رواية أنتقام عاشق 🔞 الفصل الخامس 5 - بقلم الحساب مغلق

دخلت للمستشفى وطلعت رجلي مكسورة ...
سوولي أشعة وفحوصات وبعدين  خلو جبيرة لرجلي ...وره أكثر من ساعتين ...طلعت من المستشفى جنت كاعدة عالكرسي وصلتني الممرضة لحد غرفة الانتظار ...شكد عيب لكيت الولد الحلو الي وصلني كاعد دينتظرني لحد هسه ...اني كلش خجلت ...من شافني وكف وكال للمرضة شكرا وانطاهه فلوس وراحت ...
اجه بعدين السايق ...

استاذ دفعت كل المصاريف مثل ما امرتني ...هسه نكدر نطلع ...

عززه ...شكد دفع فلوس علمودي ...شكد عيب ...لازم اردله الفلوس ...
طلعنه من المستشفى وصلنه للسيارة ...وهوووب ...بدون مقدمات هالمرة رأسا شالني من جديد عبالك اني وزن الريشة ...والسياق فتحله الباب وكعدني بالسيارة ....الظاهر عجبه كلساع يشيلني ...
من كد الخجل جنت حتى ما اكدر احجي واشكره ...

خو ما توجعج رجلج ...

هاا ...أي بس شويه ...

ديري بالج ﻻزم متبذلين مجهود هوايه ولازم تستخدمين عكازة لحد متفتحين الجبيرة ...عندج وحده ؟ لو اجيبلج ...؟

لالا ...والدتي تجيبلي ...شكرا ...زحمتك هواي ...

هسه دليني على بيتج حتى نوصلج

دليت السايق على البيت ...وصلنه ردنه ننزل ...كال
تكدرين تنزلين لوووو. ..

لالا لا ...اكدر أنزل والله...ميحتاج تشيلي ....

ههههههههه ....يالله براحتج ....بس قبل متنزلين اريدج تاخذين هذا الكارت ...بي كل ارقامي الشخصية الي اني اجاوب عليهه ...واريدج توعديني اذا احتاجيتي شي تخابربني ...اوكي ...؟؟

حاضر ....شكرا ..

هو ظل كاعد بالسيارة وإني نزلت بس بالكوه...طبعا ردت اوكع لأن السيارة عاليه... بس احسن مما اخليه يشيلني مره ثانية وتصير فضيحة .... والسايق ساعدني ولزم أيدي ووصلني لحد الشقة ...

يمه بنتي .....اسم الله عليج ...شصار بيج ...ظل بالي عليج تاخرتي .وإني متت من الخوف ....

لتخافين ماما ...اني بخير ..
وحجيت لماما كلشي صار ...

أحمد ...
وره منزلت البنية انتبهت ناسية جنطتهه بالكاع ...واكعه منها وهي متدري ...طبعا هالشي راح يكون بصالحي ...اكيد راح تساعدني هالجنطة حتى ارجع لهالبنية ... خليت الجنطة يمي

ميار ...
رحت غسلت بالكوه من الطين الي جان مغطيني ...وبدلت ملابسي ونمت ...بس طول ما اني بالفراش أفكر بهذا الولد ...أتذكر عيونه ...نظراته ...صوته ...اوووف يا ربي ...ليش هيج اني متوترة وأحس بحرارة تطلع من راسي من أفكر بيه ....هسه اكيد ارتاح لأن خلص مني ...شيكل عليه بالله ...اكيد يكول هاي منين اجتني هالمصيبة ...كلهه مشاكل ...شكد عيب
...خلي اخابر نرمين ...احجيلهه على الي صار ما اصبر لباجر ...راح اموت لازم احجي ويه أحد ...دورت على جنطي بس ماكو..

.. عززه بس لا نسيته بالسيارة ...يبووووووو ...شلون هسه ...بعدين اتذكرت هو انطاني رقم تلفون قبل ما أنزل ..خلي اخابره  بلكي يدزلي الجنطة بيد السايق ...

أحمد. ..
اني جنت كاعد بغرفة المكتب بالبيت ...جنت دافكر بالبنيه ...ظلت ببالي ...
جنطتهه جانت يمي ..فتحتهه كلشي مابيها ..ولا عبالك جنطة بنية ...بس موبايل قديم تعبان ومابي شحن..وفلوس قليلة كلش ...واقلام ومسطرة ومساحة وأوراق محاضرات عبالك جنطة بنية بالابتدائية. ..
وإني كاعد ادور بالجنطة دك موبايلي ...باوعت ...رقم غريب ...

الو...

الس ..سس.لام عليكم ....مو حضرتك أستاذ أحمد ...

أي منو وياي...

اني ميار البنية الي وصلته اليوم ...

بصراحة اني مجنت متوقع راح تتصل بهالسرعة ..بس اتصالهه يمكن جان أكثر اتصال جنت متشوق اله ...ابتسمت لا اراديا وإني احجي وياهه. .

أهلا وسهلا ...شلون ...شلون صرت ...

الحمدلله. ..اني آسفة اذا دا إزعاج حضرتك بالوقت بس ردت اعرف اذا جنتي موجودة يمكن. .يمكن نسيته بالسيارة ....

امممم ...ما ادري موجوده لو لا ...هسه ادور عليهه واذا لكيته اخابرج

اني آسفة...راح اتعبك ...اعتذر .بس بيهه أوراق مهمة وإني عندي امتحان ومحتاجتهه ...

لا عادي ...شويه واخابرج
سديت التلفون وإني فرحان ... حسيت انو هالبنية راح تكون مهمة سهلة ...وره دقايق خابرتهه ...

الوو. .هلو ميار

هلو أستاذ ...ها بشر لكيتهه ...

أي موجوده ...شلون اوصلهه الج ...ما اعرف ...

ممكن دزليها بايد السايق ...

عبد المنعم مموجود ...باجر عنده اجازه ...

لعد شلون ...

مو مشكلة ..اني اشوف حل واوصلهه الج باجر لتخافين ...

شكرا جزيلا ...زحمتك ...

لا ...ماكو زحمة ...باي ...

مع السلامه ..

ميار ...
جنت متوترة وبالكوه نمت ...حتى من نمت حلمت بيه ...ما صحيت إلا على صوت نرمين ...

كومي ولج ميار. ..هاي شصاير بيج ...كومي ...

هلو نرمين صباح الخير ...

حبيبتي الحمد لله على السلامة.  ...اني آسفة ...هذا كله صار لأن اني عفتج البارحة وطلعت ...لو ادري مجان تركتج وحدج ....

مو مشكلة ..انتي شنو ذنبج ..هو أني ماعندي حظ هي كوه ...
تعاي احجيلي شصار ...امج تكول اكو واحد مساعدج وموديج للمستشفى ...منو هذا ولج ...

لج ايييي ...اسكتي ...شحجيلج ...مو واحد ..مصيبة ...بلوه ...هم جمال وهم جسم وهم مال ...دمرني من البارحة لحد هسه اني بس أفكر بيه ...ولج حتى بالحلم اجاني ...

هههههه ...عززه بعينج شكد فطيره ....طبعا يجيج بالحلم ...حتى عقلج ممصدك ... ليش هو انتي عمرج حجيتي ويه أحد غيري ...اكيد راح تتخربطين  ...اصلا ما اتخيل شصار بيج البارحة وشلون اتصرفتي ...

اكلج انتي مو موبايلج حديث ..سوي بحث عن هذا الولد ...بالكارت موجود اسمه والنستا والفيس مال شركة اعتقد هو يشتغل بيهه ...دخلي حبابة خلي نشوف بلكي نعرف عنه شي ...

هاي شنو ...شكلج مهتمة زياده عن اللزوم ..
ولج راح اموت ..بس أفكر بيه ..مدري شجاني ...

عادي حياتي ...هذا أول شاب من الجنس الآخر انتي تحجين وياه لذلك امورج متغيره ...ومع ذلك راح اساعدج ..جيبي الكارت ..

سويته بحث عنه ..وطلعت بلوه ...طلع مدير مجموعة شركات ورجل أعمال معروف على مستوى ...وشفت صوره ويه رجال سياسة ورجال أعمال حتى ويه ممثلين وفنانين هم وشكد مشارك مؤتمرات وحفلات خيرية ...

ولج هذا منين اجاج ...لقطة ...ولج هنيالج ...حقج تتخربطين ...هو أني شفت صورته تخبلت ...

مو دا اكلج ...دمرني من البارحة وإني أفكر بيه ..

وإني دا احجي ويه نرمين دك الجرس ...وسمعت ماما ترحب بواحد ...

أحمد ..

طلعت من البيت متأخر اليوم وقررت اروح مباشرة لبيت ميار بحجة انطيهه الجنطة ...بالطريق اشتريت حلويات وورد وأخذت  عكازة اكيد ماعدهه وحده ..

وصلت سألت على شقتهم ودكيت الباب ...
السلام عليكم ...حضرتج والده الآنسة ميار ...

أي نعم ..اتفضل ابني ...منو حضرتك ..

اني أحمد العيسى ..الي البارحة وصلت ميار للمستشفى. .

أهلا وسهلا. .اتفضل ..يا هلا ومرحبا. ..

دخلت للشقة ..كلش صغيرة وتعبانه حيل ...

اتفضل ...ولو البيت مو مناسب ...
لا العفو ... ليش هيج تكولين ...
اني اسف اذا اجيت بوقت مو مناسب ..بس بصراحة اجيت حتى اجيب الجنطة لميار ...هي كالت محتاجتهه كلش ...وملكيت أحد يجيبه فاجيت بنفسي ..
كعدت وخليت الغراض الي جبتها عالميز ..

شنو هالزحمة ...يعني فوك جميلك الي سويته.. النوب جايب هالغراض وياك ..شلون حنوفيك.. ..

بالعكس ...اني مسويت شي ..أي أحد مكاني يسوي أكثر ....هاي عكازة جبتها لميار ..الدكتور كال لازم تمشي عالعكازه ..وهاي جنطتهه

شكرا جزيلا ...هسه اصيحهه لميار حتى تشكرك بنفسها