رواية انتقام الافعى الفصل الحادي عشر 11 - بقلم Eman Salem

في فيلا راشد …….
كانت تبكي في غرفتها لا تعلم لما يفعل معها ذلك لم يستغل حبها دائمآ ويكسرها ولا يبالي
دخل راشد وهو يحمل علبه شوكولاته فاخرة تحدث بصوت هادي :فدوي رجاء ممكن تسمعيني قبل اي كلام
فدوي بدموع: هتقول ايه يا استاذ راشد اتفضل قول
راشد:لو قلتلك غصب عني وحياتك إنتِ ،مكنت قاصد لا بات بارة بس هي جات كده
فدوي :جات كده حضرتك بايت بارة من امبارح ولسه مشرف وبتقول جات كده ،والمفروض انا مزعلش مش كده والا ابقي واحدة نكدية صح وبتاعت مشاكل مش هتقول كده بردة
راشد :مين قال بس كده طب شوفي انا جيبلك ايه
وما ان اعطاها العلبة حتي دفعتها علي اخر ما تملك من عزم من الشباك
راشد :ليه يا فدوي كده بس دا غاليا اوي
نظرت له نظرة تكاد تقتله
تبسم متصنع لذلك وتحدث :فداك مش مشكلة يا حبيبتي
فدوي:اطلع بارة يا راشد
راشد :اهدي بس يا روحي نتفاهم
فدوي :بااارة، مش عاوز اكلم معاك اتفضل
خرج سريعا متحدثا منكم لله الله يخربتكم واحد واحد
أنا إيه كان خلاني اعمل فيها طيب واروح منك لله يا آسر وتحدث هو مفيش غير سي زفت دا لم اكلم هشوف هيقولي ايه
آسر:عملت ايه
راشد :زفت مش راضيه تتكلم معايا اصلا
آسر:بس مفيش غير إنك تعملها حاجه رومانسية
راشد :هعمل ايه
آسر: أنا هقولك متفكر ولا انت الشاطر تعمل المصيبة وبس
راشد:اقفل يا آسر اقفل

#################  
عند سند ….. .
سند :أنت خايفة لسه مني يا ورد
ورد :معتش خايفة صدقني انا بس اتفجأت يا سند بيه
اعذرني مكنتش …
سند :ممكن بلاش سند بيه دي ولونها من بوقك زي العسل بس قوليلي سند بس

ورد :لا ،لا ،الله يخليك يا سند بيه ميصحش كده
سند :طب ممكن تسمعي الكلام بقي ،وبلاش بيه اصلا أنا اللوقتي لا بيه ولا نيلة أنا واحد عاجز علي كرسي

ورد :لا يا سند بيه ليه بتقول كده والله أنت احسن من
ميه واحد بيمشوا علي رجليهم ،بس ليه محدش يعرف
إنك بتتكلم يا سند بيه ،دول هيفرحوا
سند :مفيش غير الدكتور صاحبي وهو اللي بيساعدني وبيعمل معايا اللي مبيعملوش اخويا ولا مراتي ،حتي انتِ يا ورد بتسألي عاليا ولا كأنك من بقيه عالتي انت عارفة إنك من ساعة مداخلتي حياتي فرقتي معايا في موضوع الكلام بقي احسن من الأول بعد مكان صعب وبيخرج بصعوبة
ورد :والله اللي بتقوله دا يا اعني أنا ليا مكانة عندك يا سند بيه
سند :مكانتك عاليا عندي أوي يا ورد
ورد :ربنا يحفظك يا سند بيه يارب وتقف علي رجلك وترجع لحياتك من تاني

سند :حياتي اللي هي فين حياتي يا ورد ،أنا عاجز بقالي سنين ودي حياتي العجز بس
ورد :انا جمبك وهسعدك تقف علي رجلك زي مكنت سبب في انك ترجع تتكلم تاني بس ساعدني
سند :أنا اصلا مش عاوز ارجع يا ورد
ورد :أخرجت صورته من جيبها وتحدثت وهي تنظر له
شوف سند بيه الحقيقي مش الوهم اللي أنت عايش فيه
هو دا الاصل أنت المفروض تكون كده
أمسك الصورة منها وأخذ يتذكر أشياء كثيرة وبالنهاية
تحدث وهو مغمض العين اطلعي بارة يا ورد
ورد : اييية …. أنا
سند: بااارة ،اطلعي مش عاوز اشوفك
خرجت مسرعة وهي تبكي بشدة ولا تعرف  لم تغير معاها كذلك دون سبب
#####################

حضرت ياسمين.……..
آسر:حمدلله علي السلامة ،يارب تكون القعدة عند الوالد
عجبتك
ياسمين احست انه يلمح بشئ ظنت أن يكون حكي له
راشد عن ما حدث ولكنها تعرف ان راشد لن يخاطر
حتي لا تعلم فدوي،تحدثت : الله يسلمك يا آسر
وذهب للخارج تاركا إياها تفكر

صعدت ياسمين غرفتها دخلت ابدلت ثيابها وتمددت
علي الأريكة تلعب بالهاتف وكأنه ليس معها بالغرفة
كان يتألم لذلك ولكنه اعتاد منها التجاهل أصبح هو
تعاملها الأساسي معه
تذكر ورد وطريقته الفظه معها تمني لو يقدر علي النزول لها وارضائها

ياسمين تحدث صديقتها علي الواتس

ياسمين:هو جبان هيعمل اللي أنا عوزاه
كوكي :افرضي معملش ،ولا سأل
ياسمين: روحه في ايدى ،كفايه صورتين يروحوا لمراته
وشوفي بقي
كوكي :طب منتي هتكون في الصور
ياسمين:ودي حاجه تفوتني كل حاجه عمله حسبها
كوكي :لاعيبه يا سوه ميتخفش عليكى

######################
عند راشد …….    

هو الآن علي وشك تسلق سور البلكونة صعودا لبلكونتها
ووقف بصعوبة علي أطراف أصابعه يحدثها فدوي افتحي نتكلم فدوي
أحست انها استمعت لصوت طفيف يصل لها ذهبت عند الباب للتأكد احست أن الصوت اختفي ذهبت لتجلس مرة اخري ولكنها سمعت الصوت مرة اخري

ذهبت للبلكونة وجدته هو فتحت وخرجت له تحدثه لا والله ايه اللي عمل دا بقي مفكرني هيخيل عليا الحركتين دول لا تبقي غلطان
وتركته وذهبت
راشد:فدوي ،طب اسمعيني ،فدووووي ،طب نزليني الأول
راشد وقد انزلقت رجله ولم يشعر بنفسه الا وهو معلق علي الشجرة مثل قطعة اللحمه المعلقه عند الجزار

راشد :ربنا ينتقم منكم واحد واحد ومعاكم فدوي كمان
محمد، محمد ،نزلني
ينظر محمد حوله
راشد أنا  فوق علي الشجرة هنا
نظر محمد لاعلي ايه طلعك كده
راشد: أظن مش وقته ممكن حضرتك تنزلني وبعدين تحقق معايا ،ولم يكمل اذا بالفرع ينكسر ويسقط بين يدي محمد

والتصق كل منهم بالارض محمد : آاااااه
راشد :كل دا عشان واقف ترغي اتبسطت
محمد مازال يتوجع ،قام راشد وهو يعرجع وصعد لأعلي
متحدثا منك لله يا آسر الله يخدك انت والرومانسية في يوم واحد دخل الغرفة لم يجدها تمدد علي السرير متحدثا هعمل ايه أكتر من كده رقبتي كانت هتتقطم اهو ربنا علي الظالم

####################

في المكتب ……….
كارم :صباح النور اتفضلي
هدي :خير يا كارم
كارم :تعال اقعدي طيب ،تشربي ايه
هدي :هو موضوع كبير ولا ايه ،عموما شاي لو سمحت
كارم طلب اتنين شاي ،وكان الصمت سيد الموقف
احضر الشاي العامل
وظل الصمت سيدي الموقف وبعد دقائق تحدث أخيرا

احنا شغالين مع بعض من امتا
هدي :يااااه من فترة كبيرة
كارم :بقالك كام سنه شغالة هنا
هدي :في نفسها هم هيرفدوني ولا ايه ،بقالي اكتر من
٦سنين
كارم :أنت بتحب الشغل
هدي :طبعا اكيد
كارم :انا عاوز اتقدملك يا هدي
وهنا الشاي انسكب فوقها وصرخت بقوة
كارم :في إيه مش تخلي بالك
هدي :مفيش انا كويسه كويسه
كارم :طب قولتي ايه
هدي :ابتسمت بشدة
كارم حيث كده حددي معاد مع الوالد هكون عندكم
فيه انا واهلي نتعرف عليكم
هدي :حاضر وخرجت مسرعة وهي تكاد ترقص من الفرحة

كانت لمار اجازة كم ودت هدي لو تكون موجودة وتخبرها عن ما حدث وهو أن كارم أخيرا طلبها للزواج

في حديقة جميلة ……..
تجلس لمار هي وحنين
حنين :أنا مبسوطة أوي كان نفسي من زمان اشوف
الناس وأخرج يا طنط انا كرهت البيت ومكنتش بحبه
لمار :هنخرج علي طول وهنلعب وهنتفسح  نعمل كل
اللي احنا عاوزينه مبسوطه يا حبيبتي
حنين:مبسوطة ان بابا وافق ومرفضش
لمار :وفي مفاجأه احلي بس مش هقول عليها
حنين:عشان خاطري قوليلي
لمار :متبقاش مفاجأه
وبعد مدة ليست بقصيرة تحدثت لمار بوصي وراكي إيه رأيك في المفاجأة

حنين بدهشة :بابا
لمار :ايو بابا هيتغدي معانا
حنين :أنا مبسوطه اوي بجد بابا معايا بارة

قصي قبل رأس حنين متحدثا :ازيك يا حبيبتي ونظر
للمار متحدثا :شكرا يا لمار علي وجودك في حياتنا
لمار: ممكن متشكرنيش تاني
قصي هز رأسه وطلب الطعام

######################

عند سند ………
غادرت ياسمين  مبكراً وتركته مازال نائم كان يتصنع النوم
دخلت ورد تحدثه كد بردة تطردني امبارح مكنش العشم يا سند
بيه أنا معتش هطلع لك تاني ابداً ………الا  وأنت نايم بس
وهنا وجدت يد تمسكها متحدثا :ليه يا ورد انتِ زعلتي
ورد :بسم الله الرحمن الرحيم ،أنت صاحي ،صحيت امته وفي نفسها يالهوووي مبتتعلميش يا ورد هينفخك
سند : لسه صاحي ،متزعليش مني امبارح كنت صعب في حقك وزعلتك
ورد :والله منا زعلانه ،أنا بس خايفة عليك وعاوزاك تبقي كويس

سند :المشكلة في اللي فات صعب ننساه يا ورد
ورد :احكيلي هترتاح
سند :صعب احكي يا ورد
ورد :بس انا عارفه
سند :عارفة ايه يا ورد
ورد :حكاية العربية واللي حصل
وهنا تبدلت ملامحه وتحدث بحزن وغضب في آن واحد :لااااا متعرفيش
ورد بخوف :طب احكيلي أنا سمعاك
سند :……………

يا ترا ايه اللي هيحصل هيحكي سند ولا مش هيحكي
لأحداث ممتعه ومشوقة انتظروني
دمتم بخير 🧡