انثى في عرين الوحوش الفصل الثالث وثلاثون 33 - بقلم الاميرة ارجوان

الكاتبة الاسدية

امس شفت الكمر يغسل وجه بغداد
ابمايه اتنورت واكتملت ابنوره
ام طول الحلو بجتافهه النهرين
يجرن بلشعر والركبه بلوره

يااول قصيده يكولهه التاريخ
بلمطلع بده وصفكله جمهوره
ياليله ولف ليله وحجينه يطول
موحته الحبرماكفت ابحوره
علمتي الزمن يكتب الدار ودور
علمتي الزمن كلمات دستوره

ماصار الزمن لوما الحضاره البيج
ولا وكفت عله الحيطان صبوره
عاصمة العلم والعلم بيه تبقين
ابجرة كهرمانه يفيضن اصطوره
وتسولف شهرزاد وليل يسهر ليل
عن طول العراق اجباله وبهوره

يادار السلام الاخذ لون الماي
ياغيرة عراق وصوت شاجوره
اذن احنه سلاما للسلام انصير
واذا نغتاض دمنه يصير نافوره

جوري لا مستحيل شنو بغداد سقطت وهذا الجيش كلة الي جاي يقاتل وشلون طبو البغداد والحدود كلهة محصنة وبعد جيشنة يقاتل

اركان ماعرف الاخبار كل اذاعة تحجي شكل يكولون مسوين انزال جوي بالمطار مال بغداد وصايرة معركة وداخلين بغداد

جوري مستحيل يعني كلشي ضاع حتى وطنة ضاع شنو الي راح يصير بينة

اركان جوري بس يخلص هذا الوضع ونرجع البغداد ترجعين ويانة هسة بهيج حالة لازم نفهم جبارة حتى يطلكج

جوري اركان كتلك مارجع قبل لا احقق كل الي اريدة

اركان بس اني ماطمن عليج وحدج هنا ولا اكدر.اضل لان ماكو سبب يخليني اضل هنا من يرجعون بيت ماجد

جوري واني اريدك ترجع ماريد شي يقيدني ويمنعني اسوي الي اريدة
ماريد يستغلوني بيك

اركان شلون يعني

جوري صعب هسة افهمك اركان خليك هسة بعيد احسن الك والي

اركان شنو الي ناوية علية

جوري ماكدر احجي واني افكر شتريد اكلك اريد استغل حبك الي حتى اكدر احقق الي ابالي

اركان وين صفنتي

جوري ماصفنت خلي نرجع للبيت رجعت للبيت شفت الوجوه كلهة تبجي

اركان ها ميادة شكو شنو الي صار

رشا يكولون بغداد سقطت بيد الامريكان والجيش انهزم وصدام اختفة

سلمان جذب هاي كلهة اشاعة والله ليسود ايامكم الريس من يسمع هيج دعايات علية جا هو ابو عداي هم يعرف الهزيمة

جوري ان شاء الله جذب وكلهة اشاعات

ميادة لك يمة قصي ابوك شلون بي مندري عايش مندري ميت ولك يمة اخذوني البغداد اني صوجي عفتة وجيت هنا

قصي والله ماما لتخافين اكيد شوارع مكطوعة وميكدر يوصل

اركان ان شاء الله يرجع واذا ماوصل خلال يومين ونتاكد من اخبار سقوط بغداد اني اروح البغداد واطمن عليه

جوري واني اتقصد اسمع سلمان لا وين تروح مستحيل اخليك تروح والدنيا مو امان انتبهت كل العيون انفتحت تباوع علية كلت اقصد كلنة منخليك تروح على الاقل نفكر بواحد مو اثنين

سلمان خلة يروح يدور على الزلمة الي عايش بخيرة كل هاي السنين

ميادة لا مستحيل اخلي اخوية يروح

جوري من رجعت للبيت جنت احس براحة عجيبة ماحاسة بيهة من ايام وجودي بكركوك

اخيرا شفت امي وطمن عليهة
يوم الثاني بدت الجنود تمر على منطقتنة وكل واحد بيهم يذب ملابسة العسكرية وياخذ ملابس من الرياجيل الي بالمنطقة

واكثرهم راجعين مشي ويكولون الجيش انهزم وخسرنة المعركة

جنة كلشي منعرف غير بس الي نسمعة بالراديو

ونسمع صارت سرقة لكل دوائر الدولة والمصارف والمؤسسات الحكومية وحتى المحال التجارية

كل يوم يمر يزيد القلق على ماجد اكثر واكثر

اما سلمان بعد ما احتل العراق وسقطت الدولة والحزب كعد بالبيت ختل وضل يتلفت داير ميدور نفسة

والنهار كلة عصبي وميطيق نفسة

زهرة اكولن سلمان جا اتة وبوي عليش خاتلين جا هاي الوادم الي ماخلت شي مانكلتة وجابتة عليش ماتروح وياهم خل نحصل شي مثلهم

سلمان وج بت المطي انة اكدر امدن راسي للباب خاطر اروح وياهم انة اخافن على روحي

زهرة لاتسب ابوي ابوي يسوة راسك عليش تكول بت المطي جا فوك زينيتة وياك

سلمان انة سلمان ابوج يسوة راسي انعل راس ابوج وانعل عشيرتج كلهة تروحون فدوة لمداس رجلي

زهرة 🌺 جا انة ماضلن يمك ولا سويعة جي تسب ابوي

جميلة خفتن وراحة يرادلهة هلهولة

سلمان وج زهيرة وحك علي ان طلعتي من الحوش الا اطلكنج وبتج ماتاخذيهة وياج

زهرة وحك علي الي تحلف بي الا اخلي ابوي واخوي يجسرون ضهرك اتجسر

جوري رشا ولج رشا تعالي شوفي ماجد

رشا بابا حبيبي 😍 وراحت تركض
وميادة ومحسن وقصي واركان كلهة تركض حتى يحضنون ويبوسون

ميادة الحمد لله على سلامتك حبيبي والله متنة قلق عليك ليش هيج ليش ماكلت راح يضل بالهم ليش ماجيت

ماجد بس الله يدري شلون وصلت الكم متتوقعون شكد مشيت وجم سيارة ولوري حمل ركبت ونزلت الى ان وصلت

قصي بابا حبيبي والله اعرفك سبع وتكدر تعدي المحنة

اركان زين ليش ماجيت بسيارتك مو احسن

ماجد يمعود انت ماشايف الوضع الي صار الناس اتخبلت وسرقت كلشي حتى المستشفيات واني جنت بالمستشفى طبو علية مسلحين اخذو السويج مال السيارة واخذوهة وراحو

قصي لا صدك اخذو السيارة شلون انطيتهة

ميادة كلشي فدوة اله المهم هو سالم

ماجد ياريت بس على عمليات السلب القتل صار بالشوارع الشوارع مليانة جثث متعرف المن

كلمن عندة.ثار اخذ ثارة والي عندة عداوه من غير البعثية الي صارت تصفيتهم بالجمله

جوري افكر بيني وبين نفسي هاي فرصتي اكتل غضبان واخذ ثار اختي بس شلون اكتله احتاج سلاح

ماجد جوري جوري

جوري ها

ماجد وين صافنة متجين تسلمين على اخوج وتتحمديلة بالسلامة

جوري الحمد لله على سلامتك وبستة

ماجد الله يسلمج وين صفنتي

جوري ماكو شي

عفتهم ورحت على الشط افكر شلون اخذ ثاري من غضبان

كعدت اخطط وافكر وكل ما اسوي خطة يطلع بيهة عائق

اخر شي كلت ماكو غير جبارة يكدر يساعدني

خلي اكعد وياه واشوف شنكدر نسوي شلون راح نخطط

اركان جوري وين صافنة

جوري بهاي الدنيا

اركان عبالي تفكرين بية

جوري ليش افكر بيك

اركان مثل ما اني افكر بيج واتخيلج كدامي واحلم بحياتنة سوه

جوري اني بطلت احلم لو اعيش واقع لو ماريد لان احلامي كلهة متتحقق

اركان لا جوري ان شاء الله احلامج كلهة تتحقق صدكيني راح اسعى بكل جهدي احقق احلامج

جوري مادري ليش احس كله هذا بس كلام وباول ازمة اوكع بيهة تعوفني وتروح

اركان ليش هيج متحسين شكد احبج انتي لو تحبيني ربع حبي الج جان حسيتي بكل كلمة اكولهة

كوني على ثقة احبج واعشق كلشي بيج وماعندي اي غاية غير تحبيني واكمل حياتي وياج وتصيرين ام بيتي وام جهالي

جوري زين ليش اني انت عايش بغداد وكملت كلية وشفت بنات اشكال الوان واكيد صارت عندك علاقات هواي ليش اجيت عليه

اركان ماريد اكذب عليج واكلج اني انسان خام واني ماعندي علاقات لا اكيد عرفت هواي بنات بس جانت علاقات عابرة

ولا يوم كلت الوحدة اني احبج وعفتهة لا من البداية اكون صريح وياهة واكللهة علاقة صداقة واذا اتطورت للحب اكيد ما اعوفج

جوري يعني عندك وتعرف هواي وهم اجيت عليه

اركان كتلج مجرد علاقة صداقة بس انتي لا يمكن تكولين ابالغ اذا كتلج حبيتج من اول مرة شفتج بيهة من جيتي البغداد

حسيت اشكد بريئية والضحكة الي على وجهج رغم المشكلة الي جنتو بيهة تطب للكلب

جوري اركان اني اخاف من الحب اخاف مصيري يصير مثل مصير نرجس ومصير كريمة

اركان لتفكرين هيج حبيبتي مستحيل اخلي شي يصير بيج

جوري مادري شكول

اركان كلشي لتكولين بس فكري 🤔 بحبي الج

جوري خلي اروح هسة

اركان وين حبيبتي

جوري اريد افكر بالحب 😍
عفت اركان وهسة اريد اريد اروح عبالك صار يوم القيامة

احس عيوني غوشت والدنيا صارت بس نار 🔥 بكل مكان وصوت انفجار قوي حتى كمت ما اسمع شي شوية شوية بديت افقد الوعي

هيلة يمة جوري يبعد امج وعشيرتهة فتحي عيونج 👀 وحاجيني يمة وج انهد حيلي وراح اموت

جوري اسمع صوت امي تحجي وياية بس كلش بعيد وعبالك تحجي وياية من داخل مي او اني داخل مي وامي تحجي وياية اريد اجاوب ماكدر احاول افتح عيوني الم كلش قوي بيهة

اي صح مو بس الم افتحهة ماشوف شي الدنيا ضلمة

خفت هاي اني وين صرخت بعالي صوتي يمة وينج

رغم اني صرخت بعالي الصوت بس ماسمعت صرختي

احس اني بمكان وصرختي بمكان ثاني الخوف الي اتملكني خلاني جسمي كلة يرجف

هيلة يمة اسم الله اشبيج يمة احجيلي شنو الي يوجعج

جوري بعدة الصوت بعيد ومو واضح واحس مثل شريط الكاسيت من يعلس
اهنا دخلت بحالة هستيرية من صراخ وبجي

ميادة يمعودين ابرئة مهدئة بسرعة المصابة بعدهة بحالة صدمة

جوري هاي ميادة اي هو صوتهة احاول افتح عيوني ماكدر اريد ارفع ايدي حتى اتلمس عيوني احس واحد لازمهم قوي وميخليني

واحس جسمي كلة يوجعني بس مثل عيني واذني ماكو الم

هنا حسيت جسمي بدا يرخى ويمكن نمت

كعدت على سماع اصوات هواي بس كلهة مضخمة حجيت بصوت عالي يمة وينج اني وين

هيلة يمة اتي تصوبتي بالقصف بس كليلي شنهو الي يوجعج

جوري اتذكرت الانفجار الي صار واني واركان جنة يم الشط

صحت يمة جان اركان وياية وينة اشصار بي كون بي شي

ميادة لا مابي شي اتصوب شوية وهسة زين

جوري ليش هيج الصوت ماسمع زين وليش عيوني ماكدر افتحهن ويوجعني حيل شنو الي صار

ميادة حبيبتي صار قصف وناس هواي راحت بيهة وعيونج ساديهن من الانفجار

ماعرف شنو الي.ضارب وحدة سوولج عملية ونجحت والثانية سوولهة تنضيف لان تراب طاب بيهة

واذنج لكيناهة نازفة احتمال الطبله مشكوكة

جوري شنو يعني بعد ماشوف وما اسمع ليش ياربي لو اموتني احسن

ميادة لا حبيبتي عمري انتي الطبلة بالعلاج ترجع تلتحم وعيونج هسة يفتحولج الضماد وترجعين تشوفين

جوري ماصدك افتحولي الضماد اريد اشوف تكذبون علية

هيلة وهي تبجي ولج يمة لا هيج على كيفج وية روحج

جوري زين ايدي ليش ما اكدر احركهة افتحولي الضماد وبديت اصرخ

ميادة ولج ماما على كيفج مو الطبله ميصير هيج تصرخين احنة نريدهة ترجع تلتحم

جوري اسمع واحد يحجي وية ميادة بالانكليزي وهي تجاوب وتتناقش وياه
اخر شي حسيت ميادة راحت

يمة وينج

هيلة يمج يابعد امج كولي اروحلج فدوة

جوري وين راحت ميادة

هيلة ماعرف اجة هاذ الامريكي رطن وياهة وراحت

جوري يمة اريد تفتحين الضماد يمة احنة وين

يمة احنة بمكان يسموي مستشفى موضعي مال امريكان من تصوبتي وخذوج للمستشفى

اني جبارة كلي عليج رحت للمستشفى وجانت مرت اخوج هناك لان هي دكتورة ورطنت وياهم خذوكم همة وجابوكم اهنا عالجوكم

ميادة جوري حبيبتي راح يجي الدكتور يفتح عينج اني اروح عندي عملية اسويهة

جوري شنو عملية المن تسويهة وليش كمتي تشتغلين هنا

ميادة اي اشتغل هنا مقابل علاجج انتي واركان لان ماكو مستشفيات كلهة سرقوهة وحرقوهة

جوري شوية واجة واحد حاول يكعدني امي لزمتني وكعدتني وبدأ يفتح الضماد

الي حسيت اكو ضوة بديت اشوفة بس الالم موتني عبالك نار 🔥 بعيوني 👀

كمت اصيح من الالم شوية شوية بديت اشوف مثل الغواش بعيوني 👀 الى ان استقر نضري شوية شوية

اباوع ايدي مربطة ايدي الثانية نفس الشي صدري كلة ضماد

خفت على اركان حيل ماعرف ليش من شفت هيج روحي حسيت بي شي صاير سالت امي يمة اركان شبي اذا اني هيج هو شصاير بي

هيلة يمة خطية جنة حالج بس هو جتة ماعرف شيسموهة شنية ماعرف شطية شاكة بطنة ومسويله عملية وهسة زين اخوج وياه

جوري يمة اسمهة شضية خلي اروح اشوفة

هيلة يمة وين متشوفين حالج من تصيرين زينة الله كريم

جوري مرن يومين اني كلش تعبانة بس عيوني 👀 توجعني والسمع مالتي كلش مضوجني

ميادة عيني جوري شنو هذا الحب انتي واركان مادامج بالبنج تصبحين اركان وهو يصيح جوري وياغافلين الكم الله

هيلة هي جوري مو تزوجت جبارة

ميادة لا خالة هو جبارة مخبل زواجهم هيج

جوري طلعت للبيت وامي ماخليتهة ترجع وياية خفت عليهة رجعني ماجد استحيت اكلة اشوف اركان رجعت واني كلبي نار عليه

ثاني يوم طلع اركان وجان كلش تعبان الشضية ضاربة الكبد وجانت حالتة صعبة

بديت على العلاج اتحسن شوية شوية ورجعت اسمع احسن من قبل

اخيرا كدرت اشوف اركان

شفت اللهفة والخوف بعيونة علية حسيت بي شكد يحبني وشكد يخاف علية

ااما جبارة خطية ميكدر يعبر عن مشاعرة تجاهي يخاف ليحسون بي هو مو مجنون

جبارة وهو طب يركض ويصيح اكللكم فجرو بيت شلال وكلهم ماتو حتى زهرة

جميلة يامن فدوة غديت الحلكك ان جان الخبر صكد

جوري شنو الموضوع شنو فجرو بيت شلال شنو ماتو

جبارة جا غير شلال حزبي وفجرو بيتة وكلهم كتلوهم وزهرة زعلانة بيت ابوهة

جميلة حيل عساهة خلصنة منهة يو بيدي اطكن اصبعتين واركص

جوري لا اله الا الله مو رجلج هم حزبي متخافين هم يفجروكم خافي الله المرة ماتت تشمتين بالميت

جميلة يمة فال الله ولا فالج خل يشرد يضم روحة جا عليش ضال حتى يذبحونة

جوري من يووم موتت زهرة سلمان مادري وين ضم راسة وخطية بت زهرة وسلمان صارت يتيمة جميلة ضلت بس تكتل بيهة ومتقبل اتداريهة

اخر شي خالة سكينة اخذتهة كالت اني ارليهه اكسب بيهة ثواب

جنت كل ما اطلع اشوف غضبان كلبي يحترك وبعد ماتحمل هيج وضع

جبارة اكولن جوري هاذ الفاهي كام يشتغل وي الامريكان هو واختة

جوري ياهو الفاهي ياهي اختة

جبارة الفاهي اركان صاير متجم وياهم واختة اشتغلت دكتورة وياهم بالمستشفي

جوري متجم شنو تقصد مترجم

جبارة اي هو هاذ خلنة نخلص منه

جوري جبارة انت ليش تكره اركان

جبارة عبنة فاهي

جوري لا مو هذا السبب اكو سبب شنو هو

جبارة مامش سبب

جوري اكول جبارة انت اتحبني مو هيج

جبارة جا عليش ماحبنج عبنج مثل اختي

جوري لا مو حب مثل اختك اني احس بيك اتحبني وتغار علية

شنو رئيك ايصير زواجنة رسمي بس بشرط

جببارة اتي تحجين صكد ترضين بية انة اموتن عليج شنهي شرطج

جوري اريد المهر مالتي تكتل غضبان

السلام عليكم حبايب كلبي

تتوقعون جبارة ومدى حبة الجوري راح يوافق على الشرط مالتهة

انطوني وقعاتكم

ولتنسون النصويتات بداعت هيلة