رواية أنتقام الصفحه 27 (ترميم) الفصل التاسع عشر 19 - بقلم خـلود الـ محسن

الكاتبه لورا
°°°°°°°°°°°°°
للتواصل انستا lorai_alrwi
°°°°°°°°°°°°°
اشتركوا بقناة التليكرام و صوتوا للبارت
..........................
الصعب:-اسألج شي
مـــلاذ:-أسأل
الصـعب:-فايته للغرفه؟

فهمت شنو يقصد بس احاول ابين نفسي ما فاهمته
:-يا غرفه!!

جان مخلي ايده على جتفي سحبني عليه حيل حضني بقوه سحب نفس رفعت راسي اباوعله مركز عيونه على النهر

:-صعب شبيك؟

:-داخله لو لا

:-وين!

:-شوفي بابا اني شغلي تدرين بشنو يختص يا بابا اعرف اليجذب من اليصدك اعرفه من جرة نفسه من حركة عيونه اله انت ملاذ اله انت لو ادري بيج تجذبين واعرف الصدك هم اصدك جذبتج و هسه شتحجين راح اصدكج

:-شحجي

:-اكلج شي ثاني عليه من نوع من اخلي اغراضي بمكان احفظ شلون خليتهن وبأي شكل احفظ كلشي اسوي

:-صعب ما مسويه شي صدكني

:-ليش ترجفين؟

:-انت مجرد تحجي شي مبهم اني اخاف منك و ارجف

:-هيج تخافين مني

:-اي صعب اخاف منك

:-سويتلج شي يخليج تخافين؟

:-اي صعب تذكر شسويت بيه بالغرفه تتخيل بعد ذاك اليوم اسوي شي يضوجك

:-ما جنت بوعيي
حجه هيج و رفع ايده خلاهه على خدي رفع راسي اله

:-خلي عينج بعيني

رفعت عيوني بعيونه بس ما احجي شي
الصــعب:-لا تخافين مني ملاذ لا تخافين انه امانج لو تغلطين الف مره ما أأذيج

:-اي بس اني اخاف من تفقد لذلك اريدك تتعالج

:-لجل عيونج اتعالج

:-اريد اعرف منو الصعب

:-كتاب مفتوح كدامج انه

:-مبهم ما اعرف عنك شي

نزلت راسي رجع رفعه اله يباوع لعيوني بتركيز

:-اسألي التردينه انه جاهز اجاوب

:-ليش اسمك غريب ما بعمري شفت احد بهل اسم؟

:-ابوي و امي اختارو هل اسم گبل لا انولد و من جانت حامل بيه يكولون حملها صعب ف جلبو بهل اسم

:-صدك يعني هذا اسمك مو جذب؟

:-هههه و هسه شنو مشكلتج ويه الاسم و عيونج اسمي الصعب عابس و من احلف بعيونج ماجذب هذا قسم عليه

:-چا ما جاي اصدك

:-يصير ابوس الچا؟

:-يااا شبيك انتت لا تحجي هيج

:-شحاجي بابا

:-لا تحجي بالبوس و بهل سوالف لان هاي مالت حب و انت ما تحبني

:-من كال ما احبج

ميلت نفسي منه يباوعلي مبتسم
:-تتتححبنني انت؟

:-امم شنو قابل اكرهج انه

:-لا يعني اقصد ذاك الحب تعرفه

:-لا

:-جا دير بالك تبوسني

:-مرتي

:-اتتفااق

:-شتردين بعد تسألين لو كافي

:-لا خل اسأل بعد زين اكو اسئله بس نسيتهه يصير اسألك بعدين من اتذكرهن

:-لا العرض محدود بس هسه و راح ينتهي

:-خوش شعنيلك انيي بله؟

:-انتِ گـريـبة لرويحتـي بس كلـش بعيـده

:-شنو تره ما افهم اني

:-ههههه احسن اكلج بردت خل نرجع

:-اكل اول شي

:-توكليني مثل ما وكلتج؟

:-لا

ما حجه شي شال اللفه و كعد ياكل اباوعله مبتسمه قربت منه اخذت اللفه منه خليتهه كدامه ضحك احبه من يضحك و تتحرك تفاحة ادم احس ضحكته حقيقيه

:-تعودت علييك صعب

:-مو كثري ملاذ شايفه العايش عمره بدون حلم بدون هدف بدون مشاعر و فجأه يصير عنده حلم و هدف بحياته هيج انه

:-اني حلمك

:-وكلينني بابا وكليني

خليت اللفه كدامه ياكل مبتسم كمل و كمنه سوه وكعت الكلنسه من جيبه انتبهتله بس عبالي ما يريدهه صعدنا بالسياره شغل السياره مشينه مسافه و وكف السياره فجأه و كعد يفتش بجيبه مثل المضيع شي انخبص خبص

:-شتدور

:-لحضه

رجع يفتش بسترته و جيوبه طلعهم من البنطرون
:-شنو تدور يجوز اني اندله

:-ملاذ شوفي كلنسه جانت بجيبي بس ما ادري وين راحت

:-هسه مخبوص علمود كلنسه

جان بالسياره باكيت كلنس سحبت منه و انطيتهن اله
:-هاي كلنس عليمن مخبوص

:-جؤ لا ملااذ ما اريد لحضه متأكد خليتهه بجيبي

:-اكو كلنسه وكعت من جيبك من كمنه

:-صدك بقت بمكانه

:-اي
لاف السياره و رجع

:-هاي بس لا راجع علمود كلنسه

:-اسكتي

بقيت ساكته ما رحنه بعيد بسرعه وصلنه نزل كبل و اني بقيت بالسياره راح للمكان الكعدنه بي دنك على الكاع شال الكلنسه خلاهه بجيبه و رجع صعد

:-صعب صدك تحجي علمود كلنسه راجعين

:-اخسرج بس ما اخسر اغراضج اصبر روحي بيهم

:-يا اغراض

:-هيج شغلينه شي

:-شتريد الدنيا حلوه؟

:-ما تعرفين غيرهه

:-لا اعرف اغاني ساجده عبيد كلهن

:-خلينه على الدنيا حلوه

رجع يمشي بالطريق و اني بس اكلب بلاغاني ما فهمنه شي. فتت للاستقبال و صعب ورايه سد باب الشارع و اجه للبيت

:-صعب وين شهاب؟

:-راح
:-وين؟

:-لاهله

:-يياااا صدك تحججي عليك الله شنو بعد ما يرجع

:-لا شنو طلابه ما يرجع

:-لاا عليك الله شنو راح غير تعودت عليه هسه منو يسويلي ريوك الصبح

:-هسه انت ما اهتميتي بس للريوك

:-لا ضجت عليه

:-تعاي نخابره

:-اي خل ارزله ليش راح بدون ما يسلم عليه

:-الشغل تراكم عليه يادوب يلحك و اني ما لحكت اكمل شغلنه ثنينه بهاي الفتره الراحت

كعد على التخم و اني كعدت بصفه خابر على شهاب مسجل على اسمه اشهب فتح الصوت كال

:-اول ما يحجي ردي عليه كليله صعب بالحمام

:-خوش

انطاني التلفون شويه و رد

:-الووو لك هاا عار

:-احم اني ملاذ

:-هاا مرةة اخيي يله ثنينكم نفس الطينه شعجب
ذكرتيني كلت هاي بعد تنساني

:-انت ليش جلب و تروح بدون ما تسلم عليه و هذا صعب راح للحمام بكت تلفونه و خابرتك

:-لا تجذبين صعب كاعد يمج

:-ههههه تف عليك ششلون عرفت المهم ليش تروح ضجت

:-يابه مللتوني بزعتوني اشتاقيت لهلي اشتاقيت لواحد يسويلي ريوك من الصبح مو اجي اني اسوي الج و الي مبتتليي شنو

:-ههه ارجع و اسويلك

:- ما اريد شكرا مرتاح يم اهلي

:-اني تدري اكثر شي مضوجني لان محد يسويلي ريوك بعد

:-ههههه عرفتج جلبه اخذي رقمي من صعب من تضوجين راسليني

باوعت على صعب اشرلي براسه بمعنى اي
:-اي ميخالف يله هاك صعب

اخذه مني بقى يحجي وياه و يضحك سد الخط كتله
:-اليوم وين ننام؟

:-بالغرفه وين يعني؟

:-لا احنه نمنه بالغرفه علمود شهاب و هسه شهاب راح

:-لا تعودت على الغرفه ما اكدر

:-خوش انت نام بالغرفه و اني بلاستقبال

:-نامي بس بأي لحضه ممكن يجيج جني

:-نجببب لا تخوفني

:-تدرين انت محتاجه گرصت اذن؟

:-گرصة اذن لو گرصة خبز ههههههه

:-ما استحيتي؟

:-لا والله

:-كومي للغرفه

:-لا حباب تعال بلاستقبال

:-جؤ

:-للعد بغرفتي

:-جؤ

:-شوف يوم بغرفتي و يوم بغرفتك

:-جؤ

:-ااادددري شنو شكلت على الجؤ

:-امم

:-حباب

:-كومي بابا كومي للغرفه

عفته و كمت فتت لغرفتي و هو فات لغرفته بقيت احوس اخاف وحدي شفته فاتح نت ضحكت ادري بي ميكدر ينام اذا اني ماكو هسه يمل و يجي نزعت ملابسي بقيت بالتشيرت الجوه نص ردن لفيت شعري و تمددت على الجربايه بقيت اكلب بالتلفون كل شويه افوت الكاه نشط كتبتله

:-ما تنام؟

كبل فتح الرساله كاتب
:-اي راح انام تصبحين على خير

:-و انت من اهله

كعدت عدل ركيت نفسي على ضهر الجربايه اخاف وحدي صدك يحجي هذا ما راح يجي

هستوني اريد اشيل الغطه اروح احجي وياه بالكت يقتنع ينام يمي فتح باب الغرفه و حجه بسرعه

:-ملاذ بابا

اول ما رفع راسه بقى ساكت يباوعلي بدون ما يحجي جان لازم يدة الباب بيده حمحمت لان ما يحجي شي رمش بعيونه مثل المصدوم و دار وجهه سد الباب تذكرت اني لابسه نص ردن سحبت الغطه عليه دار وجهه كال

:-كومي نامي هناك

:-تعال انت

:-اجي؟

:-ها

:-اجي اني؟

بلعت ريكي متوتره ما اعرف شحجي طريقة كلامه توتر الواحد

ملاذ:-لا روح و اني اجي وراك

:-لا هاي هيه اني انام هنا

:-بس شوف هااي باوع...

رفعت عيوني اله يباوعلي مبتسم ما اعرف شريد احجي

:-شبيج بابا؟

:-دور وجهك

:-ليش؟

:-انت بس دور وجهك لا تباوع

:-وين ادير وجهي

:-على الجهه الثانيه لا تباوع هنا

دار وجهه بسرعه كمت اريد اسحب التشيرت مخليته على الميز دار وجهه عليه عطت بي

:-عععززاا دديير وووجهككك

ابتسم و اجه يمي صار مقابيلي
:-شوفف انت ليش تباوع و اني كتلك دير وجهك

:-مستحيه مني؟

:-ما يصير اديه طالعات

:-حرام؟!

رفعت راسي اباوعله مرتبكه ما اعرف شجاوب

:-ها جاوبي شنو حرام؟

:-لا هو مو حرام بس ما متعوده

:-مو تنزعين حجابج يمي

:-هاي تعودت عادي

:-حلوه من تستحين

دنكت راسي حضنت اديه لصدريه ما اعرف اجاوب
:-يله تعاي بالغرفه

:-خل البس

:-لا هيج تعاي ما اباوعلج

لزم ايدي و سحبني وراه فات لغرفته كعد على الجربايه و اني باقيه واكفه رافع وحده من رجليه فوك الجربايه و ثانيهه و الثانيه منزلهه نزع الجاكيت و رفع راسه عليه

:-ما تجين تنامين

:-ما انعس

:-بارده تعاي تلفلفي بالفراش

رحت من الجهه الثانيه كعدت اباوعله شيسوي گلب شويه بتلفونه سحبت الغطه عليه و بقيت صافنه عليه حتي تلفوني بقى بالغرفه سد تلفونه و سحب الجاكيت مالته طلع من جيبه مگراضه و باوعلي

:-لااااا صععب

:-مو حلوات صايرات

:-خلليهن والله اهتم بيهن ابد ما يتوصخن

:-ليش تشلعين گلبي يا عيني

كعد مقابيلي و سحب ايدي طلع كلنسه من جيبه خله عليهه الاضفار كمل و لف الكلنسه كام بقيت اباوعلله فتح الصندوك الي بكنتوره خله بي الكلنسه و رجع لمكانه تمدد
تمددت و بقيت اباوع للسكف رجعت اباوعله مخلي اديه جوه راسه و يباوع للسكف

:-اكلك راح تنام

:-اي تردين شي

:-لا

:-راسي يوجعني تلعبين بشعري بين ما انام

:-اي

تمدد على بطنه و حضن المخده داير وجهه عليه قربت يمه و كعدت نص كعده العب بشعره

الصعب:-جماره

:-ها

:-حركي ايدج حيل

:-اي

بقيت اضغط على راسه غمض عيونه كال
:-كافي يله نامي

دخلت بالفراش اريد ارجع لمكاني لزم جف ايدي
:-نامي يله

:-اي
تمددت بدون ما احجي بقى يحرك بأصبعه الابهام على ايدي

:-صعب

:-همم

:-اصبعك لا تحركه

:-اممم

:-جاي اكول لا تحرك اصببعك

:-ناامي ما جاي اركز شتحجين

:-ليش

:-نعساان

درت وجهي ورايه ما اكدر ادور للجهه الثانيه لان لازم ايدي شفت الكنتور ورايه و ضوه الشباك عاكس صاير الخيال على الجربايه

:-احمم صععب

:-همم

:-شوف هذا اكو خيال

:-سدي البرده

:-اخاف اني

:-خليهه جا بس نسدهه يروح الضوه و يجوز يجيج الجني

سحبت رجليه لنفسي اكثر و غطيت روحي بالبطانيه
:-اكلك

:-همممممم

:-شبيك تصيح

:-ما مصيح

:-شوف تعال نام من هاي الجهه و اني مناك

:-شتستفادين

:-ما ادري احس جهتك أأمن

فلت ايدي و رفع نفسه عبر من فوكي للجهه الثانيه ما تحركت من مكاني بقيت جامده خله ايده على ضهري و سحبني عليه

:-وخر

:-بس احميج

مشه ايده من جف ايدي وصلهه لزندي گلبي كام يدك بقوه اباوعله مغمض و لا يمه الموضوع لزم زندي و قرب مني كلش صار راسي بصدره احس انفاسي تخربطت كل ما يضرب نفسي بصدره يضغط على ايدي عيوني دمعت من خوفي منه دنكت راسي كلش و عضيت شفتي ما اريد اطلع صوت حتى انفاسي كطعتهه شويه و رفع راسي اله
باوع عليه مستغرب

:-شبيج بابا؟

:-لا تسوي هيج صعب

بلع ريكه
:-حاضر بس لا تبجين

:-لا ما اببجي بس خفت

:-مني تخافين ملاذ؟

:-لا بس ما احب تسوي هيج

:-هاي هيه

:-شوف انت ضجت؟

:-لا بابا ما ضجت

:-نعست؟العب بشعرك لا تضوج

داير على جهتي بس حاضن اديه ابتسم
:-لا تدلليني اتماده

:-لا انت حباب ما مسوي شي

:-ههه اي حباب يله نامي تردين العب بشعرج

:-صدك؟

:-اذا تردين اني الممنون

:-ها شوف العب بشعري و احجيلي شي لبين ما انام

:-مثلا شحجيلج

:-اي شي حتلو شي عنك

:-امممم تمام

درت وجهي و هو صار بضهري بس بعيد عني بقى يلعب بشعري درت وجهي عليه رافع روحه و مخلي ايده جوه راسه ابتسم الي درت وجهي

:-يله احجي

:-حدديلي شي احجي

:-اسألك و تجاوب

:-الله يستر من اسئلتج

:-لا ااسئله سهله

:-غير تردين تنامين

:-من انعس لو مو احجي ويا واحد انام

:-ههه جا سئلي

:-شسمه هم حبيت و شكد جان عمرك و بعدهه وياك لو لا

:-اووو اي حبيت و حبهه يدك بروحي دك

:-ههه صدك منو وينهه ليش ما تصارحهه

:-برأيج من اصارحهه تقبل

:-اممم ليش شناقصك

:-ما اكدر أعلق وحده بيه و بعدين اعوفهه

:-لا تعوفهه

:-مو بيدي هل شي مقدر الي
درت وجهي عليه ابتسمت اله لزمت ايده

مــلاذ:-شوف صعب صح اني اصغر منك و يجوز متاخذ بكلامي بس الي يحب كلشي يسوي مستعد يخسر حياته يخسر احلامه بس علمود يحصل الي يحبه يعرض روحه للموت بس ما يتخلى عنهه

تمدد و بقى يباوع للسكف ما يحجي شي شويه و كال
:-مرات مجبرين على اشياء المقابل ما يعرفهه ماضي مضلوم و مستقبل مجهول

:-شنو يعني صعب انت تحجي عن نفسك مو

:-تعبت ملاذ لا اكدر بلايهه و لا اكدر وياهه

كال هيج و نزلت دموعه بسرعه مسح وجهه راد يدير وجهه مني كعدت كدامه و لزمت ايده

:-ما اعرف شنو الي تقصده بس حرام عليك تضلم نفسك اذا مو علمود نفسك علمودهه يجوز هي هم تحبك شكد حابهه مجرد ذكرتهه نزلت دموعك ليش تعوفهه

كعد و ركه نفسه على ضهر الجربايه
:-برأيج تحبني؟

:-اذا ما تحبك هي الخسرانه لان واضح من كلامك شكد حابهه مجرد حجيت بيهه بجيت هنيالهه على هل شي و بعدين اذا نجي لشكلك شبيك اشو تخبل شحدهه ترفضك
ضحك و عض شفته

:-اكول شي بس ما تفهميني غلط

:-كول

:-لو نفترض هاي الوحده انتِ راح تقبلين بيه

بلعت ريكي متوتره ما عبالي هيج راح يحجي
:-شووفي بابا اني كتلج لا تفهميني غلط احنه افترضنا انو هاي انت

:-اني اريد ااطلع منا ما اريد احب اريد اعيش حالي حال اي بنيه ما تخاف من شي يعني لا تفترض هاي اني لان وضعي يختلف

:-لو جانت حيياتي بيدج؟

:-ما بيدي شي اني كلشي بيدك انت الي تكدر تغير حياتك كل انسان يبني حياته بنفسه

:-الله كريم يله بابا تعاي نامي

:-انت من حجيت هيج اني شلون اكدر انام ابقى افكر شتقصد

:-هههه لا تتعبين روحج كلشي واضح

:-شوووف خاف تقصدني انت؟

:-هه لا وين حاجبج نايم

:-شوفني صورة حبيبتك

:-شوفي المرايا

درت وجهي ما اشوف شي ضلمه
:-ضلمه ما اشوف

:-احسن نعست ما تخلص وياج؟

:-جا شوفني صورتهه

:-باجر باجر تعاي انومج؟

:-هاا صدك تشوفني؟

:- يي تعاي يله العب بشعرج و نامي

:-لا نام بس الزم ايدي و الصبح من تروح كعدنني خاف الجني يكول هاي نايمه وحدهه خل اخذ راحتي

:-ههه حاضر

تمددت و نطيته ايدي ما ادري شوقت غفيت كعدت الصبح لكيته ما موجود شكد ضجت عود وصيته يكعدني لكيت تلفوني يمي سحبته اريد اشوف الساعه لكيت اشعارات من الواتساب

صعب كاتبلي

:-بابا ريوكج بالمطبخ اكلي زين و ديري بالج على نفسج ععندي شغل و طلعت من وكت ماكدرت اكعدج

بس قريتهه ابتسمت طلعت للكيت الرقم دازلي

:-ماخذ عهد على كلبي ما تدخله وحده غيرج
البارحه اخذتي گلبي

من قريتهه بقيت اتلفت منو هذا وين شافني البارحه بقيت صافنه اني وين جنت البارحه بس طلعت ويه

صعب و حتى البارحه جان شكلي عادي منو هذا
ردت اكتب منو انت ترددت بس قريتهه و سديت التلفون

ما ادري ليش ما جاي احضر هل رقم بس اريد اعرف شنو تاليهه ويااه كمت تريكت و عدلت الغرفه بقيت

انضف بالبيت من الفراغ فتحت كنتور صعب لكيت عنده تراك حلو اخذته و فتت سبحت البس البجامه مالتي لان

بجايمه ما تجيني احس شعري طولان بقيت ادور على مكص لكيته بالمجرات مالت صعب كعدت بغرفته امشط

بشعري هستوني اريد اگصه و نفتح باب الغرفه بقيت لازمه المگص و دايره وجهيي على المرايا صعب مرتكي على الباب و حاضن اديه يباوعلي

ملاذ:-ها هلو

:-كملي

:-شنو

:-گصي شعرج خل نشوف شلون يطلع

:-ها صدك تحجي؟

فات و سد الباب وراه درت وجهي عليه وكف كدامي
:-شكايل على شعرج؟

:-شوف ما احب يصير طويل

:-ما تگصينه

جان يحجي بجديه مبين عليه ضايج
:-هاي هيه شبيك؟

:-ما بيه شي

نزع الجاكيت مالته شمرهه على الجربايه اول مره صعب هيج يشمر ملابسه جان اول ما يجي گبل يسبح و يغسل

ملابسه نزع لحزام و القميص خلاهم على الستره و كبل تمدد على الجربايه استغربت منه اول مره هيج يتصرف حتى ما حجه وياي

كعدت كدامه دار وجهه للجهه الثانيه
:-شبيك صعب؟

:-اريد انام

قربت منه نايم على بطنه و داير وجهه على الجهه الثانيه
خليت ايدي على جبهته عبالي مريض

:-صعب انت مريض؟

:-لا

:-لعد شبيك

:-طفي الكلوب و سدي البرده

كمت من يمه سديت البرده و طفيت الكلوب بقيت واكفه كدام الجربايه اريده يحجي ماكو رجعت لمكاني

:-بابا نعسان انت؟

:-اي

:-باوعلي

:-تعبان بابا اريد انام ما بيه شي

:-شو باوعلي

دار وجهه على جهتي
:-ها

:-انومك؟

:-شتسويلي

:-العب بشعرك

:-نامي عدل خلي اعدل روحي

:-نام مثل كل يوم

:-تمددي

تمددت و المخده جوه ضهريي رافعه نفسي شويه
ما نعسانه بس علموده بقيت شكله تعبان

نزل نفسه و نام على بطني و لف اديه على جسمي

:-صعب

:-همم

بقيت ساكته حايره شحجي
:-لعبي بشعري ملاذ بس ضغطي عليه

بقيت اضغط على راسه لو العب بشعره حسيت عليه نام

:-صعب

:-هممم

:-ما نمت

:-ما اكدر

:-شبيك احد ضوجك

:-ما بيه

:-لعد شبيك هيج حتى شكلك متغير احجيلي

رفع راسه عليه
:-احجيلج؟

:-احجي

كتله هيج و دنك دافن راسه ببطني

:-حركت روحهه ملاذ

:-منوو

:-ملاك اسمهه ملاااك

:-منو ملاك

:-ما تعرفينهه عمرهه 13 سنه بعدهه طفله

:-ليش حركت نفسهه

:-ملاذ الاحجي بينه ما يطلع

:-احجي

:-ابن عمهه و اصدقائه ثنين مغتصبينهه طفله ملااذ طفله تدرين ابن عمهه عمره 25 و مغتصبهه حركت نفسهه ما تحملت الحجي العليهه

احس جسمي قشعر من كلامه
:-ماتت؟

:-لا ملاذ يس الحرك يأذي ياكل بالروح شلون تتحمل و هي طفله و حتى لو عاشت بأي جسم راح تعيش اذت روحهه حيل

:-وابن عمهه شصار وياه؟

:-هذا الراح يكتلني روحي جاي تطلع احس روحي مو كد هيج حمل طلع ملاذ طلع بأي بلد احنه و هيج المذنب

يطلع بس لان ابوه جبير بدوله و لا عبالك اذه روح و جاي تعاني راح يجي يوم ويعيدهه ويه غير وحده و

يدمر حياتهه و هو هم يطلع و هيج راح يدمر الف بنيه شذنبهن و هو باجر عگبه يتزوج و يعيش و يصير ابو فلان

:-الله ياخذ حقهه

:-باست ايدي بوكتهه كالت عمو راح تاخذ حقي يومين بس يومين مرن و حركت روحهه

:-الله يشافيهه بابا هل شي مكتوب مو بيدنه و اكيد ابن عمهه و اصدقائه راح ييتعاقبون اذا مو بالدنيا بلاخره

:-طلع منهه بس والله اكسره شهاب عندي والله نطلع حگهه من بين عيونه ععباله راح تعبر اله و انتهه كلشي اذا مو اهله احنه موجودين و نربيه

:-الله موجود حتى النضره الحرام ما يعبرهه لانسان

:-و نعمه بالله

:-يله نام

:-ما اكدر شفت منضرهه ما يروح من بالي بس اغمض عيوني تصير كدامي

:-صعب تعرف شغله اعرف مو وكته بس لازم احجيهه

:-كولي

:-ملاحظ انت جاي تحجي بالحرك بدون ما يصير بيك
شي

:-اممم
كال هيج و حرك راسه على بطني احس معددتي تنعصر من يسوي هيج

:-اكعد انت مبين ما تنعس

:-خليني مرتاح

:-كوم لان شفتك ضايج بس انت مو مالت واحد ينطيك مجال

:-انطيني ما تخسرين

:-كووووم

:-مرتاااح جاي انسه خليني

:-ههههه لا تجذب كوم شوفني

:-شفتج

:-لا بس شوف شلون طالعه

رفع راسه مني و كعد متربع عدلت كعدتي و شوفته التراك مالته

:-هاا حلوه؟

:-كل يوميه حلوه

:-ادري بروحي بس هذا التراك يحلي اكثر موو

:-تدرين شنو احلى شي عليج؟

:-شنو

:-تشيرت البارحه

ضربت على ايده بقى يضحك

:-اكلج

:-ها

:-شلون فكرتي تگصين شعرج

:-تره اني كل شهر اگصه ما اتحمل

:-خل اشوف بعد تگصينه اطيح حضج

:-اوووي ما احبه

:-انجبي كومي ناكل

:-ما جوعانه

:-اني هم ما جوعان زين جيبي الكتاب خل نقره وراهه ناكل

:-كوم بدل و جيب الكتاب وياك

كام و اني بقيت بالفراش شويه و فات بيده الكتاب كعد بصفي

:-تربعي

كعدت تربعت و انطاني الكتاب تمدد على رجلي

:-يله اقري

:-شوف اقره بس اذا نزلت عيني و لكيتك تباوعلي ما تلوم اله روحك

:-اممم يلهه

فتحت الكتاب و كل شويه اباوعله خاف يباوع عليه
......................
عودة الى الماضي

الصفحه الثامنه عشر

رفيده

-رجعت روح ويانه و عابس رجع لبيتهم من صدك روح طايره كاعدين اني وياهه بالحديقه و هي وين ما تروح لازم الكتاب و تكتب كالت

:-تدرين شي رُفيده
:-شنو

:-احس عابس راح يعوفني

:-شنو ليش هيج تحجين شفتي شي عليه سوالج شي؟

:-لا ما شفت شي اصلا يحبني و ما مقصر بس هذا الاحساس ما يروح مني

:-كولي يالله حبيبتي لا تفكرين

:-خاف من يروح لهله بعد ما يرجع

:-ولج شبيج قابل هو صغير

:-لا اكلج اني شوكت احمل

:-والله عذريني اني مو سونار

:-ههههه طاحضج

جنه نحجي عادي عابس يومين كال و يرجع ثاني يوم جنه كاعدين بالحديقه ندكت باب الشارع بقوه كامت
امي فتحتهه و اني و روح بقينا بالحديقه

شويه و اجت مره لابسه عابيتهه و لافهه مثل الجراويه اسود على راسهه تمشي بهمه بأتجاهنه و امي تركض تريد تلحك بيهه وصلت يمنه صاحت بصوت عالي

:-وووين روح

كمت صرت كدام روح احس روحي شايفه هل مره بس ما اعرف وين امي وصلت يم المره كالتلها

:-استهدي بالرحمان خاله شرايده

دارت علي امي و تحجي بعلو صوتهه

:-اااسكتتي انت ملففيه ك*** لبيتج لفيتن على ابنه و اخذتنه ولجن

:-منو ماخذ ابنج خلي كلامج موزون لا تتجاوزين على بناتي

:-بنت المسيحيه ما تضل وي ابني شردت الولد من عدنه
ننااايم يممنه و يردد بأسمهه خبلت الولد اكتلهم بديه

:-هل كلام ما ينحجي يمنه اذا قربتي لبنتي صدكيني اشوفج وجهي الثاني و يارييت ما تدوسين عتبة بابنه مرة ثانيه

:-شوووفن هل روح هاي والله ما اخليهه تتهنه ويا ابني لو اعرف اسويلهم سحر هم اسوي

:-طلعي بره لو سمحتي

:-اطلع بس مو گبل ما احجي ويه روح

دارت وجهه علينه و صاحت
:-طلعي بت المسيحيه عليمن خايفه الولد و اخذتي

رُفيده:-خاله مو هو فلوس و اخذته تره ابنج هو الشاريهه و انت ليش تحجيين هل حجي هسه تردين جيبي عابس و احجي كدامه هل شي غيير هيج تفضلي برره

:-والله خوش تربايه شوف لساناتجن كل وحده بطول النعال

:-وي امثالج هيج نطلع لسانه لو على كبري ما تحجين ويه روح يله شرفينا

طلعت تهف بعبايتهه و تقسم علينه عبالنه
بس تحجي روح كامت ترجف ووجهه صار اصفر من نوع بسرعه تخاف اخذتهه افرفرها بالحديقه اريدهه تنسى

:-رُفيده خاف امه بعد ما تخلي يجي

:-والله خبلتيني راح اكضج انت و عابس و اركعكم راس براس

:-شفتيهه شلون تحجي و تغلط اكلج لا تحجون لعابس يجوز ما يدري ما اريده يضوج

:-احجيله احسن يرحون يتمادون اليوم اجت امه باجر يجي ابوه وراهه اخوه و هيج احنه نضل كل يوم هبطه

:-ما ادري بس خاف تصير مشاكل خلل اسكت اذا نعادت احجيله

:-ما ادري بكيفج

للعصر اجه عابس من تزوجو لليوم ما شفت عابس ضايج كل ما اشوفه يضحك ما مصدك متزوج

تعشو يمنه و راحو مثل طيور الحب حرفيا روح و عابس جانو طيور

واكفين بالباب اودعهم و فات احمد بسيارته بقى واكف امي شافته ردت افوت لزمت ايدي و صاحت على احمد
اول ما راحو عابس و روح نزل من سيارته وكف يم الباب

:-أأمريني عمه

باوعت عليه كالت
:-وتالي وياكم انتم الثنين تردون هيج تضلون طول عمركم معلكين فضو الموضوع بينكم و بسرعه

:-ما بيناتنه موضوع يوم

:-لا بينه رُفيده شنو معناهه صارلج بالشهر يم اهلج لا تنطيني مجال احجي لا ترجعين و تاليهه

:-مبين شنو تاليهه و تعرف شنو اريد ما يعجبك طلكني اني و اهلك مستحيل نعيش سوه

:-يجرالج التردينه رُفيده

كال هيج و مشه و امي بقت تدمغ بيه
بقيت انتضر روحات عابس علمود روح تجي تملي عليه الفراغ مره هم كاعدين مثل كل مره و الباب ندكت كامت امي تفتحهه و سمعنه صوت............

.....................
مــلاذ

سديت الكتاب باوعت لصعب
:-احبهم صعب

:-وين شفتيهم

:-من الكتاب حبيتهم

:-اممم
:-راح تنام

:-تنامين وياي

:-لا ما انعس

:-جا انه هم ما انام

:-اكلك

:-ها

:-انت شمعرفك بالبنيه ملاك تقرب الك

:-لا

:-جا شمعرفك بيهه

:-شغلي

:-كلي شتشغل والله محد يعرف اصلا اسوي روحي ما سمعت

رفع راسه يباوعلي كال

الصــعب:-اشتغل.........

...........................
بـــرق

-بديت اداوم صف رابع و التقيت ب لورا بقت بس ملاذ ما شايفتهه رحت ادبي بالفرص اطلع اشوف لورا صارت علاقتي بيهه قويه

بده نضري يضعف اكثر من قبل من اباوع للصبوره ما اركز بشي حتلو لابسه النضاره رجعت للبيت ويه ما فتت صحت

:-ششممسووين غده

ردت عليه امي
:-وعليكم السلام

:-مو اخلاقي سوالف السلام هاي سوالف بيلسان انت اما اني لا

باوعت بيلسان كاعده تاكل شمرت الجنطه و كعدت اكل وياهه

سيف طالع يشتغل رغم رجله ستوهه صارت زينه بس يشتغل و امي تخيط

:-اكلج بيلسان

:-ها

:-اني يمكن راح اصير عميه اذا نعميت تتدليني على الدرب

صاحت امي علينه
:-نجبي ولج برق بيش تفاولين على روحج

:-يمه والله ما اشوف شي هسه من اباوع بيكم تشوشون
احسن شي بسالفة نضري ما اشوف اعمامي زين و تلعب روحي منهم

:-بس برق مو زين عليج لازم ترحين شللون تبقين هيج

:-اي والله كولي لمُهره خل تاخذني لا اعمه ياهو يدلين للدرب

:-برق بس اجمع كم فلس اخذج لدكتور زين

بقيت عادي اداوم بس احس كل يوم نضري يزيد عليه
جنت بالفرصه كاعده اسولف ويه لورا و اجت وحده من صفنه كالت

:-برق هذا الددرس اسلاميه راح يجمعونه ويه العلمي

لورا:-ااايي عفيه تعالي يميي

بده الدرس و فتنه اني و لورا متاخرين و الاستاذ واكف علينه رحت كعدت وهي تمشي ورايه صاح عليهه الاستاذ

:-تتمشين بمول

:-لا عفواََ استاذ هذا صف مو مول

الطلاب كامو يضحكون و الاستاذ سكت كعدت بصفهه الاستاذ يشرح و اني فاتحه جنطتهه اخذ منهه اقلام

كال الاستاذ راح اوزعلكم اوراق الامتحان اني اطلع اقلام و همه مهتمين بلاوراق

بده ينطينه صاح اسم لورا انطاهه ورقته جابتهه و اجت بصفي انطتنياهه ماخذه 11 من 15 جمعت الدرجه كالت

:-شوفي برق الجمع 10 مو 11

:-اي يمعوده مو زين يزودج

:-لا خل نكله

:-امداج يجوز يدري

:-اسكتي استااذ استتاذ

:-نعم

وكفت كالتله
:-مزودني درجه اني ما اخذ 11

:-اي ادري
سحبتهه من ايدهه و كعدت

خلص الدرس اخذت الاقلام مالتهه و رحت علاقتي قويه بيهه صارت علاقة اهل من اختي بيلسان و اختهه و
علاقتي اني وياهه

بقيت بين الدوام و البيت من امي و سيف شافو نضري بده يضعف و عيوني جاي تسوء اخذوني لدكتور كلش زين اول ما شافني كال

:-بابا وين جنتي عن عيونج

باوعت على سيف اريده يجاوب كاله
:-جانت تلبس نضاره

:-بس النضاره ما تفيدهه لازم عمليه و اذا متسويي عمليه راح تعمى

احس رجفه صارت بكل جسمي سيف بلع ريكه كاله
:-زين دكتور شكد تكلف؟

:-تكلفكم ****

المبلغ جان جبير رجعنا للبيت و سيف و امي يحاولون يبينون الموضوع عادي اعرف البلغ ما ييكدرون يدبرونه اهلي بهل سهوله كلت بعد ما احجي كدامهم علمود لا يخافون

جنت احجي ويه صديقتي علمود نضري و سمعتنه وحده من الاستاذات جنت شاطره بمادتهه و كلش تحبني تعرف قصة ابويه لذلك علاقتي حلوه بيهه صاحتني بالفرصه كالت

:-برق نضرج ضعيف مو شسويتي على هل موضوع؟

:-اي استاذه رحت دكتور

:-شنو كالج

:-لازم عمليه

:-اي سوي علمود تخلصين من النضاره

دنكت راسي متوتره
:-ان شاء الله

بقت كل فتره تصيحلي و تسألني على نضري تعرف ما نكدر نسوي عمليه هل فتره لان وضعنه كلش ميساعد يا دوب نلحك على مصاريف الدوام و البيت صاحتلي مره كالت

:-برق اني زوجي يستغل بمؤوسسه خيريه مالت ايتاام بس تقدمون عليهه يسولج عمليه على حسابهم

:-لاا شكرا

:-حبيبتي تره هل شي مو من عندي هي مؤسسة تساعد الايتام

:-لا ما اريد

:-ليش ماما اني اخلي زوجي يسويلج كتاب و يكمل كلشي يختارج افضل دكتور

:-بعدين اسوي ما اريد هسه

:-كلي لاهلج برق كتلج هل شي مو مني من الدوله حقكم هذا

:-بس اني ما اريد ما بيه شي شكرا الج

:-ماما حبيبتي سلميلي على امج و كوولي الها

عفتهه و مشيت كعدت بالصف صافنه على الفراغ ما ادري احجي لو لا طول اليوم كضيتهه افكر رجعت للبيت عكس

كل يوم هادئه اسويهه و اخلص امي و سيف من همهم بيه كمللت غده خليت كتبي شفت سيف طالع بره رحت وراه كتله

:-سيف اريد احاجيك

:-تعالي حبيبتي

كعدت يمه
:-شوف سيف هاي استاذه كالت اكو مؤوسسه يسوون عمليه على حسابهم

حجيتله كلشي شبه اقتنع كال
:-نشوف امي شتكول

:-حاجيهه انت

فتنه جوه كال لامي عافت المكينه بقت صافنه علينه كالت..............يتبع

.
.
.
.
.
.
.
.
.للحكايه بقيه
اشتركوا بقناة التليگرام حباََ💚

للحكايه بقيه♥
الوريد♪