رواية انتقام الافعى الفصل الثاني عشر 12 - بقلم Eman Salem

كثيراً لا نجد كلمات تعبر عنا وتخرج ما نشعر به
من احاسيس ومشاعر

ورد بخوف :احكيلي انا سمعاك
سند :أكبر عذاب ممكن تحسي بيه لم حد يثق فيكي
وتخذيله مش بس تخذيله لا وكمان تكوني السبب في
موته
ورد : كمل أنا عاوز أسمعك فضفض باللي جواك
سند :مبنساش يوم ما كلمتني تستنجد بيا احللها المشكلة وأنا……..أنا موتها

ورد : دي مجرد حادثه متحملش نفسك فوق طاقتها وبعدين هي عمرها وقف لحد كده بيك من غيرك كانت هتموت
سند : كله من اخويا هو السبب هو اللي فضل يلعب في دمغها لم قصي شك وكان هيعرف جاتلي تحكيلي وانا قولتلها تبعد عن آسر دا بتاع نسوان وفلاتي وبيضحك عليها بس كان خلاص الشك دخل في قلب جوزها، ويومها جات معيطه من ضربه
ليها بعد ما كلمتني ،وخدتها قلت اتكلم معها بعيد عن هنا كان مرقبها ولم اتصل وكلمها مبقتش عارفه تعمل ايه ومن خوفي عليها وعلي ابن عمي واللي هيفكرة عملت الحادثة
وكانت نتيجتها انها ماتت بسببي وسابت جوزها وبنتها
اللي الله اعلم زمان حالة ايه من غير امها ، وقفت حياتي عند اليوم دا يا ورد مش قادر انسى اني السبب في موتها بدل ما اساعدها

ورد : يعني مش كانت عشقتك صح ولا بتحبها
سند :لا طبعا ،أنا وقتها كنت بحب ياسمين جدا
ورد : أنا كنت متأكده إنك عمرك ما تعمل كده وأنك تكون خاين ،بس فخرية هي اللي قالتلي كدا

سند بحزن:وقالتلك ايه كمان
ورد : ولا حاجه بس والله أنت طيب يا سند بيه وأنا كنت حاسه أن في حاجة مش مزبوطه في الموضوع
سند : عرفتي اللوقتي يا ورد الحقيقة
ورد :عرفت وعمري ما هسيبك تفضل حابس نفسك كده في الكرسي دا
سند : أنا خلاص الكرسي بقي حياتي ومعتش عاوز اغيرها
ورد :لازم تغيرها يا سند بيه أنت لسه شاب وجميل وحياتك قدامك وبعدين يعني اخوك السبب وسايبهم يقولوا عليك انها كانت عشقتك طب ليه كدا
نظر لها لا يعرف ماذا يجيب ففضل الصمت
اقتربت تنظر له متحدثه بالله عليك رد عليا
سند :المشوار طويل عشان اقف علي رجلي وارد حقي
ورد :وأنا معاك وهفضل جمبك من ايدك دي لايدك دي
سند :هات التليفون، اتصل علي الطبيب
وحضر بعد وقت وبدأ معه جلسات العلاج الطبيعي
بمساعده ورد

######################
في الشركة.……..
بجد مبسوطة ليكي يا هدي واخيرا حس بيكي
هدي :أنا عارف انه مبيحبنيش بس بجد لم طلب ايدى
كان هاين عليا اروح احضنه وابوسه واقوله عمرك ما
هتندم لختيارك ليا ابدا
لمار : يا بنتي هو اكيد عارف وإلا مكنش طلب ايدك
اتبسطي واستمتعي بحياتك
هدي :عبالك يا لمار
لمار وهي تبتسم :قريب اوي قريب ،اصلا قصي إنسان
كويس وأنا ابتديت اتعلق بيه
هدي: مبسوطة اوي ان أخيراً حد هيخرجك من اللي إنتِ كنتي فيه
وهنا اقتربت كارما متحدثه في إيه
هدي :مفيش بس في أخبار حلوة قريب
كارما:اخبار ايه فرحونا معاكم
لمار :هدي هتتخطب لمستر كارم
نظرات غل تنبثق من عينها وتحدثت :الف مبروك
والله فرحت لك
هدي :اعبالك يا قلبي
كارما :إن شاء الله، تسلمي

######################
عند راشد …….
استيقظ وهو يشعر بتعب في رجله شديد تحرك بأتجاه
غرفة الأطفال وجدها مازالت نائمة ،جلس بجوارها
متحدثا :فدوي ،فدوووي
فتحت عينها نصف فتحه وتحدثت بإستياء خير علي
الصبح
راشد :كدا ينفع تسبيني انام لوحدي وتنامي هنا عند
العيال
لم تجيبه
راشد : والله يا فدوي إنتِ مكبرة الموضوع علي الفاضي
امال لو كنت مع واحدة
وهنا استيقظت ومسكته من تلابيب قميصه متحدثه
واحده مين تانيه ليه شايفني مركب اريل لا يا حبيبي
أنا ساعتها اموتك قبل ما ادبحك انت وهيا
راشد وقد وضع يده علي رقبته متحدثا :لا إن شاء الله
مش هتوصل لكده ،احم احم طب خلاص سماح بقي
وبلاش زعل ممكن
فدوي :المشكلة لو تعرف انا كنت خايفة عليك ازاي وهموت
من غيرك يا راشد انا بحبك جدا وأنت مبتقدرش دا
راشد :ليه بتقولي كده والله أنا بقدر وعارف وبحبك
اوي كمان
فدوي :مش عاوز كلام يا راشد نفسي في فعل حسسني
بحبك دا
راشد :المشكلة اني مبعرفش اعبر واعمل اللي اي ست
عوزاه ،بس قلتلك الف مرة  وهقول تاني ،أنا بحبك
يا فدوي ،قومي تعالي ننزل نفطر
فدوي:لا مش عاوزه
راشد :هتقومي ولا اضرب
فدوي :ههههه لا بجد
راشد : امال دا انا جامد واعجبك ومسك ايديها ونزلوا
فدوي :مال رجلك
راشد :لا مفيش اتخبطت فيها بس
فدوي :لا سلامتك ادهنهالك
راشد :اه والله يا ريت
فدوي :طب نفطر وهحطلك عليها مرهم
#######################

في المساء.………
في الهاتف …….
راشد :زي ما قلتلك خلي ياسمين تتطلق من سند يا آسر
أنت مش راضي ليه
آسر:هي اللي قالتلك ولا ايه
راشد :لا وأنت الصادق عمله مصيبه وهتقع علي دماغي
لو حضرتك مرضتش
آسر:عامل ايه الذبابة دي
راشد :أنا اللي يهمني اللوقتي سبها في حالها عشان أنا
كمان تسبني في حالي
آسر:ماشي اقفل أنت وأنا هشوف الموضوع دا
راشد :مش عاوز مصايب سامعني احسن والله يا آسر
هيبقي فيها كلام تاني
آسر: ماشي اقفل أنت

اتجه لها متحدثا
عملتي ايه لراشد
ياسمين:معملتش حاجه ،أنت ليه ظالمني
آسر:ظالمك ،ماشي وأمسك خصلاتها متحدثا مفيش طلاق يا هانم
ياسمين:حوش ايدك يا واطي
آسر:عاوز تتطلقي ،اتنزلي عن اسهمك في الشركة مش أكبر وحضرتك تيجي تهدي كل حاجه كده في غمضه عين
ياسمين:ااااه قول كده بقي ،الأسهم، لا مش هتنازل
عن حاجه
وهنا استمعوا لصوت الجرس وكان القادم هي شهد
اقتربت تسلم علي ياسمين وتقبلها :ازيك عامله ايه
ياسمين:تمام الحمد لله
واقتربت تسلم علي آسر وجلست علي مقربه منه
آسر:إيه المفجأه الحلوة دي
شهد :كنت قريبه قلت اعدي اسلم عليكم
ياسمين:بجد جيتي في وقتك
شهد :ليه بقي
ياسمين:لسه كنت بحكي لاسر عن موضوع صديقه ليا
مخطوبه وخطبها متجوز عليها عرفي ،يرضيكي
شهد :لا طبعا ،وليه متجوز عليها
ياسمين:اصله فلاتي وبتاع ستات
شهد :طب وهي ليه راضيه بيه كده
ياسمين:غلبانه مكنتش تعرف بس ولاد الحلال كتير
آسر وقد شعر أن الكلام موجه له تحدث : الحمد لله
مش كل الرجالة كده
شهد :اكيد طبعا مش كلهم
نظرت له ياسمين نظرة ضاحكة تخبرة أن يتقي شرها فهو لم
يعلمها بعد جيداً

#######################

في منتصف الليل ……..
كانت وداد مريضه لم تعرف لمار ما يتوجب عليها فعله
اتصلت بطبيبها لم يجيب ،ظلت تبكي ولم تشعر الا وهي
تتصل بقصي
قصي بصوت نائم :الو.
لمار :أنا اسفه بس خالتو تعبانه والدكتور مش بيرد
قصي اعتدل علي الفور من نومه عندما سمع صوتها
الباكي وتحدث بحزم :نص ساعة وهكون عندك
بالفعل لم تمر ساعة الا وكان هو ومعه ثلاثه من الأطباء
عندهم في شقتها
دخلوا غرفة وداد وتم الكشف ،بعد مدة خرجوا ومعهم
لمار لقصى الذي كان ينتظر بالخارج وتحدث : خير يا
دكتور
الطبيب : انزيمات الكبد عالية جدا ودا واضح عليها
والسكر مش مزبوط ،التحاليل دي اول متبقي كويسه
تعملها علي طول ،والادويه اللي هكتبها تمشي عليها
بالمعاد ،وأن شاء الله اشوفها كمان اسبوع
لمار :يعني هي كويسه
الطبيب :ايوة كويسه ويبقي احسن إنشاء الله
لمار :شكراَ يا دكتور مش عارفه اشكرك ازاي
ذهب الأطباء ومعهم قصي وأحضر الدواء و
ذهب مرة اخري لهم
لمار :تعبتك معايا بس معرفتش اعمل ايه
قصي :تعبتيني ايه انا بجد مبسوط النهاردة أول مرة
احس إنك بتفتكريني
لمار :قصي أحنا في إيه ولا في إيه
قصي:لا مقصدش طبعا ،بس بجد مبسوط إنك
كلمتيني
لمار :طب روح أنت شكراً اوي اللي عملته
قصي:هروح الصبح ،افرضي احتاجتم حاجه
أنا هعد في الصالون وأنت البيت بيتك
رفعت حاجبها بتعجب وتحدثت :ماشي ،تركته
وأحضرت شوربه لخالتها واطعامتها واعطتها
دوائها، وذهبت لقصى وجدته غافي علي الاريكه
احضرت له غطاء خفيف ونثرته عليه وجلست
تحدثه : اول مرة يا قصي من سنين احس بالأمان
إن حد جمبك مطمنك لو احتجته هيوقف جمبك
بجد الدنيا دي مش ماشيه علي هوا حد مكنتش
عاوز اتعلق بيك ولا أحبك، بس شكل قلبي هيحبك
من غير استأذان
وذهبت تعد طعام الفطار ،انتهت منه وذهبت لايقاظه
متحدثه :قصي ،قصي
قصي :أنا نمت ،الكنبه بتعاتكم دي مريحه اوي اول
مفردت عليها محستش بنفسي
لمار وهي تضحك :بجد ،الكنبه بردة
قصي وهو ينظر لابتسامتها متحدثا والله ضحكتك
دي عندي بالدنيا
لمار :طب الفطار جاهز اتفضل
جلس علي الطاولة، تحدثت :مش هعرف اجي الشغل
لم تكمل وتحدث قصي :مين قال انك تروحي إنتِ اجازة
واجازة مفتوحه لحد متلاقي خالتك بقت كويسه
لمار نظرت له بفرحه متحدثه طيب ماشي

#######################

في شركة آسر.……
آسر:ازاي ياخد المناقصه
راشد :ممكن تهدي هي خلاص راحت راحت
آسر : هو مفكرنا ايه ملناش لازمه ماشي والله لوريك
يا قصي مين هو آسر

ما سيحدث بسبب تلك المناقصة لأحداث أكثر اثارة
انتظروني ،،مستنيه تفااااعل حلو برأيكم
دمتم سالمين 💝