رواية انتقام الافعى الفصل الثالث عشر 13 - بقلم Eman Salem

في الشركة……
راشد:خلاص بقي أنت مش هتبدأ مشاكل تاني وبعدين
خدها خدها خلاص ،هو اصلا مفكر ان احنا اللي حرقنا
المخازن وعشان كده هتلاقي قاصد يخدها ،بس احنا
مش عاوزين مشاكل سامعني مش آخر الدنيا يعني في
ميه صفقه تانيه

آسر:اسكت أنت مهي خيبتك دي اللي مطمع واحد زيه
فينا
راشد :متنساش انه ابن عمتك يا آسر وكفاية اللي حصل قبل كده الله يكرمك
آسر:دا علي اساس هو فاكر ،اسكت يا راشد يا حبيبي
اسكت ومتدخلش أنت

####################
مر يومين علي الابطال ……..

تمت خطبه قصي ولمار.….وهم الآن في مطعم يتناولون العشاء ويحتفلوا بتلك الخطبة.
قصي :أنا عاوزك علي طول مبسوطه الابتسامة دي
متفرقش وشك ابداً
لمار :يهمك ابتسامتي تكون موجودة
قصى:ايه عندك شك في دا يا لمار
لمار :لا،، بس بسأل
قصي : يهمني جدا جدا يا ستي مبسوطه كدا
لمار:مبسوطه ،بس ايه رأيك نكمل العشاء عندكم أنا
من يوم خالتو ما تعبت وأنا مشفتش حنين
قصي :يا سلام عز الطلب يل بينا
لمار :ونجيب لها شوكولاته واحنا ماشين
قصي :نجيب
لمار :ولعب حلوة كمان
قصي :مفيش مشاكل
لمار :وكراسات رسم وألوان
قصي :ايه يا لمار كل دا هنجيبه دا احنا كده هنروح الفجر
لمار :ههههه طب يل بسرعة عشان نلحق نخلص
قصي :حاضر اتفضلي يا ستي
احضرت لمار كل ما تريد وذهبوا الفيلا
حنين:وحشتيني اوي يا طنط لمار
لمار :وإنتِ اكتر والله شفي بابي جاب لك ايه وهنلعب
سوا
حنين:بفرحه كل العب دي عشاني
لمار:ايو يا قلبي يل عشان نبدأ ،وبدأو في اللعب بلعبه
تلو الاخري
دخل قصي وجدهم مندمجين في اللعب تحدث بصوت
هادي ايه مش هناكل يا لمار ولا ايه
لمار : حاضر نص ساعة بس متيجي تلعب معانا
قصي وهو يمسح علي خصلاته:لا أنا هعمل شوية شغل
اعبال اما تخلصوا برحتكم
لمار :تمام يا قصي
خرج وتوجه لمكتبه جلس لبعض الوقت ينهي أعمال
تخص الشغل وانتهي وصعد لهم فتح الباب كانوا مازالوا
يلعبون والاندماج ظاهر عليهم ،لم يرد مقطاعتهم وخرج قليلا للتراث يتأمل الليل وسكونه ثم صعد مرة آخرة

كانوا قد انتهوا من الالعاب وبدأو في الرسم والتلوين
تحدث بصوت عالي لدرجة افزعتهم :لااااا، بقي
لمار وحنين في صوت واحد :في إيه
قصي :احم احم ،كفايه كده النهاردة الوقت اتأخر ممكن
نتعشا ولا مش ممكن
لمار :سوري يا قصي الوقت سرقني
قصي وهو ينظر للساعه : سرقنا اوي يا لمار
ابتسمت بخجل وتحدثت طب يل عشان انا جوعت
وانزلي معانا يا حنين
قصي :لا سيبي حنين ،هتتعشا فوق ،اتفضلي انزلي إنتِ
لمار :طب متتعصبش كده نازلة اهو
علي المائدة……….
قصي :علي فكرة أنا كلمت الدكتور علي عملية حنين
وحدد معايا معاد بعد أسبوعين
لمار :هايل ،دا خبر جميييل
قصي :استاهل عليه ايه
لمار :شرقت ،وبدأت تسعل بشدة
قصي :خلاص ،خلاص ،مش عاوز حاجة منك
لمار في نفسها قليل الادب بشكل ،بس أمور
قصي بعد انتهاء العشاء :يل عشان اوصلك
لمار :ماشي يالا

#######################
في مطعم فاخر …….
يجلس آسر مع شهد
شهد : يا آسر أنا طبعي كده مبعرفش احكي في المشاعر واللي حاسه بيه يمكن اتربيت في أسرة مغلقة مفيش فيها مساحة للكلام دا ،أو متربتش علي اني اعبر عن مشاعري سيان بس خليك ديما عارف إنك مهم عندي يا آسر
آسر:اموت واسمع كلمة بحبك من بين شفايفك إنتِ وبس
شهد بغضب :ليه مين بيقولها ومش عاوز تسمعها منه
آسر بتهكم:يا بنتي كتير بس الواحد مبيتكلمش
شهد :يا راجل ،طب اعرف يوم ما احس بحاجه من دي
هموتك أنت وهيا
آسر:هو حد يبقي معاه القمر بردة ويبص برة دا حتي يبقي عييييب وهنا قد تبدلت ملامحه لرؤيه من تجلس في تلك الزاوية من المطعم حتي لا يراها

كارما :يعني كده مبسوطه لو شافك هيخلي ليلتك مش فايته ليه بس كدا يا كارما
ترد علي نفسها :وحشني يعني حرام لما اشوفه منا بردة
مراته
كارما : بس إنتِ عارفه هو منبهك عليك ازاي ولو خطيبته حاست بحاجه مش بعيد يموتك فيها
يموتني بقي لو شايف إن حبي ليه هيضرة يقتلني ويخلصني من العذاب اللي أنا فيه كفايه عليا إني اشوفه مع واحدة غيري ومش قادرة اعمل حاجة وهنا نظر لها نظرة ثاقبة تأكدت انه رأها ،حاولة إخفاء وجهها ودفعت الحساب وغادرت سريعا وتوجهت لشقتهم او بالاحري لشقته دخلت الحمام ونزلت تحت الماء تبكي والماء ينهمر علي جسدها في محاولة لإطفاء تلك النيران التي تشتعل بقلبها

أنهي سهرته وأوصل شهد لبيتها وذهب هو سريعاً لتلك
الحمقاء التي تحاول التلاعب عليه وبه
كانت انتهت من حمامها وابدلت ثيابها (لمنامه قصيرة
حريرية بلون البرونز تتماشي مع بشرتها الخمريه )
كانت تجفف شعرها بالمنشفه وجدت من يجذبها
من خصلاتها بعد أن القي المنشفه لامتار بعيدة

وتحدث بصوت جهوري اجش:كنت هناك لييييه
كارما وهي تحاول التخفيف من حده امساكه لخصلاتها
بيدها تحدثت والدموع تنهمر : كنت فين يا آسر، مش
عارف تقصد إيه

آسر وهو يضغط اشد :لا عارفه أنا اقصد ايه
كارما :أنا اسفه والله مقصدتش كانت صدفة
آسر:لا بجد ،وأنا كده صدقت
كارما :سيب شعري حرام عليك يا آسر، والله أنا بحبك
ورحت هناك لأنك وحشتني ارتحت كده
آسر:قلت ميت مرة إلا شهد يا كارما لو عرفت حاجة
مش هتكفيني الرقبة الحلوة دي فيها
كارما ببكاء :عارف يا آسر، عارفة
آسر وهو يقبل كتفها :شاطرة يا حبيبتي أحبك لم
تسمعي الكلام ،معدش دا يتكرر
كارما ببكاء :حاضر ……حاااضر وحدثت نفسها ياريتك تحبني ربع ما بحبك يا آسر

كانت تبكي بشدة رغم شوقها وحبها له ولكنها كانت تتألم فهي بالنهاية بشر ايضاً ،اقترب منها وجذبها للفراش ليقضى معها أوقات لمتعته فقط

######################

عند راشد ……
كان معها ولم يكن معها ،فزورة احتارت في تفسيرها
فدوي :مالك يا راشد حاسه إن في حاجه شغلاك
راشد :لاااا، ابدا هيكون ايه يا فدوي
فدوي :راشد أنا مراتك لو حاجه مضيقاك قولي فضفضلي يا حبيبي وأنا هسمعك

راشد ينظر لها ويحدث نفسه :ياريت اقدر اقولك انا من يوم ما كنت عند العقربة ياسمين وأنا خايف من كل حاجه حتي لمستي ليك ساعات اخاف منها مش عارف حاسس بخنقه جامدة بس مش قادر احكيلك ،هقولك ايه يا فدوي وحدة ضحكت عليا ونمت عندها ،وأنا متأكد أن عمرك ما هتصدقي وممكن يحصل بسبب الموضوع دا مشاكل اقول ايه بس

فدوي :راشد ،راشد
راشد :هااا
فدوي :والله أنت فيك حاجه مش طبيعية ،احكيلي
راشد :تصبح علي خير يا فدوي
فدوي :لسه بدري خليك صاحي شويه معايا لسه متكلمناش
راشد :تعبان يا فدوي وعاوز انام
فدوي :ماشي يا راشد اتفضل نام ،،وحدثت نفسها والله يا راشد أنت مش طبيعي مش كفايه مستحمل اهمالك ليا كمان هتبقي بالشكل دا ،لا دا كتير قوي اني استحمله والله كتيييير

########################

في نهار يوم جديد ……….
كانت ابتسامتها كفيلة بالإجابة علي ذلك السؤال
هدي :والله شكلك ابتديتي تحبيه يا لمار
لمار :مش عارفه بس أنا حاسة حاجات مختلفة خالص
وبعيش مشاعر جديدة عليا يا هدي
هدي : والله هو دا الحب بغبوته بيبدأ كدا بالظبط
لمار :مش عارفة اقولك ايه ،بس أنا مبسوطة إني بقيت
خطيبته ،المهم سيبك مني وقوليلي أخبار مسيو كارم
ايه
هدي :آه من مسيو كارم آاااااه ،جلبي ووضعت يدها محل قلبها
لمار : يا سيدي يا سيدي علي الحب ،اوعدنا يارب
هدي :رفعت يدها في وجهها متحدثه الله اكبر في عينك بلاش قر أنا مصدقت انه فكر فيا الله يكرمك

وهنا دخل بطلة جذابة وتحدث بجدية :ملف الصفقة
الجديدة احم ، وحصليني علي المكتب يا لمار
لمار :حاضر يا استاذ قصي
هدي في نفسها علي الحركات دي ملف بردة ……..ماشى

في المكتب ……..
كان واقف وظهره مواجه لها تحدثت الملف يا قصي
وجدت من يمسك يدها ويقربها منه متحدثا :وحشتيني
لمار:لاااااا، عيب ،مفيناش من الحركات دي
قصي :طب هو أنا لو بوستك مثلا ،هتفهميني غلط
لمار :إطلاقاً غمض عينك
أغمض عينه وما شعر الا وهو يطير في الهواء مندفع
تجاه الكرسي
قصي :يا بنت المجنونه ،ايه دا محمد علي كلاي كل دا
عشان بوسه ،خلاص أنا آسف
لمار بهدوء :اصل مبحبش الحركات دي رجاء يا قصي
متضغطش عليا
قصي في نفسه معندكيش دم يا لمار إنتِ ايه مبتحسيش بالواحد وانه قد ايه بيشتاق لك ،أوتحدث :نا بفكر اقدم
موضوع الجواز

وهنا تبدلت ملامحها وتحدثت :لا يا قصي عشان خاطري
سبنا ناخد علي بعض شويه الأول
قصي وهو غاضب :حاضر ،هعمل اللي إنتِ عاوزه مبسوطة
كده
لمار :شكراً ،أنا كنت عاوز امشى بدري النهاردة شوية ممكن
قصي :ليه بقي
لمار :ورايا حاجه مهمه،واقتربت منه متحدثه عشان خاطري
قصي وهو مستاء :خدي اسبوع اجازة يا لمار ،اتفضلي
ضحكت لمار وغادرت المكان تراكه قصي مشتعل بنار حبها

#####################

في فيلا قصي ……….
لمار :هاااا ،هتسعديني ولا ايه
حنين:بس يا طنط لمار بابا مبيحبش حد يدخل اوضته
لمار :بس أنا عاوز حاجة مهمة من هناك
حنين :ماشي يا طنط بس منتأخرش جوه عشان ميزعقش
لمار :هو لسه في الشركة مش هيجي دلوقتي
دخلوا الغرفه ،ظلت تبحث لمار عن شئ ما وكانت حنين
تلعب بإحدى الالعاب
دخل قصي وجدهم في غرفته وقف علي باب الغرفة
وتعجب ماما يحدث ،ووجدها تقترب من المرآه وتمسك
احدي زجاجات عطرة المميز وفتحتها واغمضت عينها
تستنشق منها دخل وتفجأت حنين و كادت تتحدث
ولكن اشار لها ووضع يده علي فمها وسحب الكرسي
خارج الغرفة وتحدث:روحي علي أوضتك إنتِ
حنين:حاضر يا بابا وذهبت وتركتها في الغرفه
دخل وأغلق الباب وذهب يقف خلفها وتحدث بجانب اذنها
عجباكي
صرخت والتفتت له ولكن وهي تستدير انسكر كعب واحدا
من حذائها ،وكادت تسقط، لولا يده التي لحقتها ويدها التي
أمسكت ياقه قميصه متحدثه :أنت جيت امتي
قصي :من بدري كنتي بتعملي ايه
لمار :أنا أنا ،ولا حاجه
قصي وهو يقربها منه :يعني مش هتقولي كنت بتعملي ايه
لمار وهي ترمش بتلك العيون البندقية الخلابة هقولك
بعدين ممكن
قصي وهو يقترب اكتر :ممكن ،بس اللي أنا فيه دا بقي
مش ممكن ،كدا كتير اوي فوق قدرتي علي التحمل
لمار وهي تبعده بيدها للوراء :قصي ابعد كده مينفعش
وهنا رن هاتفه …….
تحدث قصي :دا مين الثقيل دا
لمار :شوف ليكون حد مهم
قصي رفع هاتفه متحدثا :خير يا كارم
كارم :………………
قصي :ازاي الكلام دا وابتعد عن لمار
كارم :………..…….
قصي :طب انا جاي اشوف المصيبة دي بنفسي
وأغلق الهاتف
لمار: في إيه مصيبة ايه يا قصي
قصي :في مشكلة كبيرة في البورصة الأسهم نازلة بشكل
خطير جدا
لمار :طب دا حصل ليه
قصي :لسه مش عارف حاجه ،أنا همشي
لمار :طب ابقي طمني
هز قصي رأسه وغادر

########################
عند سند …….…..
ورد :أنا مبسوطة اوي أنك بقيت بتخطي خطوة وأنت ساند عليا
سند :أدا كده مبسوطة يا ورد
ورد :والله مبسوطة اوي الحمد لله والله أنا بدعي لك علي
طول في صلاتي
سند :إنتِ بتصلي يا ورد
ورد :ايو امال ايه يا سند بيه ،دا الصلاة دي نعمة حلوة
اوي ،والله يا سند بيه عمري ما دعيت بحاجه في صلاتي
الا وربنا حققهالي
سند :دا إنتِ،علي كده جامدة بقي
ورد :أنت بتألس عليا ،والله أنا ما بكذب عليك
سند :ومين قال انك بتكذبي، إنتِ طيبه اوي يا ورد
ورد :ربنا يحفظك يا سند بيه
سند :إنتِ متعرفيش اهلك او اي حد منهم يا ورد
هنا قد ادمعت عينها وتحدثت: لا معرفش عنهم حاجه
معرفش اصلا اذا كان لي أهل ولا ……. لقيطة
سند :زي ما سعدتيني وكنت السبب في كل اللي حصل
ليا هقف علي رجلي وهدور معاكي عليهم جايز نوصل
لحد فيهم ،نفسي افرحك يا ورد
ورد ببكاء :بجد والله
وهو يمسح دموعها :بجد يا ورد ،واعرفي حاجه مهمه حتي
لو مطلعش ليك أهل، أنا خلاص بقيت كل اهلك زي ما قلتي
ولا نسيتي
ورد بتلجلج :أنا قلت كدا
نظر لها بتعجب :لا أنا اللي قلت يا ورد
ورد : طب أنا همشى بقي
سند :طب خليكي شويه كمان
ورد: أنا خايفة حد يشفني ،هبقي اطلع ليك تاني
فتحت الباب واذا بياسمين في وجهها
ورد : هااا ، ست ياسمين

######################
قصي أنهي المشكلة بالشركة التي تخص البورصة رغم
ما حدث من خساير الا انهم تمكنوا من الوضع العام
وهو الآن في طريقه للفيلا
رن هاتفه …….
لمار :أنت اتأخرت ليه كده
قصي :عشر دقايق واكون عندكم خلاص أنا قربت اوصل
وأغلق معها ولكن لاحظ اقتراب سيارة منه ومحاولتها
قطع الطريق عليه ،ومع تكرار المحاولات تمكنت تلك
السيارة من قطع الطريق عليه بالفعل ونزل اثنان ملثمين وبيد كل واحد منهم عصا خشبية ،انزل احدهم قصي وقام بضربه تفادها قصي الضربة وأعطاه لكمه في بطنه ضربه الآخر علي رجله فسقط أرضا ضربه علي ظهره وبطنه ضربات متعددة وتحدث احدهم :دي قرصه ودن المرة الجاية موووووت سلام وأعطاه عصا علي رأسه نتج عنها دماء كثيرة تسيل من رأسه وقد خارت قواه

من هم ولما فعلوا ذلك وما حدث له أسئلة سنعرف
إجابتها💝💝
دمتم بخير 💝💝