رواية أنتقام عاشق 🔞 الفصل الثامن 8 - بقلم الحساب مغلق

قررت انو اسمع كلام نرمين أوافق عالشغل ...
طلعت يم ماما وحجيت وياهه بالموضوع. ..
والله يا بنتي ما ادري شكلج ... العرض حلو والولد الله ينطيه يريد يساعدنه ...بس انتي مستعده تشتغلين ؟...اني ماريد اضغط عليج ...انتي بعدج صغيرة وإني أخاف عليج ...
لا ماما لتخافين ...اني مبقالي شي واتخرج ولازم اشتغل اول وتالي
...
خلص ...اتوكلي على الله ..عالأقل اني راح أكون مأمنه عليج انو انتي بمكان زين ومرتاحة

الو...السلام عليكم أستاذ

أهلا ميار ...وأخيرا خابرتي ...جنت منتظرج ...ها بشري. .. شقررتي ...؟؟

أي أستاذ اني موافقة عالشغل ...بس شلون حشتغل وادرس بنفس الوقت ...خصوصاً اني عندي امتحانات قريبة ...

مو مشكلة حتى لو تجين ساعتين باليوم وترحين لحد متخلصين امتحانات بعدين تنتظمين بالدوام ..

خلص لعد ...اني موافقة ...شوكت اجي ...

باجر زين؟؟

بس باجر اول محاضرتين مهمة ماكدر اتركهم

خلص باجر أخلي عبد المنعم يأخذج للمعهد وينتظرج من تخلصين حتى يجيبج للشركة ...واني هم الصبح ما اكون موجود بالشركة ...

زين ..اتفقنا. ..شكرا مرة ثانية أستاذ
العفو .....

أحمد ...
واخييييرا...راح تجين برجليج يمي يا حلوه ....اوووف ..والله تعبتيني ...بس تستاهل التعب ...كله كم يوم وتصيرين بين ايديه...

مر اليوم على خير ...وطلعت من المعهد وإني متوترة ...لكيت عبد المنعم دينتظر حتى يوصلني للشركة ...ركبت وظلت السيارة تمشي وإني خايفة ومرعوبه ...لحد ما وصلنه لبناية كلش كبيرة وعالية ...كال وصلنه ...اتفضلي ...

نزلت ويه السايق ...وساعدني حتى اصعد الدرج لأن جان اكو سلالم قبل مدخل الشركة
...دخلت للشركة ...البناية فدشي خرافي ...فخامة وديكورات والموظفين عبالك مختاريهم واحد واحد ..كلهم هيبه وأناقة وشخصية ..
والبنات يبووووووو شكد حلوات وشلابسات ...بلاوي
...اني ضعت بينهم ...جنت لابسة ملابس الزي مال معهد ...ورجلي اسحل بيهه كوه ..والعكازة ما اعرف امشي بيه عدل ...كلش خجلت ...حسيت الكل كام يباوع عليه ...
فكرت شلون راح اتعايش وياهم ...عبالك اني من عالم وهم من عالم ثاني  ...
صعدت فوك بالمصعد للطابق الرابع ..جان الطابق خاص برئيس مجلس إدارة المجموعة ...أحمد العيسى ...أول مدخلت استقبلتني موظفة تخبل ...وكالت للسايق ..روح وإني اوصلهه للأستاذ ...
اخذتني ومشت لحد ما وصلنه مكان بيه سكرتيرات اثنين وحده أحلى من الثانية ...
وحده منهم حجت ويايه

أهلا وسهلا. ..اتفضلي ...حضرتج الآنسة ميار؟

أي اني ميار ..

الأستاذ ينتظر ..بس خلي  أبلغه ...
وره شويه كالت اتفضلي ...ودخلت للغرفة ...المكان رهيب ...المكتب أكبر من الشقة مالتي بمرتين ..والواجهات كله جام وهو جان منووور المكان ...من شافني كام واستقبلني ...

أهلا ميار ...اتفضلي ...اتاخرتي ..

اني آسفة. .المحاضرة طولت ..

مو مشكله ...المهم وصلتي ...ها شنو رأيج بالمكان ..

يخبل ..ولا بالاحلام ...بس بصراحة حسيت نفسي تايهه هنا وغريبة

لتخافين ...كم يوم وتتعودين
شنو رايج اراويج مكان شغلج ...

أي ماشي ...

تعالي وياي ..
.مد أيده وساعدني حتى اكوم ...
طلعنه من المكتب ورحنة لغرفة ثانية بصف المكتب صح صغيرة بس كلش حلوة ومرتبة وبيه جهاز حاسوب وطابعة

بصراحة ملكيت هنا مكان فارغ غير هالغرفة لأن هالطابق مخصص للإدارة مو للموظفين بس اني وعدتج تكونين يمي لذلك اضطريت اخليج بهالغرفة و جهزتها مخصوص الج ...

بالعكس كلش حلوة ..اصلا تخبل ...بس شراح اشتغل

انتي ما عندج خبرة ...لذلك جهزتج بحاسبة اكيد تعرفين تستخدميها وجهاز طابعة ...راح تكونين مسؤولة عن طبع الأوراق والمستندات الخاصة بالشركة وأعتقد هالشغلة ممحتاجة خبرة ولا شهاده ...
أي زين ..اعرف هالشغلة ..

جيد ..تفضلي استريحي ...واستعدي لشغلج ..