انثى في عرين الوحوش الفصل الثلاثون 30 - بقلم الاميرة ارجوان

الكاتبة الاسدية

بعدين رجعت وكعدت وية نفسي
اني ما لازم اتبع طريقة جبارة

راح اغير كل مخططاتي

الي عرفتة غضبان رايح البيتة ومن جايين علية الحزب مالاكي مهزوم

مرت الايام بين مد وجزر

وتغيرت هواي اشياء بية

صار كلشي ميهمني

سلمان عافني اعيش بهدوء

بس لانورية ولا جميله يعوفوني يحالي

كلت اتغير وما اتبع طريقة جبارة بالعيش
بس مرات الظروف هي الي تحكمك
تتصرف تصرفات خارج عن ارادتك

اضطريت اتبع نضرية جبارة حتى اكدر اتعامل وية جميله ونورية

سلمان كل يوم يكبر ويكبر بالحزب وصارت الناس اتخافة

لان ميخاف الله ويسوي تقارير تكسر ركبة الواحد

اقتربت نهاية 2002 وبدت الناس تحجي امريكا تريد تحتل العراق

التغيير الي صار بدت ناس غريبة تجي للقرية الي عايشين بيهة

اكثر الناس خايفة من القصف وبالاخص من تسمع خبر امريكا تريد تفني بغداد فني

سلمان وحك علي الي اسمع جلمة امريكا تحتل العراق ادفننة هو وعدل

جا المن الجيش هاذ الي يسد عين الشمس واحنة الرفاق والحزب نفدي ابو عداي برواحنة

زهرة اي ابوي هيج يكول يكول الاخوي ماتكدر امريكا على الريس الله يحفظة عبن الريس عدة ننوي يفنيهم فني

سلمان وج اتي تسودنتي يزهرة هاي اسرار دول عليش تحجين بيهة

جميلة هجم بيتج يزهيره صايرة تحجين مثل الزلم جا اتي شلج غرض

ونوب تعرف الننوي جا هاذ شنهي انة ماعرفة

زهرة اي عود من ابوج وجدج ابو العرك يصيرون جبيرين بالحزب تعرفي موش هسة

سلمان ولجن فضحتنة الحياطين الهة اذانات

جوري مصدكات امهات الوصخ يعرفن النووي ونوب يكولن ننوي

جميلة وج جويرية المسودنة لا عدالج تعرفين ترطنين انكليزي صرتي فد شي كلج بت فصلية وتسودنتي

زهرة اكلج جورية مالج غرض بيهة هاي كلشي ماتعرف احنة انة وياج مثغفات جا انة ابوي وداني للمدرسة صرت صف ثالث وبطلاني

سلمان اسمعن انة كلت العمتي نورية تحضر روحهة خاف يجونة وادم مالهم اهل بديرتنة خلنة نستضيفهم بحوشنة

جميله جا عليش نحط ناس غرب بحوشنة

سلمان مالج غرض الديوان نحط بي الزلم والحوش جبير نحط بي نسوان وجهال جا شتكول الوادم علينة الرفيق سلمان ماضيف اهل بغداد

جميله اشوفنك تريد اتحط عينك على وحيدة من بنات بغداد

سلمان جا ليش لا شناكصني شو شيخ ومهيوب وكل النساوين تتمنالي الرضى

جوري اكره حجيهم التافه عفتهم ورحت ادور على جبارة

اريد اروح على الشط وبالاخص هسة ناس هواي مختلفين عن الي عرفتهم هنا اشوف العوائل وطريقة تعاملهم بينهم شكد حلوه

اشوف البنات الي بعمري وابوهن شلون خايف عليهن وشلون يحظنهن

جبارة ولج جوري جوري المسودنة

جوري مليون مرة كتلك لتكول مسودنة

جبارة بزعل بعد ماحجي وياج

جوري اهووو جبارة لتزعل اني روحي طالعة وهسة ماكو احد من اهلك وتكول مسودنة

جبارة انة مازعل بس تعلمت هيج صار سنين واخافن واحد يهيس انة موش مسودن

جوري جبارة انت ليش متوكف بوجه الكل وتكلهم اني اصحة منكم واريد حقي من عيونكم

جبارة هاذة يا حك يجوري وانة حتى جنسية تثبت انة من بيت ال شنون مامش

هسة جيت اكلج اجوي بيت اخوج ماجد من بغداد

جوري مو مهم اذا اجة ماجد لو ميجي

جبارة لا موش مويجد بوحيده كلهم وياه جايين

جوري ورشا وياهم

جبارة اي هوة وولادة اثنينهم ومرتة وهاذ واحد هم وياهم

جوري خلي اروح اشوف رشا

رحت للبيت حسيت نفسي كلش محتاجة الرشا اول ما طبيت من الباب

شفت بنية كلش تشبه نرجس نفس طولهة ونفس شعرهة والسمار الحلو

كلت بس لا تخبلت وكمت اتخيل نرجس

رشا جوريتي حبيبتي مشتاقتلج

ماصدكت اشوفج من جديد وهي تحظن جوري

جوري انتبهت هاي رشا بت ماجد سبحان الله شكد بيهة شبه من نرجس

حظنتهة حيل وحدهن دموعي تنزل وابوس بيهة بكل لهفة

رشا شنو هاي جوري ليش هيج صايرة ليش متغيرة وين جوري الوردة المفتحة

جوري اخ ينرجس تساليني شبية واني فراكج موتني ودمرني

رشا شبيج جوري اني رشا مو مرجس يعني صدك اشبه عمتي نرجس حتى بابا هيج يكول

ميادة تعالي جوري ماما شلونج اشبيج يا امي ليش هيج صايرة

جوري اخ اشكد اشتاقيت الكلمة امي اخ ياهيلة وينج تعالي شوفي بتج شصار بيهة

حضنت ميادة حيل شكد حسيت بامان بحضنهة

قصي شنو هاي معلية اني اغار اريد حظن من عمتو الحلوه

جوري صح اني اصير عمته القصي بس خجلت من حضني حيل وباسني

انتبهت على محسن وهو ضايج وماعاجبة الجية اهنا فدوة كبران وصاير يشبه ماجد

صحت علية تعال حسوني حبيبي شلونك عمة

محسن شلونج عمة مو كتلج اني محمد مو محسن

جوري حبيبي اني ماكتلك محسن اني كتلك حسوني

ماجد زين اخوج ماكو اله حضن ولا سلام حتى

جوري شلونك ابو قصي شعجب جاي وجايب العائلة كلهة

ماجد والله اشتاقينالكم وبعدين بغداد فرغت من اهلهة ويكولون امريكا راح تسقط صدام والوضع كلش خطر

ميادة جوري حبيبتي تذكرين اركان اخوية

جوري اي اهلا اركان شلونك

اركان الحمد لله اني زين بس ماعرفتج صدك انتي جوري الي شفتهة اول مرة

سلمان ياهلا بالجاي لينة شعجب ماضنيت امهات بغداد يلفن علينة

رشا اجة دراكولا لاهلة

جوري لا ولج شايفة الحسناء والوحش فنسنت

رشا هههههههه اشذكرج بي بس فنسنت يجنن رغم هو وحش بس رومانسي

قصي سمعت ها ترة افتن واخلي دراكولا يجيجن بالليل

جوري كلنة ضحكنة

سلمان جا شمالك اتة ماييع غير تصير زلمة

قصي عمو راح اعديهة الك الخاطر الواكفين اني رجال غصب على الكل

بس الرجولة مو حقارة وامر ونهي الرجولة شلون تعرف اتعامل اهل بيتك

سلمان وك شتريد تساوي ها احترم ولاتنسة اتة ضيف ابيتي

ماجد لا هو مو ضيف هذا بيتة وبيت ابوه وجدة وعمامة

وان ماعجبك باجر اروح اسوي قسام شرعي وكلمن ياخذ حقة

سلمان لا انة موش هيج كصدي عليش هيج تعصبت

ماجد اني جايب عائلتي ابيت ابوية شوكت ما تمر الظروف على خير شهر شهرين سنة احنة كاعدين

سلمان كل الهلا بيكم والدار داركم هي الوادم كلهة لفت الديرتنة وانة اضن ناس هم يلفون لينة

جوري رشا انتي وخالة تضلون يمي بغرفتي اشكد مشتاقتلج

ميادة اي حبيبة والله ياريت

جبارة جا انة وين انامن بالجول

جوري لا انت اتنام يم خالة سكينة

جبارة ما مالي غرض انة اريدن بحجرتي

جوري جبارة تعال احجي وياك

اخذت جبارة ورحت على صفحة شنو الموضوع موعيب هيج تسوي

جبارة انة مارضى ميادة تنام بحجرتج عبن اخوهة كل شوية يساوي حجة حتى يدش عليجن

جوري وشنو يعني غير اختة وبت اختة ويجي يشوفهن

جبارة اي اختة وبت اختة مالنة غرض بس اتي شلون يضل يسولف وياج

جوري يا صدك تحجي واني شنو ويحجي وياية وحتى لو يحجي وياية شكو بيهة وانت شعليك

جبارة شوفي انة صح مسودن وصح اتي بحسبة اختي بس من يحجون يكولون حرمة جبارة وانة مارضى يحجول على حرمتي ويكولون عليج موش خوش

جوري وانت تعرفني عمري ماصير مو خوش وافكر بنفسي قبل مافكر بالناس وبعد ماريد حجي بالموضوع

رجعت الهم واني متشوقة اكعد وياهم

ميادة اكول جوري مو مشكله احنة انضل باي غرفة حتى لو وية خالة سكينة

جوري لا عمري ام قصي راح تبقون يمي وجبارة تعرفين فقير وعلى نياتة

اركان زين جوري انتي صدك اتزوجتي جبارة المخبل

جبارة لاتكول مسودن كلكم مسودنين وانت المسودن خوش لا اطكك بحجارة

ماجد لا جبارة بطل وحباب وعاقل مو صحيح جبارة واركان ضيف عندك ميصير انزعل الضيف

جبارة لا مازعلنة بس لا يكول علية مسودن عبن هو المسودن

قصي جبورتي تعال وياية نروح للشط ونشوف الزرع

جبارة جا هاذ يمشي ويانة لايضل يم النسوان

ماجد بابا قصي زين رايح للشط الجو بارد وهسة وصلت موتعبان تريد ترتاح

قصي لا بابا خلي اشوف المنطقة

ماجد زين راح اجي وياك اني ومحسن واركان

محسن والله ماروح وهسة اعوفكم وانهزم ماريد اضل اهنا

ميادة ليش ياماما شعندك اهنا تونس واطلع شوف الزرع

محسن اذا اضل اهنا بابا راح يضل يصيحلي محسن واني اكره الاسم

نورية جاشمالة اسم محيسن موش اسم جدك وانة موش حبوبتك ماجيت سلمت علية يو بس بت الفصلية عمتك

ماجد شلونج يمة سالت عليج كالو نايمة

ميادة شلونج عمة شلون صحتج

نورية وهي تعوج حلكهة انة كواكة مايحتاج تنشدين على صحتي

رشا يا ولج جوري هاي بيبي اتكول انة كوا...... موعيب

جوري ولج اش مو كوا.... لا كواكة يعني زينة

نورية واتي يرشيوة جا ماتجين اتحبين حبوبتج يو كلش ماتشوفن غير بت الفصلية

رشا هاي وياية بيبي تحجين

نورية جا هية جم رشيوة عدي

رشا بيبي اني رشا مو رشيوة

نورية جا غير انة احبنج واكولن عليج رشيوة

ماجد يمة جبت عائلتي وجيت لان الوضع كلش بغداد فرغت من اهلهة

نورية اي يمة هلا بيك خلني اشبع منك ومن فريخاتك

ماجد لا اني ارجع لان عندي دوام بالمستشفى وميادة يمكن هم ترجع اذا متطلع اجازتهة

رشا لا بابا اذا انت وامي رجعتو اني ارجع وياكم

محسن واني هم ارجع

ماجد وين ترجعون يصير ميصير اكدر اجي اذا وحدي باي طريقة اوصل

ميادة فدوة مجودي ماتفقنة ترجع انت كلت تضل ويانة

ماجد مو تعرفين اجازات ماكو وخفارات وانذارات ومنا الصيدلية ومنا البيت صدكي اذا صار شي اجي ماضل

جوري خالة سكينة فدوة اريد فراشات الرشا وامهة راح يضلون يمي بغرفتي

نورية شنهي شني يضلن بحجرتج جا حجرتي شمالهة مايضلن عدي

ميادة لا عمة علمود رشا تريد تضل وية عمتهة تعرفين نفس العمر

جميلة ولج زهيرة الحكي ولج راح يطير منه سلمان

زهرة يمة فال الله ولا فالج

جميله جا تعالي شوفي الطركاعة الي لفت علينة

زهرة ياستار ياربي شنهي الطركاعة

جميلة جا غير رشيوة بت ماجد جت لينة وارح تضل عدنة

زهرة وشنهي خل تضل جا شكو بيهة

جميلة يا شمالج مابيج خير وكلشي ماتعرفين جا غير تجلب بسلمان وخافنة ياخذهة علينة

زهرة يا صكد تحجين وسلمان ياخذ علية مرة

جميلة اي وشلون مرة بت بغداد تفر راسة فر علينة وميشوف غيرهة من ياخذهة

زهرة يااا غير اكطعهة تكطع جا هي كوترة تاخذ سلمان مني

جميلة اي اريدنج هيج كلش ضلي وراهة ولاتنطيهة مجال تلوف علية

زهرة انة ماشية اشوفنهة خافن صكد تلوف على زلمتي

جميلة اي خوش خل سلمان يكتلج كتله زينة ويطلكنج وانة اعرف رشيوة ماتفكر بسلمان واخلص منهة ويضل سلمان بس ليه

رشا اكول جوري شبي جبارة

جوري مابي شي ليش اشفتي علية ترة هو هيج طبيعي

رشا اشبيج اني ماحجيت شي بس احس يغار عليج

جوري لا يمعودة هذا وينة وين الغيرة هو كلشي ميفتهم

رشا يعني حتى هو مو مثل الرياجيل ويعرف شنو زواج وهاي الامور

جوري هاي شبيج رشا اكلج كلشي ميفتهم اتكلي مثل الرياجيل شوفي عقله مثل الطفل

ميادة اكول جوري انتي ليش متطلكين من جبارة وتروحين منا شنو عجبتج هاي عيشتج

جوري ليش هو جبارة يعرف يطلك هاي اذا زواجنة جان شرعي هو فاقد الاهلية واني مغصوبة

ميادة زين هسة اشوف وضعج مو مثل قبل يعني تكدرين تطبين وتطلعيين اخذي جبارة ونهزمي منا

جوري ونرجس

ميادة اسم الله شبيج جوري نرجس ماتت شنو نسيتي

جوري مو ماتت انذبحت ولازم اخذ ثارهة من الي ذبحهة لو اعرف اخر يوم بعمري

رشا والله حقج بس هذا الكلب 🐕 غضبان مهزوم محد يعرف وين شنو تضيعين حياتج ومستقبلج تنتظرين يرجع

زهرة اكلج اتي ام شعفة ارشيوة شعدج وي زلمتي خاف عدالج تفرين راسة بشعفتج وبالحمر والاخضر الي تارسة وجهج بي يفكر ياخذج علية

رشا جوري هاي منو وشدتحجي مافهمت

جوري هاي زهرة مرت سلمان الثالثة وتخاف منج لاتاخذين سلمان منهة وتزوجي

رشا اني اتزوج دراكولا من كل عقلهة تحجي

زهرة جا جميلة كالت هيج اتي تلوفين على سلمان وتاخذينة

جوري روحي منا زهرة لاتكب سواديني عليج وعلى الحية الي قشمرتج ودزتج ترة رشا متخلي سلمان خادم جوة رجليهة

زهرة يا تروحنلة فدوة جا هو غير سلمان مامش زلمة مثلة بكل الديرة

جوري اي صح الديرة بيهة زلم بس سلمان دونكي مو مثل الزلم

رشا 😂😂😂 ولج حلوة دونكي هاي ودراكولا هم

زهرة جا دوكي هاي شنهي زين موش زين

ميادة اي خالة كلش زين روحي ديري بالج علية لاياخذنة النسوان بس مو رشا حبابة

رشا عزة جوري هذني صدك هيج يفكرن اني اباوع على دراكولا شبية تخبلت

جوري بعدج اشايفة راح اشوفج العجايب منهن وبالاخص اذا شوية تقربت يم سلمان

رشا وهي تشاور جوري شفتي خالو اركان شلون يباوع عليج

جوري لا ماشفت ولا اريد اشوف

رشا تدرين من يوم شافج وهو بس يسال عليج

ميادة ها رشا كمتي تتبسبسين وية عمتج صارت بيهة اسرار مو

رشا يمة فديت هيج عماتو

جوري خلي نطلع منا اختنكت

رشا اي ياريت وين نروح

جوري نروح للشط شوفي شكد ناس جايين من بغداد

رشا اي عفية لان بيهة من اهل بغداد بلكي بيهم عرف

ميادة روحي انتي اني ماكدر تعبانة من الطريق راح اخذ مسكن وانام شوية

سكينة خالة جوري هاذ الفرش الي ردتي وانة اروحن اخبز تحتاجين شي

جوري لا خالة شكرا

ميادة اجي اساعدج خاله

سكينة ياعيبة العيبة اتي خطارنة جا شلون نتعبج وايدج ماماخذة على الخبز ضلي اني اخبز وزهيرة تساعدني

ميادة ماما رشا عينج على اخوج حمودي ليروح يغرك وهذا قصي ميهتم

رشا صار ماما

جوري طلعنة اني ورشا للشط ونشوف الناس هواي شوية وشفت ماجد واركان واكفين وقصي يركض يلعب رياضة

انتبهت على اركان شلون يباوع علية
هذا هم بطران

حبايب كلبي شتتوقعون علاقة اركان وجوري راح تطور

وشنو موقف جبارة من اركان

تقبلو تحياتي اختكم الاسدية

وفضلا وليس امرا دعم للكاتبة المبتدأ Rawan3355rawan

وها لتنسوني بالتصويت 🌟🌟🌟 احبكم

شبيه اركان 👇