رواية أنتقام عاشق 🔞 الفصل العاشر 10 - بقلم الحساب مغلق

بعد 3 أشهر ....
ميار...
جنت بالمعهد دا انتظر نرمين تخلص حتى نطلع سوه للبيت ...كمت أخاف امشي خطوه وحده لوحدي بعد الي صار....جنت خايفة لا يرجع أحمد ويبوكني لو يسويلي شي ...من يوم الي صار وإني عايشة برعب وباليل يوميه أحلم بالي صار واكعد مفزوعه واظل ابجي...
وإني كاعده ...دك التليفون ...هذا رقم ماما   ...

هلو ماما  ...

هلو بنتي ...اني أم علي جيرانكم
...
هله خاله ...خير...لعد وين امي ...

لتخافين حبيبتي ...هي شويه تعبت وديناهه للمستشفى. ..دا اخابرج حتى لا تقلقين اذا رجعتي وما لكيتيها ...

اني طبعا اتخبلت وكمت ابجي ...طلعت نرمين ورحنا اني وياها بسرعة للمستشفى ...جانت ماما مريضة بالقلب والدكتور من كم سنة كال محتاجه قسطرة ...بس ما عدنه فلوس حتى نسويها وماما كل مره تأجلها لحد ما اليوم تعبت ووكعت مغمى عليها...

خير دكتور شبيها ماما ...

والله ما اخفي عليج ..كلش تعبانه ...ولازم تسوي عمليه ...

يعني قسطرة غير..

لا ...عمليه قلب مفتوح ...هي لو مسوية قسطرة قبل جان ما تخربطت ...بس بسبب إهمالها للقسطرة القلب تعب وصار لازم عمليه كبرى ...

ميخالف سويها ...

مو هنا المشكلة ...المشكلة منو حيسويها ...هو بس دكتور واحد بارع بهالمجال بس عملياته غاليه لازم تنتظرين لحد ميوصل السره. .. واذا الحالة مستعجلة مثل والدتج المبلغ يصير ضعف ...دبرو أموركم بهاليومين وحاولو متتاخرون بالعملية ....
اني انهاريت ...وكمت ابجي ...شلون منين اجيب الفلوس؟ ....كلشي ما عندي ...قررنه اني ونرمين نجمع المبلغ ....رحنا اني ونرمين للدكتور وسألنا عالعملية كال بحالة ماما مستعجلة تكلف حوالي 4 ملايين...
بعدها بدينه نفتر عالاهل والأصدقاء حتى نجمع المبلغ...ما بقه بيت نعرفه ما رحنه اني ونرمين حتى نداين منهم فلوس لعملية ماما ...ووالدة نرمين ساعدتني واقاربها هم ... بس بالنتيجة ما جمعنه غير بس مليونين ...
شلون يا ربي ...فات يوم وما بقه بس يوم وإلا ماما ممكن تروح مني ...
ظليت أفكر وأفكر ...اووووووف يا ربي ...ماكو غيره ...بس هو أعرفه يملك هالمبلغ وممكن يساعدني ...

نرمين...
انتي تخبلتي. ...شلون تفكرين تروحين بنفسج اله. ؟؟...نسيتي شصار ...هالمره مراح تسلمين. ..

ما عندي غير حل. ..البارحة كله اني ابجي وأفكر. ..ما لكيت غير حل ...بس هو يملك هالمبلغ ويكدر يساعدني ...
لا ميار خلي ننتظر عفيه ...لتستعجلين. ..
وماما. ...ماعدهه وقت ماسمعتي الدكتور. ..اليوم خلص و ما عندي مجال بس باجر....وإني مستحيل أظل اتفرج عليهه وهي تموت وما اساعدهه. ..

بس انتي هيج راح تدمريها. ..إذا عرفت ممكن تموت بحسرتها عليج.
.
لا مراح تعرف. ..بس المهم تصير زينه وترجعلي وكلشي يصير بخير ...اني ما اتخيل حياتي بدونها

أحمد. ..
جنت كاعد بالشركة عندي اجتماع .. بس بالي مو يمهم ...من يوم الي صار ويه ميار وإني صرت عصبي ومتوتر على طول ...جنت اطلع حركتي بالبنات بس ناري مجانت تطفه ...لازم احصل عليههه لازم ...هذا هو شغلي الشاغل حاليا...وإني كاعد أفكر. ..دك الموبايل. ..
معقولة....!!!هالرقم مو غريب ....ميار؟؟

الو؟

اااالو. ..السلام عليكم أستاذ. ..ااااني ميار. ..

ميار؟؟ هله...هله والله. ..