رواية أنتقام عاشق 🔞 الفصل السادس 6 - بقلم الحساب مغلق

ميار...
ماما دخلت علينه ..

ولج كومي ...الرجال اجه وجايب جنطتج وياه ..شكد عيب ...فوك الي صار البارحة ... النوب زحمناه وخليناه يجي ويجيب الجنطة بنفسه ...

شنوووو ...منووو.؟؟ ..معقولة هو أحمد اجه بنفسه ...؟؟

أي ولج ...ولد شاب وحلو وانيق ...وهو قدملي نفسه وكال اني أحمد العيسى ...

اني ونرمين وحده باعت عالثانية ...ردنه نعيط بس خلينه ايدينه على حلكنه ...

ولج كومي عيب ...يمه نرمين ساعديهه خلي تلبس شي مرتب وتلبس حجابها وتطلع للولد عيب كاعد وحده ...اني راح اسوي جاي ...
كومتني نرمين وإني ارجف مدري شبيه ..

شبيج ولج ..شنو رايحة للمعركة ..لو ما هسه قبل شوية جنتي تحجين وتحلمين بيه ..

ولج ما ادري ...شو كلبي يدك وخايفه ...بعدين اني كلش خجلانه منه ..اصلا البارحة كل المواقف الي صارتلي وياه جانت مخجله ...شلون راح اباوع بعينه ..

انجبي ..وامشي طلعي واني وياج لتخافين ...عادي اذا تردين اني احجي وياه ...اصلا هو يخبل وإني بصراحة ماريد اضيع هيج فرصة من أيدي ...

ولج ...شدتحجين ..اصلا هو جاي علمودي ..

هااا ...شو كمنه نغار ...يالله لعد امشي لا ابوكه منج
طلعنه للدول ..هو جان كاعد وانطاني ظهره بس من سمع صوتي كام ..
السلام عليكم ...شلونك أستاذ ...
هلو ميار شلون ...لا ماشاء الله. ..شكلج زينه اليوم ...
الحمد لله. ..اني جدا آسفة ..زحمتك وتعتبك وياي...اعتذر
ماكو داعي للالتزام ...اني جنت مار منا وكلت اجيبلج الجنطة وياي ...حضرتج منو ...متعرف نه ..انتي اخت ميار؟.

السلام عليكم ...اني نرمين صديقة ميار ..
انا ...أهلا وسهلا ..
.
اتفضل أستاذ ...نورتنه ..اصلا ميار اليوم كله تحجي بيك ...

اني باوعت على نرمين وخزرته بعيني ..
هو كام يضحك وباوعلي ...اني كلش خجلت   ووجهي حسيت كام يذب ألوان ...عززه بعينج نرمين شكد متستحين ...

ظل أحمد كاعد يمنه حوالي ساعة ...وظل يسولف هو وماما ونرمين ومنسجمين ويضحكون بس كل شويه اشوفه يباوعلي بنظرات غريبة ...مو مريحة ما ادري ليش هيج أحس ...من يباوعلي كلش أخاف وبنفس الوقت كلبي يكوم يدك سريع ...جنت اتجنب ارفع عيني حتى لتجي بعينه ...

اني أترخص ...لازم اروح

والله فرحتنا بزيارتك ابني ...ربي يحفظك ويكثر من امثالك

...أشكرج خاله ...مع السلامة...مع السلامة نرمين ...

مع السلامة أستاذ أحمد ...شرفتنه

مع السلامة ميار ...مياار ...

هااا ...أي مع السلامة ...

هههه...زين سمعنا صوتج ..

هي هاي ميار كلش تستحي ...من وهي صغيرة تخجل حتى من يجي خطار تروح تختل حتى مسلم عليهم ههههههه...

اوووف يا ماما ...فضحتيني ...هسه شيكول عليه مخبله  ...!!
وره مطلع ...حسيت الهوا رجع وكلبي انتظمت دكاته ..

يووممه ...شكد حلووو. ..يخبل ..يناكل أكل ....ولج مجنت اكدر اشيل عيني منه ...شلون اتحملتي البارحة وما متي ...
بس تدرين ...انتي أغبى وحده اشوفهه بحياتي ...يعني الولد كاعد يحجي ويسولف ويضحك وانتي ساكته وكاعده على صفحة وحدج ...صدك غبيه ...

شتريديني اسوي بالله ست نرمين ...اركص مثلا ...

والله لو يريد أي اني اركص 😊

ها ماما ...وين جنتي ..؟

.يمه عيب وصلت الرجال ونزلت وياه ..والله جمايله غركتنه ...تدرين شكلي ...كال راح ادز سايق لميار يوصلهه للمعهد يوميه لحد متصير زينه لأن سمعني كلت شلون راح تداوم منار وهي رجلهه مكسورة ...خطيه رأسا كال اني ادزلهه سايق ...

لا ماما ..عززه شنو سايق وعلى أي أساس ...

انتي سكتي فكريه ..أي خاله وشكلتيله ووافقتي مو ...

والله اني مقبلت بس هو لح عليه وكلي حسبيني مثل ابنج ولاترديني وإني بصراحة شفت هذا أنسب حل ولا شلون راح تداوم منار وهي بهالحال خصوصا انو رجلهه تبقى بالجبيرة يجوز شهر أو أكثر ...وإني ما اكدر ادفع فلوس خط حتى يوصلها للمعهد
لا ماما ..ما أقبل ...خلي اخذاجازة واكعد احسن ..ليش نذل نفسنه
يا اجازه عيني ..راح تبدي امتحانات الكورس وماكو اجازه ...لازم تقبلين ...قبلي عفيه بلكت نشوف هذا الحلو من جديد ...
اوووف منج نرمين ...راح تخبليني ..اني صووجي حجيتلج من اول ..