رواية انتقام الافعى الفصل السابع 7 - بقلم Eman Salem

أنت لي عالمُ كبير خطوت أولي خطواتي في الحب
                                         بك ولك.
قصي :هخلص عليك يا آسر
آسر:لا ،تصدق خفت
توجه له قصي أصبح أمامه مباشرة ومسدسه موجها نحو رأسهِ والشرار يتطاير من عينيه

راشد :قصى أنت خلاص اتجننت هتموت ابن خالك
قصي :دا واحد جبان وندل حرق المخازن كلها بتاعت
الصفقة الجديدة
آسر بتعجب:بتاعت ايه !! الصفقة الجديدة ،قول كده دا
ملعوب منك عاوز تضحك علينا بس علي مين مس علي آسر

قصي وقد وصل لشدة غضبه وامسكه من تلابيب ثيابه
متحدثا :تصدق بيدخل عليا الكلمتين دول ،لا أنا خلاص معتش بصدقكم، منت اكيد هتنكر مش هتقول انا اللي عملتها

راشد : طب وآسر هيعمل كده ليه ايه مصلحتنا دي خساير للكل واحنا قبلك متنساش اننا شركه معاك
قصي :لان الخيانة بتجري في دمكم

آسر:لحد كده وكفاية انا ساكت لك من الصبح ،ودفعه قليلا
استشاط قصي غضبا:أعطاه لكمه قويه دفعته أمتار
وصل كارم ودخل سريعاً يحاول إنقاذ ما يمكن إنقاذه وحال بين قصي وآسر

حاول قصي التملص من قبضه كارم ولكنه كان محكم  الإطباق جيداً عليه
آسر وهو يتهجم علي قصي: والله لدفعك تمن دا غالي اوي ،يا ذبال…... يا حقي…… يا واط......
وهنا أزاح قصي كارم بعيداً بدفعه قوية جعلته يسقط علي الارض مصتدما بسيف المنضدة جعلت رأسه تنجرح وتنزف منها الدماء بشدة وتوجه لآسر متحدثا وريني هتعمل ايه فيا كان يمنعالاشتباك راشد

فاقت مفزوعة من نومها علي ذلك الصوت خرجت لتعلم ما الامر وما أن رأت قصي يحمل مسدس والكل حوله ملتف ويريد قتل آسر تحدثت :يالهوووووي هيموتنا وهيطلع لسند يموته هو كمان يالهوووي ودا مين دا كمان هتعملي ايه يا ورد احسن حاجه استخبه وربنا يستر

بعد مشادات كثيرة وصل قصي لذروة غضبه وها هو الآن ضغط علي زناد المسدس وخرج الطلق الناري
الجميع صراخ في آن واحد وقد سقط أرضا .

من ؟؟ انه راشد هو من تلقي العيار أثناء الفصل بينهم

تبلد قصي مكانه للحظات جثت ياسمين علي ركبتها تراه متحدثه: راشد ،راشد ،ااااااه راشد وضربته علي وجنته لتحاول إيقاظه
آسر مازال في ذهول لم يصدق ما حدث
كارم ينزف من رأسه وبشدة وتفجأ مما فعله قصي كان
يحسبه تهديد فقط ولكن قد فعلها وأطلق النااار
اقتربت يا سمين من قصي تضربه علي صدره ليه عملت كدا ليه هو عملك ايه حرام عليك تموته ليييييه

نزل كارم سريعا يتفحص مكان أصابته فوجدها بالكتف
تحدث حد يطلب الإسعاف بسرعه الحمد لله الرصاصة جات في كتفه
آسر اتصل علي الإسعاف، وحدّث قصي بكلمات قاسية :قاتل عاوز تموتنا والله لخليك تقضي بقيت عمرك في الحبس أنت خلاص وقعت شوف أنا هعمل فيك ايه

قصي وقد عاد لغضبه مجدداً لو هيعدموني بردة مش سايبك وأعطاه لكمه نزف علي اثرها من جانب شفتيه
آسر وهو يتهجم عليه بقوة والله منا سيبك وضربه بقوة أسفل بطنه 

يدخل من يتحدث :كل ثابت مكانه ولا حركه
ياسمين:حضرة الظابط كويس أنك جيت أقبض علي القاتل
دهو ضرب راشد بالنار
اقترب الظابط من راشد الممد علي الأرض و تحدث اتصل يا ابني علي الإسعاف
آسر:كلمتهم وزمانهم جاين

اتصلت ياسمين علي فدوي تخبرها بما حدث جاءت مهرولة وصلت وهي منهارة تماماً اقتربت تضع يدها علي وجه
متحدثه: راشد حبيبي قوم ،رااااشد ووضعت يدها علي صدرة  تهزه ليقوم ولكنها رفعتها وجدتها ملطخه بالدماء صرخت بشدة
ونظرت نظرات مهلكه لقصي وتحدثت وهي تقترب منه : حرام عليك ليه كدا هو عملك ايه ،هااا ليه دا راشد طيب مبيأذيش حد حراااام لاااااا

وسقطت علي الارض لم تعد أرجلها قادرة علي حملها اقتربت منها ياسمين ترفعها متحدثه قومي يا فدوي

أكملت كلامها  وهي تقترب من راشد بمساعدة ياسمين تعمل كده ليييه فيه حرام  ،وأمسكت يده تقبلها متحدثه أنا جمبك يا حبيبي خليك معانا يا راشد أنا مقدرش اعيش من غيرك قوم يا حبيبي اوع تسبني لوحدي

دقائق معدودة وقد وصلت الإسعاف وحملت راشد ومعه فدوي و ياسمين وخلفهم سيارة الشرطه وبها قصي
وآسر وكارم خلفهم في سيارتهم متوجهين للقسم
فتح محضر وتم اخذ اقوال الجميع وتم حبس قصي علي ذمه التحقيق

في الخارج يحدثه كارم :ليه تعمل كده يا آسر ليه
آسر بغضب :قلتلك معملتش كده ولو عملت هقول انا هخافمنكم ،واتفضل امشي بقي
كارم :صدقني بعملتك دي هتفتح القديم اللي مصدقنا ننساه  

#####################

في المشفي….
كان في غرفه العمليات وهي تبكي بالخارج بجوارها
ياسمين تواسيها وتطمئنها أن الامر بسيط بعد مدة خرج
الطبيب متحدثا :حمدلله علي سلامته
ياسمين :أخباره إيه يا دكتور
الطبيب :الحمد لله الرصاصة كانت في مكان مش صعب وخرجنها بسهولة وهو كويس
فدوي وهي تبكي :ربنا يخليك يا دكتور الحمد لله ،طب
هو هيخرج امته
الطبيب:هيفوق بس وندخله اوضه عادية ،حمدلله علي
سلامته عن إذنكم  
رفعت فدوي يدها تشكر ربها :الحمد لله، اللهم لك الف حمد والف شكر

رتبت ياسمين علي كتفها متحدثه :خلاص بقي بلاش عيط الدكتور طمنا
فدوي وهي تمسح دموعها :غصب عني كنت هموت لو جراله حاجه راشد دا كل دنيتي
ياسمين في نفسها :كل دنيتك ماشي يا حبيبتي،،الحمد لله انه كويس
#######################

في الفيلا……   
كانت تبكي وبشدة علي رؤيه راشد بذلك الوضع الرهيب اصبحت عينها بلون الدماء ،اطمئنت أن الفيلا سادها الهدوء جففت دموعها وصعدت لأعلي تقصد غرفته طرقت الباب
ودخلت وجدته علي السرير ولكن مستيقظ
حدثته :كنت فكراك نايم ،بس هتنام ازاي والدوشه دي
كانت بارة والله أنا كنت خايفه يموتنا كلنا وك -كنت خايف عليك أوي بصراحه أنا عارفه أنه غلط اللي بعمل دا بس والله ما عت قادرة مشفكش ولا اطمن عليك اعذرني بس أنت عارف أنا جيبالك حاجه زمانها وحشتك صح

(سند في نفسه زمانها البسبوسة 😂😂)

وأخرجت من جيبها قطعة بسبوسة واقتربت تطعمه منها وهو لا يرفض ،وقصت عليه حكاياتها عن الملجأ وبعد مدة حدثته دا صوت الفجر بيأذن أنا هقوم اصلي وادعيولراشد بيه وليك أنت كمان وذهبت توضأت وصلت فرضها
وصعدت له اقتربت منه تحدثه أنا عملالك مفاجأه حلوة
قوم معايا وبالفعل اجلسته علي الكرسي وخرجت بهِ
لشرفه خارجيه بها منظر رائع وكان هذا وقت شروق الشمس
حدثته عارف يا سند بيه أنت دخلت حياتي ذي الشمس
دي نورها حلو اوي وكتير عليا وو وبتدفيني لو بردانه
بس اكتر حاجه مخوفاني ساعة غروبها خايفه من اللحظه دي أوي وحساها قريبه ،أنت عارف مش مشكلة أنك مس حاسس بيا مع إن حاسه إنك حاسس أنا كفايه عليا اشوفك بس والله

المهم يالا كل الفطار الحلو دا عشان ادخل قبل المفتش كرمبو اقصد فخريه تيجي
######################

في المشفي …….
فتح عينيه بثقل شديد ليرى ضوء خافت يتسلل له تحدثت بكل حب وهي تضم يده الغير مصابة :حمدلله علي سلامتك والله كنت هموت من الخوف عليك حاسس بإيه يا قلبي

راشد :متخافيش أنا كويس ،عمر الشقي بقي
فدوي وهي تقبل وجنته بحنان :ربنا يخليك لينا وميحرمناش منك يا راشد
راشد :أنا كويس متقلقيش ،دا كلها رصاصة طايشة
فدوي: أنت بتهزر يا راشد ممكن كانت الرصاصة دي لقدر الله …..وصمتت
راشد :خلاص متفكريش في حاجه المهم آسر عامل ايه
وقصي
ياسمين وهي تدخل واستمعت لسؤاله عن قصي تحدثت
بغضب :أنت بتسأل عليه وهو كان هيموتك وخايف عليه
راشد :متنسيش أنه ابن عمتي لو هو نسي أنا مش هنسا
وبعدين انا عاوز اطمن ليكون عمل حاجة لاسر
فدوي بحنان وهي ترتب علي يده :متقلقش الشرطة
جات علي طول بعد ما ضربك وخدوه وآسر  و كارم
كمان ولم يكملوا حوراهم ووجدوا ظابط يدخل ويسأل الطبيب
يعني نعرف ناخد أقواله دلوقتي
الطبيب :الحالة مستقرة اتفضل سيادتك
دخل الطبيب وتحدث افتح محضر يا ابني :وبدأ الأسئلة
تتهم مين بضربك بالنار
راشد :متمش حد
جميعهم في آن واحد :إيييييه
راشد :زي ما قلت لحضرتك مبتهمش حد

########################

في الصباح ……
في شركة قصي.……..
يدخل المكتب عليهم وهو مربط الرأس ،انخلع قلب هدي
عند رؤيته بذلك المنظر وقامت علي الفور وهي تسير
بخطوات هلعة :في إيه يا كارم مالك
انتبهت لمار علي حديثها فسألت :خير إيه اللي حصل
كارم :معايا علي المكتب جوه
كانت تنظر كارما نظرات فضول تريد معرفة ما حدث
ولكنهم دخلوا لغرفة قصي
جلس كارم وحدثهم : قصي ضرب نار علي واحد امبارح
لمار بفزع مين ؟؟
هدي :طب وأنت ؟!
كارم :لا دا زقه بسيطة كده خدت فيها سبع غرز
لمار :من قصي ؟؟
هز رأسه بأجابه تفيد التأكيد
هدي :ليه يعمل كده ل،،يه ؟؟
كارم :مشاكل قديمه اظاهر هتتفتح من جديد
لمار :أنا هروح له حالا هو فين ؟؟
كارم :للاسف محبوس في القسم
لمار :قسم إيه يا مستر كارم أنا لازم اطمن عليه
اعطاها العنوان ذهبت مسرعة له وكاد يخرج خلفها استوقفته
متحدثه :كارم
ظل ثابت بدون حراك لم أستمع في نبرتها ولا أول مرة شئ مختلف
اقتربت منه خطوات كم تمنت لو تقدر علي احتضانه انه تدخله
في أعماقها من الداخل شوقها له ،ألمها عليه ،حبها له كلها أحاسيس تشعر بها في آن واحد ،فرت دمعه خائنة حاولت إخفائها قبل أن يراها متحدثه :خفت عليك أوي
بدأ شعور يتسلل له أن هذا ليس فقط زماله انه شئ آخر
ألتفت لها متحدثا :خفت عليا ليه يا هدي
هدي :عشان عشان ،هزت رأسها وركدت وهي تحدثه افهم لوحدك
نظر لاثرها الذي اختفي :وتحدث هي البت دي مالها النهاردة

لم يفهم بعد او لا يريد أن يفهم انها تحبه   
########################

في القسم……
تنتظر  أن يسمح لها بالدخول له هي و كارم الذي قد وصل منذ قليل ،لحظات وسمح لها الشويش بالدخول له استأذنت
من كارم أن تدخل هي الاول
لمار : إيه اللي حصل دا يا قصي ،وليه عملت كدا
قصي وقد شعر بالفرحة من خوفها عليه متناسين انها تعاتبة
تخدث: متخافيش هعرف اطلع منها
لمار :بس ليه دا يا قصي أنا من حقي أعرف
قصي وقد أمسك يدها يبث لها من خلالها  أشياء يعجز اللسان عن قولها متحدثا: دا كله موضوع شراكه قديم وخانوني
فيه واقرب حد ليا غدر بيا ،وأنا أكتر حاجه توجعني
الخيانة يا لمار
لمار وقد بدا علي ملامحها الهدوء تحدثت :طب وأنت هتفضل هنا كتير
قصي :المحامي قال أربع أيام علي ذمه التحقيق بس
المشكلة إن في شهود وهيخلوها بدل قضية صغيرة
موضوع كبير
لمار بحنان :ربنا يستر
قصي :مش هوصيكِ علي حنين اليومين دول
لمار :من غير ما تقول ،أنا كنت راحه لها دلوقتي
قصي بأمتنان:شكراً يا لمار ،وفي نفسه ،بتثبتي ليا أد  إيه كان اختياري في محله
########################

في شقته…….
تحدثه شهد :أنت فين يا آسر
آسر وهو يحك ذقنه بيده هكون فين في الشغل
شهد:لكون معطلاك ،أنا سمعت باللي حصل كنت بكلم
ياسمين وحكت لي وقلقت قلت اتصل اطمن عليك عامل ايه دلوقتي
آسر:يعني لولا كده مش هتتصلي
هي بنبرة تحمل الجد :آسر، أنت عارف إني في مؤتمر مش بلعب وحضرتك بتكلمني وأنا لم بفضي بكلم لازمته إيه الكلام دا
آسر:خلاص خلاص أنا  عارف إني مش هاخد معاكي حق ولا باطل 
شهد :مقولتليش عامل إيه
آسر بخير دقائق معدودة واستمع لطرق الباب كان قد أنهي
حديثه للتو مع شهد
فتح الباب ……
كارما :وهي تقبله حبيبي إزيك
آسر بنظره تملائها الفرحة ادخلي
كارما :ضربه معلم يا آسر
آسر بنظرة شماتة :…… ………..

########################

في القسم ….
خرجت لمار ودخل كارم متحدثا والله مكان العشم ابداً
اخد سبع غرز علي إيدك أنت
قصي بحزن :أنت عارف إني مكنتش في وعي ،آااااااه يا كارم افتكرت اللي فات شريط قدامي  و مر
من أول ما سمعتها وهي بتكلمه ورقبتها وعرفت ،وحصل اللي حصل و بنظرة يكاد ينبع منها كل الآسي تحدث :تخيل إن مراتك تخونك ومع مين المفروض انه اخوك ،عمرك ما هتحس باللي حسيت بيه لم اشفها معاه في العربيه وهي بتفارق الحياة والدم بيتصفي منها بين إيديا كل دا عشان
متحبنيش وبتحبه هو ،سابتني أنا وحنين وهي لسه في
اللفه، عمري ما هسامح سند ابداً
كارم :ربنا خد حقكم وأنت عارف كفاية اللي هو فيه
قصي :ياريت كان كويس عشان اخد حقي ،بس اه موجود اللي هصفي منه الجديد والقديم
كارم بنظرة قلقة:ناوي علي إيه
قصي:….………

انتهي الفصل لأحداث أكثر اثارة انتظروني 🧡
مستنيه تفاعلكم الحلو 😘😘😘
دمتم بخير 🧡