انثى في عرين الوحوش الفصل الثالث والعشرون 23 - بقلم الاميرة ارجوان

الكاتبة الاسدية

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم

منسية لا موش لوحيدتة اخوتة وولاد عمة كلهم وياه وانت مالك دخل الزلمة ياخذ اربعة مامش وحيد يفتح حلجة ويحجي ويكولن لع

غضبان خوش انة اعلمة وكلة من اليوم جميلة ماتصيرلك مرة

جوري طلع غضبان وهو عصبي كلشي بي يرجف كلت يارب انت تاخذ حوبتنة بيهم عساهم واحدهم يكتل الثاني

واني توني ادعي عليهم وبعد الكتلة الي حصلتها بس نسمع صوت طلقات

كلت يا الله هيج الله استجاب دعائي
يامن ينطيني خبر عن الي صار

منسية يمة سترك ربي شنو هاذ صوت الفشك احو احو بس لا سواها غضيبان وجتل سلمان

نورية لا يمة اسم الله كون سلمان هو الي جتل غضيبان

جوري مو مهم اثنينهن ربح مو خسارة

منسية خايبة الخايسة تروحيلهم فدوة الموت بيج وبامج واختج يمة شلون كضيني ينويرية اخذيني اشوفن شكو

نورية سمة وين اخذج انتي مابيج حيل تمشين هسة تجي العلوم وانة اكولن علوم خير

فريدة هاذ ياخير وسلمان راح بيها

جوري شفت جبارة جاي يركض صحت جبارة شنو هذا صوت الطلق والرمي شصاير

جبارة انة ماحجي وياج اتي مسودنة وانة زعلت منج

منسية خايب يالمسودن احجي لا اطكك بهاي العصة

جبارة انتي المسودنة كلكم مسودنين ماكولن هاي الجيلات عبن سلمان تزوج بت شلال لو تموتن ماكولن

جوري جبارة حباب تعال اني مو جوريتك يعني غضبان ماسوة شي السلمان

جبارة لا غضبان مشة لاهلة وهاذ عبد طلع سلاحة وكام يرمي هيج فوك

جوري عفتهم ورحت احجي بيني وبين نفسي شتوقع اكو عار يصير بي شي

شوي وسمع اصوات الولد بالبيت

وهوستهم ومبين الفرح عدهم والكل اتبارك السلمان

ماعرف يعني من كل عقلهم يفرحون ويباركون على زواجة الثالث شنو هذا التخلف الي هم بي

منسية بالمبارك يمة بالخير عليك حبوبة منك المال ومنها العيال

سلمان يبارك بيج حبوبة اخيرا ناسبت شلال وكالي راح اخليك بالحزب وياي واصيرن حزبي جبير

منسية اي حبوبة تلوكلك هيج وتكبر وتصير تامرن وتنهي

سلمان اي حبوبة وموش بس هيج

غير شلال خطب بتي زنيبة الابنة مهيدي وانة قريت فاتحتها

منسية بالمبارك زين ماناسبت اول وتالي البت مصيرها بيت زلمتها

فريدة شنهي اخطبو زنيبة الزعطوطة جا وانة شنهي راح اضلن هيج والبنات الي بحلي كلها معرسات وفروخها تارسة الشوارع وانة ضليت

منسية وج فريفرة شمالج جا انة موش واعدتج ازوجنج جا حطيتي عينج على هالفرخة جي انخطبت

فريدة جا هاي زعطوطة كل عمرها اثنعش سنة ومهيدي ماخذ حرمة كبل عليش ماخذاني انة

جوري اسمع حجيهم ومن صدك شبعت قهر على زينب خطية طفلة تلعب وية الجهال وفوك القهر راح ينطوها اكيد الرجال جبير لان فريدة تكول متزوج

الله ياخذك سلمان تضحي ابنتك الخاطر نفسك لان تريد تزوج اختة هيج تشمر بنتك هاي الشمرة

فزيت على صوت صياح وعياط

سلمان شوف غضبان هاي مو اول مرة اتهد علينة

غضبان ساويتها صكد وخطبت بت شلال

سلمان اي خطبت وكلها اسبوع واسوي عرس تحجي بي الديرة كلها

غضبان جا خوش ماترجع عن الي براسك موش هيج

سلمان اي ماتراجع وشتريد تساوي ساوي

عبد موش هيج الحجي يخوي مهما يكون هاذ ابن عمنة ونضل بيت واحد

غضبان لا مانضل بيت واحد وحكنة كلة ينكسم بينة وكل واحد ياخذ الي لية وجميلة هسة تطلكها خوش

سلمان لا ماطلك والا اخليها وكف

حمدان وك سلمانو اتة هيج تحجي وي ابوي اليوم اخر يوم بعمرك

جوري طلعت اركض من سمعت الاصوات عالية والتهديد الي بينهم

شفت حمدان طلع مسدس ويريد يكتل سلمان وبس الهوسة وعبد وجاسم والولد كلها جيتت على حمدان وصار رمي من كوة اخذو المسدس منة

غضبان عدالكم اعديهة ليكم لا وحك العباس ماتمر سلامات

سلمان وحك العباس الي اتحلف بي جميلة ماطلكها لو يصير الدم للرجاب الا اخليها هيج وكف

حمدان وك سلمان المخنث خاتل ورة اخوتك واولاد عمك

سلمان انة موش مخنت انة زلمة وغصب عنك

جوري بلحظة وحدة سلمان جر مسدس وغضبان جر مسدس سلمان ظرب حمدان طلقة وغضبان ظرب سلمان طلقة واثنينهم وكعو بالكاع

منظر اول مرة اشوفة جنت اذا اشوف هيج منظر بالتلفزيون اخاف واغمض عيوني مو بالحقيقة

ضليت بس اعيط واني اشوف الدم عمري ما راح انسة هذا الموقف

اباوع منسية وكعت بالكاع وصارت بس الهوسة

رحت اركض الغرفتي واني اعيط وبس جبارة اجاني يركض

جبارة جوري شمالج هو بس حمدان وسلمان ماتو شمالج خفتي

جوري شفتهم ماتو كدام عيني شفت الدم ماتحمل اخاف

واني ابجي وخايفة واتخيل المنظر كدام عيني وبعدني ابجي اجتني خالة سكينة

سكينة ها يخالة شمالج وجهج اصفر وهيج تختضين خض

جوري اول مرة هيج اشوف شلون كلبهم ينطيهم واحد يموت الثاني شنو الكتل لعبة عدهم

سكينة خالة الموت عدهم لعب والظلم لعب بس لاتخافين مامش بيهم وحيد مات كل واحد يعرف يصوب صواب موش جتال

وهل خذوهم العلي يعالجهم وهسة يردون مثل الحصن كلشي مابيهم

جوري يعني ماماتو

سكينة لا موش مواتة بس حبوبتج وكعت ولا حس ولا نفس وخذوها وياهم

جوري اني ماعندي بيبية عساها بالموت

سكينة لا خالة لاتمنين الموت الى اي واحد خلهم هم وربهم حتمن ميضيع حك واحد

جوري حسبي الله ونعم الوكيل بيهم

اكول خالة شسويتي على موضوع امي

سكينة انة شفت علي اليوم بالزرع وخذيتة صفح وحجيتلة السالفة كالي كولي الجوري خل تطمن

جوري يعني ماكال شنو راح يسوي

سكينة لا ما كال عبني ماضليت وياه خفت لايشوفونة لوحيدنة ويذبون علينة تهايم

جوري يا خالة حتى وانتي مرية جبيرة يذبون عليج تهايم

سكينة اي خالة الي ميخاف ربه كلشي يطلع منه

نرجس من يوم عاهدت روحي ماروح للمكان الي بي علي واني كلش ضايجة روحي تلوب ماتحمل هيج فراك

كمت كل يوم اتقرب من الشط الكاه كاعد اباوع علية من بعيد واسمع صوتة الحلو وهو يغني لو يكول شعر

كل يوم حبة بكلبي يكبر ويكبر

علي مشتاكلك تدري شكثر
كد ماعفت لجلك بشر
شوك النوارس للبحر
هيج انة من اشتاكلك
تعبان تعبني السهر
ولمن ترد حلف الكمر
عن حالي خل يحجيلك

نرجس من سمعت علي ماتحملت رحت علية

كتلة بكثر شوكك الي انة الك مشتاك
ماريدن احلف الكمر كلبي بغرامك ضاك

علي نرجس احينج وحك كل حرف بالقران

الشوك ليج لوع كليبي تلوع

انة من احجي وياج هيج

عبن عشك المعيدي يموت

وانة متت بغرامج

نرجس اوف يا علي وتالي شلون هذا حبنة مالة حل

علي نرجس لاتكولين هيج انة مستعد احارب الكون كلة لجلج

نرجس بس هذول اهلك وعمامك وشوف حالي اني سجينة ابيت غضبان

علي اخذج واشرد بيج الاخر الدنيا

نرجس ويكولون نرجس بت محسن نهبت وشردت وية واحد مو كافي الي يحجوه على امي انوب اني

علي فهميني يبت الناس تالي عذبني عشكج

نرجس واني اكثر منك بس مابيدي حل

علي خوش اشردج انتي واختج وانة الكالكم مكان واخليكم بعيوني شكلتي

نرجس ياريت بس اني حتى اختي ماشايفتهة ولا اعرف عنها شي

علي نرجس انتي مو تكولين غضبان ما متدني ليج

نرجس بخجل اي

علي زين استغلي هاي الشغلة لان غضبان يكول غير شي كليلة اريد اروح اشوف اختي وان ماخليتني اروح افضحك كدام نسوانك وولدك واكول اني بعدني بت

محد لامسني واكيد هو يخاف ينفضح وياخذج الاختج ومن ترحين ليها تكدرين تتفقين وياها من ننزي نشردج اتي وياها خوش

نرجس علي انت متعرف غضبان هذا واحد مجرم ميخاف الله ايدة والضربة واذا هددتة ماعندة مانع يكتلني
ويسكتني للابد

علي لا ميسويها غضبان يخاف من الفضيحة اخذيها مني

نرجس احاول والله كريم

علي نرجس انة احبنج هيج ربج ويجمعنة سوة

نرجس ماصدك احس هذا حلم مستحيل يتحقق علي خل اروح اخاف يكولون وين راحت

علي اريدج بعد تبقين وياي ماشبعت من شوفتج

نرجس ماريدهم يتعاركون وياي

ويالاخص نجاة كلش مراقبتنة اخاف تشوفنة

خوش انة ماشي للزرع كبلج حتى لايشكون بشي

نرجس توة علي مشة مني واني عيني وراه واشوف خالة سكينة اجتي علية وكامت تحجي وياه

غيرت طريقي ورجعت للبيت واشوف جميلة خابصة البيت خبص وتبجي وتلطم

عرفت سلمان يريد يتزوج عليها

انخبص البيت خبص حتى محد انتبه اني راجعة وحدي وماجايبة شي وياية من الزرع

عافونة حمدان وغضب وراحو يهدون على سلمان

عساهم واحدهم يموت الثاني ونخلص

جميلة حبوبة فدوة راح يكتلون زلمتي وج حبوبة تلاحكيلهم

ام حمدان يمة يعيارة النسوان توج جيتي تكليلهم جسروة ذبحوة ولا تخلوة ياخذ علية

جميلة حبوبة حجي السان هاذ زلمتي ابو فروخي وانة احبنة خافن ابوي وجدي يكتلونة شلون

ام حمدان جا يالجلبة خفتي على زلمتج وماخفتي على ابوج وجدج خلهم يادبونة

نرجس عساهم نارهم تاكل حطبهم واحدهم يكتل الثاني

جميلة ولج يالخايسة والكح..... ترحيلهم فدوة ونذر هو مو صوجج صوج جدي الي خذه هيج وحدة ساقطة مثلج

نرجس والله ميحجي عن السقوط الا الساقط

ام حمدان وج جميلة كضيها لية خل امرعدها تمرعد هاي بواكة الزلم

نرجس خفت منهن يكتلني بيهن كل الحيل وية شردتي سمعنة صوت الرمي
عافوني وضلن يلطمن ميعرفون منو كتل منو

اني عني ماكو فرق عساهم كلهم مكتولين

جوري صار العصر والهوسة كلها يمنة العشيرة كلها ملتمة

الي فهمناه حمدان وسلمان اثنينهم هيج بس متصوبين وماخذيهم العلي مطلع الطلقة من رجليهم والثاني بالفخذ ومخيطهم وهسة كلمن يرجع البيتة

بس منسية من خوفها على سلمان صاير عدها جلطة وشلل نص جسمها

يعني لتخافون العار ميموت ولو هذا عقاب رب العالمين بيها خلي تشوف الذله شلونها

رجع سلمان للبيت ولان هم ولد عم ماكو كعدة وعشاير وفصول بس اتفقو يصير صلح بينهم وواحد يرضي الثاني

سلمان شوف عمي انة موش زلمة ان خليت غضبان وحمدان يمشوني بشورهم
بت شلال اتزوجها ان رضو وان مارضو

واذا على الحلال احنة متكاسمين حسب شرع الله

ضلت على حلال حرمتة خلها تتنازل ليه وانة انطيهم حكهم من حلال حرمتة

الشيخ عمي يسلمان ماودنة تصير مكاون بين الاخوان اذا على بت شلال انة اتدخل واروحن الابوها واكللة بتك عدك مثل ما دشينة بالمعروف نطلع بالمعرف

واذا على الزواج وانك تريدلك حرمة ثالثة انة اطيك بتي شكلت

سلمان عمي حجيك على راسي من فوك وبتك ماردنها واتشرف بيك وبيها خلها تصير الرابعة

وبت شلال صارت حرمتي وبتي نطيتها الابن شلال هاذ اخر ححي وغضبان هو وابنة اعتدو علينة وهدو علينة بحوشنة

وهل شفت بعينك انة تصوبت وحبوبتي ذيج بالمستشفي مانعرف تعيش تموت كلة من ورة جميلة لو تموت ما طلكنها واخليها هيج تخلل ابيت ابوها

الشيخ عمي انة اشوفن مايهم بيت غضبان والي رايدة ربك يصير

سلمان عمي مثل ما كتلك بتك بعد صارت الي بس اكمل عرسي من بت شلال امرن ليكم وها انة انطيك هدية بنيت عمي محيسن

الشيخ كون اخت كريمة

سلمان اي هاي هديتي ليك ياشيخ

الشيخ بس عمي تعرف انة عدي اربع حريم هديتك ماكدر اكبلها

سلمان حكك ومتى ما ردت الهدية تلكاها

جوري بعد ما طلعت الزلم والهوسة وروحتهم البيت غضبان خالة سكينة كالت العجين مختمر روحي خبزي

لان نورية ضلت وية منسية بالمستشفى وعبد ضل وياهم

اخذت العجين اخبز شفت فريدة كاعدة على طابوكات بصف التنور وهي تبجي

جوري ها فريدة ليش تبجين

فريدة ابجي على حبوبتي

جوري لتخافين كلشي مابيها هسة يطبون علينة جايبيها وياهم هيج وحدة ميصير بيها شي

فريدة اتي عليش حاكدة على حبوبتي ها ماتعرفين حبوبتي جانت ليلها ونهارها تنوحن على بنات محسن الي خذتهن امهن وشردت

حوري لا مو على بنات محسن على الورث مال محسن لان مسوي البناتة جنسية

صدك فريدة انتي هم عندج جنسية لو لا

فريدة ها انة ماعرف عدي يو لا عبني هيج مالي غيمة يم واحد

شفتي زنيبة الزعطوطة الي لو جنت تزوجت جا بناتي اكبر منها انخطبت وراح تعرس واتي واختج عرستي

وانة اطوني هدية وهم مارضو بية عليش هيج جي انة اخت كريمة جا اتي واختج هم خوات كريمة عليش اتن عرستن وانة لا

جوري هو هذا هم عرس تحسبي اني اخذت مخبل واختي اخذت واحد بكد جدها هو هذا العرس عندج

فريدة موش احسن من ماتكول الوادم عليجن معنسات

انة كل يوم اموتن الف موتة من اسمعهن يتهامسن علية ويكولن عنست يو من يعيرني اخت كريمة

جوري مادري شكلج بس حياتكم وافكاركم اهنا كلها غلط خالين المرية مثل الحيوان مالها قيمة

شنو ينطوها فصلية لو ينطوها هدية لو يخلون تفكيرها كلة بس تريد تزوج

شفتي مصير امي شلون انهزمت من ضلمهم ورادت بس اتخلصنة من هيج حياة

فريدة جا انة اعرف امج شردت بيجن من ظيمها وانة اعرف اخو غضبان ذبح كريمة جي لكاها موش بت عبني جنت زغيرة واشوفنها تتختل بالزرع وي واحد ماتذكر ياهو

بس هيج اعرف امي تجذب وتكول جي هيلة شردت وانة اريدن اصدكنها بس انة اعرف كلة جذب

اكولن هلبت الوادم تصدك كريمة برية ووحيد ياخذني واعرس بس بعد ماكو جارة عار كريمة يلاحكني للموت

وانة اعرف بروحي محد ياخذني واضلن هيج ملطمة النسوان اخوتي ونسوان ويلاد عمي وكل وحدة بيهم تعير بية

جوري لتكولين هيح كولي يا الله ادعي ربج يخلصنة من عرين الوحوش هذا ونخلص من تخلفهم ونعيش بغير مكان وانتي ويانة انتي اختي مهما يكون

واكيد تلكين الي يقدرج وميفكر بذنب اختج يفكر بيج انتي وبس

فريدة هي هاي احلامج عمرها ما تتحقق خل اكومن اخبز

جوري لا اني اخبز انتي روحي ارتاحي

فريدة لا اريدن اليوم انة اخبز اتي روحي سويلج غير شغيلة راح اشجر التنور روحي منا

جوري عفت فريدة تخبز واني رحت ادور جبارة لان صار الغروب وهو مابين من طلابة الصبح

ماكووكلها عشر دقايق واسمع صريخ فريدة التفتت واشوف فريدة تركض والنار شابة بيها من راسها الرجليها

مساء الورد مساء السعادة حبايب كلبي مثل ما اسعدكم بتنزيل البارت انتي هم اسعدوني بالتصويت على القصة
تحياتي الكم الاميرة ارجوان