رواية انتقام الافعى الفصل الخامس 5 - بقلم Eman Salem

مر عدة أيام علي ابطالنا لم يحدث جديد سوي سفر شهد
لمؤتمر في الخارج ،تعلق ورد بسند وذهابها له كلما أتيحت
لها فرصة ،العلاقه جيدة بين راشد وفدوى، يريد قصي
التقرب من لمار ،هناك مخطط تحيكه .…….

في شركة قصي …..

دخلت بهدؤ شديد المكتب واسرعت في البحث عن
ما طلبه آسر  واخيراً وجدته فتحت القلم الذي يحمل
كاميرا دقيقه وبدأت في تصوير الصفحات واحدة تلو
الآخري بدقه وسرعه

كانت تجلس تباشر عملها جاء من بعيد لم يجد غيرها الكل
لم يحضر بعد جلس علي حافة المكتب مقابلا لها يحدثها
ديما كده أول وحده تيجي
لمار:أنت عارف يا مستر كارم الشغل عندي دا أهم حاجة
كارم :طبعا عارف اكتر حد طِعم اقصد ملتزم في الشركة
لمار :شكراً ،والله كلامك أنت ومستر قصي بيخليني ابقي
سعيدة 
كان يحاكيها وعيونه تلمع بشغف الحب

دخلت هدي ،وما ان وجدته هناك يجلس أمامها شعرت
بدوار اجتاح رأسها حزنت كثيراً إلا متي سيظل لا يشعر
بها توجهت لمكتبها سريعاً لم تلقي عليهم حتي السلام
لاحظت دخولها وحزنها حدثتها  مفيش ازيكم ولا ايه
هدي بحزن يظهر بوضوح:معلش اصل تعبانه شويه
كارم :لو تعبانه روحي وهما يشيلوا مكانك
حدثت نفسها لا شهم اوي امشي عشان تقعدوا لوحدكم
ااااه ،لا شكراً يا كارم أنا كويسه كل الحكايه شويه
صداع
كارم :طب انا رايح علي مكتبي لم قصي يجي بلغوني
لمار :حاضر ،ذهب ونهضت هي متجه لها تحدثها مالك
انتِ زعلانه
هدي :هزعل ليه
لمار :عشان كارم قاعد معايا
حدثت نفسها سريعا :هو ان للدرجه دي مكشوفه وباين
عليه طب اقولها ولا اسكت
لمار :اتكلمي متخبيش عليا انا صحبتك
هدي :ايو يا لمار لم بشوفه معاكي بموت
لمار :انتِ بتحبيه يا هدي
هدي :ايو بحبه ،بس هو شكل بيحبك انتِ ،وممكن تكوني
بتحبيه
صمتت لمار تراجع أحداث مرت بذاكرتها :بيحبني ،ازاي
هدي :باين جداً علي فكرة مش محتاج كلام
لمار :معتقدش كان قالي ايه هيخليه يسكت ،وبعدين
انا مبفكرش فيه غير كاحد بشتغل معاه وبس وبعدين
في موضوع تاني كده
هدي بحزن :نفسي يحس بيا وبحبي ليه
لمار :انتِ انسانه جميلة بجد ويابخته اللي هيرتبط بيك
بس عوز تغيري من نفسك شويه عشان تلفتي نظرة
   
هدي: عاوزاني اعمل ايه اخلع حجابي والبس قصير عشان
اعجبه ،أنا عمري من عمله كده حتي لو هخسره
لمار  يا بنتي ومين قال كده بس أنت لازم تهتمي بنفسك
خرجي الانثي الي جواكي أنت ملكيش مثيل بس مش عارف
تظهرى دا
هدي:  ليه شيفاني راجل قدامك
لمار : ومين قال كده بس أنت اجمل مني بس عاوز شويه فرمته
هي ليه شايفه عليه فيروسات 😂😂
لمار :فيروسات مهو بلسانك الطويل دا عمر ما حد هيبصلك
اصلا ،عموما بكرة الساعة خمسه هتعرفي اقصد ايه
هدي بغيظ :اما اشوف اخرتها ايه معاك ايه ،المهم ايه هو
الموضوع بقي
لمار :قصي عاوز يرتبط بيا وبيديني فرصه اتعرف عليه
اكتر عن قرب
هدي :الله أكبر، قصي بيه مرة واحده ،وافقي وافقي دي
فرصه متتكررش
لمار :بس انا لسه فكراه منستوش
هدي :انا مش عارفه في واحده مخلفتش من جوزها تفضل
فكراه خمس سنين ازاي
لمار :كان بيعملني اني بنته مش مراته حبه حنانه احتواء ليا
في كل حاجه اول يوم اتقبلنا قالي انت حلم عمري اللي اتمنيته
وفضلت احلم بيه كتير ،مبقدرش انساه صعب وسقطت دموعها
هدي :معلش بس انتِ لازم تكملي ادي لنفسك فرصه علي الاقل
لمار :ربنا يسهل اما اقوم اجيب الملف من جوه
اتجهت للمكتب لتفتحه دخلت خطوه فوجدت كارما في
وجهها
لمار :بسم الله بتعملي ايه عندك
كارما وقد ظهر الارتباك عليها :مفيش كنت بحط ملف جوه
لمار :بتحطي ملف بقالك ساعه
كارما :ايه يا لمار هتحققي معايا
لمار :لا انا بهزر معاك انتِ زعلتي
كارما :لا ابداً ،وتركتها وذهبت
لمار :البت دي ملها وشها مخطوف ليه  

في الفيلا …....

كانت تجلس أمامه تطعمه بعض من قطع البسبوسة وهي
تسرد له بعض حكايتها واسرارها التي لم تقصها لأحد بعد
و حدثته أنت عارف طول عمري بحلم بقصه سمعتها
زمان ان الأمير يجي و ياخد البطله علي حصانه الأبيض
وبتخيل نفسي لابسه فستان ابيض جميل وشعري مفرود
ميغركش اكمنه مربوط والله دا زي الفل وابقي لابسه
جذمه عاليه من اللي بشوفها في التلفزيون وتكون بيضه يمكن
اكون مجنونه بس نفسي في دا ،ويجيلي هو من بعيد لابس
ابيض ومعاه حصان بني وفي وشه علامات بيضه
ويجي يفرد لي ايده ويناديني  وانا اجري من بعيد
وشعري يطير ويقرب عليا يضمني جامد في حضنه و
يلف بيا ويركبني الحصان وهو ورايا ياااه نفسي في
كدا اووووي وغفلت علي رجله ظلت مده من الزمن لم تعرف
كم استغرقت ورأت ما سردته في الحلم وشعرت بيده
ترتب علي خصلاتها برفق وحنان
فاقت من نومها وجدته غافل هو الآخر ،ورأسها علي
رجله صرخت وتحدثت أنا  نمت هنا يالهوووي يالهوووي
لو حد كان دخل كانوا هيموتوني واسرعت لأسفل

جاءت من الخارج للتو علمت بقدومه جهزت ما تريد واستعدت
جلست في التراث الخارجي ،،حضر اخيراً
راشد:ازيك يا ياسمين، اخبارك
ياسمين:وهي ترتدي تلك الملابس الشفافة التي تظهر
أكثر ما تخفي الحمد لله اقعد شويه
راشد :هطلع اشوف سند الاول وبعدين هقعد شويه
صغيرين لاني مش فاضي
ياسمين:ماشي وما ان ذهب أمتار فقط أستمع لصوت
صراخها هرول إليها مسرعا ليرا ما الامر
ياسمين:الحقني الحقني يا راشد النسكافيه وقع عليا
ونظر وجده رجلها لونها شديد الاحمرار
اقترب منها متحدثا اعمل ايه مش عارف
ياسمين ناااار حس بنار في رجلي ،هات المرهم احطه عليها
راشد: طب تعالي ندخل جوه وأخذ يدها للداخل متحدثا هو فين
جوه في الصيدلية هنا وأشارت لغرفه في الدور الاسفل
دخل ليجلب المرهم وجدها خلفه تجلس علي السرير
وتحدثه معلش حطوهولي مش قادرة
راشد وهو يبلع ريقه :ااايه طيب واقترب منها متردد
ولكنه طيب القلب لا يعلم بخبث نواياها
كانت تجلس بشكل مثير للغاية لو احد غيرة لكان أثر
به ولكنه لا يفعل المحرمات
انتهي من حط المرهم وهي تفتعل الألم بشدة كان حزين
عليها وحدثها :اتصل بدكتور احسن الحرق يعلم ويعمل
مايه
ياسمين :شكرا يا راشد لا مش عاوز اتعبك لو حسيت اني لسه تعبانه هكلمه
راشد :طيب هطلع انا لسند
هزت رأسها ببرأه تختفي ورائها شرور كثيرة
صعد لاعلي يطمئن علي ابن عمه
وهي اتصلت علي صديقتها
كوكي :عملتي ايه
ياسمين :كل اللي قلتلك عليه
كوكى:طب ورجلك حرقتيها
ياسمين وهي تمسح رجلها يا بت حرقت ايه انتِ طيبه دا مادة جيبها تدي لون الحرق ههههه شفتي ذكائى أنا اما احط
حاجه في دماغي لازم تحصل
كوكي :هاااا يا بنت الايه يا سوه دا انت مصيبة
ياسمين :دا أنا لسه بسخن التقيل جاي ورا

عند آسر.….
في شقته الخاصة يحتسى كوب من  المحرمات يأتيه
اتصال من كارما
كارما :ازيك حبيبي عامل ايه
آسر:هااا جبتي اللي قلت لك عليه
كارما :طبعا هو انا اقدر ارفض لك طلب وكمان معايا حاجات
تانيه هتعجبك
آسر:حيث كده هنسهر سهرة حلوة مستنيكي متتأخريش
كارما :دقايق وهكون عندك

عند لمار  ……
معنديش مانع بس تعال خدني من بيت عمتي لان انا عرفتها الكلام اللي قولتهولي وهي رحبت بيك ومعندهاش مانع
قصي :يعني هتخرجي معايا
لمار :ايوه هخرج، بدل منا خدت الاذن من عمتي خلاص
لان متعودتش اعمل حاجه من غير رأيها
قصي :ودي حاجه تسعدني اني اتعرف عليها أنا جاي
علي طول
لمار :مستنياك
حضر قصي وتعرف علي عمتها وذهب برفقتها
في السيارة…..
أنا عوز اعرفك حاجه كده يمكن مفيش كتير عرفها
لمار :اتفضل
قصي :اولا ياريت بلاش رسميات ،ثانيا انااا كنت متجوز قبل كده
نزل الخبر علي مسامعها كالبرق فتحدثت:ايه متجوز
قصي :متستغربيش، الموضوع دا بقاله فترة بس هي
ماتت
لمار :ماتت

وظل الصمت لفترة ثم تحدث قبل أن يصل لفيلاته انا
عازمك علي العشا في الفيلا
تعجبت اكتر وتحدثت :في الفيلا ليه من روح مكان عام افضل انا متعودتش اروح مكان لحد مش عارفه اسفه لكلامي بس انا ليا حدود في تصرفاتي مبتخطهاش
قصي وقد وصل للتو وتحدث :والله في هنا ناس ومش
هخطفك يعني متقلقيش

لمار وهي منزعجه من تصرفاته :حاااضر
ترجلت من السيارة ودخلت لفيلا يغلب علي تصميماتها
الحزن اللون الاسود والرمادي يتوجدان في كل مكان
تحدث ممكن نطلع فوق شويه اعبال اما العشاء يجهز
لمار :نععععم فوق ،أنت عارف بتقول ايه
قصي بضحك يحاول اخفاءه :متخافيش مش هقولك
ماما تعبانه فوق وعاوز تشوفك

لمار وقد ظهر الاندهاش عليها :امال أنت عاوزنا نطلع ليه
قصي :متقلقيش هعرفك علي حد مهم عندي
صعد لاعلي وهي خلفه تثق فيه ولكنها لا تعلم ما الامر
فتح باب أحد الغرف
صدح صوتها المتعجب والمتفجئ مين دي ؟؟
بقلم /إيمان سالم

احلاااام ،واشراااار ،واسراااار ، سنعرفها قريبا
اللي أحداث أكثر تشويق انتظروني 🧡
دمتم بخير ❤