انثى في عرين الوحوش الفصل الثاني وثلاثون 32 - بقلم الاميرة ارجوان

#الكاتبة الاسدية#

ما احجيلكم عن المنطقة الي احنة بيهة شنو صارت الناس الي بيهة

حتى الي ماعدهم اهل ومعارف اجوي الهة الي كعدو بالمدارس الي هي اصلا من طين ومو امينة والي كعدو بالجوامع

من غير الناس الي فتحت بيوتهة الهم وبيتنة من ضمن البيوت الي كعدو بيهة اكثر من عائلة

واكيد هاي العوائل وياهم شباب بس كان سلمان وعبد وجاسم كلش متحفضين على وصولهم يمنة حتى نصبو حاجز من الخوص بين المظيف وبين مكان العوائل

جبارة جوري جوري تعاي جاي

جوري اخيرا حنيت علية وحجيت وياية

جبارة اريدنج بعد سويعة يم الشط ماريدن احد يعرف بيج طالعة ماريدن اي واحد وياج موش تنسين

جوري شكو شنو الي صاير

عافني وراح وخلاني حايرة شنو الي يخلي جبارة يريدني وحدي

ماعرف شلون خلص الوكت حتى بس اروح للشط

رشا جوجو حبيبتي وين رايحة

جوري طالعة اتمشة روحي طاكة

رشا اي والله كلش ضوجة وخنكة ومنا امي بس تبجي على بابا منعرف شنو مصيرة

رشا ان شاء الله يجي بالسلامة لتخافين عليه ابوج سبع

رشا ان شاء الله والله ياجوري كلبي كلش مامطمن يكولون حركو بغداد حرك وماكو لا طرق ولاشوارع ولا جسر كلهة فجروهة

جوري الله يستر وتعدي على خير اكول

رشا ارجعي ليروح يشوفج محمد ويحجي وياج ماناقصين مشاكل

رشا لا ما احجي وياه اتفقنة على وقت معين ومكان مامبين نسولف بي

جوري انتي شنو قصتج وية محمد رشا ديري بالج لتوكعين نفسج بمشكلة

رشا صراحة اني ومحمد واحد معجب بالثاني وهو ينتظر بابا من يجي حتى يتعرف علية ومن نرجع البغداد يخطبني

جوري متاكدة لو هيج بس يريد يضيع وقت لان هنا ملل ويريد يشغل نفسة بشي

رشا لا هو صدك ناوي على زواج وحتى عرفني على امة وابوه

جوري ان شاء الله يتمم على خير وربي يسعدكم

رشا يلا امشي خلي نطلع اختنكت

جوري لا اريد اروح وحدي

رشا اهاا اكول اركان طلع وحدة قبل شوية فهمت

جوري شنو الي فهمتي شغلية باركان طلع وحدة شنو الي يخصني بي

رشا اي مو مهم الي تكولي المهم الي اني مقتنعة بي باي عمتو زوجة خالو المستقبلية

جوري لج رشا والله من اجيج اشوفج سوادين جوري

رشا 😂😂 فديت السوادين

جوري اوف خلي اروح بسرعة اخرتني
امشي وصلت للشط لكيت اركان كاعد على الحافة مالت الشط

دورت جبارة سمعت صوتة من وراية
جبارة تعاي وراي قبل لايشوفج العاشك الولهان

جوري احجي شنو الي تريدة مني لو اعوفك وارجع

جبارة اذا رجعتي انتي الخسرانة اني ماشي ون جيتي وراي كيفج

جوري حسيت يحجي بجدية واذا ماروح وراه اني الخسرانة

مشيت وراه وهو يمشي سريع اريد بس الحك بي ماكو صحت علية جبارة على كيفك تعبت وين ماخذني

التفت الية ورجع يمشي بس ابطأ من الاول

صار الفضول يقرا عندي الف
مشينة حتى ماعرف وين وصلنة ويمكن اذا عافني جبارة اضيع دربي

اخر شي وصلنة يم بيت زغير من طين وحتى باب مابي مخلين بطانية مسويهة باب

جبارة دشي جوه

جوري وين اطب جوة بيت منو هذا وليش جايبني هنا

جبارة شكثر تهذرين دشي اهو انة داش كبلج ان ردتي دشي وراي وتعرفين

جوري سمعت جبارة يكول ياساتر وتحمحم وطب جوة

اني خفت اضل وحدي طبيت اركض سمعت مرية اتكلة هلا يمة جابر تعال دش ياهي هاي البت الي وراك جوري يو نرجس

جوري انتي منو وين تعرفين جوري ونرجس

هيلة وج جوري يمة

جوري من سمعت صوتهة عرفت هاي امي حسيت رجلية متتحمل تشيلني وجسمي انشل من الحركة

هيلة اسم الله يعليج يمة شبيج شجاج حاجيني يمة جورية يابعد امج

جوري فتحت عيني اباوع هاي صدك لو حلم اي صدك هاي امي هاي ريحة امي وصوت امي وحنان امي

اي حسيت روحي اني بالجنة يمكن اني متت.ورحت للجنة وربي جمعني بامي

اباوع منا ومنا بلكت الكي نرجس يمهة

هيلة يمة يجوري يابعد امج حاجيني سمعيني صوتج ريحي كلبي خليني اطمن عليج يابعد كلبي

جوري اخ يمة هاي صدك انتي مو جاي احلم ولا متت ورحت للجنة ولكيتج

واني احضنهة واشم وابوس بيهة

هيلة شلونج يكلبي يمة ماصدكت شفتج وحطيتج بحضني ولج يمة احجيلي اخيتج شلونهة هم تشوفيه جا هاذ غضبان مامات وخلصت منه

جوري من سمعت هيج انهاريت حسيت نرجس بهاي اللحظة ماتت

كمت ادك على راسي وعلى وجهي
ولج يمة كلبج ماحس وج يمة كلبج ماعلمج نرجس ذبحوهة وماتت

هيلة ولج جوري لاتجذبين علية اختج وين وج اختج الي امانة عندج وينهة وين ضيعتيهة

جوري اي اني اني صوجي اني ضيعتهة اني كلة مني

هيلة وهي بدت تصرخ بصوت عالي وتنهار ولكم الله اكبر عليكم هجيت الاخر الدنيا بيهن ردت اخلصهن من ضلمكم

وتالي ماتالي لحكتوني على بنياتي وذبحتوهن حسبي الله ونعم الوكيل بيكم الله ياخذكم الله ينتقم منكم على كل حركة قلب حركتي كلبي وكلب بناتي بيهة

ولج يمة ينرجس ولج تعالي شوفي امج ليش هيج استعجلتي ماخليتيني اودعج ليش ماضميتج الحضني اخر مرة ليش ولج يمة

جبارة خالة ام جوري على كيفج لاتلمين الوادم علينة والي ماسمع بيج جاية للديرة يسمع ويشوف

هيلة ولكم صار صكد من ذبحوهة صار سنة مو هيج انة صار فوك السنة كلبي يوجعني عليجن وكل يوم اشوف نرجس واكعة بشدة

جوري اي هذا غضبان الكلب 🐕 ذبحهة لان فضحته هو مو رجال وهي ضالة بنية

هيلة الله ياخذك غضبان كتلت ابوهة ونوب كتلتهة شسويتيلة ماكتلتي بيدج ماشتكيتي علية ماعدموه

جبارة الي مثل غضبان ميخاف الله محد يكدر يسويلة شي بس الله يكدر علية

هيلة لعد ليش ماكتلي على نرجس صار فوك الاسبوع اني وياك ماجبتلي طاري

جبارة جا شتريديني اكلج واني اشوفج ملهوفة على شوفت بنياتج

جوري يمة اني راح اضل يمج هنا بعد ماعوفج

هيلة لا يمة رجعي البيت رجلج عينج علية جابر زلمة معدل ويحبج ويخاف عليج هواي

جوري يمة شنو ماتدرين اني وجبارة مامتزوجين جبارة احسة اخوية وسندي

جبارة اي صح انة مثل اخوهة والي ماتعرفي انة جدام الوادم كلهة جبارة المسودن مامش واحد يدري انة موش مسودن

هيلة واني اكول ليش هيج لابس وليش هيج تتصرف

جوري يمة خليني يمج فدوة مارييد اعوفج بعد

جبارة لحتى سلمان يسويلج سالفة ويخليج تلحكين اختج

ان ردتي اخذي امج وشردي منا ولاتشوفينة وجهج ابد

جوري مستحيل انهزم واني ما اخذ ثار اختي

هيلة امشي وياي يمة خلنة نروح للشمال محد راح يوصلنة

جوري مو هسة يجي يوم ونخلص من عرين الوحوش ومن كل الوحوش الي اذونة بس اصبريلي

جبارة تدرين يجوري غضبان رد لاهلة انة شفتة بعويناتي

هيلة الا اروح اكتلة بيدي غضبان العار يعيش ونرجس جوة التراب

جبارة خالة لا اتي ولا جوري تكدرن على غضبان وانة متاكد هو واولادة ماخذين احتياطهم عبن يعرفون ابوهم مطلوب ثار ومطلوب للحكومة

جوري ياحكومة هاي هسة هي ماعدهة شغل وعمل بس يدورون على غضبان

جبارة انة خايف عليكم عبنهم يذبحوكم ولا جنهم مساوين شي وهسة يجوري خل نمشي عبنهم يسالون علينة وماريدهم يشكون بشي

جوري لا مستحيل اعوف امي اريد اضل وياهة

هيلة اي جبارة عفية عوف جوري يمي بعدني ماشبعت منهة

جبارة اي خل تصير حجة السلمان يستغل الوضع والناس ملتهية بالحرب ويذبحجن ولا من شاف ولا من درة

جوري يمة اني اروح وية جبارة وانتي ديري بالج على روحج لتخلين واحد يشوفج واني باقرب وقت اجي عليج

هيلة يمة شلون راح اتطمن عليج خاف يغدرون بيج

جوري يمة لتخافين علية هسة اني ناويتلهم على نية الا اندمهم

جبارة امشينة تاخرنة

جوري رحنة اني وجبارة ورجع جبارة للصمت

اكول جبارة انت ليش ماكتلي اخذج الامج

جبارة جا اتي مسودنة غير تشهرينة والديرة كلهة تعرف هيلة جاية الديرتنة

جوري وانت شمدريك امي جاية وشوكت التقيت بيهة

جبارة كل واحد عدة اسرار يحتفظ بيهن ومايكولهن الى اي بشر حتى لو جان كريب عليه

جوري اني ماعندي اسرار بس انت صاير عندك اسرار تضمهن على جوريتك

جبارة هاي كبل جانت الجورية جوريتي بس هسة لاع موش جوريتي

جوري وشنو الي تغير

جبارة جوري امشي تاخرنة لايضلون يدورون عليج شتكليلهم

امشي ذاك دربج امشي بي عدل واتي توصلين انة ماشي منا

جوري جبارة لتعوفني وحدي

عافني وراح واني اسمع صوت القصف والطيارات الي متنعرف منو النة ومنو علينة

اركان ها جوري وينج سالت عليج كالو طلعت ودورت عليج بكل مكان مالكيتج

جوري وليش ادور علية اركان انت ليش متعوفني بحالي اني وياك دربنة مو واحد انت انسان مثقف وخريج ومليون وحدة تتمناك

واني انسانة محطمة تفكيري غير تفكيرك حياتي عبارة عن انتقام وقلق ومشاكل يعني حياة معقدة

اركان جوري اسمعيني اني مال اعوفج هذا شي شيلي من بالج لان اني احبج وهسة لو يخلون مليون وحدة كدامي ماراح اختار غيرج

اعرف انتي عانيتي واعرف حياتج ادمرت بين يوم وليله بس صدكيني كلشي واله حل

الحياة الي ادمرت نكدر نبنيهة من جديد سوه ونرجعهة احسن من الاول

والمستقبل الي ضاع نكدر نلكي مستقبل احسن منه احنة الي نصنع المستقبل مو المستقبل هو الي يصنعنة واذا على ثارج يابت الناس اني اخلي ايدي بايدج وماعوفج الا من تاخذين ثارج وثار اختج وامج

جوري وثار ابوية الي قتلة غضبان

اركان اني سمعت ابوج انقتل بس مادري غضبان قتلة شلون عافو غضبان حر اذا قاتل ابوكم

جوري محد يدري غضبان قاتل ابوية بس امي جانت موجودة من قتلة

وهددهة بينة يذبحنة كدامهة اذا حجت وامي انسانة فقيرة وتخاف علينة

اركان شكد نذل هيج انسان الله ينتقم منه شر انتقام

جوري والمشكلة غضبان راجع البيتة ولا عبالك مسوي شي وهو مطلوب وعليه حكم اعدام

اركان وهسة صار حر لان اكو اخبار اتكول بغداد سقطت بيد الامريكان

جوري لا مستحيل شنو بغداد سقطت وهذا الجيش كلة الي جاي يقاتل وشلون طبو البغداد والحدود كلهة محصنة وبعد جيشنة يقاتل

اركان ماعرف الاخبار كل اذاعة تحجي شكل يكولون مسوين انزال جوي بالمطار مال بغداد وصايرة معركة وداخلين بغداد

جوري مستحيل يعني كلشي ضاع حتى وطنة ضاع شنو الي راح يصير بينة

مساء الورد حبايب كلبي

اعذروني البارت قصير بس ماحبيت تنتضرون اكثر

اعوضكم بالبارتين الاخيرين

تحياتي الكم اختكم الاسدية

واهم شي التصويت 🌟🌟