

منسية اي بس هم ماعرفت شجاب هاي الشغلة على امها

سلمان اسمعيني حبوبة للاخير من طردتهم جوري بغبائها نبهتني على شغيلة امها هي الي دلتهم علينة وهي الي جابتهم

وانة من يومها ضليت اراكب وادور الحد بيوم شفت هيلة بديرتنا عبنها غريبة موش من ديرتنا انة شكيت بيها

راكبتها شفتها دشت بيت خالة هيلة

منسية دهر صابها جا ماخافت من عمامها يذبحونهة عبنها شردت ونهبت

سلمان حبوبة جا احنة نجذب الجذبة ونصدك بيها جا هي يمتة نهبت هي شردت وخذت بناتها وكل الديرة هيج تعرف

واولهم عمامها عليش بعد ذابحينها واحنة شلنا غرض ان ذبحوها يو لا خلهم يذيحوها على شردتها

منسية خوش عرفنة الفصلية عد خالتها شلون تخلي جوري تتنازل عن حكها

سلمان اخذ عبد وانة وجاسم ونجيب هيلة نحطها جوة رجلج ونكول راح نذبحها عبنهة نهبت وخذت بنياتنا

وهاي جوري حتما راح تضحي بحكها الخاطر امها وامها راح تضحي بحكها الخاطر ترجع بناتها وحتى تضحي الخاطر شوفتهن

منسية عفية يتربات ايدي هيج اريدنك دوم بس ماكتلي المن تخليها تتنازل عن حكها

سلمان الي جا ياهو الي راح يرجع الحك لينة

منسية لا هيج غلط وحشاك من الغلط اذا تنازلت ليك راح تصير ضيكة خلك بينك وبين اخوتك وويلاد عمامك.

وتصير مشاكل كل واحد يكول الحك الي ليش السلمان ونوكع ابير مامنة خلاص

سلمان جا حبوبة شلون حك نرجس راح يروح الزلمتها غضبان وجوري زلمتها مالة حك عبنة ابن فصلية ومالة جنسية

منسية خلها تتنازل لية انة اول وتالي من اموتن كلكم تورثوني والحك يتوزع على الكل ومامش ضيج خلك بينكم

جبارة مريت من حجرة حبوبتي منسية وسمعتها تحجي وي سلمان عبني سمعت اسم جوري كلت خل اتصنت عليهم خافنهم يضروها بشي

سمعت كل سالقتهم من اولها التاليها وسمعت شلون انة مالي غيمة يمهم وهيج جني حجارة بالحوش

ضليت احومن شساوي شساوي كلت مامنها حل غير اكولن الجوري

جان اسمع سلمان يتمم حجي وي منسية

سلمان حبوبة انة نويت اتزوج

منسية بالمبارك حبوبة بس هاي حرمتك جميلة المسودنة شلون

سلمان مسودنة على روحها جا ترضين انة سلمان وحيدة ماتسوة مثل بت الفصلية مترضة بية وترضة بالمسودن جبارة اريدن اواريها اخذ الي تسوة راسها

منسية اشوفنك حبيتهة يمفلوك

سلمان المن حبيت حبوبة

منسية حبيت بت الفصلية

سلمان انة احب بت فصلية شمالج حبوبة شوفيني انة راح اخذ بت شلال

منسية شلال الحزبي الجبير

سلمان اي هي موش خوش غسمة

منسية هي خوش خوش بس لا تنسة العداوة الي بين غضبان وشلال وحمدان اكيد مايرضى بت ابنة زلمتها ياخذ عليها بت عدوة

سلمان خلهم تزيد عداوتهم وان ماعجبها لجميلة خلها تروح لهلها اخليها وكف ماطلكها وخلهم تصير بينهم وبين شلال كونبة هلبت يكتل غضبان هلبت غضبان يكتل شلال انة شلي غرض بيهم نارهم تاكل حطبهم

منسية بعد انتة بكيفك

جبارة جوري يالمسودنة شمالج بس نايمة كومي خايبة هوي

جوري جبارة مليون مرة اكلك لتصير مثل الجهال ولتصير مثلهم وتكول هوي لان هاي الكلمة بس للحيوان زين

جبارة شنهي خافنج زعلتي

جوري اي زعلت اريدنك جبارة الحباب موش المسودن

جبارة انة موش مسودن انتي مسودنة كلكم مسودنين

جوري روح جبارة مالي خلك

جبارة جا خوش ماكلج سلمان لاكيها الهيلة الفصلية لو تموتين ماكلج

جوري شنو سلمان لاكي امي وين لكاها وشمدريك منو كلك وين هي اريد اروح الها شبيك جبارة مو احجي وياك جاوبني وينها هي وين لكاها سلمان خاف اذاها شنو جابها هنا اححي شبيك يمعود شلعت كلبي احجي

جبارة ماحجي عبني مسودن

جوري لا انت مو مسودن اححي فدوة جبارة

جبارة انة ما احجي الا تساويلي حنونة وتثرديها بشكر وماي عبني احبها كلش وانة جوعان

جوري كلشي اسويلك بس كلي امي وين وشمدريك

جبارة ما ماكولن شي عبن سلمان يكتلني

جوري لا ميكتلك ماخلي ابد يكتلك

جبارة جا خوش كومي سويلي اكل حنونة تثرديها بشكر وماي

جوري عفية جبارة مو راح ابجي اريد اعرف امي شبيها وين هية

جبارة هم راح تعوي لا تعوين وسمعيني انة جنت مار من حجرة منسية سمعتةسلمان يحجي وياها يكللها اخلي جوري تنطيني حكها من اكللها اخليهم يكتلون امج عبني عرفت مجانها وين

واروحن على عمامها اكللهم بتكم نهبت واحد وشردت وياه هيج حجة سلمان وي منسية

جوري زين هو وين شاف امي وين لكاها

جبارة جا صكد انة وانتي موش عرسنة عليش يجي واحد وي امج يريد يعرس وياج

جوري اي اني وياك معرسين وماعرس وية غيرك بس احجي مو فتيت كلبي

جبارة من يوم جوي الي يردون يعرسون وياج طلعت امج جايبتهم للديرة وهو مراجبهة وعرف هي ضامة روحها يم خالتها

جوري زين خالتها وين انت تندلها

جبارة جا شمعرفني وين خالتها خافني مختار الديرة وانة مادري

جوري عفية جبارة ساعدني اخاف يروحون يكتلون امي هذا سلمان ميخاف الله كلشي يسوي

جبارة انة ماعرف شي ولا ندل شي

جوري جبارة اعرفلي خالة امي وين وساعدني واني اتنازل عن حلالنة الك كلة باسمك

جبارة ماتكدرين تنطيني الحلال عبنهة مترهم انة ماعدي جنسية

جوري صفنتي حجاية جبارة وين اكو مجنون هيج يفتهم كتلة وانت شمعرفك بالجنسية

جبارة ها شمعرفني انة جا هو سلمان هيج يحجي

حوري اي وبعد شكال سلمان

جبارة انتي مسودنة انة شمعرفني خلني اروحن الامي المسودنة تسويلي ثريدة شكر وماي وخبز

جوري تعال جبارة مو احجي وياك جبارة يمعود اهوو خلي اروح وراه بلكت خالة سكينة تكدر تساعدني

سكينة هلا بجوري هلا يبعد خالتج شمالة جبارة بس يدردم عليج وعلى سلمان

جوري خالة سلمان يعرف امي كاعدة يم خالتها ويريد يروح يستغلني ويستغلها حتى نتنازلة عن حقنة بالورث

سكيتة وشدراج انتي

جوري جبارة سمع سلمان يحجي وية منسية وهيج كاللها

سكينة جا انة شنهي الي اكدر اساوي ليج وليها

جوري خالة عفية انتي تكدرين تطلعين روحي الامي فهميها شيريد سلمان خلي تعوف الناصرية كلها وترجع الكركوك واني باقرب فرصة اهزم اختي وانهزم ونروحلها

سكينة هيج وربج واشوفن هيلة عبني هيج من الله احبنها بس انة ماندل وين خالتها الهيلة ولا ياهي خالتها كلشي ماعرف

جوري خالة فدوة تدرين منو يساعدج ويحفظ سرج

سكينة ياهو هاذ كلهم ذيابة

جوري لا خالة هذا الولد الي اسمة علي كرايبكم

سكينة يا خالة وين عرفتي وشدراج راح يساعدني ويساعدج
جوري ادري لان ساعدتة وكتلة منسية وفريدة ونورية نصبو كمين اله حتى يزوجوه فريدة واني نبهته

سكينة يمة يمة منهن دهر صابهن راحن على عليوي جي خوش ولد وموش مثلهم

جوري خالة فدوة هسة تساعديني

سكينة اي انة باجر من اشوفن عليوي اكلنلة

جوري زين اني اروح اشوف جبارة ليروح يفضحني هسة اريد اطلع من غرفة خالة سكينة واسمع الصياح والعياط مال جميلة وسلمان

ركضنا نشوف شكو اني وخالة سكينة

جميلة وداعت امي وداعة ابوي الا اخلي جدي غضبان وابوي يكسروك تكسر انة تريد تزوج علية بت شلال مامش غير بيت شلال تاخذ منهم مرة

وشمالني انة شناكصني وتاخذ علية شو زغيرة وحلوة ومعدلة وجبتلك ويلاد ثلاثة عليش تاخذ علية

سلمان كصري حسج ماريد اهيسلج حس اي اريدن اتزوج وعناد بيج وبجدج اخذ بت شلال اريدن اناسب الحزب اريدن اصير هيج جبير بالحزب ماناكصني غير اصيرن حزبي جبير والوادم كلها تحسبلي الف حساب وان ماعاجبج الباب يفوت جمل

جميلة بسيطة يسلمان بسيطة انة رايحة الجدي ان الي عميت على روحك

جبارة اي امشي الجدج ابو العرك خلة يخلصنة من سلمان المسودن

جميلة تروح فدوة الجدي يابمسودن شوفو شراح يجيكم من جدي وابوي

سلمان سبع حجارات اشمر وراج

منسية خايب يسلمان حبوبة لاتخلي حرمتك تمشي لهلها عبنهم يخربون كلشي عليك جا ماصبرت لين تخطب وتعرس حتى تكللها ومايكدرون يساوون شي

سلمان حبوبة انة سلمان تعرفين ياهو سلمان الي مايخاف حتى من الموت

جوري كون موت الي ياخذك

سلمان شنهي شكلتي ولج

جوري مو وياك جبارة تعال اسويلك حنونة

جبارة لا لا اريدن اروحن ورة جميلة اشوفن غضبان ابو العرك المسودن شيساوي

جوري هالة سكينة هاي خوش فرصة النة مادام سلمان ملتهي بالعرس وبمشاكلة وية غضبان حتى تكدرين ترحين الامي

سلمان اشوفنجن تتبسبسن وتتهامسن شمالجن

شكينة مامش يخابة هيج جوري اتكلي اكض جبارة ولايروح
انة ماشية يجوري اجيبن جبارة وراده

فريدة خايب شمالك يسلمان جا بدال ماتاخذ بت شلال انة بت عمك احبنك وعلي من انة زغيرة اكولن انة ما اخذ غير سلمان شمالك ماتاخذني واضلن جوة قندرتك جاعدة وخدامتك طول عمري

سلمان شفتي يجوري هيستي حجي اختج هيستي جميلة شلون تسودنت عبني راح اخذ عليها وهاي حسنة شساوت بيوم خذيت عليها جميلة واتي الي ماتساوين صخلة تفضلين المسودن علية

فريدة هسة شكلت يبن عمي راح تاخذني

سلمان لا ما اخذنج واتي فكرتي تتنازلين عن ورثج يو لا

جوري بعدني مامفكرة خلي نفرح بزواجك وبعدين الله كريم فريدة همداج يالصخلة عبنج مارضيتي بسلمان

جوري طبعا ماقبل بي احسن منج اني الي ماريدة مو هو الي ميريدني مثلج تذلين روحج علية ومامعبرج

نورية لاتعايرين بتي ولج بت الفصلية بتي جا خذت شيوخ لوما عملة امج وشردتها

جوري امي شردت من ظلمكم الله ياخذ حقها وحقنا منكم الله يشيلكم كلكم

نورية اتي جلدج يحكج عبنج مامكتولة من زمان شو تعالي خلي افرسنج

جوري استغلو جبارة ماكو وخالة سكينة ماكو لزمني فريدة وامها كطعوني تكطع ماخلصت منهم الا من هد علينة غضبان برشاشتة يريد يكتل سلمان

منسية يا ولك حبوبة شمالك هاذ ابن عمك شمالك علية

غضبان انة سلمان يريد ياخذ مرة على بتي وياهو بت شلال عدوي الي ياما ركض وراي هو الحزبيين وانة اتطافر من حوش الحوش نسيتي

منسية استهدة برحمانك جا هاي شجابها على هاي اهو ياخذ بتة ومن حكة يتزوج اثنين بعد

غضبان ولك سلمان وينك ليش تضم راسك اذا انت زلمة تعال جدامي خل افرغ الجيلات بكلبك

منسية هي تايهة وتفرغ جيلاتك بكلبة وهو زلمة غصبن علية

غضبان ولك سلمان لاتظم راسك تعال

نورية لاتصيح بنص الحوش عبن سلمان موش هين طلع يخطب بت شلال

غضبان والله خوش انوب خلانة كلنة ورة ظهرة وراح يخطب بطرك روحة موش هيج جا هو مكطم يروح يخطب لوحيدتة

منسية لا موش لوحيدتة اخوتة وولاد عمة كلهم وياه وانت مالك دخل الزلمة ياخذ اربعة مامش وحيد يفتح حلجة ويحجي ويكولن لع

غضبان خوش انة اعلمة وكلة من اليوم جميلة ماتصيرلك مرة

جوري طلع غضبان وهو عصبي كلشي بي يرجف كلت يارب انت تاخذ حوبتنة بيهم عساهم واحدهم يكتل الثاني

واني توني ادعي عليهم وبعد الكتلة الي حصلتها بس نسمع صوت طلقات

حبايب اريد تفاعلكم تتوقعون رب العالمين راح يستجيب دعاء جوري لو شنو صوت الطلق

لتنسوني التصويت فدوة الكلبكم

الشعر اليوم عن لسان علي النرجس

وغلسو على السحك 😂😂

تقبلو تحياتي اختكم ارجوان

https://www.youtube.com/watch?v=YFFxXi8Vk1A