رواية انتقام الافعى الفصل السادس 6 - بقلم Eman Salem

الحب أقدار وليس إختيار

لمار :مين دي يا قصي ؟؟
قصي :دي بنتي
لمار :وكمان مخلف
قصي :تعالي اعرفك عليها
كانت تشعر أنها مضطربة مشوشة التفكير والإرادة لا تعرف ما يتوجب عليها فعله ولكنها أحست ان شئ يدفعها نحو تلك الطفلة شئ بداخلها يناديها اقتربي

اقتربت منها وهي تجلس علي ذلك الكرسي وكانت متعجبه
احس قصي بما يدور بداخلها حدثها بصوت خافت يكاد
يكون مسموع :هي مولودة كده مشلولة

آاااه من تلك الكلمة ذبحتها جعلتها تشعر بعاطفه نحو
تلك الطفلة يتيمة وعاجزة انه لشئ قاسي

اقتربت لمار تسائلها اسمك ايه يا حبيبتي
الطفلة بخوف: حنين
لمار: الله اسمك حلو اوي يا حنين

ظلت مدة معها هي وقصي وبعدها طلب منها النزول
لأسفل لتناول العشاء

لمار :طب حنين مش هتنزل معانا 
قصي :الاكل هيطلع لها فوق انزلي إنتِ
قبلتها واتجهت لأسفل

علي مائدة الطعام…..
لمار :هو ليه محدش يعرف انك متجوز ومخلف كمان
قصي :القريبين بس هم اللي عارفين وبعدين هي ماتت
من زمان ،ولدت حنين وبعدها راحت وسابتنا لوحدنا
لمار بحزن :أنا أسفه والله مقصد أقلب في اللي فات بس
انا محتاج افهم ،وحنين لو حتي مولودة كده ليه معرضتهاش
علي دكاترة
قصي :حاولت كتير بس مفيش فايدة وبعدين انا مش عاوز
اعذبها كل شويه
لمار هزت رأسها بتفهم متحدثه ماشي
قصي :أنا حبيت تعرفي كل حاجه من الأول لان مش عاوز
اظلمك معايا بوجود حنين
قبل أن يكمل قاطعته متحدثه  :أنا مش زعلانه انها موجودة
بس اتفجأت مكنتش اعرف انك متجوز ولا مخلف كمان دا
كل الحكايه
شعر قصي براحه من تقبلها وجود حنين في حياتهم وأحس
انه بالفعل احسن الإختيار
  #######################

عند آسر.…….
وصلت كارما وطرقت الباب
فتح لها ضمته متحدثه وحشتني اوي اوي
آسر :ادخلي
دخلت وجلست وأخرجت الملف من حقيبتها وتحدث
وهي ترفعه قليلا : هااا كل اللي أنت عاوز وأكتر ،هتعمل إيه
بيه أنا عاوز أعرف والمقابل ايه بقي
آسر:كارما هو أنا بحوش عنك حاجه كل اللي عاوزه هعمله
وهعمل ايه دي بكرة هتعرفي متستعجليش
كارما:هتعملي اللي عاوزاه كله كله
آسر:كارمااا الملف وأشار بيده
أعطته له ،فتحه وبدأ يقلب الصفحات وتحدث :ياااه
يا كارما ايه دا … والله برافوا عليك …ونظر لها نظرة
رضى متحدثا :اطلب اللي أنت عاوزه وأنا هنفذه ليكِ
فوراً
كارما بنظرة تملك :عاوزك أنت يا آسر أنت بس اتجوزني
أنا بحبك و ماقدرش اعيش من غيرك
تبدلت ملامحه وتحدث :اييييه اتجوزك
كارما :ايو نتجوز
##########################

عند فدوي ……
في حجرة النوم …..
فدوي :يا راشد الولاد محتاجين يغيروا جو وأنا كمان عشان خاطري وافق اسبوع بس نسافر نغير جو عشان خاطر الولاد وأنت كمان

راشد :طب ما تسفروا يا فدوي لازمتها ايه اجي معاكم
فدوي :لا والله تصدق ملوش لزوم ،أنت مبتحسش خالص والله احنا لينا  حق فيك هو فين بقي
راشد بغضب :فدوي هو أنا بعمل كده لمين مش عشانكم
المستوي دا عشان نعيش فيه مش هيجي وانا حاطط
رجل علي رجل وقاعد في البيت وجمبكم
فدوي :يوووه انت ديما مبتفهمش احنا عاوزينك جمبنا
مش الشغل واخدك الاربع وعشرين ساعه احنا لينا فيك
كمان ومش بقولك سيب الشغل واقعد جمبنا
راشد :طب سافروا ولو عرفت أجلكم هاجي يومين هااا
قلت ايه
أدارت وجهها له متحدثه تصبح علي خير يا راشد
ادار وجه هو الآخر متحدثا وانتِ من أهله يا فدوي

########################

مر عدة أيام … 
في صباح يوم جديد …….
انتظرت ورد خروج ياسمين وذهبت لغرفه سند كانت
مشتاقه له كثيرا فهي لم تراه منذ يومان واحست هي
الآخرى بإشتياقه لها رغم انه مازال علي نفس وضعه
جلست تطعمه كالعادة قطع البسبوسة وتحدثه انا عارفه
زمانك كرهتني انا والبسبوسة بس دي اكتر حاجة بحبها
فبجبلك منها لان معرفش أنت بتحب إيه ولم تكمل جملتها
إلا واستمعت لصوت أرجل قادمه علي الاغلب فخريه

تحدثت بذعر شديد :هروح فين واجي منين 😱😱واتجهت ناحية النافذة ونظرت لأسفل وتحدثت لو نطيت من هنا هتتقطم رقبتي وببكاء عااااا هتعمل ايه يا ورد يا مصبتك يا ورد واتجهت ناحية السرير وانزلقت أسفله مع دخول آخر جزء من جسدها انفتح الباب ودخلت بالفعل فخريه

واقتربت منه تضع الصينية التي بها الأدوية وكوب العصير علي المنضدة وجدت قطعة من البسبوسة عليها
فخرية:بسم الله الرحمن الرحيم إيه اللي جاب دا هنا أنا
كنت هنا من شويه مكنتش موجودة

كانت أسفل السرير تضرب نفسها بالكف بصوت غير مسموع وضربات متتالية متحدثه يا لهووووي يالهوووي أنا إيه اللي كان خلاني اطلع دلوقتي بس كل دا عشان تشوفيهواشربي بقي لو شفوكي هيعملوكي كتفه عااااا يارب استر دا انا غلبانه والبسبوسة يالهوووي دا أنا  سبتها اتشهدى علي روحك يا ورد يا زهرة شبابك اللي هتروح يا ورد

وما أن إنتهت فخريه من إعطاءه الدواء وذهبت حتي
شعرت ورد بأن روحها ردت لها من جديد
قامت من أسفل السرير تجرى مهرولة ووصلت عند الباب
ورجعت له سريعا تحدثه دي اخر مرة هطلع لك هنا
متزعلش مني يا سند بيه والله كان نفسي اطلعلك علي
طول بس اعمل ايه فوتك بعافيه ،وخرجت مسرعه من
الغرفة متجه لأسفل

######################
في فيلا قصي …….
طرقت الجرس وانتظرت الإجابة
سعاد :قصي بيه مش هنا يا ست هانم
لمار وهي تدخل :أنا عارفه انه مش هنا أنا مش جايه ليه
سعاد بتعجب :امال حضرتك جاي لمين
لمار :لحنين هي صحت
سعاد :ايو من شويه
لمار :طب انا طلع فوق  ولو سمحتي اعملي لنا اتنين
عصير وطلعيهم فوق
سعاد وهي مازالت متفجأه :حاضر يا ست هانم  

في الاعلي طرقت الباب ودخلت عليها متحدثه :ممكن أدخل
حنين كانت مندهش من تواجدها وخائفه في آن واحد
لمار اقتربت منها تحدثها :ازيك يا حبيبتي شوفي انا
جبتلك ايه وأخرجت العاب جميلة
شعرت حنين بفرحه ظهرت علي ملامحها البريئة وتحدثت: دول ليا أنا 
 
لمار بحنان :طبعا يا قلبي ايه رأيك
حنين:حلوين اوي يا …أنت إسمك إيه
لمار :قوليلي طنط لمار
حنين:حلوين اوي يا طنط لمار  بس انا معرفش العب
بيهم
لمار وهي تنزع الجاكت العلوي لتأخد حريتها في الحركة
متحدثه :هنلعب سوا ايه رأيك
حنين:أول مرة حد يلعب معايا
ضمتها لها متحدثه :هجيلك علي طول  هنلعب سوا
حنين:انا بحبك اوي يا طنط لمار
لمار :وأنا كمان حبيتك يا نبدأ بقي

##########################

في شركه قصي  ……
هدي :بس إنتِ افكارك كلها ملهاش لازمه اصلا
لمار :بقي كده والله انا غلطانه دا انا نضفتك وشلت
الصدأ من عليك يا معفنه
هدي :ما نبني إلا صرفت فلوس اد كده علي الفاضي
الله يهدك يا لمار
لمار :وبتدعي عليا في وشي طب حتي خليه من ورايا
هدي:لا في وشك وانا اخدعك ليه
لمار :طول ما لسانك دا ربنا مادد فيه كده عمر ما كلب
باصص عليك مش كارم الأمور
هدي :بس متقوليش أمور انا بس اللي أقول عليه كدا
لمار :حاولي تقعدي معاه تتكلمي بس عشان خاطري
بلاش دبش
هدي :اعمل ايه
لمار :روحي اقعدي عنده في المكتب شويه بأي حجه
شغلي دماغك دي شويه حبيبتي
هدي :حاضر ،لم اشوف اخرتها معاك ايه

في مكتب قصي ..…..

قصي :مش عارف اقولك ايه ولا اشكرك ازاي علي اللي
عملتيه النهاردة
لمار بتعجب :عملت ايه
قصي :مروحاك الفيلا لحنين
لمار :أنا عملت كده لاني حبيت حنين من اول ما شفتها
ولو مش هتتضايق هروح لها علي طول
قصي :في سره والله دا أنا مبسوط دا البت دي سرها
باتع ،لا طبعا دا حاجه تسعدني هو أنا اطول
لمار وهي ترمش بعيونها التي تشبه حبات البندق :شكراً
يا قصى

#############################

في المساء ……
كان مازال في الشركه هو وكارم يأتيه أتصال يخبره بأن هناك حريق قائم في مخزن البضائع الجديدة
همّ مسرعا تبعه كارم إلي المخزن وعندما وصلوا وجد
اللسنة اللهب تندلع من كل مكان كأنها بركان لا يقدر أحد علي اخماده او الاقتراب منه
تحدث وهو يكاد يجن اتصلوا بالمطافي  بسرعه يا اغبية مستنين إيه
أحد العاملين :كلمناهم وهم في الطريق يا باشا

كارم :متجه لأحد الحراس بعد أن امسكه من تلابيب
ثيابه أنتم كنت نايمين كنت فين هااا ازاي حاجه زي
دي تحصل ازاااااي
الحارس :والله يا كارم بيه احنا هنا ولا حد دخل ولا خرج
كارم :لا يشيخ عاوز تقول انها ولعت لوحدها يا كل….
والله لتعرف شغلكم كلكم

كان هو لا يفكر في سوي من فعل ذلك يشك ولكن لم
يتأكد بعد سار بخطوات نحو الحريق تكاد اللسنة اللهب
تلامسه رأي شئ غريب حمله فكان قطعة من جلد ثعبان منقوش عليها كلمه واحده هي الانتقام وما ان رأي ذلك حتي جن جنونه وتوجه وهو يتأجج من الغضب ويصدح صوته عاليا: والله لوريكم من هو قصي عوف لاااا مش أنا اللي يتعمل في كده مش أنا

اتجه له كارم ويبدو عليه القلق وتحدث:تقصد مين يا قصي
قصي: هو في غيرهم والله لهوريهم
امسكه كارم متحدثا :استنا يا مجنون
ولكن دفعه بكل قوته وذهب وهو يكاد ينفجر أصبح قنبلة
موقوتة ستدهس من يعترض طريقها
كارم :ربنا يستر من اللي هيحصل وذهب خلفه بعد أن
أعطي تعليماته للعاملين بما يجب عليهم فعله

###########################

وصل الآن فيلا السياف …….
الساعه الثانيه بعد منتصف الليل ……
قصي وهو يطرق الباب وصوته جهوري للغاية:افتح يا آسر
والله منا هسيبك افتحوا يا خونه كلكم ذبالة مفيش فيكم
راجل لو في راجل يفتح
استمعت لصوته ياسمين علمت أن هناك خطب ما كبير
أسرعت في الاتصال بآسر وأخبرته بوجود قصي وخوفه منه أخبرها  بأنه سيأتي سريعاَ

أغلقت معه واتصل علي راشد كان في طريقه للبيت
حدثه :انا خلاص ثواني وهكون هناك عقبال لم تيجي
آسر:بسرعه يا راشد ليعمل حاجه في ياسمين وسند
راشد :حاضر حاضر اقفل

كثر الزجاج الموجود بالباب ،خافت الخادمة ففتحت
الباب كانت تنزل الدرج خائفه ولكن طمئنت نفسها أنها
ليست هي المقصودة و حدثته:أنت ازاي تتهجم علينا
كده أنت مفكر نفسك مين
قصي وهو يتجه لها يرمقها بنظرة تذيب الحديد :آسر
فين
ياسمين:مش هنا والله مهو هنا
اخرج سلاحه يوجه نحوها متحدثا :قوليلي هو فين بدل ما أفرغ المسدس دا في دماغك

أتاه الصوت من خلفه متحدثا :حد يهجم علي بيت خاله كده بردة يا قصي وكمان رافع مسدسك في وش واحده ست وكمان مرات بن خالك اللي في مقام أخوك
قصي وهو يستدير متجها له :أنتم مش قريبي ولا يشرفني ناس خاينه زيكم تبقي من عيلتي

راشد:ممكن افهم حصل ايه
قصي:أسأل آسر هيقولك دا لو مكنتش عارف اصلا
راشد وهو يزفر بغيظ شديد :هعرف منين متقول اللي
حصل خليني افهم
آسر:وهو يتجه نحوهم متحدثا أنت هنا بتعمل ايه
ألتفت الجميع إليه وابتسم قصي بمكر كأنه اخيراً
حصل علي مبتغاه وأشهر مسدسه نحوه متحدثا أنا
جاي عشان اخلص عليك النهاردة.

هل سيقتله قصي أم ماذا لأحداث أكثر متعه
وتشويق ،انتظروني

الحمد لله كدا بدأنا في الجد وهتبدأ الالغاز تتفك ورا
بعضها بس التفااااعل ياريت كل اللي يقرأ يعطيني رأيه ويصوت للفصل   ❤

دمتم سالمين ❤