انثى في عرين الوحوش الفصل الحادي وثلاثون 31 - بقلم الاميرة ارجوان

#الكاتبة الاسدية#

وينج انتي
وليش رحتي
وليش للحبج نكرتي
وليش ما همج شعوري
ولاعذابي ولا صرختي
وينج انتي
لا ولا مريت مره ابالج وعني سئلتي؟
وما عرفت شلون رحتي ؟وليش رحتي؟
وين ذاك الشوك راح ؟و وين عن دربي ابتعدتي؟

ميادة اشبيج محسن وين ليش ماجبتي وياج

رشا ليش مارجع للبيت

ميادة لا مارجع وين عفتيي اخوج يمة ابني وين راح

جوري هو رجع قبلنة للبيت كال الدنيا باردة حتى كتلة ارجع وياك ماقبل كال اندل ارجع وحدي

ميادة يمة وليدي مارجع خلي اروح ادور علية

جوري طلعنة نركض اني ورشا وميادة وحتى جبارة طلع يركض

رجعنة للشط اندور ماكو نسال اكو واحد اليوم غرك لو نزل يسبح الكل تكول لا ماشفنة هيج شي

جوري ميفيد كلنة ندور بنفس المكان ام قصي انتي رجعي للبيت اذا اجة دزيلنة خبر وانتي رشا متندلين شي دوري داير مداير البيت واني وجبارة نروح ندور علية اكيد نلكاه وين يروح

ميادة لا ابد مارجع للبيت وابني ماكو شمدريني وين راح خاف غرك

سلمان هاذ ياهو الي غرك

رشا اخوية محسن ماكو

سلمان وين راح وشنهو تكولين غرك

رشا هو جان ويانة اني وجوري يم الشط وعافنة وراح للبيت ومارجع

سلمان اي اكيد تغفلين عنة جا محتارة تتمعشكين اتي وهاذ رفيجج الي بالكلية شنحصل من الكليات غير كسرة الوجهة وطيحان حظجن

ميادة اسمع سلمان احترم نفسك شنو تتمعشك شنو رفيجهة احنة وينة وين هذا الحجي

سلمان طبكم طوب عساكم هل ضاع ابنج وجاية تكليلي احترم نفسك خل بتج تتحشم جايبة صويحبهة وياهة ليهنا والله وحك علي ان شفتهة وياه الا ادفنهة بمجانهة

رشا انت شنو من بشر مو عيب تحجي

ميادة بس رشا ولا كلمة خلي ندور اخوج هسة

سلمان ردن للحوش مايضيع بديرتنة عبني كلهة الوادم تعرفني ان كال الا اي واحد انة من ال شنون يجيبة للحوش

ميادة مستحيل ارجع بدون ابني

جوري خلي ندور علية اني وجبارة وانتي ورشا دورو قريب من الزرع لتروحون بعيد لتضيعون دربكم

ميادة رشا حسابي وياج بعدين

جوري مشينة اني وجبارة ندور شكد منمشي جبارة ولا كلمة نطق

اكول جبارة هسة وين نروح الولد راح ييضيع

جبارة امشي وياي ومعليج

جوري زين انت ليش متحجي

جبارة شايفة مسودن يحجي

جوري بس انت مو مخبل

جبارة لا مسودن اثبتي انة موش مسودن

جوري شبيك جبارة ليش هيج متغير

جبارة مامش تعاي خلنة نروح يم الجيحة

جوري شنو جيحة

جبارة هيج عبني نسيت اتي مثغفة وماتعرفين حجينة احنة ناس همج نسيت

جوري جبارة شنو هذا الحجي متكلي شبيك احجيلي

جبارة اكلج امشي لا اطكج بحجارة عبني مسودن يو اكلج ردي للحوش انة ادورنة وحيدي

جوري لا اجي وياك ماشوف غير جبارة راح يركض حتى مالحكت اروح وراه

ضليت ادور وبالي يم جبارة ليش هيج متغير شنو الي صاير وخلاه هيج زعلان

مشيت وحدي حسيت نفسي اني الي ضايعة ماعرف وين اتجة وين اروح ادور علية

اخر شي رجعت كلت بلكت الكاه راجع للبيت

وصلت للبيت ماكو احد لا رشا ولا ميادة

جميلة ها ارتاحيتي يم العشك ضيعتي الفرخ ورتاحيتي خل يفيدج الواجفة تتمعشكين وياه

جوري وخري من يمي لا سوادين الدنيا كلهة اطلعة عليج وبعدين شنو تتمعشكين ها شنو تتمعشكين

حسيت نفسي نفاخة وتريد تنفجر ماشوف نفسي الا هاجمة على جميلة طلعت شكو حركة بكلبي بيهه اجتي خالة سكينة وزهرة ونورية يركضون من عياط جميله

سكينة خالة عوفي البت راح تفطس جوة ايدج

نورية يبوووو الحكولنة المسودنة كبت سوادينهة

جوري خلي اراويج السوادين انتي هم واجيت على نورية

ماصدكت نفسي هيج راح اتصرف

قصي عمة شكو شبيج شنو هذا صياحكم

نورية تعالي يحبوبة هاي المسودنة كبت سوادينهة علينة مرعدتنة تمرعد

جميلة وحك علي ان ماخليت سلمان اليوم ينيمج بصف اختج ماتسمة جميله

جوري يمة يمة كلبي كام يرجف ويخاف جبتولي طاري السبع

جميلة سبع غصب عنج وراوينج السبع شيسوي اليوم

قصي هسة متكلولي شكو شنو هاي الهوسة

جميله الي صار اختك وعمتك تيهن الفرخ عبنهن ملتهيات يتمعشكن وي رفيج اختك بالكلية

قصي شنو ضيعو يافرخ

نورية اخوك محيسن

اركان شنو محسن ضايع وين راح ليش مادورتو عليه

قصي امشي خالو ندور علية خاف غرك

اركان امشي ان شاء الله نلكي

جوري اجي وياكم لا اروح اسوي جريمة

اركان انتي اصلا جريمة

جوري شنو تقصد

اركان شنو يكولون تتمعشكين وية واحد شنو القصة

جوري هذا موضوع يخصني اني وميخص احد

قصي خالو فدوة اخوية ضايع عوفنة من هذا الحجي

جوري هسة وين نروح

قصي نرجع للشط بلكت نلكاه هناك

جوري لا ليش نضيع وقتنة بمكان مليون مرة دورنة بي اني شفتة اتجة ناحية البيت

اركان خلي نفوت على البركة مال البط الي جنة يمهة البارحة

جوري ضلينة فتر وندور ونسال تكول فص ملح وذاب

صار العصر رجعنة للبيت بلكت نلكاه راجع هم ماكو وبس ميادة متخربطة ورشا منهارة

ميادة ولك يمة قصي اخوك ضاع يمكن غرك ومات ولك اخوك يمة راح من ايدي شورطني وجابني لهنا على منية اخوك اجيت

قصي ماما فدوة لتكولين هيج والله هسة نلكاه بس انتي ادعيلة

رشا والله اموت نفسي اذا اخوية صار بي شي

جميلة اي امهات الزلم يسون العمله وراهة يموتن روحهن

جوري ها اجيج ولج انتي متوبين

جبارة ها وهو هلا وهلا لكيت محيسن جبناهة وجت ويانة وهو يهوس 💃🏿💃🏿💃🏿💃🏿

جوري كلنة ركضنة نريد نشوف صدك جبارة لكاه المحسن

شفنة محسن طب وراه للبيت وهو صار البجي والمحاضن والبوس

ميادة وين جنت يمة ولك ليش هيج تشلع كلبي

محسن اني جنت يم بيت هذول يسموهم جدي غضبان

جوري شنو شوداك يم بيت غضبان وشلون رحت الهم وين تعرفهم انت

محسن من عفتكم ورجعت للبيت شفت رجال بوسني وسلم عليه وكال هو عمي حمدان وكال احنة عمامك وتعال وياية شوف الجلاب شكد حلوات ورحت وياه

ميادة شلون تروح وياه انت متعرفة جم مرة كتلك متحجي وية واحد غريب مو انوب تروح وياه

محسن شمدريني هو كال اني عمك ويعرف بابا وقصي وماما ورشا

جبارة هوي هوي جا شمالكم غير انة لكيت محيسن غير تكولون عفية

ميادة فدوة الكلبك جبارة انت وردة 🌷

قصي لك والله انت بطل

جبارة جا هو حمدان من لكيت محيسن كالي كول لمويجد اكدر الدغنة اذا مويجد يندك بغضبان

جوري شنو هذا تهديد وشيقصد حمدان

اركان يمكن علمود الوضع والحرب والناس مشغولة والحكومة داخلة انذار غضبان راح يرجع

جوري اي هلا بي خلي يرجع الاجله ومنيتة الا اكتلة بيدي والله

سلمان جا خوش من نسوانة تاخذ مجانة وتاخذ ثارنة عليش خل نلبس شيلة ونجعد ببيوتنة

جوري ياثار هذا الي تكول عليه ثارك صار اكثر من سنة من ذبحو نرجس بلا ذنب ما اخذت ثارك ها ما اخذتة شنو الي مسكتك عن ثارك

سلمان اتي مالج غرض هاي امور الزلم موش النسوان

جوري تعال اريدك

جبارة ما مالي غرض اريدن اروح العب وي الجهال

جوري تعال اسويلك حنونة واسويلك اكل وروح العب

جبارة ما ماريدن اكل امي المسودنة تسويلي اكل

جوري تعال حباب اني مو جوريتك تعال اسمع كلامي

جبارة مالي غرض خل افلت

جوري عافني جبارة وراح طبينة الغرفتي اني وميادة ورشا ومحسن وميادة بسس تحضن وتبوس بابنهة

خطية خالة سكينة سوتلنة اكل وجابتة بس وين منو يشتهي ياكل

صار الليل وقربت السنة تنتهي

قبل ساعة 12 وكهرباء ماكو مشغلين الفانوس وكاعدين مسولف الا بقية البيت من ساعة 6 نايمين

طبو علينة قصي واركان شايلين كيكة وخالين بيهة شمعة وطبو يغنون

ويركصون ورشا ومحسن انظمو الهم تكولون عرس مو نهاية سنة

ميادة هاي مين جبتو الكيكة الله عليكم لو جايبين صمون احسن منهة

اركان اها كامت تعيب انتي ماشفتي شلون دبرت الكيكة

رحت على واحد ايبيع كعك كتلة اريد كيكة كال ماعدنة كيك بس كعك

كتلة اني اسوي كيكة اصلا اني خبير مال كيك

وكتلة اركان مساعد مالتي بس انطيني مواد كال ماعندي بيض

رحت اشتريت بيض وكعدنة نخربط تخربط اخر شي ابو المحل راد يطردنة

انطيتة عشرة لاف وسكتة وكملت قالب ماكو حطيتهة بطاوه جانو مسوين بيهة بيض ماكلين وريحة الزفر

رشا عوووع كافي لعبت نفسنة والله لو تموت ما اكل منهة

اركان دسمعي خلي يكمل وبعدين احكمي

قصي اي خلي اكمل ردت اغسل الطاوة ماكو جلافة انطاني كونية كصلي منهة وزاهي ماكو المهم بالكونية غسلتهة

وحطيت بيهة الخلطة وخليناهة بالفرن هسة حطيناهة جان يجيبون سمج ويدخلوه وياهة بالفرن

ميادة ولك ماما لو ساكت احسن متوازي مو شرط الا كيكة

قصي مو عيب اليوم الا اختي حبيبتي تاكل كيك ولازم اتخلصهة كلهة

رشا والله لو تموت ماخليهة بحلكي

اركان لا مستحيل هو هذا جزاء التعب مالتنة ولازم تخوضون تجربة جديدة كيك بالسمك والبيض المقلي

قصي واهم شي عمتي حبيبتي تنطي رئيهة بالكيكة

جوري لتخليني اخليك تاكلهة كلهة

ضلينة نضحك ونتشاقة صدك من كل كلبنة ضحكنة ونسينة موقف محسن

قصي هسةوصل دور تقديم الهدايا اول شي ماما حبيبتي هديتي الج هذا القران مالكيت اغلى منه اقدملج

وانتي رشا جبتلج قلم حمرة بلكت تصيرين حلوة وواحد ينعجب بيج ويخطفج من عدنة ونخلص

رشا يا حقير اني مو حلوة ولك اني احلى وحدة بالعشيرة اشبه عمتي

قصي لا والله تشبهين منسية هههههههه

رشا كون الله ينسيك بعد ماحبك وماريد هديتك

قصي ميرد الكريم الا البخيل ولتنسين الكيكة

وانتي يا احلى عمة بالكون كلهة جبتلج هاي ربطة اتخليهة على راسج بدال هاي مال جديتي

جوري تسلم حبيبي الله يحفظك

وانت حمودي هاك هاي اتاري على البطاريات تشغل نفسك بي ولتطلع منا منا

اركان اجة دوري الاختي وامي حبيبتي الي عمري ماحسيت اني يتيم بوجودهة
هاي كلادة ملاك صح هي مو ذهب بس لان ملاك وانتي ملاك جبتهة الج

وانتي رشا هم جبتلج كلادة على شكل وردة 🌷 لان انتي وردة

رشا شكرا خالو حبيبي وهي تضرب قصي سمعت الكلام الحلو اتعلم شوية

قصي هذا يجاملج قابل صدك انتي وردة

اركان لا لا 🌷 الورود

وانت احلى حمودي بالدنيا هاي جبتلك كتاب قصص مغامرات كلش حلوة اقراهن احسن من الملل الي انت بي

محسن شكرا خالو 😍

اركان واعتذر منج جوري اتذكرتج اهناك وجبتلج هاي الكلادة

جوري وانت ليش تذكرني وشنو صلتي بيك حتى تجيبلي هدية 🎁

ميادة شبيج ياماما شكو بيهة هو جايب للكل مو بس الج وتفسريهة غير تفسير

جوري اني ماريد هداية من احد ولا اريد اي واحد يتذكرني

اركان لا تاخذين الهدية وشوفيهة شنو جبتلج كلادة على شكل قلب ❤

جوري كتلك ماريد منك شي كلشي ماريد افتهمت ماريد

عفتهم وطلعت من الغرفة واني ابجي ماعرف ليش هيج اتصرفت وية اركان ليش هيج صايرة مادري

اركان هاج هاي هديتج

جوري انت شنو متفتهم كلامي كتلك مااريد هديتك

اركان لا افتهم كلش زين بس انتي الي متفتهمين جبتلج قلب ❤ تعرفين شنو اقصد يعني اني سلمتج كلبي بايدج

جوري واني ماريد لا هديتك ولا كلبك اريدك بس تعوفني بحالي

اركان واني ماراح اعوفج جوري اني احبج

جوري شنو اتحبني نسيت اني متزوجة

اركان اعرف متزوج جبارة المخبل واعرف زواج باطل واعرف اني احبج وشتريدين تسوين ماراح تكدرين اتخليني ما احبج

جوري واني كتلك ما احبك ولا راح احبك وهاي اخر مرة اكلك ابتعد عن طريقي

اركان واذا مابتعدت عن طريقج شتسوين

جوري اتصرف وياك غير تصرف

اركان يعني شلون مثل هيج 😘😙💋 وهو يبوس جوري بكل حب 😍 ولهفة

جوري انت انسان ساقط وسافل شنو هذا تصرفك

اركان احجي الي تردي المهم اتاكدت انتي اتحبني وبلحظة ذبتي بين ايدية

جوري روح منا لا هسة الم الناس عليك واخليهم طلقة وحدة بكلبك ويشمروك بالشط لان اعتديت على شرفهم

اركان اوك راح اعوفج لان الي ردت اتاكد منة تاكدت وها لتنسين هاج هذا كلبي حافظي عليه

جوري فتح ايدي وحط الكلادة بايدي وراح اني شمرتهة علية وكعت بالكاع

عافهة وراح واني ضليت اغلي من القهر
شوية هدأت باوعت بالكاع الكلادة موجودة شلتهة كلت باجر ارجعهة اله

ضليت كاعدة كل شوية صفنة تاخذني وصفنة ترجعني

اتذكرت اركان من باسني وشنو احساسي بلحظتهة ومدى اندماجي وياه

مو شرط عندي مشاعر تجاهة يجوز لان اول مرة اجرب 💋

جبارة وهو يغطي جوري بالجاكيت مالتة شنو ماحسيتي بالبرد

جوري اي صح ✅ باردة خلي اطب جوة ردت اتهرب من جبارة

جبارة جوري اريدن منج شغلة ماريدن تدنكيلي راسي عبنج هسة حرمة جبارة

جوري انت تعرف زواجنة جذبي واني ماسويت شي ينزل راسك

جبارة لاتنسين انة جبارة الي يحرسج حتى بحلامج يعني كلشي اعرف

جوري جبارة انت ليش متغير ليش ما احس بيك مثل الاول

جبارة جا نسيتي انة جبارة المسودن الي مايركد على شي

جوري جبارة كلي شنو الي تريدة

جبارة اريدج تدشين بحجرتج

جوري عافني جبارة وراح هذا هم قصة وحدة ماعرف شنو الي يريدة

مرت الايام وبيوم بالليل سمعنة صوت قصف

ميادة شغلت الراديو وسمعت امريكا بدت حربهة على العراق

ما احجيلكم عن المنطقة الي احنة بيهة شنو صارت الناس الي بيهة

حتى الي ماعدهم اهل ومعارف اجوي الهة الي كعدو بالمدارس الي هي اصلا من طين ومو امينة والي كعدو بالجوامع

من غير الناس الي فتحت بيوتهة الهم وبيتنة من ضمن البيوت الي كعدو بيهة اكثر من عائلة

حبايب كلبي قصتنة شارفت على الانتهاء
وماعرف شنو الخلل الي صار عندي او بالواتباد كله

من ادخل للبرنامج تنفتح عندي صفحة 📃 بيضة فقط وكلشي ماكدر افتح

تقبلو تحياتي

اختكم الاسدية

لتنسون التصويت 🌟🌟