رواية أنتقام عاشق 🔞 الفصل السابع 7 - بقلم الحساب مغلق

ثاني يوم الصبح ماما اجتي كعدتني ...
ولج كومي ميوره ....الرجال اجه ودينتظرج جوه بالسيارة عيب يظل ينتظر ...

يا رجال؟

السايق شبيج ...

يعني  صدك سواهه ...بس اني ماريد اروح ...

بنتي عيب ميصير نرجعه ...روحي وياه بس هالمرة وبعدين كليله ليجي عليج ....

كمت بدلت ونزلت كوه من الدرج أن شقته طابق ثاني ...اكلك اني عبد المنعم ...
صباح الخير بنتي  ...شلون
هلو عمو الحمد لله. ..والله ماكو داعي تعب روحك وتجي اني اروح .
.
لابنتي ميصير الأستاذ أمرني ولازم انفذ

وصلت للمعهد وكملت محاضرات ومن طلعت لكيت السيارة واكفه تنتظر ...ركبت بالسيارة بدون ما انتبه عالسايق ..

السلام عليكم عمو آسفة اذا خليتك تنتظر

وعليكم السلام بنيتي ...هله والله. ...
هذا الصوت مو غريب ..باوعت لكيت أحمد ...
.
اااستاذ هاي انت ...لعد وين عمو وليش انت الي جاي بنفسك ..؟
.
عبد المنعم دزيته بشغله وتأخر وظل بالي عليج كلت هسه خطيه تطلع وتظل واكفة تنتظر لذلك اني اجيت حتى اوصلج ....

بس ...

بس شنو ..تعالي كعدي كدام اني مو السايق مالتج ..

اااسفة ....

نزلت كعدت كدام ...
مشينه بالسيارة وإني خايفة

أريد احجي وياج بموضوع بس لا تفهميني غلط اني أريد مصلحتكم ...

وياي اني

أي

اتفضل

اني شفت انو حالتكم تعبانه ...والي فهمته البارحة من امج انو هي الي تشتغل وبصراحة اني مادري انتي شلون تقبلين هالشي ...

اني أحاول اساعدهه بس هي متقبل تكلي خلصي وتخرجي وبعدين بلكي احصل تعيين واكدر أساعد بمصروفات البيت ..

ههههه تعيين ...والله ضحكتيني ...زين والي يجيبلج وظيفة محترمه وراتب زين وسيارة توصلج وكل هذا قبل متتخرجين  ...
وين اكو؟..
عندي ...
هااا ...،؟
أي شبيج ...اني عندي هواي شركات وممكن اشغلج عندي ومن اليوم اذا تردين وبالراتب الي يعجبج. ..شكلتي! !!

ميار...
بس شلون راح اشتغل وإني لحد هسه ما عندي شهادة
انتي شعليج. ...اني اشغلج ..واخليج يمي حتى آخذ بالي منج ..بالمناسبة اني دا اعرض عليج فرصة عمر ..يتمنون ملايين الخريجين وأصحاب الشهادات يحصلون على شغل عندي ...

زين شنو السبب ...ليش هيج تسوين وياي؟..

مو فهمتج ...علمود امج ...اني البارحة من حجيت وياهه عرفت انو هي مريضة وتعبانه وبصراحة هي ذكرتني بأمي الله يرحمها ..ولأن اني متأكد هي مراح تقبل مساعدتي لذلك اقترحت عليج موضوع الشغل حتى تعينين امج وترتاح خطيه ...ها شكلتي؟

ما اعرف شكول ...

لتستعجلين ..فكري ..بس صدكيني ..اني تهمني مصلحتكم وأريد والدتج ترتاح

..وصلنه للبيت ..
اني اشكرك أستاذ. ..تعبتك ..

لا بالعكس ...ولا تنسين فكري زين وانتظر منج الجواب لانو بصراحة الوظيفة الي عندي فارغة ممكن تنشغل بأي لحظة ...
ماشي ...إن شاء الله انطيك خبر ....

أحمد. ..
اليوم قررت العب بمشاعر ميار ...الي عرفته انو هي فقيره وخجولة جدا... وماعدهه أحد بالدنيا بس امهه ..ومتعلقة بيهه كلش ...لذلك حاولت استغل هالفرصة واقنعهه انو تجي تشتغل عندي بحجة انو امها تعبانه ...وبعدين زيدت الخناق عليهه لما كلتلهه انو الوظيفة ممكن تروح بأي لحظة ...طبعا هالشي راح يخليهه تعيش بصراع داخلي ...راح تفكر وتفكر لحد ما تشوف انو هي مجبره عالقبول لأن خايفة على امهه ليصير بيها شي وهي فعلاً مريضة وبعدين تظل تلوم نفسها .. وخايفة اذا راحت هاي الوظيفة متلكي غيرهه وخصوصا مميزات هالوظيفة مغريه ومتلكي مثلهه.

ميار ...
وصلت للبيت وإني حايرة ...مدري شسوي ....أول مدخلت سلمت على ماما وكعدت يمهه جانت دتخيط ...
هلو ميوره ...شلونج اليوم حبيبتي ...

اني زينه ماما ...بس المهم انتي ...ليش تعبين نفسج مو الدكتور كل لتعبين موزين على كلبج. ..

الله كريم حبيبتي ...اني ما اتعب نفسي ..تركت الشغلات الصعبة وكمت بس اخيط

بس ماما انتي دتظلين تخيطين لوقت متأخر وإني أخاف عليج ..

ميخالف بنتي ...الفلوس متجي بالسهل ...لازم نتعب ..والايجار مبقاله شي بعد كم يوم لازم أحضر الفلوس لصاحب البيت فلازم أكمل شغل بهاليومين. ..انتي لدوخين ...روحي نامي وارتاحي انتي جايه من الدوام تعبانه
دخلت لغرفتي وإني أفكر بكلام أحمد ...صدك جان يحجي حسيت انو اني أنانية لأن تركت امي تشتغل طول هالوقت وما فكرت اساعدهه بشي ...جنت اتحجج بالشهادة ...بس هسه ماعندي حجه ...الشغل اجه لحد بابي وخاف ارفضه واتندم لأن فعلا ماكو شغل هالايام وتعيينات هم بالكوه ...بس اني بنفس الوقت ممرتاحة لأحمد ...ما ادري ليش من اباوع بعيونه أحس بخوف ...هو صح ما سوه شي غلط ويانه وساعدني هواي بس بعدني خايفة ....والله مادري شسوي ....
خابرت نرمين وحجيتلهه

طبعا توافقين وانتي مغمضة ...هاي فرصة بالاحلام ...وإذا رفضتي يعني انتي غبية

بس اني ممرتاحة ...أحس اكو شي بباله ...

ليش هو  ميت عليج ...بابا هذا شايف وعايف ...تلكين البنات كتطل عليه ليش يباوع عليج يعني... لو خايفة يطمع بالثروة مالتج مثلا ..
.
شكد مكروهه ...بس تصنفين. ..وإني ميته قهر ومحتاره ...

حبيبتي لتحتارين وتوكلي على الله يجوز ربج خلاه بطريقج ذاك اليوم  لهالسبب ...