رواية انتقام الافعى الفصل السابع عشر 17 - بقلم Eman Salem

عتمة اعترضت طريقي اصبحت لا أرى شئ
ولكني أبصرت نور خافتاً ..…..انه أنت!!

آسر :أنا مش متحرك من هنا الا اما اعرف في إيه فاهم
الظابط : حضرتك متهم بالتهرب الضريبى وكسب غير
مشروع
سند :أنت بتتكلم ازاي يا حضرة الظابط
الضابط :لو سمحت أنا بنفذ شغلي ،اتفضل معانا
آسر:كلم المحامي يا سند
ياسمين:متقلقش هكلمه يحصلك علي طول
آسر: وكلمي راشد كمان
هزت رأسها ياسمين وهي تدعي الحزن والقلق وما ان سار خطوتين حتي ارتسمت ابتسامه جانبية تدل علي الفرح حاولت أن تخفيها عن الجميع وخصوصا سند
بعد ذهابه
سند :كلمي المحامي بسرعة
ياسمين:حاضر يا سند ،،وبالفعل اتصلت عليه وأخبرته بما حدث ،،حدثها بأنه ذاهب له في الحال
سند :اتصلي علي راشد
اتصلت به ولكن هاتفه كان مغلق
ياسمين:موبيله مقفول
سند :دا وقته طيب ،نكلمه تاني
ياسمين: لو عاوزني اروح له اروح
سند:لا اصبري لم نشوف المحامي هيقول ايه الاول
ياسمين:طيب يا حبيبي واقتربت تجلس بقربه أكثر وترتمي بين احضانه
حدث سند نفسه : معقول اد كده الأيام بتغير ……ياااه ياسمين كنت زمان بحس بكل حاجه في الدنيا وانتِ في حضني كان حضنك دا هو دنيتي دلوقتي …….مش حاسس بحاجة كأني حاضن هوا ….. فراغ.……حضن بارد ملوش معني اد كده اتغيرت واتغيرت كل حاجه فيا ويا ترا انتِ كمان حاسة بإيه دلوقتي
عند ياسمين: مش معقول أنت سند … سند اللي كان بيتمني قربي …..اللي كانت اسعد لحظاته وانا جمبه …..وفي حضنه راح فين دا كله يا سند …….ليه بقيت جاف اوي بالشكل دا معقول مبقتش بتحبني زي الاول ……. كله منك يا ورد انتِ السبب ……. بس انتِ لسه مشفتيش ياسمين بجد … والله لندمك علي دا كله
سند محاولا الفرار …… انا هطلع اكلم راشد تاني وهكلم حد اعرفه في الداخليه يشوف الوضع ايه

ابتسمت له نصف ابتسامة تحاول الظهور بشكل لطيف
وتداري تلك النار التي تشتعل بداخلها مثل البركان

صعد لاعلي وحمد الله ، فقربها ما عاد يشعره بالأمان بل العكس انما امانه أصبح فقط ورد … يتمناها هي فقط …قربها فقط حبها فقط ….. ياليتها تعلم هذا
####################

عند راشد …….
مازال بالمكتب يحاول التفكير بشئ يجعله ينهي الحوار
بدون خسائر ……كان الإرهاق يظهر عليه بشكل واضح
فهو لم يغمض له جفن طوال الليل يفكر …..ماذا سيفعل وطرح بكلام ياسمين عرض الحائط ….فهو لا يراها سوا افعي خبيثه.……عزم الامر علي التوجه للفيلا وإنهاء الأمر ودعا الله ان يكون بجانبه

بعد وقت وصل الفيلا ….

كانت في غرفتها عندما استمعت لصوت سيارته ورأته
من النافذة أغلقت الباب عليها ومازالت حزينه متألمة
جرحها حديث ولكنه مؤلم فشعور المرأه بخيانة زوجها
لها او وجود امرأه اخري في حياته شعور عنيف قاتل
مدمر يبعثر المرأه يجعلها روح بلا جسد …. صعد لاعلي واقترب من الباب يطرق عليه
ولكن لم تجيب
تحدث بصوت عالي غير مهتم بالخدم او أي شئ آخر
راشد :افتحي يا فدوي ،افتحي مينفعش كده
فدوي بعد مدة من الطرق والالحاح تحدثت :لو سمحت
ملكش دعوة بيا واتفضل امشي مكان ما كنت بايت
اشتد غضبه أكثر فهو كان بالشركة وهي تتهمة بصورة
غير مباشرة انه كان يبيت عند آخره...يا لها من حمقاء
راشد :فدوي افتحي عاوز اتكلم معاكي بلاش لعب العيال دا ،افتحي يا فدوي

فدوي بعناد أكبر:مش هفتح يا راشد ،واتفضل بقي
راشد :لو مفتحتيش هكسر الباب
فدوي :حتي لو كسرته مش فتحه
راشد بصوت حزين :عشان خاطري افتحي يا فدوي
فدوي رغم شدة غضبها الا انها لم تعد قادرة علي حبس
دموعها انفجرت في البكاء ولكنها لا تريده يسمع ويشعر
بضعفها كانت تضع يدها علي فمها تكتم شهقاتها وصوتها

راشد :يعني كده ماشي ،واقترب من الباب يدفعه بغضب كانت هجماته علي الباب كفيله بدب القلق في قلبها فاتجهت ناحية الباب تفكر في فتحه …..لا تعلم لم أصر عليها قلبها ذلك …..توجهت لفتح الباب ……وعندها اندفع راشد بقوة
الداخل فهو لم يكن يعلم بما تنوي فعله ……اصتدم في منضده وطار من فوقها متجه ناحيه السرير …..واصتدم بحافته الخشبيه جعلت الدماء تسيل من رأسه ……قام بعد تلك الاندفاعة المهلكه والدماء مازالت تسيل وتحدث لازم اتكلم معاكي يا فدوي

كانت تنظر للدماء التي تسيل من رأسه وقلبها يئن يريد
أن يجري عليه يحتضنه يخفف وجعه ولكن تلك القلب
المحب يتعذب أيضا مطعون يشعر بالاختناق.…فماذا
عليه ان يفعل
تحدث بجمود تحاول رسمه علي صفحة وجهها : هتقول
ايه يا راشد ،أنا مش عبيطه ،أنا مراتك يا راشد فاهم يعني إيه، يعني بحس بيك ،وعارف إن في حد في حياتك
راشد :اقعد وانا هقولك كل حاجة بصراحة لان خلاص
معتش قادر اخبي اكتر من كده
نظرت له نظر بها الم، خوف من قادم ….. ربما سيمزق علاقتهم

########################

في الأسفل عند ياسمين ……..كانت تحدث صديقتها علي
الهاتف …..
ياسمين :ههههه ايو خدو
كوكي : دا انتِ مطلعتيش سهلة يا بنت الايه
ياسمين: خلاص معتش بخاف منه زي الاول مش سند قام
خلاص تهديداته تبقي علي نفسه
كوكي :أنا خايفه عليكى يعمل فيكى حاجه لو عرف إنك انتِ اللي بلغتي عنه
ياسمين:وهيعرف منين أنا كنت فاعل خير مش اكتر
كوكي : ايو منا عارفة يا سلام علي الخير بتاعك حمامة
سلام
ياسمين :لا والله يا ماما طول عمري أينما اكون يكون السلام
كوكي: ايو منا عارفة من غير ما تقولي ،هههههه ، صحيح هو سند بقي كويس وبيعاملك زي زمان وكده
صمت ياسمين لحظات ثم تحدثت : يعني مش زي زمان اوي
وهنا لاحظت أحد يمر من قريب
ياسمين:طب اقفلي وهكلمك تاني يا كوكي
ذهبت مسرعة لتعلم من كان بالجوار وتفجأت من كونها ورد
علامات التعجب اعتلت وجهها ولم تعرف أكان مرورها صدفه
أم كانت تسترق السمع علي ما تقول
ولكنها توجهت خلفها ودخلت الغرفة ،،تفجأت ورد بوجودها
وشعرت بخوف ينتاب اوصالها ولكنها تحدثت بصوت حاولت إخفاء رجفته:خير يا ست ياسمين في حاجه
ياسمين: حلو أوي كويس أنك عارفة إن أنا ست ياسمين يعني في فرق كبير بينا ،هااا ،وعمر ما سند هيسبني ويبصولتحت ونظرت لها نظرة دونية " فهماني طبعا يا ورد
ورد وقد شعرت بإهانة ربما لم تكن كبيرة لانها لم تقل إلا الحق
تحدثت بهدوء :عارف يا ست ياسمين، بس مش أنا اللي ببص لفوق أنا اللي بيتبصلي تحت
ضربت جبهتها، قذفتها بقوة
ياسمين : الله الله ،والله وعرفنا نرد يا ورد هانم
لم تجبها ورد بل نظرت لها نظرة ثِقة جعلتها تستشيط
من الغضب ،تحدثت وهي تجذبها من يدها بعنف وتضغط عليها بقسوة، بت انتِ فوقي شغل السهوكة دا مش عليا فهماني ابعد عن سند ،لأنك لو مبعدتيش بمزاجك هبعدك غصب عنك وساعتها مش هيعجبك ،اياك وسند يا ورد
سند جوزي ومش هفرط فيه بسهولة ودفعتها بعيد مما
جعلها تسقط علي الفراش وغادرت وهي تتوعد لها
ورد تحدث نفسها : آه يا ورد ….. حتي لم جيتي تفرحي الفرح مش عاوز يخطي بابك …… حتي البعد مش قادرة عليه يا ورد

##########################
عند راشد ……..
راشد : قبل ما اقول أي حاجة عاوز تعرفي اني بحبك
وعمري ما فكرت في واحدة غيرك ابدا
كانت تستمع له وتشعر بطوفان يعصف بها ….ربما
حبه هو ما يجعلها تشعر بذلك …….تحدث نفسها :اسامحك
علي كل شئ إلا الخيانة يا سند ….. اياك والخيانة...فقلبي
لا يتحمل ذلك ابدا .
راشد : من فترة كلمتني ياسمين وقالت لي تعال بسرعة
وعاوزاك في حاجة مهمة جدا
صوتها كان بيعيط خفت يكون حصلها حاجه وأنتِ عارفة
أنا بعملها من يوم ما سند حصله الحادثة عشان متحسش
بنقص ،رحت لقتها مضروبة ومتبهدلة وبتعيط ،كنت
مخضوض من عمل فيها كده وليه ،سألتها قالت آسر
لانها عاوز تطلق من سند وهو رافض ،وطلبت مني اساعدها قلتلها تصبر وأنا هكلمه بس تسمع كلامه بردة لأنه عاوز مصلحة الكل ،قالت طيب وقدمت اي عصير وقالت روحني معاك ،شربت العصير وما فوقتش غير تاني يوم بالليل شهقت فدوي والتي كانت تستمع بدهشة ممزوجه بغضب شديد
راشد : أنا نمت ومكنتش داري بحاجه خالص ،و…..قالت لي
بعدها انها خدت ليا صور معاها عشان تهددني بيها لو مخلتش آسر يبعد عنها هتديكي كل حاجه
و امبارح في المكتب كانت معايا بتطلب مني اني خلاص مدخلش لان سند بقي كويس
فدوي :اييييه
سند :اتفجأت أنا كمان لم عرفت ،بس والله يا فدوي معرف
الصور فيها ايه ولا فاكر اي حاجة
فدوي وهي تبكي …كنت قولتلي من الأول اثق اللوقتي فيك
ازاي فهمني ……. لم تبقي بايت عند مرات اخوك ليلة ويوم
عاوزني لم اعرف اقول إيه
راشد :والله محصل اي حاجه ولا كنت اعرف ساعة مرحت ان في حاجة زي دي هتحصل ،خليكى واثقه في كلامي لا فدوي والله محصل حاجه والله انا بحبك

فدوي بنظرة مشتته: اثق فيك طب قولي ازاي
ونزلت من الغرفة وهي تبكي
راشد : يا فدوي اسمعيني والله بحبك
فدوي :الله يخليك سبني لوحدي
راشد :مقدرش يا فدوي

صعد سيارتها وهمت بالذهاب سريعا كن يجري خلفها
خرجت من البوابه ،صعد لسيارته وقادها ،ولكن أستمع
لصوت حادث مدوي ،شعر بنغرة في قلبه نزل سريعا
تخطي البوابه ولكن ارتفع صوته مناديا :فدوووووى
#####################
في النيابة …
بعد تحقيق دام لساعات .…
المحامي : هيحصل جرد من الضرائب عشان يعرفوا
لو في تهرب
آسر:طب والكسب غير المشروع

المحامي :المشكلة إن في أوراق معاهم تثبت تورطك
آسر:اتصرف يا متر هو أنا اللي هقولك دا شغلك وبعدين
مش كل الفلوس اللي بتدفع ليك دي علي الفاضى
المحامي بتوتر : هحاول اتصرف واشوف ثغرات طبعا
متقلقش أنت بس

تنهد آسر وتحدث بغضب :ماشي يا متر ،بس اعمل حسابك مش عاوز افضل هنا كتير ،،فاهم
المحامي بتأكيد: فاهم طبعا يا آسر بيه

###########################
في المساء….….
في يخت يشعرك كأنك في الاحلام …..
مزين بشكل رائع يخطف القلوب ……..
مد يده لها لتصعد وجذبها تفجأت من ما رأته

لمار :الله يا قصي ….. أنت عملت دا كله عشاني
قصي : طبعا يا لمار … أنا لو اطول اجبلك نجمة من السما مش هتأخر عليكى
لمار :للدرجة دي بتحبني

قصي وقد جذبها قليلا عيناه تحتوي عيناها : وأكتر كمان بكرة لم تقربي مني اكتر هتعرفي دا لوحدك وهتعرفي ادا إيه بحبك يا لمار
كانت عيناها سعيده رغم ما تحاول اخفاءه من حزن إلا
أن عيناها تشع نور … فرحة .... لا تقدر علي إخفائها
لمار :أنت عارف يا قصي ساعات بحس انك حنين أوي
يمكن احن حد عرفته بعد جوزي الله يرحمه
قصي : لا ،اللي كان جوزك
لمار ببسمة تأثر القلوب :حاضر ،اللي كان جوزي ،هتفضل تحبني علي طول كده يا قصي
قصي :عندك شك

لمار :مهما حصل مني
قصي :أنت عارفه يا لمار لو قتلتيني حتي هفضل أحبك
واقترب منها متحدثا نفسي تكوني مراتي نفس لم احب احضنك احضنك ،نفسي لم احب أمسك ايدك متعترضيش وفقي بقي أنا قدامك أهو قصي عوف وجثي علي ركبته بطلب منك تتجوزيني بقي لان انا بحبببببك وبتعذب في بعدك ،فهل تقبلين يا أميرتي

لمار وهي تضحك بسعادة : موافقققققة
قصي اقترب منها يحتضنها ورفعها قليلا عن الارض متحدثا: اخيرا يا لمار يااااااه ،كان نفسي اسمع موافقة دي من زمان
لمار :بس ممكن نأجل بس لبعد عمليه حنين
تأفأف قصي
تحدثت وهي تمسك بكلتا يديه :عشان خاطري متزعلش
قصي :حااااضر ،أنا مش زعلان ،بعد عملية حنين

لمار :أنت....ولم تكمل اذا بهاتفه يصدح برقم
قصي :ايو ..في ايه
المتصل :سند بيه في شركتهم دلوقتي
قصي :سند مين
المتصل :سند السياف يا باشا
قصي :ميييين !! ازاي !!
المتصل : بقي كويس يا باشا
قصي :طب اقفل أنت
لمار :في ايه
قصي :معلش يا لمار ،هعوضلك السهرة يوم تاني
لمار :مالك ،إيه اللي يضايقك كده مرة واحده كده
قصي :مفيش يا لمار ،حاجه تخص المشروع الجديد
لمار وهى علي يقين انه شئ آخر:ماشي يا قصي وديني
عند حنين اسلم عليها الاول
قصي هز رأسه وفي نفسه : ياااه اخيراً يا سند وقت
الحساب جي .. .. استنيت اليوم دا بقالي كتيبيير أوي

ما سيحدث سنعرفه
دمتم بخير 💖💖