رواية انتقام الافعى الفصل العاشر 10 - بقلم Eman Salem

《بدايات أم نهايات》

في شقة وداد خاله لمار
وداد : يا ابني واحنا يشرفنا طلبك دا ،بس أنت مستعجل
علي قراءة الفتحه ليه لازم اعمامها يبقوا موجودين وقريبك
كمان ولا ايه، دي الأصول
قصي :خلاص الاسبوع الجاي كويس
وداد :كويس يا ابني نكون كلمناهم واستعدينا
قصي: بس أنا هاجي لوحدي
وداد بتعجب: ليه يا ابني امال الوالد والوالدة فين
قصي: الوالد والوالدة  متوفين، وأنا واحدهم مليش اخوات
وداد :ربنا يرحمهم ، طيب يعني اكيد ليك قرايب ممكن
يشرفونا
قصي وهو ينظر للمار:حضرتك أنا بحب الصراحة ومبحبش
اللف والدوران أنا في شوية خلافات بيني وبين العيلة
بسبب الشغل وللاسف العلاقات مش هتسمح انهم يحضروا
معايا
وداد وهي تنظر للمار : ماشي يا ابني ربنا يهديلكم الأحوال
قصي :طب استأذن أنا
وداد :خليك شوية يا حبيبي أحنا لسه ملحقناش نشبع منك
قصي في نفسه والله ست بتفهم ……خليها مرة تانية
وداد :لا لازم تتعشي معانا النهاردة
قصي : مش هقدر اقول لا طبعا

ذهبت وداد وتركتهم مع بعض ……
قصي : هو ممكن اعمامك يرفضوني
لمار :ههههه ، أنت خايف ولا إيه
قصي وقد أبدل مقعده للمقعد المجاور لها متحدثا طبعا
لازم اخاف
لمار : متقلقش أنت عريس لقطه أي حد يتمناه
قصي و قد ابتهلت اساريرة واقترب برأسه ناحية مقعدها
متحدثا : لقطه ،بجد يعني أعجب
لمار في نفسها دا أنت تعجب الباشاااااا الله يكرمك خلينا
ساكتين ،نظرت له تلك النظرة التي يعشقها وتحدث: يعني
حدثها قصي بهدوء :غمضي عينك
انتفتضت قليلا وتحدثت بحزم :لااا مش مغمض يا قصي
قصي :ليه بس
لمار :هو كده ،لأنك بقيت جرئ أوي ،ومبحبش الحركات دي
قصي : ميبقاش تفكيرك وحش كده ،،هعد لثلاث لو مغمضتيش
هوريكي الجرأة اللي بجد

تفاجأت من كلماته ولكن مع نطق رقم ثلاث أغمضت عينها
خوفا من تهديده .
اخرج من جيبه علبه شيك وأخرج منها خاتم الماظ رائع
جذب يدها حدثته اييييييه هتعمل ايه بالظبط
ضحك علي كلماتها ولبسها إياه وطبع قبل رقيقة علي يدها
ظلت مغمضة الأعين حدثها مش هتفتحي عينك ولا إيه
ظلت كما هي لا تجيب
اقترب منها وتحدث :في إيه يا لمار مالك
قامت من مقعدها ووقفت عند النافذة ،ذهب لها وجدها
تبكي حدثها :أنا زعلتك في حاجة
هزت رأسها بالنفي جذبها قليلا وتحدث :خلينا ننسي اللي فات ونفكر في اللي جاي ممكن
لمار وهي مازالت بقربة : صعب ننسي الذكريات اللي
عدت علينا يا قصي كده مرة واحده (وفي نفسها خصوصا لو كانت احلي ما مر في حياتنا بس لازم نتأقلم علي حياتنا الجديدة من غيرهم  )
قصي : متزعليش بقي وبعدين مقولتيش ايه رأيك في
الخاتم
ابتسمت قليلا  و نظرت ليدها ،انبهرت بما رأته
وتحدثت : دا شكله غالي اوي يا قصي ،ليه كلفت نفسك كده
قصي : دا هديه مني ولسه الشبكه أنت هتختريها زي ما تعجبك
أنت قمتك غاليه عندي أوي
لمار : شكراً ،بس شبكتي حاجه واحده عوزاها منك
قصي :أطلبي اللي إنتِ عاوزه وأنا هنفذه علي طول
لمار :نكلم الدكتور عشان حنين
قصي وقد صمت قليلا وتحدث :متفكريش اني محاولتش
حاولت كذا مرة بس مفيش نتيجه ومش عاوز البنت تحط
امل وتتدمر أكتر ومتفكريش اني عجبني قاعدتها كده بس أنا بحميها ببعدها عن الناس

لمار : دا دكتور كويس جدا أنا  بحثت عنه ،وبعدين احنا
جمبها ،ثق فيا  بلييييز
قصي : حاضر هثقك فيكي ،وهكلمه ،كده مبسوطه
لمار : طبعا مبسوطه ،خالتي بتنادي يل عشان ناكل

########################

في الصباح ……..
عند راشد ……. ….
مازال نائم بسبب ذلك العقار الذي أعطته له ياسمين
وهي تستمع للتلفاز بالخارج ولا تبالي بما تفعل

عند فدوي ………
لم يغمض لها جفن طوال الليل فليس من عاداته الغياب
دون علمها ،ستجن عليه ظلت تنتظره طوال الليل علي امل المجئ في أي وقت ،جهزت الاولاد للمدرسة وذهبت مباشرة
لآسر
عند آسر.…….. 
فدوي: آسر هنا ولا خرج
فخرية :لا نايم فوق يا ست فدوي
فدوي :طب راشد مجاش هنا امبارح ولا النهاردة
فخرية :لا يا ست فدوي
فدوي وهي تجلس بقلق علي المقعد :اطلعي صحي آسر
بيه بسرعة قوليلوا إني عاوزه في موضوع مهم جدا
فخرية :حاضر يا ست فدوي وصعدت سريعاً وايقظته
نزل آسر قلق فليس بعادتها المجئ في ذلك الوقت
آسر:صباح الخير يا فدوي
فدوي:صباح الخير، راشد فين يا آسر
آسر:معرفش هو مبتش في البيت
فدوي : لا يا آسر  وأول مرة يعملها دا حتي مكلمنيش يطمني
آسر:طب رنيتي انتِ عليه
فدوى :تلفونه مقفول
آسر:طب بس اهدي وأنا هشوف الموضوع دا ،وارتدي
نظارته وغادر علي عاجله

#####################
مر اليوم وكانت فدوي ستموت من القلق عليه

عند ياسمين ……..
بدء راشد في الإستيقاظ وجد نفسه في تلك الغرفة الغريبة
عليه ولم يتذكر شئ ،كان يشعر بصداع شديد للغاية ،قام
واتجه للخارج وجد بالخارج ياسمين، تفاجئ ولكن بدء
يتذكر سبب مجيئه لذلك المكان وأنها هي السبب

تحدث بكل حزم أنا نمت إزاي هنا وليه
ياسمين:عشان أنت مدتنيش فرصة لحاجة تانيه ممكن تقعد
ونتكلم
راشد :اقعد إيه ونتكلم إيه، أنا غلطان إني جتلك هنا بجد عن اذنك يا مرات ابن عمي
ياسمين: لو خرجت من غير ما تسمعني هتندم صدقني إنك مسمعتنيش.
راشد :ليه بقي هندم يا  ياسمين هانم
ياسمين:بص من الآخر إنت بايت عندي من امبارح بالليل
والساعة بقت ٨ اهي ،ومصورة لك صور وأنت هنا من اول مجيت لحد دلوقتي ،فمن الآخر كده اعملي اللي انا عاوزه
عشان مقولش لفدوي واديها الصور وأنت عارف ايه اللي هيحصل
راشد وهو يجلس علي الأريكة:وإنتِ عاوزه ايه
ياسمين: قدامك حلين اختار اللي يريحك الاول تتجوزني
وطلق فدوي، أو خلي آسر ملوش دعوة بيا لم ارفع قضيه
خلع من سند
راشد : طب وليه تدخليني في مشاكلكم ،وبعدين أنا كنت
ناوي اساعدك من غير دا كله
ياسمين: كان لازم ده لان آسر مش هيرضي بالساهل وأنا
خلاص تعبت ومعتش قادرة استحمله
راشد : أنا هخليكي تطلقي من سند ،مع إنك لو لفيتي مش
هتلاقي حد زيه
ياسمين:عارف دا كويس، بس هو فين معدش موجود خلاص
مش حرام لم اعيش حياتي زي منا عاوزه
نظر لها نظرة دونية وغادر وهو يحترق من الداخل ويحاكي
نفسه لما أصبحنا في ذلك العالم الأليم كل إنسان يريد أن يعيش هو فقط ولنفسه فقط ،رغم أن هذه الدنيا قصيرة لا تحتمل كل تلك المكائد والاحقاد ،ولكنه الآن في موقف لا يحسد عليه عزم علي إقناع آسر بترك تلك الحية تخلع سند حتي لاتتسبب في خراب حياته هو الاخر

#######################

عند سند ………….
صعدت وهي ترتجف فهي تريد الاطمئنان عليه وصلت
وأغلقت الباب جلست علي الارض تحاكيه :أزيك يا سند
بيه يارب تكون بخير ،أما أنا النهاردة حلمت لك بحلم
جميل يارب يجعل من حظك ومن نصيبك ، عمري ما كنت
بحلم بالأحلام الحلوة إلا اما دخلت أنت حياتي ، اكتر
حاجه بخاف منها الموت لان عشت يتيمة مليش حد
عمري ما عرفت يعني ايه اب ،أم، أخ، كل دا معرفتوش
ولا عمري عرفته ،بس أم عرفتك حاسيت انك كل اهلي
وناسي الله يخليك اوع تبعد عني ابدا في يوم من الأيام
حتي لم ربنا يشفيك سبني خدمتك طول العمر

وهنا استمعت لصوت و أحد  يمسك يدها متحدثا :ومين
قالك اني اقدر ابعدك عني يا ورد .
أحست انها تحلم فهذا ما رأته في أحلامها بالفعل وظلت
تنظر إلي أن تأكدت انها لا تحلم
صرخت وسحبت يدها من يده وجرت للخلف تتحدث
بسم الله لا تأذينا ولا نأذيكي واخذت تقرأ المعوذتين
سند وهو يقترب منها بالكرسي ،قفزت هي سريعا علي
السرير متحدثه :لاااا، لا ،لاااا،لا ،الله يخليك من بعيد
سند :مالك يا ورد
ورد :يا مصبتي وكمان عارفه اسمي ،والله آخر مرة اطلعله
يا ست العفريته بس انصرفي
سند وهو يبتسم :عفريتة ايه يا ورد أنا سند
ورد :أنت، بت…بتتكلم
سند :ايو يا ورد بتكلم
ورد :يا مصبتي، وفاكر كل اللي حصل قبل كده
سند : فاكر يا ورد ممكن تنزل بقي
ورد :فاكر ،يا مصبتي، يا مصبتي
سند : فين البسبوسة بتاعت النهاردة
ورد :أنت فاكر البسبوسة كمان
سند :طبعا وكل حاجه قولتيها يا ورد
ورد :يا لهووي يا لهوووي ،والله يا سند بيه انااااا اناااا
سند :ممكن تهدي عشان اكلمك
ورد:تكلمني أنا هي العين تعلي عن الحاجب يا باشا
أنا غلطانه بالله عليك سبني انزل
سند بحزم :بس بقي
ورد :قد تسمرت مكانها ولم تعد قادرة علي إخراج حرف
سند :انزلي من فوق
هزت رأسها بالنفي
سند :قلت انزلي
نزلت وهي ترتجف
سند :مالك يا ورد مش كان نفسك اتكلم ايه اللي حصل
ورد :أنت بتتكلم من زمان يا باشا
سند :لا يا ورد من فترة بسيطة
ورد :طب ليه محدش يعرف
سند بحزم :اوع يا ورد حد يعرف اللوقتي
ورد:ليه يا سند بيه
سند :هقولك ……
##################

في الشركة ……..
عند آسر ………
آسر: كنت فين يا ابني مراتك قلب الدنيا عليك من امبارح
راشد :كنت في مصيبة
آسر:مالك يا ابني انت متخانقك مع فدوي
راشد :لا
آسر:امال في إيه وكنت فين حضرتك مش عوايدك يعني
راشد :بلاش تعرف
آسر:طب كلم فدوي طمنها عشان قلقانه
راشد :كلمتها قفلت السكة في وشي
آسر:لها حق ،منت كنت بايت بارة ولا علي بالك
راشد في نفسه : اضربه قلمين ولا بوكس اكسرله طقم
سنانه ولا اعمل في إيه ،،طب والحل يا ابو العريف حلها
آسر: علبه شوكولاته كده غاليه متكلفه واعتذر لها قولها
كنت في شغل مع اني حاسس انه حاجه تانية
راشد وهو يغادر : هو كان عمي لازم يخلفك يا آسر  كان
كفايه سند ،أما اشوف هيحصلي ايه تاني علي ايدك
يا آسر
انتهي الفصل لأحداث ممتعه إن شاء الله
الفصل العاشر هينزل بكرة
دمتم بخير ❤